اسلام آباد: ایچ آئی وی مخصوص گروپس سے نکل کر عام آبادی میں پھیل رہا ہے، ماہرین صحت کسی ملک پر حملہ کرنے کا ارادہ نہیں، اپنے دفاع کا قانونی اور جائز حق استعمال کررہے ہیں: ایرانی صدر پاکستان سے بہترین تعلقات کے بعد امریکا کیلئے بھارت پر اعتماد کرنا مشکل ہوگیا: بین الاقوامی جریدہ واشنگٹن میں ایران کی صورتحال پر اہم اجلاس، ٹرمپ کی فیلڈ مارشل عاصم منیر سے ٹیلیفونک گفتگو ، امریکی میڈیا امریکا بین الاقوامی سمندروں میں ایرانی آئل ٹینکروں پر قبضے کی تیاری کر رہا ہے: وال اسٹریٹ جرنل اسلام آباد: ایچ آئی وی مخصوص گروپس سے نکل کر عام آبادی میں پھیل رہا ہے، ماہرین صحت ایران پر مسلط جنگ دوبارہ شروع کی گئی تو یہ عالمی جنگ میں تبدیل ہوگی، ایرانی جنرل نے خبردار کردیا

آج کے دور میں لوگ محبت کرنا ہی

2026-04-19

پاکستانی ڈرامہ انڈسٹری کی معروف اداکارہ طوبیٰ انور نے کہا ہے کہ آج کے دور میں لوگ محبت کرنا ہی بھول چکے ہیں۔ ایک نجی ویب شو میں گفتگو کرتے ہوئے ان کا کہنا تھا کہ محبت دراصل توجہ اور خیال رکھنے کا نام ہے، مگر موجودہ وقت میں ناصرف لوگ سچی محبت سے محروم ہیں بلکہ انہیں یہ بھی معلوم نہیں کہ محبت کیسے کی جاتی ہے۔ 31 سالہ اداکارہ کے مطابق ماضی میں ہمارے والدین کے درمیان جو خلوص، لگاؤ اور رومانویت موجود تھی، وہ اب معاشرے سے ختم ہو چکی ہے۔ انہوں نے کہا کہ آج کے دور میں یا تو لوگوں کے پاس بہت زیادہ آپشنز ہیں یا وہ مختلف الجھنوں کا شکار ہیں، جس کی وجہ سے حقیقی محبت کہیں کھو گئی ہے۔ طوبیٰ انور نے اُمید ظاہر کی کہ اللّٰہ تعالیٰ اُن لوگوں کو خوشیاں عطا کرے جو سچی محبت اور خلوص حاصل کر لیتے ہیں۔ انہوں نے فلمی دنیا کے اثرات کا ذکر کرتے ہوئے کہا کہ بچپن میں شاہ رخ خان کی فلمیں دیکھ کر جو یہ تصور بنا تھا کہ محبت ہمیشہ قائم رہتی ہے، وہ اب حقیقت میں نظر نہیں آتا۔ ان کا کہنا تھا کہ شاید ہم حد سے زیادہ فلمی ہو گئے ہیں، مگر اس صورتِ حال پر مجھے شدید تشویش ہے۔

آج کے دور میں لوگ محبت کرنا ہی

2026-04-19

ٹی وی چینل کے بعد بیچ چوراہے

2026-04-19

ٹی وی چینل کے بعد بیچ چوراہے فضا علی کو شوہر کی جانب سے کندھے پر اٹھائے جانے کی ویڈیو بھی سامنے آگئی. سوشل میڈیا صارف سفینہ خان کی جانب سے پوسٹ کی گئی ویڈیو میں دیکھا جا سکتا ہے کہ فضا علی لندن کی ایک سڑک پر جھومتے ہوئے آرہی ہیں جبکہ دوسری جانب ان کے شوہر ان کی طرف آتے دیکھا جا سکتا ہے۔ ان کے شوہر آکر ان سے ہاتھ ملاتے ہیں اور اگلے ہی لمحے انہیں اپنے کندھے پر اٹھا لیتے ہیں۔ ویڈیو پر سوشل میڈیا صارف سفینہ خان نے کیپشن جمایا ہے کہ ایک بار پھر فضا خان کے شوہر نے اپنی اہلیہ کو کندھے پر اٹھا کر نفرت کرنے والوں کو جواب دیدیا۔ یاد رہے کہ اس سے قبل فضا خان کے مارننگ شو کی ایک ویڈیو سوشل میڈیا پر خوب بحث کا سبب بن گئی تھی جس میں اعجاز خان نے لائیو پروگرام میں انہیں اٹھا لیا تھا۔ اس ویڈیو پر پیمرا کی جانب سے انہیں اور ٹی وی چینل کو نوٹس بھجوایا گیا تھا۔ دوسری جانب سوشل میڈیا پر ہونے والی تنقید پر اداکارہ نے بھی اپنے ردعمل کا اظہار انسٹاگرام کی اسٹوری پر کیا اور لکھا کہ ایک چھوٹا سا لمحہ تھا جو بغیر کسی مقصد کے وائرل ہوگیا۔ انہوں نے مزید لکھا کہ میں ہمیشہ اپنے کام اور اپنے دیکھنے والوں کی عزت کرتی ہوں اور آگے بھی اسی عزت کے ساتھ اپنے سفر جاری رکھوں گی۔ خیال رہے یہ بھی واضح نہیں ہے کہ آیا یہ ویڈیو مارننگ شو واقعے سے پہلے فلمائی گئی ہے یا بعد میں۔

ریما نے لندن میں شاہ رخ کے ساتھ

2026-04-19

پاکستان کی معروف اور سینئر اداکارہ ریما خان نے لندن میں شاہ رخ خان کے ساتھ پرفارمنس میں 2 شرائط کے ساتھ کام کرنے کا قصہ سنا دیا۔ پاکستانی فلم و ٹیلی ویژن کی معروف اور سینئر اداکارہ ریما خان نے جیو پوڈکاسٹ میں شرکت کی جہاں انہوں نے شوبز انڈسٹری اور اپنےکیرئیر سمیت بھارت میں کیے گئے اپنے کام کے حوالے سے بھی گفتگو کی۔ ریما خان نے لندن میں ہمایوں سعید، بالی وڈ سپر اسٹار شاہ رخ خان اور اداکارہ پریٹی زنٹا کے ساتھ اسٹیج پرفارمنس کا قصہ سنایا۔ ریما نے شاہ رخ خان کے ساتھ اپنے کام کو یاد کرتے ہوئے بتایا کہ ’میں اپنے کام میں مصروف تھی، انہوں نے میرے کندھے پر ہاتھ رکھ کر بلایا اور کہا آداب مجھے شاہ رخ کہتے ہیں، مجھے بہت شرمندگی ہوئی کہ میں نے سلام کرنے میں پہل نہیں کی کیونکہ میں انہیں ڈسٹرب نہیں کرنا چاہتی تھی اس لیے میں پہل نہیں کی‘۔ ریما نے بتایا کہ ’اتنی ہی دیر میں پریتی زنٹا بھی آگئیں اور مجھے گلے سے لگایا، کہا کہ آپ یہاں ریہرسل کیوں کررہی ہیں ہمارے ساتھ کریں اور دونوں مجھے ہاتھ پکڑ کر لے گئے، ہم نے ساتھ ریہرسل کیں اور پاکستان بھارت کی باتیں کیں‘۔ اداکارہ کا کہنا تھا کہ ’آرٹسٹ ایک دوسرے سے بہت پیار کرتے ہیں، مجھے بتایا گیا کہ پریتی زنٹا کا ڈیزائنر مہیش ملہوترا کا لہنگا ہے آپ کا بھی ویسا ہی بنوایا ہے جس میں تھوڑی کمر نظر آئے گی تو آپ نے بھی یہ ہی پہننا ہے جس پرمیں نے انہیں منع کردیا اور کہا کہ میرا ایک کلچر ہے، جب ہم اپنے ملک کو دنیا کے سامنے دکھا رہے ہیں تو پھر میں پکی حب الوطنی ہوں، میں نے انہیں کہا کہ میں شلوار قمیض اور دوپٹہ پہنوں گی جس پر مجھے کہا گیا کہ آپ گلیمرس(glamorous) نہیں لگیں گی۔ اداکارہ کے مطابق ’میں نے انہیں دوسری شرط رکھتے ہوئے بتایا کہ اگر آپ بھارت کا جتنا بڑا پرچم دکھا رہے ہیں تو میرے ملک کا بھی اتنا بھی بڑا دکھانا پڑے گا ورنہ آپ جسے چاہیں رکھ سکتے ہیں‘۔

بھارتی اداکارہ نے بگ باس شو

2026-04-19

بھارتی اداکارہ نے رئیلیٹی شو بگ باس مراٹھی سیزن چھ کے حوالے سے انکشاف کیا ہے۔ بھارتی میڈیا رپورٹس کے مطابق اداکارہ نے سوشل میڈیا پر ویڈیوز شیئر کیں جن میں ان کے جسم کے مختلف حصوں بشمول کمر، بازو، ٹانگوں اور جسم پر دھبے اور نشانات تھے۔ میڈیا رپورٹس کے مطابق سونالی نے پروڈیوسرز کو قانونی نوٹس بھیجا ہے، جس میں الزام لگایا گیا ہے کہ شو میں شرکت کے دوران انہیں ذہنی اور جسمانی دونوں طرح کی پریشانی کا سامنا کرنا پڑا۔ اداکارہ کے مطابق شو میں حفظانِ صحت کے اصولوں پر بالکل عمل نہیں کیا گیا، جس کی وجہ سے انہیں جلدی بیماری کا سامنا کرنا پڑا۔ سونالی نے بتایا کہ بگ باس مراٹھی کے گھر کے کچن کے اندر چوہے گروسری کھا رہے تھے، کاکروچ کھانے میں ناچ رہے تھے۔ سونالی کی پوسٹ پر سوشل میڈیا صارفین نے کمنٹس کیے اور میکرز پر سخت تنقید کی۔

فرانسیسی فلم اسٹار نتھالی بائے

2026-04-18

معروف فرانسیسی فلم اسٹار نتھالی بائے 77 برس کی عمر میں انتقال کر گئیں۔ ان کے اہل خانہ نے ہفتے کے روز خبر رساں ادارے اے ایف پی کو تصدیق کرتے ہوئے بتایا کہ وہ جمعہ کی شام پیرس میں اپنے گھر پر وفات پا گئیں۔ اہل خانہ کے مطابق نتھالی بائے لیوی باڈی ڈیمنشیا نامی اعصابی بیماری میں مبتلا تھیں، جو ذہنی کیفیت، حرکات اور رویے کو متاثر کرتی ہے اور بعض اوقات فریبِ نظر کا سبب بھی بنتی ہے۔ نتھالی بائے فرانسیسی سنیما کی ایک نمایاں اور بااثر اداکارہ تھیں، جنہوں نے اپنے کیریئر میں تقریباً 80 فلموں میں اداکاری کی اور چار مرتبہ بہترین اداکارہ کا سیزر ایوارڈ اپنے نام کیا۔ انہوں نے 1981 سے 1983 تک مسلسل تین سال یہ اعزاز حاصل کیا، جو ان کے فن کا منہ بولتا ثبوت ہے۔ ان کے کیریئر میں بعد کے برسوں میں بھی عالمی سطح پر اہم کردار سامنے آئے، جن میں ہالی ووڈ فلم “کیچ می اگر یو کین” میں لیونارڈو ڈی کیپریو کی والدہ کا کردار خاص طور پر نمایاں رہا۔ اس کے علاوہ انہوں نے “ڈاؤنٹن ایبی 2” میں بھی اداکاری کی اور کینیڈین ہدایت کار زاویے ڈولان کے ساتھ متعدد فلموں میں کام کیا۔ فلم “این افیئر آف لو” کے لیے انہیں وینس فلم فیسٹیول میں بہترین اداکارہ کا ایوارڈ بھی دیا گیا۔ نتھالی بائے نے معروف فرانسیسی گلوکار جونی ہالیڈے کے ساتھ طویل عرصہ تعلق بھی رکھا، جن کی وفات 2017 میں قومی سوگ کا باعث بنی تھی۔ ان کی بیٹی لورا سمیٹ بھی ایک معروف اداکارہ ہیں۔ نتھالی بائے 1948 میں نارمنڈی میں پیدا ہوئیں۔ انہوں نے کم عمری میں تعلیم چھوڑ کر رقص کی تربیت حاصل کی، جبکہ 1970 کی دہائی میں معروف ہدایت کاروں کے ساتھ کام کرتے ہوئے انہیں فلمی دنیا میں شہرت ملی۔

حمزہ علی عباسی نے

2026-04-18

پاکستانی اداکار اور مذہبی موضوعات پر گفتگو کے حوالے سے معروف شخصیت حمزہ علی عباسی نے ایک حالیہ اسلامی پوڈکاسٹ میں ماضی کے ایک متنازع بیان پر ہونے والی تنقید سے متعلق کھل کر اظہارِ خیال کیا ہے۔ حمزہ علی عباسی نے بتایا کہ ایک پوڈکاسٹ گفتگو کے دوران دیے گئے بیان کے بعد انہیں شدید تنقید کا سامنا کرنا پڑا، حتیٰ کہ متعدد افراد کی جانب سے وارننگ کالز بھی موصول ہوئیں۔ جبکہ کچھ حلقوں نے ان خیالات کو مذہبی حوالے سے نامناسب قرار دیا۔ حمزہ علی عباسی کے مطابق یہ تنازع اس وقت پیدا ہوا جب ان سے اللہ، آخرت اور مذہبی عقائد پر یقین سے متعلق سوال کیا گیا۔ انہوں نے ان عقائد پر اپنے ایمان کا اظہار کیا، تاہم بطور انسان آخرت کا ذاتی تجربہ نہ ہونے کے باعث انہوں نے اپنے جواب کو اسی تناظر میں بیان کیا۔ ان کا کہنا تھا کہ ان کی بات کو غلط انداز میں لیا گیا، جس کے نتیجے میں بعض افراد نے ان پر توہین مذہب جیسے سنگین الزامات عائد کیے اور ان کے ایمان پر بھی سوال اٹھائے۔ انہوں نے مزید بتایا کہ کچھ لوگوں نے دوبارہ کلمہ پڑھنے اور حتیٰ کہ اپنی شادی کی تجدید کرنے کا مشورہ دیا۔ اداکار نے اس صورتحال کو ذہنی اور جذباتی طور پر نہایت مشکل قرار دیتے ہوئے کہا کہ انہیں اس بیان کے بعد وسیع پیمانے پر عوامی تنقید کا سامنا کرنا پڑا۔ حمزہ علی عباسی نے واضح کیا کہ ان کا ایمان مضبوط ہے اور ان کا مقصد ہرگز مذہبی عقائد کی توہین یا ان پر سوال اٹھانا نہیں تھا، بلکہ وہ محض ایک فکری گفتگو کے دوران اپنا نقطۂ نظر بیان کر رہے تھے۔ یاد رہے کہ حمزہ علی عباسی پیارے افضل، من مائل اور الف جیسے مقبول ڈراموں میں اپنی اداکاری کے باعث شہرت رکھتے ہیں، جبکہ حالیہ برسوں میں وہ مذہبی اور روحانی موضوعات پر زیادہ متحرک نظر آتے ہیں۔

پروین شاکر ٹرسٹ کیجانب

2026-04-18

پروین شاکر ٹرسٹ کی جانب سے چیئرمین علامہ اقبال کونسل ذوالفقار احمد چیمہ کی خودنوشت جہد مسلسل اور افکار تازہ کی تقریب پذیرائی منعقد کی گئی۔ اس موقع پر ٹرسٹ کی چیئرپرسن میڈم پروین قادر آغا اور اسٹیج سیکرٹری رحمان فارس اور دوسری شخصیات نے اظہار خیال کیا۔

شان شاہد کی فلم ’سائیکو

2026-04-18

پاکستان فلم انڈسٹری کے معروف اداکار اور ہدایتکار شان شاہد کی بطور ڈائریکٹر نئی فلم ’سائیکو‘ کے ٹیزر کی لانچنگ تقریب ایک مقامی ہوٹل میں منعقد ہوئی، جس میں شوبز انڈسٹری سے وابستہ نمایاں شخصیات نے بڑی تعداد میں شرکت کی۔ رپورٹ کے مطابق تقریب میں فلم کے کو پروڈیوسر خواجہ راحت حسین، شان شاہد، اداکارہ میرا اور پروڈیوسر صفدر ملک سمیت متعدد اہم شخصیات موجود تھیں۔ اس کے علاوہ چیئرمین ڈائریکٹرز ایسوسی ایشن مسعود بٹ، چیئرمین پروڈیوسرز ایسوسی ایشن شہزاد رفیق، معروف رائٹر خلیل الرحمان قمر، اداکار نیر اعجاز، آئی ایم جی سی کے عابد شیخ، اداکار عدنان بٹ، طلعت شاہ، جونی ملک، کوریوگرافر پپو سمراٹ اور عمران احمد سمیت دیگر فنکار بھی تقریب کا حصہ بنے۔ تقریب سے خطاب کرتے ہوئے شان شاہد نے کہا کہ فلم ’سائیکو‘ عید الاضحیٰ کے موقع پر ناظرین کے لیے ایک منفرد تحفہ ثابت ہوگی، جس میں ایک نئی کہانی اور جدید فلمی انداز پیش کیا جائے گا۔ دیگر فنکاروں نے بھی فلم کے معیار اور پاکستانی سینما کی ترقی کے حوالے سے اپنے خیالات کا اظہار کیا۔ تقریب کے اختتام پر فلم کا ٹیزر بھی پیش کیا گیا، جسے شرکاء کی جانب سے بھرپور پذیرائی حاصل ہوئی۔

محبت کا تصور بدل گیا ہے،

2026-04-18

پاکستانی اداکارہ طوبیٰ انور نے کہا ہے کہ موجودہ دور میں محبت کا تصور تبدیل ہو گیا ہے اور اب لوگوں میں وہ جذباتی وابستگی اور خلوص کم ہوتا جا رہا ہے جو ماضی میں نمایاں تھا۔ ایک حالیہ انٹرویو میں محبت سے متعلق سوال کے جواب میں اداکارہ نے کہا کہ آج کے دور میں لوگ توجہ اور خیال رکھنے کو ہی محبت سمجھ لیتے ہیں، تاہم حقیقی جذباتی تعلقات اور گہری وابستگی پہلے کے مقابلے میں کم دکھائی دیتی ہے۔ ان کا کہنا تھا کہ انہیں محسوس ہوتا ہے کہ آج کے معاشرے میں لوگ اس انداز سے محبت نہیں کر پا رہے جیسے پہلے کی نسلوں میں دیکھنے کو ملتا تھا، اور اب رشتوں میں وہ خلوص اور استحکام کم ہوتا جا رہا ہے۔ طوبیٰ انور نے مزید کہا کہ ماضی میں والدین کی نسل کے رشتے زیادہ مضبوط اور واضح ہوتے تھے، تاہم آج کے دور میں مصروف زندگی، مسائل اور مختلف مواقع و آپشنز کے باعث تعلقات کا انداز بدل گیا ہے۔ اداکارہ کے مطابق اب “ہمیشہ ساتھ رہنے” یا فلمی انداز کی محبت جیسے تصورات عملی زندگی میں کم نظر آتے ہیں اور یہ انداز زیادہ تر فلمی دنیا تک محدود ہو چکا ہے۔ انہوں نے کہا کہ جو لوگ حقیقی محبت اور مضبوط رشتوں سے وابستہ ہیں وہ خوش قسمت ہیں، تاہم مجموعی طور پر معاشرتی رویوں میں واضح تبدیلی دیکھنے میں آ رہی ہے۔

شاہ رخ خان کیساتھ پرفارمنس

2026-04-18

پاکستانی فلم و ٹیلی ویژن کی معروف و سینئر اداکارہ ریما خان نے ماضی میں شاہ رخ خان کے ساتھ پرفارمنس کو اپنےکیریئر کے خوبصورت اور یادگار تجربات میں سے ایک قرار دیا۔ پاکستانی فلم و ٹیلی ویژن کی معروف و سینئر اداکارہ ریما خان نے جیو پوڈکاسٹ میں شرکت کی، جہاں انہوں نے شوبز انڈسٹری، اپنےکیریئر کے مختلف ادوار، دورہ بھارت اور ماضی کی چند یادوں پر گفتگو کی۔ جیو کے پوڈکاسٹ میں میزبان مبشر ہاشمی نے ریما خان سے ماضی کی ایک یادگار پرفارمنس کے حوالے سے سوال کیا۔ مبشر ہاشمی نے اس دور کا حوالہ دیتے ہوئے پوچھا کہ جب ریما خان اور ہمایوں سعید نے بالی ووڈ سپر اسٹار شاہ رخ خان اور اداکارہ پریٹی زنٹا کے ساتھ لندن میں اسٹیج پر پرفارم کیا تھا تو وہ تجربہ کیسا تھا۔ اس سوال کے جواب میں ریما خان نے اس لمحے کو اپنے کیریئر کے خوبصورت اور یادگار تجربات میں سے ایک قرار دیا۔ انہوں نے کہا کہ شاہ رخ خان کو اللہ تعالیٰ نے بے پناہ عزت سے نوازا ہے اور انہیں آج بھی بالی ووڈ کا کنگ کہا جاتا ہے اور ان کے ساتھ پرفارم کرنا ایک خوشگوار تجربہ رہا۔ ریما خان نے اپنے بارے میں بات کرتے ہوئے کہا کہ وہ آج بھی انڈسٹری کے باقی سب اداکاراؤں کو خود سے بہتر سمجھتی ہیں کیونکہ ان کا مقابلہ کسی اور سے نہیں بلکہ خود اپنی ذات سے ہوتا ہے۔ یاد رہے کہ شاہ رخ خان، پریتی زنٹا، ہمایوں سعید اور ریما خان نے 2005ء کے زی سینما ایوارڈز میں مل کر فلم ’ویر زارا‘ کے گانے پر پرفارمنس دی تھی جسے شائقین کی جانب سے خوب پسند کیا گیا تھا۔