|
|
|
|
|
وزیراعظم نے کاروباری مراکز
اسلام آباد: حکومت پاکستان نے کاروباری اوقات کار سے متعلق اہم رعایت دے دی۔ وزیراعظم پاکستان شہباز شریف نے 31 مئی تک ملک بھر میں کاروباری مراکز کو بندش کے مقررہ اوقات کار سے استثنیٰ دے دیا۔ کابینہ ڈویژن کی جانب سے جاری نوٹیفکیشن کے مطابق 31 مئی تک ملک بھر میں دکانوں، کاروباری مراکزکو بندش کے مقررہ اوقات سے استثنیٰ حاصل ہو گا۔ نوٹیفکیشن کے مطابق تمام بازار، ڈپارٹمنٹل اسٹورز اور شاپنگ مالز ہفتہ بھر معمول کے مطابق کھلے رہ سکیں گے۔ مزید برآں بیکریز، تندور، ریسٹورنٹس اور کریانہ اسٹورز بھی مقررہ اوقات سے مستثنیٰ ہوں گے۔
حکومت سندھ نے 500 نئی
حکومت سندھ نے 500 نئی ای وی بسوں کی منظوری دے دی جو کہ پبلک پرائیویٹ پارٹنرشپ کے تحت چلائی جائیں گی۔ سندھ اسمبلی میں رکن ایم کیو ایم پاکستان نصیر احمد نے خطاب کرتے ہوئے کہا کہ منگھوپیر کے علاقے میں کوئی پبلک ٹرانسپورٹ نہیں، میں پہلے بھی آواز اٹھا چکا ہوں کہ بسیں چلائی جائیں۔ سینئر وزیر سندھ شرجیل میمن نے سندھ اسمبلی میں اظہار خیال کرتے ہوئے کہا کہ اورنگی، بنارس اور دیگر علاقوں میں بس سروس شروع کریں گے، مختلف روٹس پر بھی نئی بسیں چلائی جائیں گی، تین نئے روٹس شروع کر رہے ہیں،سندھ بھر میں بسوں کا نیٹ ورک بڑھا رہے ہیں۔ شرجیل میمن نے کہا کہ جو نشاندہی کی گئی حکومت اس پر کام کر رہی ہے، حکومت سندھ نے 500 نئی ای وی بسوں کی منظوری دے دی ہے، ٹنڈو الہ یار ،خیر پور اور روہڑی سمیت نئے روٹس شروع کیے ہیں، کراچی میں گلشن معمار سے نیا روٹ شروع کیا ہے۔ رکن ایم کیو ایم معاذ محبوب نے کہا کہ میرے حلقے سمیت ہر جگہ گٹکا ماوا مل رہا ہے، یہ کام پولیس سرپرستی میں ہو رہاہے، منشیات کھلے عام بک رہی ہے، وزیر داخلہ صاحب میرے حلقے میں چلیں میں نشاندہی کروں گا جس پر وزیر داخلہ ضیا الحسن لنجار نے کہا کہ گٹکا ماوے کی روک تھام کے لیے کام کر رہے ہیں۔
پنجاب میں ماڈل ولیج پروگرام کے
وزیراعلیٰ پنجاب مریم نواز کا کہنا ہےکہ پنجاب میں ماڈل ولیج پروگرام کے تحت 2 ہزار دیہات کو جدید سہولتوں سے آراستہ کیا جا رہا ہے، روابط میں اضافےکے لیے شاہراہوں اور بنیادی ڈھانچے کو ترقی دے رہے ہیں۔ آذربائیجان کے دارالحکومت باکو میں ورلڈ اربن فورم سے خطاب میں مریم نواز کا کہنا تھا کہ ستھرا پنجاب میگا پروجیکٹ کے تحت صفائی کا جامع نظام مرتب کیا، ایس سی او نے لاہور کو اہم ثقافتی شہر قرار دیا ہے، سیاحت کے شعبے پر توجہ مرکوز ہے۔ مریم نواز کا کہنا تھا کہ بھرپور مہمان نوازی پر آذربائیجان کی قیادت کی مشکور ہوں، صدر الہام علیوف کی قیادت میں آذربائیجان کی ترقی قابل تحسین ہے، پاکستان کی قیادت اور عوام کی طرف سے محبت کا پیغام لائی ہوں، ورلڈ اربن فورم میں شرکت پر خوشی ہے۔ ورلڈ اربن فورم کی سائیڈ لائنز پر وزیر اعلیٰ پنجاب مریم نواز کی عالمی رہنماؤں کے ساتھ خوشگوار اور تعمیری ملاقاتیں بھی ہوئیں۔ ان رہنماؤں میں بلغاریہ کے صدر رومین رادیو، کرغز ریپبلک کے صدر داسیر جاپارو، ازبکستان کے صدر شووکت میزیر یوو، جارجیا کے وزیر اعظم ارکلی کوباخدیز شامل ہیں۔ ان ملاقاتوں میں پائیدار، مضبوط اور عوام دوست شہری ترقی کے مشترکہ عزم کا اظہار کیا گیا۔ اس سے پہلے مریم نواز نے باکو کے قدیم علاقے میں جا کر تندور میں روٹی بھی بنائی۔
پنجاب کے تعلیمی اداروں
پنجاب کے تعلیمی اداروں میں موسم گرماکی 3 ماہ کی چھٹیاں دینےکا اقدام لاہور ہائیکورٹ میں چیلنج کردیا گیا۔ درخواست آل پاکستان پرائیوٹ اسکولز ایسوسی ایشن نےدائرکی ہے، جسٹس خالد اسحاق درخواست پر کل سماعت کریں گے۔ درخواست میں پنجاب حکومت، محکمہ اسکولز ایجوکیشن دیگرکو فریق بنایاگیا ہے، درخواست گزار نے مؤقف اختیار کیا کہ پنجاب حکومت نے3 ماہ کی موسم گرماکی تعطیلات کا نوٹیفکیشن جاری کیا، پاکستان میں تعلیمی سال کم ہو کر120 دن کارہ گیا ہے، امریکا، انگلینڈ سمیت دیگر ممالک میں تعلیمی سال230 دن کاہے۔ درخواست میں مؤقف اختیار کیا گیا کہ 3 ماہ تعلیمی ادارے بندکرنے سے طلبہ کی پڑھائی متاثر ہوگی، استدعا کی گئی کہ عدالت 3 ماہ تک تعلیمی ادارے بند کرنےکا نوٹیفکیشن کالعدم قراردے۔ درخواست گزار نے مطالبہ کیا کہ عدالت تعلیمی اداروں میں موسم گرماکی تعطیلات 6 سے8 ہفتے کرنے کا حکم دے۔
ملک میں دوبارہ شفاف اور منصفانہ
جمیعت علماء اسلام کے سربراہ مولانا فضل الرحمان نے مطالبہ کیا ہےکہ ملک میں دوبارہ آزاد شفاف اور منصفانہ انتخابات کرائے جائیں تاکہ حقیقی عوامی نمائندگی سامنے آسکے۔ کراچی پریس کلب میں میٹ دی پریس سے خطاب میں مولانا فضل الرحمان کا کہنا تھا کہ صدر زرادی ایوان صدر میں رہتے ہوئے کوئی سیاسی کردار ادا نہیں کرسکتے، انہیں نیچے اتر کر بات کرنا ہوگی۔ مولانا فضل الرحمان کا کہنا تھا کہ اس و قت ملک جس گھمبیر صورتحال سے دوچار ہے اسے سنجیدگی سے لیا جائے، کے پی اور بلوچستان میں امن وامان مخدوش ہے، اندرون سندھ ڈاکوؤں کا راج ہے، حکمران امن وامان کے لیے سنجیدہ نہیں، نہ معیشت کی فکر ہے، آج کوئی شخص روزمرہ کی ضرورت پوری نہیں کرسکتا ہے نہ بچوں کو اچھی تعلیم دلاسکتا ہے، بین الاقوامی حالات کو بنیاد بنا کر عوام پر مہنگائی کا پہاڑگرا دیا گیا ہے۔ مولانافضل الرحمان کا کہنا تھا کہ بظاہر عوام کو ووٹ ڈالنےکی اجازت ہے لیکن عوامی رائے کو بدل دیا جاتا ہے، آج کی پارلیمنٹ کیا قوم کی نمائندہ ہے؟ یہ زبردستی کب تک چلےگی، عوام سے ہی ریاست بنتی ہے، اس پہلو کو نظرانداز کیا جائے تو کیا بچتا ہے۔ ان کا کہنا تھا کہ اٹھائیسویں ترمیم پرحکومت کی طرف سےکوئی واضح بات نہیں آئی، ہم نظام کے اندر رہتے ہوئے ہر معاملے پربات کرنےکے لیے تیار ہیں، ہم نظام سے باہرکسی مسئلے پر بات کرنے کے قائل نہیں، الیکشن دوبارہ شفاف ہوناچاہیے تاکہ ملک آگے بڑھے اور عوام کے مسائل حل ہوں۔ ایک سوال پر انہوں نے کہا کہ پاکستان اور افغانستان ایک دوسرے کے لیے ناگزیر ہیں۔ دونوں ممالک کو مسائل کے حل کے لیے مل کر کام کرنا ہوگا۔
لیگی ایم پی اے عظمیٰ کاردار
لیگی ایم پی اے عظمیٰ کاردار جم کرتے ہوئے سر پر راڈ لگنے سے زخمی ہو گئیں۔ عظمیٰ کاردار کو سروسز ہسپتال میں سر پر ٹانکے لگائے گئے،بعدازاں گفتگو کرتے ہوئے ان کا کہنا تھا کہ روزانہ تقریباً ایک گھنٹہ ٹریننگ کرتی ہوں۔ آج وزن کی ٹریننگ کے دوران راڈ ٹھیک سے بند نہیں کر پائی،ایم پی اے عظمیٰ کاردار سروسز ہسپتال سے ٹریٹمنٹ لینے کے بعد گھر روانہ ہوگئیں۔
پاکستان کا سندھ طاس معاہدے
پاکستان نے سندھ طاس معاہدے کے تحت ثالثی عدالت کے ضمنی فیصلے پر اطمینان کا اظہارکیاہے۔ فیصلے پر ردعمل دیتے ہوئے پاکستان کی جانب سے کہا گیا کہ مغربی دریاؤں پر بھارت کی آبی کنٹرول صلاحیت معاہدے کے تحت ٹھوس حدود کی پابند ہے،پانی کے منصوبوں کی حدود محض رسمی نہیں بلکہ ڈیزائن کے مرحلے پر ہی لاگو ہوتی ہیں۔ رن آف دی ریور منصوبوں میں ذخیرہ آب کا تعین حقیقی ڈیٹا اور عملی ضروریات پر ہونا چاہیے،منصوبہ جاتی پیداواری صلاحیت اور متوقع لوڈ حقیقی، قابل دفاع اور شواہد پر مبنی ہونے چاہئیں۔ فرضی پیداواری صلاحیت یا غیر حقیقی مفروضوں پر ذخیرہ آب میں اضافہ جائز نہیں کیاجاسکتا،آپریشنل یقین دہانیاں تکنیکی شواہد اور ڈیزائن جواز کا متبادل نہیں ہو سکتیں۔ بھارت معاہدے کے تحت منصوبہ جاتی معلومات اور مکمل ڈیٹا فراہم کرنے کا پابند ہے،معلومات کی عدم فراہمی کی صورت میں منصوبے کی معاہدے سے مطابقت ثابت نہیں ہوتی۔ کم از کم پانی کے بہاؤ کی ذمہ داری کو ذخیرہ آب کے حساب میں شامل کرنا لازم ہے،ثالثی عدالت کافیصلہ حتمی، لازمی اور قانونی حیثیت کا حامل ہے۔ پاکستان نے سندھ طاس معاہدے کے تحت حقوق کے تحفظ اور تنازعات کے پُرامن حل کے عزم کا اعادہ کیا۔
وزیر اعلیٰ پنجاب کی ہدایت پر
وزیر اعلیٰ پنجاب کی ہدایت پر ضلع چلاس سے 2 مریض بذریعہ ایمبولنس لاہور منتقل کردئیے گئے۔ گردوں کی موروثی بیماری میں مبتلا 12 سالہ ثنا اللہ اور 14 سالہ عطا اللہ لاہور منتقل کئے گئے،وزیراعلیٰ مریم نواز کے حکم پر ریسکیو کی 2 گاڑیاں خصوصی طور پر چلاس بچوں کو ریسکیو کرنے گئیں۔ وزیر اطلاعات پنجاب عظمیٰ بخاری کا کہنا تھا کہ دونوں بچوں کو مکمل نگہداشت کے ساتھ پی کے ایل آئی منتقل کر دیا گیا ہے،جہاں ڈاکٹرز کی خصوصی ٹیم بچوں کا علاج اور نگہداشت کرے گی۔ وزیر اعلیٰ پنجاب مریم نواز کا ویژن عوام کی بلا تفریق خدمت ہے،چلاس کے بچوں کی ایئر ایمبولینس کے ذریعے منتقلی اسی وژن کا آئینہ دار ہے،مریم نواز انسانیت کی خدمت کو سیاست سے بالا تر رکھنا جانتی ہیں۔
اسپیکر کے پی اسمبلی نے گندم
اسپیکر کے پی اسمبلی نے گندم اور گیس بحران پر ہنگامی اجلاس طلب کرلیا۔ اعلامیہ کے مطابق اجلاس کل صبح 11 بجے رحمان بابا کانفرنس روم میں ہوگا،اجلاس میں پنجاب سے گندم اور آٹے کی ترسیل پر پابندی سے متعلق لائحہ عمل پر بات ہوگی۔ گیس کی محدود سپلائی اور سی این جی بندش پر بھی غور کیا جائیگا،گورنر فیصل کریم کنڈی، وزیراعلیٰ سہیل آفریدی اور پارلیمانی لیڈرز کو اجلاس میں مدعو کرلیا گیا۔ وزیر قانون، وزیر اطلاعات اور مشیر خزانہ بھی اجلاس میں شریک ہوں گے،چیف سیکریٹری، ایڈووکیٹ جنرل اور متعلقہ سیکریٹریز کو بھی طلب کرلیاگیا۔
سندھ طاس معاہدے پر پی اے سی
پیپلز پارٹی کی سینئر رہنما شیری رحمان کا کہنا ہے کہ سندھ طاس معاہدے پر پی اے سی کافیصلہ پاکستان کی قانونی فتح ہے۔ اپنے ایک بیان میں انہوں نے کہا کہ بھارت کی ہٹ دھرمی کو بین الاقوامی فورمز پر کڑے سوالات کا سامنا ہے،پاکستان نے ہر مرحلے پر قانون، سفارتکاری اور اصولی مؤقف کا راستہ اپنایا۔ پی اے سی کے فیصلے نے بھارت کے مؤقف کی کمزوری عالمی سطح پر بے نقاب کر دی،سندھ طاس معاہدہ خطے کے استحکام اور ذمہ دارانہ طرزِ عمل کی بنیاد ہے۔ دنیا دیکھ رہی ہے کہ پاکستان نے ذمہ داری، تحمل اور بردباری کا مظاہرہ کیا۔
ایٹمی ہمسایہ ملک کو جغرافیہ
پاک فوج نے بھارتی آرمی چیف کے بیان کو ذہنی دیوالیہ پن کا عکاس قرار دے دیا۔ پاک فوج کے شعبہ تعلقات عامہ (آئی ایس پی آر ) نے بھارتی آرمی چیف کے حالیہ انٹرویو میں دیے گئے بیان پر سخت ردعمل دیتے ہوئے اسے اشتعال انگیز قرار دیا ہے۔ آئی ایس پی آر کے مطابق بھارتی آرمی چیف نے اپنے بیان میں کہا کہ پاکستان فیصلہ کرے کہ وہ جغرافیہ اور تاریخ کا حصہ بننا چاہتا ہے یا نہیں۔ ترجمان نے کہا کہ بھارت کی بدخواہی کے برعکس پاکستان ایک ایٹمی طاقت اور خطے کی ناقابل تردید حقیقت ہے۔ بیان میں کہا گیا کہ بھارتی قیادت آٹھ دہائیاں گزرنے کے باوجود بھی پاکستان کے وجود کو تسلیم نہیں کر سکی، جبکہ تکبر اور جنگی جنون ماضی میں بھی جنوبی ایشیا کو جنگوں اور بحرانوں کی طرف دھکیلتا رہا ہے۔ آئی ایس پی آر نے کہا کہ ایک ایٹمی ہمسائے کو مٹانے کی دھمکی دینا نہ کوئی اسٹریٹجک اشارہ ہے اور نہ ہی سفارتی دباؤ، کیونکہ ایسی کسی بھی جغرافیائی تباہی کے نتائج باہمی اور ہمہ گیر ہوں گے۔ بھارتی آرمی چیف کی ایٹمی ہمسایہ ملک کو جغرافیہ سے مٹانے کی دھمکی ذہنی دیوالیہ پن، جنگی جنون اور اشتعال انگیزی کی مظہر ہے۔ ذمہ دار ایٹمی ریاستیں تحمل، سنجیدگی اور اسٹریٹجک بصیرت کا مظاہرہ کرتی ہیں اور کسی قوم کے خاتمے یا تہذیبی برتری کی زبان استعمال نہیں کرتیں۔ آئی ایس پی آر نے کہا کہ بھارت خطے میں دہشتگردی کی سرپرستی اور سرحد پار ٹارگٹ کلنگز میں ملوث رہا ہے جبکہ دہلی کی جارحانہ زبان پاکستان کو نقصان پہنچانے میں ناکامی پر مایوسی کی عکاس ہے۔ بیان میں خبردار کیا گیا کہ بھارتی قیادت خطے کو جنگ کی طرف دھکیلنے سے باز رہے کیونکہ اس کے نتائج تباہ کن ہوں گے۔ آئی ایس پی آر نے زور دیا کہ بھارت پاکستان کی اہمیت تسلیم کرے اور پُرامن بقائے باہمی کا راستہ اختیار کرے جبکہ پاکستان کو نشانہ بنانے کی کسی بھی کوشش کے نتائج بھارت کیلئے قابل قبول نہیں ہوں گے۔
ڈیجیٹل روابط ترقی اور عوامی
صدر مملکت آصف علی زرداری نے کہا ہے کہ ڈیجیٹل روابط ترقی اور عوامی خدمات کیلئے ناگزیر ہیں۔ صدر آصف علی زرداری نے عالمی یوم ٹیلی کمیونی کیشن و انفارمیشن سوسائٹی کے موقع پر اپنے پیغام میں کہا ہے کہ ڈیجیٹل روابط آج تعلیم، صحت، تجارت اور عوامی خدمات کی بنیادی ضرورت بن چکے ہیں۔ صدر مملکت نے کہا کہ دور دراز علاقوں میں ڈیجیٹل رسائی معاشی مواقع اور معلومات تک پہنچ کا اہم ذریعہ ثابت ہو رہی ہے۔ انہوں نے بتایا کہ پاکستان میں ٹیلی کام صارفین کی تعداد 205 ملین سے تجاوز کر چکی ہے جبکہ براڈبینڈ صارفین کی تعداد 161 ملین سے زائد ہو گئی ہے۔ صدر آصف علی زرداری کے مطابق حکومت ملک بھر میں ڈیجیٹل رسائی اور رابطہ کاری کے فروغ کیلئے مسلسل کوشاں ہے، جبکہ یونیورسل سروس فنڈ کے ذریعے لاکھوں افراد کو براڈبینڈ اور وائس سروسز فراہم کی جا چکی ہیں۔ انہوں نے کہا کہ فائبر نیٹ ورک کی توسیع اور سیٹلائٹ کمیونی کیشن ضوابط پر بھی کام جاری ہے۔ صدر مملکت نے زور دیا کہ قابلِ اعتماد رابطہ کاری معاشی ترقی اور مؤثر عوامی خدمات کیلئے ناگزیر ہے۔ صدر نے وزارت آئی ٹی، پاکستان ٹیلی کمیونیکیشن اتھارٹی اور موبائل آپریٹرز کی خدمات کو بھی قابلِ تحسین قرار دیا۔ انہوں نے کہا کہ فائبر نیٹ ورک کی توسیع اور سیٹلائٹ کمیونی کیشن ضوابط پر بھی کام جاری ہے۔ صدر مملکت نے زور دیا کہ قابلِ اعتماد رابطہ کاری معاشی ترقی اور مؤثر عوامی خدمات کیلئے ناگزیر ہے۔ صدر نے وزارت آئی ٹی، پاکستان ٹیلی کمیونیکیشن اتھارٹی اور موبائل آپریٹرز کی خدمات کو بھی قابلِ تحسین قرار دیا۔
سعودی عرب کے مفتی اعظم
سعودی عرب کے مفتی اعظم شیخ صالح الفوزان نے ماہ ذوالحجہ کے موقع پرمسلمانوں کے نام خصوصی پیغام جاری کر دیا۔ مفتی اعظم نے مسلمانوں سے کہا ہے کہ وہ ذوالحجہ کے مہینے کے پہلے 10 دنوں میں زیادہ سے زیادہ اعمال صلاح اور عبادات کریں۔ ان کا کہنا تھا کہ ان دنوں میں نماز، صدقات، روزے اور ذکرِ الٰہی جیسے اعمال اللہ تعالیٰ کو انتہائی محبوب ہوتے ہیں۔انہوں نے یومِ عرفہ کے روزے کی فضیلت بیان کرتے ہوئے کہا کہ غیر حجاج کیلئے اس دن کا روزہ 2 سال کے گناہوں کا کفارہ بنتا ہے۔ انہوں نے اپنے پیغام میں قربانی کرنے والے افراد سے کہا کہ وہ چاند نظر آنے کے بعد سے قربانی کرنے تک ناخن اور بال کاٹنے سے گریز کریں۔
خیبرپختونخوا کابینہ کے نئے
خیبرپختونخوا کابینہ کے نئے اراکین نے حلف اٹھا لیا۔ گورنر ہاؤس پشاور میں نئے صوبائی وزراء کی حلف برداری کی تقریب منعقد ہوئی، جہاں گورنر فیصل کریم کنڈی نے نومنتخب وزراء سے حلف لیا۔ حلف اٹھانے والوں میں شفیع جان، شکیل احمد، طارق محمود، نذیر عباسی، عارف احمد زئی شامل ہیں جنہوں نے بطور صوبائی وزراء اپنے عہدوں کا حلف اٹھایا۔ نامزد وزیر عدنان قادری ملک سے باہر ہو نے کے باعث حلف برداری تقریب میں شریک نہ ہو سکے،واضح رہے کہ گزشتہ روز گورنر خیبرپختونخوا فیصل کریم کنڈی نے کابینہ میں توسیع کی منظوری دی تھی۔ وزیراعلیٰ خیبر پختونخوا محمد سہیل آفریدی نے صوبائی کابینہ میں توسیع کے حوالے سے 18 ناموں پر مشتمل سمری تیار کی تھی، صوبائی حکومت کی جانب سے 6 نئے وزراء ، 4 مشیر اور 8 معاونین خصوصی کو صوبائی کابینہ میں شامل کیا گیا ہے۔
اسلام آباد اغواء کیس
اسلام آباد: وفاقی دارالحکومت سے مبینہ طور پر اغواء ہوکر کچے پہنچنے والے شہری کے معاملے کا ڈراپ سین ہو گیا۔ پولیس نے دعویٰ کیا ہے کہ شہری نے خود ہی اغواء کا ڈرامہ رچایا تھا۔ پولیس ذرائع کے مطابق ملزم نورالدین نے اپنے دو دوستوں کی مدد سے اغواء کی جعلی ویڈیوز بنا کر سوشل میڈیا پر وائرل کی۔ ملزم کا مقصد مبینہ طور پر مخالفین کے خلاف مقدمات درج کروانا اور خود پر واجب الادا رقوم سے بچنا تھا۔ ذرائع کے مطابق نورالدین نے مختلف افراد سے فراڈ کے ذریعے بھاری رقوم حاصل کر رکھی تھیں اور رقم واپس کرنے کے بجائے اغواء کا ڈرامہ ترتیب دیا۔ ایس پی سٹی ایاز اور ان کی ٹیم نے جدید ٹیکنالوجی اور ہیومن انٹیلیجنس کی مدد سے کارروائی کرتے ہوئے ملزم اور اس کے دونوں ساتھیوں کو رحیم یار خان سے گرفتار کر لیا۔ یاد رہے کہ نورالدین کی گمشدگی کا مقدمہ یکم مئی کو تھانہ آبپارہ میں اس کے بھائی سیف الدین کی مدعیت میں درج کیا گیا تھا، جس میں مؤقف اختیار کیا گیا تھا کہ نورالدین کو اسلام آباد سے اغواء کیا گیا ہے۔ پولیس نے گرفتار ملزمان کے خلاف مزید قانونی کارروائی شروع کردی ہے۔
ایران پر فیصلہ کن حملہ
امریکی صدر ڈونلڈ ٹرمپ نے کہا ہے کہ ایران پر فیصلہ کن حملہ پاکستان کی درخواست پر روکا۔ صدر ڈونلڈ ٹرمپ نے انٹرویو میں انکشاف کیا کہ ایران پر فیصلہ کن حملہ پاکستان کے بعض بہت اچھے لوگوں کی درخواست پر روکا، وہ شخصیات ایران کے بہت قریب ہیں، انہوں نے کہا کہ کیا آپ رک سکتےہیں، ہم ڈیل کرادیں گے۔ ڈونلڈ ٹرمپ نے فوکس نیوز کو انٹرویو دیتے ہوئے کہا کہ امریکا ایران کے معاملے میں وہی کرے گا جو درست ہوگا۔ انہوں نے کہا کہ آبنائے ہرمز کھلی رہے گی اور ایران کو جوہری ہتھیار حاصل نہیں کرنے دیں گے۔ امریکی صدر کا کہنا تھا کہ دنیا معمول کے مطابق آگے بڑھے گی، انہوں نے چین اور تائیوان کے حوالے سے بھی گفتگو کرتے ہوئے کہا کہ چینی صدر کے لیے تائیوان ہمیشہ اہم مسئلہ رہا ہے، تاہم جب تک میں موجود ہوں، مجھے نہیں لگتا چین کوئی بڑا اقدام کرے گا۔ ڈونلڈ ٹرمپ نے مزید کہا کہ وہ چاہتے ہیں تائیوان میں چِپ بنانے والی تمام کمپنیاں امریکا منتقل ہو کر اپنی پیداوار کریں۔
پُرامن اور متحد معاشرے کا قیام
وزیراعظم شہباز شریف نے کہا ہے کہ پُرامن اور متحد معاشرے کا قیام حکومت کی ترجیح ہے۔ وزیراعظم نے پُرامن باہمی طرزِ زندگی کے عالمی دن کے موقع پر اپنے پیغام میں کہا ہے کہ پاکستان عالمی برادری کے ساتھ مل کر یہ دن منا رہا ہے اور پُرامن، متحد اور روادار معاشرے کا قیام حکومت کی اولین ترجیح ہے۔ وزیراعظم نے کہا کہ پُرامن اور متحد معاشرے کی تعمیر پاکستان کی بصیرت افروز قومی وراثت اور آئینی ذمہ داری ہے۔ اُن کا کہنا تھا کہ آئینِ پاکستان ہر شہری کو نسلی، فرقہ وارانہ اور علاقائی تعصبات کے خلاف مکمل تحفظ فراہم کرتا ہے۔ شہباز شریف نے کہا کہ پاکستان میں زبانوں، ثقافتوں اور مختلف مسالک کا تنوع ہماری معاشرتی مضبوطی اور قومی یکجہتی کا مظہر ہے، انہوں نے کہا کہ حکومت فکری اور عملی انتہا پسندی کے خاتمے کیلئے پیغامِ پاکستان جیسے مثبت قومی بیانیے پر کاربند ہے۔ وزیراعظم کے مطابق خواتین، بچوں اور محروم طبقات کے حقوق کے تحفظ کیلئے قومی ایکشن پلان برائے انسانی حقوق تشکیل دیا گیا ہے جبکہ ملک کے پہلے قومی ایکشن پلان برائے کاروبار و انسانی حقوق پر بھی عملدرآمد جاری ہے۔ انہوں نے مزید کہا کہ انسانی حقوق کے تحفظ اور مؤثر نگرانی کیلئے قومی کمیشن کے ساتھ ضلعی سطح پر بھی کمیٹیاں قائم کر دی گئی ہیں تاکہ عوام کو انصاف اور مساوی حقوق کی فراہمی یقینی بنائی جا سکے۔
مقبوضہ کشمیر کے سابق وزیر اعلیٰ
مقبوضہ کشمیر کے سابق وزیر اعلیٰ فاروق عبداللہ نے پاکستان سے مذاکرات کے لیے بھارتی انتہاپسند جماعت آر ایس ایس اور سابق بھارتی آرمی چیف کے بیانات کی حمایت کردی۔ مقبوضہ کشمیر کے سابق وزیر اعلیٰ فاروق عبداللہ نے اپنے ایک بیان میں پاکستان سے مذاکرات کے لیے آر ایس ایس اور سابق بھارتی آرمی چیف کے بیانات کو خوش آئند قرار دے دیا۔ انہوں نے کہاکہ کسی کو تو خیال آیا کہ جنگ کوئی آپشن نہیں ،مذاکرات سے ہی مسائل کا حل نکالا جاسکتا ہے۔ 2 روز پہلے آر ایس ایس کے سیکرٹری جنرل "دتاتریہ ہوسابالے" نے کہا تھا بھارت کو ہمیشہ پاکستان سے مذاکرات کے لیے تیار رہنا چاہیے، بات چیت کے دروازے بند نہیں کرنے چاہییں۔ اس کے بعد بھارتی فوج کے سابق سربراہ منوج نروانے نے کہا تھا دونوں طرف لوگوں کے مسائل ایک جیسے ہیں،ان کا سیاست سے کوئی لینا دینا نہیں۔
ڈونلڈ ٹرمپ نے دورہ چین
امریکی صدر ڈونلڈ ٹرمپ نے دورہ چین کو کامیاب اور تاریخی قرار دے دیا۔ دورہ چین کے بعد واپس وائٹ ہاؤس میں میڈیا سے گفتگو میں ڈونلڈ ٹرمپ نے کہا کہ چین کے ساتھ بڑے تجارتی معاہدے ہوئے، ہمارے تعلقات بہترین ہیں۔ اس سے پہلے صحافیوں سے گفتگو میں ڈونلڈ ٹرمپ کا کہنا تھا انہیں ایران کا جوہری پروگرام 20 سال کے لیے معطل کرنے پر اعتراض نہیں لیکن ایران کا عزم حقیقی ہونا چاہیے۔ ان کا یہ بھی کہنا تھا کہ چین کے صدر شی جن پنگ کے ساتھ جوہری ہتھیاروں میں کمی اور تائیوان کے معاملے پر بات چیت ہوئی، تائیوان سے متعلق امریکی پالیسی میں کوئی تبدیلی نہیں آئی۔ امریکی صدر ڈونلڈ ٹرمپ کا کہنا تھا لگتا ہے تائیوان پر کوئی تنازع نہیں ہونے جا رہا، ابھی تائیوان کو ہتھیار فراہم کرنے کی منظوری نہیں دی۔
ملیسی: شوہر سے جھگڑا
میلسی میں ایک گھر سے ماں اور اس کے تین بچوں کی لاشیں ملنے کے واقعے کی تفتیش میں اہم پیشرفت سامنے آئی ہے۔ پولیس کے مطابق میلسی کے علاقے فتح پور میں ماں نے سوتے ہوئے تینوں بچوں کو کہلاڑی کے وار سے قتل کیا اور پھر بعد میں خودکشی کرلی، ابتدائی تفتیش کے مطابق واقعے کی وجہ میاں بیوی کے درمیان گھریلو جھگڑا ہے۔ پولیس کا کہنا ہے کہ خاتون کے شوہر کو بھی تفتیش کے لیے حراست میں لیا گیا ہے، جاں بحق بچوں کی عمریں 3 سے 8 سال کے درمیان ہیں جبکہ خاتون کی عمر30سال ہے۔ جاں بحق خاتون اور بچوں کا ٹی ایچ کیو اسپتال میلسی میں پوسٹ مارٹم کیا گیا، واقعے کا مقدمہ خاتون کے بھائی کی مدعیت میں درج کیا گیا۔
مولانا ادریس کے قتل کیس
پشاور: چند روز قبل قاتلانہ حملے میں شہید ہونے والے جے یو آئی کے سابق رکن اسمبلی مولانا ادریس قتل کیس میں 7 اہم گرفتاریاں عمل میں لائی گئی ہیں۔ تفتیشی حکام کی جانب سے بتایا گیا ہے کہ 7 اہم ملزمان کو گرفتار کیا گیا ہے، مبینہ ملزمان مردان ریجن سےگرفتار ہوئے جن سے تفتیش کی جا رہی ہے۔ حکام نے یہ بھی بتایا کہ پشاور، چارسدہ اور نوشہرہ کے مختلف علاقوں کی جیوفینسنگ کا عمل بھی جاری ہے جبکہ ایک مبینہ ٹارگٹ کلرکے چارسدہ سے فرار ہونےکی ویڈیو کا جائزہ بھی لیا جا رہا ہے۔ تفتیشی حکام کے مطابق سی سی ٹی وی فوٹیجز میں مبینہ ٹارگٹ کلر پشاور کے علاقہ چکمنی اورکوہاٹ روڈ پردیکھا گیا، واقعے والے دن مبینہ ٹارگٹ کلر موٹرسائیکل پر چمکنی سے سروس روڈ کے ذریعے صبح ساڑھے 5 بجے چارسدہ پہنچا۔ تفتیشی حکام نے مزید بتایا کہ تحقیقات میں سیف سٹی ٹیم اوردیگر تفتیشی یونٹس کی معاونت بھی حاصل ہے۔ واضح رہے چارسدہ میں 5 مئی کو نامعلوم دہشتگردوں نے نامور عالم دین مولانا شیخ ادریس کو فائرنگ کرکے شہید کر دیا تھا۔
ایران یاد رکھے کہ میں مزید
امریکا کے صدر ڈونلڈ ٹرمپ نے ایران کے حوالے سے سخت مؤقف اختیار کرتے ہوئے کہا ہے کہ وہ مزید زیادہ صبر کا مظاہرہ نہیں کریں گے اور تہران کو فوری طور پر واشنگٹن کے ساتھ معاہدہ کرنا چاہیے۔ فاکس نیوز کو دیے گئے ایک انٹرویو میں ٹرمپ نے کہا، “میں زیادہ دیر تک انتظار نہیں کروں گا، انہیں معاہدہ کرنا چاہیے۔” انہوں نے ایران سے افزودہ یورینیم واپس لینے کے معاملے کو سیکیورٹی کے بجائے زیادہ تر “تاثر” کا مسئلہ قرار دیا۔ ٹرمپ کا کہنا تھا کہ انہیں ذاتی طور پر یورینیم حاصل کرنے سے اطمینان ہوگا، تاہم یہ اقدام زیادہ تر عوامی تاثر کے لیے اہم ہے، نہ کہ کسی بڑی سیکیورٹی ضرورت کے تحت۔ امریکا، جو دنیا کے ان چند ممالک میں شامل ہے جن کے پاس جوہری ہتھیار موجود ہیں، ایران سے مطالبہ کرتا ہے کہ وہ اپنے اعلیٰ درجے کے افزودہ یورینیم کے ذخائر ملک سے باہر منتقل کرے اور مقامی سطح پر افزودگی ترک کرے۔ دوسری جانب ایران، جو جوہری ہتھیار رکھنے کی تردید کرتا ہے، مؤقف رکھتا ہے کہ اسے جوہری عدم پھیلاؤ معاہدے کے تحت پرامن مقاصد کے لیے جوہری ٹیکنالوجی، بشمول افزودگی، کے استعمال کا حق حاصل ہے۔ ایرانی پارلیمان کے ترجمان ابراہیم رضائی نے حال ہی میں کہا تھا کہ اگر ایران پر دوبارہ حملہ ہوا تو وہ یورینیم کو 90 فیصد تک افزودہ کر سکتا ہے، جو ہتھیاروں کے درجے کی سطح سمجھی جاتی ہے۔ امریکا اور ایران کے درمیان پانچ ہفتوں سے زائد عرصے سے جاری جنگ بندی نازک صورتحال میں ہے، جبکہ دونوں ممالک کے درمیان کسی حتمی معاہدے کے آثار بھی واضح نہیں ہیں۔ یاد رہے کہ امریکا اور اسرائیل نے 28 فروری کو ایران پر حملے کیے تھے، جس کے جواب میں تہران نے اسرائیل اور خلیجی ممالک میں موجود امریکی اڈوں کو نشانہ بنایا۔ اس کشیدگی کے نتیجے میں ہزاروں افراد ہلاک اور لاکھوں بے گھر ہو چکے ہیں۔ انسانی حقوق کی تنظیموں نے جنگ کے دوران ٹرمپ کے بیانات پر بھی تنقید کی ہے، جن میں شہری تنصیبات کو نشانہ بنانے اور ایران کی مکمل تباہی کی دھمکیاں شامل ہیں۔
بلاول بھٹو نے شازیہ مری کو پریس کانفرنس
پاکستان پیپلز پارٹی کے چیئرمین بلاول بھٹوزرداری نے پریس کانفرنس کے دوران شازیہ مری کو جھاڑدیا جس کی ویڈیو سوشل میڈیا پر وائرل ہوگئی۔ ۔ بلاول بھٹو زرداری سے بے نظیرانکم سپورٹ پروگرام صوبوں کے حوالے کرنے کے حوالے سے سوال کیا گیا تو اس پر بلاول نے کہا کہ مجھے اس کا پتہ نہیں جس پر شازیہ مری نے مداخلت کرتے ہوئے کہا کہ ایک وفاقی وزیرنے یہ کہا ہے جس پر بلاول نے کہا کہ میں نے آپ سے نہیں پوچھا۔ بلاول بھٹوزرداری کے اس جواب پر شازیہ مری نے کہا کہ سرمیں بتارہی تھی اس پر بلاول نے تھوڑے غصے کے انداز میں کہا کہ شکریہ، شکریہ آپ کا۔ جیسے ہی اس واقعے کی ویڈیو سوشل میڈیا پر وائرل ہوئی تو صارفین نے اپنے اپنے انداز میں اس پر تبصرے شروع کردیے جس میں بیشتر صارفین نے اسے جھاڑ قراردیا۔
آبنائے ہرمز سمیت دیگر تجارتی
ڈونلڈ ٹرمپ اور چین کے صدر شی جی پنگ کے درمیان اہم ملاقات ہوئی جس میں عالمی صورتحال اور تجارتی امور سمیت مختلف معاملات پر تفصیلی بات چیت کی گئی۔ ملاقات کے دوران دونوں رہنماؤں نے اس بات پر زور دیا کہ اہم بحری گزرگاہیں، خصوصاً آبنائے ہرمز سمیت دیگر تجارتی راستے کھلے اور محفوظ رہنے چاہئیں۔ امریکی صدر ڈونلڈ ٹرمپ نے کہا کہ چین کے ساتھ تجارتی معاہدوں کے ذریعے کئی اہم مسائل حل کرنے میں پیش رفت ہوئی ہے۔ انہوں نے مزید کہا کہ وہ نہیں چاہتے کہ ایران کے پاس جوہری ہتھیار ہوں اور اس حوالے سے بھی بات چیت کی گئی۔ ٹرمپ نے اپنے دورہ چین کو “کامیاب اور فائدہ مند” قرار دیتے ہوئے کہا کہ اس سے دونوں ممالک کے تعلقات اور تجارت کو فروغ ملے گا۔ ملاقات کے بعد ژونگ نان ہائی کے باغات میں دونوں رہنماؤں نے چہل قدمی بھی کی، جہاں ٹرمپ نے باغات میں موجود گلاب کی خوبصورتی کی تعریف کی۔ انہوں نے کہا کہ یہاں کے گلاب نہایت خوبصورت ہیں۔ اسی موقع پر چینی صدر شی جن پنگ نے امریکی صدر کو گلاب کے بیج تحفے میں دینے کا وعدہ بھی کیا، جسے دونوں ممالک کے درمیان دوستانہ تعلقات کی علامت کے طور پر دیکھا جا رہا ہے۔
ایران کے مسئلے کا کوئی فوجی
ایرانی وزیرخارجہ عباس عراقچی نے کہا ہے کہ ایران کے مسئلے کا کوئی فوجی حل موجود نہیں اور اگر وطن پر آنچ آئی تو پوری قوم ہر قربانی دینے اور لڑنے کے لیے تیار ہے۔ عباس عراقچی نے کہا کہ خطے میں کشیدگی اور دباؤ کے باوجود ایران اپنے قومی مفادات اور خودمختاری پر کوئی سمجھوتہ نہیں کرے گا۔ انہوں نے واضح کیا کہ جنگ اور طاقت کا استعمال مسائل کا حل نہیں بلکہ مذاکرات اور سفارت کاری ہی آگے بڑھنے کا واحد راستہ ہیں۔ ایرانی وزیرخارجہ کا کہنا تھا کہ اگر ایران پر کسی بھی قسم کی جارحیت مسلط کی گئی تو قوم متحد ہو کر اپنے ملک کا دفاع کرے گی۔ انہوں نے کہا کہ ایرانی عوام نے ہمیشہ مشکل حالات میں ثابت کیا ہے کہ وہ اپنے وطن کی سلامتی پر کوئی آنچ نہیں آنے دیں گے۔ عباس عراقچی نے عالمی برادری پر زور دیا کہ خطے میں مزید کشیدگی بڑھانے کے بجائے سیاسی حل اور مذاکرات کو فروغ دیا جائے تاکہ مشرق وسطیٰ کو کسی بڑے بحران سے بچایا جا سکے۔ انہوں نے مزید کہا کہ ایران خطے میں امن اور استحکام کا خواہاں ہے تاہم اپنی خودمختاری اور قومی سلامتی کے تحفظ کے لیے ہر ممکن اقدام کیا جائے گا۔
میں نے ایران معاملہ ایک
سابق امریکی صدر باراک اوباما نے کہا ہے کہ میں نے ایران معاملہ ایک میزائل فائر کیے بغیر کامیابی سے حل کیا۔ باراک اوباما نے ایران کے معاملے پر صدر ڈونلڈ ٹرمپ کو شدید تنقید کا نشانہ بناتے ہوئے کہا کہ انہوں نے اپنے دورِ حکومت میں ایران کا معاملہ ایک بھی میزائل فائر کیے بغیر کامیابی سے حل کیا تھا۔ باراک اوباما کا کہنا تھا کہ ان کی حکومت ایران سے 97 فیصد افزودہ یورینیم نکلوانے میں کامیاب رہی اور یہ تمام عمل خوش اسلوبی سے مکمل ہوا۔ انہوں نے کہا کہ نہ بڑی جنگ کی ضرورت پیش آئی، نہ بے شمار لوگوں کی جانیں گئیں اور نہ ہی آبنائے ہرمز بند کرنا پڑی۔ اوباما نے مزید کہا کہ ڈونلڈ ٹرمپ کی شروع کردہ ایران جنگ اپنے اہداف حاصل کرنے میں ناکام رہی جبکہ سفارت کاری اور مذاکرات کے ذریعے مسائل کا بہتر حل ممکن تھا۔
امریکی اور چینی صدور کی اہم
چینی صدر شی جن پنگ نے چین اور امریکا کو دنیا کی دو بڑی طاقتیں قرار دے دیا۔ چین میں امریکی اور چینی صدور کے درمیان وفود کی سطح پر اہم ملاقات ہوئی جس میں دوطرفہ تعلقات، تجارت اور عالمی استحکام سے متعلق امور پر تبادلہ خیال کیا گیا۔ چینی صدر شی جن پنگ نے امریکی وفد کو چین آمد پر خوش آمدید کہتے ہوئے کہا کہ امریکی صدر سے ملاقات پر خوشی ہوئی۔ انہوں نے کہا کہ چین اور امریکا کے تعلقات کا استحکام دنیا کے لیے مثبت اقدام ہے اور دونوں ممالک عالمی استحکام کو اپنا مشترکہ ہدف سمجھتے ہیں۔ صدر شی جن پنگ کا کہنا تھا کہ امریکا اور چین دنیا کی دو بڑی طاقتیں ہیں، اس لیے دونوں ممالک کے درمیان تعاون عالمی امن اور ترقی کے لیے ضروری ہے۔ اس موقع پر امریکی صدر ڈونلڈ ٹرمپ نے پرتپاک استقبال پر چینی قیادت کا شکریہ ادا کرتے ہوئے کہا کہ امریکا چین کے ساتھ تجارت کو فروغ دینا چاہتا ہے۔ صدر ٹرمپ نے چینی صدر شی جن پنگ کو دنیا کے عظیم رہنماؤں میں شمار کرتے ہوئے کہا کہ اس ملاقات کا سب سے بڑا اور بنیادی فوکس تجارت ہے۔ ڈونلڈ ٹرمپ نے چینی صدر شی جن پنگ سے ملاقات کو اعزاز قرار دیتے ہوئے کہا ہے کہ ان کے شی جن پنگ کے ساتھ تعلقات ہمیشہ مثبت رہے ہیں۔ صدر ٹرمپ کا کہنا تھا کہ جب بھی امریکا اور چین کے درمیان کوئی مسئلہ پیدا ہوا، دونوں ممالک نے مل بیٹھ کر جلد حل نکال لیا۔ انہوں نے امید ظاہر کی کہ امریکا اور چین کے تعلقات مستقبل میں پہلے سے کہیں بہتر ہوں گے۔ اس موقع پر چینی صدر شی جن پنگ نے کہا کہ چین اور امریکا کے درمیان تعاون دونوں ممالک کے مفاد میں ہے اور مشترکہ مفادات اختلافات سے کہیں زیادہ ہیں۔ انہوں نے زور دیا کہ دونوں ممالک کو حریف نہیں بلکہ شراکت دار بن کر آگے بڑھنا چاہیے۔ شی جن پنگ نے کہا کہ امریکا اور چین کو کامیابی اور خوشحالی کے لیے ایک دوسرے کی مدد کرنی چاہیے اور باہمی تعاون کے ذریعے تعلقات کو مثبت سمت دی جا سکتی ہے۔ چینی صدر نے تائیوان کے مسئلے کو چین اور امریکا تعلقات میں ایک اہم اور حساس معاملہ قرار دیتے ہوئے کہا کہ اگر اس معاملے کو احتیاط سے نہ سنبھالا گیا تو کشیدگی میں اضافہ ہوسکتا ہے۔ انہوں نے مزید کہا کہ بہتر تعلقات کے لیے تائیوان کے معاملے پر محتاط طرزِ عمل ناگزیر ہے۔ شی جن پنگ نے تجارتی جنگ کے حوالے سے کہا کہ حقائق بارہا ثابت کرچکے ہیں کہ تجارتی جنگ میں کوئی بھی فریق فاتح نہیں ہوتا، اس لیے دونوں ممالک کو مثبت پیشرفت برقرار رکھنے کے لیے مل کر کام کرنا چاہیے۔
یو اے ای کی اسرائیلی وزیراعظم
متحدہ عرب امارات نے اسرائیلی وزیراعظم کے مبینہ دورہ یو اے ای کی تردید کر دی۔ متحدہ عرب امارات کی وزارت خارجہ نے اسرائیلی وزیراعظم بنجمن نیتن یاہو کے مبینہ دورۂ یو اے ای اور کسی بھی اسرائیلی فوجی وفد کی آمد سے متعلق گردش کرنے والی خبروں کی سختی سے تردید کردی۔ یو اے ای وزارت خارجہ کے جاری بیان میں کہا گیا ہے کہ ملک میں اسرائیلی وزیراعظم کے کسی خفیہ یا غیر اعلانیہ دورے اور اسرائیلی فوجی وفد کے استقبال سے متعلق تمام دعوے بے بنیاد ہیں۔ بیان میں کہا گیا کہ متحدہ عرب امارات اور اسرائیل کے تعلقات کھلے اور واضح انداز میں ابراہام معاہدوں کے تحت جاری ہیں، اور یہ تعلقات کسی غیر شفاف یا خفیہ انتظامات پر مبنی نہیں۔ وزارت خارجہ نے میڈیا اداروں پر زور دیا کہ وہ خبروں کی اشاعت میں درستگی اور پیشہ ورانہ ذمہ داری کا مظاہرہ کریں اور غیر مصدقہ اطلاعات یا گمراہ کن سیاسی بیانیے پھیلانے سے گریز کریں۔ واضح رہے کہ اس سے قبل اسرائیلی وزیر اعظم کے دفتر کی جانب سے کہا گیا تھا کہ اسرائیلی وزیر اعظم نیتن یاہو نےایران جنگ کے دوران متحدہ عرب امارات کا خفیہ دورہ کیا اور اماراتی صدر سے ملاقات کی۔ اسرائیلی میڈیا کا کہنا تھا کہ حالیہ دنوں میں امریکی حکام نے بھی تصدیق کی کہ ایران کے ساتھ جنگ کے دوران اسرائیل نے متحدہ عرب امارات کو آئرن ڈوم دفاعی نظام اور اسے چلانے کے لیے فوجی اہلکار فراہم کیے تھے۔ اسرائیلی میڈیا کا کہنا تھا کہ موساد کے سربراہ ڈیوڈ برنیا نے بھی جنگ کے دوران کم از کم 2 مرتبہ امارات کا دورہ کیا تھا۔ اس سارے معاملے متحدہ عرب امارات کی جانب سے سختی سے تردید کی گئی ہے۔
ایرانی اداکارہ کو غیرمناسب پیغامات ب
پیرس: میکرون سے متعلق ایک کتاب میں کہا گیا ہے کہ ایرانی اداکارہ کو غیرمناسب پیغامات بھیجنے پر اہلیہ نے میکرون کو تھپڑ مارا۔ فرانس کے صدر میکرون سے متعلق ایک نئی سیاسی کتاب میں دعویٰ کیا گیا ہے کہ ایرانی نژاد فرانسیسی اداکارہ گلشفتے فرہانی کو بھیجے گئے نجی پیغامات پر ان کی اہلیہ شدید برہم ہوگئی تھیں، جس کے بعد طیارے میں دونوں کے درمیان تلخ جملوں کا تبادلہ ہوا۔ غیر ملکی میڈیا رپورٹس کے مطابق فرانسیسی صحافی فلوریان تاردیف کی نئی کتاب میں دعویٰ کیا گیا ہے کہ صدر میکرون اور اداکارہ گلشفتے فرہانی کے درمیان کئی ماہ تک نجی پیغامات کا تبادلہ ہوتا رہا، کتاب میں الزام لگایا گیا ہے کہ بریجیت میکرون نے شوہر کے موبائل میں اداکارہ کو بھیجا گیا ایک پیغام دیکھا، جس میں مبینہ طور پر لکھا تھا میں آپ کو بہت خوبصورت سمجھتا ہوں۔ رپورٹ کے مطابق مصنف نے دعویٰ کیا ہے کہ مئی 2025 میں ویتنام کے دورے کے دوران صدارتی طیارے میں اسی معاملے پر میکرون اور ان کی اہلیہ کے درمیان جھگڑا ہوا، جس کے بعد سوشل میڈیا پر وائرل ہونے والی ویڈیو میں بریجیت میکرون کو صدر کے چہرے پر ہاتھ مارتے دیکھا گیا تھا۔ تاہم فرانسیسی صدارتی حلقوں نے ان الزامات کی سختی سے تردید کرتے ہوئے کہا تھا کہ صدر میکرون اور ایرانی اداکارہ کے درمیان کسی نامناسب تعلق کا کوئی ثبوت موجود نہیں، میکرون پہلے بھی وائرل ویڈیو کو مذاق قرار دے چکے ہیں۔
ٹرمپ کے دورے کے دوران چین
چین نے سینکڑوں امریکی بیف پراسیسنگ پلانٹس کے ایکسپورٹ لائسنس دوبارہ جاری کر دیے ہیں، اور یہ اقدام صدر ٹرمپ اور صدر شی کے درمیان جاری مذاکرات کے دوران خیرسگالی کے اشارے کے طور پر دیکھا جا رہا ہے۔ رائٹرز نے کسٹمز ڈیٹا کا حوالہ دیتے ہوئے رپورٹ کیا ہے کہ 400 سے زائد امریکی بیف پلانٹس گزشتہ ایک سال کے دوران لائسنس ختم ہونے کے باعث چین کو برآمدات سے محروم ہو گئے تھے، جو مجموعی طور پر تقریباً 65 فیصد رجسٹرڈ سہولیات بنتی ہیں۔ ماہرین کے مطابق زرعی شعبہ دونوں ممالک کے درمیان ممکنہ تجارتی معاہدے میں اہم کردار ادا کر سکتا ہے، اور یہ پیش رفت اسی سمت میں پہلا عملی اشارہ سمجھی جا رہی ہے۔ تجزیہ کار ژو ہونگزی کا کہنا ہے کہ یہ اقدام ایسے شعبوں میں خیرسگالی ظاہر کرتا ہے جو امریکہ-چین تجارتی تعلقات میں نسبتاً کم حساس سمجھے جاتے ہیں۔ امریکی کمپنیوں کارگل اور ٹائسن فوڈز کے پلانٹس بھی ان لائسنسز میں شامل ہیں، جس سے امریکی بیف انڈسٹری کو فائدہ پہنچنے کی توقع ہے۔ واضح رہے کہ تجارتی کشیدگی کے باعث چین کو امریکی بیف کی برآمدات 2022 میں 1.7 ارب ڈالر کی بلند سطح سے کم ہو کر گزشتہ سال تقریباً 50 کروڑ ڈالر رہ گئی تھیں۔
حافظ نعیم الرحمان نےکراچی
امیر جماعت اسلامی پاکستان حافظ نعیم الرحمان نے کراچی میں ملک کے پہلے تعلیم کارڈ کا اجرا ء کردیا ہے۔ حافظ نعیم الرحمان کی زیر صدارت گلبرگ جم خانہ کے وسیع و عریض گراؤنڈ میں منعقدہ تقریب میں ٹاؤن اسکولوں کے 5 ہزار طلبہ وطالبات کو ڈیجیٹل تعلیمی کارڈ جاری کیےگئے۔کارڈ کے ذریعے طلبہ 10 ہزار روپے کی خریداری کرسکیں گے، جس میں کتابیں، کاپیاں، اسٹیشنری، یونیفارم سمیت دیگر تعلیمی اشیاء شامل ہیں۔ گلبرگ ٹاؤن کراچی کا پہلا اور واحد ٹاؤن ہے جس نے نچلی سطح پر تعلیم کو عام کرنے اور غریب و متوسط گھرانوں کے بچوں کو درپیش تعلیمی مشکلات حل کرنےکے لیے عملی اقدام کیا ہے۔ حافظ نعیم الرحمان نے تقریب سے خطاب میں ٹاؤن چیئرمین نصرت اللہ اور ان کی پوری ٹیم اور تعلیمی کارڈ کے منصوبے کو عملی جامہ پہنانے میں تعاون کرنے والے اہل خیر افراد اور اداروں کو زبردست خراج تحسین پیش کرتے ہوئےکہا کہ 14 لاکھ بچے بچیاں اس پروجیکٹ میں رجسٹرڈ ہو چکے ہیں، ہم نے اپنے 9 ٹاؤنز میں آنے والے تقریبا 50 اسکولوں کو اپ گریڈ کیا ہے اور ان کی بدحالی کو ختم کرکے مثالی اسکول بنا دیا ہے۔ حافظ نعیم الرحمان کا کہنا تھا کہ تعلیم حکومت اور ریاست کی ذمہ داری ہے اور بڑی بدقسمتی ہے یہ ذمہ داری پوری نہیں کی جا رہی، پورے ملک میں 2کروڑ 62 لاکھ اور سندھ میں 78 لاکھ بچے جن کی عمر اسکول جانے کی ہے وہ اسکول جانے سے قاصر ہیں۔ یہ بچے ہی ہمارا مستقبل ہیں ہم ان کو بے رحم، نا اہل اور کرپٹ حکمرانوں کے رحم و کرم پر نہیں چھوڑیں گے۔ ان کا کہنا تھا کہ سندھ حکومت کے 41 ہزار اسکولوں کی حالت بد سے بدتر ہوتی جا رہی ہے، ان اسکولوں میں تعلیمی معیار بہتر ہے نہ بنیادی سہولیات میسر ہیں، سندھ حکومت کا اربوں روپے کا بجٹ نااہلی، بد انتظامی اور کرپشن کی نذرہو جاتا ہے، جماعت اسلامی صرف دعوؤں اور اعلانات نہیں بلکہ عملی اقدامات پر یقین رکھتی ہے۔
آبادی کوکنٹرول کرنا پڑےگا،
وفاقی وزیرصحت مصطفیٰ کمال کا کہنا ہےکہ آبادی کو کنٹرول کرنا پڑےگا، سالانہ 11 ہزار خواتین حمل کے دوران انتقال کرجاتی ہیں۔ اسلام آباد میں پاکستان پاپولیشن سیمینار سے خطاب میں مصطفیٰ کمال کا کہنا تھا کہ آبادی کے کنٹرول پر وزارت صحت کام کر رہی ہے، ماہرانہ رائے لے رہے ہیں، آبادی کو کنٹرول کے لیے ایکشن پلان مرتب کیا گیا ہے۔ وفاقی وزیر منصوبہ بندی احسن اقبال نے سیمینار سے خطاب میں کہا کہ آبادی کا مسئلہ تعلیم، صحت، انفرااسٹرکچر اور انفرادی قوت کے ساتھ جڑا ہے، وسائل سے زیادہ آبادی ہے تو وسائل کم افراد کو ملیں گے،ترقی میں مشکلات ہوں گی۔ احسن اقبال کا کہنا تھا کہ کیا پیدا ہونے والے بچے کا صاف ہوا، پانی، خوراک اور روزگارکا حق نہیں؟ بے قابو آبادی سے تمام وسائل استعمال کرلیے گئے تو آئندہ نسلوں کی حق تلفی ہوگی۔ وفاقی وزیر کا کہنا تھا کہ توازن اور میزان پر دنیا قائم ہے، انسان دنیا کا خلیفہ مقرر کیا گیا ہے، آبادی کو کنٹرول کرنے کے عمل کو متنازع نہیں بنانا چاہیے، فیصلہ کرنا ہوگا کہ جاہل بچوں کی فوج پالنی ہے یا ذہین اورصحت مند نسل تیارکرنی ہے،40 فیصد بچے عدم غذائیت کا شکار ہیں۔
سپرنٹنڈنٹ اڈیالہ جیل نے
راولپنڈی: سپرنٹنڈنٹ اڈیالہ جیل نے بانی پی ٹی آئی عمران خان کی اہلیہ بشریٰ بی بی سے فیملی اور ذاتی معالج کی ملاقات کی درخواست مسترد کر دی۔ سپرنٹنڈنٹ اڈیالہ جیل نے اسلام آباد ہائی کورٹ میں تحریری رپورٹ جمع کرائی کہ جیل ملاقات کے بعد باہر آ کر سیاسی گفتگو کی جاتی ہے۔ بشریٰ بی بی سے فیملی کی ملاقات کے بعد اُن کی بہن مریم وٹو ٹوئٹس کرتی ہیں۔ اسلام آباد ہائیکورٹ کے جسٹس ارباب محمد طاہر نے بشری بی بی کی بیٹی مبشرہ مانیکا کی درخواست پر سماعت کی جس میں والدہ سے اہل خانہ کی ملاقات اور ذاتی معالج تک رسائی سمیت ضروری سامان فراہم کرنے کی اجازت دینے کی استدعا کی گئی تھی۔ ایڈووکیٹ جنرل اسلام آباد نوید ملک اورسپرنٹنڈنٹ اڈیالہ جیل ساجد بیگ عدالت میں پیش ہوئے۔ ایڈوکیٹ جنرل اسلام آباد نوید ملک نے بتایا کہ سپرنٹنڈنٹ اڈیالہ جیل نے بشری بی بی سے اہل خانہ کی ملاقات کرانے کی ریپریزنٹیشن پر فیصلہ کر دیا ہے۔ سپرنٹنڈنٹ اڈیالہ جیل نے فوری طور پر ملاقات کی اجازت نہیں دی۔ درخواست گزار کی جانب سے سلمان اکرم راجا پیش ہوئے اور کہا کہ انہوں نے رپورٹ میں ملاقات نہ کرانے کی وجہ لکھی ہے کہ سیاسی معاملات باہر ڈسکس کیے گئے ہیں۔ رپورٹ میں بشریٰ بی بی کی بہن مریم ریاض وٹو کی ٹوئٹس لگائی گئی ہیں۔ سلمان اکرم راجا نے کہا وہ تو کبھی اڈیالہ جیل گئی ہی نہیں وہ بیرون ملک رہتی ہیں۔ کسی تیسرے فرد کی ٹوئٹس کی بنیاد پر بیٹی کو ملاقات سے کیسے روکا جا سکتا ہے؟ عدالت نے ایڈوکیٹ جنرل کو مخاطب کر کے کہا آپ ان سے اس متعلق بیان حلفی لے لیں۔ ایڈوکیٹ جنرل نے کہا ہم نے ہمیشہ کیلئے پابندی نہیں لگائی۔ جیل میں اور بھی قیدی ہیں پورا نظام دیکھنا ہوتا ہے۔ جیل سپرنٹنڈنٹ نے بتایا کہ اڈیالہ جیل میں اس وقت7200 قیدی ہیں، جن کی جرائم کی نوعیت کے حساب سے ملاقاتوں کے لیے الگ الگ دن مقرر ہیں۔ پیر سے ہفتہ تک 6 روز ملاقاتیں کرائی جاتی ہیں، تمام ملاقاتیں جیل مینئول کے مطابق پریزن منیجمنٹ انفارمیشن سسٹم کے تحت ہوتی ہیں۔ جسٹس ارباب محمد طاہر نے کہا یہ تو پھر بہت اچھاسسٹم ہے، ہم اس کے طریقہ کار کو سمجھنا چاہتے ہیں۔ ہمیں ایک دوسرے سے فیئر ہونا چاہیے، آپ جیل مینئول کے مطابق ہی کام کریں گے۔ ہم جلدبازی میں اس درخواست پر فیصلہ نہیں کرنا چاہتے۔ ہمیں ٹھیک طریقے سے پورے طریقہ کار کو سمجھ کر فیصلہ کرنے دیں۔ آپ کیلئے اس دوران جب ممکن ہو بشریٰ بی بی سے بیٹی کی ملاقات کرائیں۔ آئندہ سماعت پر جیل رولز کو مدنظر رکھ کر دلائل دیں۔ عدالت نے کیس کی مزید سماعت 14 مئی تک ملتوی کر دی۔
کراچی: منشیات فروشی کے
منشیات فروشی کے الزام میں گرفتار ملزمہ انمول عرف پنکی پر اسلحہ برآمدگی کا مقدمہ بھی درج کرلیا گیا۔ ایف آئی آر کے مطابق کراچی گارڈن ویسٹ میں خاتون کے قبضے سے پستول برآمد ہوئی، ملزمہ برآمد اسلحہ کا لائسنس پیش نہ کر سکی۔ خیال رہے کہ پنکی کو گارڈن میں رہائشی عمارت کےفلیٹ سے گرفتارکیا گیا تھا، خبر سامنے آنے پر مالک مکان نے فلیٹ خالی کرنے کا کہہ دیا۔ فلیٹ میں رہنے والے خاندان کا کہنا ہے کہ جس فلیٹ کا پتہ مقدمے میں ڈالا گیا، وہاں 8 سال سے کرائے پر رہائش پذیرہیں لیکن وہ انمول عرف پنکی کو نہیں جانتے۔ مذکورہ خاندان نے کہا کہ پولیس نے ہمارے گھرکا پتہ ایف آئی آر میں کیسے ڈالا ؟ پولیس کی غفلت کی وجہ سےہم سخت ذہنی اذیت کا شکار ہیں۔ یاد رہے کہ کراچی میں گارڈن پولیس نے کامیاب کارروائی کرتے ہوئے منشیات فروش خاتون کو گرفتار کیا تھا۔ پولیس کا دعویٰ ہےکہ ملزمہ انمول عرف پنکی سے پستول،کروڑوں روپے مالیت کی کوکین، کیمیکلز اور دیگر نشہ آور اشیا برآمد کی گئیں۔ پولیس کے مطابق انتہائی مطلوب اور 10 مقدمات میں مفرور ملزمہ شہر میں منشیات ڈیلنگ و سپلائی کے نیٹ ورک کو آپریٹ کررہی تھی۔ ملزمہ آن لائن منشیات کو مخصوص رائیڈرز کے ذریعے سپلائی کرتی تھی، اس کے علاوہ وہ خواتین رائیڈرز کا بھی استعمال کرتی تھی۔
نیتن یاہو کے پاکستان پر الزام
دفاعی تجزیہ کار ائیر وائس مارشل ریٹائرڈ اعجاز محمود نے کہا ہے کہ اسرائیلی وزیراعظم نیتن یاہو کے پاکستان پر الزام کو تعریف کے طور پر لینا چاہیے۔ جیو نیوز کے پروگرام کیپٹل ٹاک میں اعجاز محمود نے گفتگو کرتے ہوئے کہا کہ پاکستان میں ایرانی طیاروں کی موجودگی کا امریکی میڈیا کا دعویٰ پروپیگنڈا ہے، اگر ایرانی طیارے نور خان ائیربیس پر ہوتے تو ان کا ثبوت ریڈار ٹریکنگ سسٹم پر موجود ہوتا۔ دفاعی تجزیہ کار نے کہا کہ اسرائیلی وزیراعظم نیتن یاہو کے پاکستان پر الزام کو تعریف کے طور پر لینا چاہیے۔ اس کے علاوہ پروگرام میں شامل صدر ایکس سروس مین سوسائٹی لیفٹیننٹ جنرل ریٹائرڈ عبد القیوم اور سابق سیکرٹری خارجہ اعزاز چوہدری نے پاکستان میں حالیہ دہشت گردی کو آپریشن سندور کا تسلسل قرار دیا۔
حکومت نے کفایت شعاری مہم کے
وفاقی حکومت نے کفایت شعاری مہم کے تحت ایندھن کی بچت کےلیےنافذ پابندیوں میں توسیع کردی۔ کابینہ ڈویژن کی جانب سے کفایت شعاری مہم میں توسیع کا باضابطہ نوٹیفکیشن جاری کر دیا گیا۔ نوٹیفیکشن کے مطابق ایندھن کے تحفظ،کفایت شعاری اقدامات کے تحت نافذ پابندیوں میں 13جون تک توسیع کی گئی ہے۔ نوٹیفیکشن میں کہا گیا ہے کہ سرکاری گاڑیوں کے لیے ایندھن کی فراہمی میں 50 فیصد کمی برقرار رہےگی۔ 60 فیصد سرکاری گاڑیاں بدستور بند رکھی جائیں گی۔ واضح رہے کہ وزیراعظم نے عملدرآمد کمیٹی کی سفارشات پر توسیع کی منظوری دی۔
منی پور میں علیحدگی پسندوں
منی پور میں علیحدگی پسندوں کی جانب سے آسام رائفلز کےکیمپ پر قبضے کی ویڈیو وائرل ہوگئی۔ ویڈیو میں دیکھا جاسکتاہے کہ علیحدگی پسند بھارتی فوج کے آسام رائفلزکیمپ میں داخل ہورہےہیں۔ علیحدگی پسندتحریک کے مسلح ارکان کو آزادی سےگھومتے پھرتے دیکھا جاسکتا ہے۔ وائرل ویڈیو میں بھارتی وزیراعظم ، وزیر داخلہ امیت شاہ اور وزیراعلیٰ منی پور کو بزدل قراردیا گیا ۔ ماہرین کا کہنا ہے کہ آسام رائفلز کے کیمپ پرعلیحدگی پسند گروپ کے قبضے سے ظاہرہوتا ہے کہ بھارتی فوج اپنے دفاع میں بھی مکمل ناکام ہوچکی ہے۔
ٹرمپ نے قومی سلامتی کا اجلاس
امریکی صدر ڈونلد ٹرمپ کی زیر صدارت ایران معاملے پر قومی سلامتی کا اجلاس طلب کر لیا گیا۔ امریکی میڈیا کا کہنا ہے کہ صدر ٹرمپ قومی سلامتی ٹیم کے ساتھ ایران جنگ پر تبادلہ خیال کریں گے ، بات چیت میں ایران پر ممکنہ طور پر فوجی کارروائی کی بحالی پر غور بھی شامل ہے۔ اجلاس میں امریکی نائب صدر ، وزیر خارجہ اور وزیر جنگ سمیت فوجی حکام شریک ہوں گے، خبر رساں ادارے نے دو اہلکاروں کے حوالےسے دعوی کیا کہ ٹرمپ کسی قسم کے فوجی ایکشن کی جانب مائل ہو رہے ہیں تاکہ ایران پر دباؤ بڑھایا جا سکے۔ امریکی میڈیا کا کہنا ہے کہ پراجیکٹ فریڈم بحال کرنے یا ایران میں بقیہ اہداف پر حملہ کرنے کے آپشنز زیر غور آ سکتے ہیں۔
نور خان ایئربیس پر ایرانی طیاروں
پاکستان نے نور خان ایئربیس پر ایرانی طیاروں کی موجودگی سے متعلق امریکی میڈیا ‘سی بی ایس نیوز’ کی رپورٹ کو مسترد کرتے ہوئے اسے گمراہ کن اور سنسنی خیز قرار دے دیا ہے۔ دفترِ خارجہ سے جاری ایک بیان میں کہا گیا ہے کہ اس طرح کی قیاس آرائیوں کا مقصد خطے میں امن و استحکام کی کوششوں کو سبوتاژ کرنا ہے۔ ترجمان دفتر خارجہ نے وضاحت کی کہ ایران اور امریکہ کے درمیان جنگ بندی کے بعد اور اسلام آباد مذاکرات کے ابتدائی دور کے دوران دونوں ممالک کے متعدد طیارے پاکستان پہنچے تھے۔ ان طیاروں کی آمد کا واحد مقصد مذاکراتی عمل سے وابستہ سفارتی عملے، سیکیورٹی ٹیموں اور انتظامی اسٹاف کی نقل و حرکت میں سہولت فراہم کرنا تھا۔ ترجمان کے مطابق، بعض طیارے اور معاون عملہ آئندہ مذاکراتی مراحل کے لیے عارضی طور پر پاکستان میں ہی موجود رہے۔ بیان میں مزید کہا گیا کہ اگرچہ باضابطہ مذاکرات ابھی دوبارہ شروع نہیں ہوئے، تاہم اعلیٰ سطح کے سفارتی روابط مسلسل جاری ہیں۔ اسی سلسلے میں ایرانی وزیر خارجہ کے حالیہ دورہ اسلام آباد کے لیے لاجسٹک اور انتظامی سہولیات فراہم کی گئیں۔ ترجمان نے واضح کیا کہ پاکستان میں موجود ایرانی طیارے جنگ بندی کے دوران آئے تھے اور ان کا کسی بھی فوجی ہنگامی صورتحال یا حفاظتی انتظامات سے کوئی تعلق نہیں۔ پاکستان نے ایک غیر جانبدار اور ذمہ دار سہولت کار کے طور پر ہمیشہ شفافیت برقرار رکھی ہے اور وہ علاقائی امن و سلامتی کے لیے مذاکرات کے فروغ کے اپنے عزم پر قائم ہے۔
وزیراعظم کا دہشتگرد کو روکنے
وزیراعظم شہباز شریف نے مقامی آبادی کو تباہی سے بچانے والے بہادر شہری شہید لیاقت کو زبردست خراجِ تحسین پیش کیا ہے۔ وزیراعظم کا کہنا تھا کہ ذمہ دار شہری کی حیثیت سے لیاقت نے دہشتگرد کو روک کر اس کی شناخت پوچھی، جس پر دہشتگرد نے خود کو دھماکے سے اڑا لیا اور لیاقت شہید ہوگئے۔ شہباز شریف نے کہا کہ شہید لیاقت کی بروقت بہادری نے بڑے جانی نقصان سے بچا لیا ان کی لازوال قربانی ہمیشہ یاد رکھی جائے گی، انہوں نے کہا کہ شہید لیاقت نے جرأت، فرض شناسی اور حب الوطنی کی اعلیٰ مثال قائم کی۔ وزیراعظم نے کہا کہ بہادر اور نڈر شہری دہشتگردی کے خلاف قومی عزم کی حقیقی علامت ہیں اور شہید لیاقت کی قربانی قوم کے ہر فرد کے لیے مشعلِ راہ ہے۔ انہوں نے مزید کہا کہ قوم شہید لیاقت کی قربانی کبھی نہیں بھولے گی جبکہ شہید لیاقت جیسے بہادر شہری ہماری قوم کا قیمتی اثاثہ ہیں۔ وزیراعظم کا کہنا تھا کہ دہشتگردی کے ناسور کے خلاف پوری قوم اداروں کے شانہ بشانہ کھڑی ہے اور پاکستان کے بہادر عوام نے ہمیشہ دشمن کے ناپاک عزائم کو ناکام بنایا ہے۔ انہوں نے عزم ظاہر کیا کہ قومی اتحاد اور یکجہتی کے ذریعے آئندہ بھی دہشتگردی کو شکست دی جائے گی۔
سعودی عرب کی خیبر پختونخوا میں
سعودی عرب نے خیبر پختونخوا میں ہونے والے دہشت گرد حملے کی شدید مذمت کرتے ہوئے پاکستان کی حکومت اور عوام سے اظہارِ یکجہتی کیا ہے۔ سعودی وزارت خارجہ کے بیان میں کہا گیا ہے کہ بزدلانہ حملے میں متعدد پاکستانی پولیس اہلکار شہید اور زخمی ہوئے، جس پر سعودی عرب کو گہرے دکھ اور افسوس ہے۔ سعودی وزارت خارجہ نے کہا کہ سعودی عرب ہر قسم کی دہشت گردی اور انتہاپسندی کو مسترد کرتا ہے اور دہشت گردی کے خلاف پاکستان کے ساتھ کھڑا ہے۔ بیان میں شہداء کے اہلخانہ سے دلی تعزیت اور زخمیوں کی جلد صحت یابی کے لیے نیک تمناؤں کا اظہار بھی کیا گیا۔
لاہور ہائیکورٹ نے وزیر اعلیٰ پنجاب
لاہور ہائی کورٹ میں وزیر اعلیٰ پنجاب مریم نواز کی جانب سے 7 کروڑ روپے واپس لینے کی درخواست پر سماعت ہوئی۔ چیف جسٹس مس عالیہ نیلم کی سربراہی میں 3 رکنی بینچ نے درخواست پر سماعت کی۔ عدالت نے وزیر اعلیٰ پنجاب کی درخواست منظور کرتے ہوئے 7 کروڑ روپے واپس کرنے کی ہدایت جاری کردی۔ سماعت کے دوران قومی احتساب بیورو (نیب) کے وکیل نے آئینی عدالت سے درخواست واپس لینے سے متعلق بیان حلفی بھی جمع کروایا۔ مریم نواز کی جانب سے وکیل جاوید ارشد بھٹی ایڈووکیٹ پیش ہوئے، جبکہ اسسٹنٹ ڈپٹی اٹارنی جنرل رفاقت ڈوگر اور پراسکیوٹر فاطمہ شاہد بھی عدالت میں موجود تھے۔ درخواست میں مؤقف اختیار کیا گیا تھا کہ چوہدری شوگر ملز کیس میں 7 کروڑ روپے بطور گارنٹی جمع کروائے گئے تھے، تاہم نیب کی جانب سے شوگر مل کیس ختم کیے جانے کے بعد رقم واپس کرنے کی استدعا کی گئی تھی۔
وزیراعظم کا وزیراعلیٰ کے پی
وزیر اعظم شہباز شریف نے دہشت گردی کے خلاف جنگ میں خیبر پختونخوا حکومت کو ہر ممکن معاونت فراہم کرنے کی یقین دہانی کرائی ہے۔ وزیراعظم شہباز شریف نے وزیر اعلیٰ خیبر پختونخوا محمد سہیل آفریدی سے ٹیلیفونک رابطہ کیا جس میں انہوں نے گزشتہ روز بنوں میں پولیس چوکی پر ہونے والے دہشتگرد حملے کی شدید مذمت کی۔ وزیراعظم نے شہید ہونے والے پولیس اہلکاروں کے درجات کی بلندی کی دعا کی اور ساتھ ہی شہدا کے اہلخانہ سے اظہار تعزیت بھی کیا۔ شہباز شریف نے کہا کہ ملک سے ہر قسم کی دہشت گردی کے مکمل خاتمے کے لیے پر عزم ہیں، دہشتگردی کے خلاف صوبائی حکومت کو ہر ممکن معاونت فراہم کریں گے۔ دوسری جانب وزیراعلیٰ خیبرپختونخوا سہیل آفریدی نے بھی واقعے کی مذمت کرتے ہوئے زخمیوں کی جلد صحتیابی کے لیے دعا کی۔ وزیر اعلیٰ نے کہا کہ دہشتگردی کے خلاف جنگ صرف خیبرپختونخوا کی نہیں بلکہ پورے ملک کی جنگ ہے، دہشتگردی سے متاثرہ ہر خاندان کے ساتھ خیبر پختونخوا حکومت کھڑی ہے۔ گورنر کے پی فیصل کریم کنڈی کا واقعے پر کہنا تھا کہ دہشتگرد صوبے کے امن اور انسانیت کے دشمن ہیں، خیبرپختونخوا پولیس بہادری سے دہشتگردوں کا مقابلہ کر رہی ہے۔
10مئی ہماری تاریخ کا سنہری باب
صدر مملکت آصف زرداری نےکہا ہےکہ 10 مئی پاکستان کی تاریخ کا سنہری باب ہے، بھارتی جارحیت پر پاکستان کا ردعمل سنہری حروف سے لکھا جائےگا۔ آپریشن بنیان مرصوص معرکہ حق کا ایک سال مکمل ہونے پر اسلام آباد میں پاکستان مونومنٹ پر خصوصی تقریب ہوئی۔ تقریب میں صدر مملکت آصف علی زرداری اور وزیر اعظم شہباز شریف سمیت فیلڈ مارشل سید عاصم منیر اور مسلح افواج کے سربراہان، اسپیکر قومی اسمبلی، چیئرمین سینیٹ اور وفاقی وزرا بھی شریک ہوئے۔ مختلف ممالک کے سفیر، سول اورعسکری حکام، شہدا کے لواحقین بھی تقریب میں موجود تھے۔ تقریب کے آغاز پر قومی ترانہ بجایا گیا۔ تینوں مسلح افواج کے چاق و چوبند دستوں نے مارچ پاسٹ کیا اور سلامی پیش کی۔ تقریب سے مرکزی خطاب کرتے ہوئے صدر مملکت کا کہنا تھا کہ پہلگام واقعےکے بعد پاکستان پر جنگ مسلط کی گئی، بھارت نے پاکستان پر بلا اشتعال حملہ کیا، بھارت نے پاکستان کی سول آبادی اور عبادت گاہوں پر حملے کیے، پاک فضائیہ اور پاک فوج نے بھارتی جارحیت کا منہ توڑ جواب دیا۔ صدر مملکت کا کہنا تھا کہ پاکستان کی بہادرافواج کے سپوتوں نے ہمارا سر فخر سے بلند کردیا، ہماری فضائیہ نے دشمن کے 8 طیارے مارگرائے، بھارتی جارحیت پر پاکستان کا ردعمل سنہری حروف سے لکھا جائے گا۔ ان کا کہنا تھا کہ کشمیرپربھارت کا غاصبانہ قبضہ ہے، مسئلہ کشمیر حل طلب ہے، پاکستان کشمیرکے عوام کی سفارتی،سیاسی اور اخلاقی حمایت جاری رکھے گا، پاکستان فلسطینی عوام کی غیرمشروط حمایت جاری رکھے گا۔ صدر مملکت کا کہنا تھا کہ افغانستان کےذریعے پاکستان میں ہونے والی بھارتی دہشت گردی کو ختم ہونا چاہیے۔
لاہور ہائیکورٹ: وزیراعلیٰ پنجاب
وزیر اعلیٰ پنجاب مریم نواز کی جانب سے بطورضمانت جمع کرائےگئے7 کروڑ روپے واپس دینےکی درخواست منظور کرلی گئی۔ لاہورہائیکورٹ نے مریم نوازکو بطور ضمانت جمع کرائے گئے 7 کروڑ روپے واپس کرنے کی ہدایت کردی۔ چیف جسٹس لاہورہائیکورٹ مس عالیہ نیلم کی سربراہی میں تین رکنی بینچ نے سماعت کی۔ چوہدری شوگر ملز کیس میں بطور گارنٹی مریم نواز کی جانب سے 7 کروڑ روپے جمع کرائے گئے تھے۔ نیب کی جانب سے شوگر ملز کیس ختم ہونے پر مریم نواز کی جانب سے رقم کی واپسی کی استدعا کی گئی تھی۔
خطے میں کشیدگی کے باوجود پیٹرولیم مصنوعات
وزیرخزانہ محمد اورنگزیب نے کہا ہے کہ وزیراعظم کی قیادت میں عوام کو ریلیف فراہم کرنے کیلئے اقدامات جاری ہیں، بیرونی ادائیگی بروقت یقینی بنائی جارہی ہے۔ انہوں نے اپنے بیان میں کہا کہ خطے میں کشیدگی کے باوجود پیٹرولیم مصنوعات کی سپلائی چین برقرار رہی۔وزیراعظم کی قیادت میں عوام کو ریلیف فراہم کرنے کیلئے اقدامات جاری ہیں، بیرونی ادائیگی بروقت یقینی بنائی جارہی ہے۔ ملکی برآمدات میں ریکارڈ اضافہ ہوا ہے۔ ہماری ایکسپورٹ میں سالانہ 14 فیصد اضافہ ہوا ہے، فسکل ایئر میں ہماری جی ڈی پی گروتھ 4 فیصد ہوگی۔ ترسیلات زر میں مسلسل اضافہ ہورہا ہے، بڑی صنعتوں کی پیداوار میں بھی اضافہ ہوا ہے۔ دوسری جانب پاکستان تحریک انصاف کے مرکزی رہنماء اسد قیصر نے ایکس پر اپنے ردعمل میں کہا کہ عالمی منڈی میں پیٹرولیم مصنوعات کی قیمتوں میں نمایاں کمی کے باوجود شہباز شریف کی ناکام حکومت کی جانب سے پیٹرولیم مصنوعات کی قیمتوں میں اضافہ انتہائی قابلِ مذمت اور عوام دشمن اقدام ہے۔ حکومت نے پیٹرولیم لیوی میں بے پناہ اضافہ کرکے اسے ملکی تاریخ کی بلند ترین سطح پر پہنچا دیا ہے۔ حکومت اپنی نااہلی اور ناکام معاشی پالیسیوں کی سزا غریب عوام کو دے رہی ہے۔ عوام پہلے ہی مہنگائی، بے روزگاری اور غربت کی چکی میں پس رہے ہیں۔ ایک طرف سی این جی بند ہے، دوسری جانب پیٹرولیم مصنوعات کی قیمتیں آسمان سے باتیں کر رہی ہیں، جبکہ ایل پی جی سلنڈر عام آدمی کی پہنچ سے باہر ہو چکا ہے۔ بجلی کی قیمتوں میں ہوشربا اضافہ عوام کے لیے مزید مشکلات پیدا کر رہا ہے۔ عوام مہنگائی کے اس طوفان میں شدید پریشانی کا شکار ہیں اور یہ سوال کرنے پر مجبور ہیں کہ آخر وہ جائیں تو کہاں جائیں۔ مزید برآں امیر جماعت اسلامی حافظ نعیم الرحمن نے ایکس پر اپنے ردعمل میں کہا کہ حکومت مسلسل پٹرول اور ڈیزل کی قیمت میں اضافہ کررہی ہے۔ آج پھر 15 ، 15 روپے فی لیٹر بڑھا دیے۔ حکومت نے پٹرول کو کمائی کا ذریعہ بنایا ہوا ہے۔ عالمی مارکیٹ کا نام لیتے ہیں اور بھاری لیوی وصول کررہے ہیں جس کا پٹرولیم کی قیمت سے کوئی تعلق نہیں۔اہم بات یہ ہے عالمی مارکیٹ میں چند دنوں میں تقریباً 8 ڈالر قیمت کم ہوئی ہے۔ اس وقت بھی فی لیٹر 150 روپے سے زائد ٹیکسز و لیوی وصول کی جارہی ہے۔ طالب علم، بائیکیا اور اِن ڈرائیو چلانے والے، مزدور، عام غریب اور مڈل کلاس شہری یہ لیوی ادا کررہے ہیں جو بہت بڑا ظلم ہے۔ دوسری طرف حکمران طبقے کی شاہ خرچیاں، مراعات، اربوں روپے کے جہاز، پروٹوکول سب اسی طرح جاری ہیں۔ یہ دوہرا اور طبقاتی نظام زیادہ عرصے نہیں چل سکتا۔ نیوز ایجنسی کے مطابق حکومت کی جانب سے پیٹرول اور ڈیزل پرلیوی میں 13 روپے 91 پیسے فی لیٹر کا اضافہ کیا گیا ، پیٹرول پر لیوی اضافے کے بعد 117روپے 41 پیسے فی لیٹرمقررکی گئی۔ہائی اسپیڈ ڈیزل پر پیٹرولیم لیوی 42 روپے 60 پیسے فی لیٹر کردی گئی، ہائی اسپیڈ ڈیزل پرفریٹ مارجن میں 9 روپے 38 پیسے فی لیٹر کی کمی کی گئی، ہائی اسپیڈ ڈیزل پرفریٹ مارجن کم کرکے 7 روپے 75 پیسے کر دیا گیا ہے۔ دوسری جانب آل پاکستان انجمن تاجران کے مرکزی رہنما شہزاد اشرف بھٹی نے پیٹرولیم مصنوعات کی قیمتوں میں حالیہ اضافے پر شدید تشویش کا اظہار کرتے ہوئے ہر ہفتے قیمتوں میں اضافہ ظلم ہے ، حکومت ٹیکسز کے ذریعے وصول کئے جانے والے اپنے منافع میں کمی کرے اور قیمتوں کو فی الفور واپس لیا جائے ۔
امریکہ اور ایران کے درمیان 30 روزہ
امریکہ اور ایران کے درمیان جاری کشیدگی کے خاتمے کے لیے نئی جنگ بندی تجویز کی تفصیلات سامنے آگئیں۔ غیرملکی خبر ایجنسی رائٹرز کے مطابق امریکی منصوبہ تین مراحل پر مشتمل ہے، پہلے مرحلے میں ایران اور امریکہ کے درمیان جنگ کے خاتمے کا باضابطہ اعلان کیا جائے گا، دوسرے مرحلے میں آبنائے ہرمز میں کشیدگی کم کرکے جہازوں کی آمدورفت بحال کی جائے گی، تیسرے مرحلے میں 30 روزہ مذاکراتی دور شروع ہوگا جس میں بڑے سیاسی اور جوہری معاملات پر بات چیت ہوگی۔ بتایا گیا ہے کہ واشنگٹن نے ایران کے سامنے 14 نکاتی منصوبہ رکھا ہے، جس کے تحت ایران کو کم از کم 12 سال تک یورینیم افزودگی روکنے اور جوہری ہتھیار تیار نہ کرنے کی ضمانت دینا ہوگی، اس کے علاوہ ایران کو 60 فیصد افزودہ تقریباً 440 کلوگرام یورینیم بھی حوالے کرنا ہوگا، اس کے بدلے امریکہ مرحلہ وار ایران پر عائد اقتصادی پابندیاں نرم کرے گا، اربوں ڈالر کے منجمد ایرانی اثاثے بحال کیے جائیں گے اور ایرانی بندرگاہوں پر نافذ امریکی بحری ناکہ بندی ختم کی جائے گی۔ معلوم ہوا ہے کہ معاہدے پر دستخط کے 30 دن کے اندر دونوں ممالک آبنائے ہرمز کو مکمل طور پر بحال کرنے پر بھی متفق ہوسکتے ہیں، جس سے عالمی تیل سپلائی اور توانائی مارکیٹ میں استحکام آنے کی توقع ہے، یہ معاہدہ کامیاب ہونے کی صورت میں مشرق وسطیٰ میں کئی ہفتوں سے جاری کشیدگی میں نمایاں کمی آسکتی ہے اور عالمی معیشت پر پڑنے والے دباؤ میں بھی کمی کا امکان ہے۔
کراچی میں ڈاکو بیوپاری سے
کراچی میں 6 ڈاکو بیوپاری سے 45 لاکھ روپے نقدی اور موبائل فون لوٹ کر فرار ہوگئے۔ پولیس کے مطابق یہ واقعہ قائدآباد میں پیش آیا جہاں گزشتہ روز 6 ڈاکوؤں نے 3 بیوپاریوں سے لوٹ مار کی۔ پولیس نے بتایا کہ ملزمان بیوپاری سے 45لاکھ روپے اور موبائل فون چھین کر فرار ہوگئے تھے، متاثرہ بیوپاری کی مدعیت میں شاہ لطیف تھانے میں مقدمہ درج کر لیا گیا ہے۔ مقدمے کے متن کے مطابق بیوپاری اپنے دو کزن کے ہمراہ جانور خریدنے کے لیے جا رہا تھا کہ تین موٹر سائیکلوں پر سوار 6 ملزمان نے اسلحے کے زور پر روکا اور 45لاکھ ٍروپے چھیننے کے بعد فرار ہوگئے۔
وزیراعظم شہباز شریف 23 سے 25
اسلام آباد: وزیراعظم شہباز شریف 23 سے 25 مئی تک چین کا دورہ کریں گے۔ وزیراعظم شہباز شریف دورہ چین کے دوران چینی صدرشی جن پنگ اور وزیراعظم لی چیانگ سے ملاقاتیں کریں گے۔ اس دوران شہباز شریف پاکستان اور چین کے درمیان تعلقات کے 75 برس مکمل ہونےکی تقریبات میں بھی شرکت کریں گے۔ شہباز شریف کے دورے کے دوران دونوں ممالک کے درمیان مختلف معاہدوں اور مفاہمتی یادداشتوں پر دستخط کا بھی امکان ہے۔ مزید برآں دورۂ چین میں سی پیک، تجارت، سرمایہ کاری اور دوطرفہ تعاون پر اہم بات چیت ہوگی۔
معرکہ حق کی کامیابی کو ایک
معرکہ حق کی کامیابی کو ایک سال مکمل ہونے پر فیلڈ مارشل عاصم منیر، ائیر چیف مارشل ظہیر احمد بابر اور ایڈمرل نوید اشرف کی جانب سے قوم اور افواج کو مبارک باد دی گئی ہے۔ اس حوالے سے جاری ہونے والے بیان میں آئی ایس پی آر کا کہنا ہے کہ قومی یکجہتی کے ساتھ منایا جانے والا یہ دن پیشہ ورانہ مہارت، ہمت اور اتحاد کاثبوت ہے۔ آئی ایس پی آر کے مطابق مسلح افواج ہمیشہ پاکستانی عوام کے شانہ بشانہ ہیں اور قوم سے لازوال رشتے کوجذبہ خدمت کےساتھ فخر سے نبھا رہی ہیں۔ بیان میں کہا گیا کہ معرکہ حق قوم کی تاریخ میں ایک اہم سنگ میل بن گیا ہے، معرکہ حق قومی عزم، عسکری مہارت اور حکمت عملی کی پختگی کی عکاسی کرتا ہے، معرکہ حق کی کامیابی نے قومی اعتماد کو مضبوط کیا اور پاکستان کو ایک ذمہ دار اور مستحکم علاقائی قوت کے طور پر بھی اُجاگر کیا۔ آئی ایس پی آر کے مطابق معرکہ حق کی کامیابی نے اجاگر کیا کہ پاکستان مؤثر دفاعی صلاحیتوں کا حامل ہے، معرکہ حق کے دوران پاکستان کےمؤثر ردعمل نے دشمن کی سازشوں کو بے نقاب کیا، دشمن کے فالس فلیگ کے جھوٹے بیانیےاورپروپیگنڈے کوبے نقاب کیا اور دشمن کو عالمی سطح پر رسوائی اٹھانا پڑی۔ بیان میں کہا گیا کہ پراکسی دہشت گردی سمیت روایتی اور ہائبرڈ چیلنجز کا سامنا کرنے کے باوجود، مسلح افواج نے اعلیٰ صلاحیتوں کا مظاہرہ کیا، مسلح افواج نے زمینی، فضائی،بحری، سائبر اور معلوماتی ڈومینز میں اعلیٰ آپریشنل صلاحیت کا مظاہرہ کیا۔ آئی ایس پی آر کے مطابق معرکہ حق کے بعد پاکستان نے اپنی دفاعی صلاحیتوں میں مزید اضافہ کرتے مکمل اسپیکٹرم ڈیٹرنس کو تقویت دی ہے۔ بیان میں کہا گیا کہ جنوبی ایشیا میں پائیدار امن صرف بامعنی مذاکرات اور بین الاقوامی قانون اور انصاف کے اصولوں کی پاسداری کے ذریعے ہی حاصل کیا جا سکتا ہے۔ آئی ایس پی آر کی جانب سے کہا گیا کہ قوم کی حمایت سے مسلح افواج تمام اندرونی اور بیرونی چیلنجوں کا مقابلہ کرنے کے لیے پوری طرح تیار ہیں، معرکہ حق میں کامیابی مسلح افواج کی تیاری، لگن اور پیشہ ورانہ مہارت کا ثبوت ہے، اس کامیابی نے مسلح افواج پر عوام کے اعتماد کو فیصلہ کن طور پر مضبوط کیا۔ آئی ایس پی آر نے کہا کہ پاکستان خطے میں امن و استحکام کے فروغ اور اپنی خودمختاری کے تحفظ کے لیے پُرعزم اور ثابت قدم ہے۔
امریکی فوج کی جانب سے
امریکی فوج کی جانب سے خلیج عمان میں نشانہ بننے والا ’توسکا‘ نامی ایرانی جہاز کراچی پہنچ گیا۔ 19 اپریل کو جہاز کو خلیج عمان میں امریکی بحریہ کےجنگی جہاز یو ایس ایس اسپروینس نےنشانہ بنایا تھا۔ یو ایس ایس اسپروینس کی جانب سے توسکا کے انجن روم کو نشانہ بنائے جانے کے بعد جہاز کے انجن نے کام چھوڑ دیا تھا بعد ازاں امریکی فوجی ہیلی کاپٹر کے ذریعے جہازپر قبضےکے لیےاترے تھے۔ جہاز پر قبضے کے بعد خلیج عمان میں ایرانی کمرشل جہاز کی تلاشی بھی لی گئی تھی۔ پورٹ ذرائع کے مطابق جہاز کی مرمت ممکنہ طور پر شپ یارڈ کرسکتی ہے۔ امریکی کی جانب سے جہاز کے عملے کو پہلے ہی پاکستان کے حوالے کردیا گیا تھا جہاں وہ ایران روانہ ہوگئے تھے۔
یو اے ای میں کسی ملک یا فرقے
وفاقی وزارت داخلہ نے سوشل میڈیا پر یو اے ای سے کسی ملک یا فرقے سے منسلک افراد کی بے دخلی سے متعلق خبروں کو جعلی قرار دیدیا۔ وفاقی وزارت داخلہ نے واضح کردیا کہ یو اے ای میں کسی ملک یا فرقےکےخلاف مخصوص ڈی پورٹیشن مہم نہیں چل رہی، یو اے ای سے بے دخلی صرف میزبان ممالک کے قوانین کی خلاف ورزی پر ہوتی ہے۔ وفاقی وزارت داخلہ کی جانب سے جاری اعلامیے میں بتایاگیا کہ یو اے ای سے بے دخلی ویزا خلاف ورزی اور غیرقانونی دستاویزات کی بنیاد پر ہوتی ہے۔ اعلامیے میں کہاگیاکہ پاکستانی شہری بدستوریو اے ای اور دیگر دوست ممالک میں ورک ویزا حاصل کر رہے ہیں۔ وزارت داخلہ کے مطابق بیرونِ ملک پاکستانیوں کے مسائل متعلقہ ممالک سے سفارتی ذرائع کے ذریعے اٹھائے جاتے ہیں، پاکستانیوں کے ساتھ ہر معاملہ کیس ٹو کیس بنیاد پر دیکھاجاتا ہے۔ وزارت داخلہ نے غیر مصدقہ اطلاعات پھیلانے سےگریز کی ہدایت کرتے ہوئےکہا کہ جعلی خبریں بدنیتی اور مذموم مقاصد کے تحت پھیلائی جارہی ہیں۔
آسٹریلیا نے پاکستان میں دہشتگردانہ
آسٹریلیا نےکالعدم بی ایل اے اور تنظیم کے 3 سینئر رہنماؤں پرپابندیاں عائد کردیں۔ آسٹریلوی وزارت خارجہ کی جانب سے جاری اعلامیے میں کہا گیا کہ بلوچستان لبریشن آرمی پاکستان میں دہشتگردانہ حملوں میں ملوث ہے، ان حملوں میں پاکستانی اور غیر ملکی شہریوں، اہم تنصیبات اور ریاستی اداروں کو نشانہ بنایا گیا۔ بیان کے مطابق آسٹریلیاکا دہشتگردی اور پرتشدد انتہا پسندی کےخلاف مقابلہ کرنے کا عزم غیرمتزلزل ہے، پابندیوں کا مقصد دہشتگروں کی مالی معاونت روکنا ہے تاکہ ان کے لیے کارروائیاں کرنا، بھرتیاں کرنا اور انتہاپسند نظریات پھیلانا مشکل بنایا جاسکے۔ آسٹریلوی حکومت نے کہا کہ وہ عالمی شراکت داروں کے ساتھ مل کر ایسے نیٹ ورکس کے خلاف کارروائیاں جاری رکھے گی جو علاقائی اور عالمی سلامتی کے لیے خطرات کا باعث بنتے ہیں۔ بیان میں مزید کہا گیا کہ پابندیوں کی زد میں آنے والے افراد اور تنظیم کے اثاثوں کا استعمال، لین دین یا انہیں مالی وسائل فراہم کرنا آسٹریلوی قانون کے تحت جرم ہوگا، خلاف ورزی کی صورت میں بھاری جرمانے اور 10 سال تک قید کی سزا ہوسکتی ہے۔ آسٹریلوی حکومت کے مطابق دہشتگردوں کے خلاف پابندیوں کا مقصد عالمی امن و سلامتی کا تحفظ یقینی بنانا ہے۔
خیبرپختونخوا میں سکیورٹی فورسز
سکیورٹی فورسز نے خیبرپختونخوا میں بھارتی حمایت یافتہ 5 خوارج ہلاک کردیے۔ آئی ایس پی آر کے مطابق سکیورٹی فورسز نے7 اور 8 مئی کو خیبرپختونخوا میں 2 مختلف کارروائیاں کیں، پانچوں دہشتگردوں کو 2 مختلف کارروائیوں میں ہلاک کیاگیا۔ آئی ایس پی آر کے مطابق سکیورٹی فورسز نے خوارج کی موجودگی کی اطلاع پر ضلع ٹانک میں انٹیلی جنس بنیادوں پر آپریشن کیا، آپریشن کے دوران سکیورٹی فورسز نے مؤثر انداز میں خوارج کے ٹھکانےکو نشانہ بنایا، شدید فائرنگ کے تبادلے کے بعد فتنہ الخوارج کے 4 دہشت گردوں کو ہلاک کیاگیا۔ آئی ایس پی آر کے مطابق ڈیرہ اسماعیل خان میں دوران کارروائی ایک خوارج کو ہلاک کیاگیا، ہلاک دہشت گردوں سے اسلحہ اور گولہ بارود بھی برآمد ہوا، ہلاک دہشتگرد علاقے میں متعدد دہشتگرد کارروائیوں میں سرگرم رہے تھے۔ آئی ایس پی آر نے بتایاکہ علاقے میں ممکنہ طور پر موجود دیگر خوارج کے خاتمےکے لیے سرچ اور کلیئرنس آپریشن جاری ہے۔ وزیراعظم شہبازشریف نے فتنہ خوارج کے 5 دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے اپنے پیغام میں کہا کہ عزم استحکام ویژن کے تحت سکیورٹی فورسز دہشت گردی کے خلاف بڑی کامیابیاں حاصل کر رہی ہیں، دہشت گردی کے خلاف اس جنگ میں پوری قوم افواج پاکستان کے ساتھ کھڑی ہے۔ وزیراعظم نے کہا پوری قوم دہشت گردی کے خلاف متحد ہے، ساتھ ہی واضح کردیا کہ ملک سے ہر قسم کی دہشت گردی کے مکمل خاتمے تک چین سے نہیں بیٹھیں گے۔
ہنگو : فتنہ الخوارج کے 100 سے
خیبرپختونخوا کے شہر ہنگو میں فتنہ الخوارج کے 100 سےزائد دہشت گردوں کی دراندازی کی کوشش ناکام بنادی گئی۔ پولیس حکام کے مطابق پولیس، سی ٹی ڈی اور دیگر اداروں نے فتنہ الخوارج کی دراندازی ناکام بنائی، کامیاب آپریشن کے بعد اسکول، دیگر املاک اور پہاڑی علاقوں کو کلیئر کردیا گیا ۔ پولیس نے بتایا کہ دہشت گردوں کے مارٹر گولے آبادی پر گرنے سے 6 شہری شہید جبکہ 13 زخمی ہوئے ، دہشت گرد اپنے ہلاک ساتھیوں کی لاشیں اور زخمیوں کو اٹھا کر فرار ہوئے۔ آئی جی خیبر پختونخوا ذوالفقارحمید نے آپریشن میں حصہ لینے والے اہل کاروں کے لیے خراجِ تحسین پیش کرتے ہوئے انعامات اور تعریفی اسناد دینے کا اعلان کیا۔ آئی جی ذوالفقارحمید نے کہا کہ خیبر پختو نخوا پولیس فتنہ الخوارج کا مکمل صفایا کرنے کی صلاحیت رکھتی ہے، عوام کے تحفظ کیلئے کسی قربانی سے دریغ نہیں کیا جائے گا۔
دنیا میں امن کیلئے پاکستان
وزیراعظم شہباز شریف کا کہنا ہےکہ امریکا ایران جنگ کے دوران خطے اور دنیا میں امن کے لیے پاکستان نے اپنا کردار ادا کیا اور کر رہا ہے، امید ہے کہ جاری بات چیت دیرپا امن میں تبدیل ہو گی اور امن ہوگا۔ اسلام آباد میں بین الاقوامی پیغام اسلام کانفرنس سے خطاب کرتے ہوئے وزیر اعظم شہباز شریف کا کہنا تھا کہ امریکا اور ایران کی قیادت ہماری دعوت پر اسلام آباد آئی، 1979 کے بعد پہلی مرتبہ ایسا ہوا کہ دونوں ممالک کی اعلیٰ قیادت ایک ساتھ بیٹھی۔ انہوں نے کہا کہ سعودی ولی عہد محمد بن سلمان نے امن بات چیت میں بھر پور کردار ادا کیا، امن کے لیے پاکستان کا کردار مستقبل میں بھی جاری رہے گا۔ وزیر اعظم نے فیلڈ مارشل سید عاصم منیر اور نائب وزیر اعظم اسحاق ڈار کی بھی تعریف کی اور کہا کہ فیلڈ مارشل نے فریقین کو ایک میز پر بٹھایا اور ان کی کوششیں اب بھی جاری ہیں جبکہ اسحاق ڈار اس دوران دونوں ممالک کی قیادت سے مسلسل رابطے میں رہے۔ شہباز شریف کا کہنا تھا کہ خطے اور دنیا میں امن کے لیے پاکستان نے اپنا بھرپور کردار کیا اور اب بھی کر رہا ہے، امید ہے کہ جاری بات چیت دیرپا امن میں تبدیل ہو گی، خطے میں امن ہوگا اور مزید جانیں ضائع نہیں ہوں گی۔ انہوں نے کہا کہ علماء کرام لوگوں میں مزید اتفاق اور اتحاد پیدا کریں، دہشت گرد مسلمان کہلوانے کے قابل نہیں ہیں، حالیہ بحران کے دوران پوری قوم اکٹھی نظر آئی، فرقے اور مسلک سے قطع نظر سب نے امن اور جنگ کے خاتمےکی بات کی۔ وزیر اعظم شہباز شریف نے حرمین شریفین کے دفاع کے عزم کی تجدید کی ۔ فلسطین اورکشمیر پر پاکستان کے مؤقف کو دہرایا اور کہا پاکستان مظلوم کشمیریوں اور فلسطینیوں کو قانونی حق ملنے تک اُن کا ساتھ دیتا رہےگا۔ کانفرنس میں وزیراعظم نے امت مسلمہ کے لیے نمایاں خدمات انجام دینے والی شخصیات کو شیلڈز بھی پیش کیں۔ وزیراعظم نے سعودی عرب کے ولی عہد شہزاد محمد بن سلمان کے لیے بھی اعزازی شیلڈ دی جو سعودی سفیر نے وصول کی۔ وزیراعظم نے سعودی عرب کے سفیر، فلسطین کے مفتی اعظم اور بین الاقوامی اسلامی یونیورسٹی کے صدر کو بھی شیلڈز دیں جب کہ مفتی اعظم مقبوضہ بیت المقدس محمد احمد حسین نے خصوصی دعا کرائی۔
مولانافضل الرحمان کا مولانا ادریس
جمعیت علماء اسلام (جے یو آئی) کے سربراہ مولانا فضل الرحمان نے پارٹی کے سابق ایم پی اے اور معروف عالم دین مولانا محمد ادریس کے قاتلوں کی گرفتاری کا مطالبہ کرتے ہوئے 8 مئی کو نماز جمعہ کے بعد پورے ملک میں مظاہروں کا اعلان کردیا۔ چارسدہ میں مولانا فضل الرحمان نے مولانا محمد ادریس کے گھر جا کر تعزیت کی اور مولانا محمد ادریس کو خراج عقیدت پیش کیا۔ میڈیا سے گفتگو کرتے ہوئے مولانا فضل الرحمان کا کہنا تھا کہ اختلاف رائے پرکسی مسلمان کا قتل جہالت ہے، مولانا ادریس کی جدائی امت مسلمہ کے لیے صدمہ ہے، اللہ اپنی قدرت سے ظالموں سے مولانا ادریس کا انتقام لےگا، وہ امن کی تلاش میں بے امنی کا شکار ہوگئے۔ مولانا فضل الرحمان کا کہنا تھا کہ علماء کرام پاکستان کے آئین کے ساتھ کھڑے ہیں، ہمارا متفقہ فیصلہ ہےکہ پاکستان کے اندر اسلحہ اٹھانا جائز نہیں، ہمارا حکمرانوں اور اداروں سے مطالبہ ہے مفت کی تنخواہیں نہ لیں،اداروں کا فرض ہے کہ شہید کے قاتلوں کو گرفتار کریں۔
لاہور سمیت پنجاب بھر
لاہور سمیت صوبہ بھر سے 94 سول ججز کے تقرر و تبادلےکر دیے گئے ۔ چیف جسٹس لاہور ہائیکورٹ عالیہ نیلم نے 94 سول ججز کو تبدیل کر دیا، تبدیل ہونے والے ججز کو نئے مقامات پر 11 مئی تک چارج سنبھالنے کی ہدایت کی گئی ہے۔ ججز کے تقرر و تبادلوں سے متعلق جاری نوٹیفکیشن کے مطابق سول جج محمد آصف نواز ملتان سے جہلم جبکہ سول جج ہما الطاف کا حسین آباد سے منڈی بہاؤالدین ٹرانسفر کردیاگیا۔ نوٹیفکیشن کے مطابق سول جج شہباز حسین شیخوپورہ سے چونیاں اور صائمہ تبسم سیالکوٹ سے چونیاں تعینات کی گئیں۔ سول جج کلیم اللہ ڈی جی خان سے نارووال اور سول جج عبد الستار گجرات سے بورے والا تعینات کردیےگئے، ٹرانسفر ہونے والوں میں لاہور سے 18 سول ججز بھی شامل ہیں۔
متاثرہ آنکھ کے فالو اپ چیک
راولپنڈی: بانی پی ٹی آئی عمران خان کی اہلیہ بشریٰ بی بی کو الشفا ٹرسٹ آئی اسپتال راولپنڈی منتقل کیا گیا جہاں ان کا طبی معائنہ کیا گیا۔ ذرائع کے مطابق بشریٰ بی بی کو سخت سکیورٹی میں اڈیالہ جیل سے اسپتال منتقل کیا گیا۔ ذرائع کا کہنا ہےکہ بشریٰ بی بی کی متاثرہ آنکھ کا فالو اپ چیک اپ کیا گیا۔ بشریٰ بی بی کی آنکھ کی سرجری17 اپریل کو الشفا آئی ٹرسٹ اسپتال میں کی گئی تھی۔ ذرائع کے مطابق بشریٰ بی بی کی متاثرہ آنکھ کا فالو اپ چیک اپ اڈیالہ جیل میں بھی ہوتا رہا ہے۔ ذرائع کے مطابق بشریٰ بی بی کو طبی معائنے کے بعد اڈیالہ جیل واپس منتقل کردیا گیا۔
مشرقِ وسطیٰ میں جاری کشیدگی
اسلام آباد: سربراہ پاک بحریہ ایڈمرل نوید اشرف کا کہنا ہے کہ مشرقِ وسطیٰ میں جاری کشیدگی خطے کی بحری سلامتی کے لیے بڑا چیلنج ہے، پاک بحریہ خلیج عمان میں میری ٹائم کمیونٹی کو تحفظ کی یقین دہانی کروارہی ہے۔ پاک فوج کے شعبہ تعلقات عامہ ( آئی ایس پی آر) کے مطابق اسلام آباد میں سربراہ پاک بحریہ ایڈ مرل نوید اشرف کی زیر صدارت پاک بحریہ کی کمانڈ اینڈ اسٹاف کانفرنس ہوئی۔ کانفرنس میں روایتی اور غیرروایتی چیلنجز کے خلاف جنگی تیاریوں کا تسلسل برقرار رکھنے پر زور دیا گیا۔ آئی ایس پی آر کے مطابق نیول چیف ایڈمرل نوید اشرف نے کہا کہ مشرقِ وسطیٰ میں جاری کشیدگی خطے کی بحری سلامتی کے لیے بڑا چیلنج ہے، پاک بحریہ خلیج عمان میں میری ٹائم کمیونٹی کو تحفظ کی یقین دہانی کروارہی ہے۔ آئی ایس پی آر نے بتایا کہ نیول چیف نے کہا کہ میری ٹائم سکیورٹی چیلنجز سے نمنٹے کیلئے جدید ہتھیاروں اور ٹیکنالوجی کا حصول ناگزیر ہے۔ نیول چیف نے کہا کہ کامیابی قومی یکجہتی، بیرونی جارحیت کو شکست دینے اور پاکستان کے بحری مفادات کی حفاظت کے پختہ عزم کا ثبوت ہے۔ کانفرنس میں معرکہِ حق کے دوران دی جانے والی قربانیوں کو خراجِ تحسین پیش کیا گیا۔ آئی ایس پی آر کے مطابق نیول چیف کو پاک بحریہ کے جاری اور مستقبل کے منصوبوں پر بریفنگ بھی دی گئی۔ نیول چیف نے ملکی بحری سرحدوں کے دفاع کیلئے پاک بحریہ کی آپریشنل تیاریوں پر اطمینان کا اظہار کیا۔
جیل کیوں نہیں آتے،
بانی پی ٹی آئی سے ملاقات کے دن پارٹی رہنماؤں کے اڈیالہ جیل نہ آنے پر علیمہ خان ناراض ہوگئیں۔ انہوں نے کہا کہ پارٹی کے ارکان اسمبلی اڈیالہ جیل کیوں نہیں آئی جو لوگ اسمبلیوں میں بانی پی ٹی آئی کے ووٹ سے بیٹھے ہیں، کیا انہیں یہاں نہیں ہونا چاہیے تھا پارٹی رہنما شاہد خٹک نے علیمہ خان کو وضاحتیں دیتے ہوئے کہا میں نے تو آپ کا بیان پارلیمانی گروپ اور خیبر پختونخوا کے ایم این ایز گروپ میں شیئر کر دیا تھا۔ شاہد خان نے کہاکہ سب کو کہہ دیا تھا کہ اڈیالہ جیل پہنچنا ہے، اگلے ہفتے خیبر پختونخوا کے تمام ارکان اسمبلی اور وزیراعلیٰ یہاں ہوں گے۔علیمہ خان نے کہا کہ جو لوگ اڈیالہ جیل نہیں آسکتے انہیں عہدے اور سیٹیں چھوڑ دینی چاہئیں۔انہوں نے کہا کہ جن لوگوں نے بانی پی ٹی آئی کے نام پر ووٹ لیے انہیں تھوڑی سی شرم کرنی چاہیے۔
مولانا ادریس کو شہید کرنیوالے
کراچی: نامور عالم دین مفتی تقی عثمانی نے جید عالم دین اور سابق رکن اسمبلی جے یو آئی مولانا ادریس ترنگ زئی کی شہادت پر اظہار تعزیت کیا ہے۔ مفتی تقی عثمانی نے اپنے بیان میں کہا ہے کہ مولانا ادریس کو شہید کرنے والے مسلمان یا انسان کہلانے کے مستحق نہیں۔ مفتی تقی عثمانی نے کہا کہ مولانا ادریس کی شہادت سے ملک وملت عظیم سرمائے سے محروم ہوگئے۔ یاد رہے کہ منگل کی صبح چارسدہ کے علاقے اتمانزئی میں فتنۃ الخوارج نے جید عالم دین اور سابق رکن اسمبلی جے یو آئی شیخ محمد ادریس کو شہید کردیا تھا۔ شیخ محمد ادریس پر حملہ صبح اس وقت ہوا جب وہ اپنے گھر سے مدرسے کی جانب جا رہے تھے۔ گاڑی میں مولانا ادریس،2 پولیس اہلکار اور ڈرائیور تھے، ملزمان نے گاڑی پرپیچھے سے فائرنگ کی جس سے مولانا ادریس شہید اور 2 پولیس اہلکار زخمی ہوگئے۔ مولانا ادریس کے قتل کی ایف آئی آر تھانہ سی ٹی ڈی مردان میں درج کرلی گئی ہے۔
فلسطینی بچوں کی ملالہ یوسف زئی
مقبوضہ مغربی کنارے کے فلسطینی بچوں نے نوبیل انعام یافتہ ملالہ یوسف زئی سے ویڈیو کال کے ذریعے گفتگو کی، جس میں انہوں نے اسرائیلی مظالم اور تعلیمی مشکلات سے متعلق آگاہ کیا۔ مقبوضہ مغربی کنارے کے فلسطینی بچوں نے نوبیل انعام یافتہ ملالہ یوسف زئی سے ویڈیو کال پر گفتگو کی۔ بچوں نے ملالہ کو بتایا اسرائیلی قابضین نے اسکول کے راستوں میں رکاوٹیں کھڑی رکھی ہیں ، خار دار تاریں لگادیں ، اسکول آنا جانا مشکل ہوچکا ہے ، ان کا مستقبل داؤ پر لگایا جارہا ہے۔ ملالہ یوسف زئی نے بچوں سے کہا یہ سب دیکھ کر ان کا دل ٹوٹ گیا ، امید ہے دنیا ان بچوں کی آواز سنے گی کہ کس طرح غیر قانونی بستیوں میں رہنے والے قابضین اور اسرائیلی فوج بچوں کے بنیادی حقوق کے راستے میں دیوار بنے ہوئے ہیں۔ بچوں نے ملالہ یوسف زئی کے لیے عربی میں گیت بھی گائے ۔
عمران خان سے ملاقات کے
راولپنڈی: بانی پی ٹی آئی عمران خان سے ملاقات کے دن پارٹی رہنماؤں کے اڈیالہ جیل نہ آنے پر علیمہ خان ناراض ہوگئیں۔ عمران خان کی بہن علیمہ خان نے اڈیالہ جیل کے باہر اظہار برہمی کرتے ہوئے کہا کہ پارٹی کے ارکان اسمبلی اڈیالہ جیل کیوں نہیں آئے؟ جو لوگ اسمبلیوں میں بانی پی ٹی آئی کے ووٹ سے بیٹھے ہیں کیا انھیں آج یہاں نہیں ہونا چاہیے تھا؟ پارٹی رہنما شاہد خٹک نے علیمہ خان کو وضاحتیں دی اور کہا کہ میں نے تو آپ کا بیان پارلیمانی گروپ اور خیبر پختون خوا کے ایم این ایز گروپ میں شیئر کر دیا تھا۔ انہوں نے کہا کہ میں نے سب کو کہہ دیا تھا کہ اڈیالہ جیل پہنچنا ہے ، اگلے ہفتے خیبر پختون خوا کے تمام ارکانِ اسمبلی اور وزیرِ اعلیٰ یہاں ہوں گے۔ علیمہ خان نے کہا جو لوگ اڈیالہ جیل نہیں آ سکتے انہیں عہدے اور سیٹیں چھوڑ دینی چاہییں ، جن لوگوں نے بانی پی ٹی آئی کےنام پر ووٹ لیے ، انہیں تھوڑی سی شرم کرنی چاہیے ۔
مولانا ادریس قتل: کیمروں کی
چارسدہ: جے یو آئی کے سابق رکن خیبر پختونخوا اسمبلی مولانا محمد ادریس کو شہید کرنے والے ملزمان کی تصاویر حاصل کرلی گئیں۔ گزشتہ روز چارسدہ میں نامعلوم افراد نے مولانا محمد ادریس کی گاڑی پر فائرنگ کی تھی جس کے نتیجے میں وہ شہید ہوگئے۔ مولانا ادریس کو گھر سے مدرسے جاتے ہوئے منگل کی صبح نشانہ بنایا گیا تھا جب کہ ان کی سکیورٹی پر مامور 2 پولیس اہلکار زخمی بھی ہوئے ۔ تفتیشی حکام نے سیف سٹی کیمروں کی مدد سے ملزمان کی تصاویر حاصل کرلیں اور ٹارگٹ کلنگ میں ملوث 4 میں سے ایک دہشتگرد کی شناخت بھی کرلی گئی ہے۔ ابتدائی تفتیش کے مطابق مولانا ادریس کے قتل کا منصوبہ افغانستان میں بنایا گیا اور دہشتگرد کا تعلق افغانستان سے ہے، اسکے مکمل نیٹ ورک کا سراغ لگایا جارہا ہے۔
وزیر اعلیٰ خیبرپختونخوا سہیل آفریدی کا
وزیر اعلیٰ خیبرپختونخوا سہیل آفریدی نے چارسدہ فائرنگ واقعے میں ممتاز عالم دین مولانا محمد ادریس کی شہادت کا نوٹس لے لیا اور واقعے کی شدید مذمت کرتے ہوئے پولیس حکام سے واقعے کی رپورٹ طلب کر لی۔ سہیل آفریدی کا اپنے بیان میں کہناتھا کہ مولانا محمد ادریس کی شہادت افسوسناک ہے، مشکل کی اس گھڑی میں لواحقین کے ساتھ کھڑے ہیں، وزیر اعلیٰ نے شہید کے درجات کی بلندی اور لواحقین کے لیے صبر جمیل کی دعا کی۔ وزیراعلیٰ خیبرپختونخوا کاکہناتھا کہ مولانا محمد ادریس کی شہادت کی خبر سن کر دل انتہائی افسردہ ہوا، متاثرہ خاندان کے غم میں پوری قوم ان کے ساتھ کھڑی ہے۔ وزیر اعلی نے واقعے میں زخمی پولیس اہلکاروں کو فوری اور بہترین طبی سہولیات فراہم کرنے کی ہدایت کی۔
سندھ کابینہ کے بڑے فیصلے، ترقیاتی منصوبوں
کراچی میں سید مراد علی شاہ کی زیر صدارت صوبائی کابینہ کا اہم اجلاس منعقد ہوا، جس میں صوبائی وزراء، مشیران، معاونین خصوصی، چیف سیکرٹری اور دیگر اعلیٰ حکام نے شرکت کی۔ نجی ٹی وی چینل دنیا نیوز کے مطابق ترجمان وزیراعلیٰ کا کہنا ہے کہ اجلاس میں 25 نکاتی ایجنڈے پر تفصیلی غور کیا گیا، جبکہ سندھ کابینہ نے مختلف ترقیاتی منصوبوں کے لیے اربوں روپے کی منظوری دے دی۔ کابینہ نے حیدرآباد اور کوٹڑی کے درمیان دریائے سندھ پر نئے پل کے انجینئرنگ ڈیزائن کے لیے 147.2 ملین روپے مختص کیے، جسے اندرونِ ملک ٹریفک کے لیے اہم سہولت قرار دیا گیا۔ کونسا صوبہ کتنا مقروض؟ وزارت خزانہ کی دستاویز میں تفصیلات سامنے آگئیں کراچی میں سڑکوں کی بحالی کے لیے 6.5 ارب روپے کی منظوری دی گئی اور کے ایم سی کو 24 ٹاؤنز میں روڈ انفرااسٹرکچر بہتر بنانے کے لیے فنڈز جاری کرنے کی ہدایت کی گئی۔ کابینہ نے شہر کے ایس تھری منصوبے کے لیے 2 ارب روپے کی منظوری دی، جس کے تحت ہارون آباد میں ایس ٹی پی ون کے پہلے مرحلے کی تکمیل ممکن ہوگی۔ اسی طرح لاڑکانہ میں نکاسی آب کے نظام کی بہتری کے لیے 4 ارب روپے، جبکہ ضلعی عدالتی نظام کی ڈیجیٹلائزیشن کے لیے 48.9 ملین روپے مختص کیے گئے، مورو میں چار نئی عدالتوں کی تعمیر کے لیے بھی 432.597 ملین روپے کی منظوری دی گئی۔ لاہور ہائیکورٹ نے35 ججز کو مختلف اضلاع کا انسپکشن جج تعینات کر دیا تعلیم اور صحت کے شعبوں میں بھی اہم فیصلے کیے گئے، جن کے تحت دادو میں پیر الٰہی بخش لا کالج کے لیے 25 ملین روپے، جبکہ سکھر کے غلام محمد میڈیکل کالج ہسپتال میں 50 بستروں پر مشتمل ٹراما سینٹر کے قیام کے لیے 635.48 ملین روپے منظور کیے گئے، وزیراعلیٰ نے ہدایت کی کہ یہ ٹراما سینٹر جون 2026 تک فعال کیا جائے۔ مزید برآں عمرکوٹ میں یتیم خانے کے قیام کے لیے 80 ملین روپے، جبکہ سینٹ پیٹرک ہائی سکول میں ای سی سی ای بلاک کے لیے 90 ملین روپے کی منظوری دی گئی۔ کابینہ نے سندھ جاب پورٹل کے لیے 86.535 ملین روپے اور مصنوعی ذہانت کے فروغ کے لیے ’انڈس اے آئی ویک 2026‘ کے انعقاد کی بھی منظوری دی۔ بجٹ میں ٹیکس نیٹ وسیع، سیلز ٹیکس استثنیٰ کم اور اخراجات کو محدود کرنے کا فیصلہ سیہون ڈیولپمنٹ اتھارٹی کے واجبات کی ادائیگی کے لیے 615.7 ملین روپے کی منظوری دی گئی، تاہم اسے تنظیمِ نو سے مشروط کیا گیا، جبکہ نئی بھرتیوں پر پابندی عائد کرتے ہوئے 421 ملازمین کو سرپلس پول میں شامل کرنے کا فیصلہ کیا گیا۔ دیگر منصوبوں میں حیدرآباد میں قبرستان کے لیے 252.206 ملین روپے، قاسم آباد میں پانی کی فراہمی کے منصوبوں کے لیے 800 ملین روپے، انڈر پاس اور لنک روڈ کے لیے 0.8 ارب روپے، جبکہ لطیف آباد میں سپورٹس کمپلیکس کی تعمیر کے لیے 0.5 ارب روپے کی منظوری شامل ہے۔ مزید برآں، شیخ ایاز روڈ کی توسیع اور نکاسی آب کے نظام کی بہتری کے لیے 1.2 ارب روپے جبکہ مختلف علاقوں میں ڈرین نالے کی تعمیر کے لیے 0.9 ارب روپے کی منظوری بھی دی گئی۔ وزیر اعلیٰ خیبرپختونخوا سہیل آفریدی کا ممتاز عالم دین مولانا محمد ادریس کی شہادت کا نوٹس ،رپورٹ طلب کر لی وزیراعلیٰ سندھ کا کہنا تھا کہ ان منصوبوں سے صوبے میں انفرااسٹرکچر، صحت، تعلیم اور عوامی سہولیات میں نمایاں بہتری آئے گی۔ کراچی میں سڑکوں کی بحالی کے لیے 6.5 ارب روپے کی منظوری دی گئی اور کے ایم سی کو 24 ٹاؤنز میں روڈ انفرااسٹرکچر بہتر بنانے کے لیے فنڈز جاری کرنے کی ہدایت کی گئی۔ کابینہ نے شہر کے ایس تھری منصوبے کے لیے 2 ارب روپے کی منظوری دی، جس کے تحت ہارون آباد میں ایس ٹی پی ون کے پہلے مرحلے کی تکمیل ممکن ہوگی۔ اسی طرح لاڑکانہ میں نکاسی آب کے نظام کی بہتری کے لیے 4 ارب روپے، جبکہ ضلعی عدالتی نظام کی ڈیجیٹلائزیشن کے لیے 48.9 ملین روپے مختص کیے گئے، مورو میں چار نئی عدالتوں کی تعمیر کے لیے بھی 432.597 ملین روپے کی منظوری دی گئی۔ تعلیم اور صحت کے شعبوں میں بھی اہم فیصلے کیے گئے، جن کے تحت دادو میں پیر الٰہی بخش لا کالج کے لیے 25 ملین روپے، جبکہ سکھر کے غلام محمد میڈیکل کالج ہسپتال میں 50 بستروں پر مشتمل ٹراما سینٹر کے قیام کے لیے 635.48 ملین روپے منظور کیے گئے، وزیراعلیٰ نے ہدایت کی کہ یہ ٹراما سینٹر جون 2026 تک فعال کیا جائے۔ مزید برآں عمرکوٹ میں یتیم خانے کے قیام کے لیے 80 ملین روپے، جبکہ سینٹ پیٹرک ہائی سکول میں ای سی سی ای بلاک کے لیے 90 ملین روپے کی منظوری دی گئی۔ کابینہ نے سندھ جاب پورٹل کے لیے 86.535 ملین روپے اور مصنوعی ذہانت کے فروغ کے لیے ’انڈس اے آئی ویک 2026‘ کے انعقاد کی بھی منظوری دی۔ سیہون ڈیولپمنٹ اتھارٹی کے واجبات کی ادائیگی کے لیے 615.7 ملین روپے کی منظوری دی گئی، تاہم اسے تنظیمِ نو سے مشروط کیا گیا، جبکہ نئی بھرتیوں پر پابندی عائد کرتے ہوئے 421 ملازمین کو سرپلس پول میں شامل کرنے کا فیصلہ کیا گیا۔ دیگر منصوبوں میں حیدرآباد میں قبرستان کے لیے 252.206 ملین روپے، قاسم آباد میں پانی کی فراہمی کے منصوبوں کے لیے 800 ملین روپے، انڈر پاس اور لنک روڈ کے لیے 0.8 ارب روپے، جبکہ لطیف آباد میں سپورٹس کمپلیکس کی تعمیر کے لیے 0.5 ارب روپے کی منظوری شامل ہے۔ مزید برآں، شیخ ایاز روڈ کی توسیع اور نکاسی آب کے نظام کی بہتری کے لیے 1.2 ارب روپے جبکہ مختلف علاقوں میں ڈرین نالے کی تعمیر کے لیے 0.9 ارب روپے کی منظوری بھی دی گئی۔
2025 میں پاکستان میں
پاکستان میں سال 2025 میں صنفی تشدد کے واقعات میں 25 فیصد اضافہ ہوا، خواتین کی سائبر ہراسگی کے 2 ہزار 586 واقعات ہوئے جبکہ 470 خواتین غیرت کے نام پر قتل کی گئیں۔ ہیومن رائٹس کمیشن آف پاکستان نے سال 2025 کے مخدوش انسانی حقوق پر سالانہ رپورٹ جاری کر دی۔ رپورٹ کے مطابق سال 2025 میں پاکستان بنیادی حقوق کے نفاذ کے حوالے سے 143 ممالک میں 130ویں نمبر پر رہا، سزائے موت کی شرح میں بھی اضافہ ہوا۔ رپورٹ میں بتایا گیا کہ 2025 میں ایک ہزار 272 دہشت گردانہ حملوں اور انسداد دہشت گردی کی کارروائیوں میں 3 ہزار 417 اموات ہوئیں، 2 ہزار 134 افراد زخمی ہوئے۔ ایچ آر سی پی کی سالانہ رپورٹ کے مطابق پورے ملک میں ایک ہزار 155 پولیس مقابلوں میں ایک ہزار 696 افراد مارے گئے، ان میں سے سی ٹی ڈی پنجاب کے ایک ہزار 128 انکاؤنٹرز میں 977 افراد مارے گئے ۔جیلوں میں استعداد سے زیادہ قیدیوں کی شرح 171 فیصد تک پہنچ چکی۔ ایچ آر سی پی رپورٹ کے مطابق بیرون ملک 21 ہزار 600پاکستانی شہری قید ہیں۔بھارتی جیلوں میں 738 پاکستانی ہیں جن میں ماہی گیر بھی شامل ہیں ۔ عالمی جینڈر گیپ انڈیکس میں پاکستان 148 ممالک میں سے 145ویں نمبر پر رہا، صنفی تشدد کے واقعات میں 25 فیصد اضافہ ہوا، گھریلو تشدد کے واقعات میں ایک ہزار 332 خواتین کو قتل کر دیا گیا ، ریپ کے 3 ہزار 815 مقدمات سامنے آئے۔خواتین کی سائبر ہراسگی کے 2 ہزار 586 واقعات ہوئے جبکہ 470 خواتین غیرت کے نام پر قتل کی گئیں۔ رپورٹ کے مطابق بچوں پر تشدد کے 3 ہزار 600 کیسز رپورٹ ہوئے۔اغوا کے ایک ہزار 107 کیسز ہوئے، 365 بچے لاپتہ ہوئے۔ کم عمری کی شادی کے 53 کیسز رپورٹ ہوئے، بچوں کے ساتھ زیادتی کے 52 کیسز فحش مواد سے منسلک تھے۔ رپورٹ کے مطابق سال 2025 میں 19 ٹرانس جینڈز قتل ہوئے، 2 پر تیزاب پھینکا گیا ۔ خیبرپختونخوا میں سب سے زیادہ 10 ٹرانس جینڈر قتل ہوئے، 13 جنسی تشدد کا نشانہ بنے۔ ایچ آر سی پی کی رپورٹ میں کہا گیا ہے کہ سال 2025 میں مزید لاکھوں افراد خط غربت کی لکیر سے نیچے زندگی گزارنے پر مجبور ہوئے۔
پاک بھارت تباہ کن جنگ کا
کراچی : امریکا میں قائم بین الاقوامی سلامتی سے متعلق تھنک ٹینک اسٹمسن کی سینئر محقق اور جنوبی ایشیا پروگرام کی ڈائریکٹر الزبتھ تھرلکلڈ نے پاکستان اور بھارت کے درمیان ایک اور تباہ کن جنگ کا خدشہ ظاہر کردیا۔ الزبتھ تھرلکلڈ نے امریکی جریدےفارن افیئرمیں اپنے تفصیلی مضمون میں کہا ہےکہ پاکستان اور بھارت میں ایک اور تباہ کن جنگ کا خدشہ ہے،معمولی چنگاری بھی بڑے تصادم کی وجہ بن سکتی ہے،نئی عسکری حکمت عملی، جدید ہتھیار اور بڑھتا اعتماد خطے کو خطرناک تصادم کی طرف دھکیل رہے ہیں اس صورتحال میں چین اور امریکا کی ممکنہ شمولیت دوسری جانب سوشل میڈیا اور غلط معلومات جنگ کو تیزی سے پھیلا سکتی ہیں جس کے نتیجے میں سفارتکاری محدود ہوسکتی ہے حتیٰ کہ اسے واشنگٹن کیلئے بھی روکنا مشکل ہوگا۔ الزبتھ نے اپنے مضمون میں لکھا کہ مئی 2025 میں بھارت اور پاکستان کے درمیان ہونے والا 4 روزہ شدید عسکری تصادم محض ایک وقتی بحران نہیں تھا بلکہ اس نے جنوبی ایشیا کے سکیورٹی ڈھانچے کو ایک نئے اور زیادہ خطرناک مرحلے میں داخل کردیا ہے جہاں دونوں ایٹمی طاقتیں نہ صرف روایتی جنگ کو ایٹمی حد سے نیچے رکھتے ہوئے وسعت دینے پر متفق دکھائی دیتی ہیں بلکہ مستقبل کی کسی بھی جنگ میں زیادہ تیز، زیادہ گہرے اور زیادہ تباہ کن حملوں کی تیاری بھی کررہی ہیں۔ الزبتھ تھرلکلڈ نے لکھا کہ امریکی صدر ڈونلڈ ٹرمپ کے جنگ بندی میں کردار کے دعوؤں، بھارت کے دوطرفہ مؤقف، پاکستان کے سخت ردعمل اور چین سمیت بڑی طاقتوں کی ممکنہ شمولیت کے تناظر میں ماہرین خبردار کرتے ہیں کہ آئندہ پاک بھارت بحران نہ صرف زیادہ شدید اور غیر متوقع ہوگا بلکہ واشنگٹن کے لیے اسے کنٹرول کرنا بھی کہیں زیادہ مشکل ہوجائے گا۔ مضمون میں مزید درج ہے کہ نئی جنگی ٹیکنالوجیز، ڈرونز، میزائلز، سائبر و بحری محاذ، غلط معلومات کی یلغار اور پانی جیسے حساس ہتھیار کے استعمال کے امکانات اس خطرے کو مزید پیچیدہ بنا رہے ہیں جب کہ دونوں ممالک کی بڑھتی ہوئی خوداعتمادی اور خطرہ مول لینے کی پالیسی کسی بھی محدود تصادم کو تیزی سے وسیع جنگ میں بدل سکتی ہے، ایسی جنگ جو اگرچہ روایتی سطح پر لڑی جائے، مگر غلط اندازوں اور تیز رفتار فیصلوں کے باعث غیر ارادی طور پر ایٹمی تصادم کی دہلیز تک پہنچ سکتی ہے۔
کابینہ نے دریائے سندھ پر
کراچی: وزیراعلیٰ سندھ مراد علی شاہ کی زیر صدارت اجلاس میں سندھ کابینہ نے دریائے سندھ پر حیدرآباد اور کوٹری کے درمیان نئے پل کے ڈیزائن کی منظوری دیدی۔ مراد علی شاہ کی زیر صدارت سندھ کابینہ کے اجلاس میں سندھ پر حیدرآباد اور کوٹری کے درمیان نئے پل کے ڈیزائن کی منظوری دی گئی۔ وزیر اعلیٰ سندھ کا کہنا تھا نیا پل اندرونِ ملک ٹریفک کی آمد رفت کے لیے بڑی سہولت ثابت ہوگا۔ اس کے علاوہ سندھ کابینہ نےکراچی کی سڑکوں کی بحالی کے لیے 6.5 ارب روپے کی منظوری بھی دی اور اس حوالے سے مراد علی شاہ کا کہنا تھا شہرکی سڑکوں کی مرمت جلد شروع کی جائے اور فوری فنڈز جاری کیے جائیں۔ کابینہ نے کراچی شہر کے ایس 3 منصوبے کے لیے 2 ارب روپے کی منظوری دی جبکہ ضلعی عدالتی نظام کی ڈیجیٹلائزیشن کے لیے 48.9 ملین روپے مختص کیے گئے۔ وزیراعلیٰ کا کہنا تھا عدالتی نظام کو جدید اور عوامی سہولیات بڑھانے کے لیے ڈیجیٹلائزیشن اہم قدم ہے۔ سندھ کابینہ نے مورو میں 4 نئی عدالتوں کی تعمیر کے لیے 432.597 ملین روپے بھی منظور کیے جبکہ دادو میں پیر الٰہی بخش لا کالج کے لیے 25 ملین روپے گرانٹ منظور کی گئی۔
پاکستان امن چاہتا ہے
سیالکوٹ: وزیر دفاع خواجہ آصف نے کہا ہے کہ ایک سال قبل جس طرح بھارت کو شکست ہوئی۔ اس کا تکبر پاک افواج نے مٹی میں ملا دیا اور اب بھارت دوبارہ پاکستان پر حملہ کرنے کی جرأت نہیں کرے گا۔ وزیر دفاع خواجہ آصف نے میڈیا سے گفتگو کرتے ہوئے کہا کہ پاکستان خطے میں ایک اچھے ہمسائے کی طرح امن چاہتا ہے۔ تاہم بھارت کی جانب سے پراکسی جنگ جاری ہے۔ انہوں نے کہا کہ بھارت افغانستان کے ذریعے پراکسی وار کر رہا ہے۔ اور طالبان عناصر کو سپورٹ حاصل ہے۔ جس کے باعث سیکیورٹی چیلنجز برقرار ہیں۔ خواجہ آصف نے کہا کہ پاکستانی افواج نے ملک کے دفاع میں مثالی کردار ادا کیا۔ اور اپنی قربانیوں سے قوم کو تحفظ فراہم کیا۔ قوم کو بھی ذاتی مفادات سے بالاتر ہو کر قومی مفاد کو ترجیح دینا ہو گی۔ انہوں نے کہا کہ افواج نے گلگت بلتستان سے لے کر کراچی اور گوادر تک ملک کے ہر کونے کا دفاع کیا۔ اور سرحدوں پر تعینات جوان اپنی جانوں کا نذرانہ پیش کر کے ملک کی حفاظت کر رہے ہیں۔ وزیر دفاع نے اس عزم کا اظہار کیا کہ پاکستان کا مفاد ہر چیز سے مقدم ہے اور ملکی سلامتی پر کوئی سمجھوتہ نہیں کیا جائے گا۔
190ملین پاؤنڈ کیس
عدالت نے 190ملین پاؤنڈ کیس میں بانی پی ٹی آئی اور بشریٰ بی بی کی مرکزی اپیلیں سننے کا فیصلہ کر لیا۔ تفصیل کے مطابق اسلام آباد ہائیکورٹ نے 190 ملین پاؤنڈ کیس میں بانی پی ٹی آئی عمران خان اور بشریٰ بی بی کی مرکزی اپیلیں سماعت کیلئے مقرر کرنے کا فیصلہ کر لیا ہے۔ عدالت نے دونوں کی مرکزی اپیلیں 7 مئی کو سماعت کیلئے مقرر کی ہیں، عدالت نے یہ بھی قرار دیا کہ جب مرکزی اپیلیں مقرر ہو چکی ہیں تو سزا معطلی کی درخواستیں غیر مؤثر ہو جاتی ہیں،جس پر انہیں نمٹا دیا گیا۔ عدالتی فیصلے کے بعد اب کیس کی باقاعدہ سماعت مرکزی اپیلوں پر ہوگی جہاں دونوں فریقین اپنے دلائل پیش کریں گے۔
بونیر: نائب قاصد کے بیٹےکی
ڈپٹی کمشنر بونیر کے دفتر میں کام کرنے والے نائب قاصد کے بیٹے نے تاریخ رقم کردی۔ خیبر پختونخوا کے ضلع بونیر کے ڈپٹی کمشنر آفس میں کام کرنے والے نائب قاصد کے بیٹے نے سی ایس ایس 2025 کے مشکل ترین امتحان میں نمایاں کامیابی حاصل کرتے ہوئے خیبرپختونخوا میں پہلی جبکہ ملک بھر میں 18ویں پوزیشن حاصل کر لی۔ حضرت بلال کے والد پیر محمد نے جیو نیوز کو بتایا کہ وہ ڈپٹی کمشنر آفس بونیر میں بطور نائب قاصد خدمات انجام دے رہے ہیں، انہوں نے بتایا کہ بیٹے نے محدود وسائل کے باوجود سخت محنت، عزم اور مستقل مزاجی سے یہ مقام حاصل کیا۔ ان کا کہنا تھا کہ تعلیم پر توجہ اور مسلسل محنت ہی کامیابی کی اصل کنجی ہے، پیر محمد نے کہا کہ حضرت بلال کی کامیابی غریب اور متوسط طبقے کے نوجوانوں کے لیے ایک روشن مثال اور امید کی کرن ہے، انہوں نے بیٹے کی کامیابی پر اللہ تعالیٰ کا شکر ادا کیا۔ حضرت بلال کی یہ شاندار کامیابی نہ صرف ان کے خاندان بلکہ پورے علاقے کے لیے باعث فخر بن گئی ہے۔ حضرت بلال نے اسلامیہ کالج یونیورسٹی پشاور سے بی ایس انگلش کی ڈگری حاصل کی تھی، حضرت بلال کی کامیابی پر اہل علاقہ اور مختلف سماجی حلقوں کی جانب سے مبارکباد دینے کا سلسلہ جاری ہے۔
پیپلزپارٹی میں شمولیت سے
سابق وزیراعلیٰ پنجاب چوہدری پرویز الہٰی نے پیپلز پارٹی میں شمولیت کی خبروں کو بے بنیاد قرار دے دیا۔ لاہور میں شادی کی تقریب میں کی گئی غیر رسمی گفتگو میں صحافی نے پرویز الہٰی سے پی ٹی آئی چھوڑنے سے متعلق سوال کیا جس پر انہوں نے کہا کہ پیپلزپارٹی میں شمولیت سے متعلق خبریں بےبنیاد ہیں۔ جواب میں پرویز الہٰی نے مزید کہا کہ میں پارٹی کا صدر ہوں، پی ٹی آئی کا حصہ ہی رہوں گا، پیپلز پارٹی میں شمولیت سے متعلق خبروں میں کوئی صداقت نہیں ہے۔
وزیراعظم اورفیلڈ مارشل جنگ
وفاقی وزیر برائے منصوبہ بندی احسن اقبال کا کہنا ہے کہ وزیراعظم شہباز شریف اورفیلڈ مارشل عاصم منیر امریکا اور ایران میں جنگ بندی نہ کراتے تو آج دنیا میں تیل 250 ڈالرفی بیرل سے بھی بڑھ جاتا۔ شکر گڑھ میں کارنر میٹنگ سےخطاب کرتے ہوئے احسن اقبال کا کہنا تھا امریکا ایران جنگ نے دنیا میں تیل کا بحران پیدا کر دیا ہے،کوشش ہے ایران اور امریکا جنگ کا مکمل خاتمہ ہو اور تیل دوبارہ سستا ہوا۔ وفاقی وزیر کا کہنا تھا کہ اگر وزیراعظم شہباز شریف اورفیلڈ مارشل عاصم منیر امریکا اور ایران میں جنگ بندی نہ کراتے تو آج دنیا میں تیل 250 ڈالرفی بیرل سے بھی بڑھ جاتا۔
سٹیٹ بینک کے غیرملکی زرمبادلہ ذخائر 15ارب
صحافی شہباز رانانے کہا ہے کہ سٹیٹ بینک آف پاکستان کے پاس 15ارب ڈالر کے غیرملکی زرمبادلہ کے ذخائر ہیں جبکہ پاکستان نے اگلے ایک سال میں 21ارب ڈالر کے قرض واپس کرنے ہیں تومطلب یہ کہ پاکستان کے نیٹ انٹرنیشنل ریزو ہیں وہ منفی 6ارب ڈالر ہیں۔ پروگرام ریویو میں شہباز رانا کاکہناتھا کہ دیکھنے کو تو پاکستان کے پاس 15ارب ڈالر پڑے ہیں ،لیکن آپ نے غیرملکی ادائیگیاں اور قرضے واپس کرنے ہیں،اس وقت 31مارچ کا جو نیٹ نیگیٹوانٹرنیشنل ریزو ہیں وہ 5.6ارب ڈالر ہیں،جو پروجیکٹڈ ان کا نمبر ہے،حکومت پاکستان آئی ایم ایف کے ساتھ اس بات پر متفق ہو گئی ہے کہ نیٹ نیگیٹو5.6ارب ڈالر ہیں کو جون 2027میں بیلنس کردیں گے۔
پی ایس ایل فائنل، بہترین
اسلام آباد: وزیر اعظم شہباز شریف نے پاکستان سپر لیگ (پی ایس ایل) کے فائنل میں بہترین انتظامات یقینی بنائے کی ہدایت کر دی۔ وزیر اعظم شہباز شریف سے وزیر داخلہ محسن نقوی نے ملاقات کی۔ ملاقات میں ملک کی مجموعی سیکیورٹی صورتحال اور امن و امان کے اقدامات پر تفصیلی تبادلہ خیال کیا گیا۔ ملاقات کے دوران وزیر داخلہ نے وزیر اعظم کو ملک میں سیکیورٹی کی موجودہ صورتحال اور اس حوالے سے کیے گئے اقدامات سے آگاہ کیا۔ انہوں نے پی ایس ایل کے فائنل میچ کے لیے سیکیورٹی اور دیگر انتظامات پر بھی بریفنگ دی۔ وزیر اعظم کو بریفنگ میں بتایا گیا کہ فائنل میچ کے دوران کھلاڑیوں، شائقین اور شہریوں کے تحفظ کو یقینی بنانے کے لیے جامع سیکیورٹی پلان تیار کیا گیا ہے۔ اس موقع پر وزیر اعظم شہباز شریف نے ہدایت کی کہ پی ایس ایل فائنل کے لیے بہترین اور مؤثر انتظامات یقینی بنائے جائیں۔ تاکہ ایونٹ پرامن ماحول میں کامیابی سے مکمل ہو۔
ابدالی میزائل کے کامیاب تجربے
ابدالی میزائل کے کامیاب تجربے نے دشمن کی نیندیں اڑا دیں۔ پاکستان نے ابدالی میزائل سسٹم کا کامیاب تجربہ کرتے ہوئے اپنی دفاعی صلاحیت اور تکنیکی مہارت کا عملی مظاہرہ کیا ہے، یہ تجربہ 3 مئی 2025 کو جنگی مشق انڈس کے تحت کیا گیا۔ پاکستان نےدفاعی صلاحیت کامظاہرہ کرکےدشمن کوبازرہنےکی تنبیہ کر دی، اس کامیاب تجربے سے دشمن بوکھلاہٹ کا شکار ہوگیا۔ ذرائع کے مطابق ابدالی میزائل زمین سے زمین تک 450 کلومیٹر تک ہدف کو نشانہ بنانے کی صلاحیت رکھتا ہے، جو ملک کے دفاعی نظام کو مزید مضبوط بناتا ہے۔ حکام کا کہنا ہے کہ اس تجربے کا مقصد افواج کی آپریشنل تیاریوں کو جانچنا اور جدید نیوی گیشن سسٹم سمیت اہم تکنیکی پہلوؤں کا جائزہ لینا تھا۔ ماہرین کے مطابق اس کامیاب تجربے سے پاکستان نے نہ صرف اپنی دفاعی برتری کو اجاگر کیا بلکہ کسی بھی ممکنہ جارحیت کے خلاف واضح پیغام بھی دیا ہے۔ پاکستان نے دفاعی نظام کی جانچ سے بھارتی فالس فلیگ ہتھکنڈوں کامنہ توڑجواب دیا۔
آزادی صحافت کا عالمی دن،
آزادی صحافت کے عالمی دن کے موقع پر صدر مملکت آصف علی زرداری اور وزیراعظم شہباز شریف نے اپنے پیغامات میں صحافت کی اہمیت، سچائی اور ذمہ دارانہ رپورٹنگ پر زور دیا۔ صدر مملکت آصف علی زرداری نے کہا کہ سچائی کے بغیر امن ممکن نہیں اور صحافت کا کردار جمہوری معاشرے میں کلیدی حیثیت رکھتا ہے۔ انہوں نے خبردار کیا کہ ڈس انفارمیشن جمہوری مکالمے کو مسخ کر رہی ہے جبکہ سوشل میڈیا پلیٹ فارمز کا غیر ذمہ دارانہ استعمال بھی تشویشناک ہے۔ ان کا کہنا تھا کہ صحافیوں کو دنیا بھر میں ہراسانی اور دباؤ کا سامنا ہے، اس لیے ان کے لیے محفوظ ماحول یقینی بنانا ضروری ہے۔ صدر نے مزید کہا کہ آئین کا آرٹیکل 19 آزادی صحافت کی ضمانت دیتا ہے اور احتساب و شفافیت کے لیے آزاد صحافت ناگزیر ہے۔ انہوں نے زور دیا کہ صحافت میں درستگی کو ترجیح دی جائے، عوام جھوٹ کو مسترد کریں اور سچ کا ساتھ دیں، جبکہ پاکستان کے خلاف منظم جھوٹی مہمات کا بھی مقابلہ کیا جائے۔ دوسری جانب وزیراعظم شہباز شریف نے کہا کہ غیر جانبدارانہ خبروں کی اشاعت صحافت کی بنیاد ہے اور غیر تصدیق شدہ خبروں کی ترسیل کو روکنا ہر صحافی کا فرض ہے۔ انہوں نے کہا کہ صحافی ایک باوقار اور سازگار ماحول کے حقدار ہیں اور میڈیا کا منظرنامہ تیزی سے جدت اختیار کر رہا ہے۔ وزیراعظم نے اس بات پر بھی زور دیا کہ پاکستان ایک پرامن ملک ہے اور خطے میں کشیدگی کے دیرپا حل کے لیے مذاکرات کو ترجیح دیتا ہے۔ انہوں نے کہا کہ پاکستانی میڈیا نے اہم مواقع پر ذمہ داری کا مظاہرہ کرتے ہوئے غلط معلومات کا تدارک کیا اور قومی بیانیے کو مؤثر انداز میں پیش کیا۔
فیصل کریم کنڈی کی خیبرپختونخوا
ڈی آئی خان: گورنر خیبرپختونخوا فیصل کریم کنڈی کا کہنا ہے کوشش ہے کہ صوبے میں اتحادی حکومت قائم کی جائے۔ ڈی آئی خان میں میڈیا سے گفتگو کرتے ہوئے فیصل کریم کنڈی کا کہنا تھا پی ٹی آئی کے کچھ لوگ وزیر اعلیٰ کی تبدیلی کے خواہاں ہیں، پی ٹی آئی کو جب اپنے میر جعفر اور میر صادق کا پتا چلا تو وزیر اعلیٰ بدلا گیا۔ انہوں نے کہا کہ ڈی آئی خان پیپلز پارٹی کا مضبوط گڑھ بن چکا ہے، صوبے میں سب سے زیادہ منتخب نمائندے پیپلز پارٹی کے ڈیرہ سے ہی ہیں۔ گورنر کے پی کا کہنا تھا کہ کوشش ہے کہ خیبرپختونخوا میں اتحادی حکومت قائم کی جائے، سیاست میں ملاقاتیں معمول کا حصہ ہیں، مولانا سے رابطے رہتے ہیں، کچھ عناصر ڈیرہ ائیرپورٹ منصوبے میں رکاوٹ ڈالنے کی کوشش کر رہے ہیں۔ انہوں نے ایک سوال کا جواب دیتے ہوئے مزید کہا کہ سابق وزیر اعلیٰ کے پی علی امین گنڈاپور کی واپسی کی افواہیں بے بنیاد ہیں، جو ایک بار تحریک انصاف کی بس سے اتر جائے اس کی واپسی مشکل ہوتی ہے۔
لاہور، وزیراعلیٰ پنجاب مریم نواز
وزیراعلیٰ پنجاب مریم نواز نے لاہور میں منعقدہ ایک تقریب کے دوران رحمت کارڈ پروگرام کا باضابطہ افتتاح کر دیا ہے۔ بریفنگ میں بتایا گیا کہ اس فلاحی منصوبے کیلئے صوبائی زکوٰۃ فنڈ سے 5 ارب روپے مختص کئے گئے ہیں جس کے تحت 50 ہزار بیواؤں اور یتیم بچوں کوایک لاکھ روپے فی کس مالی امداد فراہم کی جائے گی۔ حکام کے مطابق مستحق افراد کے انتخاب کا عمل شفاف بنانے کیلئے پنجاب سماجی واقتصادی رجسٹری کے ڈیٹا بیس سے مدد لی جائے گی جبکہ ہر ضلع کیلئے مخصوص کوٹے کے تحت حتمی فہرست تیار کی جائے گی۔ اس اقدام کا مقصد مستحق خاندانوں تک براہ راست مالی معاونت کی فراہمی کو یقینی بنانا ہے تاکہ کسی قسم کی بدعنوانی یا سفارش کا امکان ختم کیا جا سکے۔ اس موقع پر وزیراعلیٰ مریم نواز نے کہا کہ رحمت کارڈ پروگرام کا بنیادی مقصد معاشرے کے کمزور طبقات، خصوصاً بیواؤں اور یتیم بچوں کو معاشی تحفظ اور سماجی وقار فراہم کرنا ہے۔ انہوں نے کہا کہ حکومت کسی بھی مستحق فرد کو تنہا نہیں چھوڑے گی اورفلاحی ریاست کے تصورکوعملی شکل دی جا رہی ہے، یہ پروگرام عوامی خدمت کے نئے دور کا آغاز ہے جس سے ہزاروں خاندانوں کو ریلیف ملے گا۔
وزیر اعلیٰ خیبر پختونخوا نے پشاور
پشاور: وزیر اعلیٰ خیبر پختونخوا سہیل آفریدی نے پشاور رنگ روڈ مسنگ لنک پیکج ون کا افتتاح کر دیا۔ وزیر اعلیٰ خیبر پختونخوا سہیل آفریدی نے افتتاح کے موقع پر میڈیا سے گفتگو کرتے ہوئے کہا کہ پیکج ون کے تحت رنگ روڈ کا 2.1 کلومیٹر مسنگ لنک 2 ارب روپے کی لاگت سے مکمل کیا گیا ہے۔ انہوں نے کہا کہ رنگ روڈ مسنگ لنک کا پیکج ون مکمل ہو چکا جبکہ دیگر پیکجز پر کام تیزی سے جاری ہے۔ بریفنگ میں بتایا گیا کہ ورسک سے ناصر باغ روڈ تک مزید 3 پیکجز پر بھی تعمیراتی سرگرمیاں جاری ہیں۔ رنگ روڈ کے ناردرن سیکشن کے فیز ون کی مجموعی لاگت 9.6 ارب روپے ہے۔ جبکہ فیز ٹو اور فیز تھری کے لیے ٹینڈر بھی جاری کر دیئے گئے ہیں۔ بریفنگ میں کہا گیا کہ یہ منصوبہ پشاور میں ٹریفک کے مسائل کم کرنے اور شہر کے مختلف علاقوں کے درمیان رابطے کو بہتر بنانے میں اہم کردار ادا کرے گا۔
پنجاب حکومت نے بسنت 2027
لاہور: پنجاب حکومت نے بسنت 2027 کے موقع پر پتنگ بازی کے لیے نئے قواعد و ضوابط جاری کر دیئے۔ جن پر عملدرآمد کی آخری تاریخ 30 دسمبر 2026 مقرر کی گئی ہے۔ وزیراعلیٰ پنجاب مریم نواز کی ہدایات پر جاری کیے گئے ان ضوابط کا مقصد شہریوں کے جان و مال کا تحفظ یقینی بنانا ہے۔ حکومت نے تمام شہریوں، عمارت مالکان اور ایونٹ منتظمین کے لیے ان پر عملدرآمد لازمی قرار دیا ہے۔ نئے قواعد کے مطابق پتنگ بازی صرف محفوظ اور مضبوط چھتوں پر کی جا سکے گی۔ جبکہ چھت کی چار دیواری کی کم از کم اونچائی ساڑھے 3 فٹ ہونا ضروری ہو گی۔ بچوں کی حفاظت کو مدنظر رکھتے ہوئے والدین اور سرپرستوں کو مسلسل نگرانی کی ہدایت کی گئی ہے۔ اور بچوں کو بغیر نگرانی چھت کے کناروں کے قریب جانے کی اجازت نہیں ہو گی۔ حکومت نے چھتوں پر بھاگنے، کودنے، کناروں سے لٹکنے اور جارحانہ انداز میں پتنگ لوٹنے پر مکمل پابندی عائد کر دی۔ جبکہ گنجائش سے زیادہ افراد کے جمع ہونے پر بھی پابندی ہو گی۔ ضوابط کے تحت اونچی آواز میں موسیقی، ڈی جے سسٹمز اور شور پیدا کرنے والے آلات کے استعمال پر پابندی عائد کی گئی ہے۔ اور ہمسایوں کے لیے پریشانی کا باعث بننے والی سرگرمیوں کو قابل سزا جرم قرار دیا گیا ہے۔ تمام مقامات پر فرسٹ ایڈ کٹ کی موجودگی لازمی قرار دی گئی ہے، جبکہ کسی بھی ہنگامی صورتحال میں ریسکیو 1122 سے فوری رابطہ کرنے کی ہدایت کی گئی ہے۔ حکومت نے واضح کیا ہے کہ کسی بھی حادثے یا خلاف ورزی کی صورت میں عمارت مالکان اور ایونٹ منتظمین کو ذمہ دار ٹھہرایا جائے گا اور ان کے خلاف سخت قانونی کارروائی عمل میں لائی جائے گی۔ وزیر اعلیٰ نے ضلعی انتظامیہ اور پولیس حکام کو سو فیصد عملدرآمد یقینی بنانے کی ہدایت بھی جاری کر دی ہے۔ وزیراعلیٰ مریم نواز نے گزشتہ بسنت کے دوران شہریوں کے تعاون کو سراہتے ہوئے کہا کہ 2027 میں بھی محفوظ بسنت کے انعقاد کو یقینی بنایا جائے گا۔ اور انسانی جانوں سے کھیلنے کی کسی صورت اجازت نہیں دی جائے گی۔
معرکہ حق میں کامیابی سے
وفاقی وزیر اطلاعات عطاتارڑ نے کہا ہے کہ معرکہ حق میں پاکستان کو شاندار کامیابی حاصل ہوئی جس سے ملک کا وقارعالمی سطح پر مزید بلند ہوا ہے۔ اسلام آباد میں ایک تقریب سے خطاب کرتے ہوئے عطا تارڑ نے کہا کہ یہ کامیابی پاکستانی قوم، مسلح افواج اور سیکیورٹی اداروں کی مشترکہ جدوجہد کا نتیجہ ہے۔ انہوں نے کہا کہ پاکستان ایک آزاد اورخودمختارملک ہے جو دہشتگردی کیخلاف جنگ میں سب سے زیادہ متاثر ہونے والے ممالک میں شامل رہا ہے۔ انہوں نے مزید کہا کہ بھارت دہشتگردی کو فروغ دینے اور دہشتگرد عناصرکی سرپرستی میں ملوث رہا ہے تاہم پاکستان نے ہر سطح پراس کا مؤثرجواب دیا ہے۔ وفاقی وزیرکا کہنا تھا کہ معرکہ حق کے دوران پاکستانی فضائیہ نے بھارتی رافیل طیارے کونشانہ بنا کرگرا دیا جو ملک کی دفاعی صلاحیتوں کا واضح ثبوت ہے، پاکستان کونہ صرف جنگی بلکہ سفارتی محاذ پربھی کامیابیاں حاصل ہوئیں۔ “بنیان مرصوص” کی عظیم فتح کے جشن کے لیے آج قوم اکٹھی ہے اور پوری قوم اپنی مسلح افواج کے شانہ بشانہ کھڑی ہے، عطاتارڑ نے کہا کہ پاکستان کی سلامتی اولین ترجیح ہے اور قوم نے ہمیشہ قربانیوں سے اپنی بقا اوروقارکومحفوظ بنایا ہے۔
ملک میں بجلی کی لوڈ مینجمنٹ کے
اسلام آباد: وفاقی وزیر توانائی اویس احمد لغاری نے اعلان کیا ہے کہ مائع قدرتی گیس (ایل این جی) کی نئی کھیپ موصول ہونے کے بعد ملک میں بجلی کے شعبے میں لوڈ مینجمنٹ کے اقدامات ختم کر دیئے گئے ہیں۔ وفاقی وزیر توانائی اویس احمد لغاری نے میڈیا سے گفتگو کرتے ہوئے کہا کہ حالیہ دنوں میں گیس کی فراہمی میں کمی کے باعث بجلی کی پیداوار متاثر ہوئی تھی۔ جس کے نتیجے میں صارفین کو لوڈ مینجمنٹ کا سامنا کرنا پڑا۔ تاہم ایل این جی کارگو پہنچنے کے بعد صورتحال میں نمایاں بہتری آئی ہے۔ انہوں نے کہا کہ تقریباً دو ہفتے قبل صارفین کو لوڈ شیڈنگ کا سامنا تھا۔ تاہم اب پن بجلی کی پیداوار میں نمایاں اضافہ ہوا ہے، جو تقریباً ایک ہزار میگاواٹ سے بڑھ کر 6 ہزار میگاواٹ تک پہنچ چکی ہے۔ اویس احمد لغاری نے کہا کہ بجلی کی بلا تعطل فراہمی کو یقینی بنانے کے لیے فرنس آئل اور دیگر ایندھن سے چلنے والے پاور پلانٹس کو بھی فعال کر دیا گیا ہے۔ جبکہ ٹرانسمیشن سسٹم کی بہتری پر بھی توجہ دی جا رہی ہے تاکہ کسی قسم کی تکنیکی خرابی سے بچا جا سکے۔ انہوں نے کہا کہ قطری ایل این جی کی فراہمی میں تاخیر کے باعث حکومت کو مہنگی گیس خریدنا پڑی۔ تاہم اب سپلائی میں استحکام آ رہا ہے۔ وفاقی وزیر نے واضح کیا کہ پاکستان کی حقیقی بجلی پیدا کرنے کی صلاحیت تقریباً 32 ہزار میگاواٹ ہے۔ تاہم پیداوار کا انحصار موسم اور دستیاب وسائل پر ہوتا ہے۔ انہوں نے کہا کہ صارفین کو مہنگی بجلی سے بچانے کے لیے اقدامات جاری ہیں، جبکہ ڈیموں سے پانی کا اخراج انڈس ریور سسٹم اتھارٹی (IRSA) کی ضروریات اور صوبوں کی طلب کے مطابق کیا جاتا ہے۔
گنڈاپور کے بعد کچھ لوگ
وزیراعظم کے مشیر برائے سیاسی امور رانا ثناء اللہ نے کہا ہے کہ ‘کچھ لوگ’ علی امین گنڈاپور کی طرح اب سہیل آفریدی سے بھی ناراض ہیں اور انہیں وزیراعلیٰ خیبرپختونخوا کی سیٹ سے ہٹانے کی کوششیں کر رہے ہیں۔ نجی ٹی وی کے پروگرام میں گفتگو کرتے ہوئے رانا ثناء اللہ کا کہنا تھا کہ اس سے قبل علی امین گنڈاپور نے جب وفاق کی بات سننا شروع کی تو انہیں عہدے سے ہٹا دیا گیا تھا، اب سہیل آفریدی ہماری بات سن رہے ہیں اور درست بات کو تسلیم کرتے ہیں، لیکن کچھ لوگ اس پر ناخوش ہیں اور ان کی چھٹی کرانا چاہتے ہیں۔ انہوں نے دوٹوک الفاظ میں کہا کہ پی ٹی آئی اگر کوئی نیا وزیراعلیٰ لانا چاہتی ہے تو شوق سے لے آئے۔ عالمی اور علاقائی صورتحال پر روشنی ڈالتے ہوئے مشیر وزیراعظم نے کہا کہ پاکستان خطے میں امن کے لیے مثبت کردار ادا کر رہا ہے اور ہماری سیاسی و عسکری قیادت مسلم ممالک کی بہتری کے لیے کوشاں ہے۔ انہوں نے کہا کہ امریکہ نے ایران پر بمباری کے بعد اب سمندری ناکہ بندی پر اکتفا کر لیا ہے، جبکہ پاکستان کی کوشش ہے کہ سفارتکاری کے ذریعے آبنائے ہرمز کو کھلوایا جائے۔ رانا ثناء اللہ کے مطابق وزیراعظم اور نائب وزیراعظم روزانہ کی بنیاد پر عالمی رہنماؤں سے رابطے میں ہیں تاکہ جنگ کا خاتمہ ہو سکے، کیونکہ اس صورتحال سے نہ صرف دنیا بلکہ پاکستان کو بھی شدید معاشی نقصان پہنچ رہا ہے۔
صدر مملکت اور وزیراعظم کی محنت کشوں کے وقار و تحفظ کو یقینی بنانے کی اپیل
صدر مملکت اور وزیراعظم نے کاروباری برادری اور صنعتکاروں سمیت متعلقہ فریقین سے اپیل کی ہے کہ وہ ملک کی محنت کش افرادی قوت کے وقار اور تحفظ کو یقینی بنائیں۔ محنت کشوں کے عالمی دن کے موقع پراپنے پیغام میں صدر مملکت آصف علی زرداری کا کہنا تھا کہ جو قوم اپنے مزدوروں کا تحفظ کرتی ہے، وہ اپنے مستقبل کا تحفظ کرتی ہے، محنت کشوں کو بااختیار بنانا پائیدار قومی طاقت کی بنیاد ہے۔ انہوں نے کہا کہ پاکستان بین الاقوامی محنتی معیارات کو برقرار رکھنے اور کام کی جگہ پر بنیادی حقوق کے فروغ کیلئے پرعزم ہے، جن میں منصفانہ اجرت، سماجی تحفظ، جبری اور کم سن بچوں سے مشقت کا خاتمہ اور امتیازی سلوک کا خاتمہ شامل ہے۔ دوسری جانب عالمی یوم مزدور پر اپنے پیغام میں وزیراعظم شہباز شریف کا کہنا تھا کہ دنیا بھر بالخصوص پاکستان کے محنت کشں مزدوروں کو خراج تحسین پیش کرتا ہوں۔ انہوں نے کہا کہ محنت کش طبقات کی قربانی زندگی کو رواں دواں رکھتی ہے، معاشرے کے یہی بےلوث جفاکش سب سے بڑے اعزاز کے مستحق ہیں، مزدور اور ہنرمند افراد اندرون و بیرون ملک ہماری قابلیت، محنت اور پیشہ ورانہ مہارت کے آئینہ دار ہیں۔ ان کا کہنا تھا کہ سمندرپار ہمارے لاکھوں محنت کش قومی صلاحیت اور ملکی اساس کے سفیر ہیں، ان کی قابلیت اور محنت سے کمائی گئی ایک ایک پائی ہمارے لئے باعث فخر ہے۔ وزیراعظم نے مزید کہا کہ سمندرپار پاکستانی ملکی معاشی استحکام میں قیمتی زرمبادلہ کی صورت اپنا حصہ ڈالتے ہیں، ہنرمندی، پیشہ ورانہ استعداد بڑھانے کیلئے وفاقی حکومت نے خصوصی اقدامات کئے ہیں۔
حکومت قانون سازی کے ذریعے
سابق وفاقی وزیر خرم دستگیر نے کہاہے کہ جنگ کی وجہ سے پاکستان کے پاس موقع ہے کہ فرنس آئل کے پرانے پلانٹس جو آپریٹ بھی نہیں ہوئے یا سال میں چند دن آپریٹ ہوتے ہیں، انہیں قانون سازی کے ذریعے یا براہ راست فورس میجور ڈکلیئر کرکے پاکستانیوں کو کیپسٹی پیمنٹ کے بوجھ سے آزاد کر دے۔ پروگرام کے میزبان کے سوال’’کیا شہباز حکومت یہ کرے گی‘‘کے جواب میں خرم دستگیر نے کہاکہ حکومت کے آپشن موجود ہے،چار سال پہلے بھی مذاکرات کے ذریعے کمی کرانے کی کوشش کی گئی تھی جس کے نتیجے میں کچھ کمی ہوئی بھی ہے،سابق وفاقی وزیر نے کہاکہ ہمیں خودفورس میجور کا سامنا ہے،اس کی وجہ سے ایل این جی بیسڈ4800میگاواٹ بجلی کی پیداوار نہیں ہو رہی، یہ حکومت وقت پر ہے کہ وہ یہ آپشن استعمال کرنا چاہتی ہے یا نہیں۔
مہنگائی سے متعلق شہبازشریف کی پرانی
عمران خان کے دور حکومت میں شہبازشریف کی بطور اپوزیشن لیڈر مہنگائی سے متعلق تقریر ایک بار پھر انٹرنیٹ پر وائرل ہوگئی ہے جس میں ان کاکہناتھاکہ "20 ہزار روپے تنخواہ ہو اور 10 ہزار روپے بل آجائے، وہ کس طرح اپنے بچوں کی ایک وقت کی روٹی پوری کرے گا، دیکھتی آنکھوں نے اس طرح کا محشر 74 سال میں نہیں دیکھا"۔ سپیکر اسد قیصر کی زیرصدارت ہونیوالے اجلاس میں ان کی باتیں سن کر ایوان میں موجود اس وقت کے وزیراعظم عمران خان بھی مسکراتے رہے۔ شہبازشریف کاکہناتھاکہ غریب کس طرح اپنی بیماری بیٹی کی دوا لائے گا، کس طرح اپنے بچوں کے جسم پر سادے کپڑے مہیا کرے گا؟ آئی ایم آیف کی شرائط پورا کرنے کے لیے حکومت نے ایڑھی چوٹی کا زور لگادیا لیکن کل کےا خبارات میں صاف لکھا ہے کہ مانیٹری فنڈ ابھی بھی ان(اس وقت کی حکومت) سے راضی نہیں ہوا اور مزید شکنجے میں لانا چاہتا ہے، یہ تو شکنجے میں ہیں ہی لیکن وہ عوام کو بھی شکنجے میں لانا چاہتا ہے۔ ان کا مزید کہناتھاکہ یہ تباہی جو پورے ملک میں پھیل چکی ہے ، اس کا انجام کیا ہوگا، کیا یہ رک سکے گی یا نہیں، یہ تو اللہ کی ذات جانتی ہے لیکن یہ حکومت پاکستان کو تباہی کے دہانے پر لاچکی ہے اور نوزائیدہ بچوں کے منہ سے دودھ چھینا جا چکا ہے۔
اسلام آباد ہائیکورٹ کا بڑا فیصلہ،
اسلام آباد ہائیکورٹ نے جمعرات کے روز اہم فیصلہ سناتے ہوئے سی ڈی اے کے اقدام کو برقرار رکھتے ہوئے ون کانسٹیٹیوشن ایونیوکی لیز منسوخ کر دی۔ یہ فیصلہ اربوں روپے کی عدم ادائیگی کے باعث کیا گیا۔ چیف جسٹس سردار محمد سرفراز ڈوگر نے ایم/ایس بی این پی (پرائیویٹ) لمیٹڈ اور عمارت کے فلیٹس کے مالکان کی جانب سے دائر اپیلوں پر فیصلہ سنایا۔ عدالت نے اس ہائی پروفائل کیس کا فیصلہ رواں سال فروری میں محفوظ کیا تھا۔ یہ کیس اس متنازعہ فائیو اسٹار ہوٹل منصوبے سے متعلق ہے جو تقریباً دو دہائیاں قبل بی این پی گروپ کو دیا گیا تھا، تاہم ہوٹل بنانے کے بجائے اسے رہائشی اپارٹمنٹس اور کمرشل یونٹس میں تبدیل کر دیا گیا۔
190ملین پاؤنڈ اور فارن فنڈنگ کیسزاس
وزیراعظم کے معاون اختیار ولی خان نے ’’190ملین پاؤنڈ اور فارن فنڈنگ کیسزاس وقت منظرعام پر آنے کی سیاسی طور پر کیا اہمیت ہے؟کا جواب دیدیا۔ نجی ٹی وی چینل ہم نیوز کے پروگرام ’’فیصلہ آپ کا ‘‘میں میزبان عاصمہ شیرازی سے گفتگو کرتے ہوئے اختیارولی خان کاکہناتھاکہ 190ملین پاؤنڈ کیس میں بانی پی ٹی آئی کو 14سال قید بامشقت سنائی جا چکی ہے یہ ایک ثابت شدہ کیس ہے،ان کاکہناتھا کہ اس کیس میں تحریک انصاف کی پوزیشن مشکوک ہے کیونکہ پی ٹی آئی نے اپیلیں دائر کی ہےاس میں انہوں نے سزا معطلی کی سماعت کی استدعا کی ہے لیکن یہ ٹرائل میں نہیں جانا چاہتے کیونکہ پی ٹی آئی کو پتہ ہے کہ اس کیس میں بچنے کا کوئی راستہ نہیں ہے۔ ایک سوال ’’کیاحکومت ملک ریاض اور علی ریاض کو انٹرپول کے ذریعے واپس لا کر 190ملین پاؤنڈ کیس میں عمران خان کیخلاف گواہی دلوانا چاہتی ہے؟کے جواب میں اختیار ولی خان نے کہاکہ اس کیس میں بہت سی گواہیا ں ہو چکی ہیں جو رہ گئی ہیں شاید وہ بھی ہو جائیں،یہ ایک اوپن اینڈشٹ کیس ہے اس میں سزا بھی ہو چکی ہے، مجھے نہیں لگتا کہ اس کیس میں اتنی گنجائش ہے کہ ان کو اس میں سے کوئی راستہ مل جائے۔ وزیراعظم کے معاون کاکہناتھا کہ جہاں تک فارن فنڈنگ کیس کا تعلق ہے اس میں پی ٹی آئی نے ایک دہائی تک اسٹے آرڈر لے رکھا تھاتاکہ اس کی پروسیڈنگ نہ چلے،ان کاکہناتھا کہ مجھے یہ بھی انفارمیشن ملی ہے کہ پاکستان تحریک انصاف کو ایک پارٹی کی بجائے ایک نجی کمپنی کے طور پر شو کیا گیا ہے ،نئی نئی چیزیں سننے اور دیکھنے کو مل رہی ہیں،فارن فنڈنگ کیس میں اکبرایس بابر نے پہلے دن کہہ دیا تھا کہ یہ ایک ایسا کیس ہے جس میں کوئی گنجائش نہیں ہے،یہ ثابت شدہ چیزیں ہیں۔ اختیار ولی خان کاکہناتھا کہ اس کیس کا اس سے کوئی تعلق نہیں ہے کہ یہ اب آیا ہے اس کا فیصلہ عمران خان کی اپنی حکومت میں بھی آ سکتا تھالیکن اگر وہ اس کو روکتے نہیں،پی ٹی آئی نے اس کیس میں تاخیری حربے استعمال کئے۔
پیٹرول مہنگا ہوتے ہی اعلان ہوا کہ موٹر سائیکل سواروں
سینئر صحافی اورتجزیہ کار ایثار رانا نے کہا ہے کہ رنگ باز سجناں دیکھیں کیسے ہیں ،پیٹرول مہنگا ہوتے ہی اعلان ہوا کہ موٹر سائیکل سواروں کو ایک ہزار روپے دیں گے کسی کو ایک دھیلا نہیں ملا، کروڑوں روپے اشتہارات پر لگا دیئے. نجی ٹی وی چینل’’ پبلک نیوز‘‘ کے پروگرام میں گفتگو کرتے ہوئے ایثار رانا نے کہاکہ اندازہ کریں جنگ جس ملک میں ہوئی ، وہاں پر بھی پیٹرول مہنگا نہیں ہوا، افغانستان جیسے ملک کے اندر بھی پیٹرول مہنگا نہیں ہوا، پیٹرول مہنگا پاکستان میں ہونا ہے ،صرف مہنگا نہیں ہونا بلکہ مہنگا ہوتے چلے جانا ہے۔ سینئر صحافی کاکہناتھا کہ عوام پر ظلم کئے جارہے ہیں اور کوئی سوچنے کیلئے تیار نہیں ہے،جس قوم کیلئے پیٹرول آپ نے چار سو، ساڑھے چار سو کردیا اس کی انکم کتنی ہے،وہ کیسے گزارہ کریں گے؟اس ماحول میں ماجد نظامی اگر اصلاحات کی بات کرتا ہے تو اس سے بڑی کوئی بات نہیں ہو سکتی۔ ایثار رانا نے کہاکہ پاکستان میں ریفارمز کا مطلب ہے کہ حکومت کی چھری کتنی تیز ہے،غریب آدمی کے گلے پر کیسے پھیری گی۔
وفاقی آئینی عدالت؛ بری امام کے علاق
وفاقی آئینی عدالت نےبری امام کے علاقہ میں سی ڈی اے آپریشن رکوانے کی استدعا مسترد کردی۔جسٹس عامر فاروق نے کہاکہ بہتر ہے اس کیس کو متعلقہ فورم پر ہی چلائیں۔ نجی ٹی وی چینل دنیا نیوز کے مطابق دوران سماعت وکیل علاقہ مکین نے کہاکہ ہائیکورٹ سے فیصلہ آنے تک تمام گھروں کو گرا دیا جائے گا، جسٹس عامر فاروق نے کہاکہ ہم سے کوئی آبزرویشن نہ لیں آپ کیلئے یہی بہتر ہے، وکیل نے کہاکہ ہائیکورٹ میں جلد سماعت کی درخواست پر بھی شنوائی نہیں ہوئی، جسٹس عامر فاروق نے کہاکہ ایک جج چیمبر میں کمیٹی کس قانون کے تحت بنا سکتا ہے؟وکیل علاقہ مکین نے کہاہ کمیٹی پہلے سی ڈی اے بنا چکا تھا، عدالت نے کہاکہ ہائیکورٹ کے جج کا یہ مینڈیٹ ہے کہ کمیٹیاں بنائے؟وکیل نے کہاکہ آپریشن نہ روکا گیا تو سب گھروں کو گراؤنڈ کر دیا جائے گا، وکیل نے استدعا کی کہ عدالت ہائیکورٹ کو جلد فیصلے کی ہدایت جاری کردے،جسٹس عامر فاروق نے کہاکہ ہم سے آبزرویشن لئے بغیر اپنے قانونی راستے اختیار کریں،جسٹس عامر فاروق کی سربراہی میں دو رکنی بنچ نے کیس پر سماعت کی۔
190ملین پاؤنڈ کیس؛آپ اپیل پر دلائل کیوں
اسلام آباد ہائیکورٹ میں 190ملین پاؤنڈ کیس میں سزا معطلی کی درخواستو ں پر سماعت کے دوران چیف جسٹس سرفراز ڈوگر نے استفسار کیا کہ آپ اپیل پر دلائل کیوں نہیں دے رہے؟بیرسٹر سلمان صفدر نے کہاکہ اپیل سننے پر کوئی اعتراض نہیں لیکن اس سے پہلے سزا معطلی پر فیصلہ کردیں،چیف جسٹس نےا ستفسار کیا کہ کیا آپ کو اپیل پر دلائل کیلئے نہیں رکھاگیا، سلمان صفدر نے کہاکہ میرے کلائنٹ نے کہا ہے پہلے سزا معطلی کی درخواستوں پر دلائل دیں۔ نجی ٹی وی چینل دنیا نیوزکے مطابق اسلام آباد ہائیکورٹ میں 190ملین پاؤنڈ کیس میں سزا معطلی کی درخواستو ں پر سماعت ہوئی،دوران سماعت بیرسٹر سلمان صفدر نے کہاکہ عدالتی حکم پر 8اپریل کو میری بانی پی ٹی آئی سے ملاقات ہوئی،میری بشریٰ بی بی سے ملاقات نہیں کرائی گئی تھی،بانی نے بتایا کہ وہ ایک آنکھ سے نہیں دیکھ پا رہے،بانی نے بتایا کہ ڈاکٹرز نے کہاآنکھ ٹھیک نہیں ہوسکتی،بانی پی ٹی آئی کو قید تنہائی میں رکھا جارہا ہے۔ بیرسٹر سلمان صفدر نے کہا کہ 16اپریل کو اڈیالہ جیل کے ڈپٹی سپرنٹنڈنٹ نے مجھے کال کی، ڈپٹی سپرنٹنڈنٹ نے کہاکہ بشریٰ بی بی کے حوالے سے ایمرجنسی ہے،بشریٰ بی بی کی دائیں آنکھ کی سرجری کی گئی ، ان کی فیملی سے ملاقات ہوئی،بشریٰ بی بی کو دو، تین دن ہسپتال میں رکھا جانا چاہئے تھا لیکن نہیں رکھا گیا، بشریٰ بی بی کو پہلے بھی قید تنہائی میں رکھا گیا تھا، کئی ماہ ہو گئے بشریٰ بی بی کی ضمانت کی استدعا کرتے ہوئے۔ چیف جسٹس سرفراز ڈوگر نے استفسار کیا کہ آپ اپیل پر دلائل کیوں نہیں دے رہے؟اپیل سننے کیلئے تیار ہیں، جلد از جلد اس پر فیصلہ کر دیں گے،روزانہ کی بنیاد پر اپیل سننا شروع کرتے اور اس کا فیصلہ کر دیتے ہیں۔ بیرسٹر سلمان صفدر نے کہاکہ اپیل سننے پر کوئی اعتراض نہیں لیکن اس سے پہلے سزا معطلی پر فیصلہ کردیں،چیف جسٹس نے استفسار کیا کہ کیا آپ کو اپیل پر دلائل کیلئے نہیں رکھاگیا، سلمان صفدر نے کہاکہ میرے کلائنٹ نے کہا ہے پہلے سزا معطلی کی درخواستوں پر دلائل دیں۔عدالت نے کہاکہ طے شدہ اصول ہے اپیل مقرر ہو جائے تو سزا معطلی غیرموثرہو جاتی ہے۔
ملٹی نیشنل کمپنیاں ملک چھوڑ کر جارہی ہیں
سابق گورنر سندھ محمد زبیر نے کہا ہے کہ ملٹی نیشنل کمپنیاں ملک چھوڑ کر جارہی ہیں، وہ بتاتی ہیں کہ ملک میں بدحالی ہے، 4 سال بعد ہم دیکتھے ہیں کہ کشکول ہی پکڑ رکھا ہے۔ ویب سائٹ ’’پاک رپورٹ‘‘ کے مطابق گفتگو کرتے ہوئے محمد زبیر نے کہاکہ حیران کن بات ہے کہ ملک کی تاریخ میں کبھی ایسا وقت نہیں آیا کہ ملٹی نیشنل کمپنی ایک کے بعد دوسری یہاں سے جا رہی ہے، میں کسی کا نام نہیں لینا چاہتا لیکن بہت سے نام ہیں، ہفتہ، 2 ہفتے ، 3 ہفتے بعد ایک بڑی ملٹی نیشنل کمپنی چلی جاتی ہے، وہ کمپنیاں جو 50 سال سے ملک میں کام کررہی تھیں ، بھارت، بنگلہ دیش، سری لنکا میں اب بھی یہی کمپنیاں کام کر رہی ہیں لیکن پاکستان سے جارہی ہیں، وہ بتاتی ہیں کہ بدحالی ہے۔ ان کا مزید کہناتھاکہ بہت سی وجوہات ہیں، ہم نے دیکھا کہ وزیراعظم نے اپریل 22 سے لے کر اب تک 100 سے زیادہ دورے کیے ہوں گے، شروع میں اپنا مقصد بتایاکہ کسی سے بھیک مانگنے نہیں جارہے، کشکول لے کر نہیں جارہے لیکن 4 سال بعد بھی ہم دیکھتے ہیں کہ کشکول ہی پکڑا ہوا ہے ۔
قائم مقام صدر یوسف رضا گیلانی کی ملتان آمد
قائم مقام صدر یوسف رضا گیلانی کی ملتان آمد پر پروٹوکول کے باعث کینٹ کی سڑکیں بلاک کردی گئیں،جس سے عوام خوارہوگئے۔ شہری کاویڈیو شیئر کرتے ہوئے کہناتھا کہ قائم مقام صدر کی آمد کے باعث پورا کینٹ ایئر پورٹ سے لیکر تمام متعلقہ علاقے مکمل بند ہیں اور ٹریفک مکمل طور پر جام ہے، شہری کاکہناتھا کہ جو بھی قائم مقام بنے گا وہ وہی پروٹوکول انجوائے کرے گا جو آصف زرداری کرتے ہیں،یوسف رضا گیلانی کیلئے وی وی آئی پی پروٹوکول ہے تمام اہل ملتان کو مبارک ہو، جہاں جہاں سے قائم مقام صدر نے گزرنا ہے وہاں وہاں ٹریفک بند ہے اور عوام پچھلے دو سے اڑھائی گھنٹے سے خوار ہو رہے ہیں۔ سڑکوں کی بندش کے باعث وہاں موجود شہریوں کا کہناتھا کہ دو، اڑھائی گھنٹے سے سڑکیں بند ہیں اور راستے کھلنے کا انتظار کررہے ہیں۔ ویڈیو بنانے والے شہری کاکہناتھا کہ حکومت کی جانب سے سادگی اور کفایت شعاری کے دعوے سب فراڈ ہیں،آصف زرداری کے بیرون ملک دورے کی وجہ سے یوسف رضا گیلانی قائم مقام صدر بن گئے ہیں ،اگر وہ آصف زرداری والا پروٹوکول نہ لیں تو ان کی شان میں کون سا فرق پڑتا ہے،جس علاقے سے ایم پی اے یا ایم این اے منتخب ہوتے ہیں وہاں کے عوام کو پریشان کرنا ہمارے سیاستدانوں کا وطیرہ ہے،سیاستدانوں کی جان ان کے پروٹوکول میں ہے۔ شہری کاکہناتھا کہ میں صرف یوسف رضا گیلانی کو فوکس نہیں کر رہا،ہمارے پورے ملک میں جو اشرافیہ،جج، بیوروکریسی، سیاستدان سب کا یہی مسئلہ ہے،ان کاکہناتھا کہ ہمارے ملک کی حالت یہ ہے کہ ہمارے پاس یو اے ای کو دینے کیلئے پیسے نہیں ہیں وہ ہم نے سعودی عرب لے کر ادا کئے ہیں۔ شہری نے سوال اٹھاتے ہوئے کہاکہ یوسف رضا گیلانی کو کیا خطرہ ہو سکتا ہے،بطور چیئرمین سینیٹ بھی 25،20گاڑیوں کے پروٹوکول میں ان کی موومنٹ ہوتی ہے،لیکن آپ نے سڑکیں بند کرنی ہیں، لوگوں کو ذلیل کرکے بتانا ہے کہ وہ قائم مقام صدر پاکستان بن گئے ہیں،اس سے آ پ اندازہ لگا سکتے ہیں کہ پاکستان کی صورتحال کیا ہے،ہمارے سیاستدانوں کے قول فعل کا تضاد کیا ہے،وہ کس طرح سے عوام کو دھوکہ دیتے ہیں۔
لاہور ہائیکورٹ: ڈاکٹر کی نازیبا ویڈیو
لاہور ہائیکورٹ نے ڈاکٹر کی نازیبا ویڈیو بناکر بلیک میل کرنے والے ملزم کی ضمانت کی درخواست خارج کردی۔ لاہور ہائیکورٹ کے جسٹس وحید خان نے ڈاکٹرکی غیر اخلاقی ویڈیوبناکربلیک میل کرنےکے ملزم اسرار مجید کی ضمانت کی درخواست پر سماعت کی جس سلسلے میں ایف آئی اے کی جانب سے ڈپٹی اٹارنی جنرل راجہ اخرم عدالت میں پیش ہوئے۔ ڈپٹی اٹارنی جنرل نے مؤقف اپنایا کہ ملزم نجی اسپتال میں بطور ڈرائیور کام کرتا تھا اور نوکری سے نکالے جانے پر ملزم نےگارڈ سے مل کرگھرکے واش روم میں کیمرےلگائے۔ انہوں نے کہا کہ ملزم نےنازیبا ویڈیو بنا کرخاتون ڈاکٹر سے 25 لاکھ روپےکی ڈیمانڈکی، ایف آئی اے نےلیڈی ڈاکٹرکے بیٹےکی درخواست پرملزم کوگرفتارکیا۔ ملزم کے وکیل کا کہنا تھا کہ ملزم 10ماہ سےجیل میں ہے،جھوٹ اور سچ کا پتہ ٹرائل میں لگےگا۔ بعد زاں عدالت نے ملزم کی ضمانت کی درخواست خارج کردی اور کہا کہ ملزم نےجوکام کیاہے وہ ضمانت کامستحق نہیں ہے۔
پاکستان کا بہت احترام کرتا ہوں،
ٰمریکہ کے صدر ڈونلڈ ٹرمپ نے کہا ہے کہ پاکستان کا بہت احترام کرتا ہوں، پاکستان کے فیلڈ مارشل اور وزیراعظم بہت اچھے اور قابل احترام ہیں۔ایران جنگ جلد ختم ہو جائےگی اور ہم فاتح ہوں گے۔ ’’جیو نیوز ‘‘ کے مطابق امریکی میڈیا سے گفتگو میں صدر ڈونلڈ ٹرمپ نے کہا ہے کہ میں پاکستان کا بہت احترام کرتا ہوں، پاکستان کے فیلڈ مارشل اور وزیراعظم بہت اچھے اور قابل احترام ہیں ۔ میں نے 8 جنگیں روکیں جن میں پاکستان اور بھارت کی جنگ بھی شامل ہے۔ پاکستان اور بھارت کی جنگ جوہری جنگ کی طرف جارہی تھی، جنگ کے دوران 11 جہاز گرائے گئے، پاکستان کے وزیراعظم نے کہا کہ میں نے لاکھوں لوگوں کی جانیں بچائیں۔ امریکی صدر ڈونلڈ ٹرمپ نے کہا ہے کہ ایران جنگ جلد ختم ہو جائےگی اور ہم فاتح ہوں گے، ایران بات کرنا چاہتا ہے تو وہ ہمیں فون کرسکتا ہے، ہم یہ کام فون کے ذریعے کریں گے۔ ایران میں جن لوگوں سےہم نمٹ رہےہیں ان میں کچھ مناسب ہیں اورکچھ نہیں، امید ہے کہ ایران دانشمندی کا مظاہرہ کرےگا۔ ایران کا افزودہ یورینیم کامعاملہ مذاکرات کاحصہ ہے، ہم اسےحاصل کریں گے، چین سے زیادہ مایوس نہیں ہوں تاہم وہ مزید مدد کرسکتا ہے۔ نیٹو کے حوالے سے بات کرتے ہوئے ٹرمپ نے کہا کہ ایران کے معاملے میں نیٹو ہمارے ساتھ نہیں تھا، جب جنگ ختم ہوگئی توبرطانیہ نےکہا کہ وہ جہازبھیجےگا، یہ اچھا نہیں ہے۔
پاکستان عزت کے مقام پر کھڑا ہے
وزیراعظم شہباز شریف کے مشیر سیاسی امور سینیٹر رانا ثناء اللّٰہ نے کہا ہے کہ دنیا کہے گی پاکستان نے پوری دنیا کو امن دیا۔ فیصل آباد میں تقریب سے خطاب میں رانا ثناء اللّٰہ نے کہا کہ وزیراعظم شہباز شریف اور فیلڈ مارشل عاصم منیر کی کوششوں سے عالمی سطح پر پاکستان کا وقار بلند ہوا ہے۔عالمی صورت حال کی وجہ سے پاکستان پر بھی اثرات پڑ رہے ہیں، ملکی قیادت کے کردار کی وجہ سے پاکستان دنیا میں عزت کے مقام پر کھڑا ہے، دنیا کہے گی پاکستان نے پوری دنیا کو امن دیا۔ وزیراعظم کے مشیر رانا ثناء اللّٰہ نے مزید کہا کہ خدمت پر یقین نہ رکھنے والے پروپیگنڈا، گالی اور نفرت کرنا سکھاتے ہیں۔حلقےمیں سڑکوں کا جھال بچھا دیا ہے، پنجاب کو ستھرا پنجاب بنانے کےلیےاقدامات ہو رہے ہیں۔ اُن کا کہنا تھا کہ پولیس میں کافی بہتری کی گنجائش ہے، مگر آج گینگ سڑکوں پر گھومتے نظر نہیں آتے، گرین ٹریکٹر، بلا سود قرضہ، زرعی مشینری کی تقسیم، زراعت میں ریفارمز ہو رہی ہیں۔
وزیراعظم شہبازشریف اور فیلڈمارشل
پاکستان میں ایرانی سفیر رضا امیری مقدم نے وزیراعظم شہبازشریف اور فیلڈ مارشل کا جنگ کے خاتمے میں کردار کو قابل تحسین قرار دیدیا۔ نجی ٹی وی چینل جیو نیوز کے مطابق ایرانی وزیرخارجہ عباس عراقچی کے دورہ پاکستان پر اسلام آباد میں ایرانی سفیر رضا امیری مقدم نے حکومت پاکستان، پاک فوج اور عوام کا شکریہ ادا کیا ہے۔ ایکس پر جاری بیان میں ایرانی سفیر نے وزیراعظم شہبازشریف اورفیلڈ مارشل عاصم منیرکی قیادت میں امن کوششوں کو سراہتے ہوئےکہا کہ وزیراعظم شہبازشریف اور فیلڈمارشل کا جنگ کے خاتمے میں کردار قابل تحسین ہے، ایرانی وفد کا دورہ مکمل سکیورٹی، مؤثرمنصوبہ بندی اور بہترین انتظامات میں ہوا، پاکستانی اداروں کی کارکردگی قابل تعریف ہے۔ ایرانی سفیر نے پاک فوج، سکیورٹی فورسز، پولیس اورسرکاری اداروں کے عملےکا خصوصی شکریہ ادا کیا اور اسلام آبادکے عوام کی مہمان نوازی، صبر اور تعاون کو خراج تحسین پیش کیا۔ ایرانی سفیرنے پاکستان کوبرادر، دوست اورہمسایہ ملک قراردیتے ہوئےتعلقات مزید مضبوط بنانےکے عزم کا اظہار کیا۔
تعلیم کے بجٹ میں کٹوتی کی افواہوں
تعلیم کے بجٹ میں کٹوتی کی افواہوں پر وزیرتعلیم پنجاب رانا سکندر حیات کا ردعمل آگیا اور انہوں نے بجٹ کی کٹوتی سے متعلق افواہوں کوافسوناک قرار دیتے ہوئے انہیں مسترد کردیا اور اس سلسلے میں وضاحت بھی جاری کردی جس کے مطابق موجودہ حکومت کے اقتدار میں آنے کے بعد کئی سو فیصد بجٹ میں اضافہ ہوا ہے۔ وزیرتعلیم نے بتایاکہ "2 سال میں سکول ایجوکیشن ڈیولپمنٹ بجٹ میں تقریباً 400 فیصد , یونیورسٹیوں کے بجٹ میں 1000 فیصد اضافہ اور کالجوں کے بجٹ میں 300 فیصد اضافہ ہوا جس کے لیے وزیرا علیٰ داد کی مستحق ہیں اور یہ مصدقہ حقائق ہیں" ۔ انہوں نے مزید بتایا کہ حقائق یہ ہیں کہ تحریک انصاف کے دوراقتدار یعنی 2021,22 اور2023 میں سکول ایجوکیشن ڈیویلپمنٹ بجٹ 30 سے 35 بلین تھا لیکن مریم نواز کے اقتدار میں آنے کے بعد 2024-25میں 57 بلین اور 2025-26 میں 90 بلین تھا،انشاء اللہ اس سال انشااللہ مختص تقریباً 130 بلین ہو گی اور یہ تقریباً 400 فیصد 2 سال میں اضافہ ہوگا۔ اسی طرح تحریک انصاف کے تین سالہ دور اقتدار میں یونیورسٹیوں کا بجٹ 3۔2 بلین تھا جو اب 21 بلین ہے یعنی تقریباً 1000 فیصد اضافہ ہوچکا۔ سکندر حیات کا کہناتھا کہ ماضی کے تین سالوں کے دوران کالجز کا بجٹ تقریباً 15 بلین تھا اور اس سال تک تقریباً 50 ارب روپے ہوجائے گا جو تقریباً 300 فیصد اضافہ بنتا ہے۔
میں منافق نہیں ہوں کہ
میر مرتضیٰ بھٹو کے صاحبزادے ذوالفقار علی بھٹو جونیئر کا کہنا ہےکہ میں منافق نہیں ہوں کہ جن کو قاتل کہوں اور پھر ان سے مل جاؤں، ہمارے پاس محنتی لوگ ہیں اگر وقت آیا تو الیکشن لڑیں گے۔ حیدرآباد میں میڈیا سے گفتگو میں ذوالفقار بھٹو جونیئرکا کہنا تھا کہ سندھ پولیس میں چند لوگ ہیں جو عوام کے لیے کام کرتے ہیں، باقی سب امیروں کے لیےکرتے ہیں، ہمارے خاندان کا کیس تاحال حل نہیں ہوا ہم انصاف کے لیے گھوم رہے ہیں۔ ذوالفقار بھٹو جونیئرکا کہنا تھا کہ الیکشن لڑنےکے لیے ہمارے پاس وسائل نہیں جس طرح پیپلز پارٹی کے پاس ہیں، ہم نے ذوالفقار علی بھٹو رابطہ کمیٹی بنائی ہے، میں باقی سیاست دانوں کی طرح منافق نہیں ہوں، میں کسی کے ساتھ شمولیت اختیار نہیں کروں گا۔ ان کا کہنا تھا کہ موجودہ پیر پگارا میرے والد کے قریبی دوست رہےہیں میں ان کو سپورٹ کروں گا، الیکشن کے وقت الائنس بن جائے تو کوئی مسئلہ نہیں لیکن ہم کسی پارٹی میں شمولیت نہیں کریں گے۔
صدر مملکت آصف علی زرداری
صدر مملکت آصف علی زرداری 5 روزہ دورے پر چین پہنچ گئے۔ صدر آصف علی زرداری چین کے شہر چانگشا پہنچے جہاں چینی صوبہ ہونان کے عوامی کانگریس کے نائب چیئرمین ہو ژوشینگ نے صدر زرداری کا استقبال کیا۔ دفتر خارجہ کے مطابق صدر زرداری دورے کے دوران چینی صوبائی قیادت سے ملاقاتیں کریں گے۔ دفتر خارجہ کا کہنا ہے کہ صدر مملکت شاؤشان میں ماؤ زے تنگ کی جائے پیدائش کا دورہ بھی کریں گے۔ دورۂ چین کے دوران سندھ حکومت اور چینی کمپنیوں کے درمیان معاہدے متوقع ہیں۔
واشنگٹن میں عشائیے میں فائرنگ کے
وزیراعظم شہباز شریف نے واشنگٹن میں وائٹ ہاؤس کوریسپونڈنٹس ڈنر میں فائرنگ کے واقعے پر تشویش کا اظہار کیا ہے۔ وزیر اعظم شہباز شریف نے ایکس پر بیان جاری کرتے ہوئے کہا کہ واشنگٹن ڈی سی میں وائٹ ہاؤس کوریسپانڈنٹس ایسوسی ایشن ڈنر کے دوران پیش آنے والے فائرنگ کے تشویشناک واقعے پر گہرے صدمے کا اظہار کرتا ہوں۔ وزیر اعظم شہباز شریف نے کہا کہ یہ جان کر خوشی ہوئی کہ صدر ڈونلڈ ٹرمپ، خاتونِ اول اور دیگر شرکاء خیریت سے ہیں۔ انہوں نے کہا کہ میری دعائیں اور نیک تمنائیں ان کے ساتھ ہیں، اور میں ان کی مسلسل سلامتی اور خیریت کی دعا کرتا ہوں۔
نوشکی میں سکیورٹی فورسز کا
سکیورٹی فورسز نے نوشکی میں دہشت گردی کا منصوبہ ناکام بناتے ہوئے ٹارگٹڈ آپریشن میں فتنہ الہندوستان کے پانچ اہم کمانڈرز کو ہلاک کر دیا۔ سکیورٹی ذرائع کے مطابق قانون نافذ کرنے والے اداروں کو خفیہ اطلاع ملی تھی کہ فتنہ الہندوستان کے دہشت گردوں نے نوشکی میں دہشت گردی کا منصوبہ بنایا ہے اور اس مقصد کیلئے نوشکی کے نواحی علاقے میں اپنے ٹھکانے میں موجود ہے جس پر سکیورٹی فورسز کی بھاری نفری نے ٹارگٹڈ آپریشن کیا۔ ذرائع کا بتانا ہے کہ دہشت گردوں نے سکیورٹی فورسز کو دیکھتے ہی جدید خود کار ہتھیاروں سے فائرنگ شروع کر دی تاہم فائرنگ کے تبادلے میں فتنہ الہندوستان کے 5 اہم کمانڈرز ہلاک ہو گئے۔ سکیورٹی فورسز نے دہشت گردوں کے ٹھکانے کو مسمار کر کے بھاری تعداد میں اسلحہ، راکٹ لانچرز، بم ، دھماکہ خیز مواد اور مواصلاتی آلات قبضے میں لے لیے، مارے جانے والے دہشت گرد سیکورٹی فورسز اور پولیس پر حملوں میں ملوث تھے۔
پنجاب میں دفعہ 144 کے تحت
پنجاب بھر میں دفعہ 144 کے تحت کھلی فضا میں ڈرون اُڑانے پر پابندی برقرار ہے۔ محکمہ داخلہ پنجاب کی جانب سے جاری نوٹیفکیشن کے مطابق آؤٹ ڈور ڈرون اڑانے پر عائد پابندی میں 30 روزکی توسیع کردی گئی ہے، پنجاب حکومت نے سکیورٹی خدشات کے پیش نظر ڈرون کے استعمال پر پابندی عائد کر رکھی ہے۔ اعلامیے میں کہا گیا ہے کہ شادی ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے، اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی۔ محکمہ داخلہ پنجاب کے اعلامیے میں انٹیلی جنس اور قانون نافذ کرنے والے ادارے پابندی سے مستثنیٰ قرار دیتے ہوئے ڈرون اڑانے پر پابندی میں 25 مئی تک توسیع کر دی ہے۔
صدر زرداری کی وائٹ ہاؤس
صدر مملکت آصف علی زرداری نے واشنگٹن ڈی سی میں کوریسپونڈنٹس ڈنر میں فائرنگ واقعے کی بھرپور الفاظ میں مذمت کی ہے۔ صدر آصف زرداری نے فائرنگ کے واقعے میں صدرڈونلڈ ٹرمپ اور خاتون اوّل میلانیا ٹرمپ کےمحفوظ رہنے پر اطمینان کا اظہار کیا۔ انہوں نے کہا کہ وائٹ ہاؤس ڈنر میں فائرنگ کا واقعہ دہشتگردی کی گھناؤنی شکل ہے جس کی جتنی مذمت کی جائےکم ہے۔ قبل ازیں وزیر اعظم شہباز شریف نے ایکس پر بیان جاری کرتے ہوئے کہا واشنگٹن ڈی سی میں وائٹ ہاؤس کوریسپانڈنٹس ایسوسی ایشن ڈنر کے دوران پیش آنے والے فائرنگ کے تشویشناک واقعے پر گہرے صدمے کا اظہار کیا۔ وزیر اعظم شہباز شریف نے کہا کہ یہ جان کر خوشی ہوئی کہ صدر ڈونلڈ ٹرمپ، خاتونِ اول اور دیگر شرکاء خیریت سے ہیں۔
پیٹرولیم قیمتوں میں اضافہ
جمعیت علمائے اسلام (ف) کے ترجمان اسلم غوری نے پیٹرول اور ڈیزل کی قیمتوں میں حالیہ اضافے کو مسترد کرتے ہوئے حکومت سے فوری طور پر فیصلہ واپس لینے کا مطالبہ کیا ہے۔ اپنے بیان میں انہوں نے کہا کہ مہنگائی کے بوجھ تلے دبے عوام پر مزید بوجھ ڈالنا کسی صورت قابل قبول نہیں اور یہ اقدام عوام دشمن پالیسیوں کا تسلسل ہے۔ اسلم غوری کا کہنا تھا کہ حکومت عوام کو ریلیف فراہم کرنے میں مکمل طور پر ناکام ہو چکی ہے اور مہنگائی نے عام آدمی کی زندگی اجیرن بنا دی ہے۔ انہوں نے کہا کہ پیٹرولیم مصنوعات کی قیمتوں میں اضافہ ہر طبقے کو متاثر کرتا ہے، جس سے اشیائے ضروریہ کی قیمتیں مزید بڑھ جاتی ہیں۔ ترجمان جے یو آئی (ف) نے واضح کیا کہ پارٹی مہنگائی کے خلاف بھرپور آواز اٹھائے گی اور جلد عوامی تحریک شروع کرنے کا اعلان کیا جائے گا۔ انہوں نے حکومت سے مطالبہ کیا کہ فوری طور پر قیمتوں میں اضافہ واپس لے کر عوام کو ریلیف فراہم کیا جائے، بصورت دیگر سخت احتجاجی ردعمل سامنے آئے گا۔
مریم نواز کا دیہی خواتین کو
لاہور: وزیر اعلیٰ پنجاب مریم نواز کی خصوصی کاوشوں کے نتیجے میں صوبے کے لائیواسٹاک شعبے میں بڑی پیشرفت سامنے آ گئی۔ جہاں 10 لاکھ جانوروں کی برآمد کا ہدف مقرر کر دیا گیا ہے۔ حکام کے مطابق گوشت کی برآمد کو فروغ دینے کے لیے چین کی “گلوبل میٹ کمپنی” سمیت 7 اداروں کے ساتھ مفاہمت کی یادداشتوں پر دستخط کیے گئے ہیں۔ منصوبے کے تحت پامکو کے اشتراک سے پنجاب میں جدید بوائلر یونٹ نصب کیا جائے گا۔ جہاں بڑے پیمانے پر بوائلڈ میٹ تیار کر کے برآمد کیا جائے گا۔ ایکسپورٹ ہدف کے حصول کے لیے 3 لاکھ بھینسوں اور گائے جبکہ 3 لاکھ مینڈھوں کی فیٹننگ کی جائے گی۔ جبکہ مجموعی طور پر 20 لاکھ جانوروں کی ٹیگنگ مکمل کی جائے گی۔ وزیر اعلیٰ پنجاب مریم نواز نے ہدایت کی ہے کہ صوبے کی ہر تحصیل میں جدید وٹرنری اسپتال قائم کیے جائیں۔ جبکہ مویشیوں کے علاج کے لیے موبائل وٹرنری ڈسپنسریاں بھی فعال کی جائیں گی۔ مریم نواز نے دیہی خواتین کو بااختیار بنانے کے لیے مفت مویشی دینے کا کوٹہ دگنا کر دیا ہے۔ جبکہ لائیواسٹاک مشینری کی خریداری پر 60 فیصد تک سبسڈی فراہم کی جائے گی۔ حکام کا کہنا ہے کہ پنجاب کی تاریخ میں پہلی بار لائیواسٹاک فارمنگ کے شعبے کو جدید خطوط پر استوار کیا جا رہا ہے۔ جس سے معیشت اور برآمدات میں نمایاں اضافہ متوقع ہے۔
ٹرمپ نے امریکی نمائندوں
واشنگٹن: امریکی صدر ڈونلڈ ٹرمپ نے کہا ہے کہ اسٹیو وٹکوف اور جیرڈکشنر کو ابھی پاکستان روانہ نہیں کیا جا رہا۔ غیر ملکی خبر رساں ایجنسی کے مطابق دورہ پاکستان کے حوالے سے امریکی صدر ڈونلڈ ٹرمپ نے کہا ہے کہ اسٹیو وٹکوف اور جیرڈکشنر کو ابھی پاکستان روانہ نہیں کیا جا رہا۔ اس سے قبل ایران نے امریکہ سے براہ راست مذاکرات کرنے سے انکار کر دیا تھا۔ اور امریکی نمائندوں نے آج پاکستان کے لیے روانہ ہونا تھا۔ وائٹ ہاؤس کا کہنا تھا کہ صدر ڈونلڈ ٹرمپ کے خصوصی ایلچی اسٹیو وٹکوف اور جیرڈ کشنر کو پاکستان روانہ ہونا تھا۔
ایران امریکا کے حد
ایران کے سفارتی ذرائع نے کہا ہےکہ ایران امریکا کے حد سے زیادہ مطالبات تسلیم نہیں کرے گا۔ برطانوی خبر ایجنسی کے مطابق ایرانی وزیر خارجہ عباس عراقچی نے دورہ پاکستان کے دوران وزیراعظم شہباز شریف اور فیلڈ مارشل عاصم منیر سے ملاقات میں ایران کے مطالبات اور امریکا کے مؤقف پر اپنے تحفظات بیان کیے۔ خبر ایجنسی کے مطابق ٹیلیگرام پر جاری بیان میں ایرانی وزیر خارجہ نےکہا کہ انہوں نے جنگ بندی اور ایران پر مسلط کی گئی جنگ کے مکمل خاتمے کے حوالے سے اپنے اصولی مؤقف کی وضاحت کی ہے۔ ایران کے امریکی مؤقف پر تحفظات کے بارے میں پوچھے گئے سوال پر اسلام آباد میں موجود ایک ایرانی سفارتی ذرائع نے رائٹرز کو بتایا کہ اصولی طور پر ایران حد سے زیادہ مطالبات قبول نہیں کرے گا۔ اس سے قبل ایرانی حکام نے واضح کیا تھا کہ وہ امریکی نمائندوں سے براہ راست ملاقات نہیں کریں گے بلکہ اپنی بات پاکستان کے ذریعے پہنچائیں گے۔ دوسری جانب امریکی صدر ٹرمپ نے اعلان کیا ہے کہ وٹکوف اور کشنرکا دورہ پاکستان کینسل کردیا ہے۔ خیال رہےکہ امریکا اور ایران کے درمیان مذاکرات تعطل کا شکار ہیں، ایران نے آبنائے ہرمز کو بڑی حد تک بند کر دیا ہے جب کہ امریکا نے ایران کی تیل برآمدات روک رکھی ہیں۔
ایران امریکا مذاکرات:
امریکی صدر ٹرمپ نے اعلان کیا ہے کہ اسٹیو وٹکوف اور جیرڈ کشنرکا دورہ پاکستان منسوخ کردیا۔ گزشتہ دنوں امریکی صدر نے اسٹیو وٹکوف اور جیرڈ کشنر پر مبنی دو رکنی امریکی وفد اسلام آباد بھیجنے کا اعلان کیا تھا۔ یہ امریکی وفد آج پاکستان کے لیے روانہ ہونا تھا تاہم اب امریکی میڈیا سے گفتگو میں صدر ٹرمپ نے دورہ اسلام آباد منسوخ کرنے کا اعلان کیا۔ انہوں نے کہا کہ وٹکوف اور کشنرکا دورہ پاکستان منسوخ کردیا۔ ان کا کہنا تھاکہ اس جنگ میں تمام کارڈز امریکا کےپاس ہیں، ایرانی جب چاہیں کسی بھی وقت امریکا سے بات کرسکتے ہیں۔ امریکی صدر کا کہنا تھاکہ جب تمام تمام کارڈز ہمارے پاس ہیں تو ایران کے ساتھ مذاکرات کیلئے 18 گھنٹے کا طویل سفر کرنا فائدہ مند نہیں، امریکی وفد 18 گھنٹے کی پرواز سے وہاں جاکربےمقصد باتوں کیلئے نہیں بیٹھے گا۔ خیال رہے کہ گزشتہ روز ایرانی وزیر خارجہ عباس عراقچی کی قیادت میں ایرانی وفد اسلام آباد پہنچا تھا۔ ایرانی وفد نے آج وزیر اعظم شہباز شریف اور فیلڈ مارشل عاصم منیر سے ملاقاتیں کیں۔ اسلام آبا د میں ملاقاتوں کے بعد ایرانی وفد مسقط اور ماسکو کے دورے پر روانہ ہوگیا۔
فیلڈ مارشل عاصم منیر ایران امریکا
فیلڈ مارشل عاصم منیر ایران امریکا مذاکرات بچانے کیلئے غیر معمولی کردار ادا کر رہے ہیں۔ برطانوی جریدے فنانشل ٹائمز کی رپورٹ کے مطابق فیلڈ مارشل عاصم منیر امریکا ایران مذاکرات کو مکمل طور پر ٹوٹنے سے بچانے اور رابطہ کاری کی کوشش کر رہے ہیں۔ برطانوی جریدے کا کہنا ہے کہ پاکستان امریکا اور ایران کے درمیان جاری کشیدگی کم کرنے اور مذاکرات کو مکمل طور پر ناکام ہونے سے بچانے کے لیے اہم کردار ادا کر رہا ہے۔ اس سارے عمل میں پاکستانی فوج کے سربراہ فیلڈ مارشل عاصم منیر کو ایک غیر روایتی مگر مرکزی کردار کے طور پر دیکھا جا رہا ہے، دونوں ممالک کے درمیان اعتماد کی کمی، پابندیوں اور فوجی کشیدگی کے باعث امن مذاکرات مشکل صورتحال کا شکار ہیں۔ برطانوی جریدے کی رپورٹ میں کہا گیا ہے کہ پاکستان ان مشکلات کے باوجود دونوں فریقین کے درمیان رابطے کا پل بننے کی کوشش کر رہا ہے تاکہ مذاکراتی عمل جاری رکھا جا سکے اور کشیدگی کم کی جا سکے۔
توانائی سیکیورٹی اب ملک کی
وزیراعظم شہباز شریف نے کہا ہے کہ توانائی سیکیورٹی اب ملک کی مستقبل کی مجموعی منصوبہ بندی کا انتہائی اہم حصہ بن چکی ہے۔ وزیراعظم شہباز شریف کی زیر صدارت توانائی سیکیورٹی سے متعلق ایک اہم اجلاس منعقد ہوا، جس میں ملک کی موجودہ اور مستقبل کی توانائی ضروریات پر تفصیلی غور کیا گیا۔ اجلاس سے خطاب کرتے ہوئے وزیراعظم نے کہا کہ توانائی سیکیورٹی اب ملک کی مجموعی مستقبل کی منصوبہ بندی کا ایک اہم ستون بن چکی ہے۔ انہوں نے کہا کہ موجودہ علاقائی صورتحال کے باوجود بروقت اقدامات اور توانائی کے مؤثر استعمال کے باعث کسی بڑے بحران سے بچاؤ ممکن ہوا۔ وزیراعظم نے ہدایت دی کہ مستقبل کی ضروریات کو مدنظر رکھتے ہوئے ملک میں خام تیل کے اسٹریٹجک ذخائر کے قیام پر کام تیز کیا جائے۔ انہوں نے توانائی کی بچت اور ماحولیاتی بہتری کے لیے ٹرانسپورٹ کو بتدریج برقی گاڑیوں (EV) پر منتقل کرنے کی ضرورت پر زور دیا اور ہدایت کی کہ آئندہ سرکاری استعمال کے لیے صرف الیکٹرک بسیں اور موٹر سائیکلیں خریدی جائیں۔ اجلاس میں ای وی چارجنگ اسٹیشنز کے قیام کو تیز کرنے، شمسی توانائی سے پیدا ہونے والی اضافی بجلی کے ذخیرے کے لیے بیٹریوں کے حصول کو آسان بنانے، اور مقامی سطح پر معیاری اسٹوریج بیٹریوں کی تیاری کی حوصلہ افزائی کرنے کی بھی ہدایت دی گئی۔ بریفنگ میں بتایا گیا کہ نیشنل کوآرڈینیشن اینڈ مینجمنٹ کونسل توانائی کے شعبے کی صورتحال کا روزانہ جائزہ لے رہی ہے، جبکہ ملک میں اس وقت پیٹرولیم کے وافر ذخائر موجود ہیں اور غذائی سیکیورٹی بھی مستحکم ہے۔ مزید بتایا گیا کہ تیل و گیس کمپنیوں کی کوششوں سے مقامی پیداوار میں اضافہ ہو رہا ہے۔ اجلاس کو یہ بھی آگاہ کیا گیا کہ گرڈ لیول پر بیٹری اسٹوریج کے دو پائلٹ منصوبوں کا PC-I تیار کیا جا رہا ہے، جبکہ گھریلو سطح پر شمسی توانائی استعمال کرنے والوں کو بیٹری اسٹوریج اپنانے کی ترغیب دی جا رہی ہے۔ اجلاس میں وفاقی وزرا مصدق مسعود ملک، احد خان چیمہ، محمد اورنگزیب، سردار اویس لغاری، عطاءاللہ تارڑ، علی پرویز ملک، احسن اقبال، مشیر برائے نجکاری محمد علی، وزیر مملکت بلال اظہر کیانی، معاون خصوصی ہارون اختر اور دیگر اعلیٰ حکام نے شرکت کی۔
وزیراعظم سے پاکستانی خلا بازوں
وزیراعظم شہباز شریف سے پاکستانی خلا بازوں نے ملاقات کی ، وزیراعظم نے خلائی مشن کو تاریخی سنگ میل قرار دے دیا۔ وزیرِاعظم شہباز شریف سے انسانی خلائی مشن پر جانے والے پاکستانی خلا باز خرم داؤد اور محمد ذیشان علی نے ملاقات کی، جس میں اتاشی حسنین افتخار بھی موجود تھے۔ وزیراعظم نے خلا بازوں سے گفتگو کرتے ہوئے کہا کہ ان کا خلائی مشن پاکستان کے لیے ایک اہم سنگ میل اور پوری قوم کے لیے باعث فخر ہے۔ انہوں نے اعتماد کا اظہار کیا کہ یہ نوجوان خلا باز پاکستان کی تاریخ میں ایک نیا باب رقم کریں گے۔ شہباز شریف نے کہا کہ خلا بازوں کی محنت اور لگن قابل ستائش ہے اور چینی تعاون سے یہ مشن دونوں ممالک کے برادرانہ تعلقات کو مزید مضبوط بنائے گا۔ انہوں نے چین کے ساتھ خلائی تحقیق میں تعاون کو نئی بلندیوں تک لے جانے کی امید بھی ظاہر کی۔ چینی سفیر نے اس موقع پر وزیراعظم کے خیالات کا خیر مقدم کرتے ہوئے پاکستان اور چین کے درمیان خلائی تعاون کو خوش آئند قرار دیا۔ خلا بازوں نے اس عزم کا اظہار کیا کہ وہ اس منفرد موقع کو پاکستان کے لیے اعزاز بنائیں گے اور محنت کے ذریعے قوم کی توقعات پر پورا اترنے کی بھرپور کوشش کریں گے۔ ملاقات میں نائب وزیرِ اعظم و وزیرِ خارجہ اسحاق ڈار، وزیرِ منصوبہ بندی احسن اقبال، وزیرِ اطلاعات عطاء اللہ تارڑ، معاون خصوصی سید طارق فاطمی، سیکریٹری خارجہ آمنہ بلوچ اور چیئرمین سپارکو محمد یوسف خان نے شرکت کی۔ اس موقع پر جیانگ زائیڈونگ بھی موجود تھے۔
پنجاب کابینہ نے ڈومیسائل فیس
پنجاب کابینہ کی جانب سے ڈومیسائل فیس میں 175فیصد اضافے کی منظوری دے دی گئی۔ تفصیلات کے مطابق ڈومیسائل فیس 200 روپے سے بڑھا کر 550 روپے مقرر کرنے کی منظوری دی گئی،اس میں 200 روپے فیس، 300 روپے ای افیڈیویٹ اور 50 روپے سروس چارج شامل ہونگے۔ ڈومیسائل فیس صرف ای پے پنجاب کے ذریعے وصول کرنے کا فیصلہ کیا گیا ہے،پنجاب کے شہریوں کو ڈومیسائل اب آن لائن اپلائی اور گھر بیٹھے موصول ہوگا۔ پنجاب حکومت نے ڈومیسائل سسٹم کو مکمل ڈیجیٹل اور پیپر لیس بنانے کا فیصلہ بھی کیا ہے،پی آئی ٹی بی کو فی ڈومیسائل 50 روپے سروس چارج کرنے کی اجازت ہوگی۔
پاکستان سمیت 8 ممالک کی
پاکستان سمیت 8 ممالک کے وزرائے خارجہ نے مسجد اقصیٰ میں اسرائیلی اقدامات کی مذمت کردی۔ ترجمان دفتر خارجہ کا کہنا ہے کہ یروشلم کے مقدس مقامات کی حیثیت تبدیل کرنے کی کوششیں مسترد کرتے ہیں،مسجد اقصیٰ کا مکمل رقبہ صرف مسلمانوں کی عبادت گاہ ہے،اسرائیلی غیر قانونی بستیوں کی توسیع اور نئی منظوریوں کی مذمت کرتے ہیں۔ مغربی کنارے میں فلسطینیوں پر آبادکاروں کے تشدد کی مذمت کرتے ہیں ، فلسطینی بچوں اور اسکولوں پر حملوں پر تشویش ہے ذمہ داران کو سزا دی جائے۔ اسرائیل کی مقبوضہ علاقوں پر خودمختاری کو مسترد کرتے ہیں ،فلسطینیوں کی بے دخلی اور الحاق کی کسی بھی کوشش کی مخالفت کرتے ہیں۔ وزرائے خارجہ نے عالمی برادری سے فوری اور فیصلہ کن اقدامات کا مطالبہ کرتے ہوئے فلسطینیوں کے حق خودارادیت کی حمایت کا اعادہ کیا۔ مشترکہ اعلامیہ میں 1967کی سرحدوں پر آزاد فلسطینی ریاست کی حمایت کی گئی ۔
بھارت کی مکاری کھل کے سامنے آچکی ہے، عطا تارڑ
وفاقی وزیرِ اطلاعات عطاء اللّٰہ تارڑ نے کہا ہے کہ کشمیر تسلیم شدہ بین الاقوامی مسئلہ ہے، جسے بھارت داخلی معاملہ قرار دیتا ہے۔ پریس کانفرنس کرتے ہوئے عطاء اللّٰہ تارڑ نے کہا ہے کہ بھارت اندرونی معاملات کو بیرونی جبکہ بیرونی معاملات کو اندرونی رنگ دے رہا ہے، بھارت کی مکاری کھل کر سامنے آ چکی ہے۔ ان کا کہنا ہے کہ آج پہلگام فالس فلیگ آپریشن کو 1 سال ہو گیا، بھارت پہلگام فالس فلیگ آپریشن پر سوالات کا تسلی بخش جواب نہیں دے سکا۔ وفاقی وزیر نے کہا کہ محض 10 منٹ کے اندر ایف آئی آر کا اندراج متن پہلے سے تیار ہونے کی نشاندہی کرتا ہے۔ عطاء اللّٰہ تارڑ نے کہا ہے کہ عالمی میڈیا، بھارتی سول سوسائٹی، سیاستدان اور تھنک ٹینکس نے بھی پہلگام واقعے پر سنجیدہ سوالات اٹھائے ہیں۔ انہوں نے کہا کہ بھارت میں مسلمانوں کو تشدد کا نشانہ بنایا جا رہا ہے، بھارت میں ہندوتوا نظریے سے اقلیتوں کے حقوق سلب کیے جا رہے ہیں، مختلف ممالک میں سکھ رہنماؤں کے قتل کے شواہد بھارتی ریاست کے ملوث ہونے کی نشاندہی کرتے ہیں۔ عطاء اللّٰہ تارڑ نے کہا کہ جعفر ایکسپریس اور خضدار سمیت دہشت گردی کے دیگر واقعات میں بھارتی کردار کے ناقابلِ تردید شواہد ہیں، شواہد کا وقتاً فوقتاً بین الاقوامی برادری اور عالمی میڈیا کے ساتھ بھی تبادلہ کیا جاتا رہا ہے۔ وفاقی وزیر نے کہا کہ بھارت کو معرکۂ حق کے دوران آپریشن بنیان مرصوص میں منہ کی کھانا پڑی، بھارت کو معرکۂ حق کی طرح دہشت گردی کی پالیسی میں بھی ناکامی کا سامنا کرنا پڑے گا۔
ایسا نہیں کہ میں کسی عہدے کی اہل نہیں ہوں،
بانی پی ٹی آئی عمران خان کی بہن علیمہ خان کا کہنا ہےکہ ایسا نہیں کہ میں کسی عہدے کی اہل نہیں ہوں، ہم صرف اپنے بھائی کا ساتھ دیتے ہیں، ہم سے زیادہ کمیٹڈ اور قابل لوگ آگے ہونے چاہئیں۔اڈیالہ جیل کے قریب گورکھپور ناکے پر میڈیا سےگفتگو میں علیمہ خان کا کہنا تھا کہ عمران خان پارٹی کے چیئرمین تھے ہیں اور رہیں گے، بانی نے سیاسی جماعت بنانےکے لیے 30 سال لگائے، بانی کے ویژن کے مطابق پارٹی کو چلانا چاہیے۔ علیمہ خان کا کہنا تھا کہ ایسا نہیں کہ میں کسی عہدے کی اہل نہیں ہوں، ہم صرف اپنے بھائی کا ساتھ دیتے ہیں، ہم سے زیادہ کمیٹڈ اور قابل لوگ آگے ہونے چاہئیں۔علیمہ خان کا کہنا تھا کہ سارے لوگ خوف کا بت توڑیں، لوگوں کی پارٹی لیڈرز سے امیدیں ہیں کہ وہ کھڑے ہوں، ووٹ ڈالنے والوں کا حق ہوتا ہے وہ اپنے نمائندے سے سوال کرے، حکومت نے پارٹی کی منتیں کیں کہ 9 اپریل کو جلسہ نہ کریں، جب حکومت پر اتنا پریشر تھا تو ہماری لیڈر شپ کو کہنا چاہیے تھا کہ بانی کو علاج کے لیے ہسپتال منتقل کرو، حکومت مذاکرات کرتی رہے ہم پُرامن رہیں گے۔علیمہ خان نے ایران امریکہ مذاکرات سے متعلق سوال کے جواب میں کہا کہ ایران سچ بول رہا ہے، اعتماد سازی تب ہوتی ہے جب دونوں فریقین کی نیت صاف ہو، پاکستان کیا کرسکے گا جب ایک طرف وہ اتفاق کرتے ہیں تو پیچھے سے ٹرمپ کچھ اور کہہ دیتا ہے، ٹرمپ اعتبار والی پارٹی نہیں لگ رہی۔
ہم پاکستان کو LNG فراہم
آذربائیجان نے اعلان کیا ہے کہ وہ پاکستان کو ایل این جی فراہم کرنے کیلئے تیار ہے۔ آذربائیجان کی سرکاری توانائی کمپنی SOCAR نے کہا ہے کہ جیسے ہی اسے اسلام آباد کی جانب سے درخواست موصول ہوگی وہ پاکستان کو مائع قدرتی گیس (LNG) فراہم کرنے کے لیے تیار ہے۔ کمپنی نے رائٹرز کو بتایا ہے کہ پاکستان بڑھتے ہوئے توانائی کے بحران کو کم کرنے کے لیے اسپاٹ کارگو حاصل کرنے کی کوشش کر رہا ہے۔ SOCAR کے مطابق، 2025 میں SOCAR Trading اور Pakistan LNG Limited کے درمیان ہونے والے فریم ورک معاہدے کے تحت پاکستانی خریدار کو تیز رفتار طریقہ کار کے ذریعے براہِ راست LNG کارگو خریدنے کی اجازت ہے۔ کمپنی نے رائٹرز کے سوالات کے جواب میں کہا، "SOCAR پاکستان کو LNG فراہم کرنے کے لیے تیار ہے جیسے ہی PLL متعلقہ درخواست جمع کراتا ہے۔" SOCAR نے یہ نہیں بتایا کہ آیا ایسی کوئی درخواست پہلے ہی دی جا چکی ہے، پہلی ترسیل کب ہو سکتی ہے، یا معاہدے کے تحت کس کے LNG کی فراہمی ہوگی۔ پاکستان، جو اپنی توانائی کی ضروریات کے لیے بڑی حد تک گیس پر انحصار کرتا ہے، مقامی پیداوار میں کمی اور عالمی LNG قیمتوں میں اتار چڑھاؤ کے باعث بدستور خطرات سے دوچار ہے، خاص طور پر ایران کے ساتھ جنگ سے متعلق سپلائی میں رکاوٹوں کے تناظر میں۔
خطے کی بدلتی صورتحال،
اسلام آباد، وزیراعظم شہباز شریف کی زیر صدارت خطے کی بدلتی صورتحال پر ایک اہم مشاورتی اجلاس جاری ہے، ذرائع کے مطابق اجلاس میں سینئر وفاقی وزراء اور اعلیٰ حکام شریک ہیں۔ ذرائع کا کہنا ہے کہ اجلاس میں ایران اور امریکا کے درمیان جنگ بندی میں توسیع کے بعد پیدا ہونے والی صورتحال پر تفصیلی تبادلہ خیال کیا جا رہا ہے۔ اجلاس میں مذاکرات کے دوسرے دور کو یقینی بنانے کے لیے پاکستان کی سفارتی کوششوں کا بھی جائزہ لیا جا رہا ہے، جبکہ خطے میں امن و استحکام کے لیے ممکنہ اقدامات پر غور جاری ہے۔ ذرائع کے مطابق پاکستان نے امریکی صدر ڈونلڈ ٹرمپ کی جانب سے جنگ بندی میں توسیع کے اعلان کا خیر مقدم کیا ہے اور اسے خطے میں کشیدگی کم کرنے کی مثبت پیش رفت قرار دیا ہے۔
تحریک انصاف کا 2 مئی کو
پاکستان تحریک انصاف نے 2 مئی کو مینارِ پاکستان پر جلسے کا اعلان کر دیا ہے۔ پی ٹی آئی لاہور کے صدر میاں اکرم عثمان نے جلسے کے انعقاد اور سکیورٹی انتظامات کے حوالے سے ڈپٹی کمشنر لاہور کو باقاعدہ درخواست جمع کرا دی ہے۔ درخواست میں استدعا کی گئی ہے کہ 2 مئی کو مینارِ پاکستان (گریٹر اقبال پارک) میں جلسے کی اجازت دی جائے تاکہ پارٹی اپنی سیاسی سرگرمیوں کو جاری رکھ سکے۔ نجی چینل تحریک انصاف کے ذرائع کے حوالے سے بتایا کہ جلسے سے وزیراعلیٰ خیبر پختونخوا سہیل آفریدی بھی خطاب کریں گے۔
اگلے 10 روز میں لاہور تا شیخوپورہ جدید الیکٹرک
وزیر اطلاعات و ثقافت پنجاب عظمیٰ بخاری نے کہا ہے کہ وزیراعلیٰ مریم نواز کے ویژن کے مطابق پنجاب کی تاریخ کا سب سے بڑا اور شفاف ترقیاتی سفر شروع ہو چکا ہے، جس کا مقصد عوام کو گندگی اور پسماندگی سے نکال کر ایک خوبصورت اور جدید ماحول فراہم کرنا ہے۔ ان خیالات کا اظہار انہوں نے ڈپٹی کمشنر آفس شیخوپورہ میں ترقیاتی منصوبوں اور امن و امان کی صورتحال پر تفصیلی بریفنگ لینے کے بعد میڈیا سے گفتگو کرتے ہوئے کیا۔ انہوں نے بتایا کہ ضلع شیخوپورہ کے لیے ایک دو نہیں بلکہ 48 ارب روپے کا تاریخی ترقیاتی پیکیج دیا گیا ہے، جس کے تحت شہر بھر میں نئی سڑکوں کی تعمیر، جدید سیوریج سسٹم، واٹر ٹینکس اور بیوٹیفکیشن کے منصوبوں پر کام تیزی سے جاری ہے۔ انہوں نے واضح کیا کہ ماضی کی طرح ترقی اب مخصوص علاقوں تک محدود نہیں بلکہ پنجاب کے ہر قصبے اور دیہات تک پہنچ رہی ہے اور واسا کے منصوبوں کے لیے 12.5 ارب روپے سے زائد کی رقم مختص کی گئی ہے۔ عظمیٰ بخاری نے شہر کے لیے بڑی خوشخبری سناتے ہوئے کہا کہ اگلے 10 روز میں ماحول دوست الیکٹرک گرین بسیں سڑکوں پر ہوں گی، جو لاہور اور شیخوپورہ کے درمیان چلیں گی۔ یہ بس سروس خاص طور پر طالبات،ملازمت پیشہ خواتین اور بزرگوں کو ذلت آمیز سفر سے نجات دلائے گی۔ انہوں نے انتظامیہ کو بسوں کے لیے جدید ڈیپوز اور چارجنگ اسٹیشنز کی تعمیر پر ہنگامی بنیادوں پر کام مکمل کرنے کی ہدایت کی۔ صفائی کے نظام اور دیہی ترقی پر بات کرتے ہوئے ان کا کہنا تھا کہ ’’ستھرا پنجاب‘‘ اور ’’مثالی گاؤں‘‘ جیسے فلیگ شپ پروگراموں کے ذریعے دیہاتوں کا نقشہ بدلا جا رہا ہے، جہاں 809 ملین روپے کی لاگت سے سیوریج اور بنیادی سہولیات فراہم کی جا رہی ہیں۔74 برسوں بعد پہلی بار کوڑا اٹھانے کا منظم نظام بنایا گیا ہے اور وہ خود تصاویر منگوا کر اس کی نگرانی کر رہی ہیں۔انتظامی نظم و ضبط کے حوالے سے وزیر اطلاعات نے واضح کیا کہ ترقیاتی منصوبوں میں تاخیر یا سیفٹی اقدامات پر کسی قسم کا سمجھوتہ برداشت نہیں کیا جائے گا۔ انہوں نے ڈی سی کو ہدایت کی کہ جہاں کھدائی ہو رہی ہے وہاں منصوبے کی تصویر اور تفصیلات آویزاں کی جائیں تاکہ عوام کو معلوم ہو کہ عارضی تکلیف کے بعد انہیں کیا بڑی سہولت ملنے والی ہے۔ امن و امان پر گفتگو کرتے ہوئے انہوں نے پولیس کی کارکردگی کو سراہا اور بتایا کہ ریپ جیسے سنگین کیسز میں 40 فیصد تک کمی واقع ہوئی ہے۔ انہوں نے عزم ظاہر کیا کہ منشیات کے خاتمے اور چائلڈ ابیوز کے خلاف کریک ڈاؤن کو مزید سخت کیا جائے گا، کیونکہ عوامی خدمت ہی ہماری سیاست کا محور ہے اور ہم اپنی کارکردگی سے ہی عوام کا اعتماد جیتیں گے۔ عظمیٰ بخاری نے کہا کہ وزیراعلیٰ پنجاب کا وژن ہے کہ پورے پنجاب میں ترقیاتی کام ہوں اور کسی ایک علاقے پر فوکس نہ ہو۔ وزیراعلیٰ پنجاب کا گورننس ماڈل میرٹ پر مبنی ہے، جو کام کرے گا وہ اپنی سیٹ پر موجود رہے گا۔ ہر طرف پنجاب کے سکولوں، ہسپتالوں، لا اینڈ آرڈر اور گرین بسوں کی باتیں ہو رہی ہیں۔ وزیراعلیٰ پنجاب نے تھوڑے عرصے میں 100 سے زائد منصوبے شروع کیے ہیں، جو کہ آسان کام نہیں ہے۔دن بدن لاء اینڈ آرڈر کی صورتحال بہتر ہو رہی ہے، جس کا کریڈٹ وزیراعلیٰ پنجاب مریم نواز کو جاتا ہے۔ سوالات کے جواب دیتے ہوئے وزیر اطلاعات پنجاب عظمیٰ بخاری نے کہا کہ سی ایم پنجاب مریم نواز سیاست کو عبادت کی طرح سمجھتی ہیں۔ 100 سے زائد منصوبے ڈیڑھ سے دو سال میں مکمل کرنا کوئی آسان کام نہیں۔ ان کے لیے خدمت کی سیاست ہی اصل مقصد ہے اور یہی (ن) لیگ کا وطیرہ ہے۔انہوں نے کہا کہ (ن )لیگ نے ملک کو ڈیفالٹ ہونے سے بچایا۔ (ن) لیگ ہی کے سر یہ سہرا ہے کہ اس نے ملک کو نیوکلیئر پاور بنایا۔ (ن) لیگ کی قیادت کو یہ کریڈٹ بھی جاتا ہے کہ 4 گھنٹے کی جنگ کے بعد دشمن کو ایڑیاں رگڑنی پڑیں۔اب اسلام آباد ٹاکس کے حوالے سے بھی پاکستان کا نام پوری دنیا میں گونج رہا ہے۔مختلف اشیاء کی قیمتوں میں اضافے کے حوالے سے انہوں نے کہا کہ قیمتوں میں اضافہ وزیراعلیٰ پنجاب مریم نواز کے علم میں ہے اور بہت جلد قیمتیں کنٹرول ہوں گی۔ انکا کہنا تھا کہ وزیراعلیٰ پنجاب سرکاری سکولوں کو معیاری بنا رہی ہیں۔ یہی وجہ ہے کہ اب نواز شریف سنٹر آف ایکسیلینس جیسے سکولوں میں داخلے کے لیے بچوں کی قطاریں لگی ہوئی ہیں۔
وزیر اعلیٰ مریم نواز کا خضدار میں لیڈی کانسٹیبل
وزیر اعلیٰ پنجاب مریم نواز نے خضدار میں دہشت گردوں کے خلاف کارروائی میں بلوچستان پولیس لیڈی کانسٹیبل ملک ناز بلوچ کی شہادت اور قربانی کو خراج تحسین پیش کیا ہے۔ وزیراعلیٰ مریم نواز نے کہا ہے کہ دہشت گردی کے خلاف جنگ میں بلوچستان کی بہادر بیٹی نے جرأت و بہادری کی مثال قائم کی۔ شہید ملک ناز نے ثابت کردیاجب قوم کی بیٹی ڈٹ جائے تو کوئی طاقت شکست نہیں دے سکتی۔ وزیرِ اعلیٰ مریم نواز نے شہید ملک ناز کے اہل خانہ کیلئے صبر جمیل کی دعاکی اورہمدردی واظہار تعزیت کیا۔
شرمپ فارمنگ منصوبوں کے انفراسٹرکچر کی
وزیراعلیٰ پنجاب مریم نواز کے ویژن کے تحت صوبے بھر کی بنجر زمینوں کو آباد کرکے معاشی زونز میں تبدیل کرنے کیلئے بلیواکانومی پروگرام شروع ہے۔ ایکوا کلچر کے فروغ سے صوبے کی بنجر زمینوں کو آباد کرنے، روزگار کی فراہمی اور برآمدات میں اضافہ ہوگا۔ پنجاب میں بلیو اکانومی کے فروغ کیلئے سرگودھا شرمپ سٹیٹ، علی والا اور شاہ گڑھ شرمپ فارم منصوبوں کے انفراسٹرکچر کی تیاری میں اہم پیشرفت ہوئی ہے۔ سرگودھا شرمپ فارمنگ منصوبے کے لیے 126 میں سے 118 تالابوں کی کھدائی مکمل کر لی گئی جبکہ 118 تالابوں کے 92 فیصد پشتوں کی تعمیرکا کام بھی مکمل ہوچکا ہے۔ 116 ٹیوب ویلز کی بورنگ مکمل ہونے سے پانی فراہمی کے نظام کا 92 فیصد کام تکمیل کو پہنچ چکا ہے وزیراعلیٰ مریم نواز کی ہدایت پر سرگودھا شرمپ فارمنگ منصوبے کے لیے 365 ایکڑ اراضی کی صفائی اور سروے کا 100 فیصد کام مکمل کر لیا گیا۔ شرمپ فارمنگ کا یہ منصوبہ مجموعی طور پر 500 ایکڑ پر مشتمل ہے۔ 2020 میٹر سڑک کی تعمیر کے لیے زمین کو پختہ بنانے کا مرحلہ مکمل ہوگیا جبکہ منصوبے کی مزید سڑکوں پر کام تیزی سے جاری ہے۔ ویئر ہاؤس کی تعمیر 90 فیصد مکمل ہو چکی ہے، ایڈمن بلاک اور فیڈ سٹور کی تعمیر تیزی سے جاری ہے۔ علی والا شرمپ سٹیٹ کے لئے مختص اراضی کے1267 ایکڑ میں سے 90 فیصد رقبہ کلیئر کر دیا گیا۔ 737 میں سے 642 تالابوں کی کھدائی بھی مکمل کر لی گئی۔ ڈرینج سسٹم پر 91 فیصد کام مکمل ہوگیا جبکہ ایم ڈی سی ڈرینز کی کھدائی کا 100 فیصد کام بھی مکمل ہوچکا ہے۔9000 میٹر روڈ نیٹ ورک کا سروے و کلیئرنگ مکمل کر لی گئی اور ارتھ فلنگ کا 80 فیصد کام بھی مکمل ہو گیا ہے۔علی والا شرمپ فارمنگ منصوبے کے لیے 317 ٹیوب ویلز کی بورنگ کا کام مکمل ہوگیا۔ وزیراعلیٰ مریم نواز کے ویژن کے تحت علی والا شرمپ فارمنگ منصوبے میں ایڈمن آفس، ہاسٹل، ویئر ہاؤس اور لیبر کی رہائشی عمارت تعمیرکی جارہی ہیں جس کی بنیادوں کا 100 فیصد کام مکمل ہو گیا ہے۔ شاہ گڑھ شرمپ فارم میں واٹر سپلائی 90 فیصد، الیکٹریفیکیشن 95 فیصد اور رابطہ سڑک کی تعمیر کا 97 فیصد کام مکمل کر لیا گیا۔وزیراعلیٰ مریم نواز کے ویژن کے تحت صوبے میں پہلی مرتبہ سرکاری سرپرستی میں جھینگوں کی افزائش کے لیے جدید سائنسی نظام کے استعال کا یہ پہلا منصوبہ شروع کیا گیا ہے۔جھینگوں کی افزائش کے لیے درکار پانی کا درجہ حرارت موزوں پایا گیا ہے، منصوبے پر کام کرنے والے ماہرین نے تجربات کی رپورٹ حکام کو پیش کر دی۔ ماہرین کی رپورٹ کے مطابق جھینگوں کی افزائش کے لیے روزانہ 114 کلوگرام خوراک فراہم کی جا رہی ہے۔ سپلیمنٹس کے ذریعے جھینگوں کے بین الاقوامی معیار اور پیداوار میں بہتری کی رپورٹ بھی حوصلہ افزا پائی گئی۔ وزیراعلیٰ مریم نواز نے شرمپ فارمنگ منصوبے پر تیزی سے پیش رفت پرپوری ٹیم کو شاباش دی۔ وزیراعلیٰ کا کہنا تھا کہ عالمی معیار کی شرمپ فارمنگ کو پنجاب کو ایکوا کلچر کا مرکز بنائے گی۔
اللہ نے وزیراعظم اور فیلڈ مارشل کی قیادت
وفاقی وزیر احسن اقبال نے پاکستان تحریک انصاف (پی ٹی آئی) پر تنقید کرتے ہوئے کہا کہ ایک سیاسی جماعت لوگوں کو بتاتی تھی کہ پاکستان کا بیڑا غرق اور ستیاناس ہوگیا ہے۔ احسن اقبال کا کہنا تھا کہ ایک سیاسی جماعت کے لیڈر کی تقریر شروع ہی ستیاناس اور بیڑا غرق سے ہوتی تھی، آج اسی پاکستان نے معرکۂ حق میں بھارت کے دانت توڑ کر رکھ دیئے۔اللہ نے وزیراعظم شہباز شریف اور فیلڈ مارشل عاصم منیر کی قیادت میں پاکستان کا پرچم پوری دنیا میں بلند کردیا۔ (ن) لیگی رہنما کا مزید کہنا تھا کہ نواز شریف نے پوری دنیا کا دباؤ ٹھکرا کر ایٹمی دھماکے کرکے پاکستان کا دفاع ناقابلِ تسخیر بنا دیا۔
وزیر اعظم سے یورپی کونسل کے
اسلام آباد: وزیر اعظم شہباز شریف سے یورپی کونسل کے صدر انتونیو کوسٹا نے ٹیلی فونک رابطہ کیا۔ دونوں رہنماؤں نے مشرق وسطیٰ کی موجودہ صورتحال پر تفصیلی گفتگو کی۔ وزیر اعظم شہباز شریف نے یورپی کونسل کے صدر کو خطے میں امن کے قیام کے لیے پاکستان کی جاری سفارتی کوششوں سے آگاہ کیا۔ اس موقع پر یورپی کونسل کے صدر انتونیو کوسٹا نے استحکام کے لیے پاکستان کے تعمیری کردار کو سراہتے ہوئے مکمل حمایت کی یقین دہانی کرائی۔ دونوں رہنماؤں نے دیرپا عالمی سلامتی کے لیے مذاکرات اور سفارتکاری کے تسلسل کی ضرورت پر زور دیا اور اہم امور پر قریبی رابطے میں رہنے پر اتفاق کیا۔
پاکستان سے ایران ریلوے ٹریک
وفاقی وزیر ریلوے حنیف عباسی نے کہا ہے کہ پاکستان سے ایران ریلوے ٹریک کا جلد آغاز کیا جا رہا ہے جو خطے میں تجارتی اور سفری روابط کو مزید مضبوط کرے گا۔ حنیف عباسی نے کہا کہ یہ منصوبہ صرف ایران تک محدود نہیں رہے گا بلکہ مستقبل میں یورپ تک اس کی توسیع کا بھی امکان ہے، جس سے پاکستان کو عالمی ریلوے نیٹ ورک سے جوڑنے میں مدد ملے گی۔ انہوں نے کہا کہ سرکلر ریلوے سندھ حکومت کے دائرہ اختیار میں آتا ہے تاہم ریلوے نظام کی بہتری ملکی معیشت کے لیے ناگزیر ہے کیونکہ “اگر ریلوے نہیں چلے گی تو پاکستان نہیں چلے گا”۔ وفاقی وزیر کے مطابق روہڑی سے نوکنڈی تک 900 کلومیٹر اورنوکنڈی سے تافتان تک 87 کلومیٹرطویل ٹریک کی بحالی پر بھی کام جاری ہے، جس سے خطے میں رابطے مزید بہتر ہوں گے۔
سینئر صحافی سہیل وڑائچ نے یوٹیوبرز کو آئینہ دکھا دیا
سینئر صحافی اور معروف تجزیہ کار سہیل وڑائچ نے یوٹیوبرز کو آئینہ دکھا دیا۔ اپنے ویلاگ میں سہیل وڑائچ کاکہناتھا کہ یوٹیوبرز فیلڈ مارشل عاصم منیر کے قانونی جواز کی بات تو کرتے تھے،لیکن یہ بتائیں فیلڈ مارشل عاصم منیر نے سفارتی سطح اورانٹرنیشنل ریلیشن میں کمال کر دکھایا۔ان کاکہناتھا کہ ٹھیک ہے سیاستدان منتخب ہوتے ہیں لیکن اگر کوئی صلاحیتوں میں ان سے بڑا ہو،کیااس پر بات نہیں ہوگی،کیا اس کی Acceptenceنہیں ہوگی،ان کاکہناتھا کہ میں ہمیشہ سے فوج کے سیاست میں آنے کے خلاف ہوں،فیلڈ مارشل نے اب تک کوئی ایسا کام نہیں کیا، جس کو آپ آئین کی خلاف ورزی کہیں، مجھے اچھی طرح یاد ہے جب عمران خان کا دور تھاسعودی عرب سمیت تمام خلیجی ریاستوں سے ناراضگی تھی، امریکہ پر الزامات لگائے جارہے تھے،ایران کے آخری دورے میں بھی جھگڑا ہو گیاتھا، آئی ایم ایف کے ساتھ جو کیااس کے نتیجے میں ہمیں دوبار اتنی شدید پابندیاں برداشت کرنی پڑیں جو ابھی تک برداشت کررہے ہیں، قرضہ کوئی ہمیں دیتا نہیں تھا،اب قرضہ ملنا بھی شروع ہو گیا، پاکستان کی عزت بھی شروع ہو گئی،امریکی نائب صدر بھی آ گیا۔ سہیل وڑائچ نے کہاکہ سوال یہ ہے کہ جب آپ لوگوں کا جوجھوٹا بیانیہ تھاوہ بے نقاب ہو گیا تو کم از کم آپ معافی مانگ لیں، لیکن آپ کبھی معافی نہیں مانگیں گے،آپ ایک اور نیا جھوٹا بیانیہ بنائیں گے،اگلی بات پر چلے جائیں گے پچھلی ہسٹری کو بھول جائیں گے، تاریخ میں ہر ہر لفظ ریکارڈ ہوتا ہے آپ کی اگر پرانی تاریخ نکالی جائے اور آپ کے ہر دعویٰ کو چیک کیا جائے۔ سینئر صحافی کاکہناتھا کہ افسوس نہ حکومت یہ کرتی ہے نہ مقتدرہ یہ کرتی ہے،نہ ان کے پاس ایسا کوئی سسٹم ہے کہ وہ آپ کے ماضی کی کہی ہوئی باتوں کو نکالےاور بتائے کہ کس طرح وہ ایک ایک کرکے غلط ثابت ہوئیں،میرا خیال ہے کہ آپ کا نکتہ نظرسرعام بے نقاب ہو جائے گا۔ معروف تجزیہ کار کاکہناتھا کہ سیاسی مخالفت ہوتی ہے ،حکومتوں سے سیاسی مخالفت ہوتی ہے بعض اوقات فوج کے اقدامات پر بھی آپ کو اعتراضات ہوتے ہیں،لیکن مخالفت کی ایک حدود ہوتی ہے ، جب آپ کی حدود ریاست کو چھونے لگے،پھر مسئلہ پیدا ہوتا ہے،آپ پھر سیاست کیلئے نہیں، ریاست کیلئے مسئلہ بن جاتے ہیں، اگر ریاست نہیں ہوگی تو پھر کونسی سیاست ،کونسی سیاست پارٹی ،جیسے فیلڈ مارشل نے سیاست پر جھاڑو پھیر دی ہے۔
امریکا اورایران کی بات چیت کے
سپیکر قومی اسمبلی ایازصادق نے کہاامریکا اور ایران کی اسلام آبادمیں بات چیت کے دوران چھ بار گرما گرمی ہوئی۔ نجی ٹی وی سما نیوز کے مطابق سپیکرقومی اسمبلی سردار ایازصادق نے تقریب سےخطاب میں کہا پاکستان نے امریکا اور ایران کو پہلی بار ایک میز پر بٹھایا،امریکا اورایران کی بات چیت کے دوران چھ بار گرما گرمی ہوئی،کئی بار ایسا ہوا معاملہ ٹھنڈا کرنے کیلئے میٹنگ روکنا پڑی،فیلڈ مارشل اور اسحاق ڈار پھر بٹھا لیتے تھے۔ پاکستان کی ثالثی کی کوششوں کو پوری دنیا نے سراہا،بھارت کو شکست دینے کے بعد سے پاکستان بہتری کی طرف جارہا ہے۔
ڈیزل کے بعد پیٹرول کی قیمت
وزیرمملکت برائے خزانہ بلال اظہر کیانی نے کہا ہے کہ ڈیزل کے بعد پیٹرول کی قیمت میں بھی کمی کا فیصلہ کیا جائے گا۔ وزیر مملکت نے کراچی چیمبر آف کامرس میں میڈیا سے بات کرتے ہوئے کہا کہ آئندہ جمعہ کو پیٹرول کی قیمتوں میں بھی کمی کا فیصلہ کیا جائے گا، یہ کمی عالمی قیمتوں کو مدنظر رکھتے ہوئے کی جائے گی۔ ان کا کہنا تھا کہ جنگ بندی سے نہ صرف پاکستان بلکہ دنیا بھر کی معیشتوں کو فائدہ پہنچا ہے، جنگ بندی کو معیشت میں بہتری کا سبب بنایا جائے گا۔ ان کا کہنا تھا کہ پاکستان 4 سال بعد عالمی یوروبانڈ مارکیٹ میں شمولیت کے قابل بنا،انہوں نے کہا کہ کراچی پاکستان کی معاشی سرگرمیوں کی شہ رگ ہے، دورہ کراچی کا مقصد معاشی ترقی کی راہ میں حائل مسائل کو حل کرنا ہے۔
100 فیصد یقین ہے کہ عمران خان او ر
بشریٰ بی بی کی بہن مریم ریاض وٹو نے جیونیوز کے پروگرام میں گفتگو کرتے ہوئے دعویٰ کیا کہ مجھے 100 فیصد یقین ہے کہ عمران خان او ربشریٰ بی بی کو زہر دیا گیا تھا پھر ان کا آٹھ ہفتوں تک ٹیسٹ بھی نہیں کروایا گیا تاکہ اثر نکل جائے۔ مریم ریاض وٹو کا کہناتھا کہ دیکھیں کہ کتنی حیرانگی کی بات ہے کہ دونوں میاں بیوی کو آنکھوں کا مرض ہو گیا، عمران خان کھلاڑی ہیں، وہ فٹ ہیں، جس طرح کے حالات میں رکھا گیا او رکھانے میں دیا جارہا ہے وہ میری تشویش کا باعث ہے، باقی پارٹی جمہوری پارٹی ہے ، جو فیصلے ہوتے ہیں ان پر مشاورت ہوتی ہے او رتحفظات ہو سکتے ہیں، یہ پارٹی ٹوٹی نہیں بلکہ یہ پارٹی کی گروتھ کا حصہ ہے، یہ کوئی موروثی سیاسی پارٹی نہیں ہے ۔ انہوں نے کہا کہ مجھے 100 فیصد پتا ہے کہ عمران خان او ربشریٰ بی بی کو (HCL Poison) زہر دیا گیا تھا پھر ان کا آٹھ ہفتوں تک ٹیسٹ نہیں کروائے گئے تاکہ اس کا اثر نکل جائے، اب جب عمران خان کی آنکھ کی رپورٹس آئیں تو وہ غیر ملکی ڈاکٹروں سے چیک کروائیں، انہوں نے کہا کہ ایسا کچھ دیا جا سکتاہے کہ جس سے خون میں کلاٹنگ ہو جائے، وہ عمران خان کی آنکھ میں پھٹا تھا، وہ دماغ او ردل تک بھی جا سکتا ہے ۔
فیلڈ مارشل سید عاصم منیر کا وفد
فیلڈ مارشل سید عاصم منیر اور وزیر داخلہ محسن نقوی کا وفد کے ہمراہ ایران کا 3 روزہ سرکاری دورہ مکمل ہوگیا۔ پاک فوج کے شعبہ تعلقات عامہ (آئی ایس پی آر ) کی جانب سے جاری بیان کے مطابق فیلڈ مارشل سید عاصم منیر اور وزیر داخلہ محسن نقوی نے وفد کے ہمراہ ایران کا دورہ مکمل کیا جس کے دوران فیلڈ مارشل نے ایران کے صدر ڈاکٹر مسعود پیزشکیان سے ملاقات کی۔
امریکہ ایران معاہدہ کیلئے محض
پاکستان کے نائب وزیر اعظم اور وزیر خارجہ اسحاق ڈار کا کہنا ہے کہ ایران اور امریکہ کے درمیان ثالثی کی کوششیں جاری ہیں اور معاہدے کے لیے محض کچھ ہی معاملات پر اتفاق ہونا باقی رہ گیا ہے لیکن ہم نے ابھی تک امید نہیں ہاری۔ بی بی سی کے مطابق انطالیہ ڈپلومیسی فورم میں گفتگو کرتے ہوئے اسحاق ڈار نے کہا کہ ’دونوں فریقین کے درمیان محض چند معاملات پر اتفاق ہونا باقی رہ گیا ہے اور ہم (معاہدہ) طے کرنے کے لیے سخت محنت کر رہے ہیں کیونکہ اس سے پوری دنیا کا فائدہ ہوگا۔‘ اسحاق ڈار نے مزید کہا کہ ’ہم حل طلب معاملات پر اتفاق پیدا کرنے اور خلا پُر کرنے کی کوشش کر رہے ہیں، لبنان میں جنگ بندی ہو چکی ہے اور اب اچھی خبر یہ ہے کہ ایران نے آبنائے ہرمز سے بحری جہازوں کی آمد و رفت کو غیر مشروط طور پر بحال کر دیا ہے، ہم بہت پُرامید ہیں‘ کہ بقیہ مذاکراتی عمل بھی تکمیل کو پہنچ جائے گا۔
وزیر اعلیٰ بلوچستان سرفراز بگٹی سے
وزیر اعلیٰ بلوچستان سرفراز بگٹی سے پاکستان نیول وار کالج کے 55ویں تربیتی کورس کے شرکاء نے ملاقات کی۔ وزیر اعلیٰ بلوچستان نے عالمی منظرنامے میں پاکستان کے قائدانہ کردار پر قومی و عسکری قیادت کوخراج تحسین پیش کیا۔ وزیراعلیٰ بلوچستان سرفراز بگٹی نے کہا ہے کہ بلوچستان میں پائیدار امن کے لیے سول و عسکری قیادت کے مشترکہ اقدامات ناگزیر ہیں، نوجوانوں کو قومی دھارے میں شامل کرنا وقت کی اہم ضرورت ہے، ریاستی پالیسیوں کا محور نوجوان ہیں، بلوچستان میں غیر متوازن ترقی کے باعث تشدد کا تاثر غلط ہے۔ ریاست کوغیرمستحکم کرنے کیلئے بلوچستان کے نوجوانوں کی منفی ذہن سازی کی جارہی ہے، بیرون ملک بیٹھے پاکستان مخالف عناصرسوشل میڈیا کے ذریعے متحرک ہیں، دہشت گردی کے خلاف جنگ کو بلوچستان حکومت نے اون کیا ہے تاہم بلوچستان پولیس کی استعداد کاربڑھانے کے لئے 40 ارب روپے فراہم کررہے ہیں۔ وزیر اعلیٰ سرفراز بگٹی کا کہنا تھا کہ سی ٹی ڈی کو مزید 10 ارب روپے فراہم کیے جا رہے ہیں، نوجوانوں اورریاست کے مابین دوری ختم کرنے کے لیے میرٹ اور ہرسطح پرڈائیلاگ کو فروغ دے رہے ہیں، ہرجامعہ اورہرفورم پرنوجوانوں کو سناجارہا ہے جبکہ بلوچستان میں پہلی یوتھ پالیسی بھی متعارف کرائی گئی ہے۔ وزیر اعلیٰ بلوچستان کا کہنا تھا کہ بلوچستان کے ان جوانوں کو گلے سے لگائیں گے جن کے حکومت سے گلے شکوے ہیں، ریاست کے خلاف بندوق اٹھا کر تشدد کا راستہ اختیار کرنے والوں سے کوئی رعایت نہیں ہوگی، مؤثر حکمت عملی، میرٹوکریسی اور نوجوانوں سے ڈائیلاگ کا تسلسل برقراررکھیں گے، ریاست کو غیر مستحکم کرنے کی ہر سازش ناکام ہوگی۔
ورثہ ہماری پہچان بلکہ معاشی ترقی
صدرِ مملکت آصف علی زرداری نے 18 اپریل، عالمی یومِ ورثہ کے موقع پر اپنے پیغام میں کہا ہے کہ یہ دن ثقافتی شناخت کے تحفظ کے عہد کی تجدید کا دن ہے، ورثہ صرف تاریخ نہیں، روزگار اور معیشت کا بھی اہم ذریعہ ہے۔ صدرِ مملکت نے اپنے پیغام میں اس بات پر زور دیا ہے کہ یونیسکو کے پلیٹ فارم کے ذریعے عالمی سطح پر ورثے کے تحفظ کی اہمیت اجاگر ہوئی۔پاکستان قدیم تہذیبوں کا گہوارہ ہے جہاں سنگی دور سے لے کر مغلیہ عہد تک ایک بھرپور تاریخی تسلسل موجود ہے، موہن جو داڑو اور مہر گڑھ سمیت دیگر تاریخی مقامات بھی قومی شناخت کی بنیاد ہیں اپنے پیغام میں صدرِ مملکت نے گندھارا تہذیب اور بدھ مت کے فن پاروں کو عالمی توجہ کا مرکز قرار دیتے ہوئے کہا کہ یہ ورثہ ناصرف تاریخی اہمیت رکھتا ہے بلکہ پاکستان کے مثبت تشخص کو بھی اجاگر کرتا ہے۔ صدر زرداری نے واضح کیا کہ سیاحت کے فروغ میں تاریخی مقامات کلیدی کردار ادا کرتے ہیں جس سے اقتصادی سرگرمیوں کو تقویت ملتی ہے۔ ان کا نوجوانوں اور مقامی کمیونٹیز پر زور دیتے ہوئے کہنا تھا کہ وہ ورثے کے تحفظ میں فعال کردار ادا کریں جبکہ حکومت جدید تکنیکوں کے ذریعے ثقافتی ورثے کے تحفظ کے لیے پرعزم ہے۔ صدر مملکت نے کہا کہ قومی ورثے کا تحفظ ہر شہری کی ذمے داری ہے اور یہ ناصرف ہماری پہچان بلکہ معاشی ترقی کا بھی مؤثر ذریعہ ہے۔
نوجوان نسل اپنے ثقافتی ورثے پر فخر کرے
وزیرِاعظم شہباز شریف نے اپنے پیغام میں کہا ہے کہ پاکستان آج اقوامِ عالم کے ساتھ ہم آواز ہو کر یہ دن پرعزم انداز میں منا رہا ہے۔ وزیرِاعظم نے مشترکہ ثقافتی ورثے کے تحفظ کے لیے کام کرنے والے افراد کو خراجِ تحسین پیش کرتے ہوئے کہا کہ ثقافتی ورثے کے لیے عالمی دن کا تعین اس کی اہمیت کو اجاگر کرتا ہے، ثقافتی ورثہ سماجی تنوع کی عکاسی کرتا ہے۔پاکستان کا ثقافتی ورثہ کثیر الجہتی تہذیب و تمدن پر مشتمل ہے جبکہ سرزمینِ پاک دنیا کی قدیم ترین تہذیبوں کے رنگ اپنے اندر سموئے ہوئے ہے۔ وزیرِاعظم شہباز شریف نے نوجوان نسل سے اپیل کی کہ وہ اپنے ثقافتی ورثے پر فخر کریں اور اس کے تحفظ و فروغ میں فعال کردار ادا کریں۔ ہمارا ورثہ قومی شناخت اور اتحاد کا ذریعہ ہے، اس کی حفاظت ہم سب کی مشترکہ ذمے داری ہے۔
پنجاب میں سرکاری ملازمین کی مراعات سے
پنجاب میں سرکاری ملازمین کی مراعات سے متعلق اہم معاملہ پنجاب اسمبلی تک پہنچ گیا ۔ ’’دنیا نویز ‘‘ کے مطابق لیو انکیشمنٹ کے خاتمے ، پنشن میں کمی اور ڈسپیریٹی الاؤنس کی عدم فراہمی پر شدید تشویش کا اظہار کیا گیا۔ مسلم لیگ (ن) کے رکن اسمبلی امجد علی جاوید نے اس حوالے سے پنجاب اسمبلی میں قرارداد جمع کرا دی ہے ۔
وفاقی وزیر مواصلات عبدالعلیم خان کا
وفاقی وزیر مواصلات عبدالعلیم خان نے ترکیہ کے سفارتخانے کا دورہ کیا اور ترکیہ کے صوبوں شانلی عرفہ اور کہرامان ماراش میں سکول فائرنگ کے افسوسناک واقعات پر گہرے دکھ اور تعزیت کا اظہار کیا، جن میں کئی قیمتی جانوں کا ضیاع ہوا ہے۔ ’’دنیا نیوز ‘‘ کے مطابق وفاقی وزیر عبدالعلیم خان نے ترکیہ کے سفیر ڈاکٹر عرفان نیزیر اوغلو سے ملاقات کی۔ وفاقی وزیر نے اس بات پر زور دیا کہ پوری پاکستانی قوم دکھ کی اس گھڑی میں اپنے ترک بھائیوں کے ساتھ غیر متزلزل یکجہتی کے ساتھ کھڑی ہے۔ انہوں نے معصوم بچوں کو نشانہ بنانے کے عمل کو انتہائی سفاکانہ اور وحشیانہ فعل قرار دیا ۔ دونوں رہنماؤں نے اس بات پر اتفاق کیا کہ معاشرے میں ایسے المناک واقعات کی روک تھام کیلئے ایک مضبوط اور مستحکم خاندانی نظام انتہائی اہمیت کا حامل ہے۔ ترکیہ اور پاکستان ’’یک جان دو قالب‘‘ کی طرح ہیں۔ سفیر ڈاکٹر عرفان نیزیراوغلو نے وفاقی وزیر کی آمد اور پاکستانی عوام کی حمایت پر شکریہ ادا کیا۔
پیپلزپارٹی کے رہنماؤں کا شہبازحکومت
پیپلزپارٹی کی مرکزی قیادت بلاول بھٹو زرداری کو دوبارہ وزیر خارجہ دیکھنا چاہتی تھی مگرصدرآصف زرداری انہیں وزیراعظم ہی بنوانا چاہتے ہیں، پیپلزپارٹی کے رہنماؤں نے شہبازحکومت میں وزارتیں نہ لینے پر موجودہ صورتحال میں پچھتاوے کا اظہار کردیا۔ روزنامہ ’’دنیا‘‘ کے ذرائع کے مطابق متعدد پارٹی رہنماؤں نے آصف زرداری کو بلاول بھٹو کو وزیر خارجہ بنانے کیلئے اصراربھی کیا ہے جس پر صدر آصف زرداری نے جواب میں کہا کہ اب ہماری تمام توجہ اورجدوجہد بلاول کو وزیر اعظم بنانے پر ہے ۔ذرائع کا کہنا ہے کہ موجودہ صورتحال میں عالمی سطح پر پاکستان کو ملنے والی کامیابیوں پرپی پی قیادت نے پچھتاوے کا اظہار کرتے ہوئے کہا ہے کہ اگر اس وقت وزیر خارجہ بلاول ہوتے تو امریکہ ، ایران جنگ بندی میں ثالثی کے کردار کا سارا کریڈٹ پیپلزپارٹی کو ملتا اور اس کا آنے والے الیکشن میں پارٹی کو بہت فائدہ ہوتا ۔ ادھر صحافی قسمت خان ضمری نے لکھا کہ موجودہ صورتحال میں پیپلزپارٹی کو شہباز شریف حکومت میں وزارتیں نہ لینے کا پچھتاوا کھائے جا رہا ہے۔
وزیرِ اعظم محمد شہباز شریف اپنا سہ
وزیرِ اعظم محمد شہباز شریف اپنا سہ ملکی دورۂ سعودی عرب، قطر اور ترکیہ مکمل کرکے انطالیہ، ترکیہ سے پاکستان روانہ ہوگئے ہیں۔ انطالیہ ایئرپورٹ پر ترکیہ کے وزارت خارجہ کے ڈائریکٹر جنرل سفیر تولگا برمیک (Ambassador Tolga (Bermek , سفیر نیلوفر کیگسیز ( Nilufer Kaygisiz) , ممبر ترکیہ پارلیمنٹ برہان قایاترک (Burhan Kayaturk) اور پاکستان کے ترکیہ میں سفیر ڈاکٹر یوسف جنید نے وزیرِ اعظم اور پاکستانی وفد کو الوداع کیا. وزیرِ اعظم کا دورہ سعودی عرب، قطر اور ترکیہ کے دوروں پر مشتمل تھا جہاں وزیرِ اعظم نے تینوں برادر ممالک کی قیادت سے ملاقاتوں کے ساتھ ساتھ انطالیہ ڈپلومیسی فورم میں شریک دیگر عالمی رہنماؤں سے بھی ملاقاتیں کیں. اپنے دوروں کے دوران وزیرِ اعظم نے برادر ممالک کے ساتھ تعلقات کی مزید مضبوطی، خطے میں امن کے قیام کیلئے پاکستان کی کوششوں اور خطے و عالمی صورتحال پر تبادلۂ خیال کیا. پاکستانی وفد میں نائب وزیرِ اعظم و وزیرِ خارجہ سینیٹر محمد اسحاق ڈار، وزیرِ اطلاعات و نشریات عطاء اللہ تارڑ، معاون خصوصی سید طارق فاطمی اور وزیرِ اعظم کے ترجمان برائے غیر ملکی میڈیا مشرف زیدی شامل تھے.
پاکستان ملٹری اکیڈمی کاکول
پاکستان ملٹری اکیڈمی کاکول ایبٹ آباد میں شاندار پاسنگ آؤٹ پریڈ کا انعقاد کیا گیا، جس میں ظہیر احمد بابر سدھو نے بطور مہمانِ خصوصی شرکت کی۔ تقریب میں 153 ویں پی ایم اے لانگ کورس اور 38 ویں ٹیکنیکل گریجویٹس کورس کے کیڈٹس نے حصہ لیا، جن کی تربیت کامیابی سے مکمل ہو چکی ہے۔ مہمانِ خصوصی نے پریڈ کا معائنہ کیا اور بہترین کارکردگی دکھانے والے کیڈٹس میں اعزازات اور شمشیرِ اعزاز تقسیم کیں۔ ظہیر احمد بابر سدھو نے کیڈٹس کو پیشہ ورانہ مہارت، عزم اور حوصلے پر مبارکباد دیتے ہوئے ان کے روشن مستقبل کیلئے نیک خواہشات کا اظہار کیا۔ تقریب میں اعلیٰ عسکری و سول حکام کے علاوہ مختلف ممالک کے غیر ملکی مندوبین نے بھی شرکت کی۔ پاس آؤٹ ہونے والے کیڈٹس نے مادرِ وطن کے دفاع کیلئے ہر قربانی دینے کے عزم کا اعادہ کیا۔ ظہیر احمد بابر سدھو نے پاکستان ملٹری اکیڈمی میں کیڈٹس سے خطاب کرتے ہوئے ان کی اعلیٰ معیار کی تربیت کو سراہا اور کہا کہ یہ دیکھ کر انہیں دلی خوشی ہوئی ہے۔ انہوں نے کیڈٹس کو ہدایت کی کہ وہ اپنے عزم کو ہمیشہ بلند رکھیں اور پیشہ ورانہ زندگی میں نظم و ضبط اور دیانت داری کو شعار بنائیں۔ اس موقع پر انہوں نے کیڈٹس کے والدین کو بھی ان کی بہترین تربیت پر مبارکباد پیش کی۔ ایئر چیف مارشل نے کہا کہ پاکستان ملٹری اکیڈمی دنیا کی بہترین عسکری درسگاہوں میں شمار ہوتی ہے اور پاک فوج کے افسر کی حیثیت سے کیڈٹس کی ذمہ داریاں مزید بڑھ جاتی ہیں۔ انہوں نے کہا کہ موجودہ دور میں جنگی حکمت عملی تیزی سے بدل رہی ہے، اس لیے جدید ٹیکنالوجی پر عبور حاصل کرنا ناگزیر ہے۔ ان کا کہنا تھا کہ دنیا نے حالیہ معرکوں میں پاک افواج کی حکمت عملی اور پیشہ ورانہ صلاحیتوں کو دیکھا ہے، جبکہ پاک فضائیہ نے دشمن کے طیارے گرا کر نئی تاریخ رقم کی۔ انہوں نے اس عزم کا اعادہ کیا کہ مادرِ وطن کا دفاع اولین ترجیح ہے اور پاکستان کسی بھی جارحیت کا منہ توڑ جواب دینے کی مکمل صلاحیت رکھتا ہے۔ ایئر چیف مارشل نے کہا کہ پاکستان ایک امن پسند ملک ہے جو تنازعات کے حل کیلئے مذاکرات پر یقین رکھتا ہے، تاہم اس کی امن پسندی کو کمزوری نہ سمجھا جائے۔ انہوں نے عالمی سطح پر قیام امن کیلئے سیاسی و عسکری قیادت کی کوششوں کو سراہتے ہوئے خصوصاً سید عاصم منیر کی کاوشوں کی تعریف کی اور کہا کہ پاکستان کشمیریوں کی حمایت جاری رکھے گا۔
’’ہن ٹھنڈ رکھ ،بین نہ کر‘‘ خواجہ آصف کا مودی کو مشورہ
وزیر دفاع خواجہ آصف نے کہا ہے کہ پاکستان کی 78 سالہ تاریخ میں ملک کو بین الاقوامی سطح پر آج جیسی مثبت توجہ اور پذیرائی پہلے کبھی حاصل نہیں ہوئی، جس کا کریڈٹ وزیراعظم اور فیلڈ مارشل کی مشترکہ حکمتِ عملی کو جاتا ہے، موجودہ حالات میں بھارت ماتم ہی کرے گا شادیانے تو نہیں بجا سکتا ،’’مودی کو یہی کہوں گا کہ ہن ٹھنڈ کر بین نہ کر‘‘۔ اسلام آباد میں پارلیمنٹ ہاؤس کے باہر میڈیا سے گفتگو کرتے ہوئے خواجہ آصف نے کہا کہ وزیراعظم کا حالیہ دورہ سعودی عرب دراصل جاری اور آئندہ ہونے والے سفارتی مذاکرات کا تسلسل ہے ، جس کے ذریعے پاکستان نے عالمی سطح پر اپنا مو ثر اور باوقار کردار منوایا ،موجودہ سفارتی کوششوں نے پاکستان کو ایک قابلِ فخر مقام پر لا کھڑا کیا ہے ۔وزیر دفاع نے کہا کہ اس وقت دنیا کی نظریں پاکستان پر مرکوز ہیں اور امید ہے کہ ایران، لبنان اور فلسطین سمیت خطے میں جاری تنازعات کے حل کیلئے ہونے والے مذاکرات نتیجہ خیز ثابت ہوں گے ۔ انہوں نے دعا کی کہ خطے میں پائیدار امن، مسلم ممالک کے درمیان ہم آہنگی اور باہمی تعاون کو فروغ ملے ، ملک ہر قسم کے منفی اثرات سے محفوظ رہے اور معاشی چیلنجز بھی جلد حل ہوں۔
بانی چیئرمین سے ملاقات میں استعفیٰ
پاکستان تحریک انصاف (پی ٹی آئی) کے مرکزی رہنما سلمان اکرم راجا نے کہا ہے کہ بانی چیئرمین سے ملاقات میں استعفیٰ دے دوں گا۔ اسلام آباد میں میڈیا سے گفتگو میں سلمان اکرم راجا نے کہا کہ بانی پی ٹی آئی کے بہنیں میرے پاس آئی تھیں اور کہا کہ آپ ہمارے ساتھ کام کریں، علیمہ خان اور بہنیں سیاسی معاملات کو نہیں سمجھتیں، بانی پی ٹی آئی نے عہدے کی ذمے داری مجھ پر ڈالی ہے۔ پی ٹی آئی کے مرکزی رہنما نے مزید کہا کہ میری جب بھی بانی پی ٹی آئی سے میٹنگ ہوگی تو میں استعفیٰ دے دوں گا اور خواہش ہوگی کہ بانی چیئرمین میری بات مانیں، سیاست کو تجربہ کار لوگ سمجھتے ہیں، وہ لوگ جن کے کئی سال پر محیط سیاسی تجربے ہیں، علامہ ناصر عباس اور محمود اچکزئی کو جان بوجھ کر خائف کیا گیا۔ ہم نے ان کو ساتھ لے کر چلنا ہے۔ انہوں نے کہا کہ علیمہ خان اور مجھ میں دوریاں نہیں، یہ وقتی ری ایکشن یا ردعمل ہے۔ علیمہ خان نے 10 ہزار لوگ بلائے شاید وہ نہیں آئے اس لیے انہیں کچھ ہوا ہوگا۔
سعودی عرب نے پاکستان کے لیے 3
سعودی عرب نے پاکستان میں رکھے گئے 3 ارب ڈالر کے ڈپازٹ رول اوور کردیئے۔ روزنامہ دنیا کے مطابق سٹیٹ بینک آف پاکستان اور سعودی فنڈ برائے ترقی میں باقاعدہ معاہدہ طے پاگیا، سعودی عرب کی جانب سے معاہدے پر سعودی فنڈ کے چیف ایگزیکٹو جبکہ سٹیٹ بینک کی طرف سےگورنر جمیل احمد نے دستخط کئے۔ وزیرخزانہ محمد اورنگزیب بھی معاہدے پر دستخط کی تقریب میں شریک ہوئے، انہوں نے کہا کہ معاہدہ پاک سعودی عرب مضبوط اقتصادی تعلقات کا عکاس ہے، معاہدے سے پاکستان کے بیرونی مالی استحکام کومزید تقویت ملے گی۔ واضح رہے کہ گزشتہ روز پاکستان کو سعودی عرب سے دو ارب ڈالر ڈیپازٹ موصول ہوگئے، سٹیٹ بینک آف پاکستان نے اس بات کی تصدیق کی ہے کہ سعودی عرب سے دو ارب ڈالر پاکستان کو موصول ہوگئے ہیں، ڈالر موصول ہونے سے ملکی زرمبادلہ ذخائر میں یکدم بڑی کمی کا خطرہ ٹل گیا۔ خیال رہے کہ پاکستان کو رواں ماہ ہی یو اے ای کو ساڑھے 3 ارب ڈالر ادائیگی کرنی ہے، یو اے ای نے اپنے ڈالر ڈیپازٹس رول اوور کرنے سے انکار کردیا تھا، پاکستان نے رواں ماہ ہی یوروبانڈ میچیورٹی کی مد میں بھی ایک ارب بیس کروڑ ڈالر ادا کئے تھے۔
نواز شریف کا لاہور کے میگا پراجیکٹس کا
سابق وزیر اعظم میاں محمد نواز شریف نے لاہور کے جاری میگا پراجیکٹس کا دورہ کیا، نیلا گنبد پارکنگ پلازہ، ناصر باغ پارکنگ پلازہ اور دربار اپ گریڈیشن منصوبے کا معائنہ کیا۔ ڈی جی ایل ڈی اے طاہر فاروق نے نواز شریف کو جاری منصوبہ جات پر بریفنگ دی، جبکہ کمشنر لاہور، ڈی جی والڈ سٹی اتھارٹی اور چیف انجینئر ٹیپا بھی اس موقع پر ان کے ہمراہ تھے ۔نواز شریف نے اپنے دورے کے دوران منصوبہ جات سے متعلق ضروری ہدایات جاری کیں اور جاری کام کا تفصیلی جائزہ لیا۔ اس موقع پر انہیں ہر منصوبے کی پراگریس رپورٹ بھی پیش کی گئی۔انہوں نے منصوبوں کی بروقت تکمیل کو حکومت کی ترجیح قرار دیتے ہوئے متعلقہ حکام کو رفتار مزید تیز کرنے کی ہدایت کی۔
بشریٰ بی بی کو علاج کیلئے ہسپتال
چیئرمین پی ٹی آئی بیرسٹر گوہر نے دعویٰ کیا ہے کہ بشریٰ بی بی کو اسپتال منتقل کیا گیا ہے۔ ایکس پر جاری پیغام میں بیرسٹر گوہر نے کہا کہ گزشتہ رات بتایا گیا کہ بشریٰ بی بی کو اسپتال منتقل کیا گیا، بشریٰ بی بی کی صحت اور علاج سے متعلق بتایا جائے۔ انہوں نے کہا کہ بشریٰ بی بی سے ان کی فیملی کی ملاقات کی درخواست کرتا ہوں، ہم بانی سے ان کے فیملی ممبران کی ملاقات کا بھی انتظار کررہے ہیں، یہ کسی بھی شخص کا بنیادی حق ہے۔ مزید برآں وزیراعلیٰ خیبر پختونخوا کے معاون خصوصی شفیع جان نے اپنے بیان میں کہا کہ بشریٰ بی بی کی صحت سے متعلق خبریں نہایت تشویشناک ہیں، پنجاب حکومت کی جانب سے بشریٰ بی بی کی صحت اور ہسپتال منتقلی کے معاملے پر غفلت اور خاموشی افسوسناک ہے۔ شفیع اللہ جان نے کہا کہ پنجاب حکومت عمران خان اور بشریٰ بی بی کی صحت کے معاملے میں مسلسل غفلت برت رہی ہے، بشریٰ بی بی کو بنیادی طبی سہولیات سے محروم رکھنا آئین و انسانی حقوق کی سنگین خلاف ورزی ہے۔ انہوں نے کہا کہ بشریٰ بی بی ایک غیر سیاسی خاتون ہیں، پنجاب حکومت کا سیاسی انتقام پر مبنی رویہ کسی صورت قابل قبول نہیں، عمران خان کو کمزور کرنے کے لیے وفاقی اور پنجاب حکومتوں کے ہتھکنڈے پہلے بھی ناکام رہے ہیں اور آئندہ بھی ناکام ہوں گے۔ عمران خان کو کمزور کرنا بغیر مینڈیٹ والی وفاقی اور پنجاب حکومتوں کا خواب ہے جو کبھی پورا نہیں ہوگا۔
پاکستان کا آبنائے ہرمز میں معمول کی
اقوام متحدہ کی جنرل اسمبلی سے خطاب کرتے ہوئے پاکستانی مستقل مندوب عاصم افتخار نے کہا ہے کہ پاکستان آبنائے ہرمز میں معمول کی بحری نقل و حرکت کی بحالی کا مطالبہ کرتا ہے۔ روزنامہ دنیا کے مطابق آبنائے ہرمز پر اقوام متحدہ کی جنرل اسمبلی سے خطاب کرتے ہوئے پاکستانی مستقل مندوب عاصم افتخار نے کہا کہ مشرق وسطیٰ کی صورتحال پر پاکستان کا واضح اور دو ٹوک مؤقف ہے، تنازع نے نہ صرف خطے بلکہ اس سے باہر بھی سب کو متاثر کیا، تنازع کی ابتدا ہی سے پاکستان نے مذاکرات کی بحالی کو ترجیح دی انہوں نے کہا کہ پاکستان نے کشیدگی میں کمی، جنگ بندی کو ترجیح دی، پاکستان نے 11، 12 اپریل کو اسلام آباد مذاکرات کی کامیاب میزبانی کی، یہ مذاکرات پاکستان کی سفارتی کوششوں کے نتیجے میں ممکن ہوئے، اسلام آباد مذاکرات کے ذریعے پاکستان جنگ کے خاتمے کیلئے کوشاں ہے، پاکستان نے مشکل حالات میں خلیج تعاون کونسل ممالک سے یکجہتی کا اظہار کیا۔ عاصم افتخار نے کہا کہ آبنائے ہرمز کی موجودہ صورتحال دنیا بھر کے ممالک پر منفی اثرات مرتب کر رہی ہے، اگر عسکری کشیدگی اور رکاوٹیں برقرار رہیں تو انسانی مشکلات میں اضافہ ہوگا، یہ اثرات خطے میں پھیل کر وسیع معاشی مشکلات میں تبدیل ہو جائیں گے، ہم آبنائے ہرمز کو جلد دوبارہ کھولنے، حالات کو معمول پر لانے سے متفق ہیں۔
وزیراعظم محمد شہباز شریف
وزیرِ اعظم محمد شہباز شریف سے جمہوریہ ترکیہ کے وزیرِ خارجہ عزت مآب حاقان فیدان نے انطالیہ میں ملاقات کی. وزیرِ اعظم ترکیہ کے سرکاری دورے پر آج انطالیہ پہنچے ہیں۔ نائب وزیراعظم و وزیر خارجہ سینیٹر محمد اسحاق ڈار اور معاون خصوصی سید طارق فاطمی بھی مالاقات میں موجود تھے۔ وزیر خارجہ حاقان فیدان نے وزیر اعظم شہباز شریف کا پرتپاک استقبال کیا اور انطالیہ ڈپلومیسی فورم میں شرکت پر ان کا شکریہ ادا کیا۔ انہوں نے کہا کہ صدر رجب طیب ایردوان انطالیہ ڈپلومیسی فورم کے موقع پر وزیراعظم سے ملاقات کے منتظر ہیں۔ وزیر اعظم محمد شہباز شریف نے پرتپاک استقبال اور روایتی مہمان نوازی پر وزیر خارجہ حاقان فیدان کا شکریہ ادا کیا۔ انہوں نے کہا کہ یہ باعث خوشی ہے کہ وہ اپنے دوسرے گھر ترکیہ کے دورے پر ہیں۔ انطالیہ ڈپلومیسی فورم میں شرکت اور صدر رجب طیب ایردوان سے انطالیہ ڈپلومیسی فورم کے موقع پر ملاقات انکے باعث مسرت ہے.
چین بھی ایرانی تیل حاصل نہيں
امریکی وزیر خزانہ اسکاٹ بیسنٹ نے کہا ہے کہ چین بھی ایرانی تیل حاصل نہیں کر سکے گا۔ امریکی وزیر خزانہ کا کہنا تھا کہ آبنائے ہرمز کی بندش سے چین بھی ایرانی تیل حاصل نہيں کرسکے گا، انہوں نے کہا کہ آبنائے ہرمز میں ایرانی تیل لے جانے والے چین کے جہازوں کو روکیں گے۔ واضح رہے کہ امریکا کی طرف سے آبنائے ہرمز کی بندش کو آج دوسرا دن ہے، امریکی سینٹ کام کے مطابق آبنائے ہرمز کی ناکہ بندی کے بعد کوئی بھی جہاز ایرانی بندرگاہوں تک نہیں پہنچ سکا ہے۔ امریکی سینٹ کام کا کہنا ہے کہ اڑتالیس گھنٹوں کے دوران کوئی بھی بحری جہاز ایرانی بندرگاہوں میں داخل نہیں ہوا اور نہ ہی باہر نکلا۔
ایران کا شاہ رخ خان کے مشہور
بالی ووڈ کے سپر اسٹار شاہ رخ خان کا معروف ڈائیلاگ ایک بار پھر خبروں میں نمایاں ہو گیا، تاہم اس بار اس کا استعمال فلمی دنیا کے بجائے عالمی سیاست کے تناظر میں دیکھنے کو ملا۔ ممبئی میں قائم ایرانی قونصل خانے نے سوشل میڈیا پلیٹ فارم ایکس پر ایک ویڈیو شیئر کی، جس میں سمندر میں تیز رفتار کشتیوں اور میزائل سرگرمیوں کی جھلک دکھائی گئی۔ ویڈیو کے ساتھ جاری کردہ پیغام میں خلیج فارس میں ایرانی بحریہ کی تیاریوں کو اجاگر کرتے ہوئے ایک سخت اور معنی خیز ردعمل دیا گیا۔ قونصل خانے نے اپنے بیان میں امریکی صدر ڈونلڈ ٹرمپ کے حالیہ دعوؤں پر تنقید کرتے ہوئے کہا کہ ایران کی بحری صلاحیت کو کمزور قرار دینے والے بیانات حقیقت سے مطابقت نہیں رکھتے، اور موجودہ صورتحال یہ ظاہر کرتی ہے کہ ایک مضبوط قوت کس طرح فوری اور مؤثر دباؤ ڈال سکتی ہے۔ اس پیغام میں دلچسپ پہلو اس وقت سامنے آیا جب ایرانی قونصل خانے نے بالی ووڈ فلم ’اوم شانتی اوم‘ کا مشہور جملہ ’’ابھی تو صرف ٹریلر ہے، پکچر ابھی باقی ہے‘‘ بھی شامل کیا، جو عموماً کسی بڑی پیش رفت یا ڈرامائی واپسی کے اشارے کے طور پر استعمال کیا جاتا ہے۔ یہ غیر معمولی امتزاج سوشل میڈیا پر تیزی سے وائرل ہو گیا، جہاں صارفین نے عالمی سیاست اور بالی ووڈ کے اس انوکھے ملاپ پر دلچسپ تبصرے کیے۔ واضح رہے کہ اس سے قبل ڈونلڈ ٹرمپ نے اپنے سوشل میڈیا پلیٹ فارم “ٹروتھ سوشل” پر ایران کی بحری طاقت کے حوالے سے سخت بیانات دیے تھے، جس کے جواب میں ایرانی قونصل خانے کی جانب سے یہ منفرد اور توجہ حاصل کرنے والی پوسٹ سامنے آئی۔
امریکا کیساتھ دو ہفتے کی
ایران کے سپریم لیڈرمجتبیٰ خامنہ ای کے مشیر محسن رضائی نے کہا ہے کہ ہم آبنائے ہرمز اس وقت تک نہیں چھوڑیں گے جب تک ہمارے حقوق مکمل طور پر تسلیم نہیں کیے جاتے۔ خبر رساں اداروں کو ایک انٹرویو میں محسن رضائی نے کہا کہ امریکی مسلسل جنگ سے خوفزدہ ہیں جبکہ ہم ایک طویل جنگ کے لیے پوری طرح تیار ہیں اور اس کا بھرپور تجربہ رکھتے ہیں۔ انھوں نے امریکی صدر ٹرمپ اور امریکی وزیرِ جنگ پیٹ ہیگسٹ کے بیانات کا حوالہ دیتے ہوئے کہا کہ اگر ایرانی بحریہ تباہ ہو چکی ہے تو پھر امریکہ آبنائے ہرمز سے گزرنے کی جرأت کیوں نہیں کرتا؟۔ محسن رضائی کا کہنا تھا کہ اگرچہ وہ ملکی قیادت کے فیصلوں کی پیروی کرتے ہیں تاہم ان کی ذاتی رائے یہ ہے کہ ایران کو امریکا کے ساتھ دو ہفتے کی جنگ بندی میں توسیع پر آمادہ نہیں ہونا چاہیے۔
پاک بحریہ کا مقامی
پاک بحریہ نے شمالی بحیرہ عرب میں مقامی طور پر تیار کردہ اینٹی شپ بیلسٹک میزائل کا کامیاب تجربہ کیا ہے۔ پاک فوج کے شعبہ تعلقات عامہ کے مطابق پاک بحریہ کے جہاز سے فائر کیے گئے اس برق رفتار میزائل نے طویل فاصلے پر موجود اپنے ہدف کو انتہائی درستگی کے ساتھ نشانہ بنایا۔ یہ میزائل جدید ترین گائیڈنس سسٹم اور ایسی خصوصیات سے لیس ہے جو اسے دشمن کے دفاعی نظام کو چکمہ دینے اور اپنے ہدف کو کامیابی سے تباہ کرنے کی صلاحیت فراہم کرتی ہیں۔ نیول چیف ایڈمرل نوید اشرف نے اس منصوبے سے منسلک سائنسدانوں اور انجینئرز کے ہمراہ میزائل فائرنگ کے عمل کا خود مشاہدہ کیا۔ انہوں نے اس کامیاب تجربے کو پاک بحریہ کی تکنیکی برتری اور اعلیٰ عملی مہارت کا ثبوت قرار دیا۔ اس تاریخی کامیابی پر صدرِ پاکستان، وزیراعظم، چیف آف ڈیفنس فورسز اور تمام سروسز چیفس نے متعلقہ یونٹس اور سائنسدانوں کو مبارکباد پیش کی ہے۔
افغان طالبان کی باجوڑ میں
اسلام آباد: افغان طالبان کی باجوڑ کے سرحدی علاقے میں سول آبادی پر گولہ باری کے نتیجے میں 2 بچوں سمیت 3 افراد شہید جبکہ 3 شدید زخمی ہو گئے۔ سیکیورٹی ذرائع کے مطابق باجوڑ میں گولہ باری سے ایک ہی گھر کو نشانہ بنایا گیا جہاں ایک خاتون اور 2 بچے جان کی بازی ہار گئے۔ جبکہ دیگر افراد زخمی ہوئے۔ واقعہ باجوڑ کے علاقے کٹ کوٹ میں پیش آیا۔ ذرائع کے مطابق افغان طالبان مبینہ طور پر فتنہ الخوارج کے عناصر کو پاکستان میں داخل کرانے کی کوشش کر رہے تھے۔ تاہم پاک فوج کی بروقت کارروائی سے دراندازی کی کوشش ناکام بنا دی گئی۔ سیکیورٹی ذرائع کے مطابق ناکامی کے بعد افغان طالبان نے مایوسی میں سول آبادی کو نشانہ بنایا۔ جس کے بعد پاک فوج نے فوری جوابی کارروائی کرتے ہوئے افغانستان کی جانب سے فائرنگ کرنے والی گن پوزیشن کو مکمل طور پر تباہ کر دیا۔ ذرائع کے مطابق باجوڑ سے ملحقہ افغان چوکیوں کو بھی نشانہ بنایا جا رہا ہے۔ جبکہ علاقہ مکینوں نے اس کارروائی کی شدید مذمت کرتے ہوئے سیکیورٹی فورسز سے اظہار یکجہتی کی۔ سیکیورٹی حکام کا کہنا ہے کہ شہری آبادی کو نشانہ بنانا دشمن کے مذموم عزائم اور بوکھلاہٹ کا ثبوت ہے۔ جبکہ عوام کے تحفظ اور پائیدار امن کے لیے فورسز ہر وقت چوکس اور پرعزم ہیں۔
وزیراعظم کی سعودی ولی عہد سے
.jpg1776323381.jpg)
وزیراعظم شہباز شریف کی سعودی ولی عہد شہزادہ محمد بن سلمان سے ملاقات میں خطے کی بدلتی ہوئی صورتحال پر تبادلہ خیال کیا گیا۔ جدہ میں وزیراعظم شہباز شریف اور سعودی ولی عہد شہزادہ محمد بن سلمان کے درمیان اہم ملاقات ہوئی جو تقریباً دو گھنٹے تک جاری رہی۔ ملاقات میں خطے کی بدلتی ہوئی صورتحال اور باہمی دلچسپی کے امور پر تفصیلی تبادلہ خیال کیا گیا۔ وزیراعظم شہباز شریف نے حالیہ علاقائی کشیدگی کے تناظر میں سعودی عرب کے ساتھ مکمل یکجہتی کا اظہار کرتے ہوئے کہا کہ پاکستانی عوام اپنے سعودی بھائیوں کے ساتھ شانہ بشانہ کھڑے ہیں۔ وزیراعظم نے سعودی عرب کے مثالی صبر و تحمل اور بردباری کو سراہتے ہوئے کہا کہ ولی عہد کی قیادت بحران کے دوران امن پسند قوتوں کے لیے طاقت کا ذریعہ ہے۔ وزیراعظم نے سعودی ولی عہد کو پاکستان کی جانب سے امن کے قیام کے لیے کی جانے والی کوششوں سے آگاہ کیا اور بتایا کہ پاکستان کی کوششوں کے نتیجے میں امریکا اور ایران کے درمیان جنگ بندی ممکن ہوئی۔ انہوں نے اسلام آباد میں ہونے والے تاریخی مذاکرات کے حالیہ دور پر بھی بریفنگ دی۔ ترجمان کے مطابق سعودی ولی عہد نے وزیراعظم اور فیلڈ مارشل کے امن عمل میں تعمیری کردار کو سراہا۔ وزیراعظم نے پاکستان کے معاشی استحکام میں سعودی عرب کی مسلسل حمایت پر شکریہ ادا کرتے ہوئے کہا کہ دونوں ممالک کے درمیان منفرد اور مضبوط تعلق قائم ہے۔ انہوں نے مزید کہا کہ پاکستان اور سعودی عرب اسٹریٹجک باہمی دفاعی معاہدے کے تحت قریبی دفاعی شراکت دار ہیں۔ ملاقات کے اختتام پر دونوں رہنماؤں نے باہمی تعاون کو مزید فروغ دینے کے عزم کا اعادہ کیا۔
اسٹیٹ بینک کو سعودی
پاکستان کے لیے بڑی معاشی خوشخبری سامنے آئی ہے۔ اسٹیٹ بینک آف پاکستان کو 15 اپریل 2026 کی ویلیو ڈیٹ کے ساتھ سعودی عرب کی وزارتِ خزانہ سے 2 ارب امریکی ڈالر موصول ہو گئے ہیں۔ یہ رقم سعودی عرب کی جانب سے منظور کردہ مجموعی 3 ارب ڈالر کی نئی مالی امداد کا حصہ ہے، جس کی باقی ماندہ رقم بھی جلد موصول ہونے کی توقع ہے۔ یہ اہم پیش رفت وزیراعظم شہباز شریف کے موجودہ دورہ سعودی عرب کے دوران سامنے آئی ہے۔ وزیراعظم شہباز شریف اور سعودی ولی عہد شہزادہ محمد بن سلمان کے درمیان دو گھنٹے طویل اہم ملاقات ہوئی، جس میں خطے کی بدلتی ہوئی صورتحال اور باہمی دلچسپی کے امور پر تفصیلی تبادلہ خیال کیا گیا۔ وزیراعظم نے حالیہ علاقائی کشیدگی کے تناظر میں سعودی عرب کے ساتھ مکمل یکجہتی کا اظہار کرتے ہوئے کہا کہ پاکستانی عوام اپنے سعودی بھائیوں کے ساتھ شانہ بشانہ کھڑے ہیں۔ وزیر خزانہ محمد اورنگزیب کے مطابق یہ 3 ارب ڈالر کے اضافی ڈپازٹس سابقہ سالانہ ‘رول اوور’ انتظام کا حصہ نہیں ہیں، بلکہ انہیں طویل مدت کے لیے بڑھایا گیا ہے۔ اس اقدام سے پاکستان کے زرمبادلہ ذخائر کو بڑا سہارا ملے گا اور مالی سال کے اختتام تک ذخائر 18 ارب ڈالر تک پہنچنے کی قوی امید ہے۔
اس بار جے ڈی وینس کی جگہ ٹرمپ
پاکستان اور عالمی سفارتی حلقوں میں اس وقت سب سے بڑی خبر امریکی صدر ڈونلڈ ٹرمپ کی ممکنہ آمد ہے، جس کے حوالے سے اہم انکشافات سامنے آئے ہیں۔ پاکستان چائنا انسٹی ٹیوٹ کے چیئرمین مشاہد حسین سید اور سابق سیکرٹری خارجہ اعزاز چوہدری نے ایران اور امریکہ کے درمیان مذاکرات کے دوسرے راؤنڈ کے کامیاب ہونے کی قوی امید ظاہر کی ہے۔ نجی ٹی وی کے ٹاک شو میں گفتگو کرتے ہوئے مشاہد حسین سید نے ایک بڑا انکشاف کیا کہ اگر یہ مذاکرات کامیابی سے ہمکنار ہوتے ہیں، تو صدر ڈونلڈ ٹرمپ معاہدے پر دستخط کے لیے نائب صدر جے ڈی وینس کو موقع نہیں دیں گے بلکہ وہ خود اسلام آباد آئیں گے۔ انہوں نے مزید بتایا کہ اس تاریخی کامیابی کی صورت میں ایرانی صدر مسعود پزشکیان کی بھی پاکستان آمد متوقع ہے، جس کے بعد اسلام آباد عالمی امن کا مرکز بن جائے گا۔ امریکی صدر ڈونلڈ ٹرمپ نے بھی ان خبروں کو تقویت دیتے ہوئے امریکی اخبار ‘نیویارک پوسٹ’ کے رپورٹر سے گفتگو میں کہا کہ “ہم پاکستان جانے پر زیادہ مائل ہیں”۔ ٹرمپ نے پاکستان کو مذاکرات کے لیے ترجیحی مقام قرار دیتے ہوئے فیلڈ مارشل جنرل عاصم منیر کی کارکردگی کی بھرپور تعریف کی اور کہا کہ وہاں “فیلڈ مارشل بہترین کام کر رہے ہیں”۔ ٹرمپ کے اس بیان کے بعد اگلے دو روز سفارتی لحاظ سے انتہائی اہم قرار دیے جا رہے ہیں۔
ویٹو یا تو ختم کیا جائے
پاکستان نے کہا ہے کہ ویٹو یا تو ختم کیا جائے یا اس کے استعمال کو محدود کیا جائے۔ پاکستان کے اقوام متحدہ میں مستقل مندوب عاصم افتخار احمد نے ویٹو کے معاملے پر اجلاس سے خطاب کرتے ہوئے کہا ہے کہ سلامتی کونسل میں اہم معاملات پر عدم کارروائی ویٹو کے غلط یا بے جا استعمال کا نتیجہ ہے۔ انہوں نے کہا کہ پاکستان کا مؤقف واضح ہے کہ ویٹو کو یا تو ختم کیا جائے یا اس کے استعمال کو محدود کیا جائے۔ ان کا کہنا تھا کہ ویٹو میں کسی بھی قسم کی توسیع یا نئے مستقل ارکان کا اضافہ قابل قبول نہیں۔ عاصم افتخار احمد نے ویٹو کے استعمال میں شفافیت اور جوابدہی بڑھانے کی کوششوں کی حمایت کرتے ہوئے کہا کہ اس طاقت کے توازن کیلئے سلامتی کونسل کے منتخب ارکان کی تعداد میں اضافہ ضروری ہے۔ انہوں نے مزید کہا کہ منتخب ارکان کی تعداد بڑھنے سے مستقل ارکان کا اثر و رسوخ کم ہوگا اور عالمی نمائندگی بہتر بنائی جا سکے گی۔ پاکستانی مندوب کے مطابق سلامتی کونسل کی اصلاحات جامع ہونی چاہئیں اور ویٹو کا مسئلہ بھی اس عمل کا لازمی حصہ ہونا چاہیے۔
موسم گرما کی چھٹیاں کب
پنجاب کے وزیر تعلیم رانا سکندر حیات نے تعلیمی معیار کو بہتر بنانے اور نصاب کی بروقت تکمیل کے لیے تعلیمی کلینڈر میں بڑی تبدیلیوں کی تجویز پیش کی ہے۔ ان تجاویز کا بنیادی مقصد تعلیمی سال کے دوران تدریسی دنوں کی تعداد کو بڑھا کر کم از کم 180 سے 190 دن تک لانا ہے تاکہ طلبہ کا تعلیمی نقصان نہ ہو۔ وزیر تعلیم کے مطابق، اس وقت تعلیمی سال میں چھٹیوں کی بھرمار کی وجہ سے اصل تدریسی وقت بہت کم رہ جاتا ہے۔ اس مسئلے کے حل کے لیے موسم گرما کی چھٹیوں میں 15 سے 20 دن اور موسم سرما کی چھٹیوں میں 5 سے 6 دن کی کمی کی تجویز زیرِ غور ہے۔ اس کے علاوہ، تعلیمی سیشن کو منظم کرنے کے لیے ہر دوسرے ہفتے (Alternate Saturday) کو اسکول کھولنے پر بھی غور کیا جا رہا ہے۔ ایک اہم پیش رفت یہ بھی ہے کہ میٹرک اور او/اے لیولز کے طلبہ کے لیے الگ الگ تعلیمی کلینڈرز تیار کیے جائیں گے تاکہ بین الاقوامی امتحانات کے شیڈول کے مطابق پڑھائی مکمل کی جا سکے۔ یاد رہے کہ مارچ 2026 میں مشرق وسطیٰ کی صورتحال اور ایندھن کے بحران کی وجہ سے اسکولوں میں طویل بندش رہی تھی، جس کے بعد اب حکومت تدریسی عمل کو تیز کرنے کے لیے یہ اقدامات کر رہی ہے۔
وزیراعظم آج سعودی عرب،
وزیراعظم شہباز شریف آج سے 18 اپریل تک سعودی عرب، قطر اور ترکیہ کے سرکاری دورے پر روانہ ہوں گے۔ ترجمان دفتر خارجہ کے مطابق وزیراعظم کے سعودی عرب اور قطر کے دورے دوطرفہ تعلقات، علاقائی امن اور سلامتی پر مرکوز ہوں گے، جہاں وہ اعلیٰ قیادت سے اہم ملاقاتیں کریں گے۔ دورہ ترکیہ کے دوران وزیراعظم شہباز شریف پانچویں انطالیہ ڈپلومیسی فورم میں شرکت کریں گے اور عالمی رہنماؤں کے ہمراہ لیڈرز پینل میں پاکستان کا مؤقف پیش کریں گے۔ اس موقع پر ان کی طیب اردوان سمیت دیگر اہم عالمی رہنماؤں سے ملاقاتیں بھی متوقع ہیں۔ ترجمان دفتر خارجہ کا کہنا ہے کہ فورم میں پاکستان کی شرکت تعمیری سفارتکاری اور عالمی تعاون کے عزم کا اظہار ہے۔ وزیراعظم کے ہمراہ اسحاق ڈار، عطاء اللہ تارڑ اور طارق فاطمی بھی ہوں گے۔
بلدیاتی انتخابات کیلئے مزید
الیکشن کمیشن نے بلدیاتی انتخابات کے لیے 180 دن کی مہلت دینے کا خیبر پختونخوا حکومت کا مطالبہ مسترد کردیا۔ صوبائی حکومت نے بلدیاتی انتخابات سے قبل نئی قانون سازی، موسمی و انتظامی چیلنج اور امن وامان کے پیش نظر وقت مانگا تھا۔ تاہم الیکشن کمیشن نے بلدیاتی انتخابات کے لیے 180 دن کی مہلت دینے کا خیبر پختونخوا حکومت کا مطالبہ مسترد کردیا۔ الیکشن کمیشن نے واضح کیا کہ حلقہ بندیوں کے لیے صوبائی حکومت کی مشاورت لازمی نہیں، موسم اور سکیورٹی خدشات کو جواز بنا کر عمل میں تاخیر قابل قبول نہیں، صوبائی حکومت کا مؤقف غیر تسلی بخش ہے۔
ٹرمپ ایران سے معاہدے کیلئے
سینئر صحافی اور تجزیہ کار حامد میر نے انکشاف کیا ہے کہ امریکی صدر ڈونلڈ ٹرمپ کی خواہش ہے کہ وہ ایران کے ساتھ مذاکرات کے لیے پاکستان آئیں لیکن انہوں نے اسلام آباد آنے کے لیے ایک شرط بھی رکھی ہے۔ حامد میر نے کہا کہ میرے پاس یکم اپریل کو ہی یہ خبر آ گئی تھی کہ ایران اور امریکا کے درمیان مذاکرات پاکستان میں ہونے جا رہے ہیں لیکن معاملے کی حساسیت کے باعث یہ مسئلہ پیش آ رہا تھا کہ خبر چلائیں تو کیسے چلائیں کیونکہ اگر ہم یہ خبر اس وقت بریک کر دیتے تو ایک طوفان برپا ہو جاتا اور پھر ان مذاکرات کو سبوتاژ کرنے والے عوامل سرگرم ہو جاتے۔ حامد میر نے اپنی بات جاری رکھتے ہوئے بتایا کہ امریکا اور ایران کے درمیان مذاکرات کا دوسرا دور پاکستان میں ہونے کی خبر بھی ہمارے پاس موجود تھی لیکن ہمیں کہا گیا کہ اگر آپ نے یہ خبر چلائی تو اس کی ناصرف امریکا اور ایران کی جانب سے تردید آ جائے گی بلکہ پاکستان بھی اس کی تردید کر دے گا، پھر جیو کی انتظامیہ کے ساتھ طویل سوچ بچار کے بعد آخر کار ہم نے یہ خبر بریک کر دی اور اب تو امریکا کے صدر نے بھی خود کہہ دیا ہے کہ ایران کے ساتھ مذاکرات کا دوسرا دور بھی پاکستان میں ہوگا۔ انہوں نے مزید کہا کہ مجھے امریکی صدر کی بات پر زیادہ اعتبار نہیں ہے، مذاکرات کے دوران کسی بھی مرحلے پر ٹرننگ پوائنٹ آ سکتا ہے اور صدر ڈونلڈ ٹرمپ اس مرحلے کو تاخیر کا باعث بنا سکتے ہیں۔ سینئر تجزیہ کار نے بتایا کہ ایران اور امریکا کے درمیان ہونے والے مذاکرات میں سوائے ایک چیز کے تقریباً تمام نکات پر اتفاق رائے ہو گیا تھا، ایک چیز جس پر ایران نے کہا تھا کہ ہم نے اس پر کسی قسم کا سمجھوتہ نہیں کرنا اور کوئی لچک نہیں دکھانی، ایران نے کہا کہ ہم لبنان میں سیز فائرتک امریکا کے ساتھ کوئی سمجھوتہ نہیں کریں گے۔ ایران کے ساتھ مذاکرات کے لیے امریکی صدر ڈونلڈ ٹرمپ کے خود پاکستان آنے کی خبروں سے متعلق سوال پر حامد میر نے کہا کہ صدر ڈونلڈ ٹرمپ کی یہ خواہش ضرور ہے اور یہ بات ہم تک چینی سفارتی ذرائع سے پہنچی ہے اور امریکا اور ایران کے درمیان جو بات چیت چل رہی ہے اس میں بہت سے بین الاقوامی معاہدے بھی شامل ہیں اور بین الاقوامی ماہرین ان معاہدوں کو سامنے رکھ کر معاہدوں کا ڈرافٹ تیار کرتے ہیں، اور ایسے بہت سے ماہرین امریکا، ایران اور دیگر اسٹیک ہولرز کی طرف سے پاکستان میں موجود ہیں۔ حامد میر نے کہا کہ امریکا کے صدر ڈونلڈ ٹرمپ ایران کے ساتھ مذاکرات کے علاوہ ایک اور چھکا مارنے کی کوشش بھی کر رہے ہیں اور وہ شمالی کوریا کے ساتھ معاہدہ کرنے کی کوشش کر رہے ہیں کیونکہ انہوں نے 14 مئی کو چین جانا ہے۔ ان کا کہنا تھا چینی سفارتی ذرائع سے ہی ہمیں معلوم ہوا ہے کہ چین نے امریکی صدر سے کہا ہے کہ آپ نے دورہ چین سے قبل ایران کے ساتھ معاملہ نمٹانا ہے، تو اس لحاظ سے ان کے پاس اپریل کا مہینہ ہے، تو اگر امریکا اور ایران کے درمیان معاملات طے پا جاتے ہیں تو پھر چین، امریکا اور شمالی کوریا کے درمیان بھی کسی ڈیل کی کوشش کر سکتا ہے۔ سینئر صحافی کا کہنا ہے ایران کے مطالبے پر نائب صدر جے ڈی وینس نے صدر ڈونلڈ ٹرمپ سے بات کی اور امریکی ذرائع سے جو بات ہم تک پہنچی ہے وہ یہ ہے کہ ڈونلڈ ٹرمپ بڑے حیران ہوئے کہ ایران نے یورینیم نہ رکھنے پر رضامندی ظاہر کی جس پر جے ڈی وینس نے کہا جی وہ راضی ہیں، ٹرمپ نے کہا ایران آبنائے ہرمز پر بھی لچک دکھانے کے لیے تیار ہے تو اس پر نائب صدر نے کہا جی اس پر بھی ایران تیار ہے۔ حامیر میر کا کہنا تھا لبنان والا معاملہ بہت حساس ہے اور کسی کو اچھا لگے یا برا لگے، میں یہ سمجھتا ہوں کہ اس وقت امریکا کا صدر ڈونلڈ ٹرمپ نہیں نیتین یاہو ہے، اور ڈونلڈ ٹرمپ کو چاہیے کہ وہ اپنے ایکشن کے ساتھ ثابت کریں کہ وہی امریکا کے صدر ہیں اور وہ نیتین یاہو سے ڈکٹیشن نہیں لیتے۔ انہوں نے کہا کہ نیتن یاہو نے تو بہت کھل کر کہا ہے کہ امریکی مجھے اسلام آباد مذاکرات کے حوالے سے رپورٹ کر رہے تھے، اور واشنگٹن میں جو لبنان کے حوالے سے مذاکرات ہو رہے ہیں انہیں حزب اللہ نے مسترد کر دیا ہے جبکہ لبنان حکومت میں حزب اللہ کے پاس دو وزارتیں موجود ہیں اور اسرائیل کی کوشش ہے کہ لبنان میں مسلکی اختلافات پیدا کیے جائیں اور یہ تاثر دیا جائے کہ ہم حزب اللہ کو کچھ سمجھتے ہی نہیں ہیں، اس لیے اس معاملے پر ڈونلڈ ٹرمپ کو کوئی ایکشن لینا ہوگا اور انہیں نیتن یاہو کو بتانا ہوگا کہ میں آپ سے ڈکٹیشن لینے کے لیے تیار نہیں ہوں۔
وزیراعلیٰ پنجاب کا کسانوں
وزیراعلیٰ پنجاب مریم نواز نے گندم کے کاشتکاروں کیلئے بڑے ریلیف پیکج کا اعلان کرتے ہوئے 6 ارب روپے مالیت کا باردانہ مفت فراہم کرنے کی منظوری دے دی ہے۔ انہوں نے گندم کی خریداری 3500 روپے فی من کے حساب سے فوری شروع کرنے کی ہدایت بھی جاری کی، اعلامیے کے مطابق رجسٹرڈ کاشتکاروں کو پرچیز سنٹرز سے فی ایکڑ 10 بوری باردانہ فراہم کیا جائے گا۔ پنجاب حکومت نے کسان کارڈ ہولڈرز سے ترجیحی بنیادوں پر گندم خریدنے کا اصولی فیصلہ کیا ہے جبکہ 3500 روپے فی من کے نرخ پر خریدی گئی گندم کی ادائیگی 72 گھنٹوں کے اندر کاشتکاروں کو یقینی بنانے کی ہدایت دی گئی ہے۔ گندم خریداری کے عمل کی نگرانی کیلئے صوبے میں اسٹرٹیجک مینجمنٹ کمیٹیاں بھی قائم کر دی گئی ہیں، اس کے علاوہ وزیراعلیٰ نے ورک ود پنجاب گورنمنٹ پروگرام شروع کرنے کا اعلان کیا، جس کے تحت ایگریکلچر گریجویٹس سمیت دیگر افراد کو انٹرن شپ کے مواقع فراہم کیے جائیں گے۔ بریفنگ میں بتایا گیا کہ پنجاب میں کسان کارڈ کے ذریعے 100 ارب روپے کے قرضوں کے اجرا کا ریکارڈ قائم ہو چکا ہے جبکہ 9 لاکھ کاشتکاروں کی رجسٹریشن کا عمل جاری ہے۔ گرین ٹریکٹر اسکیم کے تحت 30 ہزار ٹریکٹرز دینے کا ہدف رکھا گیا ہے، جن میں سے 20 ہزار کاشتکاروں کو فراہم کیے جا چکے ہیں۔ وزیراعلیٰ پنجاب کا کہنا تھا کہ کسان کو کسی صورت متاثر نہیں ہونے دیا جائے گا اور صوبے میں زرعی ترقی کو پائیدار بنیادوں پر استوار کیا جا رہا ہے۔
کوئٹہ: لوکل کونسلز کی نئی
کوئٹہ: ڈسٹرکٹ الیکشن کمشنر کوئٹہ نے لوکل کونسلز کی نئی حلقہ بندیوں کی ابتدائی فہرستیں جاری کر دیں۔ الیکشن کمیشن کے اعلامیے کے مطابق حلقہ بندیوں پر اعتراضات 15 اپریل سے 29 اپریل تک جمع کرائے جا سکیں گے۔ جبکہ یہ اعتراضات ریجنل الیکشن کمشنر کوئٹہ ڈویژن کے دفتر میں دائر کیے جائیں گے۔ حکام کے مطابق حلقہ بندی اتھارٹی 14 مئی تک موصول ہونے والے اعتراضات پر فیصلے کرے گی۔ جبکہ حتمی فہرستوں کی اشاعت 21 مئی 2026 کو کی جائے گی۔ الیکشن کمیشن نے عوام سے اپیل کی ہے کہ وہ مقررہ مدت کے اندر اپنے اعتراضات متعلقہ اتھارٹی کو جمع کرائیں۔
حکومت کا شام 5سے رات 1 بجے
وزارتِ توانائی (پاور ڈویژن) کی جانب سے بجلی کے صارفین کے لیے ریلیف اور موجودہ صورتحال کے حوالے سے اہم بیان جاری کیا ہے۔ ترجمان پاور ڈویژن کے مطابق جولائی سے فروری کے دوران بجلی صارفین کو مجموعی طور پر 46 ارب روپے کا ریلیف فراہم کیا گیا ہے، جبکہ عالمی مارکیٹ میں ایندھن کی قیمتوں میں اضافے کے باوجود موثر حکمت عملی سے بجلی کی قیمت میں 71 پیسے فی یونٹ کمی آئی ہے۔ پاور ڈویژن کا کہنا ہے کہ کم لاگت والے ذرائع کو بروئے کار لا کر بجلی کی پیداواری صلاحیت کا مؤثر استعمال کیا گیا ہے، تاہم حکومت کو “پیک آورز” (Peak Hours) میں کھپت میں اضافے کے چیلنج کا سامنا ہے۔ ترجمان نے واضح کیا کہ اگر پیک آورز کی ضروریات پوری کرنے کے لیے مہنگے ایندھن پر انحصار کیا گیا تو قیمتیں بڑھ سکتی ہیں، اسی لیے شام 5 بجے سے رات 1 بجے کے درمیان روزانہ سوا 2 گھنٹے کی لوڈ مینجمنٹ (بجلی کی بندش) کا فیصلہ کیا گیا ہے۔ وزیراعظم کی خصوصی مانیٹرنگ اور ہدایت پر بجلی کی قیمت میں ممکنہ 80 پیسے فی یونٹ اضافے اور مزید لوڈ مینجمنٹ کو روک دیا گیا ہے۔ پاور ڈویژن نے تجویز دی ہے کہ اگر کمرشل مارکیٹیں بروقت بند کی جائیں تو بجلی کی طلب میں کمی لا کر عوام کو مزید ریلیف دیا جا سکتا ہے۔
ایران نے مذاکرات کیلئے
اسلام آباد: ایرانی حکام نے عندیہ دیا ہے کہ اگر امریکا کے ساتھ مذاکرات کا دوسرا دور ہوا تو پاکستان ان کی اولین ترجیح ہو گا۔ غیر ملکی خبر رساں ایجنسی کے مطابق امریکا اور ایران کے درمیان ایک اور مرحلے کے مذاکرات جلد اسلام آباد میں ہونے کی اطلاعات گردش کر رہی ہیں۔ ایرانی حکام کا کہنا ہے کہ وہ مذاکرات کے لیے تیار ہیں تاہم دوسری جانب کی صورتحال واضح نہیں۔ امریکا کے ساتھ مذاکرات کا دوسرا دور ہوا تو پاکستان ہی ہمارے ترجیح ہو گی۔ غیر ملکی جریدے نے دعویٰ کیا ہے کہ دونوں ممالک کے وفود رواں ہفتے دوبارہ اسلام آباد آ سکتے ہیں۔ تاکہ امن مذاکرات کو آگے بڑھایا جا سکے۔ پاکستان میں ایرانی سفارتخانے کے ایک اہلکار نے بھی اس امکان کی تصدیق کرتے ہوئے کہا ہے کہ مذاکرات کا اگلا دور اسی ہفتے یا آئندہ ہفتے کے آغاز میں متوقع ہے۔ دوسری جانب امریکی میڈیا رپورٹس کے مطابق پاکستان پہلے ہی امریکا اور ایران کے درمیان مذاکرات کے دوسرے مرحلے کی میزبانی کی پیشکش کر چکا ہے۔ جبکہ امکان ظاہر کیا جا رہا ہے کہ یہ اہم مذاکرات جمعرات کو اسلام آباد میں ہو سکتے ہیں۔
کوئٹہ میں کرایہ داروں کی لازمی
کوئٹہ میں حکومت بلوچستان نے امن و امان کی صورتحال بہتر بنانے کے لیے اہم اقدام کرتے ہوئے کرایہ داروں کی رجسٹریشن لازمی قرار دے دی ہے۔ ترجمان وزارت داخلہ کے مطابق اب کسی بھی شخص کو شناختی کارڈ کے بغیر کرائے پر رہائش دینا ممنوع ہوگا جبکہ مکان مالکان کو کرایہ داروں کا مکمل ریکارڈ متعلقہ تھانے میں جمع کروانے کی ہدایت جاری کر دی گئی ہے۔ حکام کا کہنا ہے کہ 24 گھنٹے سے زائد قیام کرنے والے مہمانوں کے بارے میں بھی پولیس کو آگاہ کرنا لازمی ہوگا، تاکہ کسی بھی مشکوک سرگرمی پرفوری نظر رکھی جا سکے اس کے علاوہ شہر بھرمیں قائم ہاسٹلزاورہوٹلز کو بھی اپنے مہمانوں کا مکمل اور درست ریکارڈ رکھنے کا پابند بنایا گیا ہے۔ ترجمان وزارت داخلہ نے واضح کیا ہے کہ ان احکامات پر عملدرآمد سیکیورٹی ایکٹ کے تحت یقینی بنایا جائے گا اور خلاف ورزی کی صورت میں سخت قانونی کارروائی عمل میں لائی جائے گی۔ انہوں نے خبردار کیا کہ قوانین کی خلاف ورزی کرنے والوں کے خلاف مقدمہ درج، گرفتاری اور پراپرٹی سیل کرنے جیسے اقدامات بھی کیے جا سکتے ہیں۔ حکومت بلوچستان کے مطابق یہ فیصلے صوبے میں امن و امان کو مستحکم بنانے اور جرائم پیشہ عناصر کی نقل و حرکت محدود کرنے کے لیے کیے گئے ہیں، جن پر فوری عملدرآمد شروع کر دیا گیا ہے۔
اسحاق ڈارعالمی سطح پر سب سے
عالمی انٹیلیجنس ادارے کی تازہ رپورٹ میں پاکستان کے نائب وزیراعظم اسحاق ڈار کو عالمی سطح پر سب سے زیادہ مثبت طور پر دیکھے جانے والے رہنماؤں میں سرفہرست قرار دیا گیا ہے۔ رپورٹ کے مطابق اسحاق ڈار کو 30.5 فیصد مثبت رائے کے ساتھ نمایاں برتری حاصل ہوئی، جبکہ ان کے حق میں مثبت اور غیر جانبدار آراء کی مجموعی شرح 90 فیصد سے تجاوز کر گئی ہے۔ رپورٹ میں کہا گیا ہے کہ نائب وزیراعظم کو عالمی میڈیا اورسفارتی حلقوں میں غیر معمولی پذیرائی حاصل ہوئی، جس کی بڑی وجہ ان کی فعال سفارت کاری اور خطے میں کشیدگی کم کرنے کیلئے کردار ہے، پاکستان کو بھی خطے میں امن و استحکام کے فروغ کے لیے ایک اہم اور مؤثر ملک قرار دیا گیا ہے۔ مزید بتایا گیا ہے کہ اسحاق ڈار کی ثالثی کوششوں کو ایران، سعودی عرب، چین اورترکیہ سمیت کئی ممالک نے سراہا، جبکہ امریکا اور ایران کے درمیان مذاکراتی عمل میں پاکستان کے کردارکو بھی نہایت اہم قراردیا گیا۔ رپورٹ کے مطابق اقوام متحدہ کے سیکرٹری جنرل نے بھی اسلام آباد کی سفارتی کوششوں کا اعتراف کرتے ہوئے انہیں عالمی امن کے لیے مثبت پیش رفت قرار دیا ہے۔ ماہرین کے مطابق اس پیش رفت سے پاکستان کی عالمی ساکھ میں نمایاں اضافہ متوقع ہے اور مستقبل میں سفارتی سطح پر مزید مواقع پیدا ہو سکتے ہیں۔
وزیراعظم سے کینیڈین ہم منصب کا ٹیلیفونک
وزیراعظم شہباز شریف سے کینیڈا کے وزیراعظم نے ٹیلی فون پر رابطہ کیاہے ۔ وزیراعظم آفس اسلام آباد سے اعلامیہ کے مطابق عارضی جنگ بندی کے لیے پاکستان کی کوششوں پر کینیڈین وزیراعظم نے شہباز شریف کومبارکباد دی۔ اعلامیہ کے مطابق کینیڈین وزیراعظم نے پاکستان کی میزبانی میں امریکہ اور ایران کے درمیان ہونے والے مذاکرات کو سراہا۔ وزیراعظم شہباز شریف نے کہا کہ امریکہ ، ایران مذاکرات امن کی جانب ایک اہم قدم ہے، پاکستان جنگ بندی کو برقرار رکھنے کے لیے اپنی کوششیں جاری رکھے گا۔ پاکستان کشیدگی میں کمی اور علاقائی امن و استحکام کے لیے بامعنی پیش رفت کے لیے کوششیں جاری رکھے گا۔ دونوں رہنماؤں نے پاکستان اور کینیڈا کے دو طرفہ تعلقات پر بھی تبادلۂ خیال کیا اور پاکستان میں کینیڈا کی سرمایہ کاری بڑھانے کے لیے مل کر کام کرنے کی خواہش کا اظہار کیا۔ اعلامیہ میں مزید کہا گیا ہے کہ وزیراعظم نے کینیڈین ہم منصب کو پاکستان کا سرکاری دورہ کرنے کی دعوت دی جبکہ دونوں رہنماؤں نے قریبی روابط برقرار رکھنے پر اتفاق کیا۔
12 سال پہلے امریکہ کے نیشنل سیکیورٹی ایڈوائزر ن
سابق وزیر خارجہ حنا ربانی کھر نے انکشاف کیا ہے کہ 12سال پہلے امریکا کے نیشنل سیکیورٹی ایڈوائزر نے ایک سوال ’’اگر کوئی بھی صدر ایران پر حملہ کرتا ہے تو کیا ہوگا‘‘کے جواب میں کہا تھا کہ ہم ایران کو نقصان تو پہنچا سکتے ہیں ختم نہیں کر سکتے۔ نجی ٹی وی چینل ’’ہم نیوز‘‘ کے پروگرام ’’فیصلہ آپ کا‘‘میں میزبان عاصمہ جہانگیر نے مہمان سابق وزیرخارجہ حناربانی کھر سے سوال کیا کہ کیا یہ اب آبنائے ہرمز کی جنگ نہیں ہے؟کہ جو بھی جیتے گا یہ جنگ اس کے حق میں جائے گی،جیتنے کا مطلب ہے کہ جو بھی اس کو مینج کرنے کی پوزیشن میں ہوگا۔ سابق وزیر خارجہ حنا ربانی کھر نے کہاکہ یہ بہت پیچیدہ معاملہ ہے،12 سال پہلے امریکہ کے نیشنل سیکیورٹی ایڈوائزرسے پوچھا گیا کہ اگر کوئی بھی صدر ایران پر حملہ کرتا ہے تو کیا ہوگا، تو اس کے جواب میں امریکی نیشنل سیکیورٹی ایڈوائزر نے کہاہم ایران کو نقصان تو پہنچا سکتے ہیں ختم نہیں کر سکتے۔ امریکی عہدیدار کاکہناتھا کہ مگر اس کے جواب میں ایران خطے کو شدید ترین معاشی نقصان پہنچا سکتا ہے،خلیجی ممالک کو دی ہوئی سیکیورٹی تار تار ہو جائے گی،اب کسی کو نہیں پتہ اس کی سیکیورٹی کہاں سے آ رہی ہے۔حنا ربانی کھر کاکہناتھا کہ یہ حقیقت ہے کہ خلیجی ممالک کی سیکیورٹی کا محافظ امریکہ ہے،یہ عام خیال تھاکہ خلیجی ممالک کو کبھی آبنائے ہرمز سے کوئی نہیں روک سکے گا۔ سابق وزیر خارجہ نے کہاکہ آبنائے ہرمز کو ایران نے آخری جنگی حربے کے طور پر استعمال کیا،ان کاکہناتھا کہ جب آپ نے بین الاقوامی قوانین کے باوجود ایران پر حملہ کیا، جب آپ منصفانہ نہیں کھیل رہے تو دوسرے بھی یہ امید نہیں رکھنی چاہیےکہ وہ بین الاقوامی قوانین کی پابندی کرے۔ سوال یہ بھی ہے کہ کیا آبنائے ہرمزایران اور عمان کی حدود میں نہیں آتا۔
سعودی ولی عہد کا پاکستان کو 3 ارب
پاکستان کے ساتھ برادرانہ اور خصوصی تعلقات کے ایک اہم اظہار کے طور پر، سعودی ولی عہد محمد بن سلمان نے پاکستان کو 3 ارب ڈالرز کی خطیر مالی معاونت بطور ڈپازٹ دینے کا پیغام دیا ہے، جو سعودی عرب کی طرف سے پاکستان کے معاشی استحکام کیلئے مسلسل عزم کو ظاہر کرتا ہے۔ نجی ٹی وی چینل’’ جیو نیوز‘‘ کے مطابق باخبر ذرائع کاکہنا ہے کہ ولی عہد نے چند روز قبل سعودی عرب کے وزیرِ خزانہ کو خصوصی طور پر مختصر دورے پر پاکستان بھیجا تاکہ وہ پاکستانی قیادت کو ولی عہد کی جانب سے یقین دہانی کرا سکیں کہ ایک خلیجی ملک کی جانب سے تقریباً 3 ارب ڈالرز کی واپسی کے نتیجے میں پیدا ہونے والے زرمبادلہ کے ممکنہ خلاء پر پاکستان کو پریشان ہونے کی ضرورت نہیں۔ ایک اعلیٰ سرکاری ذریعے کا کہنا تھا کہ اس دورے کا واحد مقصد پاکستان کی قیادت کو مضبوط یقین دہانی کرانا تھا کہ سعودی عرب پاکستان کے زرمبادلہ کے ذخائر میں پیدا ہونے والے خلاء کو پورا کرنے کیلئے آگے بڑھے گا۔ یہ پیش رفت ایسے وقت میں سامنے آئی ہے جب ایک دوست خلیجی ملک پاکستان کے ذخائر سے 3 ارب ڈالرز سے زائد کی اپنی رقم واپس لے رہا ہے۔ اس کے جواب میں سعودی عرب نے مساوی مالیت سٹیٹ بینک آف پاکستان میں بطور ڈپازٹ رکھنے کا وعدہ کیا ہے تاکہ ملک کے ذخائر کی سطح مستحکم رہے۔ حکام نے اس اقدام کو سعودی قیادت کی جانب سے ایک ’’غیر معمولی اقدام‘‘ قرار دیا، جو دونوں ممالک کے درمیان سٹریٹجک اعتماد اور مضبوط دوطرفہ تعلقات کی عکاسی کرتا ہے۔ یہ امر قابلِ ذکر ہے کہ سٹیٹ بینک آف پاکستان کے پاس پہلے ہی سعودی عرب کے5 ارب ڈالرز کے ڈپازٹس موجود ہیں۔ ذرائع کے مطابق، پاکستانی قیادت، خواہ سول ہو یا عسکری، سعودی ولی عہد شہزادے کی جانب سے اس خصوصی اور ذاتی اقدام پر بے حد مشکور ہے۔ دریں اثناء توقع ہے کہ وزیرِ اعظم شہباز شریف جلد سعودی عرب کا دورہ کریں گے جہاں وہ ولی عہد سے ملاقات کریں گے اور بروقت تعاون پر پاکستان کی جانب سے شکریہ ادا کریں گے۔ اس دورے میں وزیرِ اعظم سعودی قیادت کو اسلام آباد میں ہونے والے مذاکرات اور ایران اور امریکہ کے مابین دوسرے دور کے مذاکرات کی سہولت کاری کیلئے پاکستان کی سفارتی کوششوں پر بھی آگاہ کریں گے۔ پاکستان دونوں فریقین کو مذاکرات کی میز پر لانے کیلئے سرگرم ہے اور 22 اپریل سے قبل ایک اور دور کے انعقاد کی کوشش کررہا ہے تاکہ موجودہ جنگ بندی کو زیادہ پائیدار انتظام میں تبدیل کیا جا سکے۔ ذرائع کا خیال ہے کہ سعودی عرب کی حمایت اور پاکستان کی ثالثی کی کوششیں مل کر علاقائی استحکام کے فروغ میں تعمیری کردار ادا کر سکتی ہیں۔
وزیراعظم شہبازشریف کل سعودی عرب م
وزیراعظم شہبازشریف کل سعودی عرب میں ولی عہد محمد بن سلمان سے ملاقات کریں گے۔ نجی ٹی وی چینل جیو نیوز کے مطابق ذرائع کاکہنا ہے کہ ملاقات میں پاکستان اور سعودی عرب کے درمیان اہم دو طرفہ امور پر تبادلہ خیال ہوگا ،اس کے علاوہ علاقائی و عالمی صورتحال اور اسلام آباد مذاکرات پر بھی مشاورت ہو گی،ذرائع کا مزید کہنا ہے کہ وزیراعظم اور سعودی ولی عہد ملاقات میں پاکستان اور سعودی عرب کے تعلقات کو مزید مضبوط بنانے پر غور ہوگا۔
اسلام آباد مذاکرات ؛ایران اور امریکا میں
سینئر صحافی اور معروف تجزیہ کار حامد میر نے اسلام آباد مذاکرات میں ایران اور امریکا کے درمیان ہونے والی بات چیت سے پردہ اٹھادیا۔ ہماامیر شاہ نے سوال کیا کہ اب جو بیانات آ رہے ہیں،اس کا کیا مطلب ہے،اس سے کیا اخذ کیا جائے کہ بات کدھر جائے گی،کے جواب میں سینئر صحافی حامد میر کاکہناتھا کہ ڈونلڈٹرمپ کی جانب سے آبنائے ہرمز کی ناکہ بندی کی بات کی جارہی ہے،ایران نے خبردار کیا ہے کہ آپ اس آپشن کی طرف نہ آئیں ورنہ جنگ دوبارہ شروع ہو سکتی ہے۔ سینئر صحافی کاکہناتھا کہ ٹرمپ کے بیان سے یہ تاثر مل رہا ہے کہ یہ سیز فائر ٹوٹ جائے گا،ان کاکہناتھا کہ دونوں وفود کے اسلام آباد سے روانہ ہونے سے پہلے جو خبر ہم تک پہنچی وہ خبر بہت احتیاط کے ساتھ دنیا کے سامنے پیش کی،وہ خبر یہی تھی کہ ایران اور امریکا کے درمیان بہت لمبے مذاکرات ہوئے ہیں ، یہ 1979کے بعد دونوں ممالک کے درمیان اعلیٰ سطحی کا پہلا رابطہ تھا، جس میں امریکی نائب صدر، ایران کے سپیکر اور وزیر خارجہ شامل تھے،ان کے مذاکرات 21گھنٹے جاری رہے لیکن آخری گھنٹے میں ان میں کچھ باتوں پر اتفاق ہو گیا تھا، اس میں دونوں فریقین نے یہ فیصلہ کیاکہ ہم دوبارہ ملیں گے لیکن اس کا ہم اعلان نہیں کریں گے،حامد میر کاکہناتھا کہ ایران اور امریکا کے درمیان سیز فائر بھی قائم ہیں اور دونوں فریقین کی ملاقات بھی ہوگی۔ سینئر صحافی کاکہناتھا کہ دونوں ملاقات کی بڑی وجہ تھی امریکی نائب صدر جے ڈی وینس جو مذاکرات کے دوران بار بار سائیڈ پر جاتے تھے اور ڈونلڈ ٹرمپ کو کال کرتے تھے اور انہیں بریف کرتے تھے اور ان سے ہدایات لیتے تھے۔ان کاکہناتھا کہ 21گھنٹےجاری رہنے والے مذاکرات میں ڈونلڈٹرمپ بھی ان ڈائریکٹلی موجود تھے جو اپنے نائب صدر کے ذریعے مذاکرات میں شامل تھے۔ ان کاکہناتھا کہ ٹرمپ اپنے بیانات میں جن ایشوز کاذکر کررہے ہیں،وہ اصل ایشوز نہیں ہیں،ان ایشوز پر بہت مثبت پیشرفت ہوئی ہے،لیکن جن ایشوز پر مسئلہ ہےجو کسی بڑے بریک تھرو کے راستے میں رکاوٹ تھے ان کا ذکر کوئی بھی نہیں کررہا،ٹرمپ کے بیانات کے نتیجے کوئی ٹینشن پیدا ہوتی ہے تواس کے باوجود آنے والے دنوں میں ان کی ملاقات ضرور ہوگی۔ حامد میر نے کہاکہ جب ایران اور امریکا کے درمیان مذاکرات ہورہے تھے تو ہمارے تک خبریں بہت کم پہنچتی تھیں لیکن ایران اور امریکی میڈیا کے لوگوں کے اپنے ممالک کے نمائندوں سے رابطے تھے،جب ہم ان نے میڈیا نمائندوں سے کہا کہ پلیز یہ بتا دیں کہ آپ میں اتفاق کن باتوں پر ہوا ہے اور اختلاف کن باتوں پر ہے تو دونوں طرف کے میڈیا نمائندے مسکراتے تھے اورکہتے تھے مسٹر میر یہ سوال پوچھنا بہت آسان ہے مگر یہ ہمارے لئے اس کا جواب دینا بہت مشکل ہے۔ سینئر صحافی نے کہاکہ ہو سکتا ہے میرے علم میں کچھ ایسی باتیں ہوں جن پر ان کا اتفاق ہوچکا ہے اگر میں یہاں پر کھل کر بتاؤں گا تو اس کی ایک بریکنگ نیوز بنے گی اس کوجیو نیوز سے بین الاقوامی میڈیا اٹھائے گا پھر مذاکرات کرنے والوں پر دباؤ آئے گا کہ اچھا جی آپ کی بات ہو گئی ہے۔ میں صرف یہ بتا سکتا ہوں کہ ٹرمپ نے اپنے دھمکی آمیز بیانات میں جو دو ایشوز بیان کئے ہیں،ایک یورینیم آفزودگی اور دوسراآبنائے ہرمز والا یہ کوئی بڑا ایشو نہیں ہے،اس پر مذاکرات کرنے والو ں کی بڑی اچھی بات ہوئی ہے،ٹرمپ اپنے عوام کے ساتھ کھیلنے کی کوشش کررہے ہیں اور یہ تاثر دے رہے ہیں کہ یورینیم والے مسئلے پر ایرانی راضی نہیں تھے میں نے ان کو پریشرائز کرکے منا لیا ہے،ماضی میں ہونے والے مذاکرات میں بھی ان میں کافی انڈرسٹینڈنگ ہو گئی تھی وہ تو امریکا اور اسرائیل بار بار ایران پر حملہ کردیتے ہیں جس کی وجہ سے کام خراب ہو جاتا ہے، ان کاکہناتھا کہ امن مذاکرات ٹرمپ کی ضرورت تھی ،ٹرمپ کی خواہش اور منت سماجت پر امن مذاکرات ہوئے ہیں،شروع میں ایران ان مذاکرات میں شامل ہونے کو تیار نہیں تھے،ایرانی ٹیم بہت سی گرانٹی لے کر آئی تھی۔
کروڑوں خرچ کرنے کے باوجود ویکسین
وفاقی وزیر صحت مصطفیٰ کمال نے کہا ہے کہ کروڑوں ڈالر خرچ کرنے کے باوجود عوامی رائے میں ویکسین کے حوالے سے منفی رجحانات میں کمی نہیں آئی۔ وفاقی وزیرِ صحت مصطفیٰ کمال کی زیرِ صدارت اعلیٰ سطحی اجلاس منعقد ہوا جس میں انہوں نے کہا کہ یونیسف کی جانب سے کروڑوں ڈالر خرچ ہونے کے باوجود ویکسین سے متعلق منفی رجحانات برقرار ہیں۔ آگاہی مہم کا اصل مقصد ویکسین سے انکار کرنے والوں کی شرح میں کمی لانا ہے۔ انہوں نے مزید کہا کہ ویکسین کے حوالے سے عوام کے ذہنوں سے منفی پروپیگنڈے کا خاتمہ ضروری ہے۔ پاکستان کے نام پر خرچ ہونے والے کروڑوں ڈالر ہمارے کندھوں پر بوجھ ہیں، ان فنڈز کا درست اور مؤثر استعمال ریاست اور وزارتِ صحت کی ذمہ داری ہے۔ انہوں نے مزید کہا کہ اس مقصد کے حصول کے لیے متعدد اجلاس منعقد کیے جا چکے ہیں۔حقیقی معنوں میں ہیلتھ کیئر کا مقصد لوگوں کو بیماریوں سے بچانا ہے۔ عوام کو بیماریوں سے بچانے کیلئے وزارت صحت خصوصی توجہ دے رہی ہے۔ انہوں نے کہا کہ فنڈز کے درست استعمال سے نہ صرف مثبت تبدیلی ممکن ہے بلکہ ویکسین سے متعلق منفی رجحانات کا خاتمہ بھی کیا جا سکتا ہے۔ ویکسین سے متعلق عوامی اعتماد کی بحالی کے لیے جامع حکمتِ عملی مرتب کی جائے اور شفافیت، احتساب اور نتائج پر مبنی اقدامات کو یقینی بنایا جائے۔
پاکستان کی سیاسی و عسکری قیادت کی
چیف آف نیول سٹاف ایڈمرل نوید اشرف نے کہا ہے کہ پاکستان کی سیاسی و عسکری قیادت کی کوششوں سے مشرقِ وسطیٰ میں جنگ بندی ممکن ہوئی۔ پاکستان ایئر فورس اکیڈمی رسالپور میں کیڈٹس کی پاسنگ آؤٹ کی پروقار تقریب سے خطاب کرتے ہوئے انہوں نے کہا کہ پاس آؤٹ ہونے والے کیڈٹس کو مبارک باد دیتا ہوں، اصغر خان اکیڈمی سے پاس آؤٹ ہونے والے کیڈٹس کی خدمت کی ایک تاریخ ہے۔ انہوں نے کہا کہ پاک فضائیہ جدید ٹیکنالوجی سے لیس مضبوط فورس ہے، گزشتہ سال مئی میں پاکستان ایئر فورس نے اپنی صلاحیتوں کا بھرپور مظاہرہ کیا، پاک فضائیہ نے سائبر اور الیکٹرانک وار فیئر میں بھی اپنی صلاحیتوں کا لوہا منوایا۔ پاکستان کسی بھی جارحیت کا منہ توڑ جواب دینے کے لیے ہمہ وقت تیار ہے، پاک بحریہ کا ملکی بحری سرحدوں کے دفاع میں اہم کردار ہے، معرکۂ حق میں پاک بحریہ نے بھارتی بحریہ کو جارحیت سے باز رکھا، قوم کی حمایت سے افواجِ پاکستان دہشت گردی کا کامیابی سے مقابلہ کر رہی ہے۔ نیول چیف نے کہا ہے کہ ایران، امریکہ تنازع اور آبنائے ہرمز کی بندش سے عالمی سطح پر تیل کی سپلائی متاثر ہوئی، پاکستان کی سیاسی و عسکری قیادت کی کوششوں سے مشرقِ وسطیٰ میں جنگ بندی ممکن ہوئی۔
سیز فائر بڑی پیشرفت ہے، ایسے ماحول میں
پاکستان پیپلز پارٹی کی سینئر رہنما اور سینیٹر شیری رحمان نے کہا ہے کہ امن معاہدے طویل اور مرحلہ وار مذاکرات کا نتیجہ ہوتے ہیں۔ سیز فائر بڑی پیشرفت ہے، ایسے ماحول میں خلاف ورزیاں غیر معمولی نہیں ہوتیں۔ اسلام آباد سے جاری بیان میں شیری رحمان نے کہا کہ ایران، امریکہ جوہری ڈیل میں 20 ماہ لگے تھے، اسلام آباد ایجنڈا بنانے میں مدد دے سکتا ہے مگر نتائج کی ضمانت نہیں دے سکتا۔پاکستان نے کشیدہ صورتحال میں فریقین کو ایک محفوظ راستہ فراہم کیا، سول و عسکری قیادت نے دن رات کام کر کے عالمی اعتماد کو بروئے کار لاتے ہوئے مذاکرات کو ممکن بنایا۔ سیز فائر خود ایک بڑی پیشرفت ہے، ایسے ماحول میں خلاف ورزیاں غیر معمولی نہیں ہوتیں، امن معاہدے طویل اور مرحلہ وار مذاکرات کا نتیجہ ہوتے ہیں۔ شیری رحمان کا مزید کہنا تھا کہ معلوم نہیں پہلی ملاقات میں بریک تھرو کی توقع کیوں کی جا رہی تھی، دنیا کو چاہیے اس سٹریٹجک وقفے کو وقت دے تاکہ تہران اور واشنگٹن غور و فکر کر سکیں۔ اسلام آباد مذاکرات کے 21 گھنٹے طویل مذاکرات دراصل ایک طویل سلسلے کی پہلی قسط تھے، جس میں فریقین کو محفوظ ماحول، اسٹریٹجک اعتماد اور تاریخی موقع فراہم کیا گیا۔
امریکہ، ایران جنگ بندی ڈیڈ لائن
ایک سینئر پاکستانی ذریعے نے بتایا ہے کہ پاکستان میں ہونے والے ایران اور امریکہ کے درمیان مذاکرات کے پہلے مرحلے کے غیر نتیجہ خیز اختتام کے بعد، اسلام آباد نے دونوں فریقین کو دوبارہ مذاکرات کی میز پر لانے کیلئے سفارتی کوششیں تیز کر دی ہیں۔ سینئر صحافی انصار عباسی نے نجی ٹی وی’’ جیونیوز‘‘ پر شائع ہونے والی رپورٹ میں دعویٰ کیا کہ اگرچہ دونوں جانب کے حکام نے عوامی سطح پر اپنے اپنے موقف کا اظہار کیا لیکن مذاکرات کا ابتدائی دور کسی باضابطہ معاہدے کے بغیر ختم ہوا۔ کوئی بڑی پیش رفت نہ ہونے کے باوجود پاکستانی حکام آئندہ رابطوں کے امکانات کے حوالے سے محتاط رویہ اختیار کرتے ہوئے اپنی امید برقرار رکھے ہوئے ہیں۔ ایک اعلیٰ سطح کے ذریعے نے بتایا کہ پاکستان واشنگٹن اور تہران دونوں کے ساتھ مسلسل رابطے میں ہے اور جلد از جلد مذاکرات دوبارہ شروع کرنے پر زور دے رہا ہے۔ ذریعے کے مطابق، بنیادی مقصد یہ ہے کہ اندازاً 22؍ اپریل کو ختم ہونے والی جاری جنگ بندی کے اختتام سے پہلے ایک قابلِ عمل مفاہمت تک پہنچا جائے تاکہ دوبارہ ممکنہ تصادم سے بچا جا سکے۔ ذریعے نے صورتحال کی سنگینی کو اجاگر کرتے ہوئے کہا کہ ہم چاہتے ہیں کہ ڈیڈ لائن سے قبل یہ معاملہ سمیٹ لیا جائے۔ ذرائع نے مزید انکشاف کیا کہ اس اہم عرصے کے دوران مذاکرات کے دوسرے دور کے انعقاد کیلئے کوششیں جاری ہیں۔ یہ سفارتی اقدامات وزیراعظم کی براہ راست ہدایات کے تحت کیے جا رہے ہیں، جس سے اس بات کی عکاسی ہوتی ہے کہ معاملے کو اعلیٰ ترجیح دی جا رہی ہے۔ نائب وزیراعظم و وزیرخارجہ اسحاق ڈار اور چیف آف آرمی سٹاف فیلڈ مارشل عاصم منیر اس عمل کی قیادت کر رہے ہیں، جنہوں نے ابتدائی طور پر دونوں فریقین کو قریب لانے میں کلیدی کردار ادا کیا تھا۔ ذریعے کے مطابق دونوں رہنما اس عمل کو آگے بڑھانے کیلئے انتھک محنت کر رہے ہیں، جس میں ’’رت جگے‘‘ بھی شامل ہیں۔ پاکستان پہلے ہی دونوں فریقین کو مذاکرات کی بحالی کی خواہش سے آگاہ کر چکا ہے اور اب ان کے جواب کا منتظر ہے۔ حکام کو امید ہے کہ کشیدگی میں اضافے سے بچنے اور محدود وقت کے اندر سفارتی حل حاصل کرنے کیلئے معاملات تیزی اختیار کر سکتے ہیں۔ اگرچہ چیلنجز بدستور موجود ہیں، تاہم اسلام آباد کی فعال ثالثی عالمی امن اور تنازعات کی روک تھام کیلئے اس کے عزم کو اجاگر کرتی ہے۔
ریاستی اداروں پر الزامات لگانے کا کیس؛
ریاستی اداروں پر الزامات لگانے کے کیس میں عدم حاضری پر سہیل آفریدی کے ناقابل ضمانت وارنٹ گرفتاری جاری کر دیئے گئے۔ نجی ٹی وی چینل جیو نیوز کے مطابق ڈسٹرکٹ اینڈ سیشن کورٹس اسلام آباد میں وزیراعلیٰ سہیل آفریدی کیخلاف ریاستی اداروں پر الزامات لگانے کے کیس کی سماعت ہوئی،سول جج عباس شاہ نے سہیل آفریدی کیخلاف کیس کی سماعت کی،عدم حاضری پر سہیل آفریدی کے ناقابل ضمانت وارنٹ گرفتاری جاری کر دیئے گئے،عدالت نے سہیل آفریدی کو گرفتار کرکے پیش کرنے کا حکم دیدیا،کیس کی مزید سماعت 16اپریل تک ملتوی کردی گئی۔ یادرہے کہ سہیل آفریدی کیخلاف پیکا ایکٹ کے تحت این سی سی آئی اے نے مقدمہ درج کررکھا ہے۔
وزیراعظم شہباز شریف اگلے48گھنٹوں
وزیراعظم شہباز شریف اگلے48گھنٹوں میں سعودی عرب کا دورہ کریں گے۔ نجی ٹی وی چینل جیو نیوز کے مطابق ذرائع کاکہنا ہے کہ وزیراعظم شہبازشریف جلد سعودی عرب کے دورے پر جائیں گے،وزیراعظم کو سعودی ولی عہد کی جانب سے دورہ کی دعوت ملی ہے،وزیراعظم شہبازشریف 48گھنٹوں میں ریاض جائیں گے۔ ذرائع کاکہنا ہے کہ اعلیٰ سطح کا وفدبھی وزیراعظم کے ہمراہ سعودی عرب جائے گا۔ دورہ کے دوران علاقائی اور بین الاقوامی امور پر صلاح و مشورے ہوں گے۔ ذرائع کے مطابق وزیراعظم شہبازشریف سعودی عرب کے بعد ترکی بھی جائیں گے،وزیر خارجہ اسحاق ڈار بھی وزیراعظم کے ہمراہ سعودی عرب جائیں گے۔
پنجاب حکومت کا فری سولر پینل
پنجاب حکومت نے فری سولر پینل سکیم میں 6 ماہ کی توسیع کا فیصلہ کیا ہے،اضافی فنڈز سے مزید سولر سسٹمز تقسیم ہوں گے۔ نجی ٹی وی ’’سماء نیوز‘‘ کے مطابق وزیراعلیٰ پنجاب مریم نواز کے احکامات پر سکیم کی مدت دسمبر 2026 تک بڑھادی گئی۔ مجموعی طور پر 94 ہزار سے زائد سسٹم فراہم کیےجائیں گے جن پر 10 ارب روپے کے قریب لاگت آئے گی۔ قرعہ اندازی کے ذریعےکم آمدن والےصارفین کو مفت سولرسسٹم فراہم کیے جائیں گے،پنجاب کےتمام اضلاع اورتحصیلوں میں سکیم کا اطلاق ہوگا،اب تک 8 لاکھ سےزائددرخواستیں موصول ہوچکی ہیں،اس سے قبل جون 2026تک سکیم کا اعلان کیا گیا تھا۔ رپورٹ کے مطابق 200 یونٹ تک بجلی استعمال کرنیوالے گھریلو صارفین سکیم کے اہل ہوں گے، قرعہ اندازی سے کم آمدن والے صارفین کو مفت سولر سسٹم فراہم کیے جائیں گے۔
امریکہ ایران کی قیادت آج اسلام آباد
وزیراعظم شہباز شریف نے کہا ہے کہ ایران اور امریکہ کے نمائندے ہماری پر خلوص دعوت پر پاکستان تشریف لا چکے، دونوں ملکوں کی قیادت آج اسلام آباد میں مذاکرات کرے گی، خطے میں اب جنگ کی نہیں امن کی باتیں ہو رہی ہیں۔ وزیراعظم شہباز شریف نے قوم سے خطاب کرتے ہوئے کہا کہ نازک صورت حال میں پاکستانی قیادت نے بڑے اعتماد سے دونوں فریقوں کو عارضی جنگ بندی پر راضی کیا، دونوں فریق جو جنگ میں آمنے سامنے تھے،اب بات چیت کے ذریعے معاملات طے کرنے پر راضی ہو چکے، عارضی جنگ بندی کا اعلان ہو چکا، اب اس سے بھی کٹھن مرحلہ دیرپا جنگ بندی کا ہے، یہ مرحلہ میک اور بریک کے مترادف ہے۔شہباز شریف نے فیلڈ مارشل عاصم منیر اور وزیر خارجہ اسحاق ڈار کا خاص طور پر ذکر کیا اور فریقین کو مذاکرات کے لیے راضی کرنے پر ان کی تعریف کی۔وزیراعظم نے کہا کہ فیلڈ مارشل عاصم منیر نے جنگ کے شعلے بجھانے اور فریقین کو مذاکرات پر راضی کرنے کے لیے کلیدی اور تاریخ ساز کردار ادا کیا۔انہوں نے کہا کہ مذاکرات کامیاب ہوئے تو ان گنت معصوم زندگیاں بچ جائیں گی، پاکستان ان مذاکرات کو کامیاب بنانے کے لیے حتی المقدور کوشش کرے گا۔
وزیراعظم کی قوم سے مذاکرات
وزیراعظم نے قوم سے مذاکرات کی کامیابی کیلئے دعاؤں کی اپیل کرتے ہوئے کہا ہے کہ پاکستان نے نازک حالات میں اعتماد کے ساتھ دونوں فریقین کو مذاکرات پر راضی کیا۔ قوم سے خطاب کرتے ہوئے ان کا کہنا تھا کہ خلیج میں اب جنگ نہیں بلکہ امن کی باتیں ہورہی ہیں،جنگ کی باتیں کرنےوالے دونوں فریق بات چیت کرنے پر رضامند ہوگئےہیں،ایران اور امریکی قیادت کا شکریہ ادا کرتاہوں۔ میری درخواست پر امریکا اور ایران نے عارضی جنگ بندی کی،میری درخواست پر امریکا اور ایران اسلام آباد مذاکرات کیلئے آرہےہیں،یہ صرف پاکستان نہیں عالم اسلام کیلئے قابل فخر لمحہ ہے۔ فیلڈ مارشل سید عاصم منیر اور ان کی ٹیم کاشکریہ ادا کرتاہوں ،نائب وزیراعظم اسحاق ڈار اور ان کی ٹیم نے خلوص دل کے ساتھ کام کیا،نائب وزیراعظم اسحاق ڈار اور فیلڈ مارشل سید عاصم منیر کو خراج تحسین پیش کرتاہوں۔ فیلڈمارشل سیدعاصم منیر کی ٹیم نے جنگ کے شعلے ٹھنڈے کرنے کیلئے کلیدی کردار ادا کیا،ان کی خدمات کو تاریخ میں سنہری حروف سے یاد رکھاجائےگا۔ پاکستان چاہتاہے کہ مذاکرات کے ذریعے الجھے ہوئے معاملات کو حل کیا جائے،مذاکرات کی کامیابی کیلئے پاکستانی قیادت بھرپور کردار ادا کرے گی۔
امن مذاکرات پر بھارتی میڈیا کا
امریکہ اور ایران کے درمیان جنگ بندی میں پاکستان کے کلیدی اور فیصلہ کن کردار نے جہاں عالمی سطح پر پاکستان کا وقار بلند کیا ہے، وہی بھارتی میڈیا (گودی میڈیا) میں اس کامیابی پر صفِ ماتم بچھ گئی ہے۔ مودی حکومت کو سفارتی خفت سے بچانے کے لیے بھارتی اینکرز نے پاکستان کے خلاف بے بنیاد پروپیگنڈا شروع کر دیا ہے، جس کا ایک امریکی سفارت کار نے لائیو شو میں منہ توڑ جواب دیا۔ سابق امریکی سفارت کار جیفری گنٹر نے ایک بھارتی نیوز چینل کے لائیو شو کے دوران امریکی نائب صدر جے ڈی وینس کی پاکستان میں سیکیورٹی پر اٹھائے گئے “احمقانہ” سوالات پر اینکر کو آڑے ہاتھوں لیا۔ جیفری گنٹر نے دو ٹوک الفاظ میں کہا کہ امریکی نائب صدر پاکستان میں مکمل طور پر محفوظ ہیں اور بھارتی میڈیا کا طرزِ عمل اسکول کے بچوں جیسا غیر سنجیدہ ہے۔ انہوں نے مزید کہا کہ یہ انسانی زندگیوں، روزگار اور مہنگے پیٹرول جیسے عالمی مسائل کا معاملہ ہے، لیکن بھارتی میڈیا اسے محض پاک بھارت تنازع بنا کر پیش کر رہا ہے جو کہ افسوسناک ہے۔ جیفری گنٹر نے بھارتی میڈیا کے رویے کو “شرمناک” قرار دیتے ہوئے کہا کہ وہ اس رویے پر بطور سزا اینکر کو 30 منٹ کے لیے کمرے میں بند کرنا چاہیں گے۔ واضح رہے کہ پاکستان کی سفارتی کامیابی سے بھارت احساسِ کمتری اور تنہائی کا شکار ہو چکا ہے اور بھارتی میڈیا کی بوکھلاہٹ اسی کا نتیجہ ہے۔
پاکستان کا ایران، امریکہ مذاکرات کے
پاکستان نے اسلام آباد میں ہونے والے ایران اور امریکہ مذاکرات میں شرکت کے لیے آنے والے مندوبین اور صحافیوں کے لیے ’ویزا آن اراول‘ کا اعلان کیا ہے۔ جمعہ کی صبح ایکس پر جاری ایک پیغام میں پاکستان کے نائب وزیر اعظم اور وزیرِ خارجہ اسحاق ڈار کا کہنا ہے کہ مذاکرات کے لیے آسلام آباد آنے والے تمام مندوبین، بشمول شریک ممالک کے صحافیوں، کا خیرمقدم کیا جائے گا۔ ڈار کا کہنا ہے کہ ’اس مقصد کے لیے تمام ایئرلائنز سے درخواست کی جاتی ہے کہ وہ ایسے تمام افراد کو بنا ویزا بورڈنگ کی اجازت دیں۔‘ ’پاکستان میں امیگریشن حکام ان افراد کو ویزا آن ارائیول جاری کریں گے۔‘
1973 کا آئین وفاق پاکستان
وزیراعظم شہباز شریف نے یوم دستور کی مناسبت سے پیغام دیتے ہوئے کہا ہے کہ 1973 کا آئین وفاق پاکستان اور قومی اتحاد کی درخشندہ علامت ہے۔ نجی ٹی وی چینل جیو نیوز کے مطابق اپنے پیغام میں شہباز شریف نے کہا کہ آج ہم آئین اسلامی جمہوریہ پاکستان کی منظوری کا دن قومی جذبے سے منارہے ہیں، ہم دستور کے معماروں کو خصوصی خراج تحسین پیش کرتے ہیں۔ وزیراعظم نے کہا کہ آئین عوام اور ریاست کے مابین مقدس معاہدے کا نام ہے، آئین عوام اور ریاست کے حقوق و فرائض کا قانونی، اخلاقی اور انتظامی تعین کرتا ہے۔ ان کا کہنا تھا کہ 10اپریل1973کو منظور متفقہ آئین نے پارلیمانی جمہوری نظام حکومت کی بنیاد رکھی، 1973کا آئین پاکستان تمام شہریوں کے بنیادی انسانی حقوق کا محافظ ہے اور یہ آئین وفاق پاکستان اور قومی اتحاد کی درخشندہ علامت ہے۔ وزیراعظم نے مزید کہا کہ وفاق کی تمام ریاستی اکائیاں قومی یگانگت اور معاشی ترقی کے لیے اپنا کردار سرانجام دے رہی ہیں، تمام ریاستی اکائیاں تابندہ مستقبل کے لیے کام کرنے کے لیے پر عزم ہیں، اللہ نے پاکستان کو جس عزت سے نوازا اس کےلیے ہمارے سر اس کے آگے سربسجود ہیں، پاکستان اقوام عالم میں اپنا سر فخر سے بلند کیے اپنی ترقی وخوشحالی کاسفر جاری رکھے گا۔
اسلام آباد مذاکرات: غیر ملکی مندوبین
حکومت نے اسلام آباد مذاکرات کے سلسلے میں غیر ملکی مندوبین کے لیے ویزا آن ارائیول کا اعلان کیا ہے۔ نائب وزیراعظم و وزیر خارجہ اسحاق ڈار نے کہا ہے کہ پاکستان اسلام آباد مذاکرات 2026 کے سلسلے میں آنے والے تمام شریک ممالک کے مندوبین اور صحافیوں کا خیرمقدم کرتا ہے۔ سماجی رابطوں کے پلیٹ فارم ایکس پر اپنے ٹوئٹ میں اسحاق ڈار نے کہا کہ اس مقصد کے لیے تمام ایئرلائنز سے درخواست کی گئی ہے کہ وہ ایسے تمام افراد کو بغیر ویزا بورڈنگ کی اجازت دیں۔ انہوں نے مزید کہا کہ پاکستان میں امیگریشن حکام ان افراد کو آمد پر ویزا جاری کریں گے۔
وزیر داخلہ محسن نقوی کی زیرصدارت
وزیر داخلہ محسن نقوی کی زیرصدارت اہم اجلاس ہوا،اجلاس میں اسلام آباد میں امریکاایران مذاکرات کی تیاریوں اور سکیورٹی پلان کا جائزہ لیاگیا۔ نجی ٹی وی چینل دنیا نیوز کے مطابق وزیرداخلہ محسن نقوی نے غیرملکی مہمانوں کیلئے بہترین انتظامات کی ہدایت کی،محسن نقوی کاکہناتھا کہ مذاکرات کااسلام آباد میں انعقاد پاکستان کیلئے اعزاز ہے۔وزیر داخلہ نے وفود کی مہمان نوازی اور سکیورٹی اقدامات یقینی بنانے کی ہدایت کی۔ اجلاس میں فیصلہ کیاگیا کہ ریڈزون مکمل سیل، صرف متعلقہ افراد کو داخلے کی اجازت ہوگی،وزارت داخلہ میں کنٹرول روم قائم کردیا گیا ہے۔
پاکستان اور بھارت کے درمیان
پاکستان اور بھارت کے درمیان نافذ العمل 13معاہدوں کی تفصیلات پارلیمنٹ میں پیش کر دی گئیں۔ نجی ٹی وی چینل جیو نیوز کے مطابق پاکستان کی جانب سے بھارت پر 13 میں 4 معاہدوں پر عملدرآمد نہ کرنے کا الزام عائد کیا گیا ہے، وزارت خارجہ کی رپورٹ کے مطا بق بھارت سندھ طاس معا ہدے، مذہبی مقامات پر سہولیات کی فراہمی، زا ئرین او رویزا سہولیات سے متعلق معا ہدے پر عملدرآمد نہیں کر رہا۔ آبی وسائل کی تقسیم کے لیے دونوں ممالک کے درمیان 19 ستمبر 1960 کو سندھ طاس معاہدہ عمل میں آیا۔ دونوں ممالک کے درمیان تنازعات کے پر امن حل کے لئے 2 جولائی 1972 کو شملہ معاہدہ طے پایا۔ دونوں ممالک میں مذہبی مقامات کی زیارات سہل بنانے کے لئے 14 ستمبر 1974 کو پروٹوکول پر دستخط کئے گئے۔ براہ راست ٹیلی کمیونیکیشن کے لئے 14 ستمبر 1974 کو معاہدے پر دستخط کئے گئے۔
پاکستان اور بھارت کے درمیان
پاکستان اور بھارت کے درمیان نافذ العمل 13معاہدوں کی تفصیلات پارلیمنٹ میں پیش کر دی گئیں۔ نجی ٹی وی چینل جیو نیوز کے مطابق پاکستان کی جانب سے بھارت پر 13 میں 4 معاہدوں پر عملدرآمد نہ کرنے کا الزام عائد کیا گیا ہے، وزارت خارجہ کی رپورٹ کے مطا بق بھارت سندھ طاس معا ہدے، مذہبی مقامات پر سہولیات کی فراہمی، زا ئرین او رویزا سہولیات سے متعلق معا ہدے پر عملدرآمد نہیں کر رہا۔ آبی وسائل کی تقسیم کے لیے دونوں ممالک کے درمیان 19 ستمبر 1960 کو سندھ طاس معاہدہ عمل میں آیا۔ دونوں ممالک کے درمیان تنازعات کے پر امن حل کے لئے 2 جولائی 1972 کو شملہ معاہدہ طے پایا۔ دونوں ممالک میں مذہبی مقامات کی زیارات سہل بنانے کے لئے 14 ستمبر 1974 کو پروٹوکول پر دستخط کئے گئے۔ براہ راست ٹیلی کمیونیکیشن کے لئے 14 ستمبر 1974 کو معاہدے پر دستخط کئے گئے۔
پی ٹی آئی نے حکومت کو
بانی پی ٹی آئی عمران خان کی ہمشیرہ نورین خان نے کہا ہے کہ کل کا جلسہ پی ٹی آئی نے عمران خان سے کینسل کروایا تاکہ حکومت کو ریلیف دیا جا سکے۔ سماجی رابطے کی ویب سائٹ ایکس پر اپنے بیان میں نورین خان کاکہناتھا کہ اس سے پہلے بھی کئی مواقع پر حکومت کو ریلیف دیا گیا، مگر افسوس کی بات یہ ہے کہ اس کے بدلے عمران خان کی صحت کے حوالے سے کوئی بھی ریلیف حاصل نہیں کیا گیا۔ نہ ہی فیملی ملاقاتوں کے لیے کوئی مؤثر آواز اٹھائی گئی اور نہ ہی ان کی غیرقانونی قیدِ تنہائی کے خاتمے کے لیے کوئی سنجیدہ اقدام کیا گیا۔ بانی کی ہمشیرہ کاکہناتھا کہ عمران خان کو جیل مینول کے مطابق بنیادی سہولیات بھی فراہم نہیں کی جا رہیں۔ فیملی کا واحد اور واضح مطالبہ یہی ہے کہ عمران خان کا علاج فوری طور پر شفاء انٹرنیشنل اسلام آباد میں ان کی فیملی اور ذاتی معالج کی موجودگی میں کروایا جائے۔ ان کی آنکھ کی حالت تشویشناک ہے، نہ صرف یہ کہ اس میں کوئی بہتری نہیں آئی بلکہ خدشہ ہے کہ اسے جان بوجھ کر نظر انداز کیا جا رہا ہے، جس سے ان کی بینائی مزید متاثر ہو رہی ہے۔ ان کاکہناتھا کہ عمران خان کی صحت کو نظر انداز کرنا یا اس پر خاموشی اختیار کرنا ایک مجرمانہ فعل ہے۔ جب تک فیملی کی ملاقات نہیں ہوتی، ہم تسلی سے کوئی بھی بات نہیں کر سکتے اور نہ ہی کسی سرکاری مؤقف پر کسی قسم کا یقین کیا جا سکتا ہے
جنگ بندی میں صدر زرداری کا
پاکستان پیپلز پارٹی کی سینیٹر شیری رحمان نے کہا ہے کہ جنگ بندی میں صدر زرداری کا بھی پسِ پردہ کردار رہا۔ نجی ٹی وی چینل جیو نیوز کے مارننگ پروگرام میں گفتگو کرتے ہوئے شیری رحمان نے کہا کہ تاریخ میں مثال نہیں ملتی کہ آخری وقت میں کسی معاملے پرثالثی کی گئی ہو۔ شیری رحمان نے کہا کہ سب نے پاکستان کی جنگ بندی کی کوششوں کو سراہا، پاکستان جہنم کے دہانے سے دنیا کو واپس لایا۔ انہوں نے کہا کہ اگر جنگ جاری رہتی تو اس کے تباہ کن نتائج ہونے تھے، کل بھارت میں صف ماتم بچھا، جنگ بندی ان کے مفاد میں بھی ہے۔
نائب وزیراعظم اسحاق ڈارا ور سعودی وزیر خارجہ
نائب وزیراعظم اسحاق ڈارا ور سعودی وزیر خارجہ کا ٹیلیفونک رابطہ ہوا ہے، وزرائے خارجہ نے خطے کی صورتحال پر تبادلہ خیال کیا ۔ نجی ٹی وی چینل دنیا نیوز کے مطابق ترجمان وزارت خارجہ کاکہناتھا کہ دونوں رہنماؤں نے لبنان میں جنگ بندی کی خلاف ورزی پر اظہارتشویش کیا ہے۔ ترجمان کے مطابق وزرائے خارجہ نے جنگ بندی کے احترام اور عملدرآمد پر زور دیا، دونوں رہنماؤں نے خطے میں امن اور استحکام برقرار رکھنے پر بھی زوردیا۔اسحاق ڈار نے پائیدار امن کیلئے سعودی عرب کی حمایت کو سراہا۔
تحدہ عرب امارات ہمارا میزبان ملک
پاکستان پیپلز پارٹی گلف/مڈل ایسٹ کے انفارمیشن سیکرٹری ذوالفقار علی مغل نے کہا ہے کہ متحدہ عرب امارات، پاکستان کے بعد ہمارا دوسرا گھر ہے جہاں ہم رہتے اور کام کرتے ہیں-یہ ہمارا میزبان ملک ہے جس نے ہمیں آگے بڑھنے اور کام کرنے کے مواقع فراہم کئے - متحدہ عرب امارات میں دنیا کے ہر ملک سےآئے لوگوں کا مسکن ہے جو یہاں پر سکون، آزادانہ اور حفاظتی ماحول میں کام کر رہے ہیں- ذوالفقار علی مغل نے کہا کہ دنیا بھر سے بیشمار لوگ یہاں سیر و سیاحت کے لئے یہاں آتے ہیں اور یہاں کے ماحول کی تعریف کرتے ہیں- اس ملک کی عزت، ترقی اور امن کو برقرار رکھنے میں اپنا کردار ادا کریں۔اس ملک کی عزت، ترقی اور امن کو برقرار رکھنے میں اپنا کردار ادا کریں۔ ہم خوش قسمت لوگ ہیں جنہیں یہاں روزگار کے مواقع ملے ھوئے ہیں جس پر ہم حکومت متحدہ عرب امارات کے ممنون و مشکور ہیں- انہوں نے کہا کہ ہم اس ملک کے مہمان شہری ہیں لہذا ہم سب پر لازم ہے کہ اس ملک کے قوانین کا احترام کریں اور ایک اچھے شہری ہونے کا ثبوت دیں- افواہوں پر کان نہ دھریں، سوشل میڈیا کا استعمال انتہائی احتیاط اور حکومت کی جاری کردہ پالیسیوں کے مطابق کریں، یہاں رہتے ھوئے اس ملک کی حفاظت اور اس کے طے شدہ اصولوں پر عمل کریں-
وفاقی وزیر تجارت سے چینی کمپنی ک
وفاقی وزیر تجارت جام کما ل سے چینی کمپنی کے وفد نے ملاقات کی،ملاقات میں پاکستان اور چین کے درمیان برآمدات بڑھانے پر گفتگوہوئی،،آئندہ مالی سال میں ٹائر برآمدات 10کروڑ ڈالر سے زائد ہونے کاامکان ہے۔ نجی ٹی وی چینل دنیا نیوز کے مطابق وزیر تجارت کاکہناتھا کہ پاکستان امریکا کو ٹائر برآمد کرنے والا 5واں بڑا ملک بن گیا، وزیرتجارت نے ٹائر انڈسٹری کو مکمل حکومتی حمایت کی یقین دہانی کراتے ہوئے کہا کہ برآمدی شعبوں کو ہر ممکن سہولت فراہم کریں گے۔
برطانوی وزیراعظم کیئر اسٹارمر کی
برطانوی وزیراعظم کیئر اسٹارمر سعودی عرب پہنچ گئے، جہاں انہوں نے سعودی ولی عہد شہزادہ محمد بن سلمان سے ملاقات کی۔ ملاقات میں دو طرفہ تعلقات، خطے کی صورتحال اور باہمی تعاون کے مختلف پہلوؤں پر گفتگو ہوئی۔دونوں رہنماؤں نے خطے میں امن و استحکام کے لیے جاری سفارتی کوششوں پر بھی تبادلہ خیال کیا۔
سعودی عرب میں سفیرِ پاکستان اور گورنر
سعودی عرب میں پاکستانی سفیر احمد فاروق نے مدینہ منورہ کے گورنر شہزادہ سلمان بن سلطان بن عبدالعزیز سے ملاقات کی ہے جس میں باہمی امور سمیت مختلف امور پر تبادلہ خیال کیا گیا۔ سعودی عرب میں پاکستانی سفیر احمد فاروق نے مدینہ منورہ کے گورنر شہزادہ سلمان بن سلطان بن عبدالعزیز سے ملاقات کی جس میں پاکستان اور سعودی عرب کے درمیان تاریخی گہرے مراسم سمیت دونوں ممالک کے درمیان دو طرفہ تعلقات اور تعاون کے حوالے سے تبادلہ خیال کیا اور مستقبل میں بھی پاک سعودی تعلقات کو مزید فروغ دینے کے حوالے سے بھی تبادلہ خیال کیا گیا۔
ڈیزل کی قیمتوں میں ہوشربا اضافہ کسانوں
پیٹرول اور ڈیزل کی قیمتوں میں حالیہ غیر معمولی اضافے پر گہری تشویش کا اظہار کرتے ہوئے دبئی میں مقیم پاکستانی سماجی کارکن یاسر امتیاز اعوان نے کہا ہے کہ اس فیصلے کے سب سے منفی اثرات زرعی شعبے پر مرتب ہوں گے۔ انہوں نے کہا کہ اس وقت گندم کی کٹائی کا سیزن جاری ہے اور کسان پہلے ہی مہنگی کھاد، بیج اور دیگر اخراجات کے بوجھ تلے دبے ہوئے ہیں، ایسے میں ڈیزل کی قیمتوں میں ہوشربا اضافہ ان کے لیے مزید مشکلات پیدا کرے گا۔ انہوں نے کہا کہ زرعی مشینری، ٹیوب ویلز اور فصل کی کٹائی و ترسیل کا زیادہ تر انحصار ڈیزل پر ہوتا ہے، جس کی وجہ سے فی ایکڑ لاگت میں نمایاں اضافہ ہوگا۔ اس کے نتیجے میں کسان یا تو نقصان برداشت کرنے پر مجبور ہوگا یا پھر گندم کی قیمت میں اضافہ ناگزیر ہو جائے گا، جس کا بوجھ براہِ راست عوام پر پڑے گا۔ ملک یاسر امتیاز اعوان نے مزید کہا کہ یہ صورتحال نہ صرف کسان کی معاشی حالت کو کمزور کرے گی بلکہ ملک میں مہنگائی کی ایک نئی لہر کو بھی جنم دے سکتی ہے۔ انہوں نے حکومت سے مطالبہ کیا کہ زرعی شعبے کے لیے فوری ریلیف اقدامات کیے جائیں، خصوصاً ڈیزل پر سبسڈی یا خصوصی پیکجز کے ذریعے کسانوں کو سہارا دیا جائے تاکہ ملک کی غذائی سلامتی کو یقینی بنایا جا سکے۔
اوورسیز پاکستانیوں کی بطور زرمبادلہ بھجوائی
اوورسیز پاکستانیز فاؤنڈیشن (OPF) بیرون ملک مقیم پاکستانیوں کی فلاح وبہبود کے لئے کئی منصوبوں پر کام کر رہا اور اس کے نتائج جلد سامنے آئیں گے جبکہ اوورسیز پاکستانی زرمبادلہ کے طور پر جو رقم بھیجتے ہیں ملک کی معاشی صورت حال کو بہتر بنانے میں اس کا بڑا رول ہے- ان خیالات کا اظہار یواے ای کے دورے پر آئے او پی ایف کے چئیرمین سید قمر رضا نے اپنے اعزاز میں دیے گئے ایک ظہرانہ میں کیا- او پی ایف کے چئیرمین سید قمر رضا کے اعزاز میں ظہرانہ کا اہتمام پاکستان پیپلز پارٹی گلف و مڈل ایسٹ کے صدر اوورسیز پاکستانیز یونائیٹڈ فورم کے چیئرمین اور اوورسیز پاکستانیز فاؤنڈیشن کے بورڈ آف گورنرز کے سابق ممبر میاں منیر ہانس کی جانب سے کیا گیا تھا۔ تقریب میں قونصل جنرل آف پاکستان حسین محمد ، پاکستان قونصلیٹ دبئی کے دیگر اعلی افسران اور مختلف شعبہ ہائے زندگی سے تعلق رکھنے والے کمیونٹی ممبران کی بڑی تعداد نے شرکت کی ۔اس موقع پر او پی ایف کے چیئرمین سید قمر رضا نے اپنے ادارے کی کارکردگی کے بارے شرکائے تقریب کو آ گاہ کیا- انہوں نے اس موقعے پر شرکاء کی جانب سے پوچھے گِئے سوالات کے جوابات دیتے ہوئے کہا کہ اوورسیز پاکستانیوں کے مسائل حل کرنا اوپی ایف کی ذمہ داری ہے اور اس سلسلے میں حکومتی تعاون سے مختلف اسکیموں پر کام جاری ہے ۔اس موقع پر پاکستان بزنس کونسل دبئی کے چیئرمین شبیر مرچنٹ، بزنس کونسل شارجہ کے قائم مقام صدر سید سلیم اختر اور پاکستان سوشل سینٹر شارجہ کے صدر چوھدری خالد حسین نے بھی خطاب کیا اور پاکستانی برادری کے تجارتی تعلیمی اور سماجی مسائل کی نشاندہی کی ۔ قونصل جنرل آف پاکستان حسین محمد نے موجودہ صورت حال میں محتاط اور ذمہ دارانہ طرزعمل اختیار کرنے کی اہمیت پر زور دیتے ہوئے کہا کہ افوہوں پر کان نہ دھریں اور مقامی انتظامیہ کی ہدایات پر سختی سے عمل کریں ۔ انہوں نے کہا کہ پاکستانی سفارت خانہ اور قونصلیٹ اپنے شہریوں کی مدد اور رہنمائی کے لیئے ہمہ وقت تیار ہے ۔ تقریب کے میزبان میاں منیر ہانس ن ے او پی ایف کے چیئرمین سید قمر رضا کی خدمات کو شاندار الفاظ میں خراج تحسین پیش کیا اور اس توقع کا اظہار کیا کہ بیرون ملک مقیم پاکستانیوں کے مسائل کے حل کے لیئے او پی ایف اپنا مثبت کردار ادا کرتا رہے گا ۔ انہوں نے امارات میں مقیم پاکستانیوں کو یہاں کے قوانین کا مکمل احترام کرنے کی تاکید کرتے ہوئے کہا کہ آزمائش کی اس گھڑی میں ہم اپنے اماراتی بھائیوں کے شانہ بشانہ کھڑے ہیں اور ضرورت پڑنے پر کسی قربانی سے دریغ نہیں کریں گے- میاں منیر ہانس نے متحدہ عرب امارات کی قیادت کو شاندار الفاظ میں خراج تحسین پیش کیا اور عرب امارات پر حملوں کی سخت الفاظ میں مذ مت کی ۔ اس موقع پر چیئرمین اوپی ایف اورقونصل جنرل آف پاکستان کو تقریب کےشرکاء کی جانب سے گلدستے پیش کئے گئے ۔ پروگرام کی نظامت ملک محمد اسلم نے اپنے مخصوص انداز میں کی اور پروگرام کے اختتام پر مہمانوں کی توا ضع پرتکلف ظہرانے سے کی گئی- تقریب میں حسین محمد قونصل جنرل پاکستان دبئی، عمران شاہد اور محمد جنید کمیونٹی ویلفیئر اتاشی، شبیر مرچنٹ، اقبال داؤد، راشد اشرف، چوہدری خالد حسین، انجینئر محمد زبیر خان، سید سلیم اختر، نوید احمد، سابق ممبر پنجاب اسمبلی حاجی امجد، ملک اسلم، ملک یاسر اعوان، ڈاکٹر ظفر طاہر، شوکت بٹ، عبد المجید مغل، مرزا ظفر محمود، علی راؤ، ملک شہزاد ایڈوکیٹ ، نورمگسی ، ظہیر احمد گجر، عثمان اعظم خان، نثار محمود خٹک، دانیال منیر ہانس، دانش حیدری، پریم متھرانی، ڈاکٹرعباس قریشی، عرفان جنجوعہ، شمشیر علی راؤ، اسلم سرکانی، ندیم شاہد، ڈاکٹر خالد شیخ، چوہدری ذ والفقار گجر، ضمیر احمد، طاہر منور، بابر بھٹی، رانا صفدر، شفیق صدیقی، وسیم نذر، عنایت اللہ ، خالد بھٹی، عمر بلوچ، قاری میاں منور,، اسد علی خان ، احسان شفیق گوگا اور دیگر کمیونٹی ممبران بھی شامل تھے ۔
محسن نقوی سے امریکی سفیر کی ملاقات،
وزیر داخلہ محسن نقوی سے امریکی سفیر نیٹلی بیکر نے ملاقات کی ہے،ملاقات میں مشرق وسطیٰ کی موجودہ صورتحال پر بات چیت ہوئی ہے۔ نجی ٹی وی چینل دنیا نیوز کے مطابق امریکی سفیر نے جنگ بندی کا خیرمقدم کیا اور پاکستان کے مضبوط سفارتی کردار کی تعریف کی۔ ملاقات میں اسلام آباد میں ہونے والے اعلیٰ سطح کے مذاکرات پر بھی تبادلہ خیا ل کیا گیا، ملاقات میں اسلام آباد مذاکرات کے انتظامات سے متعلق بات چیت بھی ہوئی۔ محسن نقوی کاکہناتھا کہ امریکی نائب صدر، اسٹیووٹکوف اور جیرڈکشنرہمارے خصوصی مہمان ہوں گے،مہمانوں کو فول پروف سکیورٹی فراہم کرنے کا جامع پلان تیار ہے،امریکی سفر نیٹلی بیکر نے پاکستان کے مخلصانہ کردار کو سراہا۔
وزیراعظم کی ٹوئٹ پر جھوٹا پروپیگنڈا ،
وزیراعظم پاکستان شہباز شریف کے امریکا ایران جنگ بندی کے حوالے سے ٹوئیٹ کے بعد میڈیا میں بعض عناصر کی طرف سے ایک پروپیگنڈا شروع کر دیا گیا، جب اس سلسلے میں اس نمائندے نے سرکاری ذرائع سے رابطہ کیا تو ان کا کہنا تھا کہ وزیراعظم کے ٹوئیٹ کے حوالے سے جھوٹا اور بے بنیاد پروپیگنڈا کیا جا رہا ہے۔ روزنامہ جنگ کے مطابق رات گئے جب اس سلسلے میں ایک سینیئر بیوروکریٹ سے معلوم کیا گیا تو ان کا کہنا تھا کہ وزیراعظم کا ٹویٹر ہینڈل ان کی ٹیم دیکھتی ہے اور اس ٹیم کو مختلف مواقع پر الگ الگ ڈرافٹ ٹوئیٹ کرنے کے لیے بھیجے جاتے ہیں۔کچھ ڈرافٹ پر لکھا ہوتا ہے for the perusal of PM Pakistan جبکہ بعض پر لکھا جاتا ہے for the attention of prime minister of Pakistan کچھ پیغامات پر Pakistanʼs pm messages بھی لکھا جاتا ہے جس ٹیم نے یہ ٹوئیٹ ڈرافٹ ملنے کے بعد کیا اسے اپنی غلطی کا فورا احساس ہو گیا اور ایک منٹ بعد ہی یہ ٹویٹ ٹھیک کر کے دوبارہ کر دیا گیا۔ پاکستان سمیت دنیا بھر میں ایسی غلطیوں کو ٹھیک کر لیا جاتا ہے اس سے پہلے ادوار میں پاکستان میں بھی کئی بار اس طرح کے واقعات ہو چکے ہیں۔ اس سرکاری افسر کا کہنا تھا کہ وزیراعظم شہباز شریف کے اسی ٹوئیٹ کے بعد ایران کے وزیر خارجہ نے ایک مثبت پیغام بھیجا اور جنگ بندی پر اپنی آمادگی ظاہر کی۔ افسر کا یہ بھی کہنا تھا کہ وزیراعظم شہباز شریف اور فیلڈ مارشل عاصم منیر نے فریقین کو مذاکرات پر لانے کی جو کوششیں کی ہیں وہ قابل تعریف ہیں اور انہی کوششوں کے نتیجے میں امریکا ایران سعودی عرب اور چین سمیت دیگر ممالک نے پاکستان کے اقدامات کی تعریف بھی کی ہے۔
پاکستان اور افغان طالبان رجیم
پاکستان اور افغان طالبان رجیم نے اقوام متحدہ کے چارٹر کے مطابق تمام اختلافات حل کرنے پر اتفاق کیا ہے،چینی دفتر خارجہ نے ارمچی میں سہ ملکی مذاکرات مکمل ہونے کی تصدیق کر دی۔ ترجمان چینی دفتر خارجہ کے مطابق تینوں وفود میں خارجہ امور، دفاع اور سکیورٹی سے متعلق اداروں کے نمائندے شامل تھے، افغان اور پاکستانی وفود نے اقوام متحدہ کے چارٹر اور پرامن بقائے باہمی کے اصولوں کی پاسداری کا اعادہ کیا۔ پاکستان اور افغان وفد نے اختلافات کو جلد از جلد حل کرنے پر بھی اتفاق کیا،پاک افغان تعلقات میں بہتری اور صورتحال کو مزید پیچیدہ یا کشیدہ بنانے والے اقدامات سے گریز پر بھی اتفاق کیا گیا۔ فریقین نے مذاکرات کی میزبانی اور ثالثی کے لیے چین کا شکریہ ادا کیا اور منصفانہ اور متوازن مؤقف کو سراہا،سہ ملکی مذاکرات میں پاکستان اور افغانستان کے تعلقات میں موجود مسائل کے حل کے لیے جامع منصوبے پر بات چیت جاری رکھنے پر اتفاق کیا گیا۔ مسائل کے حل کے لئے اہم و ترجیحی نکات کی نشاندہی کر لی گئی ہے،تمام فریقوں نے اس عمل کو بامعنی قرار دیتے ہوئے رابطے اور مکالمے کو جاری رکھنے پر اتفاق کیا۔
امریکا ایران جنگ بندی
امریکا میں پاکستان کے سفیر رضوان سعید شیخ نے کہا ہے کہ امریکا ایران جنگ بندی سفارتکاری کی کامیابی ہے، اس میں پاکستان کا کلیدی کردار رہا۔ پاکستانی سفیر رضوان سعید شیخ نے امریکی نشریاتی ادارے سی این این کو دیے گئے انٹرویو میں کہا ہے کہ امریکا اور ایران کے درمیان جنگ بندی سفارتکاری اور مکالمے کی فتح ہے۔ انہوں نے کہا کہ پاکستان کی سفارتی کوششیں کئی ہفتوں سے جاری تھیں اور ملک نے ہمیشہ مثبت سفارتکاری کو ترجیح دی ہے۔ ان کا کہنا تھا کہ فریقین کا پاکستان پر اعتماد قابلِ قدر ہے اور پاکستان محض ایک سہولت کار کا کردار ادا کر رہا ہے جبکہ حتمی فیصلے متعلقہ فریقین نے خود کرنے ہیں۔ سفیر کے مطابق اس عمل میں سعودی عرب، ترکیہ، مصر، قطر اور چین نے بھی اہم معاونت فراہم کی، جبکہ چین نے فریقین پر زور دیا کہ وہ تحمل اور سفارتکاری کا راستہ اختیار کریں۔ رضوان سعید شیخ نے مزید کہا کہ پاکستان کی اعلیٰ قیادت نے سفارتی کوششوں میں براہِ راست کردار ادا کیا اور مذاکراتی عمل کی کامیابی کے لیے رازداری نہایت اہم ہے۔ ان کے مطابق دباؤ سے آزاد مذاکرات ہی فیصلہ کن ثابت ہو سکتے ہیں۔ انہوں نے کہا کہ پاکستان کے خلیجی ممالک کے ساتھ دیرینہ تعلقات ہیں اور تقریباً 55 لاکھ پاکستانی وہاں مقیم ہیں، جبکہ خلیجی قیادت کے ساتھ مسلسل مشاورت جاری رہی ہے، انہوں نے امید ظاہر کی کہ یہ مخلصانہ کوششیں مثبت نتائج دیں گی۔
پاکستان کا دل سے شکریہ،
ایران نے پاکستان کا دل سے شکریہ کرتے ہوئے 2 ہفتوں کیلئے آبنائے ہرمز کھولنے کا اعلان کردیا۔ ایرانی وزیر خارجہ عباس عراقچی نے اپنے ایک پیغام میں کہا کہ "برادر ملک کے وزیراعظم شہباز شریف اور فیلڈ مارشل عاصم منیر کی خطے میں جنگ کے خاتمے کیلئے کی جانے والی انتھک کوششوں پر دلی تشکر، آئندہ دو ہفتوں کے دوران آبنائے ہرمز سے محفوظ گزرگاہ ممکن ہوگی، ایران پر حملے روک دیئے جائیں تو ہماری افواج بھی دفاعی کارروائیاں معطل کر دیں گی۔"
وزیراعلیٰ مریم نواز کا ایران اور امریکہ
وزیراعلی مریم نواز نے ایران اور امریکہ کے درمیان جنگ بند ی میں کامیابی پر وزیراعظم شہباز شریف کو خراج تحسین پیش کیا ہے۔وزیراعلیٰ پنجاب نے جنگ بندی کے لئے فیلڈ مارشل عاصم منیر کی کاوشوں کو بھی سراہا ۔ مریم نواز نے اپنے بیان میں کہا ہے کہ تاریخ عالم میں جب جب بھی اس جنگ کا ذکر ہوگا ہر جگہ "پاکستان" ہی لکھا جائے گا ۔دنیا کو جنگ سے بچانے کے پاکستان کی کامیابی سنہری حروف سے لکھی جائے ، یہ تاریخ کا حصہ بن چکی ہے ۔ وزیراعلیٰ پنجاب کاکہنا تھا کہ خطے میں امن کےلئے پاکستان کا کردار تسلیم کر نا بہت بڑا اعزاز ہے، عالمی اور خطے کی سیاست میں پاکستان نے بے مثال سفارتی توازن کا مظاہرہ کرکے سب کو حیران کر دیا ۔ ان کا کہنا تھا کہ وزیراعظم شہباز شریف اور فیلڈ مارشل عاصم منیر کی کاوشوں سے دنیا بہت بڑی تباہی سے بچ گئی۔پاکستان میں امن معاہدے کے لئے مذاکرات بھی کامیابی سے ہمکنار ہوں گے ۔ دنیا کے قدیمی تہذیب و تمدن کو بچانے کے لئے پاکستان کی کاوشوں کو کبھی فراموش نہیں کیا جا سکتا ۔
جنگ بندی پر اظہار تشکر، وزیراعظم ن
وزیراعظم پاکستان شہباز شریف نے جنگ بندی پر اظہار تشکر کرتے ہوئے امریکی و ایرانی وفود کو 10 اپریل کو اسلام آباد آنے کی دعوت دے دی۔ نجی ٹی وی چینل دنیا نیوز کے مطابق فریقین کی جانب جنگ بندی پر اتفاق کے بعد وزیراعظم شہباز شریف نے ایکس پر جاری پیغام میں کہا کہ مجھے انتہائی عاجزی کے ساتھ یہ اعلان کرتے ہوئے خوشی ہو رہی ہے کہ اسلامی جمہوریہ ایران اور امریکہ نے اپنے اتحادیوں کے ساتھ لبنان اور دیگر جگہوں پر فوری طور پر جنگ بندی پر اتفاق کیا ہے۔ انہوں نے کہا کہ میں اس پرتپاک اقدام کا خیر مقدم کرتا ہوں اور دونوں ممالک کی قیادت کا تہہ دل سے شکریہ ادا کرتا ہوں اور تمام تنازعات کے تصفیہ اور ایک حتمی معاہدے کیلئے مزید بات چیت کیلئے جمعہ 10 اپریل 2026ء کو فریقین کے وفود کو اسلام آباد میں مدعو کرتا ہوں۔ وزیراعظم پاکستان کا کہنا تھا کہ فریقین نے قابل ذکر حکمت اور سمجھداری کا مظاہرہ کیا ہے اور امن و استحکام کے مقصد کو آگے بڑھانے میں تعمیری طور پر مصروف عمل رہے ہیں، ہمیں پوری امید ہے کہ ’اسلام آباد مذاکرات‘ پائیدار امن کے حصول میں کامیاب ہوں گے، مزید اچھی چیزیں بانٹنا چاہتے ہیں۔ خیال رہے کہ وزیراعظم پاکستان نے امریکی صدر سے درخواست کی تھی کہ سفارتکاری کو موقع دینے کیلئے ایران پر حملے کی ڈیڈ لائن میں 2 ہفتوں کی توسیع کی جائے، انہوں نے ایران سے بھی آبنائے ہرمز کو 2 ہفتوں کیلئے کھولنے کی درخواست کی تھی، جس پر فریقین نے رضا مندی ظاہر کر دی ہے۔
وزیراعظم اور فیلڈمارشل کی دور اندیش قیادت
پنجاب کی سینئر وزیر مریم اورنگزیب نے کہا ہےکہ وزیراعظم شہبازشریف اور فیلڈ مارشل عاصم منیر کی پُرعزم اور دور اندیش قیادت نے ایک تباہ کن جنگ کو ٹال دیا۔ نجی ٹی وی چینل جیو نیوز کے مطابق ایک بیان میں مریم اورنگزیب نے کہا کہ وزیراعظم شہبازشریف اور فیلڈمارشل عاصم منیر کو اللہ تعالیٰ نےعظیم عزت سے نوازا، آپ کی پُرعزم اور دوراندیش قیادت نے ایک تباہ کن جنگ کو ٹال دیا۔ سینئر وزیر نے کہا کہ انہوں نے لاکھوں معصوم جانوں کو محفوظ بنایا اور دنیا کو تباہی کے دہانے سے واپس لائے، یہ اعلیٰ ترین قیادت کی بہترین مثال ہے، یہ پاکستان کے لیے ایک قابلِ فخر اور تاریخی لمحہ ہے۔ مریم اورنگزیب کا کہنا تھا کہ اتحاد، وقار اورعزت کا ایسا لمحہ جس پرملک وبیرونِ ملک ہر پاکستانی کو ناز ہے، ٹرمپ اور ایرانی قیادت کو سراہتے ہیں کہ انہوں نے مذاکرات کے راستے کا انتخاب کیا۔
برطانوی ہائی کمشنر کا جنگ بندی میں
پاکستان میں تعینات برطانوی ہائی کمشنر جین میریٹ نے اہم جنگ بندی میں پاکستان کی سفارتی کوششوں پر شکریہ ادا کیا ہے۔ سماجی رابطوں کی ویب سائٹ ایکس پر بیان جاری کرتے ہوئے انہوں نے لکھا کہ پاکستان کا خاموش، مؤثر سفارتکاری کا شکریہ۔ جین میریٹ نے لکھا کہ پاکستان کا شکریہ کہ اس نے اس اہم جنگ بندی میں کردار ادا کیا۔ واضح رہے کہ پاکستان کی کامیاب سفارتکاری سے ڈونلڈ ٹرمپ نے جنگ بندی میں دو ہفتوں کی توسیع کردی ہے۔ امریکی صدر ڈونلڈ ٹرمپ نے ایران کو آبنائے ہرمز کو دوبارہ کھولنے یا سویلین انفراسٹرکچر پر حملوں کی ڈیڈ لائن سے صرف ڈیڑھ گھنٹہ قبل ہی جنگ بندی کا اعلان کیا۔
وفاقی کابینہ کا اہم اجلاس آج طلب
وفاقی کابینہ کا اہم اجلاس وزیراعظم شہباز شریف کی زیر صدارت آج طلب کر لیا گیا۔ نجی ٹی وی چینل دنیا نیوز کے مطابق ذرائع کا کہنا ہے کہ اجلاس میں مشرق وسطیٰ کی صورتحال پر غور کیا جائے گا، وزیراعظم شہباز شریف وفاقی کابینہ کو اب تک کی صورتحال پر اعتماد میں لیں گے۔ ذرائع کے مطابق وزیر اعظم ایران اور امریکا جنگ بندی کے حوالے سے پاکستان کی کوششوں سے آگاہ کریں گے۔ ذرائع کا کہنا ہے کہ اجلاس میں پٹرولیم مصنوعات کے ذخائر اور دستیابی کا بھی جائزہ لیا جائے گا، پٹرولیم مصنوعات کی قیمتوں میں ردوبدل پر بھی غور ہوگا۔
پاکستان کو عالمی امن کے فروغ اور
وفاقی وزیر آئی ٹی شزا فاطمہ نے کہا ہے کہ پاکستان کو عالمی امن کے فروغ اور مؤثر سفارتکاری پر نوبیل انعام ملنا چاہیے۔ نجی ٹی وی چینل دنیا نیوز کے مطابق وفاقی وزیر آئی ٹی نے وزیرِ اعظم شہباز شریف کی قیادت کو خراجِ تحسین پیش کرتے ہوئے وزیرِ اعظم اور چیف آف ڈیفنس فورسز کا جنگ بندی میں کامیاب ثالثی پر شکریہ ادا کیا۔ شزا فاطمہ خواجہ نے کہا ہے کہ پاکستان کا امن، مکالمہ اور علاقائی استحکام کے لیے عزم ایک بار پھر نمایاں ہوا ہے، ایران، امریکہ اور اتحادیوں کے درمیان جنگ بندی میں پاکستان نے اہم کردار ادا کیا، یہ کامیابی اعلیٰ درجے کی دانشمندی، استقامت اور قیادت کی عکاس ہے۔ انہوں نے مزید کہا پاکستان کی تعمیری سفارتکاری عالمی سطح پر مؤثر ثابت ہوئی ہے، پاکستان کو عالمی امن کے فروغ اور مؤثر سفارتکاری پر نوبیل انعام ملنا چاہیے، انہوں نے اسلام آباد مذاکرات کو دیرپا امن کی جانب اہم پیش رفت قرار دیا ہے۔ وفاقی وزیر آئی ٹی کا کہنا تھا کہ خطے میں بامعنی مکالمے کے فروغ کے لیے پاکستان کا کردارہمیشہ سے قابلِ فخر ہے، پاکستان ہم آہنگی، استحکام اور تعاون کے فروغ کے لیے پُرعزم ہے جبکہ مستقبل کے لیے امن اور شراکت داری پاکستان کی اولین ترجیح ہے۔
ایران-امریکہ سیز فائر میں پاکستان کا کردار
وزیر اطلاعات پنجاب عظمیٰ بخاری نے کہا ہے کہ الحمدللہ آج دنیا کی نظریں پاکستان پر ہیں۔ نجی ٹی وی چینل دنیا نیوز کے مطابق اپنے بیان میں عظمیٰ بخاری کا کہنا تھا کہ ایران اور امریکا کے درمیان سیز فائر میں پاکستان کا مثبت اور مؤثر کردار ایک بڑی سفارتی کامیابی ہے، درست سیاسی و سفارتی حکمت عملی کے باعث پاکستان اپنا کھویا ہوا مقام دوبارہ حاصل کر رہا ہے۔ صوبائی وزیر اطلاعات نے کہا کہ وزیراعظم شہباز شریف کی قیادت اور فیلڈ مارشل عاصم منیر کی پیشہ ورانہ صلاحیتوں نے ثابت کر دیا ہے کہ پاکستان نہ صرف خطے بلکہ دنیا میں امن کا ایک اہم ستون بن چکا ہے۔ عظمیٰ بخاری نے کہا کہ افسوس کے ساتھ کہنا پڑتا ہے کہ سوشل میڈیا پر ایک مخصوص ٹولہ اس کامیابی پر بھی ناخوش ہے، جو ہر مثبت پیش رفت کو متنازع بنانے کی کوشش کرتا ہے، عوام کو دیکھنا چاہیے کہ کون عناصر پاکستان کی ہر کامیابی سے ناخوش ہو کر منفی رویہ اختیار کرتے ہیں۔ ان کا مزید کہنا تھا کہ ایک وقت تھا جب پاکستان کو ڈیفالٹ کی خبروں سے جوڑا جاتا تھا، مگر آج پاکستان ایک ذمہ دار اور باوقار عالمی طاقت کے طور پر ابھر رہا ہے۔
پیٹرولیم مصنوعات کی قیمتیں
وزیراعظم شہباز شریف کا آج قوم سے خطاب بھی متوقع ہے جس میں شہباز شریف خطے کی تازہ صورتحال اور پاکستان کے مؤقف اور قیام امن کیلئے پاکستان کی سفارتی کوششوں سے آگاہ کریں گے۔ نجی ٹی وی سما نیوز کے مطابق ذرائع کا کہنا ہے کہ پیٹرولیم مصنوعات کی قیمتوں اور کھپت سے متعلق حکومتی حکمت عملی بیان کیے جانے کا بھی امکان ہے۔ توانائی بحران اور ایندھن کے استعمال میں بچت سے متعلق اقدامات پر بھی بات متوقع ہے۔ ذرائع کا کہنا ہے وزیراعظم عوام سے مشکل حالات میں قومی یکجہتی اور ذمہ داری کا مظاہرہ کرنے کی اپیل کریں گے خیال رہے کہ وفاقی کابینہ کا اجلاس آج وزیراعظم شہباز شریف کی صدارت میں ہوگا،علاقائی کشیدگی کے تناظر میں پاکستان کی آئندہ سفارتی حکمت عملی پر غور ہوگا۔ عوامی ریلیف اور معاشی استحکام سے متعلق اقدامات کا جائزہ بھی ایجنڈے میں شامل ہے۔ اجلاس کے بعد وزیر اعظم کی صدر مملکت سے ملاقات متوقع جبکہ وزیراعظم کیجانب سے قوم کو آج اہم معاملات پر اعتماد میں لیے جانے کا بھی امکان ہے۔ ملکی استحکام، معاشی بہتری اور امن کے قیام کیلئے حکومتی لائحہ عمل بھی قوم کے سامنے رکھا جائے گا۔
ملک بھر میں بازار، مارکیٹیں، شاپنگ
وزیراعظم شہباز شریف کی زیر صدارت پیٹرولیم مصنوعات سے متعلق اجلاس میں ملک بھر میں بازار، مارکیٹیں، شاپنگ مالز رات 8 بجے بند کرنے کا فیصلہ کرلیا گیا۔ تفصیلات کے مطابق وزیراعظم محمد شہباز شریف کی زیر صدارت پیٹرولیم مصنوعات ، توانائی کی بچت اور کفایت شعاری کے اقدامات کے نفاذ کے حوالےسے اہم جائزہ اجلاس ہوا ۔اجلاس میں نائب وزیراعظم و وزیر خارجہ اسحاق ڈار ، وفاقی وزیر اقتصادی امور احد خان چیمہ اور متعلقہ اعلیٰ سرکاری افسران نے شرکت کی ۔ اجلاس میں صوبہ پنجاب، خیبر پختونخوا، بلوچستان ، اسلام آباد کیپیٹل ٹیریٹری ، گلگت بلتستان اور آزاد جموں و کشمیر میں بازار، مارکیٹیں، شاپنگ مالز رات 8 بجے بند کرنے کا فیصلہ کیا گیا ۔خیبر پختونخوا کے ڈویژنل ہیڈکوارٹرز میں بازار، مارکیٹس اور شاپنگ مالز رات 9 بجے تک کھلے رکھنے کی اجازت ہو گی ،یہ فیصلہ صوبائی حکومت کی مشاورت سے کیا گیا ہے. اجلاس میں فیصلہ کیا گیا کہ روزمرہ کے استعمال کی اشیاء کی دکانیں، ڈیپارٹمنٹل سٹورز اور ہر قسم کے مالز بھی رات 8 بجے بند ہوں گے ۔بیکریاں، ریسٹورنٹ تندور، اور کھانے پینے کی دیگر دکانیں رات 10 بجے بند کر دیئے جائیں گے. میرج ہالز، مارکیز، اور دیگر کمرشل جگہیں جن میں شادیاں منعقد ہوتی ہیں ، رات 10 بجے کے بعد بند رہیں گی۔ نجی پراپرٹیز اور گھروں میں بھی شادی بیاہ کی تقریبات 10 بجے رات کے بعد منعقد کرنے پر پابندی ہو گی ۔میڈیکل سٹورز اور فارمیسیز کے اوقات کار ان پابندیوں سے مستثنیٰ ہوں گے۔ اجلاس کو بریفنگ میں بتایا گیا کہ صوبہ سندھ میں مارکیٹس اور دیگر اوقات کار کے حوالے سے مشاورت کا عمل جاری ہے۔وفاقی حکومت کی جانب سے پیٹرولیم مصنوعات کی مد میں دی گئی سبسڈی ڈیجیٹل والٹس کے ذریعے منتقل کرنے کا عمل جاری ہے ؛ 1 لاکھ ٹرانزیکشن ہو چکی ہیں ۔ وزیراعظم شہباز شریف نے کہا کہ وزرائےاعلیٰ پنجاب، خیبر پختونخوا ،بلوچستان، گلگت بلتستان اور وزیراعظم کا آزاد جموں و کشمیر کا شکریہ ادا کرتے ہیں کہ انہوں نے قومی اہمیت کے ان اہم معاملات میں اتفاق رائے سے فیصلہ کیا۔سندھ حکومت کی سٹیک ہولڈرز سے مشاورت جاری ہے. مجھے امید ہے کہ وزیر اعلیٰ سندھ بھی اس حوالے سے جلد مشاورت کا عمل مکمل کرنے کے بعد، اس فیصلے میں شامل ہو جائیں گے ۔گلگت شہر اور مظفرآباد شہر میں انٹراسٹی پبلک ٹرانسپورٹ ایک ماہ کے لئے مفت ہو گی ؛ تمام اخراجات وفاقی حکومت برداشت کرے گی ۔
اگر امریکہ نے ایران میں زمینی فوج اتاری
دفاعی تجزیہ کار ایئر مارشل ریٹائرڈ ارشد ملک نے کہا ہے کہ اگر امریکہ نے ایران میں زمینی فوج اتاری تو نقصان امریکہ کو ہی ہو گا۔جیو نیوز کے پروگرام کیپٹل ٹاک میں گفتگو کرتے ہوئے ایئر مارشل ریٹائرڈ ارشد ملک نے کہا کہ ایران سے اتنے تابوت واپس جائیں گے کہ امریکیوں کو گنتی مشکل ہوجائے گی۔پروگرام میں گفتگو کرتے ہوئے ماہر میزائل ٹیکنالوجی ائیر کموڈو (ر) محمد ابراہیم نے گفتگو کرتے ہوئے امریکی میڈیا کا یہ الزام غلط قرار دیا کہ ایران شمالی کوریا کے میزائل استعمال کر رہا ہے۔انہوں نے کہا کہ ایران کے پاس اپنی میزائل ٹیکنالوجی اور صلاحیت موجود ہے۔
اسحاق ڈار کاکینیڈا کی وزیرِ خارجہ سے رابطہ
نائب وزیرِ اعظم و وزیرِ خارجہ سینیٹر محمد اسحاق ڈار نے کینیڈا کی وزیرِ خارجہ انیتا آنند سے ٹیلیفون پر گفتگو کی۔ دفتر خارجہ سے جاری بیان کے مطابق دونوں رہنماؤں نے بدلتی ہوئی علاقائی صورتحال پر تبادلۂ خیال کیا اور کشیدگی میں فوری کمی لانے کی ضرورت پر زور دیا۔ نائب وزیرِ اعظم و وزیرِ خارجہ نے خطے میں امن و استحکام کے فروغ کیلئے مذاکرات اور سفارت کاری کی اہمیت کو اجاگر کیا۔ دونوں فریقین نے پاکستان اور کینیڈا کے تعلقات کے حوالے سے اپنے عزم کا اعادہ کیا، اعلیٰ سطح کے رابطوں کی اہمیت پر زور دیا اور مستقبل میں بھی مسلسل رابطے میں رہنے پر اتفاق کیا۔
عباس عراقچی کا قطر کے وزیر اعظم کو فون
قطر کے وزیرِاعظم اور وزیرِ خارجہ شیخ محمد بن عبدالرحمن بن جاسم آل ثانی سے ایران کے وزیرِ خارجہ ڈاکٹر عباس عراقچی کی جانب سے ٹیلیفونک رابطہ کیا گیا، جس میں خطے میں جاری کشیدگی اور اس کے ممکنہ اثرات پر تفصیلی گفتگو کی گئی۔ قطر کی وزارت خارجہ کے مطابق گفتگو کے دوران دونوں رہنماؤں نے موجودہ صورتحال اور اس سے علاقائی امن و استحکام کو درپیش خطرات کا جائزہ لیا۔ اس موقع پر قطری وزیرِاعظم نے ایران کی جانب سے قطر اور دیگر علاقائی ممالک کو مسلسل نشانہ بنانے کی سخت الفاظ میں مذمت کی۔ انہوں نے واضح کیا کہ ایسے ممالک کو نشانہ بنانا جو جنگ سے خود کو الگ رکھے ہوئے ہیں، خطے کے امن سے کھیلنے کے مترادف ہے اور یہ عمل شدید غیر ذمہ داری کا مظہر ہے۔ شیخ محمد بن عبدالرحمن آل ثانی نے اس بات پر بھی زور دیا کہ شہری تنصیبات اور عوامی وسائل کو نشانہ بنانا کسی بھی صورت قابل قبول نہیں اور اسے ہر حال میں مسترد کیا جانا چاہیے۔ انہوں نے تمام فریقین پر زور دیا کہ وہ بین الاقوامی قوانین کا احترام کریں اور عام شہریوں کو تنازعات کے نقصانات سے محفوظ رکھیں۔ انہوں نے مزید کہا کہ موجودہ بحران کا حل صرف اور صرف جامع اور پائیدار سفارتی راستے میں ہے، جو خطے میں دیرپا امن اور استحکام کو یقینی بنا سکتا ہے اور کشیدگی میں مزید اضافے کو روک سکتا ہے۔
وزیراعظم سے رانا مشہودکی ملاقات ،
وزیراعظم شہبازشریف سے رانا مشہوداحمد خان نے ملاقات کی اور یوتھ پروگرام کے منصوبوں کی پیشرفت پر بریفنگ دی۔ نجی ٹی وی چینل دنیا نیوز کے مطابق وزیراعظم شہبازشریف کاکہناتھا کہ نوجوان ہماری قوم کا مستقبل ہیں،نوجوانوں کو ملازمت، تعلیم اور تکنیکی تربیت فراہم کرنے پر توجہ دے رہے ہیں،نوجوانوں کو بہترین افرادی قوت کے طور پر متعارف کرانے کیلئے کوشاں ہیں۔
پاکستان کی کرپٹو ڈپلومیسی
پاکستان کی کرپٹو ڈپلومیسی اور سفارتی کامیابیاں عالمی سطح پر تسلیم کر لی گئیں۔ پاکستان کی معاشی پیش رفت اور جدید کرپٹو ڈپلومیسی کو عالمی سطح پر پذیرائی مل رہی ہے، حتیٰ کہ بھارتی میڈیا نے بھی پاکستان کی ڈیجیٹل صلاحیت، مؤثر حکمت عملی اور سفارتی کامیابیوں کا اعتراف کیا ہے۔ ٹائمز آف انڈیا کے مطابق پاکستانی ڈپلومیسی نے عالمی محاذ پر نمایاں برتری حاصل کی ہے، جبکہ ڈونلڈ ٹرمپ کی جانب سے پاکستانی قیادت کی تعریف نے دونوں ممالک کے تعلقات میں ذاتی پہلو کو بھی اجاگر کیا۔ رپورٹس میں یہ بھی کہا گیا ہے کہ زیکری وٹکوف سے روابط نے واشنگٹن میں پاکستان کے اثر و رسوخ کو بڑھایا ہے۔ اس سفارتی پیش رفت میں بلال بن ثاقب کا کردار کلیدی قرار دیا جا رہا ہے، جنہوں نے 2025 کے دوران عالمی کرپٹو شخصیات سے مضبوط روابط استوار کیے۔ مزید برآں این ڈی ٹی وی کے مطابق بلال بن ثاقب ڈونلڈ ٹرمپ کے کرپٹو منصوبے ورلڈ لبرٹی فنانشل کے مشیر بھی بنے، جسے ایک اہم پیش رفت قرار دیا جا رہا ہے۔ رپورٹس کے مطابق پاکستان نے کرپٹو ڈپلومیسی کے ذریعے وائٹ ہاؤس کے ساتھ اعتماد سازی کو فروغ دیا، جو مستقبل میں دوطرفہ تعلقات کو مزید مستحکم کرنے میں مددگار ثابت ہو سکتی ہے۔
بھٹو کو منصفانہ ٹرائل نہ ملنا
صدر مملکت آصف علی زرداری نے کہا ہے کہ ذوالفقار علی بھٹو کو منصفانہ ٹرائل نہ ملنا تاریخی حقیقت ہے۔ آصف علی زرداری نے ذوالفقار علی بھٹو کی 47ویں برسی کے موقع پر اپنے پیغام میں کہا ہے کہ آج ملک بھر میں سابق وزیر اعظم کی برسی منائی جا رہی ہے۔ صدر مملکت نے کہا کہ سپریم کورٹ آف پاکستان کی رائے کے مطابق بھٹو کو منصفانہ ٹرائل نہیں ملا اور ان کے کیس میں قانونی تقاضے نظر انداز کیے گئے۔ انہوں نے مزید کہا کہ عدالتی مشاہدے کے مطابق بھٹو کیس میں اپیل کے حق کو بھی متاثر کیا گیا۔ آصف زرداری نے کہا کہ 1973 کا آئین بھٹو دور کی ایک بڑی کامیابی ہے جبکہ انصاف اور قانون کی بالادستی ہر معاشرے کے لیے ناگزیر ہے۔ انہوں نے کہا کہ جنرل ضیاء الحق کے مارشل لا کے بعد کیس کو دوبارہ کھولا گیا، جس کے اثرات عوام پر بھی مرتب ہوئے۔ صدر نے اس بات پر زور دیا کہ انصاف کی عدم فراہمی کے اثرات پوری قوم پر پڑتے ہیں اور اداروں کو قانون اور انصاف کی پاسداری یقینی بنانا ہوگی۔ انہوں نے بینظیر بھٹو کی جمہوری جدوجہد کو خراج تحسین پیش کرتے ہوئے کہا کہ جمہوریت کی مضبوطی انصاف سے مشروط ہے۔ صدر مملکت کے مطابق عالمی رہنماؤں نے بھی بھٹو ٹرائل پر تشویش کا اظہار کیا تھا۔
پاکستان نے ایران اور امریکا
پاکستان نے ایران اور امریکا کے درمیان ثالثی سے متعلق جھوٹی خبروں کی تردید کر دی۔ ترجمان دفتر خارجہ طاہر اندرابی نے خطے میں جاری کشیدگی اور سوشل میڈیا پر گردش کرنے والی رپورٹس کے حوالے سے جاری بیان میں کہا ہے کہ دفتر خارجہ نے میڈیا اور سوشل میڈیا پر متعدد ایسی رپورٹس دیکھی ہیں جن میں نام نہاد سرکاری ذرائع کا حوالہ دیتے ہوئے علاقائی تنازع اور پاکستان کی امن و مکالمے کی کوششوں سے متعلق بے بنیاد دعوے کیے گئے۔ ترجمان نے واضح کیا کہ ان جھوٹے اور بے بنیاد الزامات کو قطعی طور پر مسترد کیا جاتا ہے، جنہیں مبینہ سرکاری ذرائع سے منسوب کیا گیا حالانکہ ان کی کوئی حقیقت نہیں۔ انہوں نے کہا کہ یہ امر باعث تشویش ہے کہ جمعہ کے روز وزارت خارجہ میں دی گئی بریفنگ کو غلط انداز میں پیش کیا گیا اور ایسے معاملات کا حوالہ دیا گیا جو نہ زیر بحث آئے اور نہ ہی ان کی طرف کوئی اشارہ کیا گیا تھا۔ ترجمان دفتر خارجہ نے مبینہ حکومتی ترجمان سے منسوب الزام تراشی پر مبنی رپورٹس کو بھی یکسر مسترد کرتے ہوئے کہا کہ موجودہ حساس علاقائی صورتحال میں سفارتکاری احتیاط اور ذمہ داری کا تقاضا کرتی ہے۔ انہوں نے تمام میڈیا پلیٹ فارمز سے اپیل کی کہ وہ رپورٹنگ میں ضروری احتیاط برتیں اور قیاس آرائیوں سے گریز کریں۔ ترجمان کے مطابق درست اور بروقت معلومات کے لیے صرف سرکاری طور پر جاری کردہ بیانات اور میڈیا ریلیزز پر ہی انحصار کیا جانا چاہیے۔
پاکستان نے سفارتی محاذ پر بھارت
فارن پالیسی میگزین میں بھارتی صحافی و تجزیہ کار سوشانت سنگھ کے شائع ہونے والے آرٹیکل میں اعتراف کیا گیا ہے کہ پاکستان نے سفارتی محاذ پر بھارت کو نمایاں طور پر پیچھے چھوڑ دیا ہے۔ آرٹیکل کے مطابق پاکستان امریکہ اور ایران کے درمیان ایک کلیدی ثالث کے طور پر ابھرا ہے، جو بھارت کے لیے بڑا سفارتی دھچکا ہے۔ مزید کہا گیا ہے کہ نریندر مودی کے برعکس پاکستان کے فیلڈ مارشل عاصم منیر عالمی سفارتکاری کے مرکز ہیں۔ تحریر میں دعویٰ کیا گیا ہے کہ خطے میں طاقت کا توازن تبدیل ہو رہا ہے اور پاکستان نے مؤثر سفارتکاری کے ذریعے اپنا کردار بڑھایا ہے۔ چین کے ساتھ مضبوط تعلقات برقرار رکھتے ہوئے پاکستان کی عالمی اہمیت میں بھی نمایاں اضافہ ہوا ہے۔ آرٹیکل میں کہا گیا ہے کہ بھارت اہم مشرق وسطیٰ مذاکرات سے باہر ہو گیا ہے، جو نئی دہلی کے لیے ایک بڑا سفارتی نقصان ہے۔ مزید یہ کہ مودی حکومت کے دور میں امریکہ کے ساتھ بھارت کا اثر و رسوخ بھی کمزور پڑ گیا ہے۔ تحریر کے مطابق پاکستان کو تنہا کرنے کی کوششیں ناکام ہو چکی ہیں اور عالمی طاقتیں اب پاکستان کو نظر انداز نہیں کر سکتیں۔ پاکستان کو مشرق وسطیٰ میں امن کے قیام کے لیے ایک اہم کردار ادا کرنے والا ملک قرار دیا گیا ہے، جو امریکہ، چین، ایران اور خلیجی ممالک کے درمیان پل کا کردار ادا کر رہا ہے۔ آرٹیکل میں یہ بھی کہا گیا ہے کہ امریکی صدر ڈونلڈ ٹرمپ نے مودی کے بجائے پاکستان پر اعتماد کیا جبکہ پاکستان کی کامیاب سفارتکاری نے بھارت کے بیانیے کو کمزور کر دیا ہے۔ بھارت کو محض بیانات تک محدود جبکہ پاکستان کو عملی سفارتکاری کرنے والا ملک قرار دیا گیا ہے۔
پیٹرول مہنگا: جیسے جیسے عالمی
لاہور: پنجاب کی سینئر وزیر مریم اورنگزیب نے پیٹرولیم مصنوعات کی قیمتوں میں اضافے پر کہا ہےکہ جیسے جیسے عالمی حالات بہتر ہوں گے اسی عزم اور حکمت کے ساتھ ریلیف بھی فراہم کیا جائے گا۔ سماجی رابطے کی سائٹ ایکس پر جاری بیان میں مریم اورنگزیب نے کہا کہ وزیراعظم شہباز شریف کو دل کی گہرائیوں سے خراجِ تحسین پیش کرتی ہوں جنہوں نے عالمی منڈی میں تیل کی قیمتوں میں مسلسل اضافے کے باوجود ایک ماہ تک اس کا بوجھ عوام پر منتقل نہیں ہونے دیا، یہ صرف ایک فیصلہ نہیں بلکہ ذمہ دار قیادت، مؤثر حکمتِ عملی اور بہترین فِسکل مینجمنٹ کی واضح مثال ہے۔ انہوں نے کہا کہ آج بھی جب قیمتوں میں اضافہ ناگزیر تھا تو اسے عام عوام پر مکمل بوجھ ڈالنے کے بجائے ٹارگٹڈ سبسڈی کے ذریعے متوازن کیا گیا، یہ وہ قیادت ہے جو مشکل حالات میں بھی عوام کو تنہا نہیں چھوڑتی بلکہ ہر ممکن حد تک سہارا دیتی ہے۔ مریم اورنگزیب کا کہنا تھا اللہ تعالیٰ کا شکر ہے کہ پاکستان ایسے رہنما کے ہاتھوں میں ہے جو عوام کے دکھ درد کو سمجھتا ہے اور ان کے لیے عملی اقدامات کرتا ہے، وزیراعظم شہباز شریف کو وفاق کی اکائیوں اور پاکستان کی تمام سیاسی جماعتوں کو اکٹھا ہونے پر مبارکباد دیتی ہوں اور تمام وزرائےاعلیٰ کو خراج تحسین پیش کرتی ہوں، ہم انشااللہ ایک قوم بن کر ان مشکل حالات کامقابلہ کریں گے، جیسے جیسے عالمی حالات بہتر ہوں گے، اسی عزم اور حکمت کے ساتھ مزید ریلیف بھی فراہم کیا جائے گا۔
آئی ایم ایف پیٹرولیم لیوی
اسلام آباد: بین الاقوامی مالیاتی فنڈ (آئی ایم ایف) نے پاکستان کی جانب سے پیٹرولیم مصنوعات پر عائد لیوی میں نرمی کی درخواست کو قبول کرنے سے گریز ظاہر کیا ہے، اگرچہ حکومت ایران جنگ کے سبب عالمی سطح پر بڑھتی ہوئی تیل کی قیمتوں کے اثرات سے عوام کو تحفظ فراہم کرنے کے لیے ریلیف دینے کی کوشش کر رہی ہے۔ باخبر ذرائع کے مطابق وزیر اعظم شہباز شریف کو جمعرات کو آئی ایم ایف کے ابتدائی ردعمل کے بارے میں آگاہ کیا گیا، جس میں لیوی کے ڈھانچے میں کسی قسم کی رعایت کی حمایت نہیں کی گئی۔ تاہم وزیر اعظم نے وزارت خزانہ کو ہدایت کی کہ وہ دوبارہ آئی ایم ایف سے رابطہ کرے اور عوام پر بوجھ کم کرنے کے لیے نرمی کی تجویز دوبارہ پیش کرے۔ ذرائع نے بتایا کہ وزیر اعظم نے اس بات پر زور دیا کہ عالمی تیل کی قیمتوں میں اضافے کا مکمل اثر صارفین پر منتقل کرنا عوام کے لیے ’’کچھ زیادہ‘‘ ہوگا اور مہنگائی میں نمایاں اضافہ کر سکتا ہے۔ انہوں نے اقتصادی حکام سے کہا کہ وہ تمام ممکنہ اقدامات پر غور کریں تاکہ اس صورتحال کے اثرات کو کم کیا جا سکے۔یہ پیشرفت اس وقت سامنے آئی ہے جب حکومت پہلے ہی آئی ایم ایف سے پیٹرولیم لیوی میں تبدیلی کی اجازت لینے کی کوشش کر رہی تھی تاکہ عالمی قیمتوں کے اثرات کا کچھ حصہ عوام پر نہ آئے۔ تاہم فنڈ محتاط ہے اور پیٹرولیم مصنوعات پر عائد لیوی کو اہم ریونیو ذریعہ اور جاری پروگرام کی شرائط کے ایک کلیدی جزو کے طور پر دیکھ رہا ہے۔اس مسئلے پر اس ہفتے کے آغاز میں بھی بات ہوئی تھی۔ وزیر اعظم شہباز شریف نے وزارت خزانہ کو ہدایت کی تھی کہ وہ پیٹرول اور ڈیزل پر لگنے وا لی لیوی کے ڈھانچے کے بارے میں آئی ایم ایف سے رابطہ کرے، تاکہ ایران جنگ کے باعث بڑھتی ہوئی عالمی تیل کی قیمتوں کا عوام پر اضافی بوجھ نہ پڑے۔وزیر اعظم نے کہا کہ وزارت خزانہ IMF سے یہ معاملہ اٹھائے تاکہ اگر پیٹرولیم قیمتوں میں کسی قسم کی ضرورت کے مطابق ایڈجسٹمنٹ ہو، تو اسے موجودہ محصولات کے ساتھ متوازن کیا جا سکے۔ اس وقت حکومت پیٹرول پر فی لیٹر 100 روپے اور ڈیزل پر فی لیٹر 55 روپے لیوی عائد کر رہی ہے، جو آئی ایم ایف کی شرائط کا حصہ ہیں۔ حکومت پہلے ہی صارفین کو خاطر خواہ ریلیف فراہم کر چکی ہے، تقریباً 129 ارب روپے سبسڈی کے ذریعے ایندھن کی قیمتیں مستحکم رکھی گئی ہیں۔ ذرائع کے مطابق یہ ریلیف ترقیاتی بجٹ میں کمی اور دیگر اخراجات میں بچت کے ذریعے ممکن بنایا گیا، جو ظاہر کرتا ہے کہ حکومت عوام کو بیرونی جھٹکوں سے محفوظ رکھنے کے لیے پرعزم ہے۔
بلوچستان کے عوام محنتی اور باصلاحیت ہیں
سابق امیر جماعت اسلامی سراج الحق کا کہناہے بلوچستان کے عوام محنتی اور باصلاحیت ہیں، مگر افسوس کہ ملک کا سب سے بڑا صوبہ حکومتی عدم توجہی کے باعث بدامنی اور بنیادی حقوق سے محرومی کا شکار ہے۔ اپنے ایکس بیان میں انہوں نے کہا گوادر کا ساحل پاکستان کے لیے حقیقی معنوں میں گیم چینجر بن سکتا ہے۔ بلوچستان کی سیاست میں اگر حقیقی عوامی نمائندوں کو موقع دیا جائے تو یہ صوبہ نہ صرف اپنی بلکہ پورے ملک کی تقدیر بدلنے کی صلاحیت رکھتا ہے۔
پنجاب کے 1 لاکھ طلباء و اساتذہ کی
پنجاب کے 1 لاکھ طلباء و اساتذہ کی ڈیجیٹل سکلز میں مہارت کیلئے محکمہ ہائیر ایجوکیشن اور گوگل ٹیک ویلی کے درمیان مفاہمتی یادداشت پر دستخط کیے گئے۔معاہدے کے مطابق گوگل ٹیک ویلی پنجاب کے 1 لاکھ طلباء، فیکلٹی ممبران اور سپورٹنگ سٹاف کی گوگل کیرئیر سرٹیفیکیشن میں معاونت کرے گی۔ وزیر تعلیم رانا سکندر حیات نے کہا ہے کہ طلباء، اساتذہ اور سپورٹنگ سٹاف کو ہزاروں ڈالرز کے مہنگے ترین کورسز مفت کروائے جائیں گے۔ ایم او یو کے مطابق 64 سرکاری و نجی یونیورسٹیز کے طلباء و فیکلٹی ممبران گوگل کیرئیر سرٹیفکیٹ سے مستفید ہو سکیں گے۔ طلباء کی کیپسٹی بلڈنگ کیلئے 14 جدید کورسز متعارف کروائے ہیں جن سے استفادہ کے بعد عالمی مارکیٹ میں ان کی ڈیمانڈ ہوگی۔ رانا سکندر حیات نے مزید کہا کہ موجودہ سال یوتھ کا سال ہے۔ ڈیجیٹل سکلز میں طلباء کو بااختیار کرنا وزیر اعلیٰ پنجاب کا ویژن ہے۔ ٹیکنالوجی روز بروز ترقی کر رہی ہے۔ اس سے وابستگی ہی نوجوانوں کا روشن مستقبل ہے۔ نوجوانوں کو چیلنجز کو اے آئی کی مدد سے دور کرنے کا گڑ سکھا رہے ہیں۔ انہیں ٹیکنالوجی میں امپاور کریں گے۔ بہترین پرفارمنس والی 5 یونیورسٹیوں کے وی سیز کو ٹریننگ کیلئے گوگل ہیڈکوارٹرز بھیجیں گے۔
پرائیویٹ سیکٹر اور عوام الناس کا
وزیر خزانہ پنجاب میاں مجتبیٰ شجاع الرحمٰن نے کہا ہے کہ خطے میں جاری جنگ کے سبب عالمی سطح پر فیول کی بڑھتی ہوئی قیمتوں اور رسد میں کمی کے باوجود معاشی سرگرمیوں کو بحال رکھا جا رہا ہے ۔ وزیر اعظم شہباز شریف اور وزیر اعلیٰ مریم نواز مسلسل اس کوشش میں ہیں کہ مشکل حالات میں بھی پیٹرول کی سپلائی کو برقرار رکھا جائے تاکہ معیشت کا پہیہ چلتا رہے ۔ اس مقصد کے لیے وفاقی حکومت کی جانب سے پیٹرول کی قیمت پر ہفتہ وار بنیادوں پر خصوصی سبسڈی دی جا رہی ہے ۔صوبائی سطح پر سرکاری اداروں میں فیول کے استعمال کو 50 فیصد تک کم کیا جا رہا ہے۔ غیر ترقیاتی اخراجات پر 25 فیصد تک کٹ لگا دیا گیاہے ۔ ضرورت پڑنے پر ترقیاتی اخراجات میں بھی کمی کی جائے گی ۔ حکومت کی یہ تمام کوششیں صرف اس وقت سود مند ثابت ہوں گی جب پرائیویٹ سیکٹر بھی اپنا کردار ادا کرے گا۔ ان خیالات کا اظہار صوبائی وزیر نے فیڈریشن آف پاکستان چیمبرز آف کامرس اینڈ انڈسٹری کے دورہ کے موقع پر کیا جہاں چیمبر کی جانب سے کفایت شعاری اقدامات اور صوبے کی مجموعی سٹریٹجک معاشی پالیسی کے موضوع پر مکالماتی سیشن کا اہتمام کیا گیا تھا۔ وزیر خزانہ نے چیمبر کے اراکین کو جنگ جاری رہنے کی صورت میں فیول کی سپلائی میں کمی اور پٹرول کی قیمتوں میں مزید اضافے کے امکانات سے آگاہ کرتے ہوئے عوام الناس اور تاجر برادری کی جانب سے بھر پور تعاون کی ضرورت پر زور دیا۔ پنجاب حکومت کی جانب سے کفایت شعاری اقدامات سے آگاہ کرتے ہوئے صوبائی وزیر نے بتایا کہ پنجاب میں کفایت شعاری اقدامات کا آغاز خود حکومتی اراکین کی اخراجات میں کمی سے کیا گیا ہے کابینہ کے اراکین کو 2 ماہ کی تنخواہیں نہیں لیں گے اور نا ہی انھیں کوئی فیول دیا جائے گا۔ کابینہ اراکین اپنے فیول کا خرچ خود اٹھائیں گے ۔صوبائی وزراء کے پروٹوکول اور سرکاری دوروں پر مکمل پابندی ہو گی ۔اسمبلی اراکین کی تنخواہوں اور الاؤنسز پر 25 فیصد کٹ لگایا دیا گیا ہے۔ گریڈ 17 اور اس سے اوپر کے سرکاری ملازمین کی 2 ماہ کی تنخواہوں سے 2 دن کی تنخواہ کاٹی جا رہی ہے ۔ پبلک سیکٹر کمپنیوں کے بورڈ ممبرز کو آئندہ 2 ماہ بورڈ فیس ادا نہیں کی جائے گی۔ سرکاری سطح پر گاڑیوں اور دفتری آ ئٹمز کی خریداری پر مکمل پابندی ہو گی ۔ سبسڈیز کے دائرہ کو صرف ضرورت مند طبقہ تک محدود کیا جا رہا ہے۔ سرکاری دفاتر میں ورک فرام ہوم کی پالیسی اختیار کی جا رہی ۔دفاترمیں صرف ضروری سٹاف حاضری دے گا۔ ہفتے میں تین دن چھٹی کے فیصلہ پر نظر ثانی کا فیصلہ جمعے، ہفتے اور اتوار کو پٹرول کی کھپت میں اضافے کی پیش نظر کیا گیا ہے۔ پنجاب حکومت کی جانب سے تمام کفایت شعاری اقدامات پر عملدرآمد کے لیے باقاعدہ ایک مانیٹرنگ کمیٹی تشکیل دی گئی ہے جو آئندہ 2 ماہ کے دوران تمام سرکاری خریداریوں اور اخراجات کی نگرانی اور اخراجات میں مزید کمی کے امکانات کامسلسل جائزہ لے گی ۔ صوبائی میڈیا کہ توسط سے عوام الناس سے بھی اپیل کی کہ وہ فیول کے کم سے کم استعمال کو یقینی بنائیں ۔ پرائیویٹ سیکٹر اور عوام الناس کا تعاون فیول کی قیمتوں میں کمی کو یقینی بنا سکتا ہے۔ میاں مجتبیٰ شجاع الرحمٰن نے حکومت پنجاب کی جانب سے جاری ترقیاتی اقدامات کا ذکر کرتے ہوئے کہا کہ وزیر اعلیٰ مریم نواز کی خصوصی توجہ سے صحت، تعلیم اور فلاحی منصوبوں میں نمایاں بہتری آئی ہے۔ رمضان نگہبان پروگرام کے تحت لاکھوں مستحق خاندانوں تک مالی معاونت پہنچائی گئی، راشن کارڈ سکیم تحت فیکٹری ورکرز اور لیبر کو ریلیف فراہم مہیا کی جا رہی ہے۔ جبکہ کسان کارڈ کسانوں کو مالی معاونت مہیا کر کے زرعی شعبے کو مضبوط بنایا رہا ہے ۔ ٹیکس محکموں کی آٹومیشن کے ذریعے انسانی مداخلت کو مکمل طور پر ختم کیا جا رہا ہے ۔سسٹم میں جو نقائص باقی رہ گئے ہیں عوام کے فیڈ بیک سے وہ بھی دور کیے جا رہے ہیں۔ انہوں نے مزید کہا کہ گزشتہ 2 سال میں پنجاب حکومت نے صدی کے بدترین سیلاب اور دیگر قدرتی آفات کے باوجود ترقیاتی عمل کو متاثر نہیں ہونے دئیے۔ آ ئند ہ بھی حالات کو کنٹرول کرنے میں کامیاب رہیں گے۔ ایران کی جنگ میں پاکستان کو ثالثی کا کردار ادا کرنے کی زمہ داری سونپی گئی ہے اسے بخوبی نبھائیں گے ۔ اس موقع پر وزیر خزانہ کے ہمراہ سیکرٹری انڈسٹریز محمد عمر مسعود بھی موجود تھے ۔ سیشن سے خطاب کرتے ہوئے سیکرٹری انڈسٹریز نے کہا کہ ماضی کے برعکس موجودہ حکومت کی پالیسی صنعت دوست ہے وزیر اعلیٰ پنجاب کسی صورت انڈسٹری کی بندش کو ترجیح نہیں دیں گی۔ پاکستان میں 81 فیصد فیول مڈل ایسٹ سے آتا ہے یہی وجہ ہے کہ خطے کی موجودہ صورتحال ہمیں متاثر کر رہی ہے۔ فیول کی قیمتیں ایک بڑا چیلنج ہیں تاہم وفاقی و صوبائی حکومت سپلائی چین کو مستحکم رکھنے کے لیے مؤثر اقدامات کر رہی ہے اور مئی تک فیول کی دستیابی کو ہر صورت یقینی بنائیں گی۔ پرائیویٹ سیکٹر میں فیول کے استعمال میں کمی نہ آنا ایک تشویشناک امر ہے جس کے لیے مشترکہ حکمت عملی اپنانا ہوگی۔ انہوں نے الیکٹرک وہیکلز کے فروغ، ای ٹکٹنگ اور ڈیجیٹلائزیشن کے ذریعے اخراجات میں کمی اور شفافیت کے فروغ پر بھی روشنی ڈالی۔ نائب صدر فیڈریشن آف کامرس اینڈ انڈسٹریز ذکی اعجاز نے اپنے خطاب میں کہا کہ موجودہ حالات میں کاروباری سرگرمیوں کا تسلسل انتہائی ضروری ہے تاکہ ریونیو کی پیداوار برقرار رہے۔ حکومت کی جانب سے فیول کی دستیابی کو یقینی بنانا قابل تحسین ہے اور وزیراعظم و وزیر اعلیٰ کے بروقت اقدامات قابل ستائش ہیں۔ انہوں نے اس بات پر زور دیا کہ پاکستان کے پاس متبادل توانائی وسائل موجود ہیں جن سے فائدہ اٹھاتے ہوئے نہ صرف موجودہ بحران پر قابو پایا جا سکتا ہے بلکہ سرمایہ کاری کے نئے مواقع بھی پیدا کیے جا سکتے ہیں۔ انہوں نے کاروباری برادری کے مکمل تعاون کی یقین دہانی کروائی۔ مکالماتی سیشن میں مختلف تجاویز بھی پیش کی گئیں جن میں عوامی آگاہی مہم کے ذریعے فیول کے غیر ضروری استعمال کی حوصلہ شکنی، سوشل میڈیا پر غلط معلومات کی روک تھام، تعلیمی اداروں کو غیر ضروری بندشوں سے بچانا، کار پولنگ اور الیکٹرک ٹرانسپورٹ کے فروغ، اور کاروباری اوقات کار میں توازن پیدا کرنے جیسے اقدامات شامل تھے۔ مزید برآں صنعتی اور تجارتی سرگرمیوں کو متاثر کیے بغیر کفایت شعاری کے اہداف حاصل کرنے کے لیے پالیسی اقدامات پر بھی زور دیا گیا۔ اجلاس کے اختتام پر اس بات پر اتفاق کیا گیا کہ موجودہ معاشی چیلنجز سے نمٹنے کے لیے حکومت اور نجی شعبے کے درمیان مسلسل رابطہ اور تعاون ناگزیر ہے، اور مشترکہ حکمت عملی کے ذریعے ہی پائیدار معاشی استحکام حاصل کیا جا سکتا ہے۔
ٹرمپ کا ایران کے خلاف جنگ
امریکی صدر ڈونلڈ ٹرمپ نے ایران کے خلاف جاری کشیدگی میں شدت لانے کا عندیہ دیتے ہوئے کہا ہے کہ آئندہ چند ہفتے انتہائی اہم ہوں گے اور فوجی کارروائیاں مزید تیز کی جا سکتی ہیں۔ امریکی عوام سے خطاب میں انہوں نے دعویٰ کیا کہ امریکی افواج نے گزشتہ ایک ماہ کے دوران ایران کے اہم عسکری ڈھانچے کو شدید نقصان پہنچایا ہے اور کئی اہم اہداف کو نشانہ بنایا جا چکا ہے۔ ان کے بقول آپریشن اپنے اہم مراحل طے کر چکا ہے اور اب اسے منطقی انجام تک پہنچایا جائے گا۔ ٹرمپ نے یہ بھی کہا کہ ایران کی جانب سے ممکنہ خطرات میں نمایاں کمی آئی ہے اور اس کے اسٹریٹجک عزائم کو خاصا نقصان پہنچا ہے۔ تاہم انہوں نے واضح کیا کہ مکمل اہداف کے حصول تک کارروائیاں جاری رہیں گی۔ انہوں نے ایران کی توانائی تنصیبات کو بھی ممکنہ ہدف قرار دیا۔
’’میکرون کی بیوی ان کے
امریکی صدر ڈونلڈ ٹرمپ نے ایک بار پھر اپنے فرانسیسی ہم منصب ایمانوئل میکرون پر طنز کرتےہوئے کہا ہے کہ انہوں نے ’فرانس کے میکرون کو فون کیا، جن کے ساتھ ان کی اہلیہ بہت برا سلوک کرتی ہیں اور وہ ابھی تک جبڑے پر لگنے والے وار (تھپڑ) سے سنبھل رہے ہیں‘۔ یہ پہلا موقع نہیں جب صدر ٹرمپ نے میکرون کا مذاق اُڑایا ہے۔ اس سے قبل ڈیووس میں میکرون کی تقریر کے دوران ان کے ہوا بازوں جیسے سن گلاسز پہننے پر بھی ٹرمپ نے طنز کیا تھا۔ واضح رہے کہ گزشتہ برس فرانسیسی صدر سرکاری دورے پر ویتنام پہنچے تھے جہاں ایئرپورٹ پر حکام اور صحافی ان کے استقبال کے لیے موجود تھے۔ بین الاقوامی خبر رساں ایجنسی اے پی کے کیمرہ مین نے چند سیکنڈز کی ویڈیو کلپ ریکارڈ کی جو بین الاقوامی توجہ کا مرکز بن گئی۔ ویڈیو فوٹیج میں دیکھا جا سکتا ہے کہ اتوار کی شام ویتنام کے شہر ہنوئی میں جہاز کا دروازہ کھلا تو سامنے کھڑے بظاہر کوئی بات کرتے ایمانویل میکخواں کے چہرے کو ان کی اہلیہ نے اپنے دونوں ہاتھوں سے پرے دھکیلا۔ بعد ازاں انہوں نے بریگِٹ کا ہاتھ پکڑنے کی کوشش کی لیکن بریگِٹ میکرون نے سیڑھیوں کا جنگلہ پکڑ کر اترنے کو ترجیح دی۔ صدر میکرون نے صحافیوں کو وضاحت دیتے ہوئے بتایا کہ یہ صرف ہنسی مذاق تھا۔ فرانسیسی خاتون اول بریگِٹ میکرون 72 سالہ ہیں اور صدر میکرون سے 24 سال بڑی ہیں۔ دونوں کی پہلی ملاقات ہائی اسکول میں ہوئی تھی جب صدر میکرون کی عمر 15 سال اور بریگِٹ کی عمر 39 سال تھی۔ بعد ازاں 2007 میں دونوں نے شادی کی۔
معذور بھائی کے سامنے بہن سے
شیخوپورہ کے علاقے فیروزوالہ میں 15 سالہ لڑکی کے ساتھ اس کے معذور بھائی کے سامنے مبینہ زیادتی اور قتل کے افسوسناک واقعے پر وزیراعلیٰ پنجاب مریم نواز کی ہدایات پر چیئرپرسن پنجاب ویمن پروٹیکشن اتھارٹی حنا پرویز بٹ نے فوری ایکشن لیتے ہوئے ڈی پی او شیخوپورہ سے تفصیلی رپورٹ طلب کر لی۔ اطلاعات کے مطابق نامعلوم ملزمان نے لڑکی کو گھر میں اکیلا پا کر مبینہ زیادتی کا نشانہ بنایا اور بعد ازاں اسے تیز دھار آلے سے گلا کاٹ کر قتل کر دیا۔ پولیس نے مقدمہ درج کر کے 7 مشتبہ افراد کو حراست میں لے لیا ہے جبکہ مزید تفتیش جاری ہے۔
خیبر پختونخوا؛ سیکیورٹی فورسز کی کارروائیوں
خیبر پختونخوا میں سیکیورٹی فورسز کی کارروائیوں میں بھارتی پراکسی فتنۃ الخوارج کے 13 دہشت گرد ہلاک ہوگئے۔ پاک فوج کے شعبہ تعلقات عامہ (آئی ایس پی آر) کے مطابق 30 مارچ 2026ء کو خیبرپختونخوا میں 2 مختلف کارروائیوں کے دوران بھارتی پراکسی فتنۃ الخوارج سے تعلق رکھنے والے 13 دہشت گرد ہلاک کر دیے گئے۔ ترجمان کے مطابق خوارج کی موجودگی کی اطلاع پر سیکیورٹی فورسز نے خیبر ضلع کے علاقے باڑہ میں انٹیلی جنس بیسڈ آپریشن کیا اور اس دوران فورسز نے مؤثر انداز میں خوارج کے ٹھکانے کو نشانہ بنایا، جس میں شدید فائرنگ کے تبادلے کے بعد 10 خوارج کو ہلاک کر دیا گیا۔ آئی ایس پی آر کے مطابق ایک اور انٹیلی جنس بیسڈ آپریشن ضلع بنوں میں کیا گیا، جہاں فائرنگ کے تبادلے میں مزید 3 خوارج دہشت گردوں کو ہلاک کردیا گیا۔ بیان میں کہا گیا ہے کہ علاقے میں کسی بھی ممکنہ بھارتی سرپرستی میں کام کرنے والے خوارج دہشت گردوں کے خاتمے کے لیے کلیئرنس آپریشنز جاری ہیں۔ آئی ایس پی آر کے مطابق قومی ایکشن پلان کے تحت وفاقی ایپکس کمیٹی کی منظوری سے جاری آپریشن عزمِ استحکام کے تحت سیکیورٹی فورسز اور قانون نافذ کرنے والے ادارے ملک سے غیر ملکی سرپرستی میں ہونے والی دہشت گردی کے مکمل خاتمے کے لیے اپنی کارروائیاں بھرپور انداز میں جاری رکھیں گے۔ وزیراعظم کا فورسز کو خراج تحسین وزیراعظم محمد شہباز شریف نے خیبر پختونخوا میں 13 خارجیوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا ہے کہ فورسز نے اپنی پیشہ ورانہ مہارت سے بنوں اور باڑہ میں دہشتگردوں کو جہنم رسید کیا۔ اپنے بیان میں انہوں نے کہا کہ ملک کی حفاظت کے لیے سیکیورٹی فورسز دہشتگردی کے خلاف سیسہ پلائی دیوار کی مانند ہیں۔ حکومت پاکستان ملک سے دہشتگردی کے مکمل خاتمے کے لیے پر عزم ہے۔ قوم سیکیورٹی فورسز کے شانہ بشانہ ہے، وزیر داخلہ وفاقی وزیر داخلہ محسن نقوی نے بھی خیبرپختونخوا میں فتنۃ الخوارج کے خلاف 2 کامیاب کارروائیوں پر سیکیورٹی فورسز کی ستائش کرتے ہوئے 13 خوارجیوں کو جہنم واصل کرنے پر سیکیورٹی فورسز کی پیشہ وارانہ صلاحیتوں کو سراہا ہے۔ انہوں نے کہا کہ فتنۃ الخوارج کے 13 دہشتگردوں کو ہلاک کرنے پر سکیورٹی فورسز کے بہادر سپوتوں کو سلام پیش کرتا ہوں۔ قوم سیکیورٹی فورسز کے شانہ بشانہ کھڑی ہے ۔ فتنۃ الخوارج کے دہشتگردوں کا انجام عبرتناک موت ہے۔ دہشتگردوں اور ان کی پشت پناہی کرنے والوں کو کسی صورت نہیں چھوڑیں گے۔
آبنائے ہرمزضرور کھلے گی
ایرانی پارلیمنٹ کی قومی سلامتی کمیٹی کے سربراہ ابراہیم عزیزی نے ڈونلڈ ٹرمپ کے نام ایک پیغام میں کہا ہے کہ ’آبنائے ہرمز یقیناً دوبارہ کھلے گی، لیکن آپ کے لیے نہیں؛ یہ ان لوگوں کے لیے کھلی رہے گی جو ایران کے نئے قوانین کی تعمیل کریں گے۔‘ بی بی سی اردو کے مطابق اپنے ایکس اکاؤنٹ سے جاری پیغام میں عزیزی نے ایران کے 1979 کے انقلاب کے بعد کے دور کا حوالہ دیتے ہوئے کہا ہے کہ ’مہمان نوازی کے 47 سال ہمیشہ کے لیے ختم ہو گئے ہیں، ٹرمپ نے بالآخر ’حکومت کی تبدیلی‘ کا اپنا خواب پورا کر لیا ہے لیکن یہ تبدیلی خطے کی سمندری حکومت میں آئی ہے۔ یاد رہے کہ پیرکو ایران کے نیم سرکاری فارس نیوز ایجنسی نے خبر دی تھی کہ ملک کی قومی سلامتی کمیٹی نے آبنائے ہرمز سے گزرنے والے جہازوں سے ٹول وصول کرنے کے منصوبے کی منظوری دے دی ہے۔
اسحاق ڈار مہمان وزرائے خارج
نائب وزیراعظم اور وزیر خارجہ اسحاق ڈار مہمان وزرائے خارجہ کا استقبال کرتے ہوئے فرش پر گرگئے۔ تفصیلات کے مطابق یہ واقعہ اس وقت پیش آیا جب دفتر خارجہ میں ایک استقبالیہ تقریب جاری تھی جہاں مشرق وسطیٰ تنازعہ میں ثالثی کی کوششوں کے لیے برادر اسلامی ممالک کے وزرائے خارجہ کی آمد کا سسلہ جاری ہے، مہمانوں کے استقبال کے لیے ہونے والی اس تقریب میں نائب وزیراعظم اور وزیر خارجہ اسحاق ڈار دفتر خارجہ میں مہمان وزرائے خارجہ کا استقبال کرتے ہوئے پاؤں پھسلنے کے باعث فرش پر گرگئے، یہ تقریب سرکاری ٹی وی چینل پر براہِ راست نشر کی جارہی تھی جس میں دیکھا گیا کہ اسحاق ڈار ایک مہمان کے استقبال کے لیے آگے بڑھتے ہیں کہ اسی دوران اچانک ان کا پاؤں پھسلتا ہے اور نیچے گرجاتے ہیں، لائیو نشریات کے دوران یہ منظر بھی عکس بند ہوگیا۔ بتایا جارہا ہے کہ امریکہ و اسرائیل کی ایران کے ساتھ جنگ کے معاملے پر ثالثی کیلئے ترکیہ اور مصر کے وزرائے خارجہ پاکستان پہنچ چکے ہیں، سعودی وزیر خارجہ آج پہنچیں گے، جس کے بعد مشرقِ وسطیٰ تنازعہ کے حل کیلئے اسلام آباد میں بڑی بیٹھک ہوگی، دفتر خارجہ کا کہنا ہے کہ مصر کے وزیرِ خارجہ ڈاکٹر بدر عبدالعاطی، ترک وزیرِ خارجہ حاقان فیدان پاکستان پہنچ چکے ہیں، سعودی وزیر خارجہ شہزادہ فیصل بن فرحان آل سعود دو روزہ دورے پر آج اسلام آباد پہنچیں گے، چاروں ممالک کے وزرائے خارجہ خطے کی موجودہ صورتحال، خاص طور پر مشرق وسطیٰ میں جاری کشیدگی اور ممکنہ جنگ بندی کے امکانات پر تفصیلی غور کریں گے۔
مشرقِ وسطیٰ کی صورتحال،
دفتر خارجہ نے سعودی عرب، ترکیہ اور مصر کے وزرائے خارجہ کے دورہ اسلام آباد کی تصدیق کر دی۔ محمد اسحاق ڈار کی دعوت پر سعودی عرب کے وزیر خارجہ فیصل بن فرحان السعود، ترکیہ کے وزیر خارجہ حکان فیدان اور مصر کے وزیر خارجہ بدر عبدالعاطی 29 سے 30 مارچ 2026 تک اسلام آباد کا اہم دورہ کریں گے۔ دورے کے دوران چاروں ممالک کے وزرائے خارجہ کے درمیان باہمی دلچسپی کے امور پر تفصیلی تبادلہ خیال کیا جائے گا، جس میں بالخصوص خطے میں کشیدگی کم کرنے اور امن کے قیام سے متعلق کوششیں زیر غور آئیں گی۔ اس موقع پر معزز مہمان شہباز شریف سے بھی ملاقات کریں گے، جس میں دوطرفہ تعلقات اور تعاون کو مزید مضبوط بنانے پر گفتگو متوقع ہے۔ حکومتی ذرائع کے مطابق پاکستان، سعودی عرب، ترکیہ اور مصر جیسے برادر ممالک کے ساتھ اپنے قریبی تعلقات کو نہایت اہمیت دیتا ہے، اور یہ دورہ مختلف شعبوں میں تعاون، ہم آہنگی اور سفارتی روابط کو مزید فروغ دینے کا اہم موقع ثابت ہوگا۔ ترجمان دفتر خارجہ کے مطابق سعودی عرب، ترکیہ اور مصر کے وزرائے خارجہ کل اسلام آباد پہنچیں گے، دوسری جانب وزیر خارجہ اسحاق ڈار کا کہنا ہے کہ سعودی عرب، ترکیہ اور مصر کے برادر وزرائے خارجہ کو اسلام آباد میں خوش آمدید کہنے کا منتظر ہوں۔ یہ پیش رفت ایسے وقت میں سامنے آئی ہے جب امریکا، اسرائیل اور ایران کے درمیان کشیدگی میں تیزی سے اضافہ ہو رہا ہے۔ وزرائے خارجہ کے دورہ کے دوران خطے میں استحکام کے لیے مشترکہ سفارتی حکمت عملی، دفاعی تعاون اور کشیدگی کو کم کرنے کے اقدامات پر غور کیا جائے گا۔
مشرق وسطیٰ کی صورتحال
مشرق وسطیٰ کی صورتحال پر وزیراعظم شہباز شریف نے ایرانی صدر مسعود پزشکیان سے ٹیلی فونک رابطہ کیا ہے، گفتگو ایک گھنٹے تک جاری رہی۔ وزیراعظم شہباز شریف اور ایران کے صدر مسعود پزشکیان کے درمیان ٹیلیفونک رابطہ ہوا، جس میں خطے میں جاری کشیدگی اور امن کی کوششوں پر تفصیلی گفتگو کی گئی۔ ایک گھنٹے سے زائد جاری رہنے والی اس گفتگو میں دونوں رہنماؤں نے موجودہ صورتحال کا جائزہ لیا۔ وزیراعظم نے ایران پر اسرائیل کے مسلسل حملوں، خصوصاً شہری تنصیبات کو نشانہ بنانے کی شدید مذمت کا اعادہ کیا۔ انہوں نے ان مشکل حالات میں ایرانی عوام کے ساتھ پاکستان کی مکمل یکجہتی کا اظہار کرتے ہوئے 1900 سے زائد قیمتی جانوں کے ضیاع پر گہرے دکھ اور افسوس کا اظہار کیا اور متاثرین کے لیے دعا کی۔ وزیراعظم نے ایرانی صدر کو نائب وزیراعظم محمد اسحاق ڈار اور فیلڈ مارشل سید عاصم منیر کی جانب سے امریکا، خلیجی اور اسلامی ممالک کے ساتھ جاری سفارتی رابطوں سے آگاہ کیا، جن کا مقصد امن مذاکرات کے لیے سازگار ماحول پیدا کرنا ہے۔ ایرانی صدر نے وزیراعظم کی سفارتی کاوشوں کو سراہتے ہوئے مذاکرات اور ثالثی کے لیے اعتماد سازی کی ضرورت پر زور دیا اور اس سلسلے میں پاکستان کے مثبت کردار کی تعریف کی۔ وزیراعظم نے یقین دلایا کہ پاکستان خطے میں امن اور استحکام کے فروغ کے لیے اپنا تعمیری کردار جاری رکھے گا۔
پاکستان امن اور قومی مفادات کے
وزیراعظم محمد شہباز شریف نے قوم سے خطاب میں کہا ہے کہ پاکستان ایک طرف اپنے قومی مفادات کے تحفظ اور عوام کو عالمی سطح پر تیل کی بڑھتی قیمتوں کے اثرات سے بچانے کے لیے اقدامات کر رہا ہے، جبکہ دوسری جانب خطے میں امن کے قیام کے لیے بھرپور سفارتی کوششیں جاری ہیں۔ وزیراعظم نے اپنے خطاب میں کہا کہ پاکستان موجودہ صورتحال میں دو اہم محاذوں پر سرگرم ہے۔ ایک طرف حکومت عوام کو عالمی منڈی میں تیل کی قیمتوں میں غیر معمولی اضافے کے اثرات سے بچانے کے لیے بھرپور اقدامات کر رہی ہے، جبکہ دوسری جانب سفارتی سطح پر جنگ کے خاتمے کے لیے مسلسل کوششیں جاری ہیں۔ انہوں نے کہا کہ پاکستان خطے میں جاری کشیدگی کو کم کرنے اور ممکنہ تباہ کن جنگ کو روکنے کے لیے دن رات متحرک ہے۔ ان کا کہنا تھا کہ برادر اسلامی ممالک اور پورے خطے کو اس جنگ کے منفی اثرات سے بچانے کے لیے پاکستان سنجیدہ اور مخلصانہ سفارتی کردار ادا کر رہا ہے۔ وزیراعظم نے اس بات پر زور دیا کہ اجتماعی مشاورت، دانشمندی اور باہمی تعاون کے ذریعے ہی پائیدار امن کی راہ ہموار کی جا سکتی ہے۔انہوں نے قوم کو مخاطب کرتے ہوئے کہا کہ پاکستان کی یہ سفارتی کوششیں محض بین الاقوامی ذمہ داری نہیں بلکہ اللہ تعالیٰ کی رضا اور امت مسلمہ کے بہترین مفاد کے لیے کی جا رہی ہیں۔ وزیراعظم نے مزید کہا کہ مسلمان ایک خدا، ایک رسول ﷺ اور ایک قرآن پر ایمان رکھتے ہیں، اس لیے اتحاد اور یکجہتی کے ذریعے ہی چیلنجز کا مقابلہ کیا جا سکتا ہے۔انہوں نے قوم سے اپیل کی کہ وہ اس نازک وقت میں اتحاد، صبر اور یکجہتی کا مظاہرہ کرے تاکہ پاکستان خطے میں امن کے قیام میں اپنا مؤثر کردار ادا کر سکے۔
ہمیں ثالثی پر طعنے دے رہے ہیں
وزیر دفاع خواجہ آصف نے کہا ہے کہ سفارتی سطح پر بھارت اس وقت رل گیا ہے، مودی سمیت چار پانچ کا یہ گروپ اس وقت اپنا منہ نوچ رہے ہیں۔ ہمیں ثالثی پر یہ طعنے دے رہے ہیں تو یہ یوکرین میں کیا کررہے تھے؟ ’’جیو نیوز‘‘ کے پروگرام’’ نیا پاکستان‘‘ میں گفتگو کرتے ہوئے خواجہ آصف کا کہنا تھاکہ پاکستان کی قیادت موجودہ صورتحال میں اہم کردار ادا کررہی ہے، خلفشار میں گھرے ہوئے ممالک کے ساتھ ہمارے اچھے تعلقات ہیں۔سب ممالک کا یکساں مفاد ہے کہ امن قائم ہو، بھارت کے ساتھ جنگ کے بعد مسلم دنیا میں پاکستان کا کردار بہت واضح ہوا ہے، پہلے ہمارا اتنا کلیدی کردار نہیں رہا اب پاکستان پر دنیا کا اعتماد قائم ہوا ہے۔ پاکستان کی قیادت اور ہائبرڈ سسٹم اس وقت ڈیلیور کررہا ہے، ہمیں موقع ملا ہے کہ تاریخ میں اپنا مقام بنائیں۔ وزیر دفاع نے کہاکہ خطے کی موجودہ صورتحال میں پاکستان الگ نہیں رہ سکتا، دنیا دیکھ رہی ہے کہ پاکستان اتنے بڑے تنازع میں ثالثی کررہا ہے، ایران امریکہ مذاکرات کی میزبانی سے متعلق ابھی کچھ کہنا قبل از وقت ہے۔ بھارتی وزیر خارجہ کے بیان کے جواب میں کہا کہ مودی سمیت چار پانچ کا یہ گروپ اس وقت اپنا منہ نوچ رہے ہیں، ہمیں ثالثی پر یہ طعنے دے رہے ہیں تو یہ یوکرین میں کیا کررہے تھے؟ یوکرین کی جنگ تو آج بھی ختم نہیں ہوئی بھارتی اس وقت بڑا کریڈٹ لے رہے تھے، سفارتی سطح پر بھارت اس وقت رل گیا ہے۔
وفاق کو ترقیاتی بجٹ سے پیسے کاٹنے
مشیر خزانہ خیبرپختونخوا حکومت مزمل اسلم نے کہا ہے کہ وفاقی حکومت کی طرف سے اطلاع ملی ہے کہ 100 ارب روپے ترقیاتی بجٹ کی کٹوتی میں 6.5 ارب روپے سابق فاٹا (خیبر پختونخواہ) بھی شامل ہے،پہلے 9 ماہ میں صرف 16 ارب 65 ارب کی رقم سے وصول ہوۓ ہیں اور اس کے بعد آج کی نئی خبر۔ ان کاکہناتھا کہ ہم سمجھ سکتے ہیں جنگ کی وجہ سے حالات ٹائٹ ہیں، اول توترقیاتی بجٹ سے پیسے کاٹنے نہیں چاہیے تھے کیونکہ وہ پہلے ہی تاریخ کی کم ترین سطح پر ہیں اور اگر اتنی مجبوری تھی تو وزیر اعظم ایم این اے کے فنڈ کی کٹوتی کر لیتے،دو بڑے صوبوں سے تعاون مانگ لیتے۔ مزمل اسلم کاکہناتھا کہ ضم شدہ علاقے کے پیسے کاٹنے سے وہاں غیر یقینی مزید بڑھے گی،وہاں پر دہشت گردی کا پہرہ ہے، وہاں پر تو الٹا اخراجات بڑھانے کی ضرورت ہے۔ ان کاکہناتھا کہ واحد خیبر پختونخوا کی حکومت اپنے بجٹ سے رقم خرچ کر رہی ہے بلکہ اب تک اس سال حکومت کی رقم بر وقت نا ملنے کی وجہ سے خیبر پختونخوا حکومت نے 31 ارب کی برج فائنینسنگ کی ہے،ہم اس فیصلے پر وفاقی حکومت کو نظرثانی کی درخواست کریں گے۔
منی لانڈرنگ کیس: پرویز الہٰی کی ایک
سپیشل سینٹرل عدالت لاہور نے منی لانڈرنگ کیس میں سابق وزیراعلیٰ پنجاب چودھری پرویز الہٰی کی ایک روزہ حاضری معافی کی درخواست منظور کر لی۔ نجی ٹی وی چینل دنیا نیوز کے مطابق سپیشل سینٹرل عدالت کے جج اشفاق احمد نے چودھری پرویز الہٰی سمیت دیگر کے خلاف منی لانڈنگ کیس کی سماعت کی۔ ملزمان کی جانب سے رانا فرخ ایڈووکیٹ پیش ہوئے، عدالت نے شریک ملزم فرحان ،واجد علی سمیت دیگر کی حاضری مکمل کی، عدالت نے چودھر ی پرویز الہٰی کی ایک روزہ حاضری معافی کی درخواست منظور کر لی۔ عدالت نے پرویز الہٰی کی بریت کی درخواست پر دلائل طلب کرتے ہوئے کیس کی مزید سماعت 20 مئی تک ملتوی کر دی۔ یاد رہے کہ ایف آئی اے نے مقدمے کا چالان عدالت میں جمع کروا رکھا ہے۔
وزیراعظم سے چینی سفیر کی ملاقات،
وزیراعظم شہباز شریف سے چینی سفیر جیانگ زیڈونگ نے وزیراعظم ہاؤس اسلام آباد میں اہم ملاقات کی۔ نجی ٹی وی چینل دنیا نیوز کے مطابق اس موقع پر نائب وزیراعظم و وزیر خارجہ اسحاق ڈار، وزیراعظم کے معاون خصوصی سید طارق فاطمی اور سیکرٹری خارجہ موجود تھے، ملاقات میں وزیراعظم نے ’ٹو سیشنز‘ کے کامیاب انعقاد پر چینی قیادت کو مبارکباد پیش کی۔ وزیراعظم نے چینی صدر شی جن پنگ، وزیراعظم لی کیانگ اور وزیر خارجہ وانگ یی کا یوم پاکستان کی مبارکباد دینے پر شکریہ ادا کیا، انہوں نے زراعت، صنعتی تعاون اور بنیادی ڈھانچے کے تحت سی پیک ٹو کو آگے بڑھانے کے اپنے عزم کا اعادہ کیا۔ چینی سفیر جیانگ زیڈونگ نے پاکستان کی اقتصادی استقامت اور اصلاحات کی کوششوں کو سراہا اور تجارت و سرمایہ کاری میں تعاون کا اعادہ کیا، اس موقع پر دونوں ممالک کے درمیان جاری ملاقاتوں پر اطمینان کا اظہار کرتے ہوئے 75 ویں سالگرہ پر رابطے بڑھانے کا فیصلہ کیا گیا۔ وزیراعظم شہباز شریف نے علاقائی صورتحال پر گفتگو کرتے ہوئے کشیدگی میں کمی اور استحکام کیلئے پاکستان کے تعمیری کردار کو اجاگر کیا، انہوں نے باہمی دلچسپی کے امور پر قریبی ہم آہنگی جاری رکھنے اور پائیدار پاک چین سٹریٹجک پارٹنرشپ کا بھی اعادہ کیا۔
وزیراعظم شہباز شریف کا دورہ کراچی متوقع،
وزیراعظم شہباز شریف رواں ہفتے کراچی کا دورہ کریں گے۔ نجی ٹی وی چینل دنیا نیوز کے مطابق ذرائع کا کہنا ہے کہ مسلم لیگ (ن) سے تعلق رکھنے والے گورنر کی تقرری کے بعد وزیراعظم کا یہ پہلا دورہ کراچی ہوگا، یہ دورہ حالیہ سیاسی پیش رفت کے تناظر میں اہم قرار دیا جا رہا ہے، جس کے دوران وہ شہر کی سیاسی اور سماجی شخصیات سے ملاقاتیں کریں گے۔ دورے کے موقع پر وزیراعظم شہباز شریف سے وزیراعلیٰ سندھ، گورنر سندھ اور صوبائی کابینہ کے ارکان بھی ملاقات کریں گے، جبکہ مختلف امور پر بھی تبادلہ خیال متوقع ہے۔ ذرائع کے مطابق اس دورے میں شہر کی مجموعی صورتحال، ترقیاتی منصوبوں اور دیگر اہم معاملات پر بھی گفتگو کی جائے گی۔
بیرون ملک مقیم پاکستانیوں کو پاسپورٹ
وزیر داخلہ محسن نقوی نے کہا کہ بیرون ملک مقیم پاکستانیوں کو پاسپورٹ کا جلد اجراء اولین ترجیح ہے۔ نجی ٹی وی چینل دنیا نیوز کے مطابق وفاقی وزیر داخلہ محسن نقوی اور وفاقی وزیر اوورسیز پاکستانیز سالک حسین کی زیر صدارت خصوصی اجلاس ہوا ہے، اجلاس میں پاکستانیوں کیلئے سپینش ریذیڈنٹ کارڈ کے حصول کے حوالے سے پیش رفت کا تفصیلی جائزہ لیا گیا جبکہ سپین میں غیر قانونی تارکین وطن کو قانونی حیثیت دینے کیلئے رجسٹریشن کے آغاز سے قبل پاکستانیوں کو پاسپورٹ اور دیگر کاغذات ایک ہفتے میں جاری کئے جائیں گے۔
ایم کیو ایم نے فوری طورپر 28ویں ترمیم
پاکستان متحدہ قومی موومنٹ(ایم کیو ایم)نے فوری طورپر 28ویں ترمیم لانے کا مطالبہ کردیا۔ نجی ٹی وی چینل دنیا نیوز کے مطابق ایم کیو ایم رہنما خالد مقبول صدیقی نے دیگر رہنماؤں کے ہمراہ پریس کانفرنس کرتے ہوئے کہا کہ مطالبہ کرتے ہیں28ویں ترمیم فوری طور پر لائی جائے،منتظر ہیں 28ویں ترمیم میں عوام کو خوشخبری دی جائے، وزیراعظم کا ساتھ دینے کیلئے ایم کیو ایم نے کچھ نہیں مانگا،عوام کو حق دینے کیلئے آئین سازی کی گئی،پاکستان کے عوام سے درخواست ہے کہ متحد ہو جائیں۔ کراچی میں پریس کانفرنس کرتے ہوئے ایم کیو ایم کے رہنما خالد مقبول صدیقی کا کہناتھا کہ مشرق وسطیٰ کی جنگ ہمارے دروازے تک پہنچ چکی ہے،کسی کو اندازہ نہیں کہ جنگ کے خطے پر کیا اثرات مرتب ہوں گے،پاکستان ثالثی اور مذاکرات کیلئے پرعزم ہے،کچھ پتہ نہیں آئندہ دنوں میں خطے کی کیا صورتحال ہو گی،ان کاکہناتھا کہ جنگی حالات میں عوام بھی اہم کردار ادا کرتے ہیں،پوری قوم افواج پاکستان کے شانہ بشانہ ہے،پاک فوج ہر صورتحال سے نمٹنے کی صلاحیت رکھتی ہے۔ شوہر نے مجھے ڈالرز میں عیدی دی: حنا نیازی خالد مقبول صدیقی نے کہاکہ مطالبہ کرتے ہیں28ویں ترمیم فوری طور پر لائی جائے،منتظر ہیں 28ویں ترمیم میں عوام کو خوشخبری دی جائے،وزیراعظم کا ساتھ دینے کیلئے ایم کیو ایم نے کچھ نہیں مانگا، عوام کو حق دینے کیلئے آئین سازی کی گئی، پاکستان کے عوام سے درخواست ہے کہ متحد ہو جائیں،ہم اپنے حصے کااختیارعوام کو دینا چاہتے ہیں۔ان کا مزیدکہناتھا کہ عوام ہی ملک اور جمہوریت کو بچا سکتے ہیں،ملک اور خطے کو تشویشناک صورتحال کا سامنا ہے۔ فاروق ستار کاکہناتھا کہ پاکستان کے ہر شہری کو اپنے فیصلے کرنے کا حق ان کی دہلیز پر دیا جائے،وقت آ گیا ہے پاکستان میں جاگیردارانہ جمہوریت کو ختم کیا جائے،ملک میں مکمل طور پر بااختیار بلدیاتی نظام قائم کرنا ہوگا۔ان کاکہناتھا کہ کراچی سٹریٹجک ڈویلپمنٹ پلان پر عملدرآمد ہونا چاہئے۔ کراچی: سوشل میڈیا پر دوستی کے بعد اغوا ہونیوالی لڑکی بازیاب، ملزم گرفتار مصطفیٰ کمال کاکہناتھا کہ پاکستان کا نظام 4وزرا کے ہاتھوں میں ہے،ملک پر کرائسس آتے ہی پیٹرول کی قیمت بڑھ جاتی ہے۔
کسی کو معاف کرنا حکومت کا کام
گورنر سندھ نہال ہاشمی نے کہا ہے کہ کسی کو معاف کرنا حکومت کا کام نہیں،بانی کے وکلا ان کے کیسز کی پیروی کو بہتر کریں۔ نجی ٹی وی چینل دنیا نیوز کے مطابق وزیراعلیٰ سندھ کے ہمراہ مزارقائد پر حاضری کے بعد میڈیا سے گفتگو کرتے ہوئے نہال ہاشمی نے کہاکہ ہم عدالت کے معاملات میں مداخلت نہیں کر سکتے،بانی کی رہائی حکومت کا نہیں، عدالتوں کا کام ہے،اگر عدالت بانی کو بے گناہ سمجھے تو معاف کردے۔ گورنر سندھ کاکہناتھا کہ نوازشریف نے ملک کو مضبوط بنایا،میں اس صوبے کا گورنر ہوں، میرا کردار تعمیری ہوگا،ہمارا کام اقدار کی سیاست ہے، اقتدار کی نہیں،وزیراعلیٰ سندھ کے ساتھ ملکر صوبے کے حق کی جنگ لڑیں گے۔
آج کے دن ہمیں پاکستان کو دنیا
وزیر اعلیٰ پنجاب مریم نواز شریف نے کہا ہے کہ آج کے دن ہمیں پاکستان کو دنیا میں باوقار مقام دلانے کا عہد کرنا ہوگا۔ نجی ٹی وی چینل دنیا نیوز کے مطابق یوم پاکستان کے موقع پر اپنے پیغام میں وزیراعلیٰ مریم نواز شریف کا کہنا تھا کہ آج کے دن برصغیر کے مسلمانوں کیلئے ایک الگ وطن کے قیام کی راہ ہموار ہوئی، قرارداد پاکستان علیحدہ وطن کے حصول کیلئے آزادی کی جدوجہد میں سنگ میل کی حیثیت رکھتی ہے۔ انہوں نے کہا کہ یوم پاکستان ہی تحریک پاکستان کا نا قابل فراموش اور تاریخی آغاز سفر تھا، اتحاد، تنظیم، محنت اور دیانت ہی ترقی کے لئے رخت سفر ہے۔ ان کا کہنا تھا کہ ہمارے آباؤ اجداد کی قربانیاں متقاضی ہیں کہ ہم آزادی کے حقیقی مقاصد کی طرف پیش رفت کریں، بین الاقوامی برادری میں باعزت مقام حاصل کرنے کیلئے قائد اعظمؒ کے افکار پر عمل درآمد ناگزیر ہے۔ مریم نواز شریف نے مزید کہا کہ عہد کرتے ہیں پاکستان کو دنیا میں باوقار مقام دلانے کیلئے کوئی کسر اٹھا نہ رکھیں گے، یوم پاکستان پر وطن عزیز کو بانیان پاکستان کے تصورات کے مطابق ڈھالنے کے عزم کا اعادہ کرنا ہوگا۔
نوروز امن، امید اور روشنی کا پیغام
صدرِ پاکستان نے نوروز کے موقع پر قوم اور خطے کے عوام کے لیے اپنے پیغام میں کہا ہے کہ نوروز بہار، تجدید اور روشنی کی فتح کی علامت ہے۔ نجی ٹی وی چینل دنیا نیوز کے مطابق صدرِ مملکت کا کہنا ہے کہ پاکستان میں ثقافتی و مذہبی تنوع ہماری قومی طاقت ہے، ہماری دعائیں ان لوگوں کے ساتھ ہیں جو مشکل حالات میں نوروز منا رہے ہیں۔ انہوں نے کہا کہ جنگ زدہ علاقوں میں بہار خوشیوں کے بجائے درد لے کر آئی ہے اور نوروز کے خطوں میں پھولوں پر ملبہ اور خون کے سائے چھائے ہوئے ہیں۔ صدرِ مملکت نے کہا کہ افغانستان میں عوام کو نوروز منانے سے محروم رکھا جا رہا ہے۔
پاکستان کی سیاسی قیادت عیدالفطر
پاکستان میں عید الفطر کل مذہبی جوش و خروش سے منائی جائے گی اور عوام کی طرح سیاسی و حکومتی شخصیات اپنے اپنے آبائی علاقوں اور مخصوص مقامات پر نماز عید ادا کریں گے۔ نجی ٹی وی چینل دنیا نیوز کے مطابق صدر مملکت آصف علی زرداری اس بار بھی روایت برقرار رکھتے ہوئے نواب شاہ میں عیدالفطر کی نماز ادا کریں گے، وہ گزشتہ کئی برسوں سے عید اپنے آبائی شہر میں ہی مناتے آ رہے ہیں۔ وزیراعظم شہباز شریف عیدالفطر کی نماز لاہور کے علاقے ماڈل ٹاؤن میں ادا کریں گے جبکہ مسلم لیگ (ن) کے قائد اور سابق وزیراعظم نواز شریف اس مرتبہ جاتی امراء میں نماز عید ادا کریں گے، واضح رہے کہ شریف فیملی ماضی میں اکثر عید سعودی عرب میں مناتی رہی۔
چودھری شافع حسین کی چینی قونصل جنرل
وزیرصنعت و تجارت پنجاب چودھری شافع حسین نے لاہور میں نئے تعینات ہونے والے چین کے قونصل جنرل سن یان سے ملاقات کی، ملاقات میں انڈسٹری ڈیپارٹمنٹ اورقونصلیٹ کے مابین ورکنگ گروپ تشکیل دینے کی تجویز پر اتفاق کیاگیا،ملاقات میں انفارمیشن ٹیکنالوجی، ای وی سیکٹر، صنعت ، زراعت کے شعبوں میں اشتراک بڑھانے پر اتفاق کیا گیا۔ وزیر صنعت و تجارت چودھری شافع حسین کاکہنا تھا پنجاب میں چینی کمپنیوں نے اربوں روپے کی سرمایہ کاری کر رکھی ہے،چین ٹیکسٹائل سیکٹر میں 2نئی فیکٹریاں لگا رہا ہے، روزگار کے 21ہزار مواقع پیدا ہوں گے،چین کے سرمایہ کار پنجاب میں سرمایہ کاری کریں، ہر ممکن سہولت دیں گے۔ چینی قونصل جنرل کاکہناتھا کہ چین اور پاکستان کے مابین معاشی تعاون کو قدر کی نگاہ سے دیکھتے ہیں،پنجاب میں چینی کمپنیوں کی سرمایہ کاری بڑھانے کیلئے کوشش کریں گے۔
وزیر بحری امور کا غیر ملکی ٹرانس
وزیر بحری امور محمد جنید انوار چودھری نے غیر ملکی ٹرانس شپمنٹ جہازوں کے لیے بڑے مراعاتی پیکج کا اعلان کردیا۔ نجی ٹی وی چینل دنیا نیوز کے مطابق محمد جنید انوار چودھری کی زیر صدارت اجلاس میں کراچی پورٹ ٹرسٹ پر غیر ملکی ٹرانس شپمنٹ جہازوں کے لیے بڑے مالیاتی مراعاتی پیکج کا اعلان کیا گیا، نئی سکیم 18 مارچ 2026 سے نافذ العمل ہو گئی ہے۔ اجلاس میں وزیر نے بتایا کہ ڈرائی بلک ایکسپورٹ کارگو پر ڈیوٹی اور چارجز میں 60 فیصد تک کمی کی گئی ہے، جبکہ ٹرانس شپمنٹ کارگو کی کم از کم شرط 10 فیصد سے کم کر کے 7.5 فیصد کر دی گئی ہے۔
وزیراعلیٰ سندھ نے بلدیہ مواچھ گوٹ
وزیراعلیٰ سندھ سید مراد علی شاہ نے بلدیہ مواچھ گوٹھ میں عمارت گرنے کے واقعے کا نوٹس لے لیا۔ مراد علی شاہ نے ضلعی انتظامیہ اور ریسکیو اداروں کو فوری کارروائی کی ہدایت کی ہے۔ ریسکیو حکام کے مطابق بلدیہ مواچھ گوٹھ کے قریب دیوار گرنے سے 11 افراد جاں بحق ہوئے۔ اس سلسلے میں ایس ایس پی کیماڑی سنگھار ملک نے کہا کہ دوسری منزل کی چھت پہلی منزل پر گری، یہ رہائشی عمارت نہیں ہے۔
پیٹرولیم مصنوعات کی قیمتیں کم رکھیں گے
وفاقی وزیرپیٹرولیم علی پرویز ملک نے کہا کہ ایران کی صورتحال نے پورے خطے کو لپیٹ میں لے لیا ہے،ہمیں چیلنجنگ صورتحال کیلئے خود کو تیار کرنا ہے، ایسے اقدامات کرنا ہوں گے جو فوری طورپر ناگزیرہوں، ہم نے اپنے آپ کو ٹیسٹ میچ کیلئے تیارکرنا ہے،ایک ہفتے میں پیٹرولیم قیمتیں بڑھائی گئیں، دوسری ہفتے بھی ایسے ہی قیمتیں بڑھانا بنتی تھیں۔ علی پرویز ملک کا’’ سماء‘‘ کے پروگرام’’ ندیم ملک لائیو‘‘ میں گفتگو کرتے ہوئےکہناتھا کہ وزیراعظم نے تمام صوبوں کو اعتماد میں لے کر کفایت شعاری شروع کی،مارکیٹ مستحکم نہیں ہو رہی،کروڈ آئل جی سی سی سے منگواتے ہیں،فجیرہ اور یانگوں سے کروڈ آئل کی سپلائی آرہی ہے،ہم نےمتبادل انتظامات رکھے ہوئے ہیں،تاکہ مشکلات نہ آئیں، قیمتیں کم رکھیں گے تو لوگ اپنا لائف سٹائل تبدیل نہیں کریں گے، وفاقی وزیرخزانہ اور میں وزرائےاعلیٰ اور وزرائےخزانہ سے ملکرآئےہیں وزیر پیٹرولیم کا کہناتھا کہ انڈسٹری میں پیٹرول اور ڈیزل کم استعمال ہوتا ہے، فرنس آئل کے پلانٹ بہت کم ہو گئے ہیں، ڈیزل اور پیٹرول پر کوئی پلانٹ نہیں چلتا، پاکستان میں پچھلےچند برسوں میں تھرمل جنریشن میں سرمایہ کاری کی گئی، بنگلادیش میں فوج پیٹرول پمپس اور ڈپوز پر تعینات ہے، ہمیں سعودی عرب نے سپورٹ کیا ہواہے، عوام نے پیٹرولیم مصنوعات کا بڑا بوجھ برداشت کیا ہے، پیٹرول اورڈیزل کےذخائرموجود ہیں،لوگوں کو پریشانی نہیں ہو گی۔
اڈیالہ جیل میں بشریٰ بی بی کی موجودگی
اڈیالہ جیل میں بشریٰ بی بی کی موجودگی میں بانی پی ٹی آئی عمران خان کی متاثرہ آنکھ کا چیک اپ کیا گیا۔ چیف کمشنر اسلام آباد کی جانب سے تشکیل دیئےگئے 5 رکنی ڈاکٹرز کے میڈیکل بورڈ نے اڈیالہ جیل میں بانی پی ٹی آئی کی متاثرہ آنکھ کا فالو اپ معائنہ کیا۔ ’’جیو نیوز ‘‘ نے جیل ذرائع کے حوالے سے بتایا کہ بانی پی ٹی آئی کے طبی معائنے کے دوران ان کی اہلیہ بشریٰ بی بی بھی موجود تھیں، 2گھنٹے طویل چیک اپ کے بعد ڈاکٹرز کی ٹیم واپس روانہ ہوگئی۔
وزیراعلیٰ مریم نواز کاعید پر زائد کرایہ
وزیرِاعلیٰ پنجاب مریم نواز نے عید پر مقرر کیے گئے کرایوں سے زائد کرایہ وصول کرنے والوں کے خلاف قانونی کارروائی کرنے کا حکم دے دیا۔ روزنامہ جنگ کے مطابق مریم نواز نے روزے دار مسافروں کے افطار کا اہتمام کرنے، بس سٹینڈز کی انتظار گاہوں پر بیٹھنے کے مناسب انتظام اور پنکھوں کی موجودگی کو یقینی بنانے کی ہدایت کی ہے۔ انہوں نے کہا کہ عید کے موقع پر گھروں کو لوٹنے والے غریب مسافروں کے استحصال کی اجازت نہیں دی جائے گی۔ وزیرِ اعلیٰ پنجاب مریم نواز نے کہا کہ ہر بس سٹینڈ پر کرائے نامے نمایاں آویزاں کر کے عمل درآمد یقینی بنایا جائے۔ اُنہوں نے بازاروں اور مارکیٹوں میں سماج دشمن عناصر کی آمد و رفت کی کڑی مانیٹرنگ کرنے کی ہدایت بھی کی۔
’’ہم نے اپنی 78 سالہ تاریخ میں
وزیر دفاع خواجہ آصف نے کہا ہے کہ ہم نے اپنی 78 سالہ تاریخ میں بہت غلطیاں کیں لیکن افغانوں کی مہمان نوازی سب سے بڑی غلطی تھی، اللہ ہمیں معاف کرے۔ سماجی رابطے کی ویب سائٹ ایکس (ٹویٹر) پر پوسٹ میں انہوں ںے لکھا کہ پاکستان کی طرف سے افغانستان کے اسپتال پر حملے کا دعویٰ ان کی طرف سے آرہا ہے جو مسجدوں پہ حملے کرواتے ہیں، سر بسجود نمازیوں کو شہید کرتے ہیں نہتے شہریوں، بازاروں اور اسکولوں کو نشانہ بناتے ہیں، معصوم بچوں کو خون میں نہلاتے ہیں۔ وزیر دفاع نے کہا کہ منشیات کی اسمگلنگ جن کا ذریعہ آمدنی ہو، محسن کش لوگ اس ریاست پر حملہ آور ہیں جس نے 50 سال سے انہیں پناہ دی، جو کمٹمنٹ کرتے ہیں اس کے آنر نہیں کرتے، اربوں روپے کمٹمنٹ پوری کرنے کے لیے تاوان مانگتے ہیں۔ خواجہ آصف کا کہنا تھا کہ پاکستان کی مٹی نے نہ صرف ان کو پناہ دی ان کے لیے ایک سپر پاور سے ٹکرا گئے، تین نسلوں کی مہمان نوازی کی، ہم نے اپنی 78 سالہ تاریخ میں بہت غلطیاں کیں لیکن ان کی مہمان نوازی سب سے فاش غلطی ہے، اللہ ہمیں معاف کرے۔
کشیدگی میں کمی کیلیے ایران اور امریکہ
وفاقی وزیر اطلاعات عطا ءاللّٰہ تارڑ نے کہا ہے کہ پاکستان کشیدگی میں کمی کے لیے ایران اور امریکہ کے درمیان ثالثی کے لیے تیار ہے۔ عرب میڈیا سے گفتگو میں انہوں نے کہا کہ پاکستان نے پہلے بھی تنازعات کے حل کے لیے کامیابی سے ثالثی کا کردار ادا کیا تھا، پاکستان ایران پر حملوں کی مذمت اور خلیجی ممالک کے ساتھ اظہار یکجہتی کرتا ہے۔ وزیر اطلاعات عطا ءاللّٰہ تارڑ نے کہا کہ طالبان کا ہسپتال پر بمباری کا الزام بے بنیاد ہے۔ افغان طالبان نے پہلے بھی گمراہ کن خبریں پھیلائی تھیں۔پاک فوج کے حملے دہشت گردی پھیلانے والے کیمپوں پر مرکوز رہے ہیں، پاکستانی فوج نے افغانستان میں شہری آبادی کو نشانہ نہیں بنایا۔
ایران سے جنگ کو عوامی مقبولیت نہ
امریکہ کے صدر ڈونلڈ ٹرمپ نے ایران سے جنگ کو عوامی مقبولیت نہ ملنے پر میڈیا پر دباؤ بڑھانا شروع کر دیا۔ امریکی نشریاتی ادارے ’’سی این این‘‘ کے مطابق ایران سے جنگ کو عوامی مقبولیت نہ ملنے پر صدر ٹرمپ نے نیوز میڈیا پر دباؤ بڑھا دیا ہے۔ ٹرمپ انتظامیہ ہر روز ایک یا زائد شکایتیں رجسٹر کراتی ہے۔ خود ٹرمپ میڈیا کو ’’کریمنل‘‘ اور ’’غیر محب وطن‘‘کہنے سے نہیں چوکتے، جبکہ فیڈرل کمیونی کیشنز کمیشن کے چیئرمین برینڈن کیر ، جنہیں ٹرمپ نے چنا ہے، کئی بار براڈ کاسٹرز کو ان کے نشریاتی لائسنس منسوخ کرنے کی دھمکی دے چکے ہیں۔ سی این این کے سینیئر سیاسی مبصر ڈیوڈ ایکزل روڈ نے لکھا ہے کہ ’’لگتا ہے ٹرمپ انتظامیہ نے فیصلہ کرلیا ہے کہ اگر جنگ کی خبریں بہتر نہیں ہوتیں، تو جنگ کی خبریں دینے والوں پر حملہ کرنا بہتر ہوگا۔ جنگ کے بارے میں سخت سوالات کے جواب میں ٹرمپ محض ’’فیک نیوز‘‘ کہہ کر جان چھڑاتے ہیں۔‘
عوام کو مزید ریلیف دینے
اسلام آباد: وزیر اعظم شہباز شریف نے کہا ہے کہ عالمی حالات کے پیش نظر عوام کو مزید ریلیف دینے کے اقدامات پر بھی مشاورت جاری ہے۔ بدلتی عالمی صورتحال کے باوجود عوام کو تیل کی مسلسل فراہمی ممکن بنائی گئی ہے۔ وزیر اعظم شہباز شریف کی زیر صدارت عالمی سطح پر بڑھتی کشیدگی کے پیش نظر ملکی معیشت کے استحکام اور عوام کو ریلیف دینے کے اقدامات کا جائزہ لینے کے لیے اہم اجلاس منعقد ہوا۔ اجلاس میں وزیر اعظم نے کہا کہ حکومت کے بروقت فیصلوں کی بدولت اس وقت ملک میں پیٹرولیم مصنوعات کی مناسب مقدار موجود ہے۔ اور بدلتی عالمی صورتحال کے باوجود عوام کو تیل کی مسلسل فراہمی ممکن بنائی گئی ہے۔ انہوں نے کہا کہ عالمی حالات کے پیش نظر عوام کو مزید ریلیف دینے کے اقدامات پر بھی مشاورت جاری ہے۔ جبکہ قومی سطح پر کفایت شعاری اور بچت کے اقدامات نافذ کیے جا چکے ہیں اور مزید اقدامات پر کام جاری ہے۔ شہباز شریف کفایت شعاری سے متعلق تمام فیصلوں پر عملدرآمد یقینی بنانے کے لیے تھرڈ پارٹی آڈٹ کی ہدایت بھی پہلے ہی جاری کر رکھی ہے۔ اجلاس کو بریفنگ میں بتایا گیا کہ ملک میں تیل کے ذخائر، درآمدات اور طلب پوری کرنے کے انتظامات کا مسلسل جائزہ لیا جا رہا ہے۔ جبکہ حکومت تیل کی مقررہ قیمت پر فروخت کی نگرانی بھی کر رہی ہے۔ بریفنگ میں کہا گیا کہ صارفین کی سہولت کے لیے پاک ایپ میں ایک نیا فیچر شامل کر دیا گیا ہے۔ جس کے ذریعے شہری ملک میں کہیں بھی تیل کی عدم دستیابی یا مہنگے داموں فروخت کی شکایت متعلقہ حکام تک پہنچا سکیں گے۔ جس پر فوری کارروائی کی جائے گی۔
امریکا نے پشاور میں اپنے
واشنگٹن: امریکی محکمہ خارجہ نے پشاور میں قائم اپنے قونصل خانے کو مستقل طور پر بند کرنے کا فیصلہ کر لیا ہے۔ امریکی خبررساں ایجنسی کے مطابق پشاور میں قائم امریکی قونصل خانے کو افغانستان کی سرحد کے قریب امریکا کا اہم سفارتی مشن سمجھا جاتا تھا۔ خبررساں ایجنسی کے مطابق امریکی محکمہ خارجہ نے اس فیصلے سے متعلق کانگریس کو رواں ہفتے آگاہ کر دیا ہے۔ محکمہ خارجہ کے مطابق قونصل خانے کی بندش سے سالانہ 75 لاکھ ڈالر کی بچت ہوگی اور اس سے پاکستان میں امریکی قومی مفادات کے فروغ پر منفی اثر نہیں پڑے گا۔ خبررساں ایجنسی کے مطابق پشاور قونصل خانہ 2001 میں افغانستان پر امریکی حملے سے پہلے، اس کے دوران اور بعد میں آپریشنز اور لاجسٹکس کا اہم مرکز رہا تھا۔ رپورٹ کے مطابق اس فیصلے پر ایک سال سے زائد عرصے سے غور کیا جا رہا تھا اور یہ اقدام ٹرمپ انتظامیہ کی جانب سے وفاقی اداروں کے حجم میں کمی کے منصوبے کا حصہ ہے۔ حکام کے مطابق اس فیصلے کا ایران جنگ سے کوئی تعلق نہیں۔ محکمہ خارجہ کی تنظیم نو کے تحت گزشتہ سال ہزاروں سفارتی اہلکاروں کو برطرف کیا گیا تھا جبکہ یو ایس ایجنسی فار انٹرنیشنل ڈیولپمنٹ (USAID) کے عملے کو بھی تقریباً مکمل طور پر فارغ کر دیا گیا تھا۔ تاہم پشاور قونصل خانہ محکمہ خارجہ کی اس تنظیم نو کے نتیجے میں مکمل طور پر بند ہونے والا پہلا بیرون ملک سفارتی مشن ہوگا۔ اطلاعات کے مطابق پشاور قونصل خانے میں 18 امریکی سفارتکار اور دیگر سرکاری اہلکار جبکہ 89 مقامی ملازمین کام کرتے ہیں۔ پشاور میں امریکی قونصل خانے کو بند کرنے پر تقریباً 30 لاکھ ڈالر خرچ ہوں گے۔ اس رقم کا بڑا حصہ عارضی دفاتر کے طور پر استعمال ہونے والے بکتر بند ٹریلرز کی منتقلی پر خرچ کیا جائے گا جبکہ باقی رقم گاڑیوں، الیکٹرانک و ٹیلی کمیونیکیشن آلات اور دفتری سامان کو اسلام آباد میں امریکی سفارت خانے اور کراچی و لاہور کے قونصل خانوں منتقل کرنے پر لگائی جائے گی۔ محکمہ خارجہ کے مطابق امریکی شہریوں اور دیگر افراد کے قونصلر معاملات اب اسلام آباد میں امریکی سفارت خانہ دیکھے گا۔
پاکستان کا افغانستان سے
پاکستان نے افغانستان سے متعلق اپنی موجودہ پالیسی برقرار رکھنے کا اعلان کیا ہے۔ ترجمان دفتر خارجہ کے مطابق پاکستان افغانستان سے متعلق اپنی موجودہ پالیسی برقرار رکھے گا۔ ترجمان دفتر خارجہ نے کہا کہ افغان طالبان سے مطالبہ کیا تھا کہ ان کی سرزمین پاکستان کے خلاف استعمال نہیں ہوگی لیکن مطلوبہ یقین دہانیاں نہیں ملیں۔ ترجمان دفتر خارجہ کا کہنا تھا کہ افغانستان کا دورہ کرنے والا وفد پاکستانی حکومت کی اجازت سے نہیں گیا۔ اس کے علاوہ ترجمان نے مزید کہا کہ ایران کے تیل بردار جہازوں سے متعلق معاملات ایران اور متعلقہ حکومتوں کے درمیان ہیں ،پاکستان کا اس پر کوئی مخصوص مؤقف نہیں ،آبنائے ہرمز سے متعلق ممکنہ رابطوں کے بارے میں حتمی تصدیق نہیں کرسکتے۔
سرکاری افسران کے فیول میں
کراچی: حکومت سندھ نے توانائی کے ممکنہ چیلنجز سے نمٹنے کے لیے کفایت شعاری اقدامات مزید سخت کرنے کا فیصلہ کرتے ہوئے سرکاری افسران کے فیول میں 50 فیصد کمی کا اعلان کیا ہے۔ سینیئر وزیر شرجیل انعام میمن کی زیرصدارت قائم کفایت شعاری کمیٹی کا اجلاس ہوا جس میں توانائی کے مؤثر استعمال، سرکاری اخراجات میں کمی اور دیگر انتظامی امور پر تفصیلی غور کیا گیا۔ اجلاس میں سرکاری محکموں کے ساتھ بلدیاتی اداروں کی گاڑیوں کے ایندھن میں بھی 50 فیصد کمی اور سرکاری گاڑیوں کا 60 فیصد حصہ فوری طور پرگراؤنڈ کرنے کا فیصلہ ہوا۔ کفایت شعاری کمیٹی نے سیکرٹری جی اے کو روزانہ کی بنیاد پر رپورٹ پیش کرنے کی ہدایات کی۔ اجلاس میں گراؤنڈ کی جانیوالی گاڑیوں کے نمبرز،دیگر تفصیلات جمع کرنے کے لیے پروفارما تیار کرنے اور کسی محکمے کے ہدایات کی خلاف ورزی پر متعلقہ گاڑی کو تحویل لینے کا فیصلہ کیا گیا۔ سینیئر وزیر شرجیل انعام میمن نے کہا کہ موجودہ حالات کے پیش نظر حکومت سندھ وسائل کے محتاط استعمال کویقینی بنا رہی ہے، فیصلوں کا مقصد عوامی خدمات کی فراہمی متاثر ہوئے بغیر توانائی کے استعمال میں کمی لانا ہے۔ شرجیل میمن کا کہنا تھا کہ تمام محکموں کو کفایت شعاری کے ان اقدامات پر سختی سے عملدرآمد کرنا ہوگا۔
صدر مملکت آصف زرداری نے
اسلام آباد: صدرِ مملکت آصف علی زرداری نے نہال ہاشمی کو گورنر سندھ تعینات کرنے کی منظوری دے دی۔ صدرمملکت نے وزیرِ اعظم کی ایڈوائس پر نہال ہاشمی کی بطور گورنر تقرری کی منظوری دی ہے۔ صدر زرداری نے نہال ہاشمی کو گورنر سندھ تعینات ہونے پر مبارکباد دیتے ہوئے نیک تمناؤں کا اظہار کیا ہے۔ نہال ہاشمی کے سیاسی کیرئیر پر مختصر نظر کراچی سے تعلق رکھنے والے نہال ہاشمی گزشتہ کئی دہائیوں سے مسلم لیگ ن سے وابستہ ہیں، وہ 1997 سے 1999 تک وزیراعظم نواز شریف کے مشیر برائے قانون و انصاف رہے، 2012 میں انہوں نے کراچی میں مسلم لیگ ن کے صدر کے طور پر خدمات انجام دیں اور پھر اگست 2014 میں انہیں سندھ میں مسلم لیگ ن چیپٹر کا جنرل سیکرٹری بنایا گیا۔ 2015 میں نہال ہاشمی مسلم لیگ ن کی پنجاب سے نشست پر سینیٹ کے امیدوار منتخب ہوئے اور اب انہیں گورنر سندھ بنانے کا فیصلہ کیا گیا ہے۔ 2017 میں پاناما کیس سے متعلق متنازع بیان پر نہال ہاشمی کو مسلم لیگ ن سے نکال دیا گیا تھا تاہم پھر 2021 میں ان کی رکنیت بحال کر دی گئی تھی۔
ڈمی گورنر نہیں تھا،کہہ سکتا ہوں
گورنر سندھ کامران ٹیسوری کا کہنا ہے کہ کوئی بھی ساری زندگی کسی منصب پر نہیں رہتا، میں گونگا بہرا یا ڈمی گورنر نہیں تھا، کہہ سکتا ہوں کس نے ہٹوایا لیکن کہوں گا نہیں۔ گورنر سندھ کامران ٹیسوری نے نامزد گورنر نہال ہاشمی کو ٹیلیفون کیا اور انہیں گورنر سندھ کے عہدے پر نامزدگی کی مبارک باد دی۔ کامران ٹیسوری کا کہنا تھا کہ جتنے انیشی ایٹیوز ہیں ان سب کو جاری رکھنے کے لیے ساتھ دوں گا، میری نیک تمنائیں آپ کے ساتھ ہیں،جو کام ہو ساتھ دوں گا۔ گورنر سندھ کامران ٹیسوری نے صدر زرداری، وزیر اعظم شہبازشریف اور فیلڈ مارشل کا شکریہ ادا کیا۔ گورنر سندھ کامران خان ٹیسوری نے وزیراعلیٰ سندھ مراد علی شاہ کو بھی فون کیا۔ ان کا کہنا تھا کہ پونے چار سال ایک اچھا تعلق رہا، ساتھ کام کیا، عہدے آنے جانے والی چیز ہیں،آپ نے جو احترام دیا وہ یاد رہےگا۔ نہال ہاشمی کی نامزدگی سے قبل میڈیا سے گفتگو میں کامران ٹیسوری کا کہنا تھا کہ کوئی بھی ساری زندگی کسی منصب پر نہیں رہتا، میں گونگا بہرا یا ڈمی گورنر نہیں تھا، گورنر ہاؤس آکر وعدہ کیا تھا کہ کام کرنا چاہتا ہوں، کہہ سکتا ہوں کس نے ہٹوایا لیکن کہوں گا نہیں۔ کامران ٹیسوری کا کہنا تھا کہ ابھی تو پارٹی شروع ہوئی ہے، یہ خبر سن کر کہیں دبک نہیں گیا میڈیا کا سامنا کیا،گل پلازہ کی آواز اٹھانے پر سزا دی جارہی ہے تو دے دیں، گورنر ہاؤس میں شروع ہونے والے کام جاری رہنا چاہئیں، کراچی میں میرا گھر سب کے لیے حاضر ہے، آئی ٹی کی تعلیم لینے والے 50 ہزار بچوں کا کیا مستقبل ہو گا نئے گورنر جانتے ہیں۔
وزیراعلیٰ پنجاب کا سی سی ڈی
وزیراعلیٰ پنجاب مریم نواز نےکرائم کنٹرول ڈیپارٹمنٹ (سی سی ڈی) کو پریمیئر انویسٹی گیشن ایجنسی بنانےکا فیصلہ کیا ہے۔ سرکاری اعلامیےکے مطابق جدید فارنزک، تفتیشی مہارتوں، مشینری اور آلات سے سی سی ڈی کوپاکستان کے جدید ترین ادارے میں بدلا جائےگا۔ اسے مجرموں کا سراغ لگانے اور ان کی مانیٹرنگ کے لیے جدیدترین آلات بھی فراہم کیے جائیں گے۔ اعلامیےکے مطابق جرائم کےخاتمے اور عوامی پزیرائی کے باعث سی سی ڈی کادائرہ کار بڑھایا جائےگا اور اسے دنیاکے پانچ بہترین کرائم کنٹرول اداروں کی طرزپر استوارکیا جائےگا، سی سی ڈی میں جدید تحقیقی مرکز بھی قائم کیا جائےگا۔ وزیراعلیٰ مریم نواز نے سی سی ڈی کا جدیدترین ہیڈکوارٹر بنانےکی منظوری بھی دے دی ہے۔ہرڈویژن، ضلعے اورتحصیل میں سی سی ڈی آفس،تھانے اور رہائش گاہیں بنائی جائیں گی، غیرقانونی اسلحے کی روک تھام کے لیے نیا قانون بھی بنایا جائےگا۔ اعلامیے میں کہا گیا ہےکہ سی سی ڈی کےاقدامات سےقتل اور خواتین کےخلاف جرائم میں نمایاں کمی ہوئی ہے اور ڈکیتیوں میں 77فیصد کمی آئی ہے۔ وزیراعلیٰ نے خواتین پر تیزاب پھینکنے والوں سے نمٹنےکا ٹاسک بھی سی سی ڈی کو دے دیا ہے۔
سندھ حکومت کا جمعتہ الوداع
سندھ حکومت نے جمعتہ الوداع پر عام تعطیل کا اعلان کردیا۔ وزیر بلدیات سندھ ناصر حسین شاہ کا کہنا ہے کہ سندھ حکومت نےجمعتہ الوداع کے موقع پر عام تعطیل کا اعلان کیا ہے۔ ناصر حسین شاہ نے بتایا کہ کراچی کی ایک شاہراہ کو آیت اللّٰہ علی خامنہ ای کے نام سے منسوب کیا جائے گا، ساتھ یہ بھی واضح کردیا کہ جمعتہ الوداع پر شارع فیصل پر ریلی نکالنے کی اجازت نہیں دی جاسکتی، تمام تنظیمیں اپنے روایتی روٹس پر ریلی نکالیں۔ یاد رہے کہ آج یوم علی پر ملک بھر کے چھوٹے بڑے شہروں میں جلوس برآمد کیے جائیں گے۔ کراچی میں صدر کی مختلف سڑکوں اور گلیوں کو کنٹینر رکھ کر بند کیا گیا ہے۔
عمران خان سے بشریٰ بی بی
بشریٰ بی بی کی بانی پی ٹی آئی عمران خان سے اڈیالہ جیل میں ملاقات کروا دی گئی۔ جیل ذرائع کے مطابق کانفرنس روم میں بشریٰ بی بی کی عمران خان سے ملاقات کروائی گئی۔ جیل ذرائع نے بتایا کہ ملاقات 30 منٹ تک جاری رہی، جس میں بانی پی ٹی آئی کی صحت، آنکھ کی بیماری اور جاری علاج پر بات چیت کے علاوہ عدالتوں میں زیرِ سماعت اپیلوں اور قانونی امور پر بھی بات چیت کی گئی۔ جیل ذرائع کے مطابق ملاقات ختم ہونے پر بانی پی ٹی آئی اور بشریٰ بی بی کو ان کے سیل منتقل کر دیا گیا تھا۔
ہمارے پاس بحیرہ احمر اور فجیرہ
اسلام آباد: وفاقی وزیرتجارت جام کمال خان کا کہنا ہےکہ ہمارے پاس بحیرہ احمر اور فجیرہ کے سمندری راستے ہیں جس سے ایکسپورٹ متاثر ہونے سے بچا رہے ہیں، وزیراعظم نےکہا ہےکہ تیل کی عالمی قیمتیں بڑھتی ہیں تو عوام پر بوجھ نہیں ڈال سکتے، ایسی صورت میں حکومت تیل کی اضافی قیمتوں کا بوجھ خود برداشت کرےگی۔ جیو نیوز سےگفتگو میں وفاقی وزیر تجارت جام کمال خان نےکہا کہ آئی ایم ایف کے پروگرام کے تحت ایکسپورٹرزکو بہت زیادہ سبسڈی نہیں دے سکتے، ہم آئی ایم ایف کے پروگرام کے اندر ہیں، سبسڈی دینا معاشی معاہدوں پر بھی منحصر ہے، آئی ایم ایف کے ساتھ کیےگئے معاہدے نہیں چھیڑے جاسکتے۔ وفاقی وزیر تجارت کا کہناتھا کہ عمان، فجیرہ اور بحیرہ احمر میں ابھی ہماری تجارت متاثر نہیں ہوئی، قطر، بحرین اور دبئی میں تجارتی بیڑے متاثر ہوئے ہیں، کراچی پورٹ پر مڈل ایسٹ جانے والے جہاز رکے ہوئے ہیں، قطر ،عمان، بحرین اور سعودی عرب سے متبادل تجارتی روٹ پر بات ہورہی ہے، تیل کی ترسیل کویت ،سعودی عرب اور قطر سے متبادل روٹ سے ہو رہی ہے۔ ان کا کہنا تھا کہ پاکستان اور دیگر ممالک کی کوشش ہےکہ یہ کشیدگی کم ہو، ہمارے پاس بحیرہ احمر اور فجیرہ اور سعودی عرب کے سمندری راستے ہیں جس سے ہم اپنی ایکسپورٹ کو متاثر ہونے سے بچا رہے ہیں، ایرانی سیستان بلوچستان اگر متاثر ہوگا تو پاکستان کا بلوچستان بھی معیشت اور سیاسی لحاظ سے متاثر ہوگا۔
بھارت کی جانب سے آبی
پاکستان نے کہا ہے کہ بھارت کی جانب سے آبی دہشت گردی کا سامنا ہے۔ اقوام متحدہ کی سلامتی کونسل میں توانائی، معدنیات اور سلامتی سے متعلق بریفنگ کے دوران پاکستان کے مستقل مندوب عاصم افتخار احمد نے کہا ہے کہ پاکستان کو بھارت کی جانب سے آبی دہشت گردی کا سامنا ہے۔ انہوں نے کہا کہ سندھ طاس معاہدہ کی یکطرفہ معطلی عالمی قوانین کی خلاف ورزی ہے۔ ان کا کہنا تھا کہ بھارت پانی کو بطور ہتھیار استعمال کر رہا ہے جو نہ صرف خطے کے امن بلکہ سلامتی اور استحکام کے لیے بھی خطرہ بن سکتا ہے۔ عاصم افتخار احمد نے عالمی برادری پر زور دیا کہ وہ سندھ طاس معاہدے کی پاسداری یقینی بنانے اور بھارت کو اس معاہدے پر واپس لانے کے لیے دباؤ ڈالے۔ انہوں نے مزید کہا کہ قدرتی وسائل کو تنازعات کا سبب بنانے کے بجائے معاشی ترقی اور مشترکہ خوشحالی کے ذرائع کے طور پر استعمال ہونا چاہیے۔
افغان طالبان کی آپریشن
کابل:افغان طالبان کو آپریشن غضب للحق میں پاک افواج کے ہاتھوں سخت ہزیمت اٹھانا پڑ گئی۔ پاکستان کی فضائی کارروائیوں آپریشن غضب للحق کے دوران افغان طالبان کو شدید نقصان ہوا ہے اور اس کے بعد افغان میڈیا پر سخت پابندیاں عائد کی گئی ہیں۔ رپورٹس کے مطابق طالبان نے صحافیوں کو فوجی مراکز اور ٹھکانوں پر ہونے والے حملوں کی رپورٹنگ سے روک دیا ہے۔ پاکستانی حملوں کے مقامات اور نقصانات کی تفصیل نشر کرنے پر افغان میڈیا کو سخت وارننگ جاری کی گئی ہے۔ اس کے علاوہ طالبان کی فوجی تنصیبات کی تباہی سے متعلق خبروں کی اشاعت پر مکمل پابندی عائد کی گئی ہے۔ ماہرین کا کہنا ہے کہ طالبان کی جانب سے میڈیا پر دباؤ اور سنسرشپ بڑھانا سچ کو چھپانے کی ناکام کوشش ہے اور یہ ظاہر کرتا ہے کہ دہشت گرد گروپوں کو افغانستان میں سرپرستی حاصل ہے۔
پنجاب میں موٹرسائیکلوں
لاہور: صوبہ پنجاب میں موٹرسائیکلوں سمیت تمام گاڑیوں پر ای ٹیگ لگانے کا فیصلہ کر لیا گیا۔ وزیر اعلیٰ پنجاب مریم نواز کی زیر صدارت امن و امان سے متعلق اہم اجلاس ہوا۔ جس میں صوبے کی موجودہ سیکیورٹی صورتحال کا تفصیلی جائزہ لیا گیا۔ اجلاس میں فیصلہ کیا گیا کہ موٹرسائیکل سمیت تمام گاڑیوں پر ای ٹیگ لگائے جائیں گے۔ تاکہ گاڑیوں کی نقل و حرکت کی مؤثر نگرانی کی جا سکے۔ وزیراعلیٰ پنجاب مریم نواز نے اس اقدام کی باقاعدہ منظوری دے دی۔ اجلاس کے دوران پنجاب سائبر کرائم انویسٹی گیشن یونٹ قائم کرنے کی بھی منظوری دی گئی۔ مریم نواز نے سائبر کرائم انویسٹی گیشن یونٹ کے سربراہ کی تقرری کی بھی منظوری دے دی۔ ذرائع کے مطابق سائبر کرائم کا شکار خواتین اور بچیوں کے لیے خصوصی سیل بنایا جائے گا۔ جبکہ اضلاع میں ڈسٹرکٹ آن لائن کرائم سینٹرز قائم کیے جائیں گے۔ اجلاس میں غیر روایتی صوبائی داخلی پوائنٹس سے آمدورفت روکنے کے لیے اقدامات کی ہدایت کی گئی۔ صوبائی داخلی راستوں پر سرچ لائٹس لگانے اور ڈرون سرویلنس کی منظوری دی گئی ہے۔ جبکہ چیک پوسٹوں پر روف ٹاپ سیکیورٹی مانیٹرنگ یقینی بنانے کی ہدایت بھی جاری کی گئی۔ ذرائع کے مطابق وزیر اعلیٰ مریم نواز نے جدید ترین ڈرون ڈیفنس سسٹم کی فوری خریداری کے لیے اقدامات کا حکم دیا۔ اور ڈرون کے غیر قانونی استعمال پر پابندی یقینی بنانے کی ہدایت کی ہے۔
اسلام آباد ہائیکورٹ میں
اسلام آباد ہائیکورٹ نے بانی پی ٹی آئی کی توشہ خانہ فوجداری کیس میں دائر اپیل سماعت کیلئے مقرر کر دی ہے۔ عدالت عالیہ نے کیس کو کل باقاعدہ سماعت کیلئے مقرر کیا ہے جہاں اہم قانونی نکات پر دلائل دیے جائیں گے۔ اسی اپیل کے ساتھ بانی پی ٹی آئی کی جانب سے علاج معالجے کی غرض سے شفاء ہسپتال منتقلی کی متفرق درخواست بھی دائر کی گئی ہے، جسے بھی سماعت کیلئے فہرست میں شامل کر لیا گیا ہے۔ درخواست میں مؤقف اختیار کیا گیا ہے کہ مناسب طبی سہولیات کی فراہمی کیلئے انہیں اسپتال منتقل کرنا ضروری ہے، کیس کی سماعت جسٹس ارباب محمد طاہر اورجسٹس خادم حسین سومرو پرمشتمل دورکنی بینچ کرے گا۔ قانونی ماہرین کے مطابق آئندہ سماعت میں اپیل کے قابلِ سماعت ہونے اورطبی بنیادوں پرمنتقلی کی درخواست پراہم پیش رفت متوقع ہے۔
آیت اللہ علی خامنہ ای کی
سابق وزیر اعظم اور صدرن لیگ نوازشریف نے ایرانی سپریم لیڈر کی شہادت پر ایران سے اظہار تعزیت کیا ہے۔ سماجی رابطے کی ویب سائٹ ایکس پر پوسٹ کرتے ہوئے انہوں نے کہا کہ آیت اللہ علی خامنہ ای کی شہادت پر ایرانی قوم کے ساتھ اظہار یکجہتی کرتا ہوں،آیت اللہ علی خامنہ ای کی شہادت ایک بڑا نقصان ہے۔یہ ایران کی تاریخ کا ایک اہم لمحہ ہے۔
کراچی: ناظم آباد میں
کراچی: ناظم آباد میں مبینہ طور پرکچی شراب پینےسے 3 افراد ہلاک ہوگئے۔ پولیس کے مطابق واقعہ ناظم آباد ایک نمبر میں پیش آیا جہاں کچی شراب پینے سے 3 افراد ہلاک ہوئے جب کہ واقعہ کے بعد ایک ملزم کو گرفتار کرلیا گیا۔ آئی جی سندھ جاوید عالم اوڈھو نے واقعے کا نوٹس لیتے ہوئے ایس پی سینٹرل سے رپورٹ طلب کرلی۔
پاکستان میں امریکی
امریکی سفارتخانے نے آج ویزوں اور امریکن سٹیزن سروسز کی اپائنٹمنٹس منسوخ کر دیں۔ امریکی سفارتخانے کی جانب سے اعلامیہ جاری کیا گیا ہے جس کے مطابق منسوخی اسلام آباد میں سفارتخانے،کراچی اورلاہورکےقونصل خانوں پرلاگو ہوگی۔ منسوخی کے باعث متاثرہ افراد کو نئی تاریخ کے اعلان کا انتظار کرنے کا کہا گیا ہے۔ امریکی سفارتخانے کے مطابق اسلام آباد،کراچی،لاہور میں امریکی ویزا اور قونصلر خدمات آج معطل ہیں۔
آپریشن غضب للحق جاری
وفاقی وزیر اطلاعات عطا اللہ تارڑ نے کہا ہے کہ افغانستان کے خلاف جاری آپریشن غضب للحق میں اب تک 331 افغان طالبان ہلاک جبکہ 500 سے زائد زخمی ہو چکے ہیں۔ وزیر اطلاعات نے کہا کہ کارروائی کے دوران افغان طالبان کی 104 چیک پوسٹیں تباہ کر دی گئی ہیں جبکہ 22 پر قبضہ کر لیا گیا ہے۔ انہوں نے دعویٰ کیا کہ آپریشن میں 163 ٹینک اور مسلح گاڑیاں بھی تباہ کی گئیں جبکہ افغانستان کے اندر 37 مقامات کو فضائی کارروائی میں مؤثر انداز میں نشانہ بنایا گیا۔ دوسری جانب سیکیورٹی ذرائع کا کہنا ہے کہ پاک فوج کی جانب سے افغان طالبان رجیم کی بلااشتعال جارحیت کے خلاف زمینی اور فضائی کارروائیاں جاری ہیں، ذرائع کے مطابق پاک افغان سرحد پر حالیہ کشیدگی کے بعد طالبان رجیم کو ہر محاذ پر پسپائی کا سامنا ہے۔ سیکیورٹی ذرائع کے مطابق قلعہ سیف اللہ سیکٹر میں افغانستان کی رحیم تھانہ پوسٹ کو مکمل طور پر تباہ کر دیا گیا ہے۔ پاک فوج کی کارروائیاں صرف عسکری اہداف تک محدود ہیں اور کسی بھی سویلین ہدف یا آبادی کو نشانہ نہیں بنایا جا رہا۔ حکام کے مطابق آپریشن کا مقصد سرحدی علاقوں میں امن و استحکام کو یقینی بنانا اور پاکستان کی خودمختاری کا دفاع کرنا ہے، جبکہ صورتحال پر مسلسل نظر رکھی جا رہی ہے۔
پاکستان سے لڑائی کی
اسلام آباد: چیئرمین پاکستان علماء کونسل علامہ طاہر اشرفی نے کہا ہے کہ پاکستان نے افغانستان کے ساتھ بہتر تعلقات اور امن کے قیام کے لیے ہر ممکن کوشش کی، تاہم افغان حکام کو اس کی سنجیدگی کا ادراک کرنا چاہیے۔ اپنے بیان میں انہوں نے کہا کہ افغان طالبان کو اسرائیل اور بھارت سمیت کسی بھی بیرونی قوت کے ہاتھوں استعمال نہیں ہونا چاہیے، کیونکہ اس کے خطے پر منفی اثرات مرتب ہوں گے۔ ان کا کہنا تھا کہ پاکستان نے ہمیشہ افغان عوام کا ساتھ دیا اور مشکل وقت میں انہیں سہارا فراہم کیا۔ انہوں نے کہا کہ ان کی پناہ گاہ پاکستان تھا، پاکستان سے لڑائی کی تو دنیا میں کہیں پناہ نہیں ملے گی، علامہ طاہر اشرفی نے خبردار کرتے ہوئے کہا کہ اگر پاکستان کے خلاف محاذ آرائی کی گئی تو اس کے نتائج سنگین ہوں گے، دونوں ممالک کو تعلقات میں بہتری اور باہمی احترام کو فروغ دینا چاہیے۔ افغانستان کی بلا اشتعال جارحیت، خیبرپختونخوا کے عوام مسلح افواج کے ساتھ کھڑے ہو گئے انہوں نے مزید مطالبہ کیا کہ ریاست پاکستان افغان طالبان کے مبینہ سہولت کاروں کے خلاف بھی کارروائی کرے تاکہ ملک کے اندرونی امن و استحکام کو یقینی بنایا جا سکے۔ ان کا کہنا تھا کہ قومی سلامتی اور خودمختاری پر کوئی سمجھوتہ نہیں کیا جا سکتا۔
پاکستان امن کا
وزیراعظم شہباز شریف نے کہا ہے کہ پاکستان کی عوام اور مسلح افواج ملک کی سلامتی، خودمختاری اور علاقائی سالمیت کے تحفظ کے لیے ہمہ وقت تیار ہیں۔ انہوں نے واضح کیا کہ وطنِ عزیز کے دفاع پر کوئی سمجھوتہ نہیں کیا جائے گا اور ہر جارحیت کا منہ توڑ جواب دیا جائے گا۔ وزیراعظم کا کہنا تھا کہ افواج پاکستان کا عزم ہے کہ کسی بھی صورت ملک کے امن اور تحفظ پر آنچ نہیں آنے دیں گے۔ انہوں نے کہا کہ ہماری افواج کسی بھی جارحانہ عزائم کو خاک میں ملانے کی بھرپور صلاحیت رکھتی ہیں۔ انہوں نے کہا کہ چیف آف آرمی اسٹاف اور چیف آف ڈیفنس فورسز، فیلڈ مارشل سید عاصم منیر کی قیادت میں افواجِ پاکستان قومی جذبے کے ساتھ اپنے فرائض انجام دے رہی ہیں۔ افواجِ پاکستان پیشہ ورانہ صلاحیتوں، اعلیٰ تربیت اور مؤثر دفاعی حکمتِ عملی سے لیس ہیں اور کسی بھی اندرونی یا بیرونی چیلنج سے نمٹنے کی مکمل صلاحیت رکھتی ہیں۔ وزیراعظم نے کہا کہ پاکستان نے ہمیشہ امن کو فروغ دیا ہے، تاہم ملکی سالمیت پر کوئی آنچ نہیں آنے دی جائے گی اور افواجِ پاکستان ہر جارحیت کا ڈٹ کر مقابلہ کریں گی۔ انہوں نے زور دیا کہ پوری قوم افواجِ پاکستان کے شانہ بشانہ کھڑی ہے۔
اب ہماری تمہاری کھلی
وزیردفاع خواجہ آصف نے افغان طالبان رجیم کو پیغام دیتے ہوئے کہا کہ اب ہماری تمہاری کھلی جنگ ہے۔ انہوں نے سوشل میڈیا پر اپنے پیغام میں کہا کہ نیٹو کی افواج کے انخلاء کے بعد یہ توقع کی جاتی تھی کہ افغانستان میں امن ھو گا اور طالبان افغانُ عوام کے مفادات اور علاقہ میں امن پہ توجہ مرکوز کریں ُ گے مگر طالبان نے افغانستان کو ہندوستان کی کالونی بنا دیا۔ ساری دنیا کے دہشت گردوں کو افغانستان میں اکٹھا کر لیا اور دہشت گردی کو ایکسپورٹ کرنا شروع کر دیا، اپنی عوام کو بنیادی انسانی حقوق سے محروم کر دیا، خواتین کو جو حقوق اسلام دیتا ھے وہ چھین لیے۔ نیٹو کی افواج کے انخلاء کے بعد یہ توقع کی جاتی تھی کہ افغانستان میں امن ھو گا اور طالبان افغانُ عوام کے مفادات اور علاقہ میں امن پہ توجہ مرکوز کریںُ گے۔مگر طالبان نے افغانستان کو ھندوستان کی کالونی بنا دیا۔ ساری دنیا کے دھشت گردوں کا افغانستان میں اکٹھا کر لیا اور دھشت گردی کو… پاکستان نے براہ راست اور دوست ممالک کے ذریعہ حالات نارمل رکھنے کی پوری کوششیں کیں۔ بھر پور سفارت کاری کی مگر طالبان ہندوستان کی پراکسی بن گئے آج جب پاکستان کو جارحیت کا نشانہ بنانے کی کوشش کی الحمدللہ ھماری افواج اس وقت فیصلہ کن جواب دے رہی ہیں۔ پاکستان سے لڑائی کی تودنیا میں کہیں پناہ نہیں ملے گی، علامہ طاہر اشرفی نے افغان طالبان کو خبردار کر دیا وزیر دفاع نے اپنے پیغام میں کہا کہ ماضی میں پاکستان کا کردار مثبت رہا ہے۔ 50 لاکھ افغانیوں کی 50 سال سے مہمان نوازی کی، آج بھی ہماری سر زمین پہ افغان لاکھوں کی تعداد روزی کما رہے ہیں۔ ہمارا صبر کا پیمانہ لبریز ہو چکا، اب ہماری تمہاری کھلی جنگ، اب دما دم مست قلندر ھو گا، پاکستان کی فوج سمندر پار سے نہیں آئی ہوئی۔ ہم تمہارے ہمسائے ہیں تمہاری اوقات جانتے ہیں۔
سینیٹ میں افغانستان
سینیٹ میں افغانستان کی دراندازی کے خلاف مذمتی قرارداد متفقہ طور پر منظور کر لی گئی۔ سینیٹ میں افغانستان کی جانب سے پاکستان میں دراندازی کے خلاف مذمتی قرارداد پیش کی گئی، جسے ایوان نے متفقہ طور پر منظور کرلیا۔ یہ قرارداد شیری رحمان نے پیش کی، قرارداد کے متن میں کہا گیا کہ سینیٹ افغانستان کی طرف سے پاکستان کے سرحدی علاقوں میں دراندازی کی شدید مذمت کرتا ہے۔ قرارداد میں افغانستان کی دراندازی کے دوران شہید ہونے والے مسلح افواج کے جوانوں کو خراجِ عقیدت پیش کیا گیا اور ان کی قربانیوں کو سراہا گیا۔ متن میں کہا گیا کہ سینیٹ اس امر کی بھی مذمت کرتا ہے کہ افغانستان کی سرزمین پاکستان کے خلاف دہشت گردی کے لیے استعمال ہو رہی ہے۔ سینیٹ نے عالمی برادری سے مطالبہ کیا ہے کہ وہ افغان طالبان رجیم کے اس رویے کا نوٹس لے اور خطے میں امن و استحکام کے لیے کردار ادا کرے۔
لاہور ہائیکورٹ کا سرکاری
لاہور ہائیکورٹ نے سرکاری ملازمین کے تبادلوں سے متعلق اہم فیصلہ جاری کرتے ہوئے قرار دیا ہے کہ سرکاری ملازمت میں تبادلہ سروس کا حصہ ہے اور کوئی بھی ملازم اپنی مرضی کے اسٹیشن پر تعیناتی کا قانونی دعویٰ نہیں کر سکتا۔ عدالت نے واضح کیا کہ محض آٹھ دن کے اندر تبادلہ ہونا بذاتِ خود غیر قانونی نہیں ہے، جب تک تبادلے میں انتظامی بدنیتی ثابت نہ ہو، عدالت اس معاملے میں مداخلت نہیں کرے گی۔ یہ فیصلہ جسٹس راحیل کامران نے چار صفحات پر مشتمل تحریری حکم میں جاری کیا، عدالت نے بلڈنگ انسپکٹر محمد عمران ارشاد کی تبادلے کے خلاف دائر درخواست خارج کر دی، درخواست گزار نے تبادلے کے محض آٹھ دن بعد عدالت سے رجوع کیا تھا۔ عدالت نے اپنے فیصلے میں مزید قرار دیا کہ پنجاب لوکل گورنمنٹ ایکٹ 2025 کے نفاذ کے بعد سابقہ قانون موثر نہیں رہا اور نئے قانون میں ملازمین کی تعیناتی کی مدت یعنی سیکیورٹی آف ٹینور کا کوئی تحفظ موجود نہیں لہٰذا محکمہ بلدیات کے ملازمین کسی مخصوص مدت تک ایک ہی جگہ تعیناتی کا حق نہیں رکھتے۔ فیصلے میں یہ بھی کہا گیا کہ پرانے عدالتی نظائر نئے قانون کی موجودگی میں درخواست گزار کے کام نہیں آ سکتے۔
پی ٹی آئی میں ہزار اختلاف
وزیردفاع خواجہ آصف کا کہنا ہے کہ تحریک انصاف میں ہزاروں اختلافات پائےجاتے ہیں لیکن اس کے باوجود ان سب کا ایک چیز پر اتفاق ہے کہ عمران خان جیل میں رہیں۔ خواجہ آصف نے سوشل میڈیا پر جاری اپنے بیان میں پاکستان تحریک انصاف اور خیبرپختونخوا حکومت کو شدید تنقید کا نشانہ بنایا۔ ان کا کہنا تھا کہ خیبرپختونخوا حکومت بانی پی ٹی آئی کے لیے “رہائی فورس” بنانے جا رہی ہے جب کہ دہشت گردوں کے خلاف زبان تک نہیں کھولے گی۔ انہوں نے الزام عائد کیا کہ پی ٹی آئی شہدا کے جنازوں میں شرکت سے بھی گریز کرتی ہے، حالانکہ روزانہ پولیس اہلکار شہید ہو رہے ہیں۔ وزیر دفاع نے کہا کہ پی ٹی آئی کی ترجیح اول و آخر صرف بانی پی ٹی آئی ہیں اور صوبے کے مسائل کو نظر انداز کیا جا رہا ہے۔ ان کا کہنا تھا کہ “وزارت اعلیٰ بچاؤ نمبر ٹانگو، صوبہ گیا بھاڑ میں” جیسی پالیسی اختیار کی گئی ہے۔ خواجہ آصف نے مزید کہا کہ پی ٹی آئی کے لیے وطن کی سلامتی کی کوئی وقعت نہیں، اور یہ کیسی سیاسی جماعت ہے جس کے اندرونی اختلافات سب کے سامنے ہیں۔ انہوں نے کہا کہ پارٹی کے مختلف گروپوں میں ہزاروں اختلافات پائے جاتے ہیں، تاہم ایک معاملے پر مکمل اتفاق ہے کہ بانی پی ٹی آئی جیل میں ہی رہیں۔ انہوں نے یہ بھی دعویٰ کیا کہ پارٹی کے اندر لوگ ایک دوسرے کو گالیاں دے رہے ہیں جبکہ باہر بیٹھے یوٹیوبرز کا دھندہ عروج پر ہے۔
اٹلی نے پاکستانیوں کیلئے
اٹلی نے پاکستان کی اسکلڈ لیبر فورس کیلئے ورک ویزے جاری کرنے کا اعلان کر دیا۔ وفاقی وزیر داخلہ محسن نقوی نے دورہ اٹلی کے دوران اطالوی ہم منصب میٹیو پینٹے ڈوسی سے اہم ملاقات کی جس میں دونوں ممالک کے درمیان سیکیورٹی تعاون، غیر قانونی امیگریشن کی روک تھام اور لیگل مائیگریشن کے فروغ پر تبادلہ خیال کیا گیا۔ ملاقات کے دوران اٹلی نے پاکستان کی اسکلڈ لیبر فورس کیلئے ورک ویزے جاری کرنے کا اعلان کیا جبکہ پاکستانی ڈپلومیٹک پاسپورٹ رکھنے والوں کو ویزا سے استثنیٰ دینے کا بھی فیصلہ کیا گیا۔ روم میں ہونے والی ملاقات میں پاکستان اور اٹلی کے درمیان داخلی سیکیورٹی تعاون کو مزید مضبوط بنانے پر اتفاق کیا گیا۔ فریقین نے غیر قانونی امیگریشن کی روک تھام کیلئے اقدامات کا جائزہ لیا اور انسانی اسمگلنگ و انسدادِ منشیات کے خلاف مؤثر تعاون بڑھانے پر گفتگو کی۔ وزیر داخلہ محسن نقوی نے اطالوی حکام کو آگاہ کیا کہ ائیر پورٹس اور سمندری سرحدوں پر سخت نگرانی کے باعث غیر قانونی امیگریشن میں نمایاں کمی آئی ہے، انہوں نے انسانی اسمگلنگ اور منشیات کے خلاف پاکستان کی کامیابیوں پر بھی روشنی ڈالی۔ اطالوی وزیر داخلہ نے غیر قانونی امیگریشن اور انسانی اسمگلنگ کی روک تھام کیلئے پاکستان کے اقدامات کو سراہتے ہوئے کہا کہ پاکستان کے ساتھ مشترکہ مفادات کے شعبوں میں تعاون کو مزید فروغ دینے کیلئے تیار ہیں۔ اس موقع پر پنجاب پولیس کے افسران نے پولیس خدمت مراکز گلوبل کی افادیت اور کارکردگی کے حوالے سے اطالوی وزیر داخلہ کو بریفنگ بھی دی، ملاقات کو دونوں ممالک کے درمیان سیکیورٹی اور افرادی قوت کے شعبوں میں تعاون کے نئے دور کا آغاز قرار دیا جا رہا ہے۔
اسلام آباد میں بس اڈوں
اسلام آباد ٹریفک پولیس نے بس اڈوں اور ٹرانسپورٹ مالکان کے لیے نئی ہدایات جاری کر دی ہیں۔ چیف ٹریفک آفیسر ہمایوں حمزہ کے مطابق کوئی بھی مسافربس یا وین اگراڈے کے علاوہ راستے میں کسی مسافرکو اتارے گی تو اس کے خلاف قانونی کارروائی کی جائے گی۔ انہوں نے کہا کہ اجنبی افراد کو سڑکوں پراتارنے سے سیکیورٹی خطرات پیدا ہوتے ہیں، اس لیے مختلف شہروں سے آنے والے مسافروں کو صرف مقررہ اڈوں پر ہی اتارنا ہوگا لاہور سیالکوٹ موٹروے ایم 11 دھند کی وجہ سے بند سی ٹی او نے واضح کیا کہ اسلام آباد میں ایم ٹیگ کے بغیر کوئی بھی گاڑی یا موٹرسائیکل نہیں چل سکے گی۔ اس کے علاوہ غیر رجسٹرڈ اور بغیر نمبر پلیٹ موٹرسائیکل چلانے کی اجازت نہیں ہوگی۔ ہمایوں حمزہ نے خبردار کیا کہ ایسے موٹرسائیکل رکھنے والوں کے خلاف سخت کارروائی عمل میں لائی جائے گی۔ ٹریفک پولیس کا کہنا ہے کہ ان اقدامات کا مقصد شہریوں کی حفاظت کو یقینی بنانا اوردارالحکومت میں ٹریفک نظم و ضبط کو بہتر بنانا ہے
علی امین کی سیکیورٹی
پشاور: وزیر اعلیٰ خیبر پختونخوا سہیل آفریدی نے کہا ہے کہ علی امین گنڈاپور کی سیکیورٹی واپس نہیں لی۔ لیکن اگر کوئی خبروں میں رہنا چاہتا ہے تو ہم ذمہ دار نہیں۔ وزیر اعلیٰ خیبر پختونخوا سہیل آفریدی نے علی امین گنڈا پور سے سیکیورٹی واپس لینے سے متعلق سوال پر کہا کہ سیکیورٹی واپس لینے کی بات جھوٹ ہے۔ اور کسی سے کوئی سیکیورٹی واپس نہیں لی گئی۔ انہوں نے کہا کہ میرے پاس اتنا وقت نہیں کہ سیکیورٹی واپس لیتا رہوں۔ ہماری ترجیح بانی پی ٹی آئی کی رہائی ہے۔ سہیل آفریدی نے کہا کہ اگر کوئی نان ایشو کو ایشو بنا کر خبروں میں رہنا چاہتا ہے تو اس کے ذمہ دار ہم نہیں ہیں۔ واضح رہے کہ گزشتہ روز علی امین گنڈاپور نے اپنے پیغام میں کہا تھا کہ رات 11 بجے وزیر اعلیٰ کے ڈپٹی سی ایس او نے میرے سیکیورٹی اہلکاروں کو کال کی۔ اور کہا کہ سی ایس او کا حکم ہے کہ آپ سب کلوز ہو جائیں۔ ان کا کہنا تھا کہ میرے پاس صوبائی حکومت کی ایک جیمر اور ایک ڈبل کیبن گاڑی تھی۔ اس گاڑی کے ساتھ 14 اہلکار بھی تھے۔ ان اہلکاروں نے مجھ سے کہا تو میں نے کہا بس کلوز ہوجائیں۔ یہ اس معاملے کی اصل حقیقت ہے۔ علی امین کا کہنا تھا کہ اب مجھے سیکیورٹی واپس دی بھی گئی تو نہیں لوں گا۔ وزیراعلیٰ کو بتانا چاہتا ہوں اب اس سیکیورٹی کو مجھے واپس کرنے کی کوئی ضرورت نہیں۔
پشاور: خاتون سول
پشاور: خاتون سول جج سے ہتک آمیز رویے پر وکیل کو توہین عدالت کیس میں 6 ماہ قید کی سزا سنادی گئی۔ پشاور ہائیکورٹ کے جسٹس اعجاز انور نے ڈسٹرکٹ بار ایسوسی ایشن سوات کے رکن اسداللہ کو سزا سنائی۔ عدالت نے ریمارکس دیے کہ ملزم وکیل نے سول جج کو دھمکایا اور نامناسب زبان استعمال کی، وکیل نے مبینہ طور پر من پسند فیصلہ لینے کے لیے دباؤ ڈالا۔ جج نے کہا کہ ملزم وکیل کو غیر تسلی بخش جواب اور عدالتی احکامات کے باوجود پیش نہ ہونے پرسزا سنائی گئی۔
پشاور: خاتون جج
پشاور: عدالت نے خاتون جج کے ساتھ ہتک آمیز رویہ اختیار کرنے پر وکیل کو 6 ماہ قید اور ایک لاکھ روپے جرمانے کی سزا سنا دی۔ پشاور ہائی کورٹ میں خاتون جج کے ساتھ ہتک آمیز رویہ کے کیس کی سماعت ہوئی۔ جسٹس اعجاز انوار نے وکیل کو ہتک آمیز رویہ پر سزا سنائی۔ عدالت کو بتایا گیا کہ ڈسٹرکٹ بار ایسوسی ایشن سوات کے رکن وکیل نے ایک خاتون سول جج کو مبینہ طور پر دھمکیاں دیں اور نامناسب زبان استعمال کی۔ فیصلے میں کہا گیا کہ ملزم وکیل نے مبینہ طور پر من پسند فیصلہ حاصل کرنے کے لیے خاتون جج پر دباؤ ڈالنے کی کوشش کی۔ جو عدالتی وقار اور قانون کی بالادستی کے منافی ہے۔ عدالت کے مطابق وکیل کی جانب سے جمع کرایا گیا جواب غیر تسلی بخش تھا۔ جبکہ وہ بعض مواقع پر پیش بھی نہیں ہوئے۔ جس پر عدالت نے سخت کارروائی کرتے ہوئے سزا سنائی۔
سیکیورٹی فورسز کی پشین
سیکیورٹی فورسز نے بلوچستان کے ضلع پشین میں انٹیلی جنس بیسڈ آپریشن کے دوران 5 خوارج کو ہلاک کر دیا۔ پاک فوج کے شعبہ تعلقات عامہ (آئی ایس پی آر) کے مطابق کاروائی خفیہ اطلاعات کی بنیاد پر کی گئی، بھارتی اسپانسرڈ تنظیم ”فتنہ الخوارج“ کے دہشت گردوں کی علاقے میں موجودگی کی اطلاعات تھیں۔ ان دہشت گردوں کو آپریشن کے دوران ہتھیاروں سمیت مؤثر انداز میں نشانہ بنایا گیا، کاروائی کے دوران ایک خودکش خوارجی نے بزدلانہ اقدام کرتے ہوئے خود کو دھماکے سے اُڑا لیا۔ آئی ایس پی آر کے مطابق ہلاک دہشت گرد علاقے میں متعدد دہشت گرد کاروائیوں میں ملوث تھے، سیکیورٹی فورسز نے خوارج کے قبضے سے اسلحہ، گولہ بارود اور دھماکہ خیز مواد بھی برآمد کر لیا۔ علاقے میں مزید کسی دہشت گرد کی موجودگی کے خاتمے کے لیے کلیئرنس اور سینی ٹائزیشن آپریشن جاری ہے، جبکہ عزمِ استحکام کے تحت دہشت گردی کے خلاف کاروائیاں پوری شدت سے جاری رکھنے کے عزم کا اعادہ کیا گیا ہے۔
حکومت سے کوتاہیاں ہوئی
کراچی: سندھ کے سینئر صوبائی وزیر شرجیل میمن نے کہا ہے کہ حکومت سے کمی کوتاہیاں ہوئی ہوں گی مگر نیت بالکل ٹھیک ہے۔ شرجیل میمن نے یونیورسٹی روڈ پر ریڈ لائن منصوبے کا دورہ کیا جس میں انہوں نے کہا کہ کچھ لوگ ہر بات میں سیاست کرنا اور مایوسی پھیلانا چاہتے ہیں، کوشش کر رہے ہیں کہ یونیورسٹی روڈ کو کلیئر کریں، اس پروجیکٹ کی مالیت بڑھ گئی ہے اسے بند کریں، تمام چیلنجز کے باوجود اس پروجیکٹ پر کام جاری رکھا گیا، اس پروجیکٹ کا جو کام رُکا تھا وہ انتظامی معاملات کی وجہ سے تھا۔ سینئر وزیر نے کہا کہ عید سے پہلے یونیورسٹی روڈ کی سائیڈ کی سڑکوں پر کام مکمل کرنے کی ہدایت کی ہے، مقصد عوام کو سہولت دینا ہے، اس وقت کراچی میں بڑی تعداد میں میگا پروجیکٹ چل رہے ہیں، حکومت سندھ کی انتظامیہ اور میئر کراچی بھی دن رات کام کر رہے ہیں۔ شرجیل میمن نے کہا کہ ریڈ لائن بی آر ٹی پراجیکٹ کو ختم کرنے کی باتیں کی جا رہی تھیں، یہ پراجیکٹ اگلی نسلوں کے کام آئے گا، ہمیں لوگوں کو ایسے پراجیکٹس دینے ہیں جس سے انہیں سہولت ہو۔ انہوں نے مزید کہا کہ کسٹمز نے پنجاب حکومت کو ایک فیصد اور ہمیں 17 سے 18 فیصد چارج کیا، ابھی بھی ہماری بسیں کسٹمز میں پھنسی ہوئی ہیں، ہمارا مطالبہ ہے کہ دونوں صوبوں کے ساتھ ایک جیسا رویہ ہونا چاہیے۔ سینئر وزیر کا بانی پی ٹی آئی عمران خان سے متعلق کہنا تھا کہ ان کی لمبی عمر کے لیے دعاگو ہوں، جہاں تک رہائی کی بات ہے تو رہائی ان کے اپنے ہاتھ میں ہے، سوشل میڈیا پر پی ٹی آئی کےحواری اداروں کو نشانہ بناتے ہیں، اگر یہ لوگ اپنے الفاظ کا چناؤ بہتر کریں تو معاملات میں بہتری آئے گی۔
مطلوب ترین ڈاکو ثناء الل
سندھ کے مطلوب ترین ڈاکو ثناء اللہ عرف ثنو شر نے خود کو پولیس کے حوالے کر دیا، ثنو شر نے میرپور ماتھیلو میں رضاکارانہ طور پر گرفتاری دی۔ ذرائع کے مطابق سندھ پولیس کی جانب سے اس کے سرکی قیمت ایک کروڑ روپے مقرر کرنے کی سفارش کی گئی تھی جس کے بعد اس کی گرفتاری کو بڑی پیش رفت قراردیا جا رہا ہے۔ ذرائع کا کہنا ہے کہ ثنوشرکے خلاف سندھ کے مختلف شہروں اور پنجاب میں مجموعی طور پر 100 سے زائد مقدمات درج ہیں۔ اس پر ایک ڈی ایس پی، دو ایس ایچ اوز سمیت پانچ پولیس اہلکاروں کے قتل کا الزام بھی ہے، جبکہ اغوا برائے تاوان، ڈکیتی اور دیگر سنگین جرائم میں بھی وہ مطلوب تھا۔ پولیس حکام کے مطابق ملزم سے مزید تفتیش جاری ہے اور اس کے دیگر ساتھیوں کی گرفتاری کیلئے کارروائیاں تیز کر دی گئی ہیں۔ دوسری جانب ڈی آئی جی سکھر ناصر آفتاب کی قیادت میں کچے کے علاقوں میں جرائم پیشہ عناصر کے خلاف آپریشن جاری رکھنے کے عزم کا اعادہ کیا گیا ہے۔
اپریل سے کسانوں کو
لاہور: وزیر اعلیٰ پنجاب مریم نواز نے اعلان کیا ہے کہ اپریل سے “اپنا کھیت، اپنا روزگار” اسکیم کے تحت کسانوں کو مفت سرکاری زمین فراہم کی جائے گی۔ وزیر اعلیٰ مریم نواز نے اپنے ایک بیان میں کہا کہ پنجاب کی تمام قابل کاشت سرکاری زمین کسانوں کو 10 سالہ لیز پر دی جائے گی۔ ہر کسان کو 5 ایکڑ زمین فراہم کی جائے گی اور اس کے عوض کسی قسم کی فیس وصول نہیں کی جائے گی۔ انہوں نے کہا کہ کسانوں کو زمین کے ساتھ مالی امداد بھی فراہم کی جائے گی۔ تاکہ وہ فوری طور پر کاشتکاری کا آغاز کر سکیں۔ مریم نواز نے کہا کہ اس منصوبے کا مقصد زرعی شعبے کو مضبوط کرنا اور دیہی معیشت کو سہارا دینا ہے۔ واضح رہے کہ 4 فروری کو راجن پور میں الیکٹرو بس کی افتتاحی تقریب سے خطاب کرتے ہوئے مریم نواز نے “اپنا کھیت، اپنا روزگار” منصوبے کا اعلان کیا تھا۔ جس کے تحت تقریباً ڈھائی لاکھ ایکڑ اراضی غریب اور مستحق افراد کو فراہم کرنے کا عندیہ دیا گیا تھا۔
ناسا کا چاند پر
امریکی خلائی ادارے ناسا کی جانب سے چاند پر انسانوں کے بھیجنے کے منصوبے کو ایک بار پھر دھچکے کا سامنا ہوا ہے۔ ناسا کی جانب سے آرٹیمیس 2 مشن کو ایک بار پھر ملتوی کر دیا گیا ہے۔ اس مشن کے تحت 4 خلا بازوں کو 5 دہائیوں بعد چاند کے مدار پر بھیجے جانا تھا۔ پہلے اس مشن کے لیے 8 فروری کی تاریخ طے کی گئی تھی مگر پھر اسے مارچ تک کے لیے ملتوی کر دیا گیا۔ اب ایک بار پھر اسے ملتوی کر دیا گیا ہے اور اب اسے اپریل میں روانہ کیے جانے کا امکان ہے۔ اس سے قبل فروری کے شروع میں آرٹیمس 2 کو راکٹ سسٹم کی آزمائش کے دوران سامنے آنے والے مسائل کے باعث ملتوی کیا گیا تھا۔ اب ناسا کی جانب سے جاری بیان میں بتایا گیا کہ ایک بار پھر راکٹ سسٹم میں مسائل کو دریافت کیا گیا ہے۔ ناسا کی جانب سے 6 مارچک و یہ مشن روانہ کیے جانا تھا مگر راکٹ کے اوپری حصے میں ہیلیم کے بہاؤ میں مسائل کو دریافت کیا گیا۔ ناسا کے منتظم جیراڈ آئزک مین اس نئی دریافت کے باعث مارچ میں آرٹیمس 2 مشن کو روانہ کرنا ممکن نہیں رہا۔ خیال رہے کہ آخری بار ناسا نے 1972 میں اپوپو پروگرام کے تحت انسان بردار مشن چاند پر بھیجا تھا اور اب 5 دہائیوں سے زائد عرصے بعد ایسا دوبارہ کیا جا رہا ہے۔ 10 روزہ آرٹیمس 2 مشن میں 4 خلا باز موجود ہوں گے جو اورین اسپیس کرافٹ میں نصب لائف سپورٹ سسٹمز کی جانچ پڑتال کریں گے تاکہ مستقبل میں طویل مشنز ممکن ہوسکیں۔ یہ مشن پہلے 2 بار زمین کے مدار میں پرواز کرے گا اور پھر چاند کے اس حصے کی جانب روانہ ہوگا جو زمین سے نظر نہیں آتا۔ یہ خلا باز چاند کی سطح پر قدم نہیں رکھیں گے مگر یہ 1972 کے بعد پہلی بار ہوگا جب کوئی انسان زمین کے نچلے مدار سے باہر سفر کرے گا۔ آرٹیمس 2 مشن کا مقصد ناسا کے آرٹیمس 3 مشن کی صلاحیت کو جانچنا ہے۔ 2027 میں شیڈول آرٹیمس 3 مشن کے تحت انسان دہائیوں بعد پہلی بار چاند کی سطح پر قدم رکھیں گے۔ آرٹیمس 3 مشن کو اسپیس ایکس کے اسٹار شپ راکٹ کے ذریعے چاند پر بھیجا جائے گا۔ اس کے مقابلے میں آرٹیمس 2 مشن کو ناسا کی تاریخ کے طاقتور ترین اسپیس لانچ سسٹم (ایس ایل ایس) راکٹ کے ذریعے روانہ کیا جائے گا۔ اس راکٹ کو آرٹیمس 1 کو چاند پر بھیجنے کے لیے بھی استعمال کیا گیا تھا۔
پاکستان کی اسرائیلی
پاکستان نے اسرائیلی خلاف ورزیوں کی مذمت اور غزہ میں فوری تعمیرِ نو کا مطالبہ کر دیا۔ اقوام متحدہ سلامتی کونسل کے غزہ سے متعلق اہم اجلاس میں نائب وزیراعظم و وزیر خارجہ اسحاق ڈار نے خطاب کرتے ہوئے اسرائیل کی جانب سے سیز فائر کی مسلسل خلاف ورزیوں کی شدید مذمت کی ہے۔ اپنے خطاب میں اسحاق ڈار کا کہنا تھا کہ سیز فائر معاہدے کا مکمل احترام کیا جانا چاہیے اور سیز فائر کے بعد ہونے والے اسرائیلی حملوں میں درجنوں فلسطینی شہید ہوچکے ہیں۔ انہوں نے کہا کہ اسرائیل مسلسل عالمی قوانین کی خلاف ورزی کر رہا ہے جس کا عالمی برادری کو فوری نوٹس لینا چاہیے۔ وزیر خارجہ نے فلسطینیوں کے حقِ خودارادیت کے احترام پر زور دیتے ہوئے کہا کہ مقبوضہ علاقوں میں اسرائیلی توسیع پسندانہ منصوبے فوری طور پر بند کرائے جائیں، انہوں نے غزہ میں تعمیر نو کا عمل بغیر کسی تاخیر کے شروع کرنے کا مطالبہ بھی کیا۔ بھارت کیساتھ جنگ کا امکان موجود ، افغانستان میں فضائی کارروائی سے نہیں ہچکچائیں گے، خواجہ آصف اسحاق ڈار نے کہا کہ آٹھ اسلامی ممالک نے اسرائیلی اقدامات کی مذمت کی ہے اور غزہ میں قیامِ امن کے لیے پاکستان آٹھ ملکی اسلامی اتحاد میں شامل ہوچکا ہے، انہوں نے واضح کیا کہ فلسطینی اتھارٹی کا مرکزی کردار ہر مرحلے پر لازم و ملزوم ہے۔ نائب وزیراعظم نے غزہ سے فلسطینیوں کو بیدخل کرنے کے کسی بھی اسرائیلی اقدام کی سخت الفاظ میں مذمت کرتے ہوئے کہا کہ پاکستان امن پلان میں بھرپور کردار ادا کرنے کے لیے تیار ہے۔
افغانستان میں نئی
اسلام آباد: وزیر دفاع خواجہ آصف نے کہا ہےکہ افغانستان میں نئی فضائی کارروائی کرنے میں ہچکچاہٹ محسوس نہیں کریں گے۔ غیر ملکی میڈیا کو انٹرویو کے دوران خواجہ آصف نے پاکستان میں سکیورٹی صورتحال پر بات کرتے ہوئے کہا کہ ملک میں ہونے والے دہشتگرد حملے کابل میں طالبان حکومت اور بھارت کی ملی بھگت سے چھیڑی جانے والی ’پراکسی جنگ‘ کا نتیجہ ہیں۔ انہوں نے کہا کہ جب تک کابل سے کوئی امن کی ضمانت نہیں دے دیتا، پاکستان افغانستان میں نئی فضائی کارروائیاں کرنے میں ہچکچاہٹ محسوس نہیں کرے گا۔ واضح رہے کہ پاکستانی حکومت کا یہ مؤقف ہے کہ ملک میں شدت پسندی کی بڑی کارروائیوں میں ملوث کالعدم تحریک طالبان پاکستان (ٹی ٹی پی) کو افغانستان میں موجود طالبان حکومت کی حمایت حاصل ہے۔
ڈھاکا میں اہم پیش
ڈھاکا، وفاقی وزیر منصوبہ بندی و ترقی احسن اقبال نے ڈھاکہ میں نومنتخب بنگلا دیشی وزیراعظم طارق رحمان سے ملاقات کی اور انہیں پاکستان کے سرکاری دورے کی دعوت دی۔ یہ ملاقات وزیراعظم طارق رحمان کی تقریبِ حلف برداری کے بعد ہوئی، جس میں دونوں رہنماؤں نے دوطرفہ تعلقات کو مزید مضبوط بنانے کے عزم کا اعادہ کیا۔ ملاقات کے دوران پاکستان اور بنگلا دیش کے درمیان سیاسی، اقتصادی اورتعلیمی شعبوں میں تعاون بڑھانے پر تفصیلی تبادلۂ خیال کیا گیا۔ سندھ کے 1300 سرکاری اسکولوں میں مفت پکا ہوا کھانا اور راشن فراہم کرنے کا معاہدہ احسن اقبال نے کہا کہ دونوں ممالک کے درمیان تاریخی اور ثقافتی روابط موجود ہیں جنہیں باہمی اعتماد اور عملی اقدامات کے ذریعے مزید فروغ دیا جا سکتا ہے۔ گفتگو میں دوطرفہ تجارت کے حجم میں اضافے، بحری روابط کے فروغ اور سپلائی چین کے انضمام جیسے اہم امور زیر بحث آئے۔ دونوں رہنماؤں نے اس بات پراتفاق کیا کہ علاقائی ترقی اور خوشحالی کے لیے مشترکہ اقتصادی حکمتِ عملی ناگزیر ہے۔ ملاقات میں “بنگلا دیش۔پاکستان علمی راہداری” کے قیام پر بھی اتفاق کیا گیا، جس کے تحت تعلیمی و تحقیقی اداروں کے درمیان روابط کو فروغ دیا جائیگا، طلبہ اور محققین کے تبادلے بڑھائے جائیں گے اور مشترکہ تحقیق کے مواقع پیدا کئے جائیں گے۔ وزیراعظم طارق رحمان نے اپنے سابقہ دورہ پاکستان کا ذکر کرتے ہوئے سابق وزیراعظم نوازشریف سے اپنی والدہ مرحومہ خالدہ ضیاء کے ہمراہ ملاقاتوں کوخوشگواراور یادگار قراردیا، انہوں نے وزیراعظم شہباز شریف اورنوازشریف کیلئے نیک تمناؤں کا اظہار بھی کیا۔
وزیراعظم شہباز شریف
اسلام آباد، وزیراعظم شہباز شریف نے امیرِ قطر شیخ تمیم بن حمد الثانی سے ٹیلیفونک رابطہ کیا، جس میں دونوں رہنماؤں نے رمضان المبارک کی آمد پر ایک دوسرے کو مبارکباد دی اور نیک تمناؤں کا اظہار کیا۔ گفتگو کے دوران پاکستان اور قطر کے درمیان برادرانہ تعلقات کو مزید مضبوط بنانے کے عزم کا اعادہ کیا گیا۔ وزیراعظم شہبازشریف نے کہا کہ دونوں ممالک کے درمیان تاریخی، مذہبی اورثقافتی رشتے موجود ہیں، جنہیں باہمی تعاون اور مسلسل رابطوں کے ذریعے مزید فروغ دیا جائیگا۔ ڈھاکا میں اہم پیش رفت، احسن اقبال کی بنگلا دیشی وزیراعظم طارق رحمان سے ملاقات وزیراعظم نے مشرقِ وسطیٰ میں امن کے قیام کیلئے قطر کی سفارتی اورمفاہمتی کوششوں کو سراہتے ہوئے کہا کہ خطے میں کشیدگی کم کرنے اور مذاکرات کو فروغ دینے میں قطرکا کردار قابلِ تحسین ہے، امیرِقطرنے بھی پاکستان کیساتھ قریبی روابط جاری رکھنے کے عزم کا اظہارکیا۔ دونوں رہنماؤں نے علاقائی اورعالمی صورتحال پرتبادلہ خیال کیا اور خطے میں امن، استحکام اورخوشحالی کیلئے مشترکہ کاوشیں جاری رکھنے پراتفاق کیا، گفتگو کے اختتام پرامتِ مسلمہ کے امن و سکون اور ترقی کیلئے خصوصی دعا بھی کی گئی۔
عمران خان کو اڈیالہ
بانی پی ٹی آئی کو اڈیالہ جیل راولپنڈی میں حاصل سہولیات کی تفصیلات سپریم کورٹ میں جمع کروا دی گئیں۔ جمع کرائی گئی رپورٹ کے مطابق بانی پی ٹی آئی کو جیل کے ایک علیحدہ کمپاؤنڈ میں رکھا گیا ہے جو 7 سیلز پر مشتمل ہے اور جس میں 35 قیدیوں کے رہنے کی گنجائش موجود ہے، کمپاؤنڈ کے سامنے 57 فٹ لمبی اور 14 فٹ چوڑی راہداری بھی موجود ہے۔ رپورٹ میں کہا گیا کہ بانی پی ٹی آئی کے لیے 35 بائی 37 فٹ کا لان مختص کیا گیا ہے جہاں وہ چہل قدمی کے علاوہ اخبارات اور کتابوں کا مطالعہ کرتے ہیں، مزید برآں انہیں ورزش کے لیے سائیکلنگ مشین اور جم کا سامان بھی فراہم کیا گیا ہے۔ جیل سپرنٹنڈنٹ کی رپورٹ کے مطابق بانی پی ٹی آئی کے ناشتے میں کھجور، اخروٹ، شہد، کافی، دلیہ، لسی اور چیا سیڈز شامل ہوتے ہیں، جبکہ مسمی اور انار کا تازہ جوس بھی ان کی غذا کا حصہ ہے۔ باجوڑ: چیک پوسٹ پر حملہ ناکام، 12 خوارج ہلاک، دھماکے سے 11 اہلکار شہید دوپہر کے کھانے میں دیسی مرغی، مٹن، سلاد، اچار، آلو چپس، فرائی انڈہ اور مکس دال فراہم کی جاتی ہے، شام کی غذا میں بادام، کشمش، ناریل پاؤڈر، کھجور، کیلا اور سیب کا شیک دیا جاتا ہے۔ رپورٹ میں مؤقف اختیار کیا گیا ہے کہ بانی پی ٹی آئی کو جیل میں تمام بنیادی اور اضافی سہولیات فراہم کی جا رہی ہیں۔
عمران خان کی بینائی
وفاقی وزیر داخلہ محسن نقوی نے کہا ہے کہ عمران خان کی بینائی پر پروپیگنڈا کیا گیا، علیمہ خان معاملے کو ویٹو کر دیتی تھیں۔ وزیر داخلہ محسن نقوی نے کہا کہ بھارت 100فیصد پاکستان میں دہشت گردی میں ملوث ہے، بھارت بلوچستان میں تباہی کیلئے بڑا پیسہ لگا رہاہے، بلوچستان میں بھارتی دہشت گردی کے ثبوت موجودہیں، ہماری کمزوری یہ ہے کہ ہم نے بھارتی دہشت گردی کا دنیا کو نہیں بتایا۔ انہوں نے کہا کہ اس وقت پاکستان تحریک انصاف اور حکومت کے درمیان کوئی مذاکرات نہیں ہو رہے تاہم ہر مسئلے کا حل بات چیت میں ہے۔ ان کا کہنا تھا کہ اگر کسی کو احتجاج اور دھاوا بولنے کا شوق ہے تو پھر نتائج کے لیے بھی تیار رہے۔ انہوں نے سوال اٹھایا کہ جب علاج اور دیگر معاملات طے ہو چکے تو پھر سڑکیں اور پل کیوں بند کیے جا رہے ہیں۔ وزیر داخلہ نے بانی پی ٹی آئی عمران خان کی صحت، خصوصاً بینائی سے متعلق معاملات پر گفتگو کرتے ہوئے کہا کہ اس حوالے سے پروپیگنڈا اور سیاست کی گئی۔ انہوں نے کہا کہ حکومت نے اپوزیشن سے رابطہ رکھا اور یقین دہانی کرائی کہ بانی پی ٹی آئی کو آئین اور قانون کے تحت علاج کی ہر ممکن سہولت دی جائے گی۔ محسن نقوی کا کہنا تھا کہ حکومت نے پی ٹی آئی رہنماؤں سے ماہر امراض چشم کا نام مانگا، سرکاری و نجی ڈاکٹرز کا انتخاب کیا گیا اور معائنے کے بعد بانی پی ٹی آئی کو ایک ہفتے کے لیے اسپتال منتقل کیا گیا۔ ان کے بقول معالجین نے بھی یہی مؤقف اپنایا کہ وہ وہی علاج کر رہے ہیں جو ضروری تھا جبکہ سیاسی رہنماؤں نے علاج پر اطمینان کا اظہار کیا۔ عمران خان کو اڈیالہ جیل میں حاصل سہولیات کے بارے میں رپورٹ سپریم کورٹ میں جمع انہوں نے دعویٰ کیا کہ بعض افراد بانی پی ٹی آئی کی صحت سے زیادہ اپنی سیاست کے لیے فکرمند تھے اور اگر نیت درست ہوتی تو معاملہ پہلے روز ہی حل ہو جاتا، انہوں نے کہا کہ خیبرپختونخوا میں سڑکیں بند کی گئیں، آج بھی لوگوں کو مشکلات کا سامنا ہے اور اسلام آباد کے ریڈ زون کو بھی بلاک کرنے کی کوشش کی گئی۔ وزیر داخلہ نے کہا کہ عدالت نے بھی سڑکوں کی صورتحال بہتر بنانے کا حکم دیا ہے اور حکومت قانون کے مطابق معاملات کو نمٹائے گی۔
ایران معاہدہ کرنا چاہتا
امریکی صدرڈونلڈ ٹرمپ کا کہنا ہے کہ ایران معاہدہ کرنا چاہتا ہے ورنہ نتائج بھگتے گا۔ میڈیا سے گفتگو کرتے ہوئے انہوں نے کہا کہ میں ایران سے متعلق مذاکرات میں بالواسطہ طور پر شامل ہوں گا،حالیہ بات چیت میں ایران خراب مذاکرات کار ثابت ہوا ہے۔امید ہے آئندہ مذاکرات میں ایران زیادہ معقول رویہ اختیار کرے گا۔ میزائل پروگرام ہماری ریڈ لائن ، کسی قسم کے مذاکرات نہیں ہو سکتے ، ایران دیکھتے ہیں کیوبا اور امریکاکے درمیان بات چیت کا نتیجہ کیا نکلتا ہے،مارکو روبیو اس وقت کیوبا سے بات چیت کر رہے ہیں،امیدہے وینزویلا جیسی کارروائی کی ضرورت نہیں پڑے گی۔ دوسری جانب ایرانی وزیر خارجہ عباس عراقچی جینیوا روانہ ہو گئے،امریکا کے ساتھ بالواسطہ مذاکرات آج عمان کی ثالثی میں ہوں گے۔ ایران کے سپریم لیڈر نے ایرانی عوام کے نام اہم پیغام جاری کردیا ایرانی وزیرِ خارجہ عباس عراقچی جینیوا میں سوئس اور عمانی وزرائے خارجہ سے ملاقات کریں گے۔
وزیراعظم شہباز شریف
وزیراعظم شہباز شریف نے جرمن زبان میں گفتگو کرکے آسٹریا کے چانسلر کو حیران کر دیا۔ آسٹریا کے چانسلر کرسچیئن اسٹاکر نے سوشل میڈیا پر وزیراعظم شہباز شریف کی جرمن زبان میں کی گئی گفتگو کی ویڈیو شیئر کی۔ آسٹریا کے چانسلر نے وزیراعظم شہباز شریف سے ملاقات کے لمحات شیئر کئے اور انہوں نے شہباز شریف کی جرمن زبان میں تقریر کو سراہتے ہوئے کہا کہ وزیراعظم پاکستان کی جرمن زبان میں روانی نے انہیں حیران کر دیا ہے۔ وفاقی وزیر اطلاعات نے پی ٹی آئی سے ڈیل اور ڈھیل کی باتوں کو قیاس آرائیاں قرار دے دیا واضح رہے کہ وزیراعظم آسٹریا کا سرکاری دورہ مکمل کرکے انگلینڈ واپس پہنچ گئے ہیں، لوٹن ائیر پورٹ پر وزیر اعظم کا پاکستانی ہائی کمشنر ڈاکٹر محمد فیصل ویگر سفارتی عملے نے استقبال کیا۔
میونخ سیکیورٹی کانفرنس
میونخ: فیلڈ مارشل سید عاصم منیر نے جرمنی میں میونخ سیکیورٹی کانفرنس کے دوران اہم شخصیات سے ملاقاتیں کیں۔ پاک فوج کے شعبہ تعلقات عامہ(ئی ایس پی آر) کے مطابق فیلد مارشل سید عاصم منیر نے 12 سے 14 فروری تک جرمنی کا دورہ کیا۔ جہاں انہوں نے 62ویں میونخ سیکیورٹی کانفرنس میں شرکت کی۔ اور اہم ملاقاتیں کیں۔ سید عاصم منیر نے امریکی وزیر خارجہ مارکو روبیو سے بھی ملاقات کی۔ جس میں باہمی دلچسپی کے امور، عالمی و علاقائی سیکیورٹی صورتحال اور انسداد دہشت گردی تعاون پر تبادلہ خیال کیا گیا۔ جرمن حکام کے ساتھ ملاقاتوں میں انہوں نے وفاقی وزیر داخلہ، مشیر خارجہ اور چیف آف ڈیفنس سے بھی ملاقاتیں کیں۔ ان ملاقاتوں میں عصری سیکیورٹی چیلنجز، دوطرفہ دفاعی تعاون اور عالمی امن کے فروغ کے لیے کثیرالجہتی مکالمے کی اہمیت پر گفتگو کی گئی۔ آرمی چیف نے برازیلین مسلح افواج کے چیف آف جوائنٹ اسٹاف سے بھی ملاقات کی۔ جس میں دوطرفہ عسکری تعاون پر تبادلہ خیال ہوا۔ اس کے علاوہ لبنان کی مسلح افواج کے کمانڈر نے بھی آرمی چیف سے ملاقات کی۔ ملاقات میں عالمی و علاقائی سیکیورٹی صورتحال اور دفاعی تعاون کے فروغ سے متعلق امور زیر بحث آئے۔ یہ ملاقاتیں عالمی سطح پر سکیورٹی تعاون اور پاکستان کے دفاعی و سفارتی روابط کے تناظر میں اہم پیشرفت قرار دی جا رہی ہیں۔
رمضان المبارک میں 10 ہزار
ضرورت مند خاندانوں کی مالی مدد سےمتعلق پروگرام’’مریم کو بتائیں ہیلپ لائن 1000‘‘یکم رمضان المبارک سے فنکشنل ہوگی۔ وزیراعلیٰ پنجاب مریم نواز نے پروگرام سے متعلق بتایا کہ مالی مشکلات میں مبتلاافراد 24گھنٹے 10ہزار روپے تک مالی امداد لےسکیں گے،ویب پورٹل، یا ایپ پر شناختی کارڈ نمبر درج کرکے مالی مدد حاصل کی جاسکے گی۔ سپارکو نے رمضان کے چاند سے متعلق پیشگوئی کردی جانچ پڑتال کے بعد ضرورت مند کو بروقت امداد مہیا کی جائے گی،پروگرام میں شفافیت کیلئے لائیوٹریکنگ سسٹم نافذ کیا گیا ہے، ڈیجیٹل ریکارڈ اور مانیٹرنگ بھی ہوگی۔ رجسٹرڈ درخواست گزار کو 24گھنٹے کے اندررقم ٹرانسفر ہوجائے گی ،رمضان المبارک میں ہر ضرورت مند کیلئے حکومتی وسائل تک رسائی یقینی بنائی جائے گی۔
راجن پور کا کچے کا علاقہ ڈاکوؤں سے 100 فیصد کلیئر کرالیا گیا ہے
وزیر اعلیٰ پنجاب مریم نواز کا کہنا ہے کہ راجن پور اور کچے کا علاقہ ڈاکوؤں سے 100 فیصد کلیئر کرا لیا گیا ہے۔ کچا میں آپریشن پر اجلاس سے خطاب کرتے ہوئے وزیر اعلیٰ پنجاب مریم نواز کا کہنا تھا کچے کے علاقوں میں ڈاکوؤں نے ریاست کے اندر ایک ریاست بنائی ہوئی تھی اور خوف کا ماحول پیدا کر رکھا تھا، لوگوں کو ہنی ٹریپ کے ذریعے اغوا کر لیا جاتا تھا۔ ان کا کہنا تھا مجھے بتایا گیا تھا کہ کچے میں آپریشن بہت مشکل ہے، ہم نے رحیم یار خان اور راجن پور کے کچے کے علاقوں میں ڈاکوؤں کے خلاف فیصلہ کن آپریشن کیا، پاک فوج نے آپریشن کے دوران پولیس اور قانون نافذ کرنے والے اداروں کی مدد کی، کچے کے علاقوں میں ٹیکنالوجی کی مدد سے ایک ایک ڈاکو کو ٹریک کیا گیا۔ انہوں نے بتایا کہ آپریشن کے دوران جدید ترین سرویلنس اور ہیومن سرویلنس کا استعمال کیا گیا، ڈاکوؤں کی نقل و حرکت پر نظر رکھنے کے لیے ڈرون کیمروں کا استعمال کیا گیا، سندھ پولیس اور حکومت سندھ کا بھی شکریہ ادا کرتی ہوں کہ انہوں نے بھی آپریشن میں بھرپور ساتھ دیا۔ مریم نواز کا کہنا تھا راجن پور اور کچے کا علاقہ 100 فیصد ڈاکوؤں سے کلیئر کرا لیا گیا ہے، حکومت کی رٹ ان علاقوں میں بحال ہو گئی ہے، اس آپریشن میں کوئی جانی نقصان نہیں ہوا، خوف کے علاقے سے قانون کی عملداری کا علاقہ بن گیا ہے۔ وزیر اعلیٰ پنجاب نے کہا کہ ریاست کی رٹ کو چیلنج کرنے والوں کے لیے کوئی رعایت نہیں ہے، کچے کے ڈاکوؤں کے لیے اب کوئی جائے پناہ نہیں ہے، 500 سے زائد ڈاکوؤں نے سرنڈر کیا ، الحمدللہ پنجاب اب محفوظ ہے
عمران خان کے اگلے اقدام کے بارے میں صورتحال غیریقینی
اسلام آباد : سپریم کورٹ کی جانب سے کچھ ریلیف ملنے اور عمران خان کی حالیہ خاموشی نے سیاسی حلقوں میں قیاس آرائیوں کو بڑھاوا دیا ہے کہ آیا ان کے ساتھ کوئی ممکنہ ڈیل ہو رہی ہے یا ان کی قانونی و سیاسی پابندیوں میں نرمی پر غور کیا جا رہا ہے۔ تاہم ایسی کسی قیاس آرائی کی تصدیق نہیں ہو سکی۔ جہاں تک ان کی صحت کے مسائل کا تعلق ہے، حکومت اور دیگر اسٹیک ہولڈرز کو انہیں علاج کی سہولت فراہم کرنے میں کوئی مسئلہ نہیں، جیسا کہ اٹارنی جنرل کی جانب سے سپریم کورٹ کو یقین دہانی کرائی جا چکی ہے۔ متعدد مقدمات کے باعث جیل میں قید عمران خان گزشتہ چند ماہ سے کوئی پیغام جاری نہیں کر پائے کیونکہ انہیں اہلِخانہ، پارٹی رہنمائوں اور وکیلوں سے ملاقات کی اجازت نہیں دی گئی۔ پی ٹی آئی کے اندر بھی اس حوالے سے غیر یقینی کی کیفیت پائی جاتی ہے کہ اگر عمران خان کو دوبارہ اہلِ خانہ تک رسائی یا آزادانہ اظہار کی اجازت ملتی ہے تو ان کے رد عمل کی نوعیت کیا ہو سکتی ہے۔ نام ظاہر نہ کرنے کی شرط پر بات کرتے ہوئے ایک پارٹی رہنما نے تسلیم کیا کہ عمران خان کے اگلے اقدام کی پیش گوئی کبھی آسان نہیں رہی۔
دہشتگردی سے چھٹکارہ حاصل کرچکے، کچے کے ڈاکوؤں کا بھی خاتمہ کریں گے
وزیر اعلیٰ سندھ مراد علی شاہ کا کہنا ہے کہ صوبہ سندھ دہشت گردی سے چھٹکارہ حاصل کرچکا ہے، کچے کے ڈاکوؤں کا بھی خاتمہ کریں گے۔ پولیس ٹریننگ سعید آباد میں پاسنگ آؤٹ تقریب سے خطاب کرتے ہوئے وزیر اعلیٰ سندھ مراد علی شاہ کا کہنا تھا موجودہ حالات میں دہشت گردی اور جرائم کےخلاف سندھ پولیس نے بھرپور کارروائیاں کی ہیں، سندھ پولیس کے بہادر افسران و جوانوں کی وجہ سے صوبے میں امن قائم ہوا۔ انہوں نے کہا کہ کچھ روزپہلے دادو میں تین بہادر سپاہیوں نے شہادت کا رتبہ حاصل کیا، صوبے میں چند ماہ میں پولیس کے افسران و جوانوں نے بہادری کی شاندار مثال قائم کی، کراچی میں سی ٹی ڈی کے ڈی ایس پی علی رضا کو شہید کردیا گیا۔ وزیراعلیٰ سندھ کا کہنا تھا کراچی میں جب کچھ سال پہلے دہشت گردوں نے چینی قونصلیٹ پر حملہ کیا تو کانسٹیبل شہید ہوئے، پچھلے سال جنوری سے دسمبر تک 1325 پولیس مقابلےہوئے، جن میں 207 ڈاکوؤں کو ہلاک کیا گیا۔ اس کے علاوہ اس سال یکم جنوری سے آج تک 115 پولیس مقابلے ہوئے جن میں27 ڈاکوؤں کو ہلاک کیاگیا اور 82 زخمی ہوئے، پولیس نے 81 ڈاکوؤں کو گرفتار کیا اور 153 ڈاکوؤں نے سرنڈر کیا۔ مراد علی شاہ نے کہا کہ امیدکرتا ہوں کہ سندھ پولیس ایسے ہی بہادری سے کام کرتے ہوئے کچے کے ڈاکوؤں کا خاتمہ کرےگی، ایک وقت تھا کہ دہشت گرد روزانہ کئی لوگوں کو شہید کر دیتے تھے، یہاں بم دھماکے ہوتے تھے، ٹارگٹ کلنگ ہوتی تھی لیکن ہم دہشت گردی سے چھٹکارہ حاصل کرچکے ہیں، بلوچستان اورخیبرپختونخوا میں دہشت گردی کے واقعات ہو رہے ہیں۔
ڈاکٹر ڈیوٹی کے اوقات میں موبائل فون استعمال نہیں کریں گے تو قیامت نہیں آجائے گی
لاہور: وزیر اعلیٰ پنجاب مریم نواز نے کہا ہے کہ سرکاری اسپتالوں میں آنے والے مریض امیر نہیں ہوتے، صحت کے شعبے میں اونچ نیچ ہو جائے تو لوگوں کی زندگیاں جا سکتی ہیں، ڈاکٹر ڈیوٹی کے اوقات میں موبائل فون استعمال نہیں کریں گے تو قیامت نہیں آ جائے گی۔ لاہور میں سرکاری اسپتالوں کے ایم ایس اور سی ای اوز سے خطاب کرتے ہوئے وزیراعلیٰ مریم نواز نے کہا کہ اسپتالوں میں ہرقسم کی ادویات موجود ہیں، سرکاری اسپتالوں میں آنے والے مریض امیر نہیں ہوتے، صحت کے شعبے میں اونچ نیچ ہو جائے تو لوگوں کی زندگیاں جا سکتی ہیں۔ مریم نواز نے ہدایت کی کہ ٹھنڈے کمروں میں بیٹھ کر ہر چیز اچھی لگتی ہے ، باہر نکلیں ، خود مانیٹر کریں ، دیکھیں کہ سہولیات میں کوئی کمی تو نہیں ، کوئی رشوت لے کر کام تو نہیں کروا رہا۔ وزیر اعلیٰ نے شکایت ملنے پر سخت ایکشن کی وارننگ دیتے ہوئے کہا غریب عوام کی ادویات کے پیسوں میں کرپشن نہیں ہونے دیں گی ، اسپتالوں میں فنڈنگ کا نہیں ، احتساب اور مانیٹرنگ کا مسئلہ ہے ، ماضی میں ادویات موجود ہونے کے باوجود نہیں دی جاتی تھیں ، علاج کے لیے رشوت لی جاتی تھی ، کسی ایک کو بھی اچھا علاج نہیں ملتا تو یہ ان کی، وزیر صحت اور ہم سب کی ناکامی ہوگی ۔
حکومت صرف سرکاری ڈاکٹروں پر مشتمل بورڈ بنا سکتی ہے، اس پر بھی پی ٹی آئی سیاست کرے گی
وزیر مملکت برائے قانون بیرسٹر عقیل ملک نے کہا ہے کہ عدالتی معاون کی رپورٹ میں بانی پی ٹی آئی کی آنکھ کی بیماری کی ٹائم لائن میں بہت تضاد ہیں۔ پروگرام نیا پاکستان میں گفتگو کرتے ہوئے انہوں نے کہا کہ سپریم کورٹ کے تحریری حکم کے بغیر نہ میڈیکل بورڈ تشکیل دے سکتے ہیں اور نہ ہی نجی اسپتالوں کے ڈاکٹرز یا ذاتی معالجین کو چیک اپ کے لیے بھیج سکتے ہیں۔ بیرسٹر عقیل ملک کا کہنا تھا کہ حکومت صرف سرکاری اسپتال کے ڈاکٹروں پر مشتمل بورڈ بنا سکتی ہے اور اس بورڈ پر بھی پی ٹی آئی نے سیاست کرنی ہے۔ یاد رہے کہ سپریم کورٹ نے بانی پی ٹی آئی عمران خان کو آنکھوں کے ماہر ڈاکٹرز تک رسائی اور بچوں سے رابطے کے لیے ٹیلی فونک سہولت دینے کا حکم دیا ہے۔ اس حوالے سے اپوزیشن لیڈر محمود خان اچکزئی نے کہا کہ انہوں نے وزیر اعظم کو اپوزیشن لیڈر کی حیثیت سے 3 ڈاکٹرز کے ناموں پر مشتمل خط لکھا تھالیکن وزیر اعظم نے اس پر کچھ نہیں کیا۔
مولانا عبدالغفور حیدری
جمعیت علمائے اسلام کے سینیئر رہنما مولانا عبدالغفور حیدری دل کا دورہ پڑنے کے باعث اسپتال میں داخل ہوگئے۔ جمعیت علماء اسلام پاکستان کی جانب سے جاری بیان کے مطابق مولانا عبدالغفور حیدریدل کےعارضے میں مبتلا ہو گئے۔ بیان میں بتایا گیا کہ گزشتہ شب مولانا عبدالغفور حیدری کو دل کا دورہ پڑا جس کے بعد ان کو اسلام آباد کےایک نجی اسپتال منتقل کر دیا گیا۔ جمعیت علماء اسلام پاکستان کی جانب سے جاری بیان میں کہا گیا کہ مولانا عبدالغفور حیدری کا علاج جاری ہے۔ مولانا فضل الرحمان، کامران مرتضیٰ اور دیگر نے مولانا عبدالغفور حیدری کی عیادت کی۔
عمران خان کی بینائی
پاکستان مسلم لیگ ن کے رہنما خواجہ سعد رفیق نے بانی پی ٹی آئی عمران خان کی بینائی متاثر ہونے کی خبروں کو پریشان کن قرار دیدیا۔ سوشل میڈیا پر جاری پیغام میں خواجہ سعد رفیق نے کہا کہ جیل سخت ہو یا نرم اپنے قیدی کو ایک بیماری کا تحفہ ضرور دیتی ہے، یہ جگ بیتی بھی ہے اور آپ بیتی بھی، بانی پی ٹی آئی کی بینائی متاثر ہونے کی خبریں تواتر سے آرہی ہیں اور یہ پریشان کُن ہیں۔ خواجہ سعد رفیق نے کہا کہ فوری اور موثر علاج ہر انسان کا بنیادی حق ہے، مریض اگر قیدی ہو اور آپ کا سیاسی مخالف بھی ہو تو اس کے حقوق کی حفاظت کرنا زیادہ اہم ہو جاتا ہے۔ انہوں نے کہا کہ اس موقع پر ان کے دور حکومت میں سیاسی مخالفین سے بدسلوکی کے واقعات دہرانا اعلیٰ ظرفی نہیں ہوگا۔ خواجہ سعد رفیق نے پیغام میں لکھا کہ حکومت اور ریاستی اداروں کی ذمہ داری ہے کہ بانی پی ٹی آئی کی میڈیکل رپورٹس کی بنیاد پر سرکاری مؤقف جاری کیا جائے اور بانی پی ٹی آئی کے اہل خانہ سے ان کی ملاقات کروائی جائے۔
پاکستان اگلا جاپان
وفاقی وزیر برائے منصوبہ بندی احسن اقبال نے کہا ہے کہ بدقسمتی سے پاکستان اگلا جاپان نہیں بن سکا جبکہ بنگلادیش اور بھارت بھی ہم سے آگے نکل گئے۔ ایک بیان میں انہوں نے کہا سیاسی عدم استحکام کے ساتھ ترقی نہیں ہوتی، یہاں سپریم کورٹ نسلہ ٹاور توڑتی ہے اور بنی گالہ 10 لاکھ میں معاف کرتی ہے، عدلیہ کا ایک پارٹی کے ساتھ الگ اور دوسری کے ساتھ الگ رویہ ہوتا ہے۔ وفاقی وزیر کا کہنا تھا سپریم کورٹ خود پارلیمنٹ بن کر قانون سازی چاہتی رہی۔ احسن اقبال نے کہا کہ میں کرائے کے مکان میں رہتاہوں، مجھے چور چور کہا جاتا رہا، مجھے جھوٹے مقدمے میں اڈیالا کے اس سیل میں ڈالا جہاں وہ اب خود ہیں۔
آئینی ترمیم جلد لائی جائے
اسلام آباد: وزیر دفاع خواجہ آصف نے کہا ہے کہ پی ٹی آئی کی تبدیلی کے بارے میں کچھ کہا نہیں جا سکتا۔ پی ٹی آئی کے اپوزیشن لیڈر کا عہدہ قبول نہ کرنے کے پیچھے بھی ایک حقیقت ہے۔ وزیر دفاع خواجہ آصف نے ہم نیوز کے پروگرام “فیصلہ آپ کا” میں گفتگو کرتے ہوئے کہا کہ وفاق اور خیبرپختونخوا کے درمیان ورکنگ ریلیشن قائم ہو رہا ہے۔ جو خوش آئند بات ہے۔ اگر وفاق اور صوبے میں ہم آہنگی پیدا ہو جائے تو یہ ملکی مفاد میں ہو گا۔ انہوں نے کہا کہ اگر خیبرپختونخوا حکومت پولیس کے ذریعے حالات کنٹرول کر سکتی ہے۔ تو یہ اچھی بات ہے۔ تاہم سیکیورٹی فورسز کے جوانوں نے ملکی دفاع کے لیے اپنی قیمتی جانوں کی قربانیاں دی ہیں جنہیں فراموش نہیں کیا جا سکتا۔ سیاسی معاملات پر گفتگو کرتے ہوئے خواجہ آصف نے کہا کہ پی ٹی آئی نے اپوزیشن لیڈر کا عہدہ قبول نہیں کیا جس کے پیچھے ایک حقیقت ہے۔ جبکہ یہ عہدہ محمود خان اچکزئی کو دیا گیا۔ انہوں نے کہا کہ بانی پی ٹی آئی کی صحت ٹھیک ہے۔ اور اگر لیڈر آف اپوزیشن کی وزیراعظم سے ملاقات ہوتی ہے۔ تو یہ خوش آئند پیشرفت ہو گی۔ سیاست میں کسی قسم کا رخنہ نہیں ہونا چاہیے۔ وزیر دفاع نے انکشاف کیا کہ ایک سے دو ماہ میں 28ویں آئینی ترمیم لائی جا رہی ہے۔ جبکہ فیملی پلاننگ پر اقدامات، لوکل گورنمنٹ کو مضبوط بنانا اور ملک بھر میں یکساں نصاب نافذ کرنا وقت کی ضرورت ہے۔ آبادی میں تیزی سے اضافے پر قانون سازی ہونی چاہیے۔ علاقائی صورتحال پر بات کرتے ہوئے خواجہ آصف نے کہا کہ پاکستان اس وقت بھی افغانستان کے ساتھ حالت جنگ میں ہے۔ تاہم مذاکرات کی خواہش اب بھی موجود ہے۔ متحدہ عرب امارات اور سعودی عرب مذاکرات کے لیے کوششیں کر رہے ہیں۔ اور تجارت کے حوالے سے مشترکہ مفادات بھی موجود ہیں۔ یہ بھی پڑھیں: وزیر اعظم کا دورہ امام بارگاہ، شہدا کے لواحقین اور زخمیوں کیلئے امدادکا اعلان انہوں نے کہا کہ ایران ہمارا برادر ملک ہے۔ اور اس کے ساتھ تعلقات کئی دہائیوں پر محیط ہیں۔ جبکہ دہشت گردی کے خاتمے کے لیے باہمی حکمت عملی پر گفت و شنید جاری ہے۔
پیپلز پارٹی کا آزاد
پیپلز پارٹی نے آزاد کشمیر کے صدر کے عہدے پر اپنا امیدوار لانے کا اعلان کردیا ہے۔ صدرمملکت آصف علی زرداری سے پیپلزپارٹی آزاد کشمیر کے رہنماؤں کی ملاقات ہوئی، جس میں آزاد کشمیر میں نئے صدر کے انتخاب پر مشاورت مکمل کرلی گئی۔ بعدازاں سردار تنویر الیاس نے میڈیا سے گفتگو کرتے ہوئے کہنا تھا کہ آزاد کشمیر حکومت کی کارکردگی پر بریفنگ دی گئی،تین ماہ کی حکومتی کارکردگی اور مالی امور پر صدر مملکت کو آگاہ کیا گیا۔ سابق صدر بیرسٹر سلطان محمود چوہدری کی وفات کو ریاست کا بڑا نقصان قرار دیا گیا،مسئلہ کشمیر کیلئے سلطان محمود کی عالمی سطح پر خدمات کو خراج عقیدت پیش کیا گیا۔ صدر آزاد جموں و کشمیر بیرسٹر سلطان محمود انتقال کر گئے آزاد کشمیر میں نئے صدر کے انتخاب پر مشاورت مکمل ہوگئی،پیپلز پارٹی نے آزاد کشمیر کے صدر کے عہدے پر اپنا امیدوار لانے کا اعلان کیا ہے،عدد ی برتری اور آئینی تقاضوں کے تحت صدر پیپلز پارٹی کا ہونا چاہیے۔ چند روز میں آزاد کشمیر کے نئے صدر کا انتخاب کیا جائے گا،آئینی طریقہ کار کے تحت صدر کے انتخاب کا عمل مکمل ہو گا،ہائی کورٹ کے چیف جسٹس کو بھی ذمہ داری دی جا سکتی ہے ۔ انہوں نے مزید کہا کہ ڈپٹی اسپیکر آزاد کشمیر اسمبلی کی تبدیلی کا فیصلہ بھی کر لیا گیا ہے،نیا ڈپٹی اسپیکر پیپلز پارٹی سے لائے جانے کا امکان ہے،چیف الیکشن کمشنر کی تعیناتی کیلئے نام وفاق کو بھجوا دیے گئے، تقرری جلد متوقع ہے۔
مسلم ممالک اتحاد کا
کراچی: گورنر سندھ کامران ٹیسوری نے کہا ہےکہ مسلم ممالک اتحاد کا مظاہرہ کریں تو دنیا میں کوئی مقابلہ نہیں کرسکتا۔ ایران کے 47 ویں یومِ انقلاب اور قومی دن کی تقریب کے موقع پر قونصل خانے میں خطاب کرتے ہوئے کامران خان ٹیسوری نے کہا کہ ایرانی انقلاب عوام کی امنگوں کے مطابق برپا ہوا اور ایران نے خود کو منوایا اور ترقی کی۔ انہوں نے کہا کہ مسلم ممالک اتحاد کا مظاہرہ کریں تو دنیا میں کوئی مقابلہ نہیں کرسکتا۔ گورنر سندھ کا کہنا تھا کہ دوطرفہ تجارت کو 10 ارب ڈالر تک لے جانا وقت کی ضرورت ہے، بینکنگ چینلز کو فعال بنا کر تجارتی روابط کو فروغ دیا جائے گا۔ انہوں نے فلسطین کے عوام کے ساتھ یک جہتی کا اظہار کرتے ہوئے زور دیا کہ چیلنجوں کا مقابلہ کرنے کے لیے اُمتِ مسلمہ کو متحد ہونا ہوگا۔
درختوں کی کٹائی
درختوں کی کٹائی سے متعلق وزارتِ موسمیاتی تبدیلی کا تحریری جواب اسلام آباد ہائیکورٹ میں جمع کرادیا گیا۔ وزارت ماحولیاتی تبدیلی نے پیپر ملبری کو غیرمقامی درخت قرار دیتے ہوئے کٹائی کو درست قرار دے دیا۔جواب میں کہا گیا ہے کہ جائزہ لینے پر معلوم ہوا کہ درختوں کی کٹائی صرف پیپر ملبری تک محدود تھی،کچنار، سنبل، چیڑ اور سکھ چین سمیت دیگر انواع کے درختوں کو مارکنگ کر کے محفوظ رکھا گیا۔ اسلام آباد میں درختوں کی کٹائی کیخلاف کیس میں اہم پیشرفت سی ڈی اے نے درختوں کی کٹائی کے بعد متبادل جگہوں پر شجرکاری بھی کی،درختوں کی کٹائی کیلئے پیشگی منظوری ضروری ہے،درختوں کی کٹائی کیلئےموجودہ آپریشن بغیر کسی مشاوت کے کیا گیا۔ اسلام آباد وائلڈ لائف مینجمنٹ بورڈ نے شکرپڑیاں کی فیلڈ انسپکشن کی،سی ڈی اے درختوں کی کٹائی کیلئے پاکستان انوائرمنٹل پروٹیکشن ایجنسی سے منظوری لینے کی پابند ہے۔ چیف جسٹس اسلام آباد ہائیکورٹ کا ملاقات سے انکار ، سہیل آفریدی واپس چلے گئے درختوں کی کٹائی کیلئے اسلام آباد وائلڈ لائف مینجمنٹ بورڈ سے مشاورت ضروری ہے،درختوں کی کٹائی کا علم ہوا تو سیکریٹری داخلہ کو خط لکھ کر خدشات اور تشویش سے آگاہ کیا۔ انوائرمنٹل پروٹیکشن ایجنسی نے سی ڈی اے ممبر انوائرمنٹ کو خط میں جوائنٹ پلاننگ اور مشاورت پر زور دیا۔
خیبرپختونخواکے عوام
وزیراعلیٰ خیبرپختونخواسہیل آفریدی کا کہنا ہے کہ وزیراعظم شہبازشریف سے ملاقات ہوئی،صوبے کے عوام کیلئے ہرشخص کےساتھ بیٹھوں گا۔ میڈیا سے گفتگو کرتے ہوئے انہوں نے کہا کہ اپیکس کمیٹی اجلاس بلایا ہے ،صوبے میں صورتحال کا جائزہ لیں گے،سیکیورٹی اداروں سے بھی میٹنگ کرنی ہے۔ متاثرین کی معاونت کیلئے جاری فنڈز کی ایک ایک پائی کا حساب رکھا جائے گا، سہیل آفریدی خیبرپختونخوا میں انصاف اورترقی کیلئے امن ضروری ہے،خیبرپختونخوا پر ہر شخص نے تجربہ کیا اس لیے صوبہ بدامنی کا شکار رہا،بند کمروں میں فیصلےکرنے کےخلاف ہوں۔ بدامنی کی وجہ سے نوجوانوں کو وہ سب نہیں ملا جو دوسرے صوبوں میں ملا ،اب ہم خیبرپختونخوا پر تجربے نہیں ہونے دیں گے۔
پشاور ہائیکورٹ نے
پشاور(رپورٹر: علیشبہ خٹک)پشاور ہائیکورٹ نے دو ایڈیشنل ڈسٹرکٹ اینڈ سیشن ججز کو نوکری سے برطرف کردیا. پشاور ہائیکورٹ کے مطابق ایڈیشنل ڈسٹرکٹ اینڈ سیشن جج مدثر شاہ ترمزی کو عہدے سے برطرف کیا گیا،ایڈیشنل ڈسٹرکٹ اینڈ سیشن جج شیخ افضل کو بھی نوکری سے فارغ کردیا گیا۔ وزیراعلیٰ خیبرپختونخوا کی پاسپورٹ کے اجرا کیلئے پشاور ہائی کورٹ میں درخواست دائر دونوں ججز کو ضابطہ اخلاق کی خلاف ورزی پر نوکری سے برطرف کیا گیا ہے ،دونوں جوڈیشل افسران کے خلاف انکوائری مکمل ہونے کے بعد کارروائی عمل میں لائی گئی۔ ڈسٹرکٹ اینڈ سیشن جج حافظ نسیم اکبر نے خود ہی عہدے سے استعفی دے دیا۔
سیاسی تعلقات کو معاشی
اسلام آباد: وزیراعظم پاکستان شہباز شریف نے کہا ہے کہ سیاسی تعلقات کو معاشی تعاون میں تبدیل کرنا اہمیت کا حامل ہے۔ وزیراعظم نے رقمی اسلامک بینک کو ڈیجیٹل بینکنگ لائسنس دینے کی تقریب سے خطاب کرتے ہوئے لائسنس کے اجرا پر رقمی بینک کے بورڈ آف ڈائریکٹرز کے چیئرمین اور متعلقہ حکام کو مبارکباد پیش کی۔ وزیراعظم شہباز شریف نے کہا کہ رقمی اسلامک بینک کو ڈیجیٹل بینکنگ کے لیے لائسنس کا اجرا پاکستان اور کویت کے درمیان تعلقات کے لیے ایک اہم سنگِ میل ہے۔ انہوں نے کہا کہ پاکستان اور کویت کے درمیان دہائیوں پر محیط برادرانہ تعلقات قائم ہیں جنہیں اب مزید مضبوط معاشی تعاون میں تبدیل کرنے کی ضرورت ہے۔ وزیراعظم کا کہنا تھا کہ سیاسی تعلقات کو سرمایہ کاری، تجارت اور اقتصادی شراکت داری میں ڈھالنا وقت کی اہم ضرورت ہے۔ انہوں نے اس عزم کا اظہار کیا کہ پاکستان اور کویت کے درمیان معاشی تعاون کو فروغ دینے کے لیے کویتی قیادت کے ساتھ مل کر آگے بڑھا جائے گا۔ سپریم کورٹ نے سلمان صفدر کو بانی پی ٹی آئی سے ملاقات کا حکم دے دیا شہباز شریف نے مزید کہا کہ دونوں ممالک ترقی اور خوشحالی کے مشترکہ اہداف رکھتے ہیں اور انہیں عملی شکل دینے کے لیے حکومت پوری طرح پرعزم ہے۔ ان کا کہنا تھا کہ ڈیجیٹل بینکنگ جیسے جدید اقدامات سے پاکستان کے مالیاتی نظام کو مضبوط بنانے میں مدد ملے گی اور سرمایہ کاری کے نئے مواقع پیدا ہوں گے۔ تقریب میں اعلیٰ حکام، بینکنگ سیکٹر کے نمائندوں اور سفارتی شخصیات نے شرکت کی۔
اسحاق ڈار کے بیٹے
علی مصطفیٰ ڈار کو مشیر وزیراعلیٰ پنجاب برائے مصنوعی ذہانت و خصوصی اقدامات مقرر کردیا چیف سیکرٹری پنجاب نےتقرری کا نوٹیفکیشن بھی جاری کر دیا، جس کے مطابق علی مصطفیٰ ڈار کو مشیر وزیراعلیٰ پنجاب برائے مصنوعی ذہانت و خصوصی اقدامات مقرر کیا گیا ہے۔ یاد رہے کہ علی مصطفیٰ ڈار ڈپٹی وزیراعظم اسحاق ڈار کے بیٹے ، اورصدر مسلم لیگ ن نواز شریف کے داماد ہیں۔
سابق چیئرمین نادرا عثمان
سوشل میڈیا پر سرائیکی زبان میں وائرل ہونے والی ویڈیوز کو جھوٹا اور گمراہ کن قرار دے دیا گیا ہے۔ ان ویڈیوز میں سابق چیئرمین نادرا عثمان یوسف مبین کا نام غلط طور پر استعمال کرتے ہوئے دعویٰ کیا جا رہا ہے کہ جن شہریوں کے شناختی کارڈ پر ان کے دستخط موجود ہیں انہیں نقد مالی امداد دی جا رہی ہے، حالانکہ اس دعوے میں کوئی صداقت نہیں۔ ذرائع کے مطابق یہ ویڈیوز مکمل طور پر جعلی ہیں اور ان کا مقصد افواہیں پھیلا کر شہریوں کو گمراہ کرنا ہے۔ متعلقہ حلقوں کا کہنا ہے کہ اس قسم کی من گھڑت معلومات سے عوام میں بے چینی پیدا کی جا رہی ہے، جس سے بچنے کی ضرورت ہے۔ نادرا نے پاکستان کے پہلے بَگ باؤنٹی چیلنج کا آغاز کر دیا شہریوں سے اپیل کی گئی ہے کہ وہ سوشل میڈیا پر وائرل ہونے والی غیر مصدقہ معلومات پر ہرگز یقین نہ کریں اور کسی بھی خبر یا دعوے کی تصدیق مستند ذرائع سے ضرور کریں۔ حکام نے خبردار کیا ہے کہ افواہیں پھیلانے والے عناصر کے خلاف کارروائی بھی کی جا سکتی ہے۔ مزید کہا گیا ہے کہ عوام ایسے مشکوک پیغامات اور ویڈیوز کو آگے شیئر کرنے سے گریز کریں اور ذمہ دار شہری ہونے کا ثبوت دیں۔
وزیراعظم کا 2030 تک
وزیر اعظم شہباز شریف نے اعلان کیا ہے کہ پاکستان 2030 تک اے آئی پر ایک ارب ڈالر خرچ کرے گا۔ انڈس اے آئی ویک کی افتتاحی تقریب سے خطاب میں وزیر اعظم نے کہا آج پاکستان مصنوعی ذہانت کے میدان میں دنیا کے شانہ بشانہ چلنے کے لیے پر عزم اور مکمل طور پر تیار ہے۔ انہوں نے کہا کہ اے آئی کے فوائد اورچیلنجز دونوں ہیں، نوجوانوں کو جدید علم اور مہارتوں سے آراستہ کرنا وقت کی ضرورت ہے۔ وزیر اعظم کا کہنا تھا لینڈ ریکارڈ میں اصلاحات سے کرپشن کا خاتمہ ممکن ہوگا، زمین کے ریکارڈ کی شفافیت کو یقینی بنایا گیا ہے، منصوبے کے ذریعے ریونیو افسران کی بدعنوانی کو ختم کیا گیا ہے۔
عمران خان سے فوری
سپریم کورٹ نے پی ٹی آئی کے وکلاء کی عمران خان سے فوری ملاقات کی استدعا مسترد کر دی۔ عدالت میں تحریک انصاف کے وکیل لطیف کھوسہ نے بانی پی ٹی آئی عمران خان سے ملاقات کی استدعا کی، جس پر چیف جسٹس نے کہا کہ ہم بغیر نوٹس ایسا کوئی حکم نہیں دے سکتے۔ چیف جسٹس یحییٰ آفریدی نے کہا کہ قابل سماعت ہونے کے اعتراض کی رکاوٹ کو عبور کرنا ہوگا، مقدمات دوسری عدالتوں میں زیر التوا ہیں۔ چیف جسٹس نے ریمارکس دیے کہ ہمارے خیال میں یہ کیس غیر مؤثر ہو چکا ہے، 24 اگست 2023 کا حکمنامہ تھا جس کے خلاف کیس آیا تھا۔ عمران خان کے بیٹوں کو پاکستان کا ویزا نہ مل سکا عدالت کا کہنا تھا کہ بغیر نوٹس جاری کیے ملاقات سے متعلق کوئی آرڈر نہیں دے سکتے، دیکھنا ہوگا کہ کیس غیر مؤثر ہو چکا یا ابھی چلایا جا سکتا ہے۔
ملک میں بھیک
وزیر دفاع خواجہ آصف نے کہا ہے کہ ملک میں بھیک مانگنا اب ایک منظم اور منافع بخش کاروبار بن چکا ہے۔ ان کا کہنا تھا کہ اس کے پیچھے طاقتور مافیا سرگرم ہے، انہوں نے کہا کہ بھیک مانگنے والے نیٹ ورکس کروڑوں روپے کماتے ہیں اور اس مقصد کے لیے بچوں، خواتین اور جعلی معذور افراد کو بھرتی کیا جاتا ہے۔ خواجہ آصف نے انکشاف کیا کہ بڑی تعداد میں بھیک مانگنے والوں کو خلیجی ممالک بھیجا جا رہا ہے، جس کے باعث متعلقہ ممالک نے پاکستانی شہریوں پر ویزا پابندیاں عائد کر دی ہیں۔ وزیر دفاع نے کہا کہ یہ ایک گھناؤنا کاروبار ہے جس میں ہوائی اڈوں پر تعینات مختلف محکموں کے اہلکاروں کی مبینہ ملی بھگت بھی سامنے آئی ہے۔ خواجہ آصف نے کہا کہ سیالکوٹ میں جنوبی پنجاب سے آ کر بھیک مانگنے والے گروہ طویل عرصے سے سرگرم ہیں تاہم ان کا کہنا تھا کہ انتظامیہ اور پولیس کی کارروائیوں کے نتیجے میں بھیک مانگنے والوں کے خلاف نمایاں کمی آئی ہے۔ عمران خان سے فوری ملاقات کی استدعا مسترد، ہم بغیر نوٹس ایسا کوئی حکم نہیں دے سکتے، سپریم کورٹ خواجہ آصف نے مزید کہا کہ بھیک مانگنے والوں کی سرپرستی کی جا رہی ہے اور اس نیٹ ورک کے ساتھ دیگر جرائم بھی منسلک ہیں، جن کے خاتمے کے لیے سخت اقدامات کی ضرورت ہے۔
علی امین گنڈاپور
اسلام آباد: وفاقی دارالحکومت کی مقامی عدالت نے پی ٹی آئی) رہنماؤں عمر ایوب اور علی امین گنڈاپور کو اشتہاری قرار دے دیا۔ ڈسٹرکٹ اینڈ سیشن کورٹ اسلام آباد نے احتجاج سے متعلق دو مقدمات میں پی ٹی آئی کے رہنماؤں علی امین گنڈاپور اور عمر ایوب کو اشتہاری قرار دیا۔ مارچ میں ہونے والے احتجاج سے متعلق ان دو مقدمات کی سماعت جوڈیشل مجسٹریٹ نے کی۔ دوران سماعت عدالت نے ملزمان کی مسلسل عدم حاضری پر ان کے دائمی وارنٹ گرفتاری جاری کرنے کا حکم دیا۔ عدالت نے ریمارکس دیئے کہ علی امین گنڈاپور اور عمر ایوب کو متعدد بار طلب کیا گیا۔ تاہم وہ پیش نہ ہوئے۔ جس کے باعث انہیں اشتہاری قرار دیا جا رہا ہے۔ یہ بھی پڑھیں: ملک میں بھیک مانگنا منظم اور منافع بخش کاروبار بن چکا ہے، وزیر دفاع واضح رہے کہ علی امین گنڈاپور اور دیگر رہنماؤں کے خلاف تھانہ بارہ کہو میں احتجاج کے حوالے سے دو مقدمات درج ہیں۔
وزیر اعلیٰ بلوچستان
کوئٹہ: وزیر اعلیٰ بلوچستان سرفراز بگٹی نے کوئٹہ میں ہڑتال کے دوران گرفتار ایک شہری پر پولیس تشدد کے واقعے کا سختی سے نوٹس لے لیا۔ وزیراعلیٰ بلوچستان سرفراز بگٹی کے نوٹس پر ڈی پی او چمن نے واقعے میں ملوث پولیس اہلکاروں کو معطل کر دیا۔ سرفراز بگٹی نے واضح کیا کہ قانون کی خلاف ورزی ناقابل برداشت ہے۔ اور پولیس اہلکاروں کا غیر انسانی رویہ کسی صورت قبول نہیں کیا جائے گا۔ انہوں نے کہا کہ پولیس اہلکار قانون کے دائرے میں رہ کر فرائض انجام دینے کے پابند ہیں۔ ہر شہری کی عزت نفس کا تحفظ پولیس کی بنیادی تربیت اور ذمہ داری کا حصہ ہے۔ اور اس اصول پر کوئی سمجھوتہ نہیں کیا جائے گا۔ یہ بھی پڑھیں: علی امین گنڈاپور اور عمر ایوب اشتہاری قرار وزیر اعلیٰ بلوچستان نے ہدایت کی کہ واقعے میں ملوث اہلکاروں کے خلاف شفاف اور قانونی کارروائی عمل میں لائی جائے۔ صوبائی حکومت قانون کی بالادستی اور شہریوں کے بنیادی حقوق کے تحفظ کے لیے پرعزم ہے۔ اور ایسے واقعات کی روک تھام کے لیے سخت اقدامات کیے جائیں گے۔
پاکستان اب مصنوعی
وزیراعظم شہباز شریف نے کہا ہے کہ پاکستان اب مصنوعی ذہانت کے شعبے میں عالمی سطح پر قدم رکھنے کیلئے تیار ہے۔ وزیراعظم کا کہنا تھا کہ انڈس اے آئی ویک ایونٹ ملک کے ٹیکنالوجیکل منظرنامے کو بدل دے گا اور یہ ایونٹ عالمی سطح پر پاکستان کو ایک مضبوط ٹیکنالوجی پارٹنر کے طور پر سامنے لائے گا۔ وزیراعظم کا کہنا تھا کہ پاکستان مشترکہ راہ پر عزم اور جوش کے ساتھ آگے بڑھ رہا ہے اور اب مصنوعی ذہانت کے شعبے میں عالمی سطح پر قدم رکھنے کے لیے تیار ہے۔ وزیراعظم نے کہا کہ بطور وزیراعلیٰ پنجاب انہوں نے تعلیم، صحت اور نوجوانوں کی ترقی کے لیے متعدد منصوبے شروع کیے، جن میں آئی ٹی کے شعبے پر خصوصی توجہ دی گئی۔ ان اقدامات میں ہونہار طلبہ کو لیپ ٹاپ کی فراہمی، ای لائبریریز کا قیام، لاہور میں پہلا سیف سٹی منصوبہ اور ملک کی پہلی آئی ٹی یونیورسٹی کا قیام شامل ہے۔ شہباز شریف نے کہا کہ زمین کے ریکارڈ میں اصلاحات کے ذریعے شفافیت کو یقینی بنایا گیا، جس سے کرپشن کے خاتمے میں مدد ملی۔ انہوں نے بتایا کہ لینڈ ریکارڈ اصلاحات سے ریونیو افسران کی بدعنوانی کا خاتمہ ممکن ہوا اور ای اسٹامپ پیپرز کے اجرا سے قومی آمدن میں اضافہ ہوا۔ وزیراعظم نے کہا کہ پاکستان کی 24 کروڑ آبادی میں سے 60 فیصد نوجوانوں پر مشتمل ہے، جنہیں جدید علم اور مہارتوں سے آراستہ کرنا وقت کی اہم ضرورت ہے۔ انہوں نے اعلان کیا کہ ایک ملین غیر آئی ٹی پروفیشنلز کو مصنوعی ذہانت کی تربیت دی جائے گی جبکہ اے آئی کے شعبے میں ایک ہزار مکمل فنڈز شدہ پی ایچ ڈی اسکالرشپس بھی فراہم کی جائیں گی۔ عمران خان سے فوری ملاقات کی استدعا مسترد، ہم بغیر نوٹس ایسا کوئی حکم نہیں دے سکتے، سپریم کورٹ وزیراعظم نے مزید کہا کہ اسمگلنگ کی روک تھام کے لیے بندرگاہوں پر جدید اسکینرز اور آلات نصب کیے جا چکے ہیں، جبکہ حکومت دیہی علاقوں تک جدید تعلیم اور تکنیکی مہارتیں پہنچانے کے لیے بھی اقدامات کر رہی ہے۔ وزیراعظم شہباز شریف نے کہا کہ اے آئی کے فوائد اور چیلنجز دونوں ہیں، تاہم درست پالیسیوں کے ذریعے پاکستان اس شعبے میں نمایاں مقام حاصل کر سکتا ہے۔
کراچی: واٹر سپلائرز کی
کراچی: دھابے جی کے مقام پر کراچی واٹر کارپوریشن کی پانی سپلائی کی لائن پھٹنے کے ساتھ ہی سائٹ اور دیگر انڈسٹریل ایریاز کو زیر زمین پانی سپلائی کرنے والے ٹھیکیداروں نے بھی ہڑتال کر دی جس کے باعث انڈسٹریل ایریاز میں کاروبار شدید متاثر ہوگیا۔ اس سلسلے میں سائٹ ایسوسی ایشن کے صدر احمد عظیم نے بتایا کہ سائٹ کی انڈسٹریز کی یومیہ 50 ملین گیلن پانی کی طلب ہے جبکہ واٹر کارپوریشن کی جانب سے صرف ایک سے دو ملین پانی فراہم کیا جا رہا ہے، کارخانے چلانے کیلئے باقی ضرورت زیر زمین پانی سپلائی کرنے والے ٹھیکیدار پوری کرتے ہیں۔ انہوں نے بتایا کہ دھابے جی کے مقام پر زیر زمین لائن پھٹنے سے کراچی بھر میں پانی کی سپلائی متاثر ہوئی ہے، ایسے میں انڈسٹریل ایریا میں بھی پانی نہیں مل رہا، اس کے ساتھ ہی اپنے مطالبات کے حق میں زیر زمین پانی سپلائی کرنے والوں نے ہڑتال کر دی ہے۔ ان کا کہنا ہے کہ پانی کی بندش کے باعث سائٹ کی 4500 فیکٹریاں متاثر ہوئی ہیں تاہم 1800 ایسے یونٹس ہیں جو پانی کے بغیر نہیں چل سکتے جو بند ہوگئے ہیں۔ احمد عظیم کے مطابق سندھ حکومت خاص طور پر میئر کراچی کو اس سلسلے میں ہنگامی بنیادوں پر اقدامات کرنا ہوں گے کیونکہ سائٹ میں فیکٹریاں چلیں گی تو ملکی معیشت اگے بڑھے گی۔
عمران خان کے بیٹوں
پاکستان تحریک انصاف کے بانی چیئرمین کے صاحبزادوں قاسم خان اور سلیمان خان کے پاکستان ویزا معاملے نے ایک بار پھر سیاسی اور سفارتی بحث کو جنم دے دیا ہے۔ تازہ رپورٹس کے مطابق دونوں برطانوی پاسپورٹ ہولڈرز کو ابھی تک ویزا جاری نہیں کیا گیا جبکہ معاملہ متعلقہ حکام کے پاس زیر غور بتایا جا رہا ہے۔ رپورٹس کے مطابق دونوں بھائیوں نے پاکستان آنے کے لیے ویزا درخواستیں جمع کروائی تھیں تاہم ذرائع کا کہنا ہے کہ درخواستوں میں بعض تکنیکی اور معلوماتی خامیاں موجود تھیں جنہیں درست کرنے کے لیے درخواست گزاروں سے رابطہ کیا گیا۔ ذرائع کے مطابق مطلوبہ معلومات مکمل طور پر فراہم نہ کیے جانے کی وجہ سے درخواستیں زیر التوا رہیں۔ سفارتی ذرائع کے مطابق ویزا درخواستوں کا حتمی فیصلہ اسلام آباد میں وزارت داخلہ کے متعلقہ شعبے کی منظوری سے مشروط ہوتا ہے، جس کے باعث پراسیس میں تاخیر ہو سکتی ہے۔ ماضی میں بھی رپورٹس سامنے آ چکی ہیں کہ عمران خان کے صاحبزادے پاکستان آنے کے لیے ویزا منظوری کے منتظر رہے ہیں۔ دوسری جانب بعض غیر ملکی میڈیا رپورٹس میں دعویٰ کیا گیا ہے کہ دونوں بھائیوں نے حکومت پر الزام لگایا ہے کہ ان کے ویزے جان بوجھ کر روکے جا رہے ہیں تاکہ وہ اپنے والد سے ملاقات نہ کر سکیں، تاہم حکومتی سطح پر اس مؤقف کی باضابطہ تصدیق سامنے نہیں آئی۔ ذرائع کا مزید کہنا ہے کہ ویزا پراسیسنگ کے معاملات حساس نوعیت کے ہوتے ہیں اور بعض کیسز میں سکیورٹی اور دستاویزی تصدیق کے مراحل کے باعث وقت لگ سکتا ہے۔
اسلام آباد کی مسجد میں
اسلام آباد کی مسجد میں خود کش حملہ کرنے والے بمبار کی شناخت ہو گئی۔ حکومتی ذرائع کے مطابق خود کش بمبار نے افغانستان سے دہشتگرد کارروائیوں کی تربیت حاصل کی اور متعدد بار افغانستان کا سفر کر چکا ہے۔ حکومتی ذرائع نے بتایاکہ افغانستان میں موجود مختلف دہشتگرد گروہ طالبان رجیم کی سرپرستی میں خطےکی سلامتی کےلیےخطرہ ہیں، پاکستان میں ہر دہشتگردانہ کارروائی کے پس پشت افغانستان اور بھارت کا گٹھ جوڑ ہے۔ حکومتی ذرائع کا کہنا ہے کہ پوری قوم ایسی مذموم اور بزدلانہ کارروائیوں کے سامنے سیسہ پلائی دیوار ہے۔ پولیس ذرائع کے مطابق خود کش حملہ آور کی شناخت نادرا کے ریکارڈ سے کی گئی، خود کش حملہ آور کا تعلق پشاور سے اور عمر 32سال ہے۔ دوسری جانب اسلام آباد کے علاقے ترلائی میں نمازِ جمعہ کے دوران خودکش دھماکے میں 31 افراد شہید اور متعدد زخمی ہوگئے۔ پولیس کے مطابق دھماکا نمازِ جمعہ کے دوران مسجد و امام بارگارہ خدیجتُہ الکبریٰ میں ہوا ، خود کش حملہ آور نے مسجد میں داخلے سے روکنے پر خود کو اڑا لیا۔ عینی شاہدین کا کہنا ہے کہ دھماکے سے پہلے فائرنگ کی آوازیں بھی آئیں، دھماکے کے بعد پولیس اور فوج کے دستوں اور رینجرز نے علاقے کو گھیرے میں لے لیا۔ تمام زخمیوں کو پمز اور پولی کلینک اسپتال منتقل کردیا گیا، تمام اسپتالوں میں ہنگامی صورتِ حال نافذ کردی گئی۔
اس ظلم کا جواب ریاست
وزیر دفاع خواجہ آصف نے اسلام آباد خودکش حملے پر ردعمل میں کہا ہے کہ اس ظلم کا جواب ریاست پوری قوت سے دے گی۔ اپنی ٹوئٹ میں خواجہ آصف کا کہنا تھاکہ مسجد میں نمازیوں کو شہید کرنے والے دین اور وطن کے دشمن ہیں، حملے میں ملوث دہشت گرد کا افغانستان آنا جانا ثابت ہوا ہے۔ انہوں نے کہا کہ بھارت اورطالبان کے گٹھ جوڑ کے تانے بانے مل رہے ہیں۔ ان کا کہنا تھاکہ سکیورٹی گارڈز نے حملہ آورکو چیلنج کیا جس کے جواب میں اس نے فائرنگ کی، خودکش حملہ آور نے نمازیوں کی آخری قطار میں اپنےآپ کو دھماکے سے اڑا دیا۔ وزیر دفاع کا کہناتھاکہ اس ظلم کا جواب ریاست پوری قوت سے دے گی۔ انہوں نے کہا کہ بھارت عبرت ناک شکست کے بعد اپنی پراکسیوں کے ذریعے جنگ لڑ رہا ہے، بھارت کی اب براہ راست جنگ لڑنے کی ہمت نہیں۔ خیال رہے کہ اسلام آباد کے علاقے ترلائی میں نمازِ جمعہ کے دوران خودکش دھماکے میں 31 افراد شہید اور متعدد زخمی ہوگئے۔ پولیس کے مطابق دھماکا نمازِ جمعہ کے دوران مسجد و امام بارگارہ خدیجتُہ الکبریٰ میں ہوا ، خود کش حملہ آور نے مسجد میں داخلے سے روکنے پر خود کو اڑا لیا۔ عینی شاہدین کا کہنا ہے کہ دھماکے سے پہلے فائرنگ کی آوازیں بھی آئیں، دھماکے کے بعد پولیس اور فوج کے دستوں اور رینجرز نے علاقے کو گھیرے میں لے لیا۔ تمام زخمیوں کو پمز اور پولی کلینک اسپتال منتقل کردیا گیا، تمام اسپتالوں میں ہنگامی صورتِ حال نافذ کردی گئی۔
وزیراعظم کا پاکستان اور ازبکستان
وزیراعظم شہباز شریف کی جانب سے پاکستان اور ازبکستان کے درمیان باہمی تجارت کو 2029 تک 2 ارب ڈالر تک لے جانے کے عزم کا اظہار کیا گیا ہے۔ وزیر اعظم نے پاکستان ازبکستان بزنس فارم سے خطاب میں ازبک سرمایہ کارو ں کوپاکستان میں سرمایہ کاری کی دعوت دیتے ہوئے کہا کہ گزشتہ بزنس فورم کی بدولت تجارتی سرگرمیاں 45 کروڑ ڈالر تک پہنچیں مگر اس میں مزید اضافے کی صلاحیت ہے۔ شہباز شریف کا کہنا تھا کہ ازبکستان میں چاول اور آلو کی بہت ڈیمانڈ ہے جسے پاکستان پورا کرسکتا ہے۔ وزیر اعظم نے دونوں ممالک کے نجی شعبے کے درمیان 3 ارب ڈالر سے زائد کے سمجھوتوں کو اہم پیشرفت قرار دیا۔ ازبکستان کے صدر شوکت مرزا یوف نے دونوں ملکوں کے درمیان باہمی سمجھوتوں پر مؤثر عملدرآمدکےعز م کا اظہار کیا۔ دوسری جانب دفتر خارجہ نے پاکستان ازبکستان کا مشترکہ اعلامیہ بھی جاری کردیا، اعلامیے کے مطابق پاکستان نےازبک ٹرانزٹ کارگو کواپنی بندرگاہوں اور سڑکوں کے استعمال کی پیشکش کی جبکہ ازبکستان، افغانستان اورپاکستان کے ریلوے منصوبے کو متفقہ طور پر منظور کیا۔ ایوان صدر میں ازبکستان کے صد ر کو نشان پاکستان کے اعزاز سے بھی نوازا گیا۔
عمران خان کو دائیں آنکھ
سابق وزیراعظم و پاکستان تحریک انصاف کے بانی عمران خان کی فیملی نے پمز اسپتال کی میڈیکل رپورٹ وصول کرلی۔ بانی پی ٹی آئی کی میڈیکل رپورٹ ان کی فیملی نے اڈیالہ جیل حکام کے ذریعے وصول کی۔ عمران خان کی میڈیکل رپورٹ سامنے آگئی جس کے مطابق بانی پی ٹی آئی کو دائیں آنکھ میں بینائی کم ہونے کی شکایت تھی، بانی پی ٹی آئی کی آنکھ کا اڈیالہ جیل میں مکمل معائنہ کیا گیا۔ میڈیکل رپورٹ میں کہا گیا ہے کہ ماہر امراضِ چشم نے اڈیالہ جیل میں بانی پی ٹی آئی کی تفصیلی طبی جانچ کی، بانی پی ٹی آئی کی دائیں آنکھ میں سینٹرل ریٹینل وین اوکلوژن کی تشخیص ہوئی، ماہرین نے اسپتال میں فالو اَپ علاج کی سفارش کی۔ میڈیکل رپورٹ کے مطابق بانی پی ٹی آئی کو ہفتے اور اتوار کی درمیانی رات پمز منتقل کیا گیا، بانی پی ٹی آئی کا علاج ان کی رضامندی سے کیا گیا اور ان کو تجویز کردہ طریقہ علاج کامیاب رہا۔ میڈیکل رپورٹ میں بتایا گیا ہے کہ بانی پی ٹی آئی کا آپریشن تھیٹر میں علاج تقریباً 20 منٹ میں مکمل کیا گیا، بانی پی ٹی آئی علاج کے بعد مستحکم تھے اور علاج کے بعد معمول کی ہدایات کے ساتھ انہیں ڈسچارج کیا گیا۔ دوسری جانب وزیراعظم شہباز شریف کی ہدایت پر بانی پی ٹی آئی کی میڈیکل رپورٹ ان کی فیملی کو دے دی گئی ہے۔ اس حوالے سے وفاقی وزیر اطلاعات عطا تارڑ کا کہنا ہے کہ پمز اسپتال کے ایگزیکٹو ڈائریکٹر نے بانی پی ٹی آئی کی میڈیکل رپورٹ اڈیالہ جیل کے سپرنٹنڈنٹ کو بھیجی تھی جسے وزیراعظم کی ہدایت پر بانی پی ٹی آئی کے اہلِ خانہ کے حوالے کردیا گیا۔
کوئی بری بات نہیں کہ
قومی اسمبلی میں قائد حزب اختلاف محمود اچکزئی نے کہا ہے کہ کوئی بری بات نہیں کہ شہباز شریف میرے پاس آئے یہ بڑا پن ہے، ہمیں غلطیوں کو ماننا ہوگا اور آگے بڑھنا ہوگا۔ قومی اسمبلی میں قائد حزب اختلاف محمود اچکزئی نے وفد کے ہمراہ جمعیت علمائے اسلام کے سربراہ مولانا فضل الرحمان سے ملاقات کی۔ ملاقات کے بعد گفتگو کرتے ہوئے محمود اچکزئی کا کہنا تھاکہ سیاسی لوگ بیٹھتے ہیں تو سیاست پر بات ہوتی ہے، ہم نے جمہوری انداز سےپر امن احتجاج کا فیصلہ کیا ہے۔ انہوں نے کہا کہ دہشت گردی کی وجہ سے بسنت کو ملتوی کیا جانا اچھا ہے، ہمیں غلطیوں کو ماننا ہوگا اور آگے بڑھنا ہوگا۔ ان کا کہنا تھاکہ وزیراعظم شہباز شریف کئی بار مولانا فضل الرحمان کے پاس آچکے ہیں، کوئی بری بات نہیں کہ شہباز شریف میرے پاس آئے یہ بڑا پن ہے۔ جمعیت علمائے اسلام کے سربراہ مولانا فضل الرحمان کا کہنا تھاکہ ہم اپنےمطالبےپرقائم ہیں اور 8 فروری کے نتائج کو مسترد کرتے ہیں، ہم نئے انتخابات کا مطالبہ کرتے ہیں۔ انہوں نے کہا کہ ہماری جماعت نے کوئی جلسہ یا جلوس رکھا ہے تو اسے منسوخ کرتے ہیں۔ ان کا کہنا تھاکہ آج تک اپوزیشن کی اپیلیں عدالت اور ٹریبونل میں ہیں، حکومت کو اپنی ناکامی کا اعتراف کرنا چاہیے۔
ہم کب تک مذمتی بیانات
پاکستان کرکٹ ٹیم کے سابق کپتان شاہد آفریدی نے اسلام آباد خودکش دھماکے کی مذمت کرتے ہوئے دہشتگردی کے خاتمے کیلئے فوری اقدامات کا مطالبہ کردیا۔ سوشل میڈیا پر جاری پیغام میں شاہد خان آفریدی نے کہا کہ بلوچستان میں حالیہ دہشت گردانہ حملوں کے بعد اسلام آباد میں بھی دہشت گردوں نے اپنی وحشیانہ کاروائی سے معصوم شہریوں کو بربریت کا نشانہ بنایا۔ شاہد آفریدی نے کہا کہ دہشت گردی کی لہر روز بروز شدت اختیار کر رہی ہے۔ انہوں نے سوال کیا کہ یہ تسلسل کیسے برداشت کیا جائے؟ آخر کب تک ہم صرف مذمتی بیانات اور ٹوئٹس سے کام چلاتے رہیں گے؟ شاہد آفریدی نے مطالبہ کیا کہ بیرونی مداخلت کے جن ثبوتوں کا بار بار ذکر کیا جاتا ہے اُنہیں قوم کے سامنے رکھا جائے اور قوم کو اعتماد میں لے کر دہشتگردی کے خاتمے کے لیے جو اقدامات بھی ضروری ہیں وہ فورً اکیے جائیں۔ یاد رہے کہ اسلام آباد کے علاقے ترلائی میں امام بارگاہ و مسجد خدیجۃ الکبریٰ میں خودکش دھماکے سے 32 افراد شہید اور 150 سے زائد زخمی ہوگئے ہیں۔
عمران خان کی صحت
سینیٹ میں اپوزیشن لیڈر علامہ راجہ ناصر عباس کا کہنا ہے بانی پی ٹی آئی عمران خان پاکستان کے معزز شہری ہیں اور ہمیں ان کی صحت سے متعلق شدید تحفظات ہیں۔ سینیٹ اجلاس میں اظہار خیال کرتے ہوئے اپوزیشن لیڈر علامہ راجہ ناصر عباس کا کہنا تھا کیا پولیس کو حق ہےکہ پرامن مظاہرین کو ڈنڈے مارے، تھانوں میں بند کرے؟ ان کا کہنا تھا حکومتیں لوگوں کو حق دینے کے لیے ہوتی ہیں، بانی پی ٹی آئی پاکستان کے معزز شہری ہیں، ان کے کچھ حقوق ہیں جن کی خلاف ورزی ہو رہی ہے، پہلے کہا گیا بانی بیمار ہی نہیں ہیں، بانی پی ٹی آئی کی صحت سے متعلق ہمارے سخت تحفظات ہیں، عمران خان سے ملاقات سے کیا ہو جائے گا؟ انہوں نے کہا کہ بانی پی ٹی آئی سے ملاقات کرنا ان کی فیملی کا حق ہے، کسی سے نہ ڈریں، کیا ایک بزرگ سیاستدان کو علاج کے لیے بیرون ملک جانے نہیں دیا تھا؟ اپوزیشن لیڈر سینیٹ کا کہنا تھا ہم نے 8 فروری کو احتجاج کرنا ہے، 8 فروری کا پرامن احتجاج ہے, ہم نے تو نہیں کہا کہ زبردستی ٹریفک بند کریں گے، دکانیں بند کریں گے، لوگوں کو کیوں اٹھا رہے ہیں، یہ تو فاشزم میں ہوتا ہے۔ حکومت سے پہلے بھی ہم نے سوال کیا کوئی جواب نہیں آیا، پارلیمنٹ کو غیر متعلقہ کر دیا گیا ہے، یہ عقلمندانہ کام نہیں، ہمیں کہا گیا کہ ٹرائل کورٹ چلے جائیں، سیاستدانوں کو سیاست سے محروم کرنا، بیان دینے سے روکنا بھی ظلم ہے، اگر نواز شریف کے ساتھ ایسا ہوتا تو میں ان کے حق میں بھی بولتا، چئیرمین صاحب آپ حکومت کو حکم کریں، ایوان کو غیرمتعلقہ نہ کریں۔
پی ٹی آئی اور اپوزیشن
اسلام آباد ( مانیٹرنگ ڈیسک ) خیبرپختونخوا (کے پی) ہاؤس اسلام آباد میں پی ٹی آئی اور اپوزیشن پارلیمانی پارٹی اجلاس کی اندرونی کہانی سامنے آگئی۔ تفصیلات کے مطابق اجلاس میں اپوزیشن لیڈر پنجاب اسمبلی معین قریشی پارٹی ارکان پر برہم ہوگئے اور کہا کہ ایک طرف حکومت دوسری طرف پی ٹی آئی کا سوشل میڈیا ہی ہماری تذلیل کرتا ہے، ہم سب کو اپنی اپنی بساط اور صوبے کے مطابق کام کرنا ہوگا۔ ’’جیو نیوز ‘‘ کے مطابق معین قریشی کا کہنا تھا کہ ہم انسان ہیں، ہرشخص کے ساتھ خوشی غمی ہوتی ہے، اگرکوئی شخص بیماری کی وجہ سے نہ آئے تو اس پرسوشل میڈیا پر الزامات لگائے جاتے ہیں، سوشل میڈیا پر ارکان صوبائی اسمبلی کی تضحیک کی جاتی ہے، ایک سوچی سمجھی سازش کے تحت ہم پر کیچڑ اچھالا جاتا ہے۔
وزیر اعلیٰ پنجاب کی
وزیر اعلیٰ پنجاب مریم نواز کیپٹن محمد علی قریشی شہید کے گھر گئیں -وزیر اعلیٰ نے کیپٹن محمد علی قریشی شہید کے اہل خانہ سے ملاقات کی اور اظہارِ تعزیت کیا-کیپٹن محمد علی قریشی نے 22 اگست 2024 کو کولپور بلوچستان میں فتنہ الخوارج و فتنہ الہندوستان کے خلاف لڑتے ہوئے جامع شہادت نوش کیا- وزیراعلیٰ مریم نواز نے کیپٹن محمد علی قریشی شہید کی بہادری اور خدمات کو خراج عقیدت پیش کیا اور کہاکہ ملک سے دہشت گردی کے خاتمے کے لیے پاک فوج کی کاوشیں قابلِ تعریف ہیں - وزیراعلیٰ نے شہید کے اہل خانہ کو جذبہ حب الوطنی پر انہیں خراج تحسین پیش کیا-تعزیت کے دوران وزیراعلیٰ کے ہمراہ سینئرمنسٹر مریم اورنگزیب، صوبائی وزیر اطلاعات عظمیٰ بخاری اور چیف سیکرٹری پنجاب زاہد اختر زمان بھی تھے - اس موقع پر محلے کے بچے بھی وہاں آ گئے جنہیں مریم نواز نے شفقت اور محبت سے نوازا-
بسنت خوبصورت تہوار
وزیر اطلاعات پنجاب عظمیٰ بخاری نے کہا ہے کہ بسنت خوبصورت تہوار ہے،دھاتی ڈور کی وجہ سے بسنت پر پابندی لگائی گئی تھی،ہم نے محفوظ بسنت کے حوالے سے ہر ممکن اقدامات کئے ہیں،لاہور میں موٹر سائیکلوں پر 10لاکھ کے قریب سیفی راڈز لگائے گئے ہیں،بسنت کے 3دن پبلک ٹرانسپورٹ فری کردی ہے،میٹرو، اورنج لائن اور بسوں پرسفر فری ہوگا تاکہ لوگ بائیک استعمال نہ کریں۔ عظمیٰ بخاری کاکہناتھا کہ ایک ارب24کروڑ سے زائد کی پتنگیں اورڈور فروخت ہو چکی ہے،بسنت کی وجہ سے پوری دنیا سے لوگ لاہور آ رہے ہیں ایس او پیز کی خلاف ورزی پر سخت قوانین بنائے ہیں،کوشش ہے لوگوں کو پریشانی اور مایوسی کے ماحول سے نکالا جائے،ان کا کہناتھا کہ اگر کسی نے دھاتی ڈور استعمال کی تو سختی سے نمٹا جائے گا، لوگوں کو چھتوں کے لئے این او سی جاری کئے گئے ہیں،لوگ بسنت کے تہوار کو برقرار رکھنا چاہتے ہیں تو ایس او پیز پر عمل کریں،ڈرون کیمروں کی مدد سے چھتوں کو مانیٹر کریں گے،چند لوگوں کی غلطی کی وجہ سے لاکھوں لوگوں کوخوشیوں سے محروم کردیا جاتا ہے،کسی قسم کی خلاف ورزی کو بالکل برداشت نہیں کیا جائے گا۔ وزیر اطلاعات پنجاب نے کہاکہ بسنت کی وجہ سے خیبرپختونخوا کی انڈسٹری بھی چل پڑی ہے،بسنت کی وجہ سے لوگوں کو روزگار مل رہا ہے ،لوگوں کو سٹاک کی وجہ سے بھی سپلائی چین میں مسئلہ آیا ہے ،ہر کام حکومتوں کا نہیں ہوتا شہریوں کو بھی رولز پر عمل کرنا ہوگا، تنقید کرنے والوں کو عوام کی خوشی سے تکلیف ہوتی ہے،ایسے لوگ چاہتے ہیں عوام خوشی اور سکھ کا سانس نہ لیں،پی ٹی آئی والے بسنت کے تہوار کو سیاسی نہ بنائیں۔
بسنت پنجاب کا ثقافتی
وزیراعلیٰ پنجاب مریم نواز شریف نے کہا ہے کہ بسنت پنجاب کا ثقافتی ورثہ ہے اور ہمیں اپنی ثقافت پر ناز ہے، زندہ دلانِ لاہور ذمہ داری کے ساتھ خوشیاں منائیں، ذمہ داری شہری ہونے کا ثبوت دیں، حفاظتی اقدامات پر عملدرآمد کریں۔ نجی ٹی وی چینل دنیا نیوز کے مطابق مریم نواز شریف نے اعلامیہ جاری کیا ہے کہ بسنت کی خوشیاں منائیں،ہم آپ کے ساتھ ہیں، پریشانیاں بھلا کر نیلے افق کی طرف بڑھتی ہوئی گڈی پر توجہ مرکوز کریں، آج لاہور میں پتنگیں نہیں خوشیاں اڑ رہی ہیں، خوشی کے ہر لمحے میں اپنے ارد گردکے لوگوں کو بھی شریک کریں۔
لاہور: سیفٹی راڈ نہ لگانے
لاہور میں سیفٹی راڈ نہ لگانے پر 44 موٹر سائیکل سواروں کو گرفتار کر کے ان کے خلاف مقدمات درج کر لیے گئے ۔ روزنامہ جنگ کے مطابق لاہور میں پولیس نے بسنت کے موقع پر سیکیورٹی انتظامات مکمل کر لیے۔لاہور پولیس کے ترجمان کے مطابق بسنت کے موقع پر مجموعی طور پر 10 ہزار سے زائد افسران اور جوان سیکیورٹی کے فرائض انجام دے رہے ہیں۔ ترجمان نے بتایا کہ ریڈ زون میں 104، یلو زون میں 92 جبکہ گرین زون میں 72 ناکے قائم کیے گئے ہیں، اس کے علاوہ روف ٹاپس، اوور ہیڈ برجز، انڈر پاسز اور انٹری و ایگزٹ پوائنٹس پر بھی پولیس اہلکار تعینات ہیں۔ ترجمان لاہور پولیس کا کہنا ہے کہ ٹریفک پولیس کے 1300 افسران اور اہلکار بھی شہر بھر میں ڈیوٹی انجام دے رہے ہیں۔ دریں اثناء سیفٹی راڈ نہ لگانے پر 44 موٹر سائیکل سواروں کو گرفتار کر کے ان کے خلاف مقدمات درج کر لیے گئے ہیں۔
پاکستان 2026 کیلئے
پاکستان 2026کے لیے ڈیجیٹل کوآپریشن آرگنائزیشن کا صدر منتخب ہوگیا۔ وفاقی وزیر آئی ٹی شزا فاطمہ نے ڈیجیٹل کوآپریشن آرگنائزیشن (ڈی سی او) کا صدر منتخب ہونا ملک و قوم کے لیے اعزاز قرار دیا۔ اس موقع پر انہوں نے کہا کہ بطور صدر پاکستان اے آئی، آئی ٹی اور ٹیکنالوجی پر اپنا مؤقف پہلے سے بہتر انداز میں دنیا کے سامنے پیش کرسکے گا ، پاکستان کے پاس آئی ٹی میں قائدانہ صلاحیتیں دکھانے کا بہترین موقع ہے۔
وزیر تعلیم سندھ نے بعض
کراچی: وزیر تعلیم سندھ سردار علی شاہ نے کچھ تعلیمی بورڈز کی جانب سے امتحانی فیس وصول کرنے کی شکایت پر نوٹس لے لیا۔ صوبائی وزیر تعلیم سردار علی شاہ نے امتحانی فیس وصول کرنے کی شکایت پر نوٹس لیتے ہوئے کہا کہ سندھ میں تعلیم مفت ہے، فیس یا آئی ٹی چارجز کے نام پر رقم وصول نہ کی جائے۔ انہوں نے کہا کہ تعلیم کو بنیادی حق کے طور پر تسلیم کرتے ہیں، داخلے سے لے کر امتحان کے مراحل تک فیس ختم ہو چکی ہے۔ اسی حوالے سے وزیر تعلیم نے سیکرٹری کالجز کو سیکرٹری یونیورسٹیز اینڈ بورڈ سے رابطہ کرنے کی ہدایت کی اور کہا کہ بورڈز کی جانب سے فیس نہ وصول کرنے کے احکامات کو ہر صورت یقینی بنایا جائے۔
متحدہ عرب امارات نے پاکستان
اسلام آباد: متحدہ عرب امارات نے پاکستان کے لیے 2 ارب ڈالر کے قرض کو ایک ماہ کے لیے رول اوور کرنے کی منظوری دے دی۔ جس سے پاکستان کو عارضی مالی سہولت حاصل ہو گئی۔ ذرائع کے مطابق 2 ارب ڈالر کی یہ رقم گزشتہ ماہ میچور ہو چکی تھی۔ تاہم اب متحدہ عرب امارات نے اس قرض کی مدت میں ایک ماہ کی توسیع کر دی ہے۔ ذرائع کا کہنا ہے کہ پاکستان پر واجب الادا باقی ایک ارب ڈالر جولائی میں میچور ہونا ہے۔ پاکستان نے متحدہ عرب امارات سے مجموعی طور پر 3 ارب ڈالر کے قرض کو ایک سال کے لیے رول اوور کرنے کی دوبارہ درخواست کر دی۔ اس سلسلے میں تینوں اقساط کو ایک ساتھ رول اوور کرنے کی درخواست دی گئی۔ ذرائع نے بتایا کہ متحدہ عرب امارات کی جانب سے پاکستان کے مرکزی بینک میں 3 ارب ڈالر بطور ڈپازٹ رکھے گئے ہیں۔ جو بیلنس آف پیمنٹس کی ضروریات پوری کرنے کے لیے استعمال ہو رہے ہیں۔ عالمی مالیاتی ادارے (آئی ایم ایف) پروگرام کی شرائط کے تحت پاکستان کو رواں مالی سال کے دوران 12 ارب ڈالر کے قرضوں کا رول اوور کرانا ہے۔ جس میں متحدہ عرب امارات سے حاصل کردہ 3 ارب ڈالر کا قرض بھی شامل ہے۔ یہ بھی پڑھیں: ایران نے امریکا کو مذاکرات ترکیہ سے عمان منتقل کرنے پر رضامند کر لیا پاکستانی حکام کی کوشش ہے کہ متحدہ عرب امارات سے حاصل کردہ قرض کو ایک سال کے لیے رول اوور کرا لیا جائے۔ تاکہ آئی ایم ایف پروگرام کی شرائط پوری کی جا سکیں اور زرمبادلہ کے ذخائر پر دباؤ میں کمی لائی جا سکے
پاکستان ٹی20ورلڈکپ
وزیراعظم شہباز شریف نے واضح کیا ہے کہ پاکستان ٹی20ورلڈکپ میں بھارت کے ساتھ کوئی میچ نہیں کھیلےگا، فیصلہ سوچ سمجھ کرکیا ہے، کھیل میں سیاست بالکل نہیں ہونی چاہیے،ہم بنگلہ دیش کے ساتھ کھڑےہیں۔ کابینہ اجلاس سے خطاب کرتے ہوئے انہوں نے کہا کہ بلوچستان میں فتنہ الخوارج کے دہشتگردوں نے حملہ کیا،ہماری بہادر افواج نے دہشت گردوں کو بھرپور جواب دیا،سیکیورٹی فورسز کی کارروائی میں180دہشت گرد مارے گئے۔ پاکستان ٹی ٹوئنٹی ورلڈکپ میں شرکت کریگا یا نہیں؟حتمی اعلان کردیا گیا دہشت گرد پاکستان کی ترقی کی راہ میں کانٹا بن رہےہیں،پاکستان نے معرکہ حق میں دشمن کو شکست سے دوچار کیا،مشرقی ہمسائے اور خوارج کی تمام سازشیں ناکام بنادیں گے۔ ایران کی کشیدہ صورتحال پر پاکستان نے برادرانہ کردار ادا کیا،پاکستان نے ایران کےلیے بھائیوں جیسا کردار ادا کیا۔ انہوں نے مزید کہا کہ وزیراعلیٰ خیبرپختونخوا سے میری اچھی ملاقات ہوئی،وزیراعلیٰ خیبرپختونخوا نے جس روز حلف اٹھایا اس دن ان کو فون کیا،وزیراعلیٰ خیبرپختونخوا کو کہاکہ آپ کا تعلق جس بھی پارٹی سے ہو،ہم تعاون کریں گے۔ ورلڈ کپ میں بھارت کا بائیکاٹ؛ سابق صدر آئی سی سی کے بیان نے تہلکہ مچا دیا این ایف سی ایوارڈ میں خیبرپختونخوا کو اپنا حصہ دیا،خیبرپختونخوا کو800ارب روپے جاری ہونے کے باوجود سیف سٹی نہیں بن سکا،وزیراعلیٰ نے کہاکہ ہمیں رقم جاری نہیں ہورہی،فوری وزارت خزانہ کو احکامات جاری کیے۔ وزیراعظم نے شرکا سے خطاب کرتے ہوئے کہا کہ ٹی20ورلڈ کپ سے متعلق پاکستان نے اہم فیصلہ کیاہے،پاکستان ٹی20ورلڈکپ میں بھارت کے ساتھ کوئی میچ نہیں کھیلےگا،کھیل میں سیاست بالکل نہیں ہونی چاہیے،ہم بنگلہ دیش کے ساتھ کھڑےہیں۔ وفاقی کابینہ کے اجلاس میں بلوچستان میں شہید افراد کے لیے فاتحہ خوانی کی گئی ،زخمیوں کی جلد صحتیابی کے لیے بھی دعا کی گئی۔
وزیراعلیٰ پنجاب نے 25 سال
لاہور میں سینئر صوبائی وزیر پنجاب مریم اورنگزیب نے موچی گیٹ کا دورہ کیا جہاں انہوں نے دکانداروں اور بسنت کے لیے پتنگوں کی خریداری کرنے والے شائقین سے گفتگو کی۔ اس موقع پر مریم اورنگزیب نے کہا کہ وزیراعلیٰ پنجاب مریم نواز نے صوبے میں روایتی کھیلوں اور ثقافتی تہواروں کو بحال کیا ہے اور 25 سال بعد بسنت کی بحالی ایک تاریخی قدم ہے۔ سینئر وزیر نے بتایا کہ بسنت صرف لاہور تک محدود نہیں رہے گی بلکہ گوجرانوالہ، فیصل آباد اور دیگر شہروں میں بھی منائی جائے گی۔ انہوں نے کہا کہ وزیراعلیٰ پنجاب نے میلہ چراغاں اور ہارس اینڈ کیٹل شو جیسے روایتی میلوں کو بھی بحال کیا ہے اور آئندہ عوام کی تفریح کے لیے مزید اقدامات کیے جائیں گے۔ 8 فروری کے بعد بانی پی ٹی آئی سے ملاقاتوں کا آغاز ہوگا، طارق فضل چوہدری مریم اورنگزیب نے پتنگوں کی قیمتوں پر بات کرتے ہوئے کہا کہ طلب اور رسد کے اصول کے تحت قیمتوں میں اضافہ دیکھنے میں آیا ہے، تاہم انہوں نے دکانداروں کو ہدایت کی ہے کہ پتنگیں شہریوں کو مناسب اور سستے داموں فراہم کی جائیں۔ سینئر وزیر نے شہریوں کو حفاظتی اقدامات پر عمل کی تلقین کرتے ہوئے کہا کہ پتنگ بازی کے تینوں دن موٹر سائیکل سوار حفاظتی راڈ لگائے بغیر سڑکوں پر نہ نکلیں۔ انہوں نے کہا کہ لاہور میں 500 چیکنگ پکٹس قائم کی جائیں گی اور قانون کی خلاف ورزی پر سخت کارروائی عمل میں لائی جائے گی۔ انہوں نے مزید بتایا کہ بسنت کے تینوں دن شہریوں کی سہولت کے لیے مفت ٹرانسپورٹ فراہم کی جائے گی تاکہ عوام محفوظ اور خوشگوار انداز میں تہوار سے لطف اندوز ہو سکیں۔
فیصل کریم کنڈی نے
گورنرخیبرپختونخوا فیصل کریم کنڈی کا کہنا ہے کہ وزیر اعظم اور وزیر اعلیٰ خیبرپختونخوا کی ملاقات خوش آئند ہے۔ سندھ اسمبلی میں گفتگو کرتے ہوئے انہوں نے کہا کہ خیبرپختونخوا دہشتگردی کا شکار ہے،وفاق اور صوبائی حکومت کا ملکر کام کرنا بہت ضروری ہے۔ عمران خان کو اپنی سزا پوری کرنے کے بعد ہی رہائی ملے گی، فیصل کریم کنڈی 8فروری کو لاہور میں بسنت ہوگی ،مجھے نہیں لگتا 8 فروری کو کوئی ہڑتال یا مظاہرہ ہوگا ،اب تو سہیل آفریدی کی وزیر اعظم سے ملاقات بھی ہو چکی ہے۔ بانی پی ٹی آئی کو علاج کی ضرورت تھی وہ سہولت انھیں دی گئی ،گورنر راج میں دلچسپی نہیں ، مجھے صوبے کا راجہ نہیں بننا،مجھے نہیں لگتا موجودہ حالات میں خیبر پختونخوا میں کوئی گورنر راج لگے گا۔
ایف پی سی سی آئی
فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) نے آئیپسوس کے اشتراک سے پاکستان کا پہلا مقامی سطح پر تیار کردہ “انڈیکس آف ٹرانسپیرنسی اینڈ اکاؤنٹیبلٹی اِن پاکستان (iTAP)” باضابطہ طور پر لانچ کر دیا۔ اس حوالے سے تقریب ایف پی سی سی آئی کیپٹل ہاؤس اسلام آباد میں منعقد ہوئی جس کے مہمانِ خصوصی وفاقی وزیر برائے منصوبہ بندی، ترقی و خصوصی اقدامات احسن اقبال تھے۔ تقریب سے ایف پی سی سی آئی کے صدر عاطف اکرام شیخ اور پالیسی ایڈوائزری بورڈ کے چیئرمین میاں زاہد حسین نے بھی خطاب کیا جبکہ سرکاری و نجی شعبے، سول سوسائٹی، تعلیمی اداروں اور میڈیا کے نمائندوں نے شرکت کی۔ iTAP کا تصور مئی 2025 میں ایف پی سی سی آئی کی جانب سے پیش کیا گیا تھا، جس کا مقصد پاکستان میں شفافیت اور احتساب کی سطح جانچنے کے لیے ایک مستقل اور مقامی معیار تیار کرنا ہے۔ یہ سروے دسمبر 2025 اور جنوری 2026 کے دوران کیا گیا، تاکہ تازہ اور قومی سطح پر نمائندہ نتائج حاصل کیے جا سکیں۔ سروے کے ابتدائی نتائج کے مطابق اگرچہ عوامی سطح پر منفی تاثر موجود ہے، تاہم اکثریت نے سرکاری اداروں کے ساتھ اپنے ذاتی معاملات کو بدعنوانی سے پاک قرار دیا۔ رپورٹ میں اس امر پر زور دیا گیا ہے کہ شفافیت کو مزید مضبوط بنانے، آگاہی کے خلا کو کم کرنے اور ادارہ جاتی بہتری کو مؤثر انداز میں اجاگر کرنا آئندہ اہم چیلنجز ہیں، جو عوامی اعتماد اور سرمایہ کاری کے ماحول کو بہتر بنا سکتے ہیں۔ تقریب سے خطاب کرتے ہوئے وفاقی وزیر احسن اقبال نے ایف پی سی سی آئی کو شفافیت اور احتساب جیسے اہم قومی موضوع کو سنجیدگی اور تحقیق کے ساتھ اجاگر کرنے پر مبارکباد دی۔ انہوں نے کہا کہ شفافیت اور احتساب اچھی حکمرانی کی بنیاد ہیں اور شہری اطمینان، کاروباری ماحول، سرمایہ کاروں کے اعتماد اور پائیدار ترقی کے لیے ناگزیر ہیں۔ وزیرِ منصوبہ بندی نے عوامی تاثر اور زمینی حقیقت کے درمیان فرق کی نشاندہی کرتے ہوئے کہا کہ اگر منفی تصورات کو بروقت درست نہ کیا جائے تو وہ قومی ترقی کو نقصان پہنچا سکتے ہیں۔ ان کے مطابق اس فرق کو کم کرنا ریاست، اداروں اور معاشرے کی مشترکہ ذمہ داری ہے۔ انہوں نے اس امید کا اظہار بھی کیا کہ اگر iTAP کو مستقل بنیادوں پر اپ ڈیٹ کیا جاتا رہا تو یہ اصلاحات اور نگرانی کے لیے ایک مؤثر ذریعہ ثابت ہو سکتا ہے، کیونکہ “جسے ناپا جائے، اسے بہتر بنایا جا سکتا ہے”۔
بسنت سے قبل پنجاب
سینئروزیرپنجاب مریم اورنگزیب کا کہنا ہے کہ لاہور میں 6 سے 8 فروری تک مفت پبلک ٹرانسپورٹ کی سہولت ہوگی،میٹروبس،اورنج لائن ٹرین اوردیگربسزبھی 3 دن بلا معاوضہ دستیاب ہو گی۔ مریم اورنگزیب نے لاہورکے شہریوں سے ذاتی گاڑیوں کے کم استعمال کی اپیل کرتے ہوئے کہا ہے کہ ٹریفک دباؤ کم کرنے اورفضائی آلودگی گھٹانے کیلئے اقدامات کیے جا رہے ہیں۔ بسنت کے موقع پر موسم کیسا رہے گا؟محکمہ موسمیات نے بتا دیا عوامی سہولت اور ماحولیاتی تحفظ حکومت پنجاب کی اولین ترجیحات ہیں،آلودگی کے ہاٹ اسپاٹس کی نشاندہی کیلئے اے آئی سسٹمز فعال ہے۔ ڈیجیٹل میپنگ کے ذریعے صنعتی اور ٹریفک اخراج کی نگرانی جاری ہے،ڈرون سرویلنس سے فیکٹریوں، بھٹوں اور گاڑیوں کی سخت نگرانی جاری ہے۔
وزیر اعلیٰ پنجاب کا
لاہور: وزیر اعلیٰ مریم نواز نے 7 فروری کو لبرٹی چوک میں جشن منانے کا اعلان کر دیا۔ وزیر اعلیٰ پنجاب مریم نواز نے سوشل میڈیا پلیٹ فارم ایکس (سابقہ ٹوئٹر) پر 7 فروری کو لاہور کے لبرٹی چوک میں جشن منانے کا اعلان کر دیا۔ مریم نواز نے اپنے پیغام میں لاہور اور پنجاب بھر کے شہریوں کو دعوت دی کہ وہ لبرٹی چوک آئیں اور ہمارے ساتھ بسنت کے تہوار میں شرکت کریں۔ وزیر اعلیٰ پنجاب نے بسنت کے موقع پر مشہور گانا ’’گڈی لہور دی اڈی‘‘ بھی شیئر کیا۔ جسے صارفین کی جانب سے خوب پذیرائی مل رہی ہے۔ مریم نواز کے مطابق یہ جشن پنجاب کی ثقافت اور خوشیوں کو اجاگر کرنے کے لیے منایا جا رہا ہے۔
بسنت فیسٹیول: لاہور میں
لاہور: پنجاب حکومت نے بسنت فیسٹیول کے موقع پر لاہور میں مفت ٹرانسپورٹ چلانے کا اعلان کر دیا۔ عوام اور سیاحوں کے لیے بڑی خوشخبری آ گئی ہے۔ پنجاب حکومت نے لاہور میں بسنت فیسٹیول کے دوران عوامی ٹرانسپورٹ مکمل طور پر مفت فراہم کرنے کا باضابطہ اعلان کر دیا۔ یہ اقدام وزیر اعلیٰ پنجاب مریم نواز شریف کی منظوری سے 6 فروری سے 8 فروری تک نافذ العمل رہے گا۔ حکام کے مطابق اس فیصلے کا مقصد بسنت کے جشن کے دوران شہریوں کو محفوظ، آسان اور بلا معاوضہ سفری سہولیات فراہم کرنا اور شہر میں ٹریفک کے دباؤ کو کم کرنا ہے۔ انتظامیہ نے شہریوں کو ہدایت کی ہے کہ وہ موٹرسائیکل کے استعمال سے گریز کریں۔ کیونکہ پتنگ کے دھاگوں کے باعث موٹرسائیکل سواروں کو زیادہ خطرات لاحق ہو سکتے ہیں۔ اس لیے موٹرسائیکل کے بجائے ماس ٹرانزٹ سسٹم استعمال کریں۔ انتظامیہ کے مطابق جمعہ 6 فروری کی صبح سے اتوار 8 فروری کی رات تک درج ذیل سفری سہولیات مکمل طور پر مفت ہوں گی: اورنج لائن میٹرو ٹرین: روزانہ تقریباً 2 لاکھ 50 ہزار مسافروں کو سفری سہولت فراہم کیے جانے کا امکان ہے۔ میٹرو بس سروس: شاہدرہ سے گجومتہ تک چلنے والی میٹرو بس سروس مفت دستیاب ہو گی۔ اسپیڈو اور الیکٹرک بسیں: شہر کے 24 مخصوص روٹس پر 200 سے زائد فیڈر بسیں چلائی جائیں گی۔ رائیڈ ہیلنگ سروسز کے ساتھ شراکت داری: پنجاب حکومت نے پہلی بار نجی رائیڈ ہیلنگ کمپنیوں کے ساتھ شراکت داری کی ہے۔ اس کے تحت شہریوں کو مختصر فاصلے کے لیے 60 ہزار مفت کیب رائیڈز اور 6 ہزار مفت رکشہ سفر فراہم کیے جائیں گے۔ اہم بس روٹس پنجاب ماس ٹرانزٹ اتھارٹی نے بسنت فیسٹیول کے موقع پر شہر کے تمام اہم علاقوں کو لبرٹی چوک اور دیگر تقریباتی مقامات سے منسلک کرنے کے لیے 24 مرکزی روٹس مقرر کیے ہیں۔ کچھ مقبول روٹس درج ذیل ہیں۔ وزیر اعلیٰ پنجاب کا 7 فروری کو لبرٹی چوک میں جشن منانے کا اعلان حکام کا کہنا ہے کہ ان اقدامات کا مقصد بسنت کے دوران لاہور بھر میں محفوظ، آسان اور بلا معاوضہ سفر کو یقینی بنانا ہے۔
بلوچستان کے وزیر
کوئٹہ: وزیر زراعت علی حسن زہری نے بلوچستان کابینہ سے استعفیٰ دے دیا۔ بلوچستان کے وزیر زراعت علی حسن زہری نے صوبائی کابینہ سے استعفیٰ دیا۔ پاکستان پیپلز پارٹی سے تعلق رکھنے والے علی حسن زہری نے اپنا استعفیٰ وزیراعلیٰ بلوچستان میر سرفراز بگٹی کو ارسال کر دیا۔ استعفیٰ کی وجہ بیان کرتے ہوئے علی حسن زہری نے کہا کہ وقت کی کمی کے باعث وہ زراعت کے شعبے پر وہ توجہ نہیں دے سکے۔ جس کی ضرورت تھی۔ انہوں نے کہا کہ وہ بلوچستان کے عوام سے کیے گئے وعدے پورے نہیں کر سکے۔ اسی لیے عہدے سے استعفیٰ دے رہے ہیں۔ یہ بھی پڑھیں: بسنت فیسٹیول: لاہور میں 6 سے 8 فروری تک مفت ٹرانسپورٹ فراہم کرنے کا اعلان ذرائع کے مطابق وزیراعلیٰ بلوچستان کی جانب سے استعفے پر فیصلہ مشاورت کے بعد کیا جائے گا۔
پنجاب حکومت نے 2
حکومت پنجاب نے دو تعطیلات کا اعلان کر دیا۔ پنجاب حکومت نے باقاعدہ نوٹیفکیشن جاری کر دیا ہے، پنجاب حکومت نے 6 اور 7 فروری 2026 کو عام تعطیلات کا اعلان کر دیا ہے۔ جمعہ اور ہفتہ 6،7 فروری کو صوبہ پنجاب میں سرکاری تعطیل ہو گی، پنجاب میں پانچ فروری کو کشمیر ڈے اور 8 فروری کو اتوار کی چھٹی ہو گی اس طرح عوام چار چھٹیوں سے مستفید ہو گی۔ محکمہ سروسز اینڈ جنرل ایڈمنسٹریشن نے دو چھٹیوں کا باقاعدہ نوٹیفکیشن جاری کر دیا ہے، پنجاب بھر میں تعلیمی ادارے اور سرکاری دفاتر دو دن بند رہیں گے۔ بلوچستان میں بڑی تعداد میں فوج تعینات کرنے کی ضرورت ہے ، خواجہ آصف عوامی تعطیلات کا اطلاق پورے صوبہ پنجاب میں ہو گا، پنجاب حکومت نے یوم کشمیر پر عام تعطیل کا باقاعدہ نوٹیفکیشن بھی جاری کر دیا ہے۔
پانچ سالوں کے دوران
گزشتہ پانچ سالوں کے دوران 2 لاکھ 89 ہزار 265 پاکستانی شہری برطانیہ چلے گئے۔ وزارت داخلہ نے 2021 سے 2025 تک کی تفصیلات جاری کر دی ہیں، 2021 میں 24 ہزار 905 اور 2022 میں 51 ہزار 506 پاکستانی شہری برطانیہ روانہ ہوئے۔ 2023 میں 79ہزار 561 اور 2024 میں 62 ہزار 593 افراد برطانیہ روانہ ہوئے جبکہ 2025 میں 70ہزار 700 پاکستانی شہری برطانیہ چلے گئے۔ گزشتہ 5 سالوں میں اسٹڈی ویزے پر 86 ہزار 976 پاکستانی طلبہ برطانیہ روانہ ہوئے، گزشتہ پانچ سالوں میں ٹورسٹ ویزے پر 37 ہزار 749 پاکستانی شہری برطانیہ گئے۔ 2021 سے 2025 کے دوران وزٹ ویزے پر پاکستان سے 1 لاکھ 33ہزار 566 پاکستانی شہری برطانیہ گئے، گزشتہ پانچ سالوں میں ورک ویزے پر برطانیہ جانے والے پاکستانی شہریوں کی تعداد 30 ہزار 974 رہی۔
خیبرپختونخوا حکومت نے
خیبرپختونخوا حکومت نے عام تعطیل کا اعلان کر دیا ہے۔ یوم یکجہتی کشمیر کے موقع پر خیبرپختونخوا حکومت نے کل 5 فروری کو عام تعطیل کا اعلان کیا ہے۔ یوم یکجہتی کشمیر پر محکمہ ایڈمنسٹریشن کی جانب سے اعلامیہ جاری کردیا گیا ہے، یومِ یکجہتی کشمیر پر خیبرپختونخوا میں سرکاری و نجی ادارے بند رہیں گے۔ پنجاب حکومت نے 2 تعطیلات کا اعلان کر دیا، نوٹیفکیشن جاری اعلامیہ کے مطابق کل صبح 10 بجے کشمیری شہداء کیلئے ایک منٹ کی خاموشی اختیار کی جائے گی، یوم یکجہتی کشمیر کے موقع پر صوبے بھر میں تقاریب، ریلیاں اور دعائیہ اجتماعات ہوں گے۔
وزیراعلیٰ پختونخوا وزیراعظم
اسلام آباد: وزیر اعلیٰ سہیل آفریدی کی وزیراعظم شہباز شریف سے ملاقات شروع ہو گئی۔ وزیراعلیٰ کے پی سہیل آفریدی وزیراعظم شہباز شریف سے ملاقات کے لیے کے پی ہاؤس سے وزیراعظم کے دفتر پہنچے۔ ذرائع کے مطابق وزیراعظم شہباز شریف اور وزیراعلیٰ سہیل آفریدی کے درمیان ملاقات شروع ہو گئی ہے۔ مشیر خزانہ کے پی کے مزمل اسلم بھی ملاقات میں شامل ہیں جبکہ حکومت کی جانب سے وزیر داخلہ محسن نقوی، وفاقی وزیر امیر مقام اور رانا ثنااللہ بھی ملاقات میں موجود ہیں۔ ذرائع پی ٹی آئی کا بتانا ہے کہ وزیر اعلیٰ کے پی ملاقات میں وادی تیراہ، امن جرگہ اور انسداد دہشتگردی کے معاملات پر بات کریں گے، وزیر اعلیٰ سہیل آفریدی ملاقات میں این ایف سی معاملات پر بھی بات کریں گے۔
سونے کے بعد تیل کی
سونے کے بعد عالمی منڈی میں تیل کی قیمتیں بھی نمایاں کمی کا شکار ہو گئی ہیں۔ بین الاقوامی مارکیٹ میں خام تیل کی قیمتوں میں چار فیصد تک کمی ریکارڈ کی گئی ہے، جس کے بعد توانائی کی عالمی منڈی میں غیر یقینی کی فضا برقرار ہے۔ کاروباری رپورٹس کے مطابق برینٹ خام تیل 67 ڈالر فی بیرل جبکہ امریکی ڈبلیو ٹی آئی خام تیل 63 ڈالر فی بیرل میں فروخت ہو رہا ہے۔ ماہرین کے مطابق تیل کی قیمتوں میں حالیہ کمی کی بڑی وجوہات میں عالمی معاشی سست روی کے خدشات، تیل کی طلب میں کمی اور بڑے پیداواری ممالک کی پالیسیوں سے متعلق غیر یقینی صورتحال شامل ہے۔ اقتصادی تجزیہ کاروں کا کہنا ہے کہ امریکہ اور یورپ میں مہنگائی پر قابو پانے کے لیے سخت مالی پالیسیوں کے باعث صنعتی سرگرمیوں میں سست روی دیکھنے میں آ رہی ہے، جس سے تیل کی طلب متاثر ہو رہی ہے۔ اس کے علاوہ چین میں معاشی بحالی کی رفتار توقع سے کم رہنے نے بھی تیل کی عالمی طلب پر دباؤ ڈالا ہے۔ دوسری جانب اوپیک پلس کی جانب سے مستقبل میں پیداوار سے متعلق واضح حکمت عملی سامنے نہ آنے کے باعث سرمایہ کار محتاط رویہ اختیار کیے ہوئے ہیں۔ مارکیٹ میں یہ خدشہ بھی پایا جا رہا ہے کہ اگر عالمی معیشت مزید دباؤ کا شکار ہوئی تو تیل کی قیمتوں میں مزید کمی دیکھنے میں آ سکتی ہے۔ ماہرین کے مطابق تیل کی قیمتوں میں کمی کا اثر ترقی پذیر ممالک پر دوہرا ہو سکتا ہے، جہاں ایک جانب درآمدی بل میں کمی سے کچھ ریلیف ملے گا، وہیں دوسری جانب توانائی کے شعبے میں سرمایہ کاری متاثر ہونے کا خدشہ بھی موجود ہے۔ واضح رہے کہ اس سے قبل سونے کی قیمتوں میں بھی کمی ریکارڈ کی گئی تھی، جس کے بعد عالمی منڈی میں اجناس کی مجموعی صورتحال سرمایہ کاروں کے لیے تشویش کا باعث بنی ہوئی ہے۔
ریاست، عوام اور سیکیورٹی ادارے
سینئر وزیر سندھ شرجیل انعام میمن کا کہنا ہے کہ دہشتگردوں کیخلاف سیکیورٹی فورسز کی کامیاب کارروائیاں قابلِ فخر ہیں،وطن کیلئے جان قربان کرنے والے شہدا قوم کے حقیقی ہیرو ہیں،شہدا کی قربانیاں کبھی رائیگاں نہیں جائیں گی۔ ایک بیان میں انہوں نے کہا کہ بلوچستان میں دہشتگردوں کے ہاتھوں معصوم لوگوں کا قتل انسانیت دشمنی ہے،دہشت گرد کسی نظریے یا جدوجہد کی نمائندگی نہیں کرتے،معصوم شہریوں کو نشانہ بنانا دہشت گردوں کی اخلاقی شکست ہے۔ مریم نواز کی بلوچستان میں دہشتگرد حملوں کی شدید مذمت سیکیورٹی فورسز نے مشکل حالات میں غیر معمولی جرات کا مظاہرہ کیا،ہماری فورسز اور قوم کا بلند مورال اور پیشہ ورانہ مہارت دشمن کیلئے واضح پیغام ہے۔ پوری قوم افواجِ پاکستان اور قانون نافذ کرنے والے اداروں کے ساتھ کھڑی ہے،دہشت گردی کے نیٹ ورکس کو بیرونی سرپرستی حاصل ہے، دہشت گردی کے خلاف جنگ پوری قوم کی مشترکہ جنگ ہے۔ 145 دہشتگرد ہلاک کیے، ہم ایک ہزار سال تک دہشتگردی کیخلاف جنگ لڑنے کو تیار ہیں، سرفراز بگٹی آخری دہشت گرد اور سہولت کار کے خاتمے تک کارروائیاں جاری رہیں گی،ریاست، عوام اور سیکیورٹی ادارے یکجا ہیں، دشمن کو ہر محاذ پر شکست ہوگی۔
سی ایس ایس 2026 میں
سی ایس ایس 2026 میں شرکت کرنے والے امیدواروں کیلئے فیڈرل پبلک سروس کمیشن (ایف پی ایس سی) نے اہم اضافی ہدایات جاری کر دی ہیں۔ ایف پی ایس سی کے مطابق سی ایس ایس 2026 کے تحریری امتحانات کا آغاز 4 فروری سے کیا جا رہا ہے، جس کے پیش نظر تمام رجسٹرڈ امیدواروں کو نئی جاری کردہ ہدایات پر سختی سے عمل کرنے کی تاکید کی گئی ہے۔ فیڈرل پبلک سروس کمیشن کی جانب سے جاری کردہ پبلک نوٹس میں کہا گیا ہے کہ تحریری امتحان کیلئے رجسٹرڈ امیدوار اپنے قومی شناختی کارڈ یا پاسپورٹ کی میعاد لازماً چیک کریں اور میعاد ختم ہونے سے قبل اس کی تجدید کرائیں۔ ایف پی ایس سی نے واضح کیا ہے کہ زائدالمیعاد قومی شناختی کارڈ یا پاسپورٹ امتحانی ہال میں داخلے کیلئے قابل قبول نہیں ہوگا اور اس صورت میں امیدوار کو امتحان میں بیٹھنے کی اجازت نہیں دی جائے گی۔ پبلک نوٹس کے مطابق امیدواروں کو ہدایت کی گئی ہے کہ وہ امتحان کے آغاز سے کم از کم 50 منٹ قبل اپنی مقررہ نشست پر موجود ہوں تاکہ شناختی عمل اور دیگر ضروری کارروائیاں بروقت مکمل کی جا سکیں۔ کمیشن نے واضح کیا ہے کہ تاخیر سے آنے والے امیدواروں کو امتحانی ہال میں داخلے کی اجازت نہیں دی جائے گی۔ ایف پی ایس سی نے مزید ہدایت کی ہے کہ امتحانی ہال میں کسی بھی قسم کا اضافی مواد لے جانے کی قطعی اجازت نہیں ہوگی۔ اس میں اسٹینسلز، اضافی کاغذات، نوٹس یا کوئی اور غیر متعلقہ سامان شامل ہے۔ امیدواروں کو صرف وہی اشیاء ساتھ رکھنے کی اجازت ہوگی جن کی اجازت پہلے سے جاری ہدایات میں دی گئی ہے۔ فیڈرل پبلک سروس کمیشن کا کہنا ہے کہ امیدوار نہ صرف حالیہ اضافی ہدایات بلکہ اس سے قبل جاری کردہ تمام ہدایات پر بھی مکمل عمل یقینی بنائیں۔ کمیشن نے خبردار کیا ہے کہ ہدایات کی خلاف ورزی کی صورت میں امیدوار کے خلاف کارروائی کی جا سکتی ہے، جس میں امتحان سے نااہلی بھی شامل ہو سکتی ہے۔ ایف پی ایس سی کے مطابق یہ اقدامات امتحانی نظام میں شفافیت، نظم و ضبط اور میرٹ کو یقینی بنانے کیلئے کیے جا رہے ہیں۔ امیدواروں کو مشورہ دیا گیا ہے کہ وہ امتحان سے قبل تمام ہدایات بغور پڑھیں اور کسی بھی مشکل سے بچنے کیلئے مکمل تیاری کے ساتھ امتحانی مراکز پر پہنچیں۔
مولانا فضل الرحمٰن کے قریبی
امیر جے یو آئی (ف)مولانا فضل الرحمٰن کے قریبی ساتھی جلال الدین ایڈووکیٹ انتقال کر گئے ۔مرحوم کی نمازجنازہ مفتی محمودمرکز پشاورمیں اداکی گئی ۔ان کی وفات نے جماعتی حلقوں میں گہرے رنج و غم کی فضا پیدا کر دی ہے۔ مولانا فضل الرحمٰن نے ان کی وفات پرجنوبی افریقہ سے ایک تعزیتی پیغام میں دلی افسوس اور رنج کااظہار کیا۔ انہوں نے کہا کہ جلال الدین ایڈووکیٹ مرحوم میرے دیرینہ رفیق اور نہایت بااعتماد ساتھی تھے۔ انہوں نے ہر ذمہ داری کو دیانت، حکمت اور اخلاص کے ساتھ نبھایا۔ ان کی جدائی میرے لیے ذاتی طور پر بھی صدمے کا باعث ہے۔ مولانا نے مزید کہا کہ جمعیت علماء اسلام ایک مخلص اورقابل رہنما سےمحروم ہو گئی ہے۔ اللہ تعالیٰ مرحوم کی مغفرت فرمائے، انہیں جنت الفردوس میں اعلیٰ مقام نصیب فرمائے اوران کے اہلِ خانہ کو صبرِ جمیل عطا فرمائے۔
عمران خان کو جیل سے ہسپتال
پاکستان تحریکِ انصاف کے سیکرٹری جنرل سلمان اکرم راجا نے دعویٰ کیا ہے کہ بانی پی ٹی آئی عمران خان کو بنیادی انسانی حقوق فراہم نہیں کیے جا رہے۔ سلمان اکرم راجا نے سپریم کورٹ کے باہر میڈیا سے گفتگو کرتے ہوئے کہا کہ عمران خان کی صحت سے متعلق حکومتی حلقے پانچ روز تک مسلسل غلط بیانی کرتے رہے، ان کو ہفتے کی شام خفیہ طور پر اڈیالہ جیل سے پمز اسپتال منتقل کیا گیا، جہاں ان کی آنکھ کی سرجری کی گئی۔ مسلح افواج وطن کی خود مختاری اور علاقائی سالمیت کے دفاع کیلئے ہر وقت تیار ہیں، فیلڈ مارشل ان کا کہنا تھا کہ جب حکومت نے بالآخر حقیقت تسلیم کی تو وہ اڈیالہ جیل پہنچے۔ انہوں نے بتایا کہ گزشتہ روز عمران خان کے ذاتی معالج ڈاکٹر عاصم اور ماہرِ امراضِ چشم ڈاکٹر خرم بھی اڈیالہ جیل گئے تھے۔ سلمان اکرم راجا کے مطابق عمران خان کی آنکھ کی سرجری پمز اسپتال میں کی گئی، تاہم ان کے اہلِ خانہ کو یہ نہیں بتایا گیا کہ انہیں کس وجہ سے اسپتال منتقل کیا گیا۔ انہوں نے مزید کہا کہ اس وقت سپریم کورٹ کے باہر تقریباً 200 پارلیمنٹیرینز موجود ہیں۔ ان کے بقول وہ اور لطیف کھوسہ کچھ دیر قبل چیف جسٹس یحییٰ آفریدی سے ملاقات کے لیے گئے، مگر چیف جسٹس اپنے چیمبر میں موجود نہ ہونے کے باعث ملاقات ممکن نہ ہو سکی۔ بلوچستان میں سیکیورٹی فورسز کی کارروائیاں، 41 دہشت گرد ہلاک ان کا کہنا تھا کہ چیف جسٹس کی ہدایت پر انہوں نے رجسٹرار سپریم کورٹ سے ملاقات کی، جو خود سیشن جج بھی ہیں، اور انہیں تمام صورتحال سے آگاہ کیا۔ سلمان اکرم راجا کے مطابق اٹارنی جنرل کو بھی مکمل تفصیلات فراہم کر دی گئی ہیں، جبکہ چیف جسٹس اسلام آباد ہائیکورٹ کو اب تک 16 درخواستیں دی جا چکی ہیں، تاہم تاحال کوئی عملی اقدام سامنے نہیں آیا۔
خیبرپختونخوا میں نیپا وائرس
محکمہ صحت خیبرپختونخوا نے صوبے میں نیپا وائرس کے ممکنہ پھیلاؤ کے پیش نظر ایڈوائزری جاری کرتے ہوئے تمام اضلاع کے مراکز صحت کو ہائی الرٹ رہنے کی ہدایت کردی ہے۔ پشاور سے جاری بیان کے مطابق نپا وائرس ایک تیزی سے پھیلنے والی اورخطرناک بیماری ہے جس کی بروقت تشخیص اور فوری اقدامات نہایت ضروری ہیں۔ ایڈوائزری میں کہا گیا ہے کہ وائرس کی جلد شناخت کے لیے صوبے کے تمام ائیرپورٹس پر مسافروں کی اسکریننگ کا مؤثر نظام قائم کیا جائے گا تاکہ بیرون ملک سے آنے والے مشتبہ افراد کی فوری جانچ ممکن ہو سکے۔ جان لیوا نیپا وائرس کیا ہے؟ علامات، علاج اور حفاظتی اقدامات محکمہ صحت کے مطابق نیپا وائرس سے متاثرہ یا مشتبہ مریضوں کیلئے آئسولیشن وارڈز کے انتظامات کیے جائیں گے اور تمام ضلعی و تحصیل سطح کے اسپتالوں کو مکمل تیاری رکھنے کی ہدایت جاری کر دی گئی ہے۔ اس کے علاوہ وائرس کی تشخیص کے لیے نمونوں کو ٹیسٹنگ لیبارٹریز تک بروقت منتقل کرنے کے لیے خصوصی اقدامات کرنے کی ہدایت بھی کی گئی ہے۔ ایڈوائزری میں نیپا وائرس کی ابتدائی علامات بخار، شدید سر درد، بے ہوشی، متلی اوراعصابی پیچیدگیوں کو قرار دیا گیا ہے۔ محکمہ صحت نے واضح کیا ہے کہ اس وائرس کا تاحال کوئی باقاعدہ علاج موجود نہیں، اس لئے شہری احتیاطی تدابیر اختیارکریں، غیرضروری میل جول سے گریز کریں اور کسی بھی مشتبہ علامت کی صورت میں فوری طور پرقریبی مرکز صحت سے رجوع کریں۔
چیف جسٹس پاکستان سے پی ٹی آئی
پاکستان تحریک انصاف (پی ٹی آئی) کے رہنما سلمان اکرم راجہ نے چیف جسٹس آف پاکستان یحییٰ آفریدی سے ملاقات کی۔ ذرائع کے مطابق ملاقات میں پی ٹی آئی کے اہم سیاسی اور قانونی تحفظات کے بارے میں چیف جسٹس کو آگاہ کیا گیا۔ ذرائع نے بتایا کہ ملاقات میں دونوں فریقین کے درمیان ملکی معاملات اور قانونی پیچیدگیوں پر بات چیت ہوئی اور مختلف امور پر تبادلہ خیال کیا گیا۔ عمران خان کو جیل سے ہسپتال کیوں لایا گیا؟ سلمان اکرم نے اصل وجہ بتا دی ملاقات کا مقصد پی ٹی آئی کے موقف کی وضاحت اور عدالت کے سامنے اہم مسائل کی ترجیحی بنیادوں پر پیش کش کرنا تھا۔ بتایا گیا ہے کہ چیف جسٹس نے ملاقات میں سنجیدگی اور توجہ کے ساتھ پی ٹی آئی رہنما کے تحفظات سنے اور ان کی قانونی پہلوؤں پر غورکیا۔ ملاقات کا دورانیہ غیر رسمی اور دوستانہ ماحول میں رہا، جس میں باہمی اعتماد اور قانونی رہنمائی کو فروغ دینے پر زور دیا گیا۔
پی ٹی آئی سینیٹر سیف اللہ
پاکستان تحریک انصاف (پی ٹی آئی) کے سینیٹر سیف اللہ ابڑو کو بڑا قانونی ریلیف مل گیا ہے، جب چیئرمین سینیٹ نے ان کے خلاف دائر نااہلی ریفرنس کو خارج کر دیا۔ ذرائع کے مطابق یہ فیصلہ تکنیکی وجوہات کی بنیاد پر کیا گیا، جس کے باعث ریفرنس کو قابلِ سماعت نہیں سمجھا گیا۔ ذرائع کا کہنا ہے کہ سینیٹرسیف اللہ ابڑو کے خلاف دائر نااہلی ریفرنس پر پارٹی سربراہ کے بجائے پارلیمانی لیڈر کے دستخط موجود تھے، جوآئین میں درج ڈیفیکشن کلاز کے تحت ایک بنیادی اورلازمی شرط کے خلاف ہے۔ چیف جسٹس پاکستان سے پی ٹی آئی رہنما سلمان اکرم راجہ کی ملاقات ڈیفیکشن کلاز کے مطابق کسی بھی رکنِ پارلیمنٹ کے خلاف نااہلی کا ریفرنس صرف پارٹی سربراہ کے دستخط سے ہی دائرکیا جا سکتا ہے۔ ذرائع نے مزید بتایا کہ اسی تکنیکی بے ضابطگی کے باعث ریفرنس کوقانونی طورپرکمزورتصورکیا گیا اورچیئرمین سینیٹ نے اسے خارج کرنے کا فیصلہ کیا۔ فیصلے کے بعد سینیٹرسیف اللہ ابڑو کے لئے سینیٹ میں اپنی رکنیت برقرار رکھنے کی راہ ہموار ہو گئی ہے۔
یو اے ای کا ریموٹ ورکنگ
متحدہ عرب امارات (یو اے ای) نے سرکاری طور پر ریموٹ ورکنگ ویزا کے لیے درخواستیں کھول دی ہیں، جس سے بیرون ملک کام کرنے والے پروفیشنلز اب ملک میں رہائش اختیار کر سکتے ہیں اور اپنی موجودہ بین الاقوامی ملازمت جاری رکھ سکتے ہیں۔ یہ ویزا ابتدائی طور پر ایک سال کے لیے جاری ہوتا ہے اور اہل شرائط پوری کرنے پر اسے تجدید بھی کیا جا سکتا ہے۔ اہم خصوصیت یہ ہے کہ درخواست گزاروں کو کسی مقامی اسپانسر یا یو اے ای میں ملازمت کی ضرورت نہیں۔ ریموٹ ورک کرنے والے افراد کو کسی غیر ملکی کمپنی سے ملازمت کرنی ہوگی اور مستقل روزگار کا ثبوت فراہم کرنا ہوگا۔ 2026 کے لیے اہم تبدیلی: 27 جنوری 2026 سے درخواست گزاروں کو پچھلے چھ ماہ کے بینک اسٹیٹمنٹس جمع کرانے ہوں گے، پہلے تین ماہ کافی تھے۔ اس سے ملازمت کی کم از کم مدت اور آمدنی کی استحکام کو یقینی بنایا جائے گا۔ آمدنی اور دستاویزات: درخواست گزاروں کو یو اے ای کی جانب سے مقرر کم از کم تنخواہ پوری کرنی ہوگی اور بینک اسٹیٹمنٹس کے ذریعے مستقل آمدنی کا ثبوت دینا لازمی ہے۔ مزید برآں، درخواست گزار کے پاس یو اے ای کی قانونی صحت بیمہ ہونی چاہیے اور کمپنی کی جانب سے خط جمع کروانا ضروری ہے جس میں ریموٹ ورک کی اجازت کا ذکر ہو۔ درخواست کا عمل اور فیس: درخواستیں آن لائن یو اے ای کے اندر یا باہر سے دی جا سکتی ہیں، جبکہ ابو ظہبی میں منظور شدہ ٹائپنگ سینٹرز بھی درخواستیں پراسیس کرتے ہیں۔ سرکاری فیس تقریباً 81 ڈالر ہے، جو میڈیکل ٹیسٹ اور ایمریٹس آئی ڈی کی فیس کے علاوہ ہے۔ پراسیسنگ میں عام طور پر پانچ سے سات کام کے دن لگتے ہیں۔ اہلِ خانہ کی اسپانسرشپ: ریموٹ ورکنگ ویزا رکھنے والے افراد اپنے فوری اہلِ خانہ، جیسے شریک حیات، بچے اور والدین کے لیے رہائش کی اجازت بھی اسپانسر کر سکتے ہیں، بشرطیکہ معیاری رہائشی قوانین پر عمل ہو۔ یو اے ای میں ریموٹ ورک کی ترغیب: یہ ویزا پروفیشنلز کو مقامی جاب مارکیٹ میں شامل ہوئے بغیر قانونی طور پر کام کرنے کی اجازت دیتا ہے۔ اس اقدام سے یو اے ای مقامی معیشت میں اخراجات کرنے والے طویل مدتی رہائشی حاصل کرتا ہے۔ یہ پروگرام دبئی کے ورچوئل ورکنگ پروگرام (2020) پر مبنی ہے اور عالمی سطح پر ایسٹونیا، بارباڈوس اور قبرص جیسے ممالک کی طرز پر ہے۔ لازمی یاددہانی: بغیر درست ویزا کے ریموٹ ورک کرنا جرمانے، ٹیکس کے مسائل یا امیگریشن پابندیوں کا باعث بن سکتا ہے۔ نئے قواعد و ضوابط کے ساتھ، یو اے ای ریموٹ ورکنگ ویزا قانونی اور محفوظ طریقہ فراہم کرتا ہے۔
اسرائیل ایران پر فوجی حملے
ترکیہ کے وزیر خارجہ نے کہا ہے کہ ان کا ملک اس بات کا مشاہدہ کر رہا ہے کہ اسرائیل، ایران پر فوجی حملہ کرنے کے لیے امریکا کو اکسا رہا ہے، تاہم ترکیہ خطے میں کسی نئی جنگ یا عدم استحکام کے حق میں نہیں ہے۔ ترک وزیر خارجہ کے مطابق ایران میں امن اوراستحکام ترکیہ کے لئے انتہائی اہمیت کا حامل ہے کیونکہ خطے میں بڑھتی ہوئی کشیدگی کے اثرات تمام پڑوسی ممالک تک پھیل سکتے ہیں۔ انہوں نے ایران میں حالیہ مظاہروں کے دوران ہونے والی ہلاکتوں پرافسوس کا اظہار کرتے ہوئے کہا کہ انسانی جانوں کا ضیاع قابل تشویش ہے اورتمام فریقین کو تحمل اورذمہ داری کا مظاہرہ کرنا چاہیے۔ چین سے بڑھتے تعلقات پر ٹرمپ کی برطانیہ کو وارننگ ترک وزیر خارجہ نے زور دیا کہ علاقائی کشیدگی میں کمی لانے کیلئے ایران کے جوہری پروگرام پرمذاکرات کا دوبارہ آغاز ناگزیر ہے اور سفارتی راستہ ہی پائیدارحل فراہم کرسکتا ہے۔ وزیر خارجہ کا کہنا تھا کہ ترکیہ ایران میں کسی بھی قسم کی غیر ملکی مداخلت کی سخت مخالفت کرتا ہے اور خطے کے مسائل کو فوجی طاقت کے بجائے بات چیت کے ذریعے حل کیا جانا چاہیے۔ انہوں نے امریکا اور ایران دونوں سے مطالبہ کیا کہ وہ مذاکرات کی میز پر واپس آئیں اورکشیدگی کم کرنے کے لیے عملی اقدامات کریں۔ ترک وزیر خارجہ نے امید ظاہر کی کہ امریکا ایران پر حملہ نہیں کرے گا انہوں نے بتایا کہ گزشتہ روزامریکی نمائندہ خصوصی اسٹیو وٹکوف سے اس معاملے پر بات چیت ہوئی ہے اورایران کے حوالے سے امریکی حکام سے مزید رابطے بھی جاری رکھے جائیں گے۔
پاسداران انقلاب سمندر میں
امریکی سینٹرل کمانڈ (سینٹکام) نے کہا ہے کہ پاسداران انقلاب سمندر میں کشیدگی پیدا کرنے والے رویے سے گریز کرے۔ پاسداران انقلاب اہم سمندری گزرگاہ میں کل سے 2 روزہ جنگیں مشقیں کرے گی، امریکی سینٹرل کمانڈ کا کہنا ہے کہ آبنائے ہرمزدنیا کے سب سے اہم تیل کے راستوں میں شامل ہے۔ امریکی سینٹرل کمانڈ نے ایران کی جنگی مشقوں پر بیان میں خبردار کرتے ہوئے کہا کہ پاسداران انقلاب سمندر میں کشیدگی پیدا کرنے والے رویے سے گریز کرے، یہ مشقیں بین الاقوامی بحری ٹریفک کو کسی خطرے کے بغیر کی جائیں۔ سینٹکام نے کہا کہ آبنائے ہرمز اہم راہداری ہے، روزانہ تقریباً 100 تجارتی جہاز گزرتے ہیں، تجارتی جہازوں کے قریب غیر پیشہ وارانہ رویے سے تصادم کا خطرہ بڑھ جاتا ہے۔ سندھ طاس معاہدہ تنازع، عدالت کا بھارت کو پاکستانی دریاؤں پر قائم پن بجلی منصوبوں کا ریکارڈ پیش کرنے کا حکم امریکی سینٹرل کمانڈ نے کہا کہ یقینی بنائیں گے کہ ہمارے اہلکار، جہاز اور طیارے مشرق وسطیٰ میں محفوظ رہیں، ایرانی پاسداران انقلاب کے غیر محفوظ اقدامات برداشت نہیں کریں گے۔ سینٹکام نے کہا کہ امریکی فوج دنیا کی سب سے زیادہ تربیت یافتہ اور مہلک قوت ہے، امریکی فوج پیشہ ورانہ معیار، عالمی اصولوں کے مطابق کام جاری رکھے گی۔
ڈی آئی جی ٹریفک کراچی
کراچی: ڈی آئی جی ٹریفک پیر محمد شاہ کو عہدے سے ہٹا دیا گیا۔ سندھ پولیس کی جانب سے جاری نوٹیفکیشن کے مطابق پیر محمد شاہ کی جگہ مظہر نواز شیخ کو ڈی آئی جی ٹریفک کراچی تعینات کر دیا گیا ہے۔ ذرائع کے مطابق پیر محمد شاہ کو گل پلازہ سانحہ کے بعد ٹریفک کا انتظام نہ کرنے پر عہدے سے ہٹایاگیا۔ ذرائع کا کہنا ہے کہ گل پلازہ میں آتشزدگی کے بعد گل پلازہ اور اطراف میں ٹریفک کی روانی متاثر ہوئی تھی، ٹریفک کے باعث فائر بریگیڈ کو پہنچنے میں بھی مشکلات کا سامنا کرنا پڑا تھا۔ خیال رہے کہ چند روز قبل گل پلازہ میں ہونے والی آتشزدگی کے واقعے میں 79 افراد جاں بحق ہوئے تھے۔
سکیورٹی فورسز کی بلوچستان
سکیورٹی فورسز نے بلوچستان میں دو مختلف کارروائیاں کرتے ہوئے بھارتی پراکسی یافتہ 41 دہشتگردوں کو ہلاک کردیا۔ پاک فوج کے شعبہ تعلقات عامہ (آئی ایس پی آر) کے مطابق 29 جنوری کو بلوچستان میں دو الگ الگ کارروائیاں کی گئیں جن میں بھارتی پراکسی تنظیموں کے 41 دہشتگرد ہلاک ہوئے۔ آئی ایس پی آر کے مطابق ہرنائی ضلع کے نواحی علاقے میں خفیہ اطلاعات پر کارروائی کی گئی، اس دوران سکیورٹی فورسز نے دہشتگردوں کے ٹھکانے کو مؤثر انداز میں نشانہ بنایا اور شدید فائرنگ کے تبادلے کے بعد بھارتی سرپرستی میں سرگرم 30 خوارج جہنم واصل کیے گئے۔ آئی ایس پی آر نے بتایا کہ دہشتگردوں کا تعلق فتنہ الخوارج اور فتنہ الہندوستان سے تھا، ان کے قبضے سے بڑی مقدار میں اسلحہ اور دھماکا خیز مواد برآمد کیا گیا اور برآمد شدہ دھماکا خیز مواد کو موقع پر ہی تلف کر دیا گیا۔ آئی ایس پی آر کا کہنا ہے کہ دوسری کارروائی ضلع پنجگور میں خفیہ اطلاع پر کی گئی جس دوران دہشتگردوں کا ٹھکانا تباہ کیا گیا، اس کارروائی میں فتنہ الہندوستان سے تعلق رکھنے والے 11 بھارتی حمایت یافتہ دہشتگرد ہلاک ہوئے۔ آئی ایس پی آرکے مطابق ہلاک دہشتگردوں سے اسلحہ، گولہ بارود اور بینک ڈکیتی کی لوٹی گئی رقم بھی برآمد کی گئی، یہ رقم 15 دسمبر 2025 کو پنجگور میں بینک ڈکیتی کے دوران لوٹی گئی تھی۔ آئی ایس پی آر نے مزید بتایا کہ ہلاک دہشتگرد ماضی میں متعدد دہشتگردانہ کارروائیوں میں ملوث رہے۔ آئی ایس پی آر کا کہنا ہے کہ علاقے میں مزید بھارتی حمایت یافتہ دہشتگردوں کے خاتمے کے لیے کلیئرنس آپریشن جاری ہیں، ’عزمِ استحکام‘ کے وژن کے مطابق انسدادِ دہشتگردی مہم پوری رفتار سے جاری رہے گی، سکیورٹی فورسز اور قانون نافذ کرنے والے ادارے غیر ملکی سرپرستی میں ہونے والی دہشتگردی کے مکمل خاتمے کے لیے پُرعزم ہیں۔
پمز میں عمران خان کی
سیکرٹری جنرل پی ٹی آئی سلمان اکرم راجا نے دعویٰ کیا ہے کہ بانی پی ٹی آئی عمران خان کو بنیادی انسانی حقوق نہیں دیے جا رہے، انہیں ہفتے کی شام خفیہ طور پر اڈیالہ جیل سے پمز اسپتال لایا گیا اور ان کی آنکھ کی سرجری کی گئی۔ سپریم کورٹ کے باہر میڈیا سے گفتگو کرتے ہوئے سلمان اکرم راجا کا کہنا تھا عمران خان کی صحت سے متعلق حکومتی حلقے 5 دن تک جھوٹ بولتے رہے، کل حکومت نے تسلیم کیا تو ہم اڈیالہ جیل گئے، کل ان کے ذاتی معالج ڈاکٹر عاصم اور آئی اسپیشلسٹ ڈاکٹر خرم اڈیالہ جیل آئے۔ سیکرٹری جنرل تحریک انصاف کا کہنا ہے کہ پمز اسپتال میں بانی پی ٹی آئی کی آنکھ کی سرجری کی گئی، لیکن عمران خان کے خاندان کو نہیں بتایا گیا کہ ان کو کس وجہ سے اسپتال لے جایا گیا۔ سلمان اکرم کے مطابق سپریم کورٹ کے باہر 200 پارلیمنٹیرینز موجود ہیں، لطیف کھوسہ اور میں کچھ دیر پہلے چیف جسٹس یحییٰ آفریدی سے ملنے گئے، چیف جسٹس پاکستان اپنے چیمبر میں موجود نہیں تھے ملاقات نہیں ہو سکی۔ ان کے مطابق چیف جسٹس پاکستان کی ہدایت پر رجسٹرار سے ملاقات کی، رجسٹرار جو خود سیشن جج ہیں ان کے گوش گزار تمام صورتحال کی ہے، اٹارنی جنرل کو بھی تمام صورتحال بتائی ہے، چیف جسٹس اسلام آباد ہائیکورٹ کو 16 درخواستیں دے چکے ہیں کوئی ایکشن نہیں ہوا۔
بی پی ایل: کھلاڑیوں کے
بنگلا دیش پریمیئر لیگ میں ایک بار پھر واجبات کی عدم ادائیگی کا مسئلہ سر اٹھانے لگا۔ بنگلادیشی میڈیا کے مطابق 12 ویں ایڈیشن کے اختتام پر واجبات کی عدم ادائیگی کا مسئلہ سامنے آیا جب کہ بی پی ایل کی گورننگ کونسل نے تمام فرنچائزز کو بقایا جات کلیئر کرنے کے لیے خط لکھا ہے۔ بنگلادیشی میڈیا کا کہنا ہے کہ27 جنوری کو لکھے جانے والے خط میں 15 روز کے اندر بقایا جات ادا کرنے کا کہا گیا ہے، بی پی ایل کے 12 ویں ایڈیشن کے دوران گزشتہ برس کی طرح عدم ادائیگی کا معاملہ سامنے نہیں آیا ، ٹی ٹوئنٹی ورلڈکپ اور کھلاڑیوں کے بائیکاٹ کے معاملے کی وجہ سے عدم ادائیگی کا معاملہ تاخیر سے سامنے آیا۔ ایک کھلاڑی نے کہا کہ فرنچائزز نے اب تک 25 فیصد ادائیگی کی ہے، 20 جنوری کو کھلاڑیوں کے چیک باؤنس ہوئے یہ کسی سے بھی پوچھا جا سکتا ہے ، چیمپئن فرنچائز راجشاہی وارئیرز نے تمام واجبات کلیئر کرنے کا دعویٰ کیا ہے۔ بی پی ایل ممبر سیکرٹری افتخار رحمان نے کہا کہ بعض فرنچائزز نے معاہدوں کے مطابق واجبات کلیئر کرنا ہیں ، فرنچائزز کو سب فہرستیں مہیا کردی گئی ہیں ادائیگی کے لیے 15 روز کی مہلت دی ہے۔
بی پی ایل: کھلاڑیوں کے
بنگلا دیش پریمیئر لیگ میں ایک بار پھر واجبات کی عدم ادائیگی کا مسئلہ سر اٹھانے لگا۔ بنگلادیشی میڈیا کے مطابق 12 ویں ایڈیشن کے اختتام پر واجبات کی عدم ادائیگی کا مسئلہ سامنے آیا جب کہ بی پی ایل کی گورننگ کونسل نے تمام فرنچائزز کو بقایا جات کلیئر کرنے کے لیے خط لکھا ہے۔ بنگلادیشی میڈیا کا کہنا ہے کہ27 جنوری کو لکھے جانے والے خط میں 15 روز کے اندر بقایا جات ادا کرنے کا کہا گیا ہے، بی پی ایل کے 12 ویں ایڈیشن کے دوران گزشتہ برس کی طرح عدم ادائیگی کا معاملہ سامنے نہیں آیا ، ٹی ٹوئنٹی ورلڈکپ اور کھلاڑیوں کے بائیکاٹ کے معاملے کی وجہ سے عدم ادائیگی کا معاملہ تاخیر سے سامنے آیا۔ ایک کھلاڑی نے کہا کہ فرنچائزز نے اب تک 25 فیصد ادائیگی کی ہے، 20 جنوری کو کھلاڑیوں کے چیک باؤنس ہوئے یہ کسی سے بھی پوچھا جا سکتا ہے ، چیمپئن فرنچائز راجشاہی وارئیرز نے تمام واجبات کلیئر کرنے کا دعویٰ کیا ہے۔ بی پی ایل ممبر سیکرٹری افتخار رحمان نے کہا کہ بعض فرنچائزز نے معاہدوں کے مطابق واجبات کلیئر کرنا ہیں ، فرنچائزز کو سب فہرستیں مہیا کردی گئی ہیں ادائیگی کے لیے 15 روز کی مہلت دی ہے۔
گٹر کے ڈھکن لگانا
کراچی: وزیراعظم کے مشیر برائے سیاسی امور رانا ثنااللہ نے کہا ہے کہ لاہور کے واقعے پر بہت افسوس ہے لیکن گٹر کے ڈھکن لگانا وزیراعلیٰ کی ذمہ داری نہیں ہے۔ جیو نیوز کے پروگرام کیپٹل ٹاک کے آغاز میں میزبان حامد میر نے بتایا کہ تیراہ سے لے کر کراچی ، کراچی سے لے کر لاہور اور کوئٹہ ہر طرف یہی صورتحال ہے، مسائل اتنے گمبھیر کر دیئے جاتے ہیں، لاہور میں ماں اور بیٹی گٹر گر کر جاں بحق ہوگئیں جبکہ صوبائی اسمبلی کے ڈپٹی اسپیکر ابھی تک یہی کہہ رہے ہیں کہ یہ جھوٹی خبر ہے۔ پروگرام میں گفتگو کرتے ہوئے مسلم لیگ ن کے رہنما رانا ثنا اللہ نے کہا کہ لاہور میں جو واقعہ پیش آیا وہ انتہائی افسوسناک ہے لیکن گٹر کے ڈھکن لگانا وزیراعلیٰ کی ذمہ داری نہیں ہے۔ ان کا کہنا تھا وزیراعلیٰ پنجاب نے معاملے کا فوری نوٹس لیتے ہوئے متعلقہ اداروں کے افسران کو طلب کیا اور ان کی سرزنش بھی کی۔ یاد رہے کہ گزشتہ روز لاہور کے علاقے بھاٹی گیٹ میں ایک خاتون اور اس کی 10 ماہ کی بیٹی گٹر میں گر کر جاں بحق ہو گئی تھی تاہم ابتدا میں پولیس اور متعلقہ ادارے اس بات سے ہی انکار کرتے رہے کہ کوئی گٹر میں گرا ہے بلکہ پولیس نے تو شکایت لیکر تھانے آنے والے خاتون کے شوہر کو ہی گرفتار کر لیا تھا
پاک افغان سرحد کی
پشاور: پاک افغان سرحد پر طویل بندش اور سرحدی تجارت و ٹرانزٹ کی معطلی کے باعث خیبر پختونخوا کو انفرا اسٹرکچر ڈویلپمنٹ سیس (IDC) کی مد میں شدید مالی نقصان کا سامنا ہے۔ خیبر پختونخوا ریونیو اتھارٹی کے مطابق رواں مالی سال کے دوران آئی ڈی سی کلیکشن میں نمایاں کمی ریکارڈ کی گئی ہے۔ خیبر پختونخوا حکومت نے شدید ریونیو خسارے، معاشی جمود اور روزگار کے بحران پر وفاق سے رابطہ کرلیا ہے ۔ مراسلے میں صورتحال کی سنگینی کے پیش نظر وفاقی اور صوبائی اسٹیک ہولڈرز پر مشتمل اعلیٰ سطحی اجلاس بلانے کی سفارش کی گئی ہے۔ اعداد و شمار کے مطابق گزشتہ مالی سال 2024-25میں جولائی سے جنوری کے 7 ماہ میں مجموعی آمدن 7 ارب 42 کروڑ روپے رہی جو کہ مجموعی تخمینے سے 4 ارب روپے کم ہے۔
بار بار سانحات،
پاکستان کے قوانین واضح طور پر اجازت دیتے ہیں کہ ایسے سرکاری ملازمین کے خلاف فوجداری کارروائی کی جائے جن کی غفلت کے نتیجے میں انسانی جان یا املاک کا نقصان ہو۔ تاہم ان قوانین پر عمل درآمد نہ ہونے کے باعث کراچی کے گل پلازہ میں آگ لگنے اور لاہور میں مین ہول کے واقعے جیسے بڑے سانحات بار بار پیش آتے رہے ہیں۔ سرکاری ذرائع کے مطابق پاکستان پینل کوڈ (پی پی سی) اور سول سرونٹس ایکٹ 1973ء کے تحت سرکاری ملازمین کو ایسی صورت میں کوئی استثنیٰ حاصل نہیں ہوتا جب غفلت یا قانونی فرائض کی انجام دہی میں ناکامی کے باعث اموات واقع ہوں یا املاک کو نقصان پہنچے۔ تعزیراتِ پاکستان کے تحت جلد بازی یا غفلت کے باعث کسی کی موت واقع ہونا قابلِ سزا جرم ہے، جس کی سزا قید، جرمانہ یا دونوں ہو سکتی ہیں۔ ذرائع کے مطابق یہ قانونی دفعات ہر شخص پر لاگو ہوتی ہیں، جن میں سرکاری ملازمین بھی شامل ہیں۔ ایک ذریعے کا کہنا تھا کہ جہاں مجرمانہ غفلت کے نتیجے میں موت واقع ہو، وہاں قانون نجی فرد اور سرکاری ملازم میں کوئی فرق نہیں کرتا، تاہم افسوس اس بات کا ہے کہ ایسے قوانین شاذ و نادر ہی نافذ کیے جاتے ہیں اور زیادہ تر معاملات میں متعلقہ افسران کو محض انتظامی انکوائری کیلئے معطل کر دیا جاتا ہے۔ یہ بھی واضح کیا گیا ہے کہ تعزیراتِ پاکستان ان صورتوں میں بھی لاگو ہوسکتا ہے جہاں کوئی سرکاری ملازم جان بوجھ کر قانون کی خلاف ورزی کرے یا کسی غیر قانونی عمل میں سہولت فراہم کرے، جس کے نتیجے میں کسی کو نقصان یا موت واقع ہو۔ ذرائع کے مطابق سول سرونٹس ایکٹ 1973 کے تحت سرکاری ملازمین ملک کے تمام قوانین کے تابع ہوتے ہیں، اور محکمانہ کارروائی فوجداری کارروائی کی راہ میں رکاوٹ نہیں بنتی۔ اسی طرح گورنمنٹ سرونٹس (کنڈکٹ) رولز 1964 کے تحت ہر سرکاری ملازم پر لازم ہے کہ وہ دیانت داری، فرض شناسی کا مظاہرہ کرے اور کوئی ایسا کام نہ کرے جو اُس کے شایانِ شان نہ ہو۔ ذرائع کا کہنا ہے کہ عمارتوں کے تحفظ سے متعلق قوانین پر عمل درآمد میں ناکامی، خلاف ورزیوں کو نظر انداز کرنا یا غیر محفوظ استعمال کی اجازت دینا سروس رولز کے تحت بدانتظامی کے ساتھ تعزیراتِ پاکستان کے تحت فوجداری جرم بھی بن سکتا ہے۔ یہ بھی واضح کیا گیا کہ محکمانہ کارروائی اور فوجداری مقدمہ دو الگ عمل ہیں اور دونوں بیک وقت چل سکتے ہیں۔ مزید یہ کہ سپریم کورٹ اپنے متعدد فیصلوں میں قرار دے چکی ہے کہ جہاں کسی فوجداری جرم کا عنصر ثابت ہو، وہاں تادیبی کارروائی فوجداری مقدمے میں رکاوٹ نہیں بنتی۔ اس کا مطلب یہ ہے کہ معائنہ، منظوری، تجدید یا عمل درآمد کے ذمہ دار افسران تحقیقات کے نتائج کی بنیاد پر بیک وقت معطلی، برطرفی اور فوجداری مقدمے کا سامنا کر سکتے ہیں۔ ابتدائی معلومات کے مطابق، گل پلازہ کی عمارت میں مناسب فائر ایگزٹس، الارم سسٹمز اور ہنگامی تیاری موجود نہیں تھی، جو بلدیاتی قوانین اور بلڈنگ کنٹرول ریگولیشنز کی خلاف ورزی ہے۔ ذرائع کے مطابق ان لازمی تقاضوں پر عمل درآمد میں ناکامی، بالخصوص اس وقت جب بار بار معائنوں یا عوامی شکایات کو نظر انداز کیا گیا ہو، مجرمانہ غفلت کے مترادف ہو سکتی ہے۔ لاہور کے مین ہول کے واقعے کو بھی مجرمانہ غفلت کا کیس قرار دیا جا رہا ہے، جس میں فوجداری اور انتظامی دونوں نوعیت کی کارروائی کی گنجائش موجود ہے۔
یورپی یونین نے ایرانی
یورپی یونین نے ایرانی پاسداران انقلاب کو ’دہشت گرد تنظیم‘ قرار دے دیا۔ یورپی یونین کی خارجہ پالیسی کی سربراہ کاجا کالاس نے اعلان کیا ہے کہ یورپی یونین کے وزرائے خارجہ نے ایران کے پاسدارانِ انقلاب دہشت گرد تنظیوں کی فہرست میں شامل کرنے پر اتفاق کرلیا ہے۔ دوسری جانب ایران کی مسلح افواج نے یورپی یونین کے اس فیصلے پر ردعمل دیتے ہوئے اسے ’غیر منطقی، غیر ذمہ دارانہ اور بدنیتی پر مبنی‘ قرار دیا ہے۔ بیان میں کہا گیا کہ یہ اقدام ’امریکا اور صہیونی حکومت کی بالادست اور غیر انسانی پالیسیوں کی اندھی تقلید‘ کے تحت کیا گیا ہے۔ خیال رہے کہ پاسداران انقلاب ایران کی مسلح افواج کا ایک اہم حصہ ہے جسے 1979 کے ایرانی انقلاب کے بعد قائم کیا گیا تھا۔ یہ باقاعدہ فوج کے ساتھ مل کر کام کرتی ہے اور براہِ راست ایران کے سپریم لیڈر آیت اللہ علی خامنہ ای کو جواب دہ ہے۔ پاسداران انقلاب ایران کے دفاع، بیرونی آپریشنز اور خطے میں اثر و رسوخ میں مرکزی کردار ادا کرتی ہے۔ تقریباً ایک لاکھ 90 ہزار فعال (اور ریزرو سمیت 6 لاکھ سے زائد) اہلکاروں پر مشتمل یہ فورس ایران کے بیلسٹک میزائل اور جوہری پروگراموں کی نگرانی کرتی ہے اور مشرقِ وسطیٰ میں مختلف اتحادی گروہوں کی حمایت کرتی ہے۔ امریکا نے 2019 میں پاسداران انقلاب کو غیر ملکی ’دہشت گرد تنظیم‘ قرار دیا تھا۔
بھاٹی گیٹ کے واقعے
وزیراعلیٰ پنجاب مریم نواز نےکہا ہےکہ بھاٹی گیٹ کے واقعے اور قتل میں کوئی فرق نہیں، ہر سطح پر مجرمانہ فعل ہوا ہے۔ لاہور کے بھاٹی چوک میں کھلے مین ہول میں خاتون اوربچی کے گر کر جاں بحق ہونے پر اعلیٰ سطح کے اجلاس میں وزیراعلیٰ مریم نواز پنجاب کے متعلقہ اداروں پر برہم ہوگئیں اور کمشنر لاہور، اسسٹنٹ کمشنر، واسا، ایل ڈی اے ، ڈپٹی کمشنر لاہور، ٹریفک پولیس اور پولیس کو برابر کا ذمہ دار قرار دے دیا۔ مریم نواز کا کہنا تھا کہ ہر سطح پر مجرمانہ فعل ہوا ہے، دس دس ڈیپارٹمنٹ بیٹھے ہوئےہیں جواب ایک کے پاس بھی نہیں، آدھا درجن انچارج ہیں لیکن جب واقعہ ہوا تو کوئی پہنچا ہی نہیں۔کمشنر لاہور، ڈی سی لاہور ، ڈی جی ایل ڈی اے اور اسسٹنٹ کمشنر کو سزا ملنی چاہیے۔جس جگہ خاتون گریں وہاں لائٹ نہیں تھی ، پینا فلیکس لگا کر سائٹ بند کی گئی لیکن روشنی کا کوئی انتظام نہیں کیا گیا ، تعمیراتی جگہ پر کسی قسم کی پارکنگ نہیں ہونی چاہیے تھی ، وہاں کوئی پارکنگ بنا کر پیسے لیتا رہا ، کسی کو بھی معلوم نہیں؟ ٹریفک پولیس کہاں ہے؟ محکمہ پولیس کہاں ہے؟ انہیں کیوں نہیں معلوم یہاں کوئی پارکنگ بناکر پیسے لے رہا ہے؟ مریم نواز نے ٹیپا کے پروجیکٹ ڈائریکٹر ، سیفٹی انچارج اور واسا کے ذمہ داروں کو گرفتار کرنے اور نوکری سے برخاست کرنےکا حکم بھی دیا اور ہدایت دی کہ یقینی بنائيں کہ آئندہ انہیں دوبارہ نوکری نہ ملے۔ انہوں نے کنٹریکٹر سے ایک کروڑ روپے لے کر متاثرہ خاندان کو دینے کی ہدایت بھی کی اورکہا یہ کوئی راجن پور، لیہ اور بھکر کی بات نہیں ہو رہی، یہ لاہور سیف سٹی میں ہوا ہے، اتنا بڑا حادثہ ہماری ناک کے نیچے ہوا ، بات کو گھمانے کی کوشش کی اس طرح کہ ہمیں بھی یقین آگيا، پھر بجائے اس کے کہ خاندان کو مدد دیتے انہيں چور ڈاکو بنا کر تھانے میں لےگئے، متاثرہ خاتون کا شوہر شکایت لے کر گیا تو اسے ہی گرفتار کرلیا گیا کہ بیوی کے ساتھ اس کے تعلقات خراب تھے، اس بات کا واقعے سے کیا تعلق ہے؟ مریم نواز نے کہاکہ ایک ایک جگہ کے دس دس ادارے ہیں لیکن ذمہ دار کوئی بھی نہیں، یہ پنجاب ہے یہاں ایک ایک جان قیمتی ہے ، یہاں پر میں بھی جواب دہ ہوں آپ بھی جواب دہ ہیں، ٹوئسٹ کرنےکی کوشش کی گئی کہ جیسے واقعہ نہیں ہوا، جہاں حادثہ ہوا وہاں پورے پاکستان سے لوگ آتے ہیں، جہاں اتنے لوگ آتے ہوں وہاں تعمیراتی کام کے دوران مجرمانہ غفلت کی گئی، اگر مرنے والی بچی اگر کسی انتظامی افسر کی ہوتی تو کیا پوری انتظامی مشینری ہل کر نہیں رہ جاتی؟ خاتون نالے میں تین کلومیٹر دور چلی گئی، لاہور کی انتظامیہ کہتی رہی کہ کوئی گرا ہی نہیں، جنہوں نے اس جگہ کو کھلا چھوڑا کیا ان کے گھر میں بچے نہیں ہیں؟ انہوں نےکہا کہ عظمیٰ بخاری کا اس سے کوئی تعلق نہیں جو انفارمیشن ہمیں مل رہی تھی وہی عظمیٰ بخاری کو بھی مل رہی تھی۔
سانحہ گل پلازہ:
سانحہ گل پلازہ پر حکومت کی قائم کمیٹی کی رپورٹ سامنے آگئی۔ رپورٹ میں بتایا گیا کہ گل پلازہ میں آگ گراؤنڈ فلور کی دکان نمبر 193 میں لگی ، دکان مالک نے 11 سال کے بیٹے کو دکان پر چھوڑا ہوا تھا، لڑکے نے ماچس جلائی ، جو مصنوعی پھولوں پر گرگئی اور آگ بھڑکی ، آتش گیر مواد کی موجودگی کے باعث آگ تیزی سے پھیلی۔ رپورٹ کے مطابق غیر محفوظ برقی وائرنگ، ایئر کنڈیشنرز اور کھلے پائپوں نے صورتِ حال کو سنگین بنادیا، فائر ٹینڈرز کو پانی کی فراہمی میں نمایاں تاخیر ہوئی، پہلا واٹر باؤزر رات گیارہ بجکر 53 منٹ پر پہنچا، پانی کی مسلسل فراہمی رات 12 بجے کے بعد شروع ہوئی۔ رپورٹ میں بتایا گیا کہ لوگوں کو نکالنے کے لیے لوہے کی راڈز کو کاٹنے کے لیے آلات موجود نہیں تھے، فائر فائٹرز کے پاس مناسب آلات، حفاظتی سامان اور مطلوبہ تربیت و مہارت موجود نہیں تھی۔ رپورٹ میں انکشاف کیا گیا کہ ہجوم کو قابو میں رکھنے اور علاقے کو گھیرے میں لینے سے متعلق پولیس کے اقدامات مؤثر نہیں تھے۔ رپورٹ میں اس بات کی تصدیق کی گئی کہ عمارت میں موجود خارجی راستے بند تھے یا تجاوزات قائم ہوچکی تھیں۔ رپورٹ کے مطابق سیڑھیوں کی چوڑائی کم کی گئی، دروازوں کی تعداد 18 سے کم کر کے 13 کر دی گئی۔ رپورٹ میں سفارش کی گئی کہ تمام ہائی رسک عمارتوں کا فوری آڈٹ کروایا جائے ، خلاف ورزی پر جرمانے، جزوی بندش یا سیل کرنے کی کارروائی کی جائے۔ یاد رہے کہ سانحہ گل پلازہ میں 79 افراد جاں بحق ہوئے جن میں سے اب تک 39 کی شناخت ہوچکی ہے، 20 کی شناخت ڈی این اے، 6 کی چہرہ شناسی اور ایک شخص کی شناخت قومی شناختی کارڈ سے کی گئی ۔
اڈیالہ کا قیدی سزا پوری
گورنرخیبرپختونخوا فیصل کریم کنڈی نے کہا ہے کہ اڈیالہ کا قیدی اپنی سزا پوری کرکے ہی آزاد ہوگا۔ میڈیا سے گفتگو میں فیصل کریم کنڈی بولے کہ صوبائی حکومت کا ایک ہی ایجنڈا ہے کہ قیدی کو کس طرح آزاد کرائیں، انہوں نے واضح کیا کہ قیدی اپنی سزابھگت کرہی آزاد ہوگا، اگر قیدی کو اسپتال لایا گیا ہے توکسی مریض کا علاج کرنا غلط بات تو نہیں۔ گورنر نے وادی تیراہ میں آپریشن کے خبروں کی تردید کردی اور کہا کہ تیراہ میں لوگ ہرسال سردیوں میں نقل مکانی کرتے ہیں، اس وقت تیراہ کے حوالے سے صرف لفظی جنگ جاری ہے۔ انہوں نے کہا کہ اس سال صوبائی حکومت نےاس مد میں 4 ارب روپے رکھے اور آئی ڈی پیزکی رجسٹریشن شروع کی، 50 سے60 فیصد لوگ آپریشن کے خدشے کے پیش نظر نقل مکانی کرگئے، اس سے پہلے30 فیصد تک لوگ سردی میں بچوں کے ہمراہ نقل مکانی کرتے تھے۔ گورنر خیبرپختونخوا نے کہا کہ دہشتگردوں کیخلاف ہرجگہ آپریشن ہوتا ہے، چاہے کسی کو اچھا لگے یا برا، چترال سے ڈیرہ اسماعیل خان تک جہاں بھی دہشتگرد ہیں وہاں آپریشن ہوگا۔ گورنر خیبرپختونخوا نے پی ٹی آئی کو مشورہ دیا کہ دو پارٹیاں بنالیں،ایک پارٹی تحریک انتشار بھی بنالیں۔ صحافی نے سوال کیا کہ کیا عید کے بعد 28 ویں ترمیم آرہی ہے؟ جس پر گورنر فیصل کریم کنڈی نے جواب دیا کہ عید کے بعد اگر 28 ویں ترمیم آرہی ہے تو اس پرپارلیمنٹ میں بحث ہوگی۔
اسلام آباد میں فائر سیفٹی
وفاقی دارالحکومت اسلام آباد میں فائر سیفٹی کے انتظامات اطمینان بخش نہ ہونے کا انکشاف ہوا ہے۔ ڈی جی کیپیٹل ایمرجنسی سروسز ڈاکٹر عبدالرحمٰن کے مطابق تجارتی مرکز بلیو ایریا کی اکثر عمارتیں فائر سیفٹی کے حوالے سے بہتر ہیں،کراچی کمپنی اورجی نائن کی عمارتوں میں فائر سیفٹی انتظامات مکمل نہیں ہیں۔ قواعد کے مطابق عمارت کی تعمیرسے پہلے کیپیٹل ایمرجنسی سروسز فائر کا این او سی جاری کرتا ہے، تعمیر مکمل ہونے پر کمپلیشن کا این او سی ملتا ہے۔ قواعد کے مطابق عمارت کے مالک نے کسی کمپنی سے دیکھ بھال کے لیے کنٹریکٹ کرنا ہوتا ہے،مالک ہر 6 ماہ بعد رپورٹ بھیجے کا پابند ہوتا ہے۔ ڈائریکٹر ڈی ایم اے ڈاکٹر انعم کا کہنا ہے کہ شہرکے بازاروں میں فائر سیفٹی کی ذمہ دار ڈسٹرکٹ میونسپل ایڈمنسٹریشن ہوتی ہے
لاہور: سیوریج ہول میں
لاہور: کئی گھنٹے گزرنے کے بعد بھی 10 ماہ کی ردا فاطمہ کا تاحال کچھ پتا نہیں چل سکا۔ ریسکیو 1122 کے مطابق خاتون کی لاش واقعہ کے 6 گھنٹے بعد آؤٹ فال روڈ سیوریج لائن سے ملی۔ ریسکیو حکام کا کہنا ہے کہ ریسکیو آپریشن تین مختلف مقامات پر کیا جا رہا ہے، آؤٹ فال روڈ، بھاٹی گیٹ اور موہنی روڈ پر ریسکیو آپریشن جاری ہے۔ ریسکیو حکام کے مطابق ریسکیو کی 10گاڑیاں اور 25 ریسکیو اہلکار آپریشن میں حصہ لے رہے ہیں۔
گل پلازہ میں آگ کیسے لگی
کمشنر کراچی نے سانحہ گل پلازہ کی حتمی تحقیقاتی رپورٹ تیار کرلی۔ ذرائع کے مطابق سانحہ گل پلازہ کی حتمی تحقیقاتی رپورٹ کمشنر کراچی اور ایڈیشنل آئی جی پر مشتمل کمیٹی نے تیار کی ہے، کمشنر کراچی گل پلازہ میں آتشزدگی کے واقعے کی رپورٹ وزیراعلیٰ سندھ مراد علی شاہ کو پیش کریں گے۔ ذرائع کا بتانا ہے کہ رپورٹ میں آگ لگنے کی وجوہات اور آگ بجھانے سمیت ریسکیو سے متعلق تفصیلات شامل ہیں۔ اس کے علاوہ رپورٹ میں متاثرین، عینی شاہدین اور ریسکیو حکام سے حاصل معلومات درج ہیں۔ ذرائع کے مطابق رپورٹ میں لکھا ہے کہ گراؤنڈ فلور پر موجود بچے کے ہاتھوں فلاور شاپ میں آگ لگی، آگ تیزی سے پھیلی اور ایئرکنڈیشن کے ڈکٹس کی طرف سے پھیلی۔ ذرائع کا کہنا ہے تحقیقاتی رپورٹ میں بتایا گیا ہے کہ آگ لگنے سے 79 اموات ہوئیں، زیادہ تر اموات گل پلازا کے میزنائن فلور پر ہوئیں۔ ذرائع کا کہنا ہے رپورٹ کے مطابق گل پلازہ میں آگ رات 10بج کر 15 منٹ پر لگی جبکہ رات 10 بج کر 26 منٹ پر فائر بریگیڈ کو آگ کی اطلاع ملی۔ رپورٹ میں بتایا گیا ہے کہ ڈپٹی کمشنر جنوبی 10 بج کر 30 منٹ پر گل پلازہ پہنچے، پہلا فائر ٹینڈر 11 منٹ بعد 10 بج کر 37 منٹ پر گل پلازہ پہنچا جبکہ ریسکیو 1122 کا عملہ 10:53 پر گل پلازہ پہنچا۔
صدر آصف زرداری سے
صدر مملکت آصف علی زرداری سے متحدہ عرب امارات کے وزیرِ رواداری اور بقائے باہمی شیخ نہیان بن مبارک النہیان کی ملاقات ہوئی، دونوں رہنماؤں کے درمیان مکالمے کے فروغ، شمولیت اور پُرامن بقائے باہمی کی اہمیت پر زور دیا گیا۔ صدر مملکت نے متحدہ عرب امارات کے وزیرِ رواداری سے ملاقات کے دوران رواداری اور بقائے باہمی کے عزم کا اعادہ کرتے ہوئے شیخ محمد بن زاید النہیان کی بصیرت افروز قیادت کو خراجِ تحسین پیش کیا۔ صدر مملکت نے شیخ محمد بن زاید النہیان کے رواداری اور انسانی اخوت کے حوالے سے متحدہ عرب امارات کے قومی وژن کو سراہا۔ صدر نے 200 سے زائد قومیتوں کے درمیان اتحاد اور باہمی احترام کے فروغ میں متحدہ عرب امارات کی کامیابی کو سماجی ہم آہنگی کا ایک متاثر کن نمونہ قرار دیا۔ اس موقع پر خاتونِ اول آصفہ بھٹو زرداری، رکنِ قومی اسمبلی اور چیئرمین پیپلز پارٹی بلاول بھٹو زرداری، وفاقی وزیرِ داخلہ و انسدادِ منشیات سید محسن نقوی اور متحدہ عرب امارات میں پاکستان کے سفیر بھی موجود تھے۔
وزیراعظم بھی اگر غیر قانونی
سپریم کورٹ نے کہا ہے کہ وزیراعظم بھی اگر غیر قانونی احکامات دیں تو سول سرونٹس ماننے کے پابند نہیں۔ سپریم کورٹ میں او جی ڈیل سی ایل میں غیر قانونی بھرتیوں سے متعلق کیس کی سماعت ہوئی، سپریم کورٹ نے سابق وزیر کی نظر ثانی درخواست پر وکلاء کو تیاری کرنے کی ہدایت کی۔ سپریم کورٹ نے کہا کہ تقرری کیلئے اشتہار دیا جاتا ہے، بادشاہ تو نہیں کہ بس آرڈر کر دیا۔ اس موقع پر نیب کے وکیل نے کہا کہ وزیر کے پرنسپل اسٹاف آفیسر نے لکھا کہ نوکریوں کیلئے پارلیمنٹ کا دباؤ ہے۔ عدالت نے کہا کہ وزیر اعظم بھی اگر غیر قانونی احکامات دیں تو سول سرونٹس ماننے کے پابند نہیں، جسٹس ہاشم کاکڑ نے کہا کہ ہر سرکاری ادارے میں گنجائش سے زیادہ بھرتیاں ہیں۔ جسٹس ہاشم کاکڑ نے کہا کہ پی آئی اے کا انٹرنیشنل ائیر لائنز کے ساتھ موازنہ کریں ناں، نیب کے وکیل نے کہا کہ پی آئی اے میں زیادہ بھرتیوں کی وجہ سے نجکاری کرنا پڑی۔ جنوبی ایشیا میں عدم استحکام کی بنیادی وجہ بھارت کا کشمیر پر غیر قانونی قبضہ ہے، پاکستان جسٹس اشتیاق ابراہیم نے کہا کہ جس وقت بھرتیاں کی گئیں اس وقت احتساب کمیشن کا قانون نہیں تھا، متعلقہ وفاقی وزیر سزا تو بھگت چکے ہیں،سزا کا ایک داغ تو ہے، کیا اتنا کافی نہیں کہ وزیر نے سزا پوری کی۔
ایم کیو ایم کے وزراء اور اراکین
کراچی: ایم کیو ایم پاکستان کے رہنماؤں سے پولیس سیکیورٹی واپس لے لی گئی۔ ذرائع کے مطابق سربراہ ایم کیو ایم پاکستان ڈاکٹر خالد مقبول صدیقی اور ڈاکٹر فاروق ستار سے پولیس گارڈز واپس لے لئے گئے ہیں۔ مصطفی کمال، انیس قائم خانی اور امین الحق سے بھی پولیس گارڈز واپس لئے گئے ہیں، سندھ اسمبلی میں قائد حزب اختلاف علی خورشیدی سمیت دیگر رہنماؤں سے بھی سیکورٹی واپس لے لی گئی ہے۔ دوسری جانب ایم کیو ایم پاکستان کے رہنما ڈاکٹر فاروق ستار آج شام چار بجے اہم پریس کانفرنس بہادر آباد مرکز میں کریں گے، وہ اراکینِ اسمبلی کے ہمراہ میڈیا سے خطاب کریں گے۔ وزیراعظم بھی اگر غیر قانونی احکامات دیں تو سول سرونٹس ماننے کے پابند نہیں، سپریم کورٹ ایم کیو ایم پاکستان کا کہنا ہے کہ متحدہ قومی موومنٹ پاکستان کی اہم سیاسی حکمتِ عملی پر بات ہوگی، ڈاکٹر فاروق ستار آج پارٹی رہنماؤں کے ہمراہ میڈیا کو اعتماد میں لیں گے۔
سندھ کابینہ نے سانحہ
کراچی: سندھ کابینہ نے سانحہ گل پلازہ کے شہدا کے خاندان کو ایک ایک کروڑ روپے دینے کی منظوری دے دی۔ سندھ کابینہ نے سانحہ گل پلازہ میں قیمتی انسانی جانوں اور مالی نقصانات پر گہرے دکھ اور افسوس کا اظہار کرتے ہوئے متاثرین کیلئے بڑے ریلیف پیکج کی منظوری دے دی ہے۔ وزیراعلیٰ سندھ مراد علی شاہ کی سربراہی میں ایک خصوصی سب کمیٹی بھی قائم کر دی گئی ہے جو سانحے سے متعلق انکوائری رپورٹ کا جائزہ لے گی۔ سب کمیٹی میں صوبائی وزرا شرجیل انعام میمن، ناصر حسین شاہ، سعید غنی اور ضیاء الحسن لنجار شامل ہیں۔ سب کمیٹی کمشنر کراچی کی سربراہی میں قائم انکوائری کمیٹی کی رپورٹ کا تفصیلی جائزہ لے گی، جس کے بعد وزیراعلیٰ سندھ رپورٹ کی روشنی میں آئندہ کارروائی اور لائحہ عمل کا فیصلہ کریں گے۔ وزیراعلیٰ سندھ مراد علی شاہ نے کہا کہ رپورٹ آنے کے بعد ایسے اقدامات کیے جائیں گے جن سے انصاف کو یقینی بنایا جا سکے۔ انہوں نے کہا کہ متاثرین کو ہر ممکن ریلیف فراہم کرنا ہم سب کی ذمہ داری ہے۔ سندھ کابینہ نے سانحہ گل پلازہ کے شہدا کے لواحقین کو فی کس ایک کروڑ روپے معاوضہ دینے کی منظوری دے دی۔ اس کے علاوہ متاثرہ دکانداروں کو کچن اور یوٹیلیٹی اخراجات کی مد میں فی کس پانچ، پانچ لاکھ روپے فراہم کیے جائیں گے جو کمشنر کراچی کے ذریعے ادا کیے جا رہے ہیں۔ وزیراعظم بھی اگر غیر قانونی احکامات دیں تو سول سرونٹس ماننے کے پابند نہیں، سپریم کورٹ مزید برآں سندھ کابینہ نے متاثرہ دکانداروں کو ایک، ایک کروڑ روپے بلا سود قرض فراہم کرنے کی بھی منظوری دے دی ہے، جس پر واجب الادا سود حکومت سندھ ادا کرے گی، وزیراعلیٰ سندھ کے مطابق متاثرہ دکانداروں کو دو ماہ کے اندر کاروبار دوبارہ شروع کرنے کیلئے دکان کی سہولت بھی فراہم کی جائے گی۔ وزیراعلیٰ مراد علی شاہ نے کہا کہ حکومت سندھ متاثرین کی بحالی اور انصاف کی فراہمی کیلئے تمام ممکنہ وسائل بروئے کار لائے گی۔
پیپلز پارٹی اور ایم کیو ایم
کراچی: امیر جماعت اسلامی پاکستان حافظ نعیم الرحمان نے کہا ہے کہ ہر سانحے کے بعد پیپلزپارٹی اور ایم کیو ایم کے درمیان نورا کشتی شروع ہو جاتی ہے۔ کراچی میں پریس کانفرنس کرتے ہوئے حافظ نعیم الرحمان نےکہا کہ جسے عوام منتخب کریں اس کا میئر ہونا چاہیے، قبضہ میئر نہیں ہونا چاہیے، گل پلازہ کے سانحہ کے بعد یہاں کے لوگوں میں بے بسی کی کیفیت ہے، کراچی میں ملک سے مایوسی کی کیفیت پیدا کی جا رہی ہے، ہر سانحہ کے بعد پیپلزپارٹی اور ایم کیو ایم کے درمیان نورا کشتی شروع ہوجاتی ہے۔ انہوں نے کہا کہ گل پلازہ میں لگی آگ بجھانے کا کوئی انتظام نہیں تھا، فائر فائٹرز کے پاس آگ سے بچنے کا لباس ہے اور نا ہی ماسک موجود ہیں، کسی بھی فائر فائٹر کے پاس وہ کٹ نہیں جس کو پہن کر وہ فائر فائٹنگ کریں۔ امیر جماعت اسلامی کا کہنا تھا شہر میں بارش ہو جائےتو یہ پانی نکال نہیں سکتے، آگ لگ جائے توبجھا نہیں سکتے، گرین لائن 10 سال بعد بھی مکمل نہیں ہوئی، نا اہل اور کرپٹ لوگ ہمارے اوپر مسلط ہیں، ان کی کک بیکس اور کرپشن بڑھتی رہتی ہے۔ حافظ نعیم الرحمان نے مزید کہا کہ گرین لائن پروجیکٹ 2016 میں شروع ہوا اور آج تک مکمل نہیں ہوا، ریڈ لائن کو 2024 میں پورا ہونا تھا جو ابھی تک پورا نہیں ہوا، ریڈ لائن منصوبہ کے لیے بنی ہوئی سڑک کو توڑ دیا گیا۔ ان کا کہنا تھا کہ وفاق میں سب مل کر حکومت کر رہے ہیں، شہر کا بیڑا غرق کر رہے ہیں، شہرمیں پورشن کا دھندہ چل رہا ہے، یہ کون سے نعمت اللہ اور عبدالستار افغانی کے دور کا ہے، کراچی کے مسئلے کا حل نہ صوبائی کنٹرول ہے نہ ہی وفاقی کنٹرول، کراچی کے مسئلے کا حل کراچی سٹی گورنمنٹ ہے۔
وزیر داخلہ سندھ نے
کراچی: وزیر داخلہ سندھ ضیاء لنجار نے ایم کیو ایم پاکستان کے رہنماؤں سے پولیس سکیورٹی واپس لینے کی خبروں کی تردید کردی۔ جیو نیوز سے گفتگو کرتے ہوئے وزیر داخلہ سندھ ضیاء لنجار کا کہنا تھا ایم کیو ایم پاکستان کے رہنماؤں سے سکیورٹی واپس نہیں لی گئی۔ انہوں نے کہا کہ جن افراد کو قانون اور سکیورٹی کے پیش نظر سکیورٹی دی گئی ہے وہ فراہم کی جا رہی ہے، مصطفی کمال اور خالد مقبول صدیقی اسلام آباد میں ہیں، کسی بھی شخص کو دی گئی سکیورٹی واپس نہیں لی گئی۔ خیال رہے کہ گزشتہ روز یہ خبر سامنے آئی تھی کہ ایم کیو ایم پاکستان کے رہنماؤں کو دی گئی پولیس سکیورٹی واپس لے لی گئی ہے جبکہ وفاقی وزیر برائے صحت مصطفیٰ کمال نے بھی دعویٰ کیا ہے کہ ان کی سکیورٹی واپس لے لی گئی ہے۔ دوسری جانب جیو نیوز کے پروگرام جیو پاکستان میں گفتگو کرتے ہوئے ترجمان حکومت سندھ سعدیہ جاوید کا کہنا تھا اگر ایم کیو ایم پاکستان کے رہنماؤں سے سکیورٹی واپس لی گئی ہے تو یقیناً اس کی کوئی وجوہات ہوں گی۔ ان کا کہنا تھا شہر میں پولیس کی نفری کم ہے، ہو سکتا ہے کہ اسی وجہ سے سکیورٹی واپس لی گئی ہے، میرے پاس بھی پولیس سکیورٹی نہیں ہے۔
کراچی میں پولیس کم ہے
سندھ حکومت کی ترجمان سعدیہ جاوید کا کہنا ہے ایم کیو ایم پاکستان کے رہنماؤں سے سکیورٹی واپس لینے کی یقیناً کچھ وجوہات ہوں گی۔ جیو نیوز کے پروگرام جیو پاکستان میں گفتگو کرتے ہوئے ترجمان سندھ حکومت سعدیہ جاوید کا کہنا تھا شہر میں پولیس کم ہے، ہوسکتا ہے اس وجہ سے ایم کیو ایم پاکستان کے رہنماؤں سے پولیس سکیورٹی واپس لی گئی ہو۔ ان کا کہنا تھا میرے پاس کوئی پولیس سکیورٹی نہیں ہے، سندھ کے حکومتی ایم پی ایز کے پاس بھی کوئی سکیورٹی نہیں ہے، ایم کیو ایم پاکستان کے رہنماؤں سے سکیورٹی واپس لینے کی یقیناً کوئی وجوہات ہوں گی۔ سعدیہ جاوید کا کہنا تھا سندھ میں فارنزک لیب کا قائم نہ ہونا حکومت کی کوتاہی ہے، اس سال کے آخر میں سندھ کی فارنزک لیب فعال ہو جائے گی۔ گل پلازہ کے متاثرین کی منتقلی سے متعلق سوال پر ترجمان سندھ حکومت کا کہنا تھا گل پلازہ کے سامنے دو پلازے ہیں جہاں دکانداروں کو شفٹ کیا جائے گا، حکومت پلازہ کے مالکان سے بات کررہی ہے، ایک پلازہ میں 500 اور دوسرے میں 350 دکانیں ہیں۔ ترجمان سندھ حکومت کا کہنا تھا کمیٹی گل پلازہ کے نقصان کا تخمینہ لگائے گی، اس کا ازالہ بھی حکومت کرے گی، کمیٹی تین ہفتے میں گل پلازہ کے نقصان کی رپورٹ حکومت کو پیش کرے گی۔
پنجاب حکومت کا بڑا ریلیف
لاہور میں وزیراعلیٰ پنجاب کی زیر صدارت رمضان المبارک کی پیشگی تیاریوں اور عوامی ریلیف سے متعلق اہم اجلاس منعقد ہوا، جس میں صوبے بھر کے مستحق افراد کیلئے بڑے امدادی پیکج کی منظوری دی گئی۔ اجلاس میں پنجاب حکومت نے ایک کروڑ سے زائد افراد کیلئے 47 ارب روپے کے رمضان نگہبان پیکج کی باضابطہ منظوری دے دی۔ اجلاس کو بتایا گیا کہ اس پیکج کے تحت پنجاب بھر کے 42 لاکھ مستحق خاندانوں کو فی خاندان 10 ہزار روپے کی نقد امداد فراہم کی جائے گی تاکہ وہ رمضان المبارک کے دوران اپنی بنیادی ضروریات باوقار اندازمیں پوری کر سکیں، وزیراعلیٰ پنجاب نے ہدایت کی کہ امداد کی فراہمی کا عمل شفاف، تیزاور بلا تعطل ہونا چاہیے۔ وزیر داخلہ نے جدید ترین مانیٹرنگ نظام شکرا کا افتتاح کر دیا اجلاس میں فیصلہ کیا گیا کہ مستحق افراد کو رمضان نگہبان کارڈ جاری کیے جائیں گے، جو ضلعی انتظامیہ کے ذریعے گھرگھرجا کرفراہم کئے جائیں گے تاکہ بزرگوں، خواتین اورمعذورافراد کو کسی قسم کی دشواری کا سامنا نہ کرنا پڑے۔ نگہبان کارڈ کے ذریعے مستحقین بینک آف پنجاب کے مقررہ دکانداروں سے اشیائے ضروریہ خرید سکیں گے۔ مزید بتایا گیا کہ رمضان نگہبان کارڈ کو بینک آف پنجاب کی اے ٹی ایم مشینوں پر بھی ایکٹیویٹ کیا جا سکے گا، جس کے ذریعے نقد رقم حاصل کرنا ممکن ہوگا۔ وزیراعلیٰ پنجاب نے واضح کیا کہ رمضان نگہبان پیکج کا مقصد مہنگائی کے دباؤ میں عوام کو حقیقی ریلیف فراہم کرنا ہے اور اس میں کسی قسم کی کوتاہی برداشت نہیں کی جائے گی۔
فراڈ کیس ، مسلسل غیر
اسلام آباد ڈسٹرکٹ اینڈ سیشن کورٹس نے فراڈ کیس میں سابق وفاقی وزیر فواد چوہدری کے وارنٹ گرفتاری جاری کر دیئے۔ جوڈیشل مجسٹریٹ شائستہ کنڈی نے فواد چوہدری کے خلاف کیس کی سماعت کی، فواد چوہدری عدالت میں پیش ہوئے۔ عدالت نے مدعی مقدمہ کے مسلسل عدم حاضری پر وارنٹ گرفتاری جاری کیے، کیس کی اگلی سماعت پر فریقین کی جانب سے بریت کی درخواست پر دلائل دیے جائیں گے۔ نواز شریف سیاسی درجہ حرارت نیچے لانے میں کردار ادا کریں، فواد چودھری فواد چوہدری کے خلاف کیس کی مزید سماعت 3 فروری تک ملتوی کر دی گئی جبکہ فواد چوہدری کے خلاف تھانہ آبپارہ میں مقدمہ درج ہے۔
غصہ آیا تو میں بھی
جمعیت علمائے اسلام کے رہنما حافظ حمد اللہ نے کہا ہے کہ آئین میں واضح طور پر درج ہے کہ قرآن و سنت کیخلاف کوئی قانون سازی نہیں کی جا سکتی۔ ان کا کہنا تھا کہ اگر پارلیمنٹ قرآن و سنت کے منافی قوانین منظور کرے تو یہ آئین سے انحراف کے مترادف ہے۔ پارلیمنٹ میں بیٹھ کر آئین کی خلاف ورزی کرنے والوں پر آرٹیکل 6 کا اطلاق ہونا چاہیے۔ کم عمری کی شادی سے متعلق بل واپس نہ لیا گیا تو سڑکوں پر نکلیں گے ، مولانا فضل الرحمن انہوں نے کہا کہ مولانا فضل الرحمان جو کچھ کر رہے ہیں وہ آئین کے مطابق کر رہے ہیں ، میں مولانا کو تجویز دے رہا ہوں کہ چاروں صوبوں میں اجتماعی شادیوں کا انعقاد کریں خواہ وہ 18 سال سے کم عمر ہی کیوں نہ ہوں۔ حافظ حمد اللہ کا کہنا تھا کہ جو قانون قرآن و سنت کیخلاف ہو اس قانون کو ہم تسلیم نہیں کریں گے ، اگرچہ میں دوسری شادی کے موڈ میں نہیں ہوں لیکر اگر مجھے غصہ آیا اور میں نے فیصلہ کیا تو میں بھی 16 سالہ لڑکی سے شادی کروں گا۔
8 فروری کو قوم باہر نکلے
لاہو، تحریک انصاف کے سیکرٹری جنرل سلمان اکرم راجہ نےکہا ہے کہ پنجاب اسمبلی میں پارٹی کی پارلیمانی پارٹی کا ایک انتہائی اہم اجلاس ہوا ہے، جس میں آئندہ کے لائحہ عمل پر تفصیلی مشاورت کی گئی۔ پنجاب اسمبلی کے باہر سلمان اکرم راجہ نے میڈیا سے گفتگو کرتے ہوئے کہا کہ 8 فروری کو ان لوگوں کو یاد دلائیں گے جنہوں نے ہمارے مینڈیٹ پرڈاکہ ڈالا، اگراس ملک میں جمہوریت کو قائم رکھنا ہے تو قوم کو 8 فروری کو باہر نکلنا ہوگا۔ پی ٹی آئی کے سیکرٹری جنرل نے کہا کہ منصوبہ ساز یہ کہتے ہیں کہ جو 2024 میں ہوا وہی 2029 میں ہوگا، مگر ہم ایسا کوئی نتیجہ قبول نہیں کریں گے ہم عوام کے ووٹ کے ذریعے اقتدار میں آئیں گے۔ آج سے فیصلہ کیا گیا ہے کہ 8 فروری اور اس کے بعد اپنے ووٹرزاورسپورٹرزکومتحرک کریں گے یہ جنگ بانی پی ٹی آئی، عدلیہ کی آزادی اور عوام کے حق کی جنگ ہے، جس میں ہر فرد کو کردار ادا کرنا ہوگا۔ خیبر پختونخوا اسمبلی سے ایڈہاک لیکچررز ریگولرائزیشن ترمیمی بل منظور انہوں نے معیشت پر تنقید کرتے ہوئے کہا کہ تین سال سے بہتری کا جھوٹ بولا جا رہا ہے، صنعتیں بند، لوگ بے روزگار اور سرمایہ کار ملک چھوڑ کر جا رہے ہیں۔ پاکستان میں قانون اور ووٹ کی کوئی عزت نہیں رہی۔ ہر گلی کوچے میں آواز بلند ہوگی اور ہر کارکن اپنے ووٹ کے لیے لڑے گا۔ اپوزیشن لیڈر معین ریاض قریشی پر مبینہ حملے اور 8 کروڑ 40 لاکھ روپے کے ہرجانے کے مقدمے کا ذکر کرتے ہوئے سلمان اکرم راجہ نے کہا کہ یہ آواز دبانے کی کوشش ہے، سیاست کا جواب سیاست سے دینا چاہیے اور جھوٹے مقدمات واپس لیے جائیں۔ انہوں نے کہا کہ 8 فروری تک اور اس کے بعد قوم کو متحرک دیکھیں گے، انقلاب قوم خود برپا کرے گی اور لاہور اس فسطائیت کا بھرپور جواب دے گا۔
صدرمملکت کی پارلیمنٹ سے
اسلام آباد میں صدر مملکت نے پارلیمنٹ سے منظور شدہ سات اہم قانون سازی کے بلوں کی منظوری دے دی، جس کے بعد یہ بل باقاعدہ طور پر قانون کی شکل اختیار کر گئے۔ منظور شدہ بلوں میں نیشنل ٹیرف کمیشن ترمیمی بل، ایکسپورٹ ڈویلپمنٹ ترمیمی بل 2026، ٹرانسفر آف ریلویز ترمیمی بل اور ڈومیسٹک وائلنس بل 2026 شامل ہیں۔ اس کے علاوہ صدر مملکت نے دانش اسکول اتھارٹی بل، انکم ٹیکس ترمیمی بل اور نیشنل کمیشن فار ہیومن رائٹس بل 2026 کی بھی توثیق کر دی ہے۔ بیوروکریٹس کی دوہری شہریت پر پابندی کا بل غیر رسمی طور پر منظور حکومتی ذرائع کے مطابق ان قوانین کا مقصد معاشی اصلاحات، برآمدات کے فروغ، ریلوے کے نظام میں بہتری، گھریلو تشدد کے خلاف مؤثر اقدامات اور انسانی حقوق کے تحفظ کو یقینی بنانا ہے۔ دانش اسکول اتھارٹی بل کے تحت معیاری تعلیم کے فروغ اور ادارہ جاتی بہتری پر توجہ دی جائے گی، جبکہ انکم ٹیکس ترمیمی بل کے ذریعے ٹیکس نظام کو مزید مؤثر اور شفاف بنانے کی کوشش کی گئی ہے۔ نیشنل کمیشن فار ہیومن رائٹس بل انسانی حقوق کے ادارے کو مزید مضبوط بنانے میں مددگار ثابت ہوگا۔ حکام کا کہنا ہے کہ ان قوانین سے مختلف شعبوں میں اصلاحات کا عمل تیز ہوگا۔
ریاستی اداروں کیخلاف اشتعال
سوات میں پاکستان تحریک انصاف کے رکن قومی اسمبلی پر ریاستی اداروں کے خلاف اشتعال انگیز تقریر پر مقدمہ درج کر لیا گیا۔ این اے 2 سوات 1 سے رکن قومی اسمبلی ڈاکٹر امجد علی خان کے خلاف مقدمہ عدالتی احکامات کے تحت تھانہ کوکارئی میں درج کیا گیا، جس میں ریاستی اداروں اور آئین کے خلاف اشتعال انگیز خطاب کا الزام عائد کیا گیا ہے۔ فراڈ کیس ، مسلسل غیر حاضری پر فواد چوہدری کے وارنٹ گرفتاری پولیس حکام کے مطابق درج مقدمے میں بغاوت، اشتعال انگیزی اور امن عامہ میں خلل کی دفعات شامل ہیں، درخواست گزار ساجد علی نے اندراج مقدمے کے لیے عدالت سے رجوع کیا تھا۔
سرکاری ملازمین کی پروموشن کا
سپریم کورٹ کا کہنا ہے کہ اہل سرکاری افسر کو پہلی محکمہ جاتی پروموشن کمیٹی (DPC) کے دن سے ہی پروموشن کا حق حاصل ہوگا، انتظامی غفلت یا تاخیر کا خمیازہ ملازم کو نہیں بھگتنا پڑے گا۔ سپریم کورٹ نے پنجاب سروس ٹربیونل کا فیصلہ کالعدم قرار دیتے ہوئے سرکاری ملازم فخر مجید کی پروموشن 21 جنوری 2012 سے مؤثر قرار دے دی۔ کرایہ داری کا اصول طے، سپریم کورٹ نے سندھ ہائیکورٹ کا بے دخلی کا فیصلہ درست قرار دے دیا پنجاب سروس ٹربیونل نے فخر مجید کی پروموشن سے متعلق اپیل مسترد کرتے ہوئے مؤقف اختیار کیا تھا کہ ملازم کو خالی عہدے کے دن سے پروموشن کا حق حاصل نہیں۔ عدالت عظمیٰ کے مطابق اہل سرکاری ملازم کو بروقت پروموشن کے لیے محکمہ جاتی پروموشن کمیٹی میں شامل کیا جانا اس کا بنیادی حق ہے جبکہ انتظامی نااہلی، لاپروائی یا تاخیر کی سزا ملازم کو نہیں دی جا سکتی۔ سات صفحات پر مشتمل تحریری فیصلہ جسٹس عائشہ ملک نے تحریر کیا جبکہ کیس کی سماعت جسٹس عائشہ ملک، جسٹس محمد ہاشم کاکڑ اور جسٹس اشتیاق ابراہیم پر مشتمل تین رکنی بینچ نے کی۔ تفصیلی فیصلے میں کہا گیا ہے کہ سرکاری ملازمین کی پروموشن ایک بنیادی حق ہے اور پروموشن میں تاخیر یا انتظامی لاپرواہی ملازم کے حق کو متاثر نہیں کرے گی۔ خاتون کی رضامندی کے بغیر طلاق کو خلع میں تبدیل نہیں کیا جا سکتا، سپریم کورٹ عدالت نے واضح کیا کہ اگر کوئی ملازم اہلیت کے تمام تقاضے پورے کرتا ہے تو اسے پہلی محکمہ جاتی پروموشن کمیٹی کے انعقاد کی تاریخ سے ہی ترقی دی جانی چاہیے۔ سپریم کورٹ نے سرکاری اداروں کو ہدایت کی کہ وہ ملازمین کی بروقت پروموشن کو یقینی بنائیں اور اس امر کا خاص خیال رکھا جائے کہ انتظامی ناکامی یا سستی کا نقصان ملازمین پر نہ ڈالا جائے۔ عدالت عظمیٰ نے اپنے فیصلے میں زور دیا کہ ملازمین کو انتظامی غفلت کی سزا نہیں دی جا سکتی اور ریاستی اداروں کی ذمہ داری ہے کہ وہ اپنے نظام کو مؤثر اور بروقت بنائیں۔
جے یو آئی کم سنی کی
جے یو آئی گھریلو تشدد بل اور کم سنی کی شادیوں کی مخالف کیوں؟سیکریٹری جنرل جے یو آئی مولانا غفور حیدری نے وجہ بتا دی۔ ایک بیان میں انہوں نے کہا کہ یہ قانون سازیاں نہ صرف غیر شرعی، غیر آئینی بلکہ خاندانی نظام کیخلاف ہیں،ایسے قوانین سے والدین کو بلیک میل کیا جائے گا،آئین میں بھی کہا گیا کہ قران و سنت کیخلاف کوئی قانون نہیں بنے گا۔ بیوی کو گھورنا،طلاق یا دوسری شادی کی دھمکی،گالی دینا جرم قرار حکومت کا شادی سے متعلق بل پاس کرنا آئین اور سنت کیخلاف ہے،گھریلو تشدد بل میں بھی ایسا ہی ہے کہ والدین بچوں کو ڈانٹ تک نہیں سکیں گے،قانون کے پاس ہونے کے بعد بچوں کو سمجھانے کیلئے ڈانٹ ڈپٹ قابل جرم ہوگا۔ قانون سازی کے بعد بڑا بھائی بھی چھوٹے بھائی کو نصیحت نہیں کرپائے گا،پولیس اسٹیشنز میں بچے والدین کیخلاف رپورٹ درج کرارہے ہونگے اور والد جیل میں ہوگا۔
پی ٹی آئی اندرونی تقسیم
اسلام آباد: وزیر دفاع خواجہ آصف نے کہا ہے کہ پاکستان تحریک انصاف (پی ٹی آئی) اس وقت شدید اندرونی تقسیم کا شکار ہو چکی ہے۔ اور اس کے کسی بھی ممکنہ احتجاج سے حکومت کو کوئی خطرہ نہیں ہے۔ وزیر دفاع خواجہ آصف نے میڈیا سے گفتگو کرتے ہوئے کہا کہ پی ٹی آئی کے اندر 5 سے 6 چھوٹے چھوٹے گروپس بن چکے ہیں۔ اور ایسے میں 8 فروری کو ان کا احتجاج مؤثر نہیں ہو سکتا۔ انہوں نے کہا کہ گزشتہ ڈیڑھ سال کے دوران پی ٹی آئی نے بہت شور مچایا۔ لیکن اب ان کی سیاسی طاقت بتدریج کم ہوتی جا رہی ہے۔ تحریک انصاف کو سب سے زیادہ نقصان خیبر پختونخوا میں اپنی حکومت کی ناقص کارکردگی کے باعث اٹھانا پڑا ہے۔ جس کا خمیازہ پارٹی کو عوامی سطح پر بھگتنا پڑ رہا ہے۔ خواجہ آصف نے کہا کہ مذاکرات کے حوالے سے پی ٹی آئی کی جانب سے اب تک کسی قسم کا سنجیدہ جواب سامنے نہیں آیا۔ اپوزیشن لیڈر کا عہدہ خود نہ لینا ہی پی ٹی آئی کی بددیانتی کو ظاہر کرتا ہے۔ تحریک انصاف سیاسی فائدہ تو اٹھانا چاہتی ہے۔ مگر ذمہ داری لینے سے گریزاں ہے۔ انہوں نے پی ٹی آئی پر مزید تنقید کرتے ہوئے کہا کہ محمود خان اچکزئی کے ساتھ ان کا اتحاد کسی بھی وقت ختم ہو سکتا ہے۔ یہ بھی پڑھیں: بیوروکریٹس کی دوہری شہریت پر پابندی کا بل غیر رسمی طور پر منظور واضح رہے کہ پاکستان تحریکِ انصاف نے 8 فروری کو عام انتخابات کے دو سال مکمل ہونے پر ملک گیر احتجاج کی کال دے رکھی ہے۔ اور قوم سے شٹر ڈاؤن اور پہیہ جام کرنے کی اپیل کی ہے۔
پاکستانی عوام کی طرف سے
اسلام آباد میں قومی اسمبلی کی قائمہ کمیٹی برائے مذہبی امور نے روضہ رسول ﷺ پر حاضری کے لیے پارلیمانی وفد کو سرکاری خرچ پر بھجوانے کی تجویز دی ہے۔ شگفتہ جمانی کی سربراہی میں منعقدہ اجلاس میں کمیٹی نے فیصلہ کیا کہ یہ وفد پاکستانی عوام کی طرف سے روضہ رسول ﷺ پر سلام عرض کرے گا۔ کمیٹی نے واضح کیا کہ وفد پہلے بھی اس سلسلے میں جا چکا ہے اوراب ہرسال مدینہ منورہ اور مکہ مکرمہ کا دورہ کرے گا۔ کمیٹی نے سفارش کی کہ وفد میں شامل ارکان کے اہلخانہ بھی جا سکیں اورعوام کی طرف سے وفد عمرہ ادا کرے گا، اسپیکرقومی اسمبلی یا اسپیکرکی غیرموجودگی میں چیئرمین کمیٹی وفد کی سربراہی کرینگے۔ رکن کمیٹی اعجاز الحق کی تجویز پروفد کی تعداد 7 کے بجائے 10 رکھی جائے گی جبکہ اسپیکر وفد کے ارکان نامزد کریں گے۔ چیئرپرسن کمیٹی شگفتہ جمانی نے کہا کہ اسپیکر اکثر پندرہ، پندرہ افراد کے وفد لے کر جاتے ہیں، اس پارلیمانی وفد کے اخراجات قومی اسمبلی اٹھائے گی جبکہ وفد کے ارکان کے اہلخانہ اپنے اخراجات خود ادا کریں گے۔ کمیٹی نے پاکستان ہاؤس کی سعودی عرب میں تعمیر تک وفد کو سرکاری خرچ پر ہوٹل میں ٹھہرنے کی سفارش بھی کی۔ عمرہ پر جانے والوں کیلئے خوشخبری، سعودی ریال سستا ہو گیا وزیر مذہبی امورسردار یوسف نے تجاویز کی حمایت کرتے ہوئے کہا کہ وفد کا جانا قومی اعزاز کی بات ہے اور سرکاری خرچ پرجانے میں کوئی حرج نہیں۔ وزارت مذہبی امور اور پاکستان حج ڈائریکٹوریٹ جدہ وفد کے لیے میڈیکل، ٹرانسپورٹ اور دیگر سہولیات فراہم کریں گے۔ وفد کو اسٹیٹ گیسٹ ڈیکلیئر کرنے کے لئے دفتر خارجہ کا نمائندہ بھی شامل ہوگا تاکہ تمام پروٹوکول اور سہولتیں یقینی بنائی جائیں۔
لیپ ٹاپ اسکیم 2026 کا آغاز
لاہور: پنجاب حکومت نے طلبا کے لیے چیف منسٹر لیپ ٹاپ اسکیم 2026 کا آغاز کر دیا۔ جس کے تحت پبلک اور پرائیویٹ یونیورسٹیوں کے اہل طلبا 15 فروری 2026 تک مفت لیپ ٹاپ کے لیے آن لائن درخواست دے سکتے ہیں۔ حکام کے مطابق اس اسکیم کا مقصد ڈیجیٹل تعلیم کو فروغ دینا، تحقیقاتی سرگرمیوں کو بہتر بنانا اور ہائر ایجوکیشن کے طلبا کو جدید ٹیکنالوجی کی سہولت فراہم کرنا ہے۔ اسکیم کے تحت وہ طلبا اہل ہوں گے جو ایچ ای سی سے تسلیم شدہ پبلک یا پرائیویٹ یونیورسٹیوں میں زیر تعلیم ہوں۔ اور جنہوں نے کم از کم 65 فیصد نمبر یا مساوی سی جی پی اے (CGPA) حاصل کیا ہو۔ حکام نے طلبا کو ہدایت کی ہے کہ درخواست دینے سے قبل اپنی اہلیت متعلقہ ادارے سے تصدیق کر لیں۔ درخواستیں آن لائن ویب سائٹ http://cmlaptophed.punjab.gov.pk پر جمع کروائی جا سکتی ہیں۔ درخواست کے لیے طلبا کو اپنا قومی شناختی کارڈ یا ب فارم نمبر اور تعلیمی تفصیلات درست طور پر درج کرنا ہوں گی۔ جبکہ نامکمل یا غلط معلومات پر مشتمل درخواستیں مسترد کر دی جائیں گی۔ یہ بھی پڑھیں: پی ٹی آئی اندرونی تقسیم کا شکار، کسی احتجاج سے حکومت کو خطرہ نہیں، خواجہ آصف پنجاب حکومت کا کہنا ہے کہ یہ اقدام نوجوانوں کو ڈیجیٹل مہارتوں سے آراستہ کرنے اور تعلیمی میدان میں جدید تقاضوں سے ہم آہنگ کرنے کی جانب ایک اہم قدم ہے۔
وزیر اعظم کا جیم اسٹون انڈسٹری
اسلام آباد: وزیر اعظم شہباز شریف نے جیم اسٹون انڈسٹری کے فروغ کیلئے بڑے اقدامات کا اعلان کر دیا۔ وزیر اعظم شہباز شریف کی زیر صدارت اسلام آباد میں قیمتی پتھروں اور معدنیات کے فروغ کے حوالے سے اجلاس منعقد ہوا۔ وزیر اعظم نے کہا کہ پاکستان میں جیم اسٹونز کے ذخائر کی استعداد بڑھانے کی ضرورت ہے۔ تاکہ ان قیمتی پتھروں کی برآمدات سے قیمتی زرمبادلہ حاصل کیا جا سکے۔ شہباز شریف نے اسلام آباد، گلگت بلتستان اور آزاد جموں و کشمیر میں مجوزہ جیم اسٹون سینٹرز کی تعمیر کے لیے بین الاقوامی ماہرین کی خدمات حاصل کرنے کی ہدایت کی۔ انہوں نے اسلام آباد جیم اسٹون سینٹر کو اگست 2027 تک مکمل کرنے اور اس میں جدید ٹیکنالوجی، ویلیو ایڈیشن سروسز، سرٹیفیکیشن، انکیوبیشن سینٹر اور ٹریڈ سینٹر کی سہولیات فراہم کرنے کی ہدایات دیں۔ وزیر اعظم نے ہدایت کی کہ تمام صوبوں، گلگت بلتستان اور آزاد جموں و کشمیر کی حکومتیں جیم اسٹون انڈسٹری کے فروغ کے لیے مل کر کام کریں۔ یہ بھی پڑھیں: لیپ ٹاپ اسکیم 2026 کا آغاز، حکومتی اسکیم سے حاصل کرنے کا طریقہ اجلاس میں جیم اسٹون انڈسٹری کے فروغ، نئی منظور شدہ پالیسی پر عملدرآمد اور اسٹیک ہولڈرز کے اعتماد کے حوالے سے بریفنگ دی گئی۔
وفاقی حکومت کا سندھ میں
اسلام آباد: وفاقی حکومت نے سندھ میں تعلیمی اور معاشی ترقی کو فروغ دینے کے لیے بڑے منصوبوں کا اعلان کر دیا۔ ترجمان وفاقی حکومت کے مطابق کراچی کے ضلع ملیر میں ایک نیا اکنامک زون قائم کیا جائے گا۔ جو صوبے میں صنعتی ترقی اور روزگار کے نئے مواقع پیدا کرنے میں اہم کردار ادا کرے گا۔ انہوں نےکہا کہ ٹنڈو محمد خان اور گڈاپ ملیر میں دو جدید دانش اسکول بھی قائم کیے جائیں گے۔ جن کا مقصد سندھ کے نوجوانوں کو معیاری تعلیم فراہم کر کے انہیں بااختیار بنانا ہے۔ وزیر اعظم شہباز شریف سندھ کے نوجوانوں کو تعلیم اور ہنر کے زیور سے آراستہ کر کے معاشی خود کفالت کی راہ پر گامزن کرنا چاہتے ہیں۔ ترجمان نے کہا کہ ملیر اکنامک زون کے قیام سے نہ صرف سندھ میں صنعتی سرگرمیوں کو فروغ ملے گا۔ بلکہ ہزاروں افراد کے لیے روزگار کے مواقع بھی پیدا ہوں گے۔ ان منصوبوں کو سندھ کی مجموعی ترقی کے لیے ایک اہم سنگ میل قرار دیا جا رہا ہے۔ انہوں نے مزید کہا کہ وزیر اعظم شہباز شریف سندھ کے تمام علاقوں میں بلاتفریق ترقیاتی کاموں کا جال بچھانا چاہتے ہیں۔ اور وفاقی حکومت صوبے کے عوام کو ریلیف اور خوشحالی فراہم کرنے کے لیے پرعزم ہے۔ یہ بھی پڑھیں: دو، تین دن میں تیراہ آپریشن نہ روکا گیا تو نئی حکمت عملی بنائیں گے ، سہیل آفریدی ترجمان کے مطابق تعلیم اور صنعتی منصوبے سندھ کی پائیدار ترقی اور معاشی استحکام میں کلیدی کردار ادا کریں گے۔ سندھ کے عوام کو ریلیف دینا اور نوجوانوں کو بااختیار بنانا وزیر اعظم کی اولین ترجیح ہے۔ اور اس مقصد کے لیے عملی اقدامات جاری ہیں۔
پنجاب حکومت نے بڑا
ملکہ کوہسار مری میں برفباری کے بعد185 کلو میٹر چھوٹی بڑی تمام سڑکیں صاف کر دی گئیں،مری کے بیشتر حصوں میں ٹریفک کی آمدورفت بحال ہو گئی۔ مری میں متواتر 30گھنٹے برفباری سے سڑکوں پر 2،2فٹ برف جم گئی تھی ،وزیراعلی ٰ پنجاب کی ہدایت پر قائم کردہ سنو کلیئرنس سیل دن رات متحرک ہے،برف توڑنے اور ہٹانے کے لئے مکینیکل سنو سویپر سڑکوں پر لگا دئیے گئے ہیں ۔ ترجمان پنجاب حکومت کے مطابق ہیوی ڈیوٹی بلڈوزر کے ذریعے سڑکوں پر جمی برف کی تہہ کو ہٹا کر راستے کلیئر کئے گئے ،برف باری پر پھسلن سے بچاؤ کے لئے مری کی سڑکوں پر مسلسل نمک پاشی جاری ہے۔ مری میں 31 گھنٹے کے برفانی طوفان کے بعد نظام زندگی مکمل بحال ہے، ڈی پی او وزیراعلیٰ مریم نواز کی ہدایت پر صوبائی وزیر ملک صہیب احمد ،ڈی سی مری اور پوری ٹیم سرگرم ہے،ابوظہبی روڈ، پنڈی پوائنٹ،کشمیر پوائنٹ اور دیگر سیاحتی مقامات بھی برف ہٹانے کے بعد کھول دئیے گئے۔ راولپنڈی ،مری ،کشمیر روڈ اور دیگر کئی طویل راستے مکمل کلیئر ہیں ،ٹریفک بحال کر دی گئی،لوئر ٹوپا تا پتریا ٹہ تک 15کلو میٹر سڑک کھول دی گئی ،کوہالہ بریج تا چھینکاگلی اپر دیوار تک ٹریفک بحال ہے۔ کلڈانہ تاباڑیاں، بانتھرا تا لارنس کالج، ڈی چوک، سی ایم ایچ چوک تا چھینکاگلی کی ٹریفک بھی بحال ہے،مال روڈ، ہال روڈ، بینک روڈ، امتیاز شہیدروڈ، مثیاری لنک روڈ، کارٹ روڈ بھی کلیئر کر دیئے گئے۔ مریم نواز کا مری میں آمد و رفت کی مشکلات پر فوری نوٹس مین جناح روڈ، موچی منڈی روڈ، گھوڑا گلی روڈ،موہڑ شریف روڈ، خالد روڈ، سنی بینک پر بھی ٹریفک بحال ہے،ہل ڈوھلوں روڈ،خانی تک روڈ گہیل ڈھانڈا روڈ، سراسی روڈ،کشمیری بازار سے برف ہٹا دی گئی۔کوٹلہ ستیاں اور مضافاتی علاقے بھی کلیئرہیں، برف ہٹا کر سڑکیں صاف کر دی گئیں۔
حکومت نے دیوالیہ ہوتے
وفاقی وزیرمنصوبہ بندی احسن اقبال کا کہنا ہے کہ حکومت نے دیوالیہ ہوتے ملک کو ترقی کی راہ پر گامزن کر دیا ہے،پی ٹی آئی حکومت خزانہ خالی چھوڑ کر گئی تھی۔ تقریب سے خطاب کرتے ہوئے انہوں نے کہا کہ 2سال میں ملکی معیشت مستحکم ہو چکی ہے،ملکی معیشت درست سمت پر گامزن ہے۔ نوجوان، جدید ٹیکنالوجی اور مصنوعی ذہانت ملکی ترقی کی کنجی ہیں، احسن اقبال معرکہ حق میں عظیم کامیابی کی تاریخ میں مثال نہیں ملتی ،معرکہ حق میں مسلح افواج نے بھارتی جارحیت کا منہ توڑ جواب دیا۔ فیلڈ مارشل کی قیادت میں بھارت کو ایسا جواب دیا گیا جو اس کی نسلیں یاد رکھیں گی،وزیراعظم اور فیلڈ مارشل کی بہترین پالیسیوں کی بدولت نمایاں کامیابیاں ملیں۔ پی ٹی آئی کو فیصلہ کرنا ہو گا کہ وہ ریاست کیساتھ ہے یا متنازعہ قیادت کے، احسن اقبال معرکہ حق کی طرح اڑان پاکستان پروگرام میں بھی کامیابیاں حاصل ہوئیں ،زراعت میں جدت کیلئے چین کے تعاون سے نوجوانوں کو تربیت دی جا رہی ہے
15 سال کے بچے نے پی ایج ڈی
بیلجیئم کے 15 سالہ طالبعلم لورینٹ سائمنز نے کوانٹم فزکس میں پی ایچ ڈی مکمل کر کے دنیا کو حیران کر دیا۔ فلمنش ٹیلی وژن نیٹ ورک وی ٹی ایم کے مطابق لورینٹ نے اس ہفتے یونیورسٹی آف اینٹورپ میں اپنے تحقیقی مقالے کا کامیابی سے دفاع کیا۔ لورینٹ سائمنز کو ’’بیلجیئم کا ننھا آئن اسٹائن‘‘ کہا جاتا ہے اور وہ ممکنہ طور پر کوانٹم فزکس میں پی ایچ ڈی حاصل کرنے والے دنیا کے کم عمر ترین افراد میں شامل ہو گئے ہیں، تاہم اس حوالے سے کوئی باضابطہ عالمی رینکنگ سسٹم موجود نہیں۔ لورینٹ نے صرف چار سال کی عمر میں پرائمری اسکول شروع کیا اور چھ سال کی عمر میں ابتدائی تعلیم مکمل کر لی۔ بارہ سال کی عمر تک وہ کوانٹم فزکس میں ماسٹرز کی ڈگری حاصل کر چکے تھے، جس میں انہوں نے بوسونز اور بلیک ہولز جیسے پیچیدہ موضوعات پر تحقیق کی۔ رپورٹس کے مطابق لورینٹ کو فوٹوگرافک میموری حاصل ہے اور ان کا آئی کیو 145 ہے، جو دنیا کی محض 0.1 فیصد آبادی میں پایا جاتا ہے۔ وزیراعظم کو ملائیشیا میں پی ایچ ڈی لیڈر شپ اینڈ گورننس کی اعزازی ڈگری سے نواز دیا گیا گیارہ سال کی عمر میں اپنے دادا دادی کے انتقال کے بعد لورینٹ نے پی ایچ ڈی سے بھی آگے کا ہدف مقرر کیا، وہ انسان کی عمر بڑھانے اور ممکنہ طور پر لافانیت (Immortality) سے متعلق تحقیق کرنا چاہتے ہیں۔ لورینٹ کا کہنا ہے کہ یہ مقصد ان کے ذاتی فائدے کے لیے نہیں بلکہ انسانیت کی خدمت کے لیے ہے۔ انہوں نے مستقبل میں میڈیکل سائنس کے شعبے میں تعلیم حاصل کرنے کی خواہش ظاہر کی ہے تاکہ انسانی زندگی کو طویل اور بہتر بنانے میں کردار ادا کر سکیں۔ واضح رہے کہ اگرچہ لورینٹ کی کامیابی غیر معمولی ہے، تاہم گنیز ورلڈ ریکارڈ کے مطابق دنیا کے کم عمر ترین پی ایچ ڈی ہولڈر کا اعزاز جرمن نابغہ کارل وِٹے کے پاس ہے، جنہوں نے 1814 میں صرف 13 سال کی عمر میں پی ایچ ڈی حاصل کی تھی۔
گوگل فوٹوز پر صارفین کے لیے
گوگل کی مشہور فوٹو اسٹوریج سروس گوگل فوٹوز ایپ میں ایک نیا جنریٹو اے آئی فیچر متعارف کرایا گیا ہے، جسے “می میمی” کہا جاتا ہے۔ تفصیلات کے مطابق اس فیچر کے ذریعے صارفین اپنی ذاتی تصاویر لے کر انہیں مزاحیہ میمز کی شکل دے سکیں گے، جس سے گوگل فوٹوز ایپ میں تخلیقی اور دلچسپ تجربہ ممکن ہو جاتا ہے۔ موبائل خریدار خبردار: پی ٹی اے نے جعلی ٹیکس ریلیف نوٹیفکیشن کی نشاندہی کر دی میم بنانے کا طریقہ کار: صارف پہلے ایک میم اسٹائل ٹیمپلیٹ منتخب کرے گا یا اپنی پسند کا ٹیمپلیٹ اپلوڈ کرے گا، پھر اپنی تصویر شامل کرے گا، اور گوگل کی اے آئی اس کا استعمال کرتے ہوئے مزاحیہ تصویر تیار کرے گا۔ گوگل کے مطابق یہ فیچر تجرباتی ہے، یعنی بعض اوقات نتیجہ بالکل اصلی تصویر جیسا نہیں ہو سکتا۔ بہتر نتائج کے لیے صاف، روشن اور سامنے والی تصویر استعمال کرنا ضروری ہے۔ وہ عام غلطیاں جو ویزا مسترد ہونے کی وجہ بنتی ہیں؟ یہ فیچر فی الحال امریکہ میں اینڈرائیڈ اور آئی او ایس صارفین کے لیے دستیاب ہے اور گوگل فوٹوز میں کریئیٹ ٹیب کے اندر دکھائی دے گا۔ میم تیار ہونے کے بعد اسے محفوظ، شیئر یا دوبارہ تخلیق بھی کیا جا سکتا ہے۔ گوگل کے مطابق یہ فیچر صارفین کو صرف یادیں ذخیرہ کرنے تک محدود رکھنے کی بجائے تصویروں کے ساتھ کھیلنے اور مزاح پیدا کرنے کا بھی موقع فراہم کرتا ہے
ایک اور تاریخی سنگ میل عبور
پاکستان اسٹاک ایکسچینج میں ایک اور تاریخی سنگ میل عبور، انڈیکس پہلی بار ایک لاکھ 91 ہزار کی حد عبور کر گیا۔ بازار حصص میں کاروباری ہفتے کا آغاز 1865 پوائنٹس کی شاندار تیزی کے ساتھ ہوا، جس کے نتیجے میں 100 انڈیکس بڑھ کر ایک لاکھ 91 ہزار کی نئی بلند ترین سطح عبور کر گیا۔ نئی تاریخ رقم، عالمی مارکیٹ میں سونے کی قیمت نے تمام ریکارڈ توڑ دیے ایکسچینج کمپنیزایسوسی ایشن کے مطابق انٹر بینک میں ڈالر ایک پیسے سستا ہو گیا ہے، انٹر بینک میں ڈالر 279 روپے 85 پیسے میں ٹریڈ ہو رہا ہے۔
کرایہ داری کا اصول طے
سپریم کورٹ نے سندھ ہائیکورٹ کا بے دخلی کا فیصلہ درست قرار دے دیا۔ سپریم کورٹ نے اپنے فیصلے میں کہا کہ مالک کے انتقال کے بعد قانونی وارث ازخود مالک بن جاتے ہیں، قانونی وارث کا مالک بن جانے کے بعد نیا کرایہ نامہ ضروری نہیں، متوفی کے نام پر کرایہ جمع کرانا قانونی ادائیگی نہیں۔ عدالت نے فیصلے میں کہا کہ مالک کے انتقال کے بعد بیٹے نے کرایہ اور بقایاجات ادا کرنے کا مطالبہ کیا، کرایہ داروں نے مالک کے جنازے میں شرکت کا اعتراف کیا، مگر کرایہ ادا نہیں کیا، کرایہ قانونی وارثوں کو دینے کے بجائے متوفی مالک کے نام پر عدالت میں جمع کرایا جاتا رہا۔ عدالت نے کہا کہ قانونی وارث نے کرایہ ادا نہ کرنے پر کرایہ داروں کے خلاف بے دخلی کی درخواست دائر کی، کرایہ داروں کا مؤقف تھا کہ عدالت میں کرایہ جمع کرانے سے وہ بے دخلی سے محفوظ ہیں۔ سپریم کورٹ نے فیصلے میں کہا کہ نوٹس ملنے کے بعد متوفی کے نام پر کرایہ جمع کرانا قانوناً ادائیگی تصور نہیں ہوتا، قانونی وارث کو کرایہ نہ دینا اور متوفی کے نام پر جمع کرانا جان بوجھ کر ڈیفالٹ ہے، جان بوجھ کر ڈیفالٹ کرنے والے کرایہ دار بے دخلی کے ذمہ دار ہیں۔ خاتون کی رضامندی کے بغیر طلاق کو خلع میں تبدیل نہیں کیا جا سکتا، سپریم کورٹ سندھ ہائیکورٹ نے کرایہ داروں کو دکانیں خالی کرکے 60 دن میں مالک کے حوالے کرنے کا حکم دیا تھا۔ چیف جسٹس یحییٰ آفریدی اور جسٹس شکیل احمد پر مشتمل 2 رکنی بینچ نے کیس سنا اور جسٹس شکیل احمد نے چار صفحات پر مشتمل تحریری فیصلہ جاری کیا۔
وزیر داخلہ نے جدید ترین
اسلام آباد، وزیر داخلہ محسن نقوی نے جدید ترین مانیٹرنگ نظام شکرا کا افتتاح کر دیا۔ وزیر داخلہ محسن نقوی نے ڈائریکٹوریٹ جنرل امیگریشن اینڈ پاسپورٹس کا دورہ کیا، اس موقع پر انہوں نے اس جدید ترین مانیٹرنگ نظام کا افتتاح کیا۔ ڈائریکٹوریٹ جنرل آف امیگریشن اینڈ پاسپورٹس میں 24/7 مانیٹرنگ روم اور کال سینٹر فعال ہو گیا ہے، وزیر داخلہ محسن نقوی کی ہدایت پر ایمرجنسی ٹریول ڈاکومنٹ کے نظام کو بھی ڈیجیٹل کر دیا گیا ہے۔ وزیرداخلہ محسن نقوی کو سیکوئر ہائبریڈ انٹیلی جنس فار نالج بینڈ ریسپونس انالیٹکس سسٹم پر بریفنگ دی گئی، وزیر داخلہ نے ڈی جی امیگریشن اینڈ پاسپورٹس اور ان کی ٹیم کی کارکردگی کو سراہا۔ نئے نظام سے پاسپورٹ درخواستوں اور ڈیلیوری کی رئیل ٹائم مانیٹرنگ ممکن ہو گی، وزیر داخلہ نے کہا کہ پاسپورٹ کے اپلائی ہونے سے ڈیلیوری تک ہر مرحلے پر نگرانی کی جا سکے گی۔ انہوں نے کہا کہ ہمارا مقصد شہریوں کو عالمی معیار کی تیز رفتار اور محفوظ خدمات کی فراہمی یقینی بنانا ہے، مانیٹرنگ کے جدید نظام سے محکمہ پاسپورٹس کی کارکردگی میں مزید بہتری آئے گی۔ کرایہ داری کا اصول طے، سپریم کورٹ نے سندھ ہائیکورٹ کا بے دخلی کا فیصلہ درست قرار دے دیا وزیر داخلہ محسن نقوی نے کہا کہ پاکستانی پاسپورٹ کے سیکیورٹی فیچرز کو آئی سی اے او اسٹینڈرڈز کے مطابق بنایا گیا، جدید آٹومیٹک جرمن مشینوں سے محکمے کی استعدادکار میں اضافہ ہوا ہے۔ ان کا کہنا تھا کہ آٹو میٹک مشینوں سے پاسپورٹ پرنٹنگ پراسیس سے انسانی مداخلت کو مکمل ختم کر دیا گیا ہے، بریفنگ میں وزیر داخلہ کو بتایا گیا کہ نئے مانیٹرنگ سسٹم کے تحت پاسپورٹ دفاتر میں رش کی بھی خودکار نشاندہی کی جا سکے گی۔
ذمہ داران کوکٹہرے میں
میئرکراچی مرتضیٰ وہاب کا کہنا ہے کہ سانحہ گل پلازہ کے متاثرین کو تنہا نہیں چھوڑیں گے۔ مرتضیٰ وہاب نے گل پلازہ متاثرین کےگھروں کا دورہ کیا اور لواحقین سے ملاقات میں تعزیت اور ہمدردی کا اظہار کیا۔ مرتضیٰ وہاب نے کہا کہ متاثرین کو تنہا نہیں چھوڑیں گے، حکومت تمام وسائل شہریوں پر صرف کرے گی۔ انہوں نے مزید کہا کہ بدقسمتی سے شہریوں کےدکھ پرسیاست کی جاتی ہے، گل پلازہ سانحے کے ذمہ داران کوکٹہرے میں کھڑا کیا جائے گا۔ واضح رہے کہ کراچی میں گزشتہ ہفتے 17 جنوری کی رات مشہور ترین گل پلازہ میں آگ لگ گئی تھی، جس نے پوری عمارت کو تباہ کردیا۔ پولیس سرجن ڈاکٹر سُمعیہ طارق کے مطابق اب تک 71 لاشیں اور انسانی باقیات اسپتال لائی جاچکی ہیں، 22 جاں بحق افراد کی شناخت کا عمل مکمل ہوچکا ہے، 6 لاشیں قابلِ شناخت تھیں جب کہ 15 لاشوں کی شناخت ڈی این اے ٹیسٹ سے ممکن ہوئی۔
بہاولپور: فصل میں گھسنے
بہاولپور میں انتہائی افسوسناک واقعہ پیش آیا ہے۔ تھانا نوشہرہ جدید کی حدود میں زمیندار نے کلہاڑی کے وار سے بھینس کی ٹانگیں کاٹ دیں۔ پولیس کے مطابق زمیندار کی بھینس فصل میں گھس گئی تھی۔ تاہم پولیس نے مقدمہ درج کرلیا ہے اور ملزمان کو گرفتار بھی کرلیا ہے، پولیس کے مطابق واقعے کی تحقیقات کے بعد ملزمان کے خلاف کارروائی کی جائے گی۔
پاکستان علما کونسل
اسلام آباد: پاکستان علما کونسل نے افغان حکومت کے نئے فوجداری ضابطے پر تشویش کا اظہار کیا ہے۔ پاکستان علما کونسل نے افغان حکومت کے احکامات پر اظہار تشویش کرتے ہوئے کہا کہ شریعت اسلامیہ کےنام پرمعاشرےکوغلام اور آزاد میں تقسیم کرنا قابل تشویش ہے، افغان حکومت کےاحکامات قرآن و سنت کےاحکامات کےمطابق نہیں ہیں اور ہندواتہ تعلیمات کے مشابہ ہے۔ پاکستان علماکونسل نے کہا کہ افغان طالبان حکومت اپنے آپ کوشرعی اسلامی حکومت قراردیتی ہے، اسے ان امورپراپناموقف فوری طورپر دنیا کے سامنےلانا چاہیے، عہد جاہلیت کےقوانین اور رسومات کو دوبارہ اسلام کےنام پر نافذ نہیں کرناچاہیے۔ پاکستان علماکونسل کے جاری اعلامیہ میں کہا گیا کہ جو انداز اختیارکیاگیاہےاس سےانسانیت کی توہین اورتذلیل سامنے آتی ہے، اس طرح کےاحکامات کوشرعی نہیں، جدیدجاہلیت کا دور ہی کہا جاسکتا ہے۔
کوئٹہ میں خون جماتی
بلوچستان میں خون جماتی سردی نے شہریوں کا نظامِ زندگی مفلوج کردیا۔ کوئٹہ میں آج کم سےکم درجہ حرارت منفی 5 اور قلات میں منفی 8 ڈگری سینٹی گریڈ ریکارڈ کیا گیا۔ اس کے علاوہ سبی میں کم سےکم درجہ حرارت 5،گوادرمیں 6 اورتربت میں 9 ڈگری سینٹی گریڈ ریکارڈ کیا گیا ہے۔ ادھر کوئٹہ،قلات اور زیارت میں سڑکوں پرکھڑاپانی جم گیا،گھروں کی ٹینکیوں اورلائنوں میں بھی پانی جم گیا۔ سخت سردی میں زیارت،قلات میں گیس پریشر میں کمی کامسئلہ برقرار ہے اور صارفین کو مشکلات کا سامنا کرنا پڑ رہا ہے۔ دوسری جانب کراچی میں کم سے کم درجہ حرارت 8.5 ڈگری سینٹی گریڈ ریکارڈ کیا گیا ہے۔ محکمہ موسمیات کے مطابق زیادہ سے زیادہ درجہ حرارت 22 ڈگری سینٹی گریڈ تک رہنےکا امکان ہے، ہوا میں نمی کا تناسب 48 فیصد ریکارڈ کیا گیا۔
اسلام آباد کی 50 فیصد
وفاقی دارالحکومت اسلام آباد کی 50 فیصد سے زائد عمارتوں میں فائرسیفٹی آلات مکمل نا ہونے کا انکشاف ہوا ہے۔ ذرائع کے مطابق کیپیٹل ڈیویلپمنٹ اتھارٹی نے اسلام آباد میں ہائی رائزبلڈنگز کاابتدائی سروے کیا جس میں 15میٹر سے اونچی عمارتوں کو ہائی رائزعمارتوں میں شمار کیا گیا جبکہ سروے میں یہ بات سامنے آئی کہ اسلام آباد میں 500سے زائد ہائی رائز عمارتیں موجود ہیں۔ ذرائع کا بتانا ہے کہ اسلام آباد کی 50 فیصد سےزائد عمارتوں میں فائرسیفٹی آلات مکمل نہیں پائے گئے، سرکاری اور نجی عمارتوں میں بلڈنگ سیفٹی قوانین کی خلاف ورزی پائی گئی جبکہ ہائی رائزبلڈنگز میں فائرالارم، فائرایکسٹنگرئشر، فائر ہوزریل جیسے بنیادی آلات میں غفلت سامنے آئی۔ ذرائع کا کہنا ہے کہ ریڈزون کی متعدد ہائی رائز عمارتوں میں بھی فائرسیفٹی کے آلات مکمل نہیں، فیڈرل سیکرٹریٹ کےمتعدد بلاکس میں فائرالارم اور آگ بجھانےکے دیگر آلات موجود نہیں جبکہ کراچی کمپنی میں واقع ہائی رائز عمارتوں میں فائر سیفٹی نہ ہونے کے برابر ہے۔ ذرائع کے مطابق ایف 11،ایف 10، جی 13، جی14،گولڑہ موڑ میں بھی عمارتوں میں فائرسیفٹی انتظامات غیرموثر ہے جبکہ صرف بلیوایریا کی چند ہائی رائز عمارتوں میں فائر سیفٹی تسلی بخش قرار دیا گیا ہے۔ واضح رہے سی ڈی اےکاشعبہ بلڈنگ کنٹرول سیکشن ہائی رائزعمارتوں میں فائرسیفٹی چیک کا کرنے کا ذمہ دار ہے۔
گیزہ کے عظیم ہرم کی
مصر کے اہرام مصر صدیوں سے لوگوں کی توجہ کا مرکز بنے ہوئے ہیں اور ان کے متعدد راز اب بھی سامنے نہیں آسکے ہیں۔ ان میں گیزہ کا عظیم ہرم یا ہرم خوفو سب سے نمایاں ہے جس کی تعمیر کو ساڑھے 4 ہزار سال سے زیادہ عرصہ ہو چکا ہے مگر اس سے جڑے اسرار سامنے آنے کا سلسلہ اب بھی جاری ہے۔ عرصےسے سائنسدانوں کے لیے یہ سوال معمہ بنا ہوا ہے کہ ہزاروں سال قبل کس طرح قدیم مصر میں بہت زیادہ بھاری پتھروں کے ساتھ اتنے بڑے اہرام کیسے تعمیر کیے گئے مگر اب اس کا ممکنہ جواب سامنے آگیا ہے۔ گیزہ کے عظیم ہرم کی تعمیر کے حوالے سے کسی بھی قدیم تحریر میں یہ وضاحت نہیں کی گئی کہ اتنے بڑے اور بھاری پتھر کیسے اٹھا کر برق رفتاری سے نصب کیے گئے اور 2 دہائیوں میں اس کی تعمیر مکمل کرلی گئی۔ ایک عام نظریہ تو یہ ہے کہ اس کے لیے ریمپس پر انحصار کرکے ایک کے بعد ایک تہہ کو تعمیر کیا گیا مگر وہ یہ وضاحت کرنے سے قاصر ہیں کہ کیسے 60 ٹن وزنی پتھروں کو سیکڑوں فٹ بلندی تک کیسے پہنچایا گیا۔ اب ایک تحقیق میں بتایا گیا کہ یہ ہرم پلی جیسے میکنزم کو استعمال کرکے تعمیر کیا گیا جو کہ اسٹرکچر کے اندر چھپا ہوا تھا۔ جرنل نیچر میں شائع تحقیق میں بتایا گیا کہ مزدوروں نے ان بھاری پتھروں کو حیران کن رفتار سے اٹھا کر ان تک پہنچایا، کئی بار تو ایک منٹ میں ایک بلاک نصب کیا گیا۔ تحقیق کے مطابق ایسا روایتی طریقہ کار سے ممکن نہیں تھا جس میں رسیوں سے پتھروں کو اوپر کھینچا جاتا۔ تحقیق میں بتایا گیا کہ ہرم کے اندر کی خصوصیات اس خیال کو تقویت پہنچاتی ہیں کہ کاؤنٹر ویٹ طریقہ کار کے تحت پتھروں کو کھینچا گیا کیونکہ وہاں ڈھلوانیں ایسی ہیں جن سے چیزوں کو کھینچنا آسان ہو جاتا ہے۔ اگر یہ خیال درست ثابت ہوا تو اس سے عندیہ ملتا ہے کہ ہرم کو باہر کی بجائے اندر سے تعمیر کیا گیا اور خفیہ پلی سسٹمز کے ذریعے پتھروں کو اوپر کرکے ہرم کو بلند کیا گیا۔ اس سے قبل مئی 2024 میں ایک تحقیق میں ماہرین نے صحرا کے نیچے دبی دریائے نیل کی ایسی شاخ دریافت کی تھی جو ہزاروں سال قبل 30 سے زائد اہرام کے گرد بہتی تھی۔ اس دریافت سے یہ معمہ حل ہوتا ہے کہ کس طرح قدیم مصریوں نے اہرام تعمیر کرنے کے لیے بہت وزنی پتھر وہاں تک پہنچائے۔ 40 میل لمبی دریا کی یہ شاخ نامعلوم عرصے قبل گیزہ کے عظیم ہرم اور دیگر اہرام کے گرد بہتی تھی اور ہزاروں سال قبل صحرا اور زرعی زمین کے نیچے چھپ گئی۔ تحقیق میں بتایا گیا کہ دریا کی موجودگی سے وضاحت ہوتی ہے کہ کیسے 4700 سے 3700 برسوں قبل 31 اہرام اس وادی میں تعمیر ہوئے جو اب ویران صحرائی پٹی میں بدل چکی ہے۔ یہ وادی مصر کے قدیم دارالحکومت ممفس کے قریب موجود ہے اور یہاں گیزہ کا عظیم ہرم بھی موجود ہے جو دنیا کے قدیم 7 عجائب میں شامل واحد ایسا عجوبہ ہے جو اب بھی موجود ہے۔ جرنل نیچر کمیونیکیشنز میں شائع ایک تحقیق میں دریا کی اس شاخ کو دریافت کیا گیا۔ تحقیقی ٹیم نے ریڈار سیٹلائیٹ ٹیکنالوجی کو استعمال کرکے دریا کی اس خفیہ شاخ کو دریافت کیا۔ اس مقام کے سرویز اور نمونوں کی جانچ پڑتال سے دریا کی موجودگی کی تصدیق ہوگئی۔ محققین کے مطابق کسی زمانے میں یہ دریا بہت طاقتور ہوگا مگر ممکنہ طور پر 4200 سال قبل قحط سالی کے باعث وہ ریت میں چھپنا شروع ہوگیا۔ گیزہ کا عظیم ہرم اس چھپے ہوئے دریا کے کنارے سے محض ایک کلومیٹر کی دوری پر موجود ہے۔اس ہرم کی تعمیر کے لیے 23 لاکھ بلاکس استعمال ہوئے تھے اور ہر بلاک کا وزن ڈھائی سے 15 ٹن کے درمیان تھا۔ محققین کا کہنا تھا کہ دریا سے یہ عندیہ بھی ملتا ہے کہ اہرام مختلف مقامات پر کیوں تعمیر کیے گئے۔ انہوں نے بتایا کہ دریا کا راستہ اور بہاؤ وقت کے ساتھ بدلتا رہا اور اسی وجہ سے مصری شہنشاؤں نے مختلف مقامات پر اہرام تعمیر کیے۔
بین الاقوامی جریدے کی
بین الاقوامی جریدے دی ڈپلومیٹ نے واشنگٹن میں پاکستان کی کامیاب سفارتی کاری کی تعریف کی ہے۔ بین الاقوامی جریدے میں شائع رپورٹ میں کہا گیا کہ بھارت اب 50 فیصد امریکی ٹیرف اور صدارتی دورے سے محرومی کا شکار ہے،پاک بھارت تنازع پرامریکی ثالثی کےدعوے کوبھارت کے مسترد کرنےکے بعد تعلقات منجمد کیفیت میں داخل ہوگئے۔ جریدے کے مطابق اسی بحران کو پاکستان نے سفارتی موقع میں بدلا، پاکستان نے صدر ٹرمپ کے ثالثی کردار کو بھرپور انداز میں سراہا۔ دی ڈپلومیٹ نے کہا کہ پاک بھارت جنگ کےبعد صدرٹرمپ نےپاکستانی آرمی چیف کو وائٹ ہاؤس مدعو کیا، ستمبر2025 میں وزیراعظم شہبازشریف،فیلڈمارشل عاصم منیر نےوائٹ ہاؤس کا دورہ کیا۔ جریدے میں کہا گیا ٹرمپ اورفیلڈ مارشل کےدرمیان گفتگو سکیورٹی سے بڑھ کر تجارت،سرمایہ کاری تک پھیل گئی،پاک امریکا انسداد دہشت گردی تعاون دوبارہ بحال ہو گیا اور پاک امریکا تعلقات کے پرانے ستون کو نئی زندگی ملی۔ دی ڈپلومیٹ کے مطابق جولائی2025میں پاکستان اورامریکا کےدرمیان ٹیرف میں کمی کا تجارتی معاہدہ طے پایا، صدر ٹرمپ نے اعلان کیا کہ امریکا اور پاکستان مل کر بڑے تیل ذخائر کو ترقی دیں گے،دسمبر2025میں پاکستان نے ایف16طیاروں کے اپ گریڈ کےلیے امریکی منظوری حاصل کی۔ جریدے کے مطابق جنوری 2026 میں پاکستان نے چین کے ساتھ سفارتی تعلقات کی تجدید پر بھی زور دیا، امریکانے بی ایل اےاور مجید بریگیڈ کو دہشتگرد تنظیموں کی فہرست میں شامل کیا، اس کے علاوہ بھارت کےساتھ تجارتی معاہدہ نہ ہونے پرامریکا نے بھارت پر 50 فیصد ٹیرف عائد کردیا۔
اقوام متحدہ میں ایران میں
اقوام متحدہ میں ایران میں مظاہرین کے خلاف تشدد کی تحقیقات کی قرارداد منظور کر لی گئی۔ قرارداد کے حق میں 25 ووٹ پڑے، پاکستان، چین، مصر، کیوبا سمیت 7 ممالک نے مخالفت میں ووٹ دیا، انسانی حقوق کونسل میں 14 ممالک نے ووٹنگ میں حصہ نہیں لیا۔ انسانی حقوق کونسل نے ایران میں انسانی حقوق کی خلاف ورزیوں کی آزاد تحقیقات میں توسیع کا فیصلہ کیا، قرارداد میں ایران میں پرتشدد کریک ڈاؤن پر فوری عالمی تحقیقات کا مطالبہ کیا گیا۔ جنیوا میں انسانی حقوق کونسل میں ایران کی حمایت پر ایرانی سفیر رضا امیری مقدم نے پاکستان کا شکریہ ادا کیا۔ جاپان کی وزیراعظم نے پارلیمنٹ تحلیل کر دی، قبل ازوقت انتخابات کا اعلان رضا امیری مقدم نے کہا کہ تاریخی اور غیر متزلزل مؤقف پر دلی شکریہ ادا کرتا ہوں، ان کا کہنا تھا کہ یہ ایران کے خلاف بلاجواز اقدامات کی مسلسل تیسری ناکامی ہے
صدر ٹرمپ کے ریمارکس
امریکی صدرکی جانب سے نیٹو افواج کے کردار پر یورپی ممالک اور برطانیہ کا ردعمل آ گیا۔ برطانوی وزیراعظم سرکیئر اسٹارمر نے کہا ہے کہ ٹرمپ کو اگر احساس ہوا کہ اُنہوں نے غلط بات کی تو وہ معافی مانگیں گے، انہوں نے کہا کہ اپنی افواج کی ہمت و بہادری اور اپنے ملک کیلئے قربانیوں کو نہیں بھولوں گا۔ برطانوی وزیر اعظم نے کہا کہ بہت سے ایسے فوجی زخمی ہوئے اور زخموں نے اُن کی زندگی بدل کر رکھ دی، صدر ٹرمپ کے ریمارکس کو توہین آمیز اور واضح طور پر خوفناک سمجھتا ہوں۔ برطانوی وزیر اعظم سرکیئر اسٹارمر نے کہا کہ مجھے کوئی تعجب نہیں کہ ٹرمپ کے الفاظ نے درحقیقت تکلیف پہنچائی ہے۔ پولینڈ کے وزیر خارجہ نے اپنے ردعمل میں کہا کہ کسی کو بھی ہمارے فوجیوں کی خدمات کا مذاق اُڑانے کا حق نہیں ہے، افغانستان میں 33 ہزار پولینڈ کے فوجی فرنٹ لائن پر تھے۔ کینیڈین وزیر دفاع ڈیوڈ جے نے کہا کہ کینیڈین فوجی پہلے دن سے ہی محاذ جنگ پر تھے، کینیڈین فوج کے 158 اہلکار قندھار میں ہلاک ہوئے تھے۔ سویڈن نے افغان مہاجرین کو ملک چھوڑنے کا الٹی میٹم جاری کر دیا دوسری جانب امریکی صدر ڈونلڈ ٹرمپ کی انتظامیہ نے نیٹو سے متعلق بیان پر برطانیہ کی جانب سے امریکا پر کی جانے والی تنقید کو مسترد کر دیا ہے۔ وائٹ ہاؤس سے جاری کئے گئے بیان میں کہا گیا کہ صدر ٹرمپ درست کہتے ہیں نیٹو کے لئے امریکا نے سب سے زیادہ قربانیاں دیں، امریکا نے نیٹو کیلئے دیگر ممالک سے زیادہ کردار ادا کیا۔
غزہ امن بورڈ میں شمولیت
اسلام آباد: وفاقی وزیر احسن اقبال کا کہنا ہے کہ غزہ امن بورڈ میں شمولیت فلسطینیوں پر جاری اسرائیلی مظالم کو رکوانے کےلیے کی۔ پارلیمنٹ کے مشترکہ اجلاس میں حکومت نے غزہ امن بورڈ میں شمولیت کا دفاع کیا اور وفاقی وزیر احسن اقبال نے کہا ہمیں کوئی بزدلی اور غفلت کا طعنہ نہ دے۔ ان کا کہنا تھاکہ مسلم لیگ ملکی سلامتی پر کسی سے درس لینے کی محتاج نہیں، غزہ امن بورڈ میں شمولیت فلسطینیوں پر جاری اسرائیلی مظالم کو رکوانے کیلئے کی۔ وفاقی وزیر کا کہنا تھاکہ پاکستان امن بورڈ کا حصہ نہیں بنتا تو اپوزیشن کہتی کہ پاکستان تنہا رہ گیا ہے، پاکستان کو آج اہم کردار ملا ہے تو اس پر خوش ہونا چاہیے۔
کراچی میں کڑاکےکی سردی
کراچی میں سردی کی شدت میں اضافے کے باعث درجہ حرارت میں نمایاں کمی ریکارڈ کی گئی ہے۔ محکمہ موسمیات کے مطابق کراچی میں مجموعی طور پر کم سے کم درجہ حرارت 8.5 ڈگری سینٹی گریڈ رہا جو معمول سے 3.5 ڈگری کم ہے۔ محکمہ موسمیات نے بتایا کہ جناح ٹرمینل اور اطراف کے علاقے سب سے سرد رہے، جناح ٹرمینل پر کم سے کم درجہ حرارت 6.2 ڈگری سینٹی گریڈ تک رہا۔ محکمہ موسمیات کے مطابق بن قاسم میں درجہ حرارت 8.6 ڈگری سینٹی گریڈ ، گلستانِ جوہر میں پارہ 8.7 ڈگری سینٹی گریڈ جبکہ شارع فیصل اور ماڑی پور میں درجہ حرارت 9.5 ڈگری سینٹی گریڈ تک گرگیا۔ دوسری جانب کل سے ملک کے مغربی علاقوں میں مغربی ہواؤں کا ایک سلسلہ داخل ہونے کا امکان بھی ظاہر کیا گیا ہے، جس کے سبب پیر سے مغربی ہوائیں ملک کے بالائی علاقوں کو اپنی لپیٹ میں لے سکتی ہیں۔ محکمہ موسمیات نے اتوار اور پیر کو بلوچستان میں گرج چمک کیساتھ بارش اور برفباری کا امکان ظاہر کیا ہے ، محکمہ موسمیات کے مطابق 26 جنوری کو بالائی سندھ میں گرج چمک کے ساتھ بارش متوقع ہے۔ مرید برآں پیر منگل کو گلگت بلتستان، کشمیر اور چترال میں بھی گرج چمک کے ساتھ بارش ہوسکتی ہے۔
جو کام نیتن یاہو نہ
غزہ امن بورڈ میں شمولیت پر اپوزیشن نے پارلیمنٹ کے مشترکہ اجلاس میں احتجاج کیا۔ پارلیمنٹ کے مشترکہ اجلاس سے خطاب کرتے ہوئے سینیٹرعلامہ راجہ ناصرعباس نے کہا کہ جو کام نیتن یاہو نہ کرسکا وہ اب امن بورڈ کے نام پرشروع ہوا۔ انہوں نے کہا کہ ہم اتفاق رائے کے بغیر امن بورڈ کا حصہ بن گئے، ہمیں نہیں پتا امن بورڈ کے نکات کیا ہیں۔ اس موقع پر مولانا فضل الرحمان نے کہا ڈونلڈ ٹرمپ اسرائیل کی جارحیت کو تقویت اور حماس کو دھمکیاں دے رہا ہے،ہم ایسے فورم میں جارہے ہیں جس کا آغاز دھمکیوں سے ہورہا ہے۔ ان کا کہنا تھا کہ امن بورڈ میں شمولیت کے فیصلے پر وزیراعظم نے پارلیمنٹ اور کابینہ کو اعتماد میں نہیں لیا۔
سانحے کی آڑ میں
میئر کراچی مرتضی وہاب نے ایم کیو ایم کو جواب دیتے ہوئے کہا کہ سانحے کی آڑ میں سیاست اور صوبے کو دو لخت کرنے کی اجازت نہیں دی جائے گی۔ جیو نیوز کے پروگرام ’ نیا پاکستان ‘ میں گفتگو کرتے ہوئے مرتضیٰ وہاب نے کہا کہ پنجاب میں سڑکیں تک وفاق بناتا ہے، کراچی میں کوئی تعاون نہیں کرتا، ہم سے یہ نہ پوچھیں کہ ہماری یلو اورریڈ لائن اب تک کیوں مکمل نہیں ہوئی، وفاق سے پوچھیں کہ اس کا کراچی میں گرین لائن منصوبہ کیوں مکمل نہیں ہوا۔ میئر کراچی نے ایم کیو ایم کو جواب دیتے ہوئے یہ بھی کہا کہ سانحے کی آڑ میں سیاست اور صوبے کو دو لخت کرنے کی اجازت نہیں دی جائے گی۔ دوسری جانب رہنما ایم کیو ایم سینیٹر فیصل سبزواری نے کہا کہ سیاست ممکنات کا کھیل ہے، کراچی کو وفاق کے حوالےکرنا بھی ممکن ہے، سانحے کی آڑ میں سیاست کوئی نہیں کر رہا۔ یاد رہے کہ ایم کیو ایم پاکستان کی جانب سے کراچی کو وفاق کے حوالے کرنے کا مطالبہ کیا جارہا ہے۔
توقع ہے امریکا جلد
سینیٹر سلیم مانڈوی والا کا کہنا ہے کہ توقع ہے امریکا جلد امیگریشن ویز ے سے متعلق پابندی اٹھالے گا۔ واشنگٹن میں کی گئی گفتگو کے دوران سینیٹرسلیم مانڈوی والا نے کہا کہ پاکستان پرامیگریشن ویزے کی پابندی سے متعلق بات کررہے ہیں، توقع ہے امریکا جلد امیگریشن ویزے سے متعلق پابندی اٹھالے گا۔ انہوں نے کہا کہ پاکستانی شناخت پر آنے والے افغانوں کا مسئلہ امریکی حکام کے سامنے اٹھائیں گے۔ سلیم مانڈوی والا نے مزید کہا کہ جلد پاکستان سے ایک اورپارلیمانی وفد امریکا کا دورہ کرے گا، عوامی نمائندوں کے درمیان ہم آہنگی پیدا کرنے کی کوشش کر رہےہیں۔ خیال رہے کہ چند روز قبل امریکی محکمہ خارجہ کی جانب سے پاکستان سمیت 75 ممالک کے شہریوں کیلئے امیگرنٹ ویزا پراسیس روکنے کا فیصلہ کیا گیا تھا۔ متاثرہ ممالک میں صومالیہ، روس، ایران، افغانستان، برازیل، نائجیریا اور تھائی لینڈ، عراق، اردن، قازقستان، کویت، کرغزستان، لبنان، لیبیا، نیپال، کانگو، روانڈا، سوڈان ، شام، تنزانیہ، ازبکستان شامل ہیں۔ مزید برآں پاکستان، افغانستان، روس اور ایران کے لیے بھی امیگرنٹ ویزا پراسیس روک دیا گیا ہے۔
کراچی میں ٹریلر کی
کراچی کے علاقے لانڈھی میں ٹریلر کی ٹکر سے موٹر سائیکل سوار 2 افراد جاں بحق ہوگئے۔ پولیس کے مطابق لانڈھی میں فیوچر موڑ کے قریب ٹریلر نے موٹر سائیکل کو ٹکر ماردی جس کے نتیجے میں موٹر سائیکل سوار 2 افراد جاں بحق ہوگئے جبکہ ایک شخص زخمی ہوا۔ واقعے کی اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں۔ جس کے بعد لاشوں سمیت زخمی شخص کو اسپتال منتقل کیا گیا جہاں انہیں طبی سہولیات فراہم کی جارہی ہے۔
ایمان مزاری اور ہادی علی
اسلام آباد: انسدادِ دہشتگردی عدالت نے ایڈووکیٹ ایمان مزاری اور ان کے شوہر ہادی علی کو ہائیکورٹ کے باہر جھگڑا کیس میں جوڈیشل ریمانڈ پر جیل بھیج دیا۔ جیو نیوز کے مطابق ایمان مزاری اور ہادی علی کے خلاف ہائیکورٹ کے باہر جھگڑا کیس کی سماعت انسدادِ دہشتگردی عدالت اسلام آباد کے جج ابوالحسنات ذوالقرنین نے کی۔ سماعت کے بعد عدالت نے ایمان مزاری اور ہادی علی کو جوڈیشل کرنے کا حکم نامہ جاری کر دیا جس کے بعد ایمان مزاری اور ہادی علی کو 14 روز کےلیے جوڈیشل ریمانڈ پر جیل بھیج دیا گیا۔ واضح رہے گزشتہ روز ایمان مزاری اور ہادی علی چٹھہ کو اسلام آباد ہائیکورٹ بار سے ڈسٹرکٹ کورٹ جاتے ہوئے گرفتار کر لیا گیا تھا۔
ایران میں مظاہروں کے دوران
اقوام متحدہ کے انسانی حقوق کے سربراہ نے کہا ہے کہ ایران میں مظاہروں کے خلاف کیے گئے کریک ڈاؤن کے دوران ہزاروں افراد جاں بحق ہو گئے، جن میں بچے بھی شامل ہیں۔ انسانی حقوی کے سربراہ کے مطابق ایسے شواہد موجود ہیں جو ظاہرکرتے ہیں کہ سکیورٹی فورسزنے بڑے پیمانے پرگرفتاریاں کیں اور مظاہرین کے ساتھ سخت کارروائیاں کی گئیں۔ انہوں نے بتایا کہ زخمی افراد کا بھی پیچھا کیا گیا اورانہیں اسپتالوں سے حراست میں لیا گیا، جو بین الاقوامی انسانی حقوق کی سنگین خلاف ورزی ہے۔ شمالی افغانستان میں طوفانی برفباری، 11 افراد جاں بحق، کئی علاقے محصور ان کا کہنا تھا کہ مظاہرین پرطاقت کے بے تحاشا استعمال اور گرفتاریوں کا نشانہ بنانا عالمی قوانین کی خلاف ورزی ہے۔ انسانی حقوق کے سربراہ نے دنیا کی کمیونٹی سے اپیل کی کہ ایران میں انسانی جانوں اور بنیادی حقوق کے تحفظ کے لیے فوری اقدامات کئے جائیں اورمظاہرین اورعام شہریوں کی حفاظت یقینی بنائی جائے۔
جاپان کی وزیراعظم نے
جاپان کی وزیراعظم نے ملک کی پارلیمنٹ تحلیل کر دی ہے اور 8 فروری کو قبل از وقت انتخابات کرانے کا اعلان کیا ہے۔ خبرایجنسی کے مطابق جاپان کے اسپیکرنے بتایا کہ آرٹیکل 7 کے تحت ایوانِ نمائندگان تحلیل کیا گیا ہے، جس کے نتیجے میں ایوانِ زیریں کے تمام 465 ارکان کی مدتِ ملازمت ختم ہو جائے گی۔ پارلیمنٹ کے تحلیل ہونے کے بعد بجٹ اوردیگراہم مذاکرات عارضی طور پرمعطل رہیں گے تاکہ قبل از وقت انتخابات کے انتظامات کیے جا سکیں۔ ایران میں مظاہروں کے دوران ہزاروں افراد جاں بحق ہوئے، سربراہ انسانی حقوق وزیراعظم کا مقصد عوام سے براہِ راست رابطہ کرنا اور اپنی پارٹی کے لئے مضبوط مینڈیٹ حاصل کرنا بتایا جا رہا ہے۔ حکومتی ذرائع کے مطابق انتخابات تک ملک میں سیاسی سرگرمیاں تیز ہو جائیں گی اور سیاسی جماعتیں اپنی مہمات کا آغاز کر دیں گی۔
وفاقی وزیر کی مولانا فضل الرحمان
وفاقی وزیر احسن اقبال مولانا فضل الرحمان کی رہائشگاہ پہنچ گئے جہاں دونوں رہنماؤں کے درمیان اہم ملاقات ہوئی۔ ذرائع کے مطابق ملاقات میں غزہ پیس معاہدے سمیت مختلف قومی و بین الاقوامی امور پر تفصیلی تبادلۂ خیال کیا گیا۔ ذرائع کا کہنا ہے کہ احسن اقبال نے ملاقات کے دوران مولانا فضل الرحمان کے غزہ پیس معاہدے سے متعلق تحفظات بغور سنے۔ مولانا فضل الرحمان نے اسرائیل اور فلسطین کے معاملے پر حکومتی پالیسیوں سے متعلق اپنے خدشات کا اظہار کرتے ہوئے کہا کہ امتِ مسلمہ کے جذبات کو مدنظر رکھنا ناگزیر ہے، ملاقات میں ملکی سیاسی صورتحال اوردیگر اہم امور پر بھی گفتگو کی گئی۔ پی ٹی آئی رہنما کا پیپلز پارٹی میں شمولیت کا اعلان ذرائع کے مطابق مولانا فضل الرحمان نے بعض حکومتی فیصلوں پرعدم اطمینان کا اظہار کیا اور اپوزیشن کے مؤقف سے آگاہ کیا۔ وفاقی وزیر احسن اقبال نے مولانا فضل الرحمان کو یقین دلایا کہ ان کے تمام تحفظات اور خدشات وزیراعظم تک پہنچائے جائیں گے۔ انہوں نے کہا کہ حکومت اہم قومی معاملات پر تمام سیاسی قوتوں کو اعتماد میں لینے کی خواہاں ہے۔ ملاقات خوشگوار ماحول میں اختتام پذیر ہوئی۔
نادرا نے شناختی کارڈ ڈیٹا
نادرا نے شناختی کارڈ ڈیٹا مانیٹرنگ ایپ متعارف کرا دی، شہری اب اپنے شناختی ڈیٹا کے استعمال پر خود نگرانی کر سکیں گے۔ نادرا نے شناختی کارڈ ڈیٹا کے تحفظ کیلئے نئی ڈیٹا مانیٹرنگ ایپ متعارف کرا دی ہے، جس کے ذریعے شہری خود جان سکیں گے کہ ان کا شناختی ڈیٹا کہاں اور کس مقصد کیلئے استعمال ہوا۔ نادرا ایپ پر ڈیٹا ویری فکیشن کی مکمل تاریخ دستیاب ہو گی جس میں یہ بھی واضح ہو گا کہ کس ادارے نے، کب اور کس نوعیت کی تصدیق کی۔ نادرا کا بیرون ملک مقیم پاکستانیوں کیلئے اہم پیغام جاری حکام کے مطابق اس اقدام سے شہریوں کے شناختی ڈیٹا کے غلط استعمال پر مؤثر چیک اینڈ بیلنس ممکن ہو گا کہ ڈیٹا لیک اور غیر قانونی تصدیق کی روک تھام میں بھی مدد ملے گی۔ایپ کے ذریعے پرائیویسی اور ڈیٹا سکیورٹی میں اضافہ جبکہ سائبر کرائم و جعلی تصدیقی کیسز کی حوصلہ شکنی کی جا سکے گی۔
کراچی میں سردی کی
کراچی میں شدید سردی کی لہر برقرار ہے جہاں کم سے کم درجہ حرارت 8 ڈگری سینٹی گریڈ ریکارڈ کیا گیا، تاہم تیز اور ٹھنڈی ہواؤں کے باعث سردی 4 ڈگری سینٹی گریڈ تک محسوس کی جا رہی ہے۔ سرد موسم کے باعث رات اور صبح کے اوقات میں ٹریفک کی روانی میں نمایاں کمی دیکھی گئی جبکہ پارکوں میں ورزش کے لیے آنے والوں کی تعداد بھی کم رہی۔ محکمہ موسمیات کے مطابق بن قاسم میں کم سے کم درجہ حرارت 7.4 ڈگری، جناح ٹرمینل اور گلستانِ جوہر میں 10.5 جبکہ شارع فیصل میں 11.5 ڈگری سینٹی گریڈ ریکارڈ کیا گیا۔ شہر کا موجودہ درجہ حرارت 12 ڈگری سینٹی گریڈ ہے، ہوا میں نمی کا تناسب 36 فیصد جبکہ شمال مغرب سے 8 کلومیٹر فی گھنٹہ کی رفتار سے ہوائیں چل رہی ہیں۔ محکمہ موسمیات نے پیش گوئی کی ہے کہ آج کراچی میں زیادہ سے زیادہ درجہ حرارت 22 ڈگری سینٹی گریڈ تک رہنے کا امکان ہے، تاہم موسم مجموعی طور پر خشک اور رات کے اوقات میں سرد رہنے کی توقع ہے۔ بلوچستان کے بیشتر اضلاع میں موسم شدید سرد اور خشک ہے۔ کوئٹہ میں کم سے کم درجہ حرارت منفی 10 جبکہ قلات اور زیارت میں منفی 11 ڈگری سینٹی گریڈ ریکارڈ کیا گیا۔ ژوب میں درجہ حرارت منفی 5، سبی میں 3 اور تربت میں 8 ڈگری سینٹی گریڈ رہا۔ نوکنڈی میں درجہ حرارت صفر جبکہ چمن میں منفی 5 ڈگری سینٹی گریڈ ریکارڈ کیا گیا۔ ساحلی علاقوں میں گوادر میں کم سے کم درجہ حرارت 10 اور جیوانی میں 12 ڈگری سینٹی گریڈ رہا۔ دوسری جانب لاہور میں بارش کے بعد موسم کا مزاج بدل گیا ہے جس سے سردی کی شدت میں نمایاں اضافہ ہوا ہے۔ ٹھنڈی ہواؤں کے باعث خشک سردی کا خاتمہ ہو گیا ہے جبکہ بعض علاقوں میں ژالہ باری سے موسم مزید سرد ہو گیا۔ محکمہ موسمیات کے مطابق شہر میں مطلع جزوی طور پر ابر آلود ہے اور بارش کے باعث دھند کی شدت میں بھی کمی آئی ہے۔ لاہور میں موجودہ درجہ حرارت 13 ڈگری سینٹی گریڈ جبکہ ہوا میں نمی کا تناسب 94 فیصد ریکارڈ کیا گیا ہے۔ محکمہ موسمیات کے مطابق اسلام آباد میں وقفے وقفے سے بارش کا سلسلہ جاری ہے جبکہ پنجاب اور خیبر پختونخوا میں مزید بارش کا امکان ظاہر کیا گیا ہے۔ کشمیر اور گلگت بلتستان میں بارش کے ساتھ پہاڑوں پر برفباری متوقع ہے، مری اور گلیات میں تیز بارش اور شدید برفباری کی پیش گوئی کی گئی ہے۔ سندھ اور بلوچستان میں موسم سرد اور خشک رہنے کا امکان ہے جبکہ کشمیر اور گلگت بلتستان میں برفانی تودے گرنے کا خدشہ ظاہر کیا گیا ہے۔ مری میں گزشتہ رات سے وقفے وقفے سے برفباری جاری ہے اور اب تک تقریباً 12 انچ برف ریکارڈ کی جا چکی ہے۔ پی ڈی ایم اے پنجاب کے مطابق مری اور گردونواح میں سردی کی شدت میں مزید اضافہ ہو رہا ہے اور سیاحوں کو غیر ضروری سفر سے گریز اور احتیاطی تدابیر اختیار کرنے کی ہدایت کی گئی ہے۔ گلگت بلتستان میں وادی ہنزہ، نگر اور نلتر سمیت مختلف علاقوں میں برفباری ہوئی ہے، جبکہ شاہراہِ قراقرم پر برف پڑنے کے باعث گاڑیوں کی آمد و رفت معطل ہو گئی ہے۔ ضلع خیبر کے مختلف علاقوں میں رات بھر موسلادھار بارش جاری رہی جبکہ وادی تیراہ میں شدید برفباری سے موسم انتہائی سرد ہو گیا ہے۔ آزاد کشمیر میں بھی بارش اور برفباری کے باعث سردی کی شدت میں اضافہ ہوا ہے۔ بالائی وادی نیلم کی متعدد رابطہ سڑکیں بند ہو چکی ہیں جبکہ لیپہ کو ملانے والی شاہراہ ریشیاں سے ٹریفک معطل ہے۔ وادی نیلم کے علاقے کیل میں کم سے کم درجہ حرارت منفی 10 اور تاوبٹ میں منفی 9 ڈگری سینٹی گریڈ ریکارڈ کیا گیا ہے۔ محکمہ موسمیات اور متعلقہ اداروں نے شہریوں اور سیاحوں کو ہدایت کی ہے کہ وہ سردی، بارش اور برفباری کے پیش نظر احتیاطی تدابیر اختیار کریں اور غیر ضروری سفر سے گریز کریں۔
وہ عام غلطیاں جو ویزا مسترد
آج کے عالمی دور میں ہر سال ہزاروں افراد دنیا بھر کا سفر تعلیم، چھٹیوں یا کاروباری مواقع کے لیے ویزا درخواستیں جمع کراتے ہیں، لیکن اکثر معمولی غلطیوں یا کوتاہیوں کی وجہ سے ان کی درخواستیں مسترد ہو جاتی ہیں یا بہت دیر سے منظور ہوتی ہیں۔ یہ چھوٹی غلطیاں مہینوں کی محنت اور منصوبہ بندی کو ضائع کر سکتی ہیں، حالانکہ ان سے آسانی سے بچا جا سکتا تھا۔ خلیجی ممالک نے پاکستان مخالف بھارتی فلم ‘بارڈر 2’ پر پابندی عائد کر دی ویزا درخواست صرف ایک فارم بھرنے کا عمل نہیں بلکہ ایک قابل اعتماد سفر کی کہانی ہے جسے افسر کو باور کرانا ہوتا ہے۔ ویزا افسر عام طور پر تین بنیادی سوالات کے جوابات تلاش کرتا ہے: 1) کیا آپ کا سفر قانونی اور جائز ہے؟ 2) کیا آپ یقینی طور پر واپس آئیں گے؟ 3) کیا آپ کے سفر کے منصوبے حقیقی اور منطقی لگتے ہیں؟ اگر آپ کے دستاویزات یا درخواست میں ان سوالات میں شک پیدا ہوتا ہے، تو ویزا منظوری میں تاخیر یا مسترد ہو سکتا ہے۔ عام غلطیاں جو ویزا درخواست کو نقصان پہنچاتی ہیں ۔ بینک بیلنس میں اچانک اضافہ کئی لوگ بڑی رقم عارضی طور پر اکاؤنٹ میں جمع کر دیتے ہیں تاکہ افسر کو متاثر کیا جا سکے، لیکن افسر مستقل آمدنی اور مالی استحکام دیکھتا ہے، نہ کہ عارضی رقم۔ ۔ ناقص یا غیر حقیقی سفر منصوبہ جلدی سے تیار کی گئی یا ناقابل تصدیق ہوٹل اور فلائٹ بکنگز افسر کو مشکوک لگ سکتی ہیں۔ ۔ واپسی کے مضبوط ثبوت کا فقدان صرف نو آبجیکشن سرٹیفیکیٹ کافی نہیں ہوتا۔ افسر چاہتا ہے کہ آپ کے پاس مستقل ملازمت، رہائش یا خاندان کی موجودگی ہو، جو ظاہر کرے کہ آپ واپس آئیں گے۔ اے آر رحمان کا نصرت فتح علی خان سے متعلق بڑا انکشاف سامنے آ گیا ویزا مسترد ہونے سے بچنے کے عملی طریقے ۔ بینک اسٹیٹمنٹ درست رکھیں: پچھلے 3–6 ماہ کے ٹرانزیکشنز دکھائیں اور بڑی رقم کی وضاحت بھی فراہم کریں۔ ۔ کور لیٹر شامل کریں: مختصر مگر واضح خط میں اپنے سفر کا مقصد اور واپس آنے کی وجوہات بیان کریں۔ ۔ چھوٹے ویزے پہلے حاصل کریں: جیسے شینگن ویزا، تاکہ مستقبل میں دیگر ویزا درخواستیں مضبوط ہوں۔ واضح رہے کہ ویزا درخواست صرف کاغذات جمع کروانے کا عمل نہیں، بلکہ ایک مضبوط دلیل اور قابل اعتماد منصوبہ ہے جو افسر کو یقین دلائے کہ آپ کا سفر جائز ہے، آپ واپس آئیں گے اور قوانین کا احترام کریں گے۔ درست اور شفاف معلومات فراہم کرنے سے نہ صرف منظوری میں آسانی آتی ہے بلکہ مسترد ہونے کے امکانات بھی نمایاں طور پر کم ہو جاتے ہیں۔
سولر پینلز کی قیمتوں میں
شہر کی مارکیٹ میں سولر پینلز کی قیمتوں میں ایک بار پھر اضافہ دیکھنے میں آ رہا ہے۔ مارکیٹ ذرائع کے مطابق سولر پینلز کی قیمت میں 10 روپے فی واٹ اضافہ ہوا ہے، جس کے بعد فی واٹ قیمت 30 روپے سے بڑھ کر 40 روپے تک پہنچ گئی ہے۔ اس اضافے کے باعث سولر سسٹمز کی مجموعی لاگت میں بھی نمایاں اضافہ ریکارڈ کیا گیا ہے، اور ایک مکمل سسٹم کی قیمت میں تقریباً 2 لاکھ روپے تک اضافہ ہو چکا ہے۔ نئے نرخنامے کے مطابق آن گرڈ سولر سسٹمز کی قیمتیں کچھ اس طرح ہیں: 5 کلوواٹ آن گرڈ سسٹم 6 لاکھ 50 ہزار روپے، 7 کلوواٹ سسٹم 7 لاکھ 50 ہزار روپے، 10 کلوواٹ سسٹم 11 لاکھ روپے، 12 کلوواٹ سسٹم 12 لاکھ 50 ہزار روپے،جبکہ 15 کلوواٹ سسٹم کی قیمت 15 لاکھ روپے مقرر کی گئی ہے۔ لیسکو نے صارفین کے لیے سولر گرین میٹرز لگانے پر عارضی پابندی عائد کر دی ذرائع کا کہنا ہے کہ یہ قیمتیں آن گرڈ سسٹمز کی بنیاد پر طے کی گئی ہیں، جبکہ ہائبرڈ سسٹم لگوانے کے خواہشمند صارفین کو بیٹریوں کی مد میں اضافی رقم ادا کرنا ہوگی۔ مارکیٹ ذرائع کے مطابق قیمتوں میں اضافے سے سولر توانائی کی جانب منتقل ہونے والے صارفین کو مشکلات کا سامنا ضرور ہے، تاہم بجلی کے مسلسل بڑھتے ہوئے نرخوں کے باعث سولر سسٹمز کی طلب بدستور برقرار ہے۔
مقبوضہ کشمیر: بھارتی فوج کی گاڑی
سرینگر: مقبوضہ جموں و کشمیر کے ضلع ڈوڈہ میں بھارتی فوج کی گاڑی پر حملے میں 10 اہلکار ہلاک جبکہ 7 زخمی ہو گئے۔ ذرائع کے مطابق بھارتی فوج نے گاڑی پر حملے کو “حادثہ” قرار دے دیا ہے۔ تاہم مقامی آبادی نے دعویٰ کیا ہے کہ فوجی گاڑی کو حریت پسندوں کے حملے میں نشانہ بنایا گیا ہے۔ بھارتی سرکاری ذرائع کے مطابق یہ واقعہ اس وقت پیش آیا جب بھارتی فوج کے اہلکاروں کو لے جانے والی ایک گاڑی بھدرواہ چمبا بین الصوبائی شاہراہ پر سفر کر رہی تھی۔ فوجی گاڑی میں مجموعی طور پر 17 اہلکار سوار تھے۔ جو کھنی ٹاپ کے مقام پر ایک بلند اور دشوار گزار پہاڑی علاقے کی جانب جا رہے تھے۔ دوران سفر گاڑی پھسل کر بے قابو ہو گئی اور تقریباً 200 فٹ گہری کھائی میں جا گری۔ دوسری جانب مقامی باشندوں کا کہنا ہے کہ حادثے سے قبل فوجی گاڑی پر حریت پسندوں کی جانب سے حملہ کیا گیا۔ جس کے نتیجے میں یہ واقعہ پیش آیا۔ تاہم بھارتی فوج کی جانب سے اس مؤقف کی تردید کی جا رہی ہے۔ واقعے کے فوراً بعد بھارتی فوج اور پولیس نے مشترکہ طور پر ریسکیو آپریشن شروع کیا۔ حکام کے مطابق جائے وقوعہ پر پہنچنے پر 10 فوجی اہلکاروں کی ہلاکت کی تصدیق کی گئی۔ جبکہ 7 زخمی اہلکاروں کو فوری طور پر نکال لیا گیا۔
مقبوضہ کشمیر: بھارتی فوج کی گاڑی
سرینگر: مقبوضہ جموں و کشمیر کے ضلع ڈوڈہ میں بھارتی فوج کی گاڑی پر حملے میں 10 اہلکار ہلاک جبکہ 7 زخمی ہو گئے۔ ذرائع کے مطابق بھارتی فوج نے گاڑی پر حملے کو “حادثہ” قرار دے دیا ہے۔ تاہم مقامی آبادی نے دعویٰ کیا ہے کہ فوجی گاڑی کو حریت پسندوں کے حملے میں نشانہ بنایا گیا ہے۔ بھارتی سرکاری ذرائع کے مطابق یہ واقعہ اس وقت پیش آیا جب بھارتی فوج کے اہلکاروں کو لے جانے والی ایک گاڑی بھدرواہ چمبا بین الصوبائی شاہراہ پر سفر کر رہی تھی۔ فوجی گاڑی میں مجموعی طور پر 17 اہلکار سوار تھے۔ جو کھنی ٹاپ کے مقام پر ایک بلند اور دشوار گزار پہاڑی علاقے کی جانب جا رہے تھے۔ دوران سفر گاڑی پھسل کر بے قابو ہو گئی اور تقریباً 200 فٹ گہری کھائی میں جا گری۔ دوسری جانب مقامی باشندوں کا کہنا ہے کہ حادثے سے قبل فوجی گاڑی پر حریت پسندوں کی جانب سے حملہ کیا گیا۔ جس کے نتیجے میں یہ واقعہ پیش آیا۔ تاہم بھارتی فوج کی جانب سے اس مؤقف کی تردید کی جا رہی ہے۔ واقعے کے فوراً بعد بھارتی فوج اور پولیس نے مشترکہ طور پر ریسکیو آپریشن شروع کیا۔ حکام کے مطابق جائے وقوعہ پر پہنچنے پر 10 فوجی اہلکاروں کی ہلاکت کی تصدیق کی گئی۔ جبکہ 7 زخمی اہلکاروں کو فوری طور پر نکال لیا گیا۔
مقبوضہ کشمیر: بھارتی فوج کی گاڑی
سرینگر: مقبوضہ جموں و کشمیر کے ضلع ڈوڈہ میں بھارتی فوج کی گاڑی پر حملے میں 10 اہلکار ہلاک جبکہ 7 زخمی ہو گئے۔ ذرائع کے مطابق بھارتی فوج نے گاڑی پر حملے کو “حادثہ” قرار دے دیا ہے۔ تاہم مقامی آبادی نے دعویٰ کیا ہے کہ فوجی گاڑی کو حریت پسندوں کے حملے میں نشانہ بنایا گیا ہے۔ بھارتی سرکاری ذرائع کے مطابق یہ واقعہ اس وقت پیش آیا جب بھارتی فوج کے اہلکاروں کو لے جانے والی ایک گاڑی بھدرواہ چمبا بین الصوبائی شاہراہ پر سفر کر رہی تھی۔ فوجی گاڑی میں مجموعی طور پر 17 اہلکار سوار تھے۔ جو کھنی ٹاپ کے مقام پر ایک بلند اور دشوار گزار پہاڑی علاقے کی جانب جا رہے تھے۔ دوران سفر گاڑی پھسل کر بے قابو ہو گئی اور تقریباً 200 فٹ گہری کھائی میں جا گری۔ دوسری جانب مقامی باشندوں کا کہنا ہے کہ حادثے سے قبل فوجی گاڑی پر حریت پسندوں کی جانب سے حملہ کیا گیا۔ جس کے نتیجے میں یہ واقعہ پیش آیا۔ تاہم بھارتی فوج کی جانب سے اس مؤقف کی تردید کی جا رہی ہے۔ واقعے کے فوراً بعد بھارتی فوج اور پولیس نے مشترکہ طور پر ریسکیو آپریشن شروع کیا۔ حکام کے مطابق جائے وقوعہ پر پہنچنے پر 10 فوجی اہلکاروں کی ہلاکت کی تصدیق کی گئی۔ جبکہ 7 زخمی اہلکاروں کو فوری طور پر نکال لیا گیا۔
آسٹریلیا میں مبینہ فائرنگ
آسٹریلیا کی ریاست نیو ساؤتھ ویلز میں پیش آنے والے مبینہ فائرنگ کے واقعے میں 2 خواتین سمیت 3 افراد ہلاک ہو گئے جبکہ ایک شخص شدید زخمی ہو گیا۔ آسٹریلوی میڈیا رپورٹس کے مطابق زخمی شخص کو تشویشناک حالت میں قریبی اسپتال منتقل کردیا گیا ہے، جہاں اسے انتہائی نگہداشت میں طبی امداد فراہم کی جا رہی ہے۔ پولیس حکام کے مطابق واقعہ نیو ساؤتھ ویلز کے ایک چھوٹے قصبے میں پیش آیا، جس کے بعد علاقے میں خوف و ہراس پھیل گیا۔ ابتدائی تحقیقات میں پولیس نے شبہ ظاہر کیا ہے کہ یہ واقعہ گھریلو تشدد کا نتیجہ ہو سکتا ہے تاہم تمام پہلوؤں سے تفتیش جاری ہے۔ امریکی بورڈ آف پیس اقوام متحدہ کی جگہ نہیں لے سکتا، چین میڈیا رپورٹس کے مطابق فائرنگ کے بعد حملہ آورایک گاڑی میں فرار ہونے میں کامیاب ہو گیا، جس کی تلاش کے لیے پولیس نے ناکہ بندی کر دی ہے۔ پولیس کا کہنا ہے کہ مشتبہ شخص کی گرفتاری کے لئے مختلف مقامات پر چھاپے مارے جا رہے ہیں جبکہ شہریوں کو احتیاط برتنے کی ہدایت بھی جاری کی گئی ہے۔
امریکی وزیر خزانہ کا یورپی
امریکی وزیر خزانہ نے یورپی ممالک پر زور دیا ہے کہ وہ کسی بھی غصے بھرے ردعمل سے گریز کریں اور ڈاووس میں امریکی صدر ڈونلڈ ٹرمپ کے ساتھ بیٹھ کر گرین لینڈ کے الحاق سے متعلق ان کے دلائل کو سنیں۔ صحافیوں سے گفتگو کرتے ہوئے اسکاٹ بیسنٹ نے کہا کہ میں سب سے کہتا ہوں کہ گہری سانس لیں اور ان غصے بھرے ردعمل سے بچیں جو ہم نے دیکھے ہیں اور اس تلخی کو خود پر حاوی نہ ہونے دیں۔ ڈونلڈ ٹرمپ نے ایک بار پھر پاک بھارت جنگ رکوانے کا ذکر چھیڑ دیا دوسری جانب فرانس نے امریکی صدر ٹرمپ کے بورڈ آف پیس میں شامل ہونےسے انکار کردیا، فرانسیسی وزارتِ خارجہ کا کہنا ہے کہ فرانس فی الحال بورڈ آف پیس میں شامل نہیں ہو گا۔ بورڈ آف پیس کا چارٹر یو این کی غزہ سے متعلق قرارداد سے مطابقت نہیں رکھتا ،بورڈ آف پیس کے بعض نکات اقوامِ متحدہ کے چارٹر کے متضاد ہیں ۔ ادھر برطانیہ نے بھی امریکی صدر کے بورڈ آف پیس کا رکن بننے سے انکار کردیا، برطانوی وزیر خارجہ کا کہنا ہے کہ یہ قانونی معاہدہ کہیں زیادہ وسیع اور سنجیدہ نوعیت کے معاملات کو جنم دیتا ہے۔ گرین لینڈ کے معاملے پر ٹرمپ کے سامنے نہیں جھکوں گا ، برطانوی وزیراعظم برطانیہ کو تحفظات لاحق ہیں کہ پیوٹن کو اس امن فورم کا حصہ بنایا جا رہا ہے ،یوکرین جنگ بندی اور امن کیلئے تاحال پیوٹن نے کوئی سنجیدہ عزم نہیں دکھایا۔
افغان طالبان رجیم میں سنگین
افغان طالبان رجیم میں سنگین اندرونی اختلافات، دی ڈپلومیٹ نے لیک آڈیو کے حوالے سے پردہ اٹھا دیا،طالبان سپریم لیڈر ہیبت اللہ اخونزادہ نے حکومت کے اندر باہمی سازشوں اور ٹکراؤ کا اعتراف کر لیا۔ لیک آڈیو میں ہیبت اللہ اخونزادہ نے انتباہ کیا کہ اندرونی اختلافات جاری رہے تو اماراتِ اسلامیہ کا خاتمہ ہو سکتا ہے،کابل اور قندھار دھڑوں کے درمیان تصادم کھل کر سامنے آ گیا، اتحاد محض دعوؤں تک محدود رہ گیا۔ افغانستان سے لوگوں کو لاکر بسانا فاش غلطی تھی، وزیراعظم دی ڈپلومیٹ کے مطابق طالبان وزیر خلیل حقانی کی ہلاکت کے بعد حقانی نیٹ ورک اور قندھار قیادت میں کشیدگی شدید ہو چکی ہے،انٹرنیٹ اور موبائل سروس بند کرنے کا حکم قندھار سے آیا، کابل نے حکم ماننے سے انکار کر دیا۔ کابل قیادت کا انٹرنیٹ بحال کرنا سپریم لیڈر کے خلاف بغاوت قرار دیا جا رہا،سرج الدین حقانی کا دھڑا نسبتاً اعتدال پسند، بچیوں کی تعلیم کے حق میں سمجھا جاتا ہے۔ ہیبت اللہ اخونزادہ سخت گیر علما کے گھیرے میں ہیں، اختیارات قندھار منتقل، کابل عملاً کمزور ہو رہا ہے ، طالبان کے 20 سے زائد صوبوں میں حقانی نیٹ ورک کا اثر ہے، اس کے باوجود قندھار کا کنٹرول برقرار ہے۔ افغانستان کے دارالحکومت کابل میں دھماکا، متعدد افراد جاں بحق اندرونی طاقت کی جنگ افغانستان کو نئی خانہ جنگی کی طرف دھکیل سکتی ہے۔
ڈیووس میں وزیراعظم اور فیلڈ مارشل
ڈیووس میں پاکستانی وزیراعظم شہباز شریف، فیلڈ مارشل سید عاصم منیر اور چیئرمین پیپلزپارٹی بلاول بھٹو زرداری کے درمیان اہم ملاقات ہوئی۔ ترجمان پیپلزپارٹی کے مطابق ملاقات میں ملکی اورعالمی سیاسی و اقتصادی صورت حال پر تفصیلی گفتگو کی گئی۔ اس دوران پاکستان کی معاشی صورت حال میں بہتری کے لئے اقدامات، چیلنجزاورممکنہ حکمت عملی پر بھی تبادلہ خیال کیا گیا۔ پشاور ہائیکورٹ میں نئے ججز کی تعیناتی، صدرِ مملکت کی منظوری اجلاس میں ملک میں سرمایہ کاری، ترقیاتی منصوبے اور اقتصادی استحکام کے حوالے سے بھی اہم نکات زیر غور آئے۔ ملاقات میں باہمی مشاورت کے ذریعے ملکی مفاد میں فیصلے کرنے اور بین الاقوامی تعلقات کو مضبوط بنانے کے امکانات پر بھی بات ہوئی، جس سے سیاسی قیادت کی مربوط حکمت عملی سامنے آتی ہے۔
خیبر پختونخوا میں خاتون نے
خیبر پختونخوا کے شہر صوابی میں ایک خاتون نے بیک وقت پانچ بچوں کو جنم دیا ہے۔ یہ منفرد واقعہ صوابی کے باچا خان میڈیکل کمپلیکس میں پیش آیا، جہاں خاتون کے ہاں ایک بیٹا اور چار بیٹیاں پیدا ہوئیں۔ اسپتال انتظامیہ کے مطابق تمام بچے قبل از وقت پیدا ہوئے ہیں اور انہیں خصوصی طبی نگرانی میں رکھا گیا ہے۔ اسپتال کے ترجمان کا کہنا ہے کہ زچہ اور بچوں کو جدید طبی سہولتیں فراہم کی جا رہی ہیں اور ڈاکٹروں کی ٹیم مسلسل ان کی صحت کی نگرانی کر رہی ہے۔ ابتدائی طور پر ماں اور بچے مستحکم حالت میں ہیں، تاہم قبل از وقت پیدائش کے باعث انہیں مزید دیکھ بھال کی ضرورت ہے۔ ذہن تیز کرنے والی چند غذائیں واقعے کے بعد اسپتال میں خوشی کی فضا قائم ہو گئی ہے اور لواحقین نے ڈاکٹروں اور طبی عملے کی کوششوں کو سراہا ہے۔ اسپتال انتظامیہ کے مطابق ایسے کیسزمیں خصوصی سہولیات اور تجربہ کارعملہ تعینات کیا گیا ہے تاکہ ماں اور بچوں کی جان کومحفوظ رکھا جا سکے۔
وزیر اعلیٰ بلوچستان سرفراز بگٹی نے
وزیراعلیٰ بلوچستان سرفراز بگٹی نے محکمہ خوراک ختم کر دیا، اشیائے ضروریہ، قیمت کنٹرول اور صارفین کے تحفظ کے لیے نیا محکمہ قائم کردیا گیا۔ تفصیلات کے مطابق وزیراعلیٰ بلوچستان نے کموڈیٹی مینجمنٹ ڈیپارٹمنٹ کے قیام کی منظوری دے دی،کموڈیٹی مینجمنٹ ڈیپارٹمنٹ کو قیمتوں کے تعین اور ذخیرہ اندوزی کے خلاف اختیارات حاصل ہونگے۔ آٹے اور چینی کی قیمتوں میں اضافہ ، مہنگائی کی شرح مزید بڑھ گئی بلوچستان فوڈ اتھارٹی کموڈیٹی مینجمنٹ ڈیپارٹمنٹ کے تحت کام کرے گی،نئے محکمہ کے قیام سے سرکاری اخراجات میں کروڑوں روپے کی بچت متوقع ہے۔ کموڈیٹی مینجمنٹ ڈیپارٹمنٹ میں کل 974 آسامیاں رکھی جائیں گی،ڈائریکٹوریٹ آف کموڈیٹی مینجمنٹ میں مجموعی طور پر 625 آسامیاں ہوں گی۔
کیا 18ویں ترمیم ختم کرنے
وزیر اطلاعات سندھ شرجیل میمن نے سوال کیا ہے کہ کیا اٹھارھویں ترمیم ختم کرنے سے گل پلازہ جیسے واقعات نہیں ہوں گے؟ کراچی میں پریس کانفرنس کرتے ہوئے شرجیل میمن نے کہا کہ سانحہ گل پلازہ کو افسوسناک اور دردناک سمجھتے ہیں، قیمتی جانیں ضائع ہوئی ہیں اس پر ہر آنکھ اشکبار ہے، ہر پاکستانی اس پر افسردہ و غمزدہ ہے۔ صوبائی وزیر کا کہنا تھا کہ کسی انسانی جان کی کوئی قیمت نہیں ہوسکتی، اس سانحے کے بعد ون پوائنٹ ایجنڈا پر کام کررہے ہیں، لاشوں کو ملبے سے نکال کر کواحقین کے حوالے کیا جائے گا، لاشوں کی شناخت کا عمل جاری ہے،ڈی این اے کے ذریعے لاشوں کی شناخت کی جارہی ہے۔ شرجیل میمن نے کہا کہ سانحے میں 86 افراد لاپتہ تھے دو کا پتہ چل گیا تھا وہ اسپتال میں تھے،باقی لوگوں کی تلاش کا عمل جاری ہے، وزیراعلی نے متعلقہ لوگوں سے ملاقات کی اور یقین دہانی کروائی حکومت اکیلا نہیں چھوڑے گی، ہر لواحقین کی فیملی کو ایک ایک کروڑ روپے دیئے جائیں گے۔ انہوں نے کہا کہ آگ بجھانے کے دوران ایک فائر فائٹر شہید ہوا، حکومت فائر فائٹر کی فیملی کے غم میں برابر کی شریک ہے۔ ان کا مزید کہنا تھا کہ یکم جنوری 2024 کو ایک رپورٹ کمشنر کراچی کوبھیجی گئی ،دو جنوری کو کمشنر نے تمام ڈپٹی کمشنر کو رپورٹ لکھی کہ آپ اس کا آڈٹ کریں، سانحہ کی جب تک تحقیقاتی رپورٹ نہیں آتی کچھ بھی کہنا قبل از وقت ہوگا۔ شرجیل میمن کے مطابق اب تحقیقات ہورہی ہیں معلوم ہوجائے گا گل پلازہ کو نوٹس ملا تھا یا نہیں، تحقیقات میں تمام حقیقت سامنے آجائے گی، کہیں کوئی کوتائی ہے تو حکومت ایکشن لے گی، تاجروں کی ایسوسی ایشن کو ایس او پیز پر عمل درآمد کا پابند کیا جائے گا، پورے پاکستان میں 90 فیصد عمارتیں ایسی ہوں گی جو پرانی ہیں، جن میں ایمرجنسی ایگزٹ نہیں ہوگا۔ بلدیہ فیکٹری کو جلایا گیا، 12 مئی کو لوگوں کو چن چن کر نشانہ بنایاگیا: وزیر اطلاعات پریس کانفرنس میں صوبائی وزیر کا کہنا تھا کہ کیا 18ویں ترمیم ختم کرنے سےاورکراچی کووفاق کےحوالے کرنے سےایسےواقعات نہیں ہوں گے؟ یہ بات وہ لوگ کررہےہیں جنہوں نے اپنے ہاتھ سے زندہ لوگوں کو بھتے کے چکر میں جلایا ہے، آپ آج بیٹھ کر سیاست کررہےہیں، عجیب و غریب باتیں کررہےہیں، الزامات لگا رہےہیں،آپ کی اپنی سیاست کیا رہی ہے؟ آپ اگر پیپلزپارٹی پر الزامات لگائیں گے تو کیاہم جواب نہیں دیں گے۔ انہوں نے کہ میں آپ کی طرح بات نہیں کروں گا، بلدیہ فیکٹری کو جلایا گیا، 12 مئی کو لوگوں کو چن چن کر نشانہ بنایاگیا، معصوم لوگوں کی جانیں لیں، آپ کے منہ سے ایسی باتیں اچھی نہیں لگتیں، سانحہ عاشورہ کے بعد آپ نے بولٹن مارکیٹ کو آگ لگائی ، یہ میں نہیں کہہ رہا ہوں اداروں کی رپورٹ میں بتایا گیا ہے۔
کراچی: نالوں میں کچرا
کراچی: شہر کے نالوں میں کچرا، ملبہ یا کسی قسم کی چیز پھینکنے پر پابندی عائد کردی گئی۔ جاری کردہ نوٹیفکیشن کے مطابق کمشنرکراچی کی جانب سے نالے میں کچرا، ملبہ یا کسی قسم کی چیز پھینکنے پرپابندی لگائی گئی ہے۔ نوٹیفکیشن میں بتایا گیا ہے کہ یہ پابندی دفعہ 144 کے تحت 2 ماہ کے لیے لگائی گئی ہے، جس کا اطلاق 22 جنوری سے 22 مارچ تک ہوگا۔ نوٹیفکیشن کے مطابق پابندی کی خلاف ورزی کرنے والوں کے خلاف کارروائی کی جائے گی۔
ورلڈ اکنامک فورم
متحدہ قومی موومنٹ (ایم کیو ایم) کے رہنما مصطفیٰ کمال نے سانحہ گل پلازہ کے بعد کراچی کو وفاق کا حصہ بنانے اور اٹھارویں ترمیم کے خاتمے کا مطالبہ کر دیا ہے۔ کراچی میں پریس کانفرنس سے خطاب کرتے ہوئے انہوں نے کہا کہ ریاست نے کراچی کو کس کے حوالے کر رکھا ہے، پورا شہر سوال کر رہا ہے کہ آخر کچھ کیوں نہیں کیا جا رہا۔ مصطفیٰ کمال نے کہا کہ کراچی کے عوام ریاست کی طرف دیکھ رہے ہیں کہ وہ آگے بڑھ کر ان کی بات سنے۔ ان کا کہنا تھا کہ یہ جمہوری دہشت گردی ہے اور کراچی کے عوام کی نسل کشی کی جا رہی ہے۔ انہوں نے سوال اٹھایا کہ جب سندھ حکومت سے شکایت کی جاتی ہے تو ایم کیو ایم پر بلدیہ فیکٹری، بھتہ خوری اور بوری بند لاشوں کے الزامات لگا دیے جاتے ہیں، حالانکہ ان جرائم سے ایم کیو ایم کا کوئی تعلق نہیں۔ انہوں نے مزید کہا کہ موجودہ حکومت کو چلانے کے لیے پیپلز پارٹی کو کھلی چھوٹ دی گئی ہے، جس کے باعث نظام درہم برہم ہو چکا ہے۔ مصطفیٰ کمال نے کہا کہ اگر نظام کو بچانے کے لیے کراچی کو قربانیاں دینی پڑیں گی تو ریاست واضح طور پر بتا دے کہ مزید کتنی جانیں درکار ہیں۔ ان کا کہنا تھا کہ ہمیں مار دیں، سولی پر لٹکا دیں، مگر ہماری نسل کشی بند کی جائے۔ پنجاب پولیس آرڈر میں ترمیم، پرتشدد ہجوم پر سخت قانون نافذ ایم کیو ایم رہنما نے کہا کہ کراچی کو بھٹو کے دیے گئے آئین کے مطابق ملک کا فنانشل کیپیٹل بنایا جائے اور اسے وفاق کے تحت لیا جائے، کیونکہ موجودہ نظام میں یہ لوگ ٹھیک ہونے والے نہیں۔ انہوں نے الزام لگایا کہ اٹھارویں ترمیم کے ذریعے کراچی کے عوام کو نقصان پہنچایا جا رہا ہے اور یہ ترمیم ملک کے لیے ناسور بن چکی ہے۔ مصطفیٰ کمال نے کہا کہ اٹھارویں ترمیم کوئی مقدس شق نہیں، پاکستان کو بچانے کے لیے اسے واپس لینا ہوگا۔ انہوں نے آرٹیکل 148 اور 149 کے تحت وفاقی مداخلت کا مطالبہ کرتے ہوئے کہا کہ اگر ایم کیو ایم صوبے میں اقلیت میں بھی رہے تو کیا شہریوں کو پانی، سڑکیں اور بنیادی سہولیات نہیں دی جائیں گی؟ انہوں نے پیپلز پارٹی پر الزام عائد کیا کہ ایم کیو ایم کی جانب سے وزیراعظم سے فنڈز حاصل کرنے پر وزیراعلیٰ سندھ انہیں رکوا دیتے ہیں۔ مصطفیٰ کمال نے کہا کہ یہ جمہوری دہشت گردی ہے جسے سندھ میں فوری طور پر ختم ہونا چاہیے۔ آخر میں انہوں نے امید ظاہر کی کہ حکومتِ پاکستان اور ریاستِ پاکستان ان کی بات سنیں گے اور کراچی کے عوام کو انصاف فراہم کیا جائے گا۔
صدرِ مملکت نے ہائیکورٹس
صدرِ مملکت آصف علی زرداری نے ہائیکورٹس ایڈیشنل ججز کی توثیق اور مدتِ ملازمت میں توسیع کی منظوری دے دی۔ صدر آصف علی زرداری نے سندھ، لاہور اور پشاور ہائیکورٹس کے ایڈیشنل ججز کی توثیق اور مدتِ ملازمت میں توسیع کی منظوری دی، صدرِ کی جانب سے جوڈیشل کمیشن کی سفارشات کی روشنی میں منظوری دی گئی۔ صدر مملکت آصف علی زرداری نے تمام منظوریاں وزیراعظم شہبازشریف کے مشورے پر دیں۔ صدر نے لاہور ہائی کورٹ کے 11 ایڈیشنل ججز کو مستقل کرنے کی منظوری دی جن میں جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی، جسٹس سید احسن رضا کاظمی، جسٹس ملک جاوید اقبال وینس، جسٹس محمد جواد ظفر، جسٹس خالد اسحاق، جسٹس ملک محمد اویس خالد، جسٹس چودھری سلطان محمود، جسٹس تنویر احمد شیخ اور جسٹس عبہر گل خان کی بطور مستقل جج منظوری دی گئی۔ لاہور ہائی کورٹ کے ایڈیشنل جج جسٹس طارق محمود باجوہ کی مدت میں 6 ماہ کی توسیع کی گئی۔ سندھ ہائی کورٹ کے 10 ایڈیشنل ججز جسٹس میران محمد شاہ، جسٹس تسنیم سلطانہ، جسٹس ریاضت علی سحر، جسٹس محمد حسن، جسٹس عبدالحمید بھگی، جسٹس جان علی جونیجو، جسٹس نثار احمد بھنبھرو، جسٹس علی حیدر، جسٹس محمد عثمان علی ہادی اور جسٹس محمد جعفر رضا کو مستقل کرنے کی منظوری دی گئی۔ سندھ ہائی کورٹ کے 2 ایڈیشنل ججز جسٹس خالد حسین شاہانی اور جسٹس سید فیض الحسن شاہ کی مدت میں چھ ماہ کی توسیع کی منظوری دی گئی۔ فیلڈ مارشل سید عاصم منیر با اختیار چیف آف ڈیفنس فورسز اور جوہری طاقت کے نگہبان ہیں، بھارتی میڈیا صدر مملکت نے پشاور ہائی کورٹ کے 6 ایڈیشنل ججز جسٹس محمد طارق آفریدی، جسٹس عبدالفیاض، جسٹس صلاح الدین مستقل، جسٹس صادق علی، جسٹس سید مدثر امیر اور جسٹس قاضی جواد احسان اللہ کو مستقل کرنے کی منظوری دی۔ پشاور ہائی کورٹ کے 4 ایڈیشنل ججز کی مدت ملازمت میں 6 ماہ کی توسیع کی گئی، ان ججز میں جسٹس انعام اللہ خان، جسٹس فرح جمشید، جسٹس ثابت اللہ خان اور جسٹس اورنگزیب شامل ہیں۔
بھارتی فضائیہ کا تربیتی طیارہ
بھارت کے شہر پریاگ راج میں بدھ کے روز بھارتی فضائیہ کا ایک تربیتی طیارہ دورانِ پرواز حادثے کا شکار ہو کر تباہ ہو گیا۔ بھارتی میڈیا کے مطابق حادثہ اس وقت پیش آیا جب تربیتی پرواز معمول کے مطابق جاری تھی۔ اچانک تکنیکی خرابی کے باعث طیارہ قابو سے باہر ہو گیا اور قریبی تالاب میں جا گرا۔ واقعے کے بعد بھارتی فضائیہ، مقامی انتظامیہ اور ریسکیو ٹیمیں فوری طور پر جائے حادثہ پر پہنچ گئیں اور امدادی کارروائیاں شروع کر دی گئیں۔ عینی شاہدین کا کہنا ہے کہ حادثے کے وقت زور دار آواز سنائی دی جس کے بعد طیارہ تیزی سے نیچے کی جانب آیا اور پانی میں جا گرا۔ علاقے میں کچھ دیر کے لیے خوف و ہراس پھیل گیا، جبکہ سیکیورٹی خدشات کے پیش نظر جائے حادثہ کو گھیرے میں لے لیا گیا ہے۔ انڈونیشیا میں طیارہ گر کر تباہ ، سوار تمام 11 افراد ہلاک بھارتی فضائیہ کے حکام کا کہنا ہے کہ واقعے کی مکمل تحقیقات کا آغاز کر دیا گیا ہے تاکہ حادثے کی اصل وجہ معلوم کی جا سکے۔ ابتدائی طور پر کسی بھی جانی نقصان کی تصدیق نہیں کی گئی، تاہم حکام کا کہنا ہے کہ حتمی معلومات ریسکیو آپریشن مکمل ہونے کے بعد ہی سامنے آئیں گی۔
ایران نے جوہری پروگرام بحال کیا
امریکی صدر ڈونلڈ ٹرمپ نے کہا ہے کہ ایران نے جوہری پروگرام بحال کیا تو کارروائی کریں گے۔ امریکی میڈیا کو دیے گئے انٹرویو میں انہوں نے ایران کو خبردار کرتے ہوئے کہا کہ ایران کو جوہری سرگرمیاں بند کرنا ہوں گی، اگر جوہری پروگرام بحال ہوا تو کارروائی کریں گے۔ امریکی صدر کا کہنا تھا کہ ماضی میں امریکا کی کارروائی نے ایران کو جوہری ہتھیار بنانے سے روک دیا، انہوں نے کہا کہ اگر امریکا نے ایران کے ایٹمی نظام کو نشانہ نہ بنایا ہوتا تو ایران دو ماہ کے اندر جوہری ہتھیار حاصل کرنے میں کامیاب ہو جاتا۔ ڈونلڈ ٹرمپ نے کہا کہ ایران کو ایٹمی ہتھیار حاصل کرنے کی کوشش ترک کرنی چاہیے، انہوں نے امید ظاہر کرتے ہوئے کہا کہ ایران کے خلاف مزید کوئی کارروائی نہیں کی جائے گی۔ ڈونلڈ ٹرمپ نے ایک بار پھر پاک بھارت جنگ رکوانے کا ذکر چھیڑ دیا انہوں نے کہا کہ ایران میں سڑکوں پر لوگوں کو نشانہ بنایا جا رہا تھا، امریکا کی جانب سے فوجی کارروائی کی دھمکی دینے کے بعد ایران نے سینکڑوں افراد کو پھانسی دینے کا ارادہ ملتوی کر دیا۔
فیلڈ مارشل سید عاصم منیر
بھارتی میڈیا کا کہنا ہے کہ فیلڈ مارشل سید عاصم منیر با اختیار چیف آف ڈیفنس فورسز اور جوہری طاقت کے نگہبان ہیں۔ بھارتی میڈیا نے اظہار تشویش کرتے ہوئے کہا کہ ہندوتوا نظریے کے زیر اثر بھارت نفرت اورانتہا پسندی کی آماجگاہ ہے، دی وائر نے اپنی رپورٹ میں کہا کہ نئی دہلی یوتھ سمٹ میں بھارتی قومی سلامتی کے مشیر کی نوجوانوں کو انتقامی ذہنیت اپنانے کی ترغیب۔ دی وائر کے مطابق اجیت ڈوول کا اشتعال انگیز بیان بھارتی قومی سلامتی کی پالیسی اور فیصلوں پر اثرانداز ہو گا، ڈوول کی بدلے کی ڈاکٹرائن دانستہ طور پر جنگ چھیڑنے کا بہانہ بن سکتی ہے۔ رپورٹ میں یہ بھی نشاندہی کی گئی ہے کہ بھارت کی کشمیر پالیسی میں بھی“انتقام”کی سوچ واضح طور پر جھلکتی ہے، جو مسئلے کے حل کے بجائے مزید بگاڑ کا باعث بن رہی ہے۔ رپورٹ میں پاکستان کے دفاعی اقدامات کا حوالہ دیتے ہوئے کہا گیا ہے کہ پاکستان نے اپنے دفاع کو مضبوط بنانے کے لیے راکٹ فورس قائم کی ہے، جبکہ فیلڈ مارشل سید عاصم منیر ایک بااختیار چیف آف ڈیفنس فورسز اور جوہری طاقت کے نگہبان کے طور پر سامنے آئے ہیں۔ دی وائر نے آپریشن“سندور”کا حوالہ دیتے ہوئے لکھا ہے کہ اس کارروائی نے واضح کر دیا کہ پاکستان بھارت کے لیے ایک طاقتور اور سنجیدہ حریف ہے۔ پاکستان، سعودی عرب، ترکیہ سمیت کئی ممالک کا “بورڈ آف پیس” میں شمولیت کا اعلان ماہرین کا کہنا ہے کہ اجیت ڈوول کی اشتعال انگیز تقاریر بھارت میں تشدد پسند عناصر کی اجارہ داری کو مزید مضبوط کریں گی اور ملک میں انتشار اور عدم استحکام میں اضافہ ہوگا۔ بعض ماہرین کے مطابق ایسے بیانات کا مقصد بھارت میں اقلیتوں کو درپیش جمہوری زوال اور انسانی حقوق کی خلاف ورزیوں سے توجہ ہٹانا بھی ہو سکتا ہے۔ ماہرین نے اس بات پر بھی تشویش ظاہر کی ہے کہ بھارت کے تقریباً تمام ریاستی ادارے شدت پسند نظریات کے مکمل زیرِ اثر آ چکے ہیں، جو جمہوری اقدار اور علاقائی امن کے لیے ایک خطرناک رجحان ہے۔
پیپلز پارٹی خواجہ آصف کے بیان
اسلام آباد، پیپلز پارٹی نے وزیر دفاع خواجہ آصف کے 18ویں آئینی ترمیم سے متعلق بیان پر شدید ردعمل دیتے ہوئے حکومت سے فوری وضاحت کا مطالبہ کر دیا ہے۔ قومی اسمبلی کے اجلاس میں اظہار خیال کرتے ہوئے پیپلز پارٹی کے سینئررہنما نوید قمر نے کہا کہ خواجہ آصف نے سانحہ گل پلازہ پر بات کرتے ہوئے اچانک 18ویں ترمیم کو نشانہ بنایا، جسے نظرانداز نہیں کیا جا سکتا۔ نوید قمرنے کہا کہ حکمران جماعت (ن) لیگ کے پارلیمانی لیڈرکا بیان حکومت کی پالیسی سمجھا جائے گا، اس لیے حکومت واضح کرے کہ آیا وہ 18ویں ترمیم پر نظرثانی کرنا چاہتی ہے یا نہیں۔ آٹھ فروری کو پورا ملک احتجاج کرے گا، علیمہ خان انہوں نے کہا کہ ملک میں باربارتجربات کئے گئے اورہرتجربے نے پاکستان کونقصان پہنچایا، یہاں تک کہ ملک دو لخت ہوگیا، وفاق کوچاہیے کہ مزید تجربات سے بازرہے۔ دوسری جانب وفاقی وزیرقانون اعظم نذیرتارڑنے خواجہ آصف کے بیان کوان کی ذاتی رائے قراردیتے ہوئے کہا کہ ہر رکن کی اپنی رائے ہو سکتی ہے تاہم حکومت کے تمام فیصلے پارلیمنٹ کی مشاورت اوررضامندی سے ہوتے ہیں۔ واضح رہے کہ گزشتہ روز خواجہ آصف نے کہا تھا کہ 18ویں ترمیم ایک ڈھکوسلا ثابت ہوئی ہے اورتمام اختیارات صوبوں کو منتقل ہو گئے ہیں جبکہ کراچی جیسے واقعات اس بات کے متقاضی ہیں کہ اختیارات نچلی سطح تک منتقل کیے جائیں۔
لیسکو نے صارفین کے لیے
لاہور الیکٹرک سپلائی کمپنی (لیسکو) نے صارفین کے لیے سولر گرین میٹرز لگانے پر عارضی پابندی عائد کر دی ہے۔ لیسکو کی جانب سے یہ فیصلہ وزارتِ توانائی کے احکامات کی روشنی میں کیا گیا ہے۔ لیسکو حکام کے مطابق سولر گرین میٹرز کی تنصیب اس وقت تک معطل رہے گی جب تک وزارتِ توانائی نئی سولر گرین میٹر پالیسی جاری نہیں کرتی۔ پابندی کا اطلاق رہائشی اور صنعتی صارفین دونوں پر ہوگا۔ لیسکو نے واضح کیا ہے کہ نئے سولر گرین میٹرز صرف اسی صورت میں نصب کیے جائیں گے جب نئی پالیسی کا باضابطہ اعلان کیا جائے گا۔ اس فیصلے کے باعث وہ صارفین بھی متاثر ہوں گے جنہوں نے پہلے ہی سولر سسٹم نصب کر رکھا ہے اور گرین میٹر کے لیے درخواستیں جمع کرا چکے ہیں۔ لیسکو صارفین کیلئے سولر گرین میٹرز لگانے پر پابندی لیسکو حکام کے مطابق صرف لیسکو ہی نہیں بلکہ ملک بھر کی دیگر تمام بجلی تقسیم کار کمپنیوں (ڈسکوز) نے بھی سولر کنکشن اور گرین میٹرز کی فراہمی عارضی طور پر روک دی ہے، جو وزارتِ توانائی کی نئی ہدایات سے مشروط ہے۔ ذرائع کا کہنا ہے کہ اس دوران نئی سولر گرین میٹر پالیسی مرتب کیے جانے کا امکان ہے، جس کے اجراء کے بعد گرین میٹرز کی تنصیب کا عمل دوبارہ شروع کیا جائے گا۔
پاکستان کی فضائی حدود
پاکستان نے بھارت کے لیے اپنی فضائی حدود کی بندش میں مزید ایک ماہ کی توسیع کر دی ہے۔ پاکستان ایئرپورٹس اتھارٹی نے حکومت کی منظوری کے بعد نیا نوٹم جاری کر دیا ہے، جس کے تحت بھارتی رجسٹرڈ طیاروں کے لیے پاکستانی فضائی حدود 24 فروری 2026 تک بند رہے گی۔ ایئرپورٹس اتھارٹی کے مطابق اس پابندی کا اطلاق بھارتی ایئر لائنز کے تمام رجسٹرڈ مسافر طیاروں کے علاوہ فوجی اور نجی طیاروں پر بھی ہوگا، اور انہیں پاکستان کی فضائی حدود سے گزرنے کی اجازت نہیں دی جائے گی۔ ائیر پورٹ اتھارٹی نے فضائی حدود کی مختلف اوقات میں بندش کا نوٹم جاری کر دیا
وزیراعظم شہباز شریف کی ڈونلڈ ٹرمپ سے
وزیراعظم محمد شہباز شریف ورلڈ اکنامک فورم کے 56ویں سالانہ اجلاس میں شرکت کے لیے سوئٹزرلینڈ پہنچ گئے ہیں۔اجلاس کے دوران وزیراعظم شہباز شریف کی امریکی صدر ڈونلڈ ٹرمپ سمیت مختلف عالمی رہنماؤں سے ملاقاتیں متوقع ہیں۔ وزیراعظم آفس کے میڈیا ونگ کی جانب سے جاری بیان کے مطابق، زیورخ کے بین الاقوامی ہوائی اڈے پر پاکستان کے مستقل نمائندے محمد بلال، سوئٹزرلینڈ میں پاکستانی سفیر مرغوب سلیم اور پاکستانی سفارتی عملے نے وزیراعظم کا پرتپاک استقبال کیا۔ ورلڈ اکنامک فورم کے اجلاس میں شرکت کے لیے نائب وزیر اعظم و وزیر خارجہ سینیٹر محمد اسحاق ڈار، وفاقی وزیر برائے اقتصادی امور احد خان چیمہ، وفاقی وزیر خزانہ و محصولات محمد اورنگزیب، وفاقی وزیر اطلاعات و نشریات عطاء اللہ تارڑ اور وزیراعظم کے معاون خصوصی طارق فاطمی بھی ان کے ہمراہ ہیں۔ وزیراعظم اجلاس کے مختلف سیشنز میں حصہ لیں گے۔ صدر ٹرمپ نے غزہ بورڈ آف پیس میں وزیراعظم شہباز شریف کو شمولیت کی دعوت دیدی وہ ورلڈ اکنامک فورم کی میزبانی اور شراکت داری میں منعقدہ بزنس راؤنڈ ٹیبل میں بھی شرکت کریں گے۔ وزیراعظم پاکستان کی معاشی استحکام کے لیے کی جانے والی اصلاحات اور بہتر ہوتے معاشی اشاریوں پر روشنی ڈالیں گے اور ٹرپل او پروگرام (آرڈر، آپرچونیٹی، آپٹیمائزیشن) کے حوالے سے بھی اپنے خیالات کا اظہار کریں گے۔
علی امین گنڈا پور کے ناقابل
آڈیو لیک کیس میں سابق وزیر اعلیٰ خیبر پختونخوا علی امین گنڈا پور کے ناقابل ضمانت وارنٹ گرفتاری جاری کردئیے گئے۔ سیشن کورٹ اسلام آباد میں کیس کی سماعت ہوئی ،عدالت نے علی امین گنڈا پور کو گرفتار کرکے پیش کرنے کا حکم دیا۔ عدالت نے علی امین گنڈا پور کو اشتہاری قرار دینے کا تحریری فیصلہ جاری کر دیا علی امین گنڈا پور کی عدم دستیابی کے باعث فرد جرم کی کارروائی مؤخر کردی گئی ، عدالت نے کیس کی سماعت 21 فروری 2026 تک ملتوی کردی۔ واضح رہے علی امین گنڈا پور کیخلاف تھانہ گولڑہ میں مقدمہ درج ہے۔
امریکی صدر کی فرانسیسی
واشنگٹن: امریکی صدر ڈونلڈ ٹرمپ نے فرانسیسی صدر ایمانوئل میکرون کے سیاسی مستقبل پر سخت تبصرہ کرتے ہوئے کہا ہے کہ میکرون زیادہ عرصے تک اپنے عہدے پر برقرار نہیں رہیں گے۔ غیر ملکی خبر رساں ایجنسی کے مطابق گرین لینڈ پر کنٹرول حاصل کرنے کی امریکی کوششوں کے باعث یورپ اور امریکا کے تعلقات میں شدید تناؤ پیدا ہو چکا ہے۔ جس پر یورپی ممالک میں بے چینی پائی جاتی ہے جبکہ عالمی مالیاتی منڈیوں میں بھی ہلچل دیکھی گئی ہے۔ اس معاملے پر فرانسیسی صدر ایمانوئل میکرون نے دیگر یورپی رہنماؤں کے مقابلے میں زیادہ سخت مؤقف اختیار کرتے ہوئے یورپی یونین پر زور دیا ہے کہ وہ امریکا کے خلاف اپنے سخت ترین تجارتی اقدامات کو فعال کرے۔ ڈونلڈ ٹرمپ فرانس کے اس فیصلے پر بھی ناراض دکھائی دیئے کہ وہ ٹرمپ کے مجوزہ ’بورڈ آف پیس‘ میں شامل ہونے سے ہچکچا رہے ہیں۔ میکرون نے اس بورڈ کے اقوام متحدہ کے کردار پر ممکنہ اثرات کے حوالے سے تحفظات کا اظہار کیا تھا۔ ڈونلڈ ٹرمپ سے میکرون کے مؤقف کے بارے میں سوال کیا گیا تو انہوں نے کہا کہ کیا انہوں نے واقعی ایسا کہا ہے؟۔ خیر، ویسے بھی انہیں کوئی نہیں چاہتا کیونکہ وہ بہت جلد اقتدار سے باہر ہو جائیں گے۔ یہ بھی پڑھیں: گرین لینڈ اور ڈنمارک میں امریکی صدر کیخلاف مظاہرے، وزیر اعظم بھی شریک امریکی صدر نے کہا کہ وہ فرانسیسی وائن اور شیمپین پر 200 فیصد ٹیرف عائد کر سکتے ہیں۔ اور دعویٰ کیا کہ اس کے بعد فرانس تعاون پر مجبور ہو جائے گا۔ تاہم ان کے بقول میکرون کی شمولیت ضروری نہیں۔
لاہور میں منکی پاکس کا
لاہور: پنجاب کے دارالحکومت لاہور میں منکی پاکس کے مزید 4 کیسز رپورٹ ہو گئے۔ محکمہ صحت کے مطابق لاہور میں منکی پاکس سے متاثر ہونے والوں کا سلسلہ بدستور جاری ہے۔ تازہ کیسز کی تصدیق کے بعد لاہور میں منکی پاکس کے مریضوں کی تعداد میں اضافہ ہو گیا۔ سی ای او میو اسپتال پروفیسر ہارون حامد نے کہا کہ منکی پاکس کے مزید چار مریض رپورٹ ہو چکے ہیں۔ اور ان کا علاج جاری ہے۔ متاثرہ افراد میں 30 سالہ سلطانہ ارم اور 25 سالہ حمزہ شامل ہیں، جن میں منکی پاکس وائرس کی تصدیق ہوئی ہے۔ انہوں نے کہا کہ 33 سالہ نعمان اور 18 سالہ انس میں بھی منکی پاکس وائرس پایا گیا ہے۔ جس کی تصدیق لیبارٹری ٹیسٹس کے ذریعے ہو چکی ہے۔ تمام مریضوں کو میو اسپتال میں آئسولیشن میں رکھا گیا ہے۔ جبکہ انہیں مکمل طبی سہولیات فراہم کی جا رہی ہیں۔ یہ بھی پڑھیں: پھیپھڑوں کے کینسر کی ابتدائی علامات پیروں میں بھی ظاہر ہو سکتی ہیں، ماہرین کی وارننگ محکمہ صحت نے شہریوں کو ہدایت کی ہے کہ بخار، جسم پر دانے یا دیگر مشتبہ علامات ظاہر ہونے کی صورت میں فوری طور پر قریبی اسپتال سے رجوع کریں۔ اور احتیاطی تدابیر پر سختی سے عمل کریں۔
برطانیہ کی جیولوجیکل
برطانیہ نے جیولوجیکل سروے آف پاکستان کی استعداد کار بڑھانے کیلئے 400 ملین ڈالر معاونت کی پیشکش کردی۔ وفاقی وزیر پیٹرولیم علی پرویز ملک سے برطانوی ہائی کمشنر جین میریٹ کی ملاقات ہوئی ، ملاقات کے دوران پاکستان اور برطانیہ کے درمیان تیل و گیس اور معدنیات کے شعبے میں تعاون بڑھانے پر اتفاق کیا گیا۔ برطانیہ ، کم عمر جوڑے کا نکاح پڑھانے والے نکاح خواں کو ساڑے تین ماہ قید اس موقع پرعلی پرویز ملک کا کہنا تھا کہ جیولوجیکل سروے برٹش اور پاکستان کے درمیان تعاون سے پاکستان کے منرل شعبے میں ترقی ہو گی۔ توانائی کے شعبے میں ادارہ جاتی استعداد بڑھانے کیلئے اقدامات جاری ہیں، اوگرا کی تنظیم نو کیلئے تشخیصی جائزے پر پاکستان اور برطانیہ کا مشترکہ غور جاری ہے۔ آف شور تیل و گیس تلاش میں برطانوی کمپنیوں کو پاکستان میں سرمایہ کاری کی دعوت دیتے ہیں ،برطانوی کمپنیاں پاکستانی سرکاری اداروں کے ساتھ شراکت کر سکتی ہیں۔ مظاہرین کی اموات ، برطانیہ نے ایرانی سفیر کو طلب کر لیا برطانوی ہائی کمشنر جین میریٹ نے کہا کہ پاکستان میں سرمایہ کاری کے بے پناہ مواقع موجود ہیں۔
سعودی عرب نے آف روڈ
ریاض: سعودی عرب کے شہر حائل نے آف روڈ گاڑیوں کے سب سے بڑے قافلے کا گنیز ورلڈ ریکارڈ قائم کر لیا۔ غیر ملکی خبر رساں ایجنسی کے مطابق سعودی عرب کے شہر حائل میں 501 آف روڈ گاڑیوں پر مشتمل قافلہ تووارن کے صحرائی علاقے میں واقع 7 کلومیٹر طویل غیر ہموار راستے سے گزرا۔ جس کے ذریعے آسٹریلیا کا 449 گاڑیوں پر مشتمل سابقہ عالمی ریکارڈ ٹوٹ گیا۔ اس منفرد ایونٹ میں مملکت کے مختلف علاقوں کے علاوہ خلیجی اور دیگر عرب ممالک سے تعلق رکھنے والے شرکا نے شرکت کی۔ تجربہ کار آف روڈ ڈرائیورز کے ساتھ ساتھ نئے شرکا، خاندانوں اور دوستوں کے گروپس نے بھی اس سرمائی تفریح میں بھرپور حصہ لیا۔ یہ بھی پڑھیں: آخری رسومات کے وقت خاتون زندہ ہو گئیں، خاندان میں خوشی کی لہر دوڑ گئی تقریب کے دوران مختلف ثقافتی اور تفریحی سرگرمیوں کا بھی اہتمام کیا گیا۔ جس نے ایونٹ کو مزید رنگا رنگ اور یادگار بنا دیا
عمران خان کا ایکس اکاؤنٹ
اسلام آباد ہائیکورٹ نے بانی پی ٹی آئی کا ایکس اکاؤنٹ بند کرنے کا کیس کل 21 جنوری کو سماعت کے لئے مقررکر دیا۔ اسلام آباد ہائیکورٹ کے جسٹس ارباب محمد طاہر شہری غلام مرتضیٰ کی درخواست پر سماعت کریں گے۔ عدالت نے گزشتہ سماعت کے تحریری حکمنامے میں کہا تھا کہ اڈیالہ جیل حکام پہلے ہی اپنا جواب جمع کرا چکے، دیگر فریقین بھی اپنا جواب جمع کرائیں۔ عمران خان کی جیل میں طبی معائنہ ، ڈاکٹروں نے دوائیں تجویز کیں سلمان اکرم راجہ بانی پی ٹی آئی کی جانب سے کیس کی پیروی کر رہے ہیں جبکہ بیرسٹر ظفر اللہ شہری غلام مرتضیٰ کے وکیل ہیں۔
جی ایچ کیو حملہ کیس،
راولپنڈی: انسداد دہشتگردی عدالت نے 9 مئی جی ایچ کیو حملہ کیس میں وکلا کی بانی پاکستان تحریکِ انصاف (پی ٹی آئی) عمران خان سے ملاقات کی درخواست مسترد کر دی۔ راولپنڈی کی انسداد دہشتگردی عدالت میں جی ایچ کیو حملہ کیس کی سماعت ہوئی۔ سماعت کے دوران وکیل پی ٹی آئی فیصل ملک نے عدالت سے استدعا کی کہ بانی پی ٹی آئی سے قانونی مشاورت کے لیے ملاقات کی اجازت دی جائے۔ اس موقع پر پراسیکیوٹر سید ظہیر شاہ نے مؤقف اختیار کیا کہ بانی پی ٹی آئی اس مقدمے میں گرفتار نہیں ہیں۔ بلکہ وہ جیل حکام کی تحویل میں ہیں۔ لہٰذا ان سے ملاقات سے متعلق اختیارات جیل انتظامیہ کے پاس ہیں۔ اور یہ معاملہ اس عدالت کے دائرہ اختیار میں نہیں آتا۔ یہ بھی پڑھیں: ماہانہ موبائل پیکجز میں 50 فیصدتک اضافہ، وجہ سامنے آگئی عدالت نے پراسیکیوشن کے دلائل سے اتفاق کرتے ہوئے وکلا کی درخواست خارج کر دی۔
پنجاب میں 14 عمارتیں انتہائ
لاہور: پنجاب کی ایک سروے رپورٹ میں 14 عمارتوں کو انتہائی خطرناک قرار دے دیا گیا۔ پنجاب میں خطرناک اور خستہ حال عمارتوں کے حوالے سے سیکرٹری ایمرجینسی اینڈ ریسکیو سروسز کی جانب سے ایک جامع سروے رپورٹ مرتب کر لی گئی۔ جس میں خطرناک عمارتوں کی نشاندہی کی گئی ہے۔ سروے رپورٹ کے مطابق ان 14 عمارتوں میں سے 13 کے خلاف فوری کارروائی کی سفارش کی گئی ہے۔ جبکہ فیصل آباد میں ایک عمارت کو انتہائی خطرناک قرار دیا گیا ہے۔ رپورٹ میں بتایا گیا ہے کہ ان عمارتوں میں رہائشی اور کمرشل سرگرمیوں کے باعث شہریوں کی جان و مال کو شدید خطرات لاحق ہیں۔ بی کیٹیگری میں 63 عمارتیں شامل کی گئی ہیں۔ جن کے لیے مسلسل نگرانی کا فیصلہ کیا گیا ہے۔ ان عمارتوں کو مرمت یا خالی کرانے کی ہدایت جاری کرنے کی سفارش بھی کی گئی ہے۔ سروے میں یہ بھی انکشاف ہوا کہ خطرناک عمارتیں شہری جان و مال کے لیے سنگین خطرہ بن چکی ہیں۔ جس پر ضلعی انتظامیہ اور بلدیاتی اداروں کو رپورٹ ارسال کر دی گئی ہے۔ ان اداروں کی جانب سے خطرناک عمارتوں کے خلاف قانونی کارروائی اور سیلنگ کا امکان ظاہر کیا گیا ہے۔ رپورٹ میں فائر سیفٹی اور بلڈنگ قوانین کی خلاف ورزیوں کی نشاندہی بھی کی گئی ہے۔ جبکہ شہری علاقوں میں موجود پرانی اور خستہ حال عمارتوں کو بڑا خطرہ قرار دیا گیا ہے۔ خطرناک عمارتوں کے مکینوں کی منتقلی کے لیے لائحہ عمل بھی زیر غور ہے۔ یہ بھی پڑھیں: جی ایچ کیو حملہ کیس، عمران خان سے وکلا کی ملاقات کی درخواست مسترد دوسری جانب ضلعی سطح پر فزیکل انسپیکشن کا عمل مزید تیز کرنے کی سفارش کی گئی ہے۔ جبکہ پنجاب میں کراچی جیسے سانحات سے بچاؤ کے لیے پیشگی اقدامات شروع کر دیئے گئے ہیں۔
امریکی جنگی طیارے گرین
امریکی جنگی طیارے گرین لینڈ پہنچنا شروع ہو گئے ہیں۔ امریکی اور کینیڈین دفاعی ادارے نوراڈ نے سوشل میڈیا پر جاری بیان میں کہا ہے کہ امریکی جنگی طیارے جلد گرین لینڈ میں قائم امریکی فوجی اڈے پر پہنچیں گے۔ دفاعی ادارے نے بتایا کہ گرین لینڈ کی حکومت کو بھی اس منصوبہ بندی سے آگاہ کر دیا گیا ہے۔ نوراڈ کے مطابق امریکی طیاروں کی نئی کھیپ کی ترسیل میں ڈنمارک حکومت کے ساتھ مکمل ہم آہنگی حاصل ہے اور امریکی فورسز کو تمام ضروری سفارتی اجازت نامے بھی حاصل ہیں۔ واضح رہے کہ گرین لینڈ ڈنمارک کا خود مختار علاقہ ہے، اور 1951 میں امریکا اور ڈنمارک کے درمیان گرین لینڈ دفاعی معاہدہ طے پایا تھا، جس کے تحت امریکا نے گرین لینڈ کو ممکنہ جارحیت سے بچانے کا عہد کیا تھا۔ ٹیرف کی دھمکیاں مسترد ، گرین لینڈ کیساتھ کھڑے ہیں ، یورپی ممالک کا ٹرمپ کو دو ٹوک جواب اس کے علاوہ امریکا اور کینیڈا نے 1958 میں سرد جنگ کے دوران دفاعی معاہدہ نوراڈ پر دستخط کیے تھے، جس کا بنیادی مقصد بیلسٹک میزائلوں کی لانچنگ کی بروقت اطلاع فراہم کرنا ہے۔
مریم اورنگزیب کے نئے انداز پر
پاکستان شوبز کی سینئر اداکارہ بشریٰ انصاری نے مسلم لیگ (ن) کی سینئر رہنما اور صوبائی وزیر مریم اورنگزیب پر تنقید کرنے والوں کو کرارا جواب دے دیا۔ تفصیلات کے مطابق یہ بحث اس وقت شروع ہوئی جب وزیر اعلیٰ پنجاب مریم نواز کے صاحبزادے جنید صفدر کی شادی کی تقریبات کے دوران مریم اورنگزیب کی نمایاں جسمانی تبدیلی اور نئے انداز نے سب کی توجہ حاصل کی۔ سانحۂ گل پلازہ پر شوبز شخصیات کا دکھ کا اظہار سوشل میڈیا صارفین نے ان کی حالیہ اور پرانی تصاویر کا موازنہ کرتے ہوئے مختلف سوالات اٹھائے، جبکہ کئی افراد نے اس تبدیلی کو خواتین کے لیے ایک مثبت مثال قرار دیا اور شوبز شخصیات اور فیشن ماہرین نے بھی مریم اورنگزیب کے نئے لُک کی تعریف کی۔ اس دوران بشریٰ انصاری نے مریم اورنگزیب کے دفاع میں سامنے آتے ہوئے ان کی تصویر شیئر کی اور لکھا کہ میں مریم کو ذاتی طور پر اچھی طرح جانتی ہوں۔ ان کا وزن کم کرنے کا سفر ان کی عزم، طاقت اور مستقل مزاجی کی عکاسی کرتا ہے۔ شاباش مریم! آپ بہت خوبصورت لگ رہی ہیں، ماشاء اللہ۔ ماہرہ خان برقع پہنے گی تو ڈانس کیسے کرے گی؟ جواد احمد تنقید کی زد میں واضح رہے کہ مریم اورنگزیب مارچ 2024 سے حکومت پنجاب میں سینئر وزیر کے فرائض انجام دے رہی ہیں، اور ان کی حالیہ جسمانی تبدیلی اور اسٹائل نے سوشل میڈیا پر انہیں خاص طور پر زیرِ بحث بنا دیا ہے۔
پلاسٹک کی بوتل سے پانی پینے
مونٹریئل (کینیڈا) – کونکورڈیا یونیورسٹی کی نئی تحقیق اور بین الاقوامی مطالعات کے تجزیے سے انکشاف ہوا ہے کہ پلاسٹک کی بند بوتل سے پانی پینے والے افراد سالانہ کئی گنا مائیکروپلاسٹک ذرات اپنے جسم میں جذب کر لیتے ہیں۔ تحقیق میں 140 سے زائد مطالعات کا جائزہ لیا گیا، جس کے مطابق بوتل بند پانی میں ہر لیٹر میں 2 سے 6,626 تک مائیکروپلاسٹک ذرات موجود ہو سکتے ہیں، جبکہ نینو پلاسٹک کی مقدار اس سے بھی زیادہ ہو سکتی ہے۔ دل کی صحت کیلئے فش آئل سپلیمنٹس کے حیرت انگیز فوائد ماہرین کے مطابق اگر کوئی شخص اپنی روزانہ کی پانی کی مقدار صرف سنگل یوز بوتل سے حاصل کرے تو وہ سالانہ تقریباً 90,000 اضافی مائیکروپلاسٹک ذرات اپنے جسم میں جذب کر لیتا ہے، جبکہ صرف نل کے پانی پینے والے افراد کو سالانہ تقریباً 4,000 ذرات جذب ہوتے ہیں۔ تحقیق میں یہ بھی بتایا گیا ہے کہ بوتل کے گلے اور ڈھکن روشنی، حرارت اور دیگر عوامل کے اثر سے مائیکروپلاسٹک خارج کرنے کے بنیادی ذرائع ہیں۔ عالمی سطح پر کیے گئے مطالعات سے یہ بھی ظاہر ہوا ہے کہ ایک عام انسان سالانہ تقریباً 39,000 سے 52,000 مائیکروپلاسٹک ذرات خوراک اور پانی کے ذریعے جذب کرتا ہے، لیکن جو لوگ روزانہ پلاسٹک بوتل سے پانی پیتے ہیں، ان میں یہ تعداد بڑھ کر تقریباً 90,000 ذرات تک پہنچ جاتی ہے۔ مائیکروپلاسٹک ذرات کا سائز ایک نانومیٹر سے پانچ ملی میٹر تک ہو سکتا ہے اور یہ بوتل کے اندر موجود پانی میں شامل ہو جاتے ہیں۔ ماہرین نے خبردار کیا ہے کہ یہ ذرات مدافعتی نظام، ہارمونز اور اعصابی نظام پر منفی اثر ڈال سکتے ہیں اور ممکنہ طور پر کینسر اور دیگر سنگین بیماریوں سے بھی جڑے ہو سکتے ہیں۔ اس لیے انہوں نے صحت پر فوری اثرات کا جائزہ لینے اور معیاری ٹیسٹنگ کی ضرورت پر زور دیا تاکہ صارفین کو محفوظ اور صاف پانی فراہم کیا جا سکے۔
پولیس عوام کے تحفظ میں پہلی
فیلڈ مارشل سید عاصم منیر کا کہنا ہے کہ پولیس عوام کے تحفظ میں پہلی دفاعی لائن ہے، مضبوط، پیشہ ور اور عوام دوست پولیس فورس داخلی سلامتی کیلئے ناگزیر ہے۔ آئی ایس پی آرکے مطابق فیلڈ مارشل سید عاصم منیر نے نیشنل پولیس اکیڈمی اسلام آباد کا دورہ کیا،نیشنل پولیس اکیڈمی کے کمانڈنٹ نے ان کا پرتپاک استقبال کیا،وزیرداخلہ محسن نقوی اوروزیرمملکت بھی موقع پر موجود تھے۔ فیلڈ مارشل کو پولیس کے چاق و چوبند دستے نے گارڈ آف آنر پیش کیا،انہوں نے پولیس شہدا کی یادگار پر پھول رکھے اور فاتحہ خوانی کی۔سید عاصم منیر نے پولیس شہداء کو خراجِ عقیدت پیش کیا۔ اس موقع پر فیلڈ مارشل سے پولیس سروس آف پاکستان کے افسران کی ملاقات ہوئی ۔فیلڈ مارشل نے دہشت گردی، جرائم اور داخلی سلامتی کے چیلنجز سےنمٹنےکیلئے پولیس کی قربانیوں کی تعریف کی۔ فیلڈ مارشل نے کیڈٹ اسسٹنٹ سپرنٹنڈنٹس آف پولیس اے ایس پیز سے بھی گفتگو کی،انہوں نے آئی جیز، ایڈیشنل آئی جیز اور سینئر پولیس افسران سے خطاب کرتے ہوئے کہا کہ پولیس عوام کے تحفظ میں پہلی دفاعی لائن ہے۔ مضبوط، پیشہ ور اور عوام دوست پولیس فورس داخلی سلامتی کیلئے ناگزیر ہے،امن و امان کا قیام پولیس کی مقدس ذمہ داری ہے،مسلح افواج ہمیشہ بہادر اور باوقار پولیس کے شانہ بشانہ کھڑی رہیں گی۔ فیلڈ مارشل کو اسکول فار ہائی امپیکٹ ایلیٹ لا انفورسمنٹ ڈیولپمنٹ پربریفنگ دی گئی،فیلڈ مارشل نے قانون نافذ کرنے والے اداروں پر عوامی اعتماد کے فروغ کی اہمیت پر زور دیا۔ پولیس قیادت نے پولیسنگ کے معیار کو بہتر بنانے کیلئے ادارہ جاتی اصلاحات آگے بڑھانے کے عزم کا اعادہ کیا۔
پھیپھڑوں کے کینسر کی ابتدائی
پھیپھڑوں کے کینسر کی ابتدائی علامات صرف سانس لینے میں دشواری، کھانسی یا سینے میں درد تک محدود نہیں ہوتیں، بلکہ یہ جسم کے دیگر حصوں، خاص طور پر ٹانگوں اور پیروں میں بھی ظاہر ہو سکتی ہیں۔ ماہرین کے مطابق اگر ٹانگوں یا پیروں میں سوجن، درد، رنگت میں تبدیلی، جھنجھناہٹ، یا پٹھوں کی کمزوری محسوس ہو تو یہ بعض اوقات پھیپھڑوں کے کینسر کی ابتدائی علامات ثابت ہو سکتی ہیں۔ پلاسٹک کی بوتل سے پانی پینے کے حیرت انگیز اور خطرناک نقصانات ٹانگوں یا پیروں میں سوجن اس وقت ظاہر ہوتی ہے جب جسم کے ٹشوز میں اضافی مائع جمع ہونے لگتا ہے، جو شریانوں یا لمفی نالیوں کے متاثر ہونے کی نشاندہی کر سکتا ہے۔ اس کے علاوہ اگر کسی ایک ٹانگ میں درد، گرمی یا سرخی محسوس ہو تو یہ خون کے جمنے کی علامت ہو سکتی ہے، جو پھیپھڑوں کے کینسر کے مریضوں میں عام طور پر دیکھی جاتی ہے۔ رپورٹس کے مطابق جلد کی رنگت میں تبدیلی، جیسے پیلاہٹ، نیلاہٹ یا سرخی، خون میں آکسیجن کی کمی یا خون کے بہاؤ میں رکاوٹ کی علامت ہو سکتی ہے۔ بعض مریضوں میں کیموتھراپی کے دوران یا بعد میں جھنجھناہٹ، جلن، یا چلنے میں دشواری جیسی علامات بھی سامنے آتی ہیں، جو اعصابی نظام پر علاج کے اثرات کی وجہ سے پیدا ہوتی ہیں۔ کچھ کیسز میں ٹخنوں یا پیروں کے ناخنوں کی ساخت میں تبدیلی دیکھی گئی، جو طویل عرصے تک خون میں آکسیجن کی کمی یا پھیپھڑوں کی بیماریوں سے منسلک ہو سکتی ہے۔ مریم اورنگزیب کے نئے انداز پر تنقید کرنے والوں کو بشریٰ انصاری کا کرارا جواب ڈاکٹرز کا کہنا ہے کہ اگر کسی فرد کو ٹانگوں یا پیروں میں سوجن، درد یا رنگت میں غیر معمولی تبدیلی مستقل طور پر محسوس ہو تو اسے فوراً ڈاکٹر سے رجوع کرنا چاہیے۔ بروقت تشخیص نہ صرف علاج کے امکانات بڑھاتی ہے بلکہ زندگی بچانے کے مواقع کو بھی نمایاں طور پر بہتر بناتی ہے۔
راجہ ناصر عباس سینیٹ میں
چیئرمین سینیٹ نے علامہ راجہ ناصر عباس کو اپوزیشن لیڈر مقرر کرنے کا اعلان کر دیا۔ سینیٹ میں اپوزیشن لیڈر علامہ راجہ ناصر عباس نے اپنی نشست سنبھال لی،رانا ثنااللہ، اعظم نذیر تارڑ، طارق فضل چودھری نے مصافحہ کیا اور مبارکباد دی۔ اپنے حلف کو آج تک نہیں توڑا،چادر چار دیواری کا تحفظ کرنا ہوگا،اپوزیشن لیڈر اپوزیشن لیڈر علامہ راجہ ناصر عباس نے سینیٹ میں خطاب کرتے ہوئے کہا کہ اصولوں پر کبھی سمجھوتانہیں کروں گا،وطن کی حفاظت اور بہتری کیلئے کردار ادا کریں گے۔ سینیٹ میں عوام کے دکھ درد کم کرنا اولین ترجیح ہوگی،مقامی لوگوں کی مدد کے بغیر دہشت گردی کا خاتمہ ممکن نہیں،انصاف دیئے بغیر عوام کا اعتماد بحال نہیں ہو سکتا۔ محمود خان اچکزئی کی بطور اپوزیشن لیڈر تقرری نیک شگون ہے، چودھری پرویزالٰہی ملک سیاسی بحران اور بے چینی کا شکار ہے،آئین کے دائرے میں احتجاج ملک کو مضبوط بناتا ہے،انہوں نے بانی پی ٹی آئی کی رہائی کا مطالبہ کرتے ہوئے کہا کہ ماضی میں غلط فیصلوں نے ملک کو ناقابلِ تلافی نقصان پہنچایا۔
مریم اورنگزیب سے متعلق سرجری
اسلام آباد: پنجاب کی سینئر وزیر مریم اورنگزیب کے اچانک خوبصورت اور مختلف نظر آنے سے متعلق سوشل میڈیا پر گردش کرنے والی سرجری کی افواہوں پر ان کی والدہ طاہرہ اورنگزیب کا اہم بیان سامنے آ گیا۔ مریم اورنگزیب کی والدہ طاہرہ اورنگزیب نے گفتگو کرتے ہوئے کہا کہ مریم اورنگزیب گزشتہ دو سے تین ماہ سے سخت ڈائٹ پر ہیں۔ میں نے خود بھی اسے منع کیا ہے۔ لیکن وہ زیادہ تر صرف چائے اور کافی پر گزارا کر رہی ہیں۔ انہوں نے کہا کہ اسی وجہ سے مریم اورنگزیب پتلی ہوئی ہیں اور اسی باعث مختلف نظر آ رہی ہیں۔ اس کے علاوہ کسی قسم کی کوئی سرجری نہیں کروائی گئی۔ واضح رہے کہ مریم اورنگزیب کے نئے لک پر تبصرے اس وقت شروع ہوئے جب وزیر اعلیٰ پنجاب مریم نواز کے صاحبزادے جنید صفدر کی شادی کی تقریبات کے دوران سامنے آنے والی تصاویر سوشل میڈیا پر وائرل ہوئیں۔ ان تصاویر میں مریم اورنگزیب پہلے سے زیادہ اسمارٹ اور مختلف دکھائی دے رہی تھیں۔ جس کے بعد سرجری سے متعلق قیاس آرائیاں جنم لینے لگیں۔ یہ بھی پڑھیں: کوئی بھی حکومت بلدیاتی انتخابات بروقت کرانے میں سنجیدہ نہیں، الیکشن کمیشن خاندانی ذرائع کے مطابق مریم اورنگزیب کی ظاہری تبدیلی کسی طبی عمل کا نتیجہ نہیں بلکہ طرز زندگی اور خوراک میں تبدیلی کا اثر ہے۔
ن لیگی رہنما رانا ارشد کے
لاہور: پنجاب اسمبلی میں مسلم لیگ ن کے چیف وہپ رانا ارشد کے بڑے بھائی رانا نواز انتقال کر گئے۔ رانا ارشد کے بھائی رانا نواز جگر کے عارضے کے باعث اسپتال میں زیرعلاج تھے۔ ان کی نماز جنازہ آبائی علاقے شاہ کوٹ میں منگل کی دوپہر 2 بجے ادا کی جائے گی۔ وزیر اعلیٰ پنجاب مریم نواز نے رانا ارشد کے بڑے بھائی کے انتقال پر گہرے دکھ اور افسوس کا اظہار کیا۔ وزیراعلیٰ نے سوگوار خاندان سے تعزیت کرتے ہوئے مرحوم کے درجات کی بلندی اور لواحقین کے لیے صبر جمیل کی دعا کی۔ یہ بھی پڑھیں: مریم اورنگزیب سے متعلق سرجری کی افواہیں، والدہ کا وضاحتی بیان سامنے آ گیا مریم نواز نے کہا کہ وہ اس دکھ کی گھڑی میں رانا ارشد اور ان کے اہلخانہ کے غم میں برابر کی شریک ہیں۔ اور اللہ تعالیٰ سے دعا ہے کہ مرحوم کو جنت الفردوس میں اعلیٰ مقام عطا فرمائے۔
شاہ محمود قریشی کا کوٹ لکھپت
شاہ محمود قریشی نے کوٹ لکھپت جیل سے ایم پی اے ندیم قریشی کے نام خط لکھا ہے۔ خط میں انہوں نے لکھا ہے کہ آپ کو پنجاب اسمبلی میں پنجاب پروٹیکشن آف اموویبل پراپرٹی ایکٹ 2025 کے خلاف مدلل تقریر پر مبارکباد دینا چاہتا ہوں،یہ مسئلہ قانونی برادری کو متحد کرنے کا سبب بنا ہے۔ حامد خان کی قیادت میں دونوں گروپس اور احسن بھون کی قیادت میں پنجاب بار کونسل نے اس قانون کو مسترد کر دیا،چیف جسٹس عالیہ نیلم نے قانون کے ان حصوں کو معطل کر دیا ہے جو ڈپٹی کمشنرز کو فیصلے کا اختیار دیتے تھے۔ شاہ محمود قریشی کا پتے کی پتھری کا آپریشن پنجاب بار کونسل بھی اس ایکٹ کے خلاف باقاعدہ تحریک چلانے پر غور کر رہی ہے،اسمبلی میں آپ نے جس انداز میں انتخابی مہم چلائی، اس نے ہمیں بہت زیادہ اطمینان بخشا ہے،اگرچہ اس وقت کوٹ لکھپت جیل میں قید ہوں، مگر حالات کو بہت قریب سے دیکھ رہا ہوں۔ شاہ محمود قریشی کا خط زین قریشی نے ندیم قریشی کے حوالے کیا۔
اسلام آباد میں ایم ٹیگ سینٹرز
وفاقی دارالحکومت اسلام آباد میں شہریوں کی سہولت کے پیش نظر ایم ٹیگ سینٹرز کی تعداد میں اضافہ کردیا گیا ہے ۔ این 5 مارگلہ کے مقام پر ایک اور ایم ٹیگ سینٹر قائم کردیا گیا،شہر بھر میں ایم ٹیگ سینٹرز کی تعداد مجموعی طور پر 18 ہوگئی۔مجموعی طور پر ایک لاکھ 69 ہزار 538 گاڑیوں کو ایم ٹیگ کا اجرا مکمل ہوگیا۔ اسلام آباد میں بغیر ایم ٹیگ گاڑیوں کے بارے میں اہم فیصلہ ڈی جی ایکسائزکا کہنا ہے کہ شہریوں کی آسانی کے لیے ہر ممکن سہولت فراہم کی جا رہی ہے،بغیرایم ٹیگ گاڑیوں کے خلاف کارروائیاں بھی جاری رہیں گی۔ شہری کسی بھی قانونی کارروائی سے بچیں، ایم ٹیگ لگوائیں۔
ملک کے مختلف علاقوں میں
محکمہ موسمیات نے ملک کے مختلف علاقوں میں بارش اور برفباری کی پیشگوئی کر دی۔ محکمہ موسمیات کے مطابق اسلام آباد اور گرد و نواح میں موسم سرد رہنے کا امکان ہے، بلوچستان کے بیشتر اضلاع میں موسم سرد اور خشک رہے گا۔ خیبر پختونخوا کے بیشتر اضلاع میں موسم سرد اور خشک رہنے کی توقع ہے، چترال، سوات، دیر، کوہستان اور ایبٹ آباد میں بارش کا امکان ہے۔ لاہور شہر میں سردی کی شدت برقرار ہے، صبح سویرے کم سے کم درجہ حرارت 7 ڈگری سینٹی گریڈ ریکارڈ کیا گیا، شہر میں زیادہ سے زیادہ درجہ حرارت 20 ڈگری سینٹی گریڈ ریکارڈ کیا جا سکتا ہے۔ اسلام آباد میں ایم ٹیگ سینٹرز کی تعداد میں اضافہ کردیا گیا دنیا کے فضائی آلودگی کے اعتبار سے آلودہ ترین شہروں کی فہرست میں لاہور پہلے نمبر پر ہے، شہر میں مجموعی ایئر کوالٹی انڈیکس 565 ریکارڈ کیا گیا ہے۔
سانحہ گل پلازہ، جاں بحق افراد
سانحہ گل پلازہ میں جاں بحق افراد کی تعداد 26 ہو گئی ہے، 75 کے لاپتہ ہونے کی تصدیق کی گئی ہے۔ ایم اے جناح روڈ پر واقع گل پلازہ شاپنگ مال میں ہفتے کی رات لگنے والی آگ پر بالآخر قابو پا لیا گیا ہے، ملبہ ہٹانے اور لاشیں نکالنے کا سلسلہ جاری ہے جبکہ لاپتہ افراد کی فہرست 83 تک پہنچ گئی ہے۔ ریسکیو اہلکار 40 گھنٹوں بعد گل پلازہ کی عمارت میں داخل ہو گئے ہیں اور پہلی منزل پر لاشوں کی تلاشی کا کام مکمل ہوگیا اور اب دوسری منزل پر زندہ یا مردہ افراد کی تلاش کی جا رہی ہے۔ ڈپٹی کمشنر جاوید نے میڈیا سے بات کرتے ہوئے کہا کہ مجموعی طور پر 20 لاشیں نکالی جا چکی ہیں، 18 لاشوں کی شناخت ہو چکی ہے، انہوں نے کہا کہ ریسکیو اینڈ سرچ آپریشن جاری ہے، بلڈنگ کا 40 فیصد حصہ گر چکا ہے۔ ان کا کہنا تھا کہ ایس بی سی اے کے ماہرین نے معائنے کے بعد بتایا ہے کہ دیگر حصے بھی انتہائی کمزور ہیں، انہوں نے کہا کہ تاجروں سے گزارش ہے کہ ہم سے تعاون کریں، ریڈ زون سے دور رہیں۔ سندھ حکومت کا سانحہ گل پلاز ہ میں جاں بحق افراد کے لواحقین کو فی خاندان ایک کروڑ روپے دینے کا اعلان ان کا کہنا تھا کہ لاپتہ افراد کی فہرست میں 83 شامل ہیں، بعض نام دو بار شامل کر لئے گئے، 75 افراد کے لاپتہ ہونے کی تصدیق ہے، ان کا کہنا تھا کہ 39 افراد کی لوکیشن گل پلازہ آئی ہے۔
سانحہ گل پلازہ، آتشزدگی
کراچی میں ایم اے جناح روڈ پر گل پلازہ میں پیش آنے والے افسوسناک واقعے سے شہر قائد سوگ میں مبتلا ہے۔ اس تباہی کے منظر میں حیرت انگیز منظر بھی دیکھنے کو ملا، آگ بجھنے کے بعد سرچ آپریشن کا عمل جاری ہے اس دوران ریسکیو اہلکار پلازے کی مسجد میں داخل ہوئے تو دنگ رہ گئے۔ مسجد میں قرآن پاک معجزانہ طور پر بالکل محفوظ تھے، آگ سے مسجد بھی محفوظ رہی، ریسکیو والوں نے قرآن پاک محفوظ مقام پر منتقل کر دیے ہیں۔ ریسکیو اہلکار نے اس موقع پر ویڈیو بنائی جو سوشل میڈیا پر وائرل ہو گئی، ریسکیو حکام کے مطابق گل پلازہ کے پہلے فلور پر قائم مسجد کلیئر کردی گئی، پہلے فلور پر مسجد میں کوئی شخص نہیں ہے۔ سانحہ گل پلازہ، جاں بحق افراد کی تعداد 26 ہو گئی، 75 کے لاپتہ ہونے کی تصدیق واضح رہے کہ اس سانحے میں اب تک 26 افراد جاں بحق ہو چکے ہیں اور 83 افراد اب بھی لاپتہ ہیں۔
سپریم کورٹ نے 15 سال
سپریم کورٹ نے 15 سال بعد قتل کے 3 ملزمان کو بری کر دیا۔ عدالت نے لاہور ہائیکورٹ کا 9 جنوری 2017 کا فیصلہ کالعدم قرار دے دیا، سپریم کورٹ نے کہا کہ قتل کا واقعہ 17 دسمبر 2010 کو لودھراں میں پیش آیا۔ مقدمے کے مطابق مقتول کو فائرنگ سے زخم لگے اور جاں بحق ہو گیا، عدالت کا کہنا تھا کہ استغاثہ کے مطابق ملزمان موقع پر موجود تھے اور نیت سے فائرنگ کی۔ سپریم کورٹ نے کہا کہ ملزمان کے خلاف مقدمہ درج کیا گیا اور گرفتاری عمل میں لائی گئی، عدالت نے 24 ستمبر 2011 کو ملزمان کو قتل کا مرتکب قرار دے کر سزا سنائی۔ ٹرائل کورٹ نے 2 ملزمان کو سزائے موت اور ایک کو عمر قید کی سزا سنائی، لاہور ہائیکورٹ نے 9 جنوری 2017 کو عمر قید والے ملزم کی سزا برقرار رکھی، لاہور ہائیکورٹ نے 2 ملزمان کی سزائے موت کو عمر قید میں تبدیل کر دیا۔ سانحہ گل پلازہ، آتشزدگی کے باوجود قرآن پاک محفوظ رہے سپریم کورٹ نے کہا کہ استغاثہ جرم ثابت کرنے میں ناکام رہا اور گواہوں کی موجودگی موقع واردات پر ثابت نہیں ہوئی، گواہان کے بیانات میں تضادات پائے گئے،فائرنگ کا مشاہدہ کرنا ممکن نہیں تھا۔ سپریم کورٹ کے مطابق میڈیکل رپورٹ بھی عینی شہادت کی مکمل تائید نہیں کرتی تھی، اسلحہ اور خالی خولوں کی برآمدگی ناقابلِ بھروسہ ہے، عدالت نے کہا کہ ملزمان کو شک کا فائدہ دے کر بری کیا جاتا ہے۔
کراچی: 2 سال قبل ہونیوالے
محکمہ فائربریگیڈ کی جانب سے دو سال پہلے بڑی عمارتوں میں فائر سیفٹی آڈٹ کیا گیا تھا جس میں بیشتر بلند عمارتوں اور کاروباری مراکز میں اسٹینڈرڈ فائر سیفٹی نہ ہونے کا انکشاف ہوا ہے۔ بلدیہ عظمیٰ کراچی نے 2023 میں اس حوالے سے شہر میں بلند عمارتوں کا فائر سیفٹی آڈٹ کرایا تھا۔ آڈٹ رپورٹ یکم جنوری 2024 کو کمشنر کراچی کو بھجوائی گئی جس میں نشاندہی کی گئی تھی کہ شارع فیصل، آئی آئی چندریگر روڈ، شاہراہ قائدین اور طارق روڈ پر مجموعی طور پر 235 سے زائد عمارتوں کا سروے کیا گیا جن میں فائر سیفٹی آڈٹ میں سنگین خامیاں سامنے آئیں۔ رپورٹ میں بتایا گیا کہ اگر خامیوں پر توجہ نہ دی گئی تو اندیشہ ہے مستقبل میں بھی ایسے واقعات رونما ہو سکتے ہیں۔ آڈٹ رپورٹ میں عمارتوں کے مالکان اور مکینوں کو فائر سیفٹی اقدامات یقینی بنانے کی سفارش کی گئی تھی جب کہ متعلقہ اداروں کو ایسی عمارتوں کے خلاف کارروائی کا مشورہ بھی دیا گیا تھا۔ 2023 کی آڈٹ رپورٹ کے مطابق آئی آئی چندریگر روڈ پر 45 عمارتوں کا معائنہ کیا گیا جن میں سے 29 کو غیر تسلی بخش قرار دیا گیا۔ رپورٹ میں یہ انکشاف بھی کیا گیا کہ 77 فیصد عمارتوں میں فائر فائٹنگ کا سامان موجود نہیں ہے۔
اسلام آباد اور اسکے اطراف
اسلام آباد اور گردونواح میں زلزلے کے جھٹکے محسوس کیے گئے زلزلہ پیما مرکز کے مطابق اسلام آباد اور اس کے اطراف میں پیر کی دوپہر کو زلزلے کے شدید جھٹکے محسوس کیے گئے جس سے شہریوں میں خوف و ہراس پھیل گیا اور وہ گھروں، دفاتر سے باہر نکل آئے۔ زلزلہ پیما مرکز کا کہنا ہے کہ ریکٹر اسکیل پر زلزلے کی شدت 5.8 ریکارڈ کی گئی اور اس کا مرکز کشمیر کا شمال مغربی حصہ تھا جب کہ اس کی گہرائی 10 کلومیٹر ریکارڈ کی گئی۔ اس کے علاوہ ہنزہ میں بھی زلزلے کے جھٹکے محسوس کیے گئے ہیں۔ ا بتدائی معلومات کے مطابق زلزلے کے نتیجے میں فوری طور پر کسی جانی و مالی نقصان کی اطلاع نہیں ملی۔
وزیراعلیٰ سندھ کا گل پلازہ میں
کراچی: وزیراعلیٰ سندھ مراد علی شاہ نے گل پلازہ میں آتشزدگی کے واقعے کا سخت نوٹس لے لیا۔ وزیراعلیٰ سندھ مراد علی شاہ نے کمشنر کراچی کو واقعے کی فوری انکوائری کی ہدایت کی ہے، وزیراعلیٰ سندھ نے آگ کے باعث جانی نقصان پر اظہار افسوس کیا۔ انہوں نے کمشنر کراچی کو آتشزدگی کی وجوہات معلوم کر کے تفصیلی رپورٹ پیش کرنے کا حکم دیا، انہوں نے گل پلازہ میں فائر سیفٹی انتظامات کی جانچ کرنے کی ہدایت بھی کی۔ وزیراعلیٰ سندھ مراد علی شاہ نے فائر سیفٹی قوانین پر سختی سے عملدرآمد کی ہدایت جاری کی اور کہا کہ غفلت یا لاپرواہی ثابت ہونے پر ذمہ داروں کیخلاف کارروائی کی جائے۔ کراچی کے گل پلازہ میں آگ لگنے سے6 افراد جاں بحق، 22 سے زائد زخمی، کئی گھنٹوں بعد بھی آگ پر قابو نہ پایا جا سکا وزیراعلیٰ سندھ مراد علی شاہ نے زخمیوں کو بہترین طبی سہولیات فراہم کرنے کی بھی ہدایت کی اور کراچی کی کمرشل عمارتوں میں فائر سیفٹی آڈٹ فوری کرانے کا حکم بھی دیا
فائر بریگیڈ کے حکام نے گل پلازہ
کراچی: حکام فائر بریگیڈ نے گل پلازہ آتشزدگی کے واقعے کی ابتدائی رپورٹ جاری کر دی ہے۔ حکام فائر بریگیڈ نے اپنی رپورٹ میں کہا کہ گل پلازہ کی عمارت کا عقبی حصہ مکمل طور پر زمین بوس ہو چکا ہے۔ فرقان نامی فائر فائٹر عمارت گرنے کے نتیجے میں جاں بحق ہو گیا ہے، رپورٹ میں کہا گیا کہ کے ایم سی فائر بریگیڈ کا ایک فائر فائٹر ملبے کی زد میں آ کر زخمی ہوا ہے۔ رپورٹ میں کہا گیا کہ 6 افراد کی اموات اب تک رپورٹ ہوچکی ہیں، 17 افراد زخمی ہوئے، ابتدائی رپورٹ میں کہا گیا کہ گل پلازہ میں لگی آگ پر 60 فیصد تک قابو پایا جا چکا ہے۔ فائر بریگیڈ حکام کی جانب سے کہا گیا ہے کہ وقفے وقفے سے عمارت کے اندر آگ دوبارہ بھڑکنے کا سلسلہ جاری ہے، 3 جانب سے عمارت کو گھیرے میں لے کر فائر فائٹنگ جاری ہے۔ وزیراعلیٰ سندھ کا گل پلازہ میں آتشزدگی کے واقعے کا سخت نوٹس، فوری انکوائری کی ہدایت رپورٹ میں کہا گیا کہ پانی وافر مقدار میں موجود ہے، فی الحال آگ مکمل بجھانا سب سے بڑا چیلنج ہے، عمارت کا اسٹرکچر انتہائی کمزور ہو چکا ہے، سامنے کا حصہ کسی وقت بھی گر سکتا ہے۔
شعبان کے چاند سے متعلق پیشگوئی
غیرسرکاری تنظیم رویتِ ہلال ریسرچ کونسل نے پاکستان میں شعبان کے چاند سے متعلق پیشگوئی کر دی۔ کونسل کے سیکرٹری جنرل خالد اعجاز مفتی نے کہا کہ چاند اتوار 18 اور پیر 19 جنوری 2026ء کی درمیانی شب پاکستانی وقت کے مطابق رات 12 بج کر 52 منٹ پر پیدا ہوگا۔ ان کا کہنا تھا کہ 19 جنوری بروز پیر کو غروبِ آفتاب کے وقت چاند کی عمر 18 گھنٹوں سے کم ہو گی جبکہ ہلال کی رویت کیلئے چاند کی عمر کم از کم 19 گھنٹے ہونا ضروری ہے۔ انہوں نے کہا کہ 19 جنوری پیر کو شعبان کا چاند نظر آنا ممکن نہیں ہے، جس کے بعد شعبان 1447 ھ کا آغاز 21 جنوری بروز بدھ سے ہو گا۔ غیر سرکاری تنظیم کے مطابق غروبِ شمس اور غروبِ قمر کے درمیان فرق بھی مطلوبہ معیار پر پورا نہیں اترے گا، گلگت، مظفر آباد میں یہ فرق 29 منٹ، پشاور، اسلام آباد، لاہور اور چارسدہ میں فرق 30 منٹ، کوئٹہ میں 31 منٹ جبکہ کراچی اور جیوانی میں یہ فرق 33 منٹ ہوگا۔ مریم نواز کے صاحبزادے جنید صفدر کی بارات کی تصاویر سامنے آ گئیں چاند کی رویت کیلئے غروب شمس اور غروب قمر میں کم از کم 40 منٹ کا فرق ضروری سمجھا جاتا ہے۔ اس طرح 20 جنوری کو چاند نظر آنے کا امکان ہے، چاند کی رویت کا حتمی اعلان رویت ہلال کمیٹی کرے گی۔
صدر ٹرمپ نے غزہ بورڈ آف پیس
امریکی صدر ڈونلڈ ٹرمپ نے غزہ کے لیے بورڈ آف پیس میں وزیراعظم شہباز شریف کو شمولیت کی دعوت دے دی۔ ترجمان دفتر خاجہ طاہر اندرابی نے کہا کہ پاکستان کو غزہ سے متعلق بورڈ آف پیس میں شامل ہونے کی باضابطہ دعوت ملی ہے۔ پاکستان غزہ میں امن و سلامتی کے لیے عالمی کوششوں میں بھرپور کردار ادا کرتا رہے گا۔ سلامتی کونسل میں ٹرمپ کے غزہ امن منصوبے کی حمایت میں قرارداد منظور ترجمان کا کہنا تھا کہ غزہ میں پائیدار امن کے لیے پاکستان بین الاقوامی برادری کے ساتھ رابطے میں رہے گا۔ مسئلہ فلسطین کا مستقل حل اقوام متحدہ کی قراردادوں کے مطابق ہونا چاہیے، پاکستان مشرق وسطیٰ میں دیرپا امن کے لیے سفارتی کاوشوں کی حمایت جاری رکھے گا۔ واضح رہے کہ وائٹ ہاؤس نے گزشتہ روز ٹرمپ کے منصوبے کے تحت غزہ بورڈ آف پیس کے ارکان کے ناموں کا اعلان کیا تھا۔
جے یو آئی کے رہنما مولانا محمد یوسف
جے یوآئی کے رہنما مولانا محمد یوسف انتقال کرگئے۔ سابق ممبر قومی اسمبلی مولانا محمد یوسف چند دنوں سے اسلام آباد کے اسپتال میں زیرعلاج تھے، ان کی نمازجنازہ تین بجے جامعہ اشاعت الاسلام بٹگرام میں ادا کی جائے گی۔ وہ دوبارہ جمعیت علمائے اسلام کے ٹکٹ پر قومی اسمبلی کے رکن منتخب ہو چکے ہیں، مولانا محمد یوسف پہلی بار 2002 اور دوسری بار 2013 میں بٹگرام سے ممبر قومی اسمبلی منتخب ہوئے۔ قانونی پیٹرول پمپس کی شناخت کیلئے ”راہگزر“ موبائل ایپ لانچ کر دی گئی مرحوم مولانا قاری محمد یوسف دارالعلوم اشاعت الاسلام کے مہتمم بھی تھے۔ جے یو آئی کی قیادت نے ان کی وفات پر تعزیت کا اظہار کیا ہے۔
بنگلادیش نے آئی سی سی وفد میں
بنگلادیش نے آئی سی سی وفد میں شامل بھارتی اہلکار کو ویزا دینے سے انکار کر دیا۔ بھارتی میڈیا کے مطابق ورلڈکپ کے وینیوز کے معاملے میں آئی سی سی کے دو رکنی وفد نے بنگلا دیش کا دورہ کرنا تھا۔ آئی سی سی وفد میں ہیڈ آف اینٹی کرپشن اینڈ سیکیورٹی اینڈریو ایپہگریو اور بھارت سے تعلق رکھنے والے سینئر ایگزیکٹو شامل تھے، صرف ہیڈ آف اینٹی کرپشن اینڈ سیکیورٹی کو ویزا جاری کیا گیا۔ بھارتی میڈیا کے مطابق اینڈریو ایپہگریو دو روزہ دورے پر آج بنگلادیش پہنچیں گے۔ آئی سی سی وفد کے دورے کا مقصد ورلڈکپ کے وینیوز کی تبدیلی پر بات چیت کرنا ہے۔ شاہد آفریدی نے کراچی چھوڑ دیا، اسلام آباد منتقل ہونے کی تصدیق یاد رہے کہ بنگلا دیش نے سیکیورٹی خدشات کی وجہ سے بھارت میں اپنے ٹی ٹوئنٹی ورلڈکپ کے میچز کھیلنے سے انکار کیا ہے۔
بیٹے کی شادی پر لی گئی
وزیراعلیٰ پنجاب مریم نواز کے صاحبزادے جنید صفدر کی مہندی کی تقریب گزشتہ روز منعقد ہوئی، جس کی رنگارنگ تصاویر سوشل میڈیا پر وائرل ہو چکی ہیں۔ دلہا جنید صفدر اور دلہن کی تصاویر کے بعد اب اس خوشی کے موقع پر وزیراعلیٰ پنجاب مریم نواز کی ایک تصویر بھی منظر عام پر آئی ہے، جس نے خاصی توجہ حاصل کی ہے۔ تقریب کے دوران لی گئی اس تصویر میں مریم نواز کو نہایت روایتی لباس میں دیکھا جا سکتا ہے۔ انہوں نے سنہری اور زرد رنگ کے امتزاج پر مشتمل بھاری اور نفیس لباس پہنا ہوا ہے، جو مشرقی ثقافت اور شادی کی روایات کی عکاسی کرتا ہے۔ ان کے لباس پر باریک گوٹا اور خوبصورت کڑھائی نمایاں ہے، جبکہ دوپٹہ سر پر بڑے شوق و خلوص سے اوڑھا ہوا ہے جس کے کناروں پر شوخ رنگوں کی کڑھائی کی گئی ہے۔ مریم نواز کا یہ لباس مہندی کی تقریب کی رنگینیوں سے میل کھاتا ہے اور سادگی و وقار کے ساتھ ایک شاہانہ انداز بھی دکھاتا ہے۔ زیورات کے انتخاب میں بھی روایتی حسن کو ترجیح دی گئی ہے۔ جنید صفدر کی شادی کے سوشل میڈیا پر چرچے، نئی تصاویر سامنے آگئیں یہ شادی کی تقریبات نجی نوعیت کی ہیں، تاہم کچھ تصاویر اور خبریں عوامی دلچسپی کا باعث بنی ہوئی ہیں۔ سوشل میڈیا صارفین نے وزیراعلیٰ پنجاب کے لباس اور انداز کی خوب تعریف کی ہے۔
اسلام آباد میں بغیر ایم ٹیگ
اسلام آباد میں بغیر ایم ٹیگ گاڑیوں کے خلاف کارروائیوں کا آغاز، بغیر ایم ٹیگ کے شہر میں داخل ہونے والی تمام گاڑیوں کو روکنے کا سلسلہ شروع ہو گیا ہے۔ اسلام آباد کی تین مرکزی شاہراہوں پر لگائے گئے ناکوں پر بغیر ایم ٹیگ گاڑیوں کو روک کر ایم ٹیگ لگانے کا سلسلہ جاری ہے، نائنتھ ایونیو ناکہ، مارگلہ ایونیو اور ناکہ جی 14 پر کارروائیوں کا آغاز ہو گیا ہے۔ اسلام آباد میں داخل ہونے والی تینوں مین شاہراہوں پر انتظامیہ کی ٹیمیں موجود ہیں، ایس ایس پی آپریشنز قاضی علی رضا اور ایس پی ڈولفن نے مرکزی شاہراہوں پر لگائے گئے ناکوں کا دورہ کیا۔ بارش اور برفباری کا نیا سلسلہ کب شروع ہو گا؟ الرٹ جاری اسلام آباد میں 12 انٹری پوائنٹس پر لگائے گئے ایم ٹیگ ریڈرز کو بھی فعال کر دیا گیا ہے اوربغیر ایم ٹیگ کے شہر میں داخل ہونے والی تمام گاڑیوں کو روکا جا رہا ہے۔
سوشل میڈیا پر وزارتِ تعلیم سے
صوبائی وزیر تعلیم رانا سکندر حیات نے سوشل میڈیا پر وائرل ہونے والے اس نوٹیفکیشن کو جعلی قرار دے دیا ہے جس میں ان کی وزارتِ تعلیم سے علیحدگی کا دعویٰ کیا جا رہا تھا۔ رانا سکندر حیات کا کہنا ہے کہ وہ وزیر اعلیٰ کے مکمل اعتماد کے ساتھ بطور وزیرِ تعلیم اپنی ذمہ داریاں انجام دے رہے ہیں اور ان کے عہدے میں کسی قسم کی کوئی تبدیلی نہیں کی گئی۔ انہوں نے مزید کہا کہ جھوٹی اور گمراہ کن خبریں پھیلانے والوں کے خلاف قانونی کارروائی عمل میں لائی جائے گی، جبکہ عوام سے اپیل کی کہ وہ صرف مستند اور تصدیق شدہ ذرائع پر ہی اعتماد کریں۔ یونیورسٹی آف لندن نے پاکستان میں تعلیمی معیار کو نئی جہت دی، عطا اللہ تارڑ
فتنہ الہندوستان کے دہشت گرد اور ان کے
وفاقی وزیر داخلہ محسن نقوی نے کہا ہے کہ فتنہ الہندوستان کے دہشت گرد اور ان کے سہولت کار دھرتی پر بوجھ ہیں۔ وزیر داخلہ محسن نقوی نے خاران میں دہشت گرد حملے پسپا کرنے پر سیکیورٹی فورسز کو خراجِ تحسین پیش کیا اور کہا کہ سیکیورٹی فورسز نے دہشت گردوں کے مذموم عزائم کو خاک میں ملا دیا۔ وزیر داخلہ نے کہا کہ دہشت گردوں کو عبرتناک انجام تک پہنچانے والے اہلکار قوم کے ہیرو ہیں، فتنہ الہندوستان کے دہشت گرد اور ان کے سہولتکار دھرتی پر بوجھ ہیں۔ شدید دھند کے باعث ٹرک نہر میں جا گرا، 14 افراد جاں بحق، متعدد زخمی ان کا کہنا تھا کہ قوم افواج کے ساتھ کھڑی ہے اور عوامی حمایت سے فتنہ الہندوستان کا صفایا کیا جائے گا، سیکیورٹی فورسز نے نہ صرف حملوں کو ناکام بنایا بلکہ تخریب کاری سے بھی بچا لیا۔
تیز رفتار مسافر بس الٹ گئی
گوادر: مکران کوسٹل ہائی وے پر تیز رفتار مسافر بس الٹ گئی۔ ایس پی ہائی وے پولیس اسلم بنگلزئی نے کہا کہ مکران کوسٹل ہائی وے پر اورماڑہ کے قریب ھڈ گوٹھ کے مقام پر مسافر بس تیز رفتاری کے باعث الٹی، جس سے 9 افراد جاں بحق اور 15 زخمی ہو گئے۔ شدید دھند کے باعث ٹرک نہر میں جا گرا، 14 افراد جاں بحق، متعدد زخمی لاشوں اور زخمیوں کو اورماڑہ اسپتال منتقل کر دیا گیا ہے۔ پولیس حکام کا کہنا ہے کہ بس کراچی سے جیونی جا رہی تھی، جاں بحق افراد سندھ کے مختلف علاقوں سے تعلق رکھتے ہیں اور مزدوری کیلئے جیونی جا رہے تھے۔
سابق وزیر اعلیٰ پرویز الٰہی
لاہور: احتساب عدالت نے گجرات کے ترقیاتی منصوبوں میں مبینہ کرپشن کے ریفرنس میں سابق وزیر اعلیٰ پنجاب چوہدری پرویز الہیٰ سمیت دیگر شریک ملزمان پر فرد جرم عائد کر دی۔ لاہور کی احتساب عدالت کے جج رانا عارف نے نیب ریفرنس پر سماعت کی۔ سابق وزیر اعلیٰ پنجاب پرویز الہٰی سمیت دیگر ملزمان عدالت میں پیش ہوئے۔ عدالت نے ملزمان کو فرد جرم پڑھ کر سنائی۔ جس پر ملزمان نے صحت جرم سے انکار کر دیا۔ عدالت نے نیب کے گواہوں کو 29 جنوری کو طلب کر لیا۔ قومی احتساب بیورو (نیب) کی جانب سے پرویز الہٰی سمیت دیگر ملزمان کے خلاف گجرات میں ترقیاتی اسکیموں میں کرپشن کا ریفرنس عدالت میں دائر کر رکھا ہے۔ یہ بھی پڑھیں: علیمہ خان کی حاضری سے استثیٰ کی درخواست منظور نیب نے 2 نئے ملزمان آنے کے بعد ضمنی ریفرنس دائر کیا تھا۔ احتساب عدالت نے نیب کے گواہوں کو طلب کرتے ہوئے کارروائی 29 جنوری تک ملتوی کر دی۔
خیبر پختونخوا میں سیکیورٹی فورسز کے
خیبر پختونخوا کے مختلف علاقوں میں سیکیورٹی فورسز نے دہشتگردوں کے خلاف کامیاب آپریشن کیا، جس کے دوران 13 خوارج ہلاک ہوئے۔ آئی ایس پی آر کے مطابق بنوں میں خفیہ اطلاع پر کارروائی کے دوران 8 دہشتگرد مارے گئے جبکہ ضلع کرم میں کارروائی کے دوران مزید 5 خوارج ہلاک کیے گئے۔ سیکیورٹی فورسز نے دہشتگردوں کے ٹھکانوں کو مؤثرانداز میں نشانہ بنایا اور کارروائی کے دوران شدید فائرنگ کا تبادلہ بھی ہوا۔ آئی ایس پی آر نے بتایا کہ کرم اور بنوں میں دہشتگردوں کا مکمل خاتمہ یقینی بنانے کیلئے آپریشن جاری ہے اور سیکیورٹی فورسزملک سے دہشتگردی کے مکمل خاتمے کیلئے پرعزم ہیں۔ بلوچستان میں سیکیورٹی فورسز کا آپریشن، 4 بھارتی اسپانسرڈ دہشتگرد ہلاک اس سلسلے میں “ویژن عزم استحکام” کے تحت دہشتگردوں کے مکمل خاتمے کے لئے کارروائیاں مستقبل میں بھی جاری رہیں گی۔ سیکیورٹی فورسز کی جانب سے کیے گئے ان آپریشنزکا مقصد نہ صرف دہشتگردوں کے ٹھکانوں کوختم کرنا ہے بلکہ عوامی زندگی کو محفوظ بنانا اورملکی استحکام کو فروغ دینا بھی ہے۔ آپریشن کی کامیابی سے خطے میں امن وامان کی صورتحال میں بہتری متوقع ہے اوردہشتگرد عناصر کے خلاف مؤثر کارروائی کا پیغام بھی ملتا ہے۔
سرگودھا میں تھانہ لکسیاں پولیس پر
سرگودھا کے تھانہ لکسیاں میں پولیس کے ایک چھاپے کے دوران مسلح افراد نے پولیس پر اندھا دھند فائرنگ کر دی، جس کے نتیجے میں ایس ایچ او جان کی بازی ہار گئے۔ پولیس کے مطابق واقعہ چھاپے کے دوران پیش آیا جب اہلکارمشتبہ افراد کیخلاف کارروائی کررہے تھے، ملزمان فائرنگ کے بعد فرارہونے میں کامیاب ہو گئے اورابھی تک پولیس کی حراست میں نہیں آئے۔ پولیس نے علاقے کوگھیرے میں لے کرملزمان کی تلاش شروع کردی ہے اور فوراً کارروائی کرنے کے لئے اضافی نفری بھی تعینات کردی گئی ہے۔ خیبر پختونخوا میں سیکیورٹی فورسز کے کامیاب آپریشن، 13 خوارج دہشتگرد ہلاک واقعے کے بعد سرگودھا پولیس کا کہنا ہے کہ ایس ایچ او کی قربانی رائیگاں نہیں جائے گی اوردہشت گردوں کوجلد انصاف کے کٹہرے میں لایا جائے گا۔ شہریوں سے بھی اپیل کی گئی ہے کہ وہ کسی مشکوک سرگرمی کی اطلاع فوری پولیس کو دیں۔
سابق وزیراعلیٰ پنجاب اچانک منظر
لاہور میں سابق وزیراعلیٰ پنجاب عثمان بزدار مرحوم سیاسی رہنما میاں منظور وٹو کی رہائش گاہ پہنچے، جہاں انہوں نے مرحوم کے انتقال پر اہلِ خانہ سے تعزیت کی۔ عثمان بزدار نے اس موقع پر میاں منظوروٹو کے ایصالِ ثواب کے لئے فاتحہ خوانی بھی کی اور مرحوم کے درجات کی بلندی کے لیے دعا کی۔ ذرائع کے مطابق عثمان بزدارکی آمد کو سیاسی حلقوں میں خاصی توجہ دی جا رہی ہے کیونکہ وہ کافی عرصے بعد عوامی سطح پرنظرآئے ہیں۔ ایاز صادق سے گورنر خیبر پختونخوا کی ملاقات، جمہوری نظام کے استحکام پر تبادلہ خیال تعزیتی ملاقات کے دوران عثمان بزدارنے مرحوم کی سیاسی خدمات کوخراجِ عقیدت پیش کرتے ہوئے کہا کہ میاں منظوروٹو نے ملک اورجمہوریت کے لئے گراں قدر خدمات انجام دیں۔ اہلِ خانہ نے عثمان بزدار کی آمد اور تعزیت پر شکریہ ادا کیا، تعزیتی ملاقات کے دوران دیگرسیاسی وسماجی شخصیات بھی موجود تھیں انکی اس اچانک آمد نے سیاسی حلقوں میں مختلف قیاس آرائیوں کو جنم دے دیا ہے۔
حکومت نے آئندہ 15 روز کیلئے
وفاقی حکومت نے آئندہ مدت کے لئے پیٹرول اور ڈیزل کی قیمتیں برقرار رکھنے کا اعلان کر دیا ہے۔ پیٹرولیم ڈویژن کی جانب سے اس حوالے سے باضابطہ نوٹی فکیشن جاری کردیا گیا ہے، جس کے مطابق عوام کو ایندھن کی قیمتوں میں کسی قسم کے اضافے یا کمی کا سامنا نہیں کرنا پڑے گا۔ نوٹی فکیشن میں بتایا گیا ہے کہ پیٹرول کی قیمت 253 روپے 17 پیسے فی لیٹر برقرار رکھی گئی ہے جبکہ ہائی اسپیڈ ڈیزل کی قیمت 257 روپے 8 پیسے فی لیٹر برقرار رہے گی۔ حکام کے مطابق عالمی منڈی میں خام تیل کی قیمتوں اور مقامی معاشی عوامل کو مدنظر رکھتے ہوئے یہ فیصلہ کیا گیا ہے۔ پیٹرولیم ڈویژن کا کہنا ہے کہ قیمتیں برقرار رکھنے کا مقصد عوام کو ریلیف فراہم کرنا اور مہنگائی کے دباؤ کو کم کرنا ہے۔ شہریوں نے حکومت کے اس فیصلے کو خوش آئند قرار دیا ہے، تاہم ماہرین کا کہنا ہے کہ عالمی مارکیٹ میں اتار چڑھاؤ کے باعث مستقبل میں قیمتوں پر نظر رکھنا ناگزیر ہوگا۔
ملک کے مختلف حصوں میں بارش
ملک کے مختلف حصوں میں آئندہ چند روز کے دوران بارش اور برفباری کا نیا سلسلہ متوقع ہے۔ محکمہ موسمیات کے مطابق اسلام آباد میں موسم سرد اور مطلع جزوی طور پر ابر آلود رہنے کا امکان ہے۔ بالائی علاقوں میں چترال، مالم جبہ، سوات، دیر، کالام اور بٹگرام میں بارش کی پیش گوئی کی گئی ہے، جبکہ ایبٹ آباد، کوہستان، مالاکنڈ اور مانسہرہ میں گرج چمک کے ساتھ بارش متوقع ہے۔ گلگت بلتستان کے مختلف علاقوں میں گرج چمک کے ساتھ بارش اور برفباری کا امکان ہے۔ اسکردو، ہنزہ، نگر، غذر، استور، دیامر، شگر اور گانچھے میں برفباری کی پیش گوئی کی گئی ہے۔ 16 جنوری سے 23 جنوری تک ملک کے بالائی علاقوں میں بارش اور برفباری کا امکان محکمہ موسمیات کا کہنا ہے کہ آج سے 19 جنوری تک آزاد کشمیر میں بارش اور برفباری کا امکان رہے گا، جبکہ مظفرآباد، نیلم ویلی، باغ، پونچھ اور راولا کوٹ میں بھی بارش اور برفباری متوقع ہے۔ مزید بتایا گیا ہے کہ 20 جنوری سے بیشتر علاقوں میں بارش اور برفباری کی شدت میں اضافہ ہو سکتا ہے، جبکہ 21 جنوری سے ملک کے بیشتر حصے ایک طاقتور موسمی نظام کی لپیٹ میں آ سکتے ہیں۔
ملک بھر میں شبِ معراج آج عقیدت
شبِ معراج (آج) 16 رجب بروز اتوار کو ملک بھر میں عقیدت و احترام سے منائی جائے گی۔ اس موقع پر مساجد میں خصوصی عبادات، نوافل اور محافلِ ذکر کا اہتمام کیا جائے گا۔ شبِ معراج کے حوالے سے علمائے کرام خصوصی خطابات کریں گے، جن میں واقعۂ معراج اور اس کی اہمیت پر روشنی ڈالی جائے گی اور ملک و قوم کی ترقی، سلامتی اور امتِ مسلمہ کے لیے خصوصی دعائیں مانگی جائیں گی۔
سپریم کورٹ کے مستعفی جج
سپریم کورٹ کے مستعفی جج جسٹس منصور علی شاہ نے دوبارہ وکالت کا آغاز کر دیا ہے۔ سابق جج منصور علی شاہ نے ریٹائرمنٹ کے بعد دوبارہ وکالت اور تدریس کے شعبے میں عملی سرگرمیاں شروع کر دی ہیں۔ انہوں نے اپنے پیغام میں کہا کہ میرا کام اب بین الاقوامی اور گھریلو ثالثی اور اسٹریٹجک قانونی مشاورت پر توجہ مرکوز کرنا ہے، فی الحال لمز میں بطور پروفیسر خدمات انجام دے رہا ہوں۔ آئندہ دو برس جسٹس (ر) منصور علی شاہ عالمی شہرت یافتہ لا اسکولز میں پڑھائیں گے، 2026 میں وہ یلے لا اسکول میں بطور اعزازی پروفیسر پڑھائیں گے، 2027 میں منصور علی شاہ یونیورسٹی آف پنسلوانیا کیری لا اسکول میں بطور بوک پروفیسر فرائض انجام دیں گے۔ امریکا نے پاکستان سمیت 75 ممالک کے لیے ویزوں کا اجرا روک دیا جسٹس (ر) منصور علی شاہ نے واضح کیا کہ ان کی قانون کی بالادستی، آئین، دیانتداری اور شفافیت سے وابستگی برقرار رہے گی۔
پاکستان پُرامن اور مستحکم
اسلام آباد: پاکستان پُرامن اور مستحکم ایران کا خواہاں، قیام امن کیلئے کردار ادا کرتا رہے گا۔ ترجمان دفتر خارجہ طاہر اندرابی نے ہفتہ وار نیوز بریفنگ کے دوران کہا ہے کہ پاکستان ایران میں جاری صورتحال پر گہری نظر رکھے ہوئے ہے اور ایران کے مسائل کے پُرامن حل کا خواہاں ہے۔ سپریم کورٹ کے مستعفی جج جسٹس منصور علی شاہ نے دوبارہ وکالت شروع کر دی انہوں نے کہا کہ ایک پُرامن اور مستحکم ایران پورے خطے کے مفاد میں ہے اور امید ہے کہ ایران جلد اپنے موجودہ بحران پر قابو پا لے گا۔ ترجمان دفتر خارجہ نے کہا کہ وزیر خارجہ اسحاق ڈار اور ایرانی ہم منصب کے درمیان رابطہ ہوا، جس میں ایران، مشرق وسطیٰ اور خطے کی مجموعی صورتحال پر تفصیلی تبادلہ خیال کیا گیا۔ ترجمان نے کہا کہ ایران میں مظاہروں کے دوران عوام کو مشکلات کا سامنا کرنا پڑا، تاہم پاکستان خطے میں امن اور استحکام کے لیے اپنا کردار ادا کرتا رہے گا۔ ترجمان دفتر خارجہ نے بھارتی آرمی چیف کے حالیہ بیانات کو سختی سے مسترد کرتے ہوئے کہا کہ مقبوضہ کشمیر میں بھارتی مظالم کا سلسلہ بدستور جاری ہے، جبکہ بھارت میں اقلیتوں کے خلاف ظلم و جبر اور نفرت انگیز بیانیہ پوری دنیا کے سامنے عیاں ہے۔ انہوں نے کہا کہ وزیراعظم شہباز شریف اور امیر قطر کے درمیان رابطہ ہوا، جس میں پاکستان اور قطر کے درمیان دوطرفہ تعاون کے فروغ پر گفتگو کی گئی اور تعلقات میں بہتری پر اطمینان کا اظہار کیا گیا، دونوں رہنماؤں نے مستقبل میں رابطے جاری رکھنے پر بھی اتفاق کیا۔ ترجمان کے مطابق صدر مملکت آصف علی زرداری اس وقت بحرین کے دورے پر ہیں، جہاں ان کی بحرینی اعلیٰ حکام سے ملاقاتیں ہوئیں۔ دورے کے دوران دوطرفہ تعلقات اور علاقائی امور پر تبادلہ خیال کیا جائے گا۔ امریکا نے پاکستان سمیت 75 ممالک کے لیے ویزوں کا اجرا روک دیا دفتر خارجہ کے مطابق وزیر خارجہ اسحاق ڈار نے جدہ میں او آئی سی وزرائے خارجہ کونسل کے اجلاس میں شرکت کی، جہاں انہوں نے پاکستان کا موقف پیش کیا اور صومالی لینڈ سے متعلق پاکستان کے اصولی مؤقف کا اعادہ کیا، اجلاس میں وزیر خارجہ نے اسرائیل کی سیاسی جارحیت کی بھی سخت مذمت کی اور واضح کیا کہ صومالیہ کی خودمختاری پر کسی قسم کا حملہ قابل قبول نہیں۔ ترجمان دفتر خارجہ نے مزید بتایا کہ امیگرنٹس پالیسی کے حوالے سے پاکستان امریکا کے ساتھ رابطے میں ہے، جبکہ امریکا اپنی ویزا پالیسی پر نظرثانی کر رہا ہے۔
عوام کو ایک ہی چھت تلے
اسلام آباد: وزیراعظم شہباز شریف نے پاکستان آسان خدمت مرکز کا باضابطہ افتتاح کر دیا۔ افتتاحی تقریب سے خطاب کرتے ہوئے وزیراعظم نے کہا کہ پاکستان آسان خدمت سینٹر کے قیام کا مقصد عوام کو ایک ہی چھت تلے مختلف سرکاری سہولیات فراہم کرنا ہے، جس سے شہریوں کو بے پناہ آسانیاں میسر آئیں گی۔ پاکستان پُرامن اور مستحکم ایران کا خواہاں، قیام امن کیلئے کردار ادا کرتا رہے گا وزیراعظم شہباز شریف نے پاکستان آسان خدمت سینٹر کے لیے آذربائیجان کے تعاون کو سراہتے ہوئے کہا کہ جدید ٹیکنالوجی آذربائیجان کی جانب سے پاکستان کے لیے ایک قیمتی تحفہ ہے، ان کا کہنا تھا کہ اس منصوبے کے لیے ماسٹر ٹرینرز نے آذربائیجان سے خصوصی تربیت حاصل کی ہے تاکہ عوام کو معیاری اور مؤثر خدمات فراہم کی جا سکیں۔ وزیراعظم نے افتتاح کے موقع پر پاکستان آسان خدمت سینٹر کے مختلف حصوں کا بھی جائزہ لیا اور فراہم کی جانے والی سہولیات پر اطمینان کا اظہار کیا، انہوں نے کہا کہ اس جدید نظام سے شفافیت میں اضافہ ہوگا اور سرکاری امور کی انجام دہی میں تیزی آئے گی۔ وزیراعظم نے اعلان کیا کہ مستقبل میں مظفرآباد میں بھی پاکستان آسان خدمت سینٹر قائم کیا جائے گا جبکہ بلوچستان میں پاکستان آسان خدمت سینٹرز کے قیام کیلئے بھی عملی اقدامات کیے جائیں گے۔ پاکستانی پاسپورٹ کی عالمی رینکنگ میں نمایاں بہتری اس کے علاوہ گلگت بلتستان اور ملک کے دیگر شہروں میں بھی ایسے مراکز کھولے جائیں گے تاکہ زیادہ سے زیادہ عوام اس سہولت سے مستفید ہو سکیں۔ انہوں نے کہا کہ عوامی خدمت حکومت کی اولین ترجیح ہے اور پاکستان آسان خدمت سینٹر اس عزم کی عملی مثال ہے۔
عشرت فاطمہ نے ریڈیو پاکستان
پاکستان کے سرکاری نشریاتی اداروں پی ٹی وی اور ریڈیو پاکستان سے وابستہ معروف سینئر براڈکاسٹر عشرت فاطمہ نے ریڈیو پاکستان سے علیحدگی پر پہلی مرتبہ تفصیل سے گفتگو کرتے ہوئے کئی تلخ حقائق بیان کیے ہیں۔ انہوں نے اس فیصلے کو اپنی زندگی کا نہایت کٹھن اور دردناک مرحلہ قرار دیا اور کہا کہ جس ادارے کو وہ برسوں تک اپنا پیشہ ورانہ گھر اور پہلی محبت سمجھتی رہیں، وہی ادارہ وقت کے ساتھ ان کے لیے بے حس دیواروں میں بدل گیا۔ سوشل میڈیا پر جاری ایک طویل ویڈیو میں عشرت فاطمہ جذباتی انداز میں کہتی ہیں کہ جب کوئی شخص پوری دیانت داری اور خلوص کے ساتھ اپنا کام انجام دے رہا ہو، مگر اس کے راستے میں رکاوٹیں کھڑی کر دی جائیں، اسے مسلسل نظرانداز کیا جائے اور یہ احساس دلایا جائے کہ اب اس کی ضرورت باقی نہیں رہی، تو ایسے حالات میں فیصلہ کرنا انتہائی اذیت ناک ہو جاتا ہے۔ انہوں نے کہا کہ جب آپ کسی کا مقابلہ کام سے نہیں کر سکتے تو پھر منفی ہتھکنڈے اختیار کیے جاتے ہیں۔ انسان سے اس کی زندگی، اس کی سانسیں اور وہ جگہ چھیننے کی کوشش کی جاتی ہے جہاں بیٹھ کر وہ اپنا کام کرتا ہے۔ عشرت فاطمہ نے بتایا کہ وہ طویل عرصے تک اس امید پر صبر کرتی رہیں کہ حالات بدلیں گے، انہیں میرٹ کی بنیاد پر کام کرنے کا موقع ملے گا اور بطور ایک سینئر اور ’’لیجنڈ‘‘ براڈکاسٹر انہیں وہ عزت اور مقام دیا جائے گا جس کی وہ حقدار ہیں، مگر یہ امید پوری نہ ہو سکی۔ ان کے مطابق انہیں بار بار بالواسطہ طور پر یہ پیغام دیا جاتا رہا کہ اب ادارے کو ان کی خدمات درکار نہیں، جس کے بعد انہوں نے انتہائی بھاری دل کے ساتھ استعفیٰ دینے کا فیصلہ کیا۔ ان کا کہنا تھا کہ استعفے کے بعد پیش آنے والے واقعات نے ان کے اس فیصلے کو مزید درست ثابت کر دیا۔ بات کرتے ہوئے وہ آبدیدہ ہو گئیں اور کہا کہ آج بھی ان کی آواز، سانس، تلفظ اور پیشہ ورانہ صلاحیت مکمل طور پر درست ہے، وہ وقت کی پابند ہیں اور اپنے کام سے بے حد محبت کرتی ہیں، مگر اس سب کے باوجود وہ آج گھر بیٹھی ہیں اور کسی بھی ادارے میں پیشہ ورانہ طور پر متحرک نہیں۔ عشرت فاطمہ کا انتقال کی خبروں پر حیرت انگیز ردعمل انہوں نے اس خدشے کا اظہار بھی کیا کہ ممکن ہے لوگ ان کی ویڈیو کا مذاق اڑائیں یا ان کے الفاظ کو توڑ مروڑ کر پیش کریں، مگر ان کی خواہش صرف یہ ہے کہ کوئی ان کے درد، کرب اور جذبات کو سمجھنے کی کوشش کرے۔ عشرت فاطمہ کا کہنا تھا کہ ریڈیو پاکستان نے انہیں پہچان، عزت اور مقام ضرور دیا، مگر بطور ادارہ وہ احساس اور ہمدردی سے محروم ہے۔ ان کے بقول، “ادارہ دراصل در و دیوار، مائیک، کیمرے اور راہداریوں کا مجموعہ ہوتا ہے۔ یہ محسوس نہیں کرتا، محبت نہیں کرتا۔ اگر یہ محسوس کر سکتا تو شاید مجھے روک لیتا، گلے لگا لیتا اور میں رک جاتی۔” انہوں نے بتایا کہ انہوں نے 1983 میں ریڈیو اور ٹیلی ویژن سے اپنے کیریئر کا آغاز کیا اور 1984 سے باقاعدہ خبروں کی قرأت شروع کی۔ ان کے مطابق بولنا، الفاظ سے کھیلنا اور اپنی آواز کے ذریعے عوام تک سچ پہنچانا ان کے لیے صرف روزگار نہیں بلکہ ایک عشق رہا ہے۔ انہوں نے مزید کہا کہ یہی پیشہ ان کے لیے ذریعۂ معاش بنا، جس سے انہوں نے اپنے بچوں کی پرورش کی، مگر اصل تسکین انہیں ہمیشہ اپنے کام کے معیار اور ذمہ داری سے انصاف کرنے میں ہی حاصل ہوئی۔
16 جنوری سے 23 جنوری تک
محکمہ موسمیات کے مطابق آئندہ ہفتے کے وسط سے ملک کے بیشتر علاقوں میں وقفے وقفے سے بارش اور برفباری کا نیا سلسلہ شروع ہونے کا امکان ہے۔ یہ سلسلہ 16 جنوری سے ملک کے بالائی علاقوں میں داخل ہوگا اور 19 جنوری تک جاری رہنے کی توقع ہے۔ محکمہ موسمیات کا کہنا ہے کہ ایک کمزور مغربی ہواؤں کا سسٹم ملک میں داخل ہوگا، جس کی شدت 20 جنوری سے بڑھنے کا امکان ہے، جبکہ 21 جنوری سے یہ موسمی نظام ملک کے بیشتر حصوں کو اپنی لپیٹ میں لے سکتا ہے۔ گلگت بلتستان، آزاد کشمیر اور خیبر پختونخوا 16 تا 19 جنوری کے دوران گلگت بلتستان کے علاقوں دیامر، استور، غذر، اسکردو، ہنزہ، گلگت، گانچھے اور شگر میں بارش اور برفباری متوقع ہے۔اسی طرح آزاد کشمیر کے علاقوں نیلم ویلی، مظفرآباد، پونچھ، ہٹیاں بالا، باغ اور حویلی جبکہ بالائی خیبر پختونخوا کے اضلاع چترال، دیر، مانسہرہ، ایبٹ آباد، کوہستان، سوات، کالام، شانگلہ، اپر اور لوئر دیر میں تیز ہواؤں اور گرج چمک کے ساتھ بارش اور ہلکی سے درمیانی برفباری کا امکان ہے۔ 18 تا 20 جنوری کے دوران مری، گلیات اور گردونواح میں بھی ہلکی بارش اور برفباری متوقع ہے۔ پنجاب اور بالائی خیبر پختونخوا 20 تا 23 جنوری کے دوران گلگت بلتستان، آزاد کشمیر، مری، گلیات، اسلام آباد، لاہور، سیالکوٹ، گوجرانوالہ، فیصل آباد، ملتان، سرگودھا، بہاولپور، مالاکنڈ ڈویژن کے اضلاع اور پشاور، مردان، کوہاٹ، بنوں اور ڈیرہ اسماعیل خان ڈویژن میں بیشتر مقامات پر وقفے وقفے سے تیز ہواؤں اور گرج چمک کے ساتھ بارش کا امکان ظاہر کیا گیا ہے۔ محکمہ موسمیات کے مطابق 20 جنوری (رات) سے 23 جنوری کے دوران چترال، دیر، شانگلہ، کوہستان، سوات، کالام، مری، گلیات، وادیٔ نیلم، باغ، حویلی اور راولا کوٹ میں درمیانی سے شدید برفباری کا بھی امکان ہے، جس کے باعث سردی کی شدت میں اضافہ اور بالائی علاقوں میں سفری مشکلات پیش آ سکتی ہیں۔
سوئی کمپنیوں کو گھریلو صارفین
اسلام آباد: وفاقی وزیر پیٹرولیم علی پرویز ملک نے گھریلو صارفین کو گیس کی فراہمی بہتر بنانے کی ہدایت جاری کر دی۔ وفاقی وزیر پیٹرولیم علی پرویز ملک نے سردی میں اضافہ کے باعث گیس فراہمی چیلنجز پر نوٹس لیتے ہوئے سوئی گیس کمپنیوں کو گھریلو صارفین کو فوری ریلیف فراہم کرنے کی ہدایت کر دی۔ وفاقی وزیر پیٹرولیم علی پرویز ملک نے کہا کہ صنعت سے گھریلو شعبے کو اضافی گیس منتقل کرنے کے آپشن پر غور کیا جا رہا ہے۔ جبکہ گیس کی طلب اور رسد پر ہفتہ وار رپورٹ پیش کرنے کی بھی ہدایت جاری کر دی۔ انہوں نے کہا کہ پیٹرولیم ڈویژن میں روزانہ صبح 10 بجے گیس صورتحال کی مانیٹرنگ کی جا رہی ہے۔ سوئی نادرن کے مطابق 6 جنوری سے گھریلو گیس سپلائی 691 سے بڑھا کر 746 ایم ایم سی ایف ڈی کر دی گئی ہے۔ جبکہ شیوَا فیلڈ کی پیداوار 55 سے بڑھا کر 65 ایم ایم سی ایف ڈی کر دی گئی۔ سوئی سدرن کا کہنا ہے کہ دو گیس فیلڈز کی بحالی سے سپلائی صورتحال میں بہتری آئی ہے۔ اور گزشتہ سال کے مقابلے میں گھریلو صارفین کو 39 ایم ایم سی ایف ڈی اضافی گیس فراہم کی جا رہی ہے۔ یہ بھی پڑھیں: علیمہ خان کی حاضری سے استثیٰ کی درخواست منظور سوئی سدرن کے مطابق صنعت کو گیس کی بندش ایک سے دو دن کرنے پر مشاورت بھی جاری ہے۔
بہاولپور میں 16 سالہ لڑکی کی لاش کے ساتھ
خیرپور ٹامیوالی میں 16 سالہ لڑکی کی لاش کے ساتھ مبینہ طور پر بے حرمتی کرنے والا مبینہ ملزم مقابلے میں مارا گیا۔ پولیس نے دعویٰ کیا ہے کہ ملزم کالا جادو کرتا تھا، جو مقابلے میں اپنے ہی ساتھیوں کی فائرنگ سے ہلاک ہوگیا۔ پولیس ترجمان کے مطابق اتوار کی شام 16 سالہ لڑکی کی تدفین کی گئی تھی تاہم پیر کی صبح قبر سے لاش غائب تھی۔ لڑکی کی لاش کو مبینہ طور پر بے حرمتی کے بعد قریبی کھیتوں میں پھینک دیا گیا تھا۔ پولیس ترجمان کے مطابق لڑکی کے اہل خانہ سمیت علاقہ مکینوں سے بھی تفتیش کی جبکہ لڑکی کی موت کرنٹ لگنے سے ہوئی یا اسے قتل کیا گیا اس کی بھی تحقیقات کی جاری ہے۔ پولیس کا کہنا ہے کہ لڑکی کی فرانزک رپورٹ آنے کے بعد مزید کارروائی کی جائے گی۔
پنجاب حکومت کا چائلڈ لیبر کے لی
پنجاب حکومت اہم اقدام سا منے آ گیا، چائلڈ لیبر کے لیے ماہانہ وظیفہ مقرر کرے گی۔ نجی ٹی وی چینل دنیا نیوز کے مطابق اٹھارہ سال سے کم عمر بچوں کے والدین کی مالی معاونت کی جائے گی، بچوں کو مزدوری سے نکالنے پر والدین کو مشروط کیش سپورٹ دینے کا فیصلہ کیا ہے ۔ والدین کی مالی معاونت کے بعد بچوں کو تعلیم اور تربیت فراہم کی جائے گی، چائلڈ لیبر کے خاتمے کے لیے ٹاسک کمیٹیاں قائم کی جائیں گی اور اِس کے لیے جامع پلان تیار کیا جائے گا، پنجاب حکومت نے چائلڈ لیبر کے موجودہ قانون میں ترامیم کے لیے سفارشات طلب کرلیں۔ دوسری جانب کمیٹیوں کو چائلڈ لیبر کے خاتمے کے لیے 20 سے زائد ٹاسک سونپ دیے گئے، بچوں کی ڈیجیٹل میپنگ اور جیو ٹیگنگ ہو گی،چائلڈ لیبر کے خاتمے کے لیے ہیلپ لائن اور بحالی مراکز قائم کیے جائیں گے، پنجاب حکومت سوشیو اکنامک سروے کے تحت والدین کو ماہانہ وظیفہ دے گی۔
ڈی آئی خان: دہشت گردوں کا پولیس چیک
پولیس نے چیک پوسٹ پر دہشت گردوں کا حملہ ناکام بناتے ہوئے 2 خوارج کو جہنم واصل کر دیا۔ نجی ٹی وی چینل دنیا نیوز کے مطابق ڈی پی او صاحبزادہ سجاد احمد کا کہنا تھا کہ ڈی آئی خان میں رات گئے دہشت گردوں نے پولیس چیک پوسٹ کھتی پر حملہ کیا، پولیس کی بروقت اور مؤثر جوابی کارروائی سے دو خوارج ہلاک ہوگئے۔ انہوں نے بتایا کہ کہ دہشت گردوں کے حملے میں ایک پولیس اہلکار زخمی ہوا، جسے فوری طور پر طبی امداد کیلئے ہسپتال منتقل کر دیا گیا۔ صاحبزادہ سجاد احمد کا کہنا تھا کہ پولیس جوانوں نے دلیری اور پیشہ ورانہ مہارت کا مظاہرہ کرتے ہوئے حملے کو ناکام بنایا۔
چاہتا ہوں کہ ہر پولیس افسر کی تنخواہ
وفاقی وزیر داخلہ محسن نقوی نے کہا ہے کہ پولیس افسران کی مالی مشکلات دور کرنے کے لیے خصوصی اقدامات کیے جارہے ہیں، چاہتا ہوں کہ ہر افسر کی تنخواہ بہتر ہو۔ روزنامہ جنگ کے مطابق محسن نقوی نے اسلام آباد میں نیشنل پولیس اکیڈمی کا دورہ کیا اور وہاں کی تزئین و آرائش کے کام کا معائنہ کیا، انہوں نے کمانڈنٹ نیشنل پولیس اکیڈمی محمد ادریس کو ضروری ہدایات بھی دیں۔ وزیر داخلہ محسن نقوی نے زیرِ تربیت اے ایس پیز سے خطاب کرتے ہوئے کہا کہ زیرِ تربیت اے ایس پیز کو پاسنگ آؤٹ پر پلاٹ دیے جائیں گے، موجودہ پولیس بیچ کو بین الاقوامی معیار کے مطابق تیار کیا جائے گا، زیرِ تربیت اے ایس پیز کو ایک ماہ کی تربیت کے لیے بیجنگ بھیجا جائے گا۔ انہوں نے کہا کہ اے ایس پیز کی ٹریننگ میں مزید جدید تقاضوں کے مطابق تربیتی ماڈیولز لائیں گے، افسران کی پیشہ ورانہ قابلیت اور عملی مہارت بڑھانے کے لیے اقدامات یقینی بنائیں گے۔ محسن نقوی نے کہا کہ نیشنل پولیس فاؤنڈیشن کے تعاون سے افسران کے لیے جدید سہولیات فراہم کی جائیں گی، افسران کی پروموشن کے مسائل حل کیے جائیں گے۔
ڈی آئی خان: دہشتگردوں کا پولیس
ڈیرہ اسماعیل خان میں پولیس چیک پوسٹ پر حملہ کرنے والے 2 دہشتگرد ہلاک ہوگئے۔ پولیس کے مطابق ڈی آئی خان کی درابن روڈ پر دہشتگردوں نے پولیس چیک پوسٹ پرحملہ کیا جس پر پولیس نے بھرپور جواب دیا۔ پولیس نے بتایا کہ اہلکاروں کی جوابی فائرنگ سے 2 دہشتگرد ہلاک ہوگئے جب کہ دہشتگردوں کی فائرنگ سے ایک پولیس اہلکار زخمی بھی ہوا۔ دوسری جانب بنوں سینٹرل جیل کے گیٹ پر دہشتگردوں کی جانب سے دستی بم حملہ کیا گیا۔ پولیس کے مطابق حملے میں کوئی جانی نقصان نہیں ہوا، البتہ دہشت گرد فرار ہوگئے۔
کراچی میں سردی اور دھند،
کراچی: آئندہ 24 گھنٹوں میں شہر کا موسم خشک اور رات خنک رہنے کا امکان ہے۔ محکمہ موسمیات کے مطابق آج شہر کا کم سے کم درجہ حرارت 12.5 ڈگری سینٹی گریڈ ریکارڈ ہوا ہے۔ محکمہ موسمیات نے بتایا کہ شہر کا زیادہ سے زیادہ درجہ حرارت 25 سے27 ڈگری سینٹی گریڈ تک جاسکتا ہے اور کل صبح بھی شہر میں دھند کا امکان ہے۔ محکمہ موسمیات کے مطابق ہوا میں نمی کا تناسب 94 فیصد ہے اور شمال مشرق سے ہوا 3 کلو میٹر فی گھنٹہ کی رفتار سے چل رہی ہے۔
دھند میں کمی، 4 گھنٹے کی بندش
کراچی میں دھند کی وجہ سے متاثر ہونے والا فلائٹ آپریشن 4 گھنٹے کی بندش کے بعد بحال ہوگیا۔ فلائٹ شیڈول کے مطابق دھند کے باعث کراچی ائیرپورٹ کی 36 پروازوں کی آمد روانگی میں تاخیر ہوئی، کراچی سے استنبول اور مسقط کی پروازیں 4 گھنٹے تاخیر سے روانہ کردی گئیں۔ فلائٹ شیڈول کے مطابق 2 گھنٹے فضا میں چکر لگانے والی جدہ کی پرواز ایس وی 700 کی کراچی میں لینڈنگ ہوئی جب کہ مسقط لینڈ کرائی گئی دوحہ، جدہ سے کراچی کی 2 پروازوں کی بھی روانگی ہوگئی ہے۔ اس کے علاوہ کراچی اسلام آباد کی 5 پروازوں میں ایک سے 3 گھنٹے تک تاخیر ہو رہی ہے،کراچی لاہور کی 6 پروازوں کی آمد روانگی میں ایک سے 3 گھنٹے تاخیر ہوئی جب کہ کراچی سے جدہ اور لاہور کی 2 پروازیں منسوخ کردی گئیں۔
پریکٹس اینڈ پروسیجر رولز 48 گھنٹوں
جسٹس محسن اختر کیانی نے ہائیکورٹ کے پریکٹس اینڈ پروسیجر رولز سے متعلق حکم جاری کر دیا۔ انہوں نے پریکٹس اینڈ پروسیجر رولز 48 گھنٹوں میں اسلام آباد ہائیکورٹ کی ویب سائٹ پر اپ لوڈ کرنے کا حکم دے دیا۔ جسٹس محسن اختر کیانی نے کہا کہ اسلام آباد ہائیکورٹ اور ڈسٹرکٹ بارز کو بھی رولز کی کاپیاں فراہم کی جائیں۔ جسٹس محسن اختر کیانی نے دورانِ سماعت پریکٹس اینڈ پروسیجر رولز سے متعلق وکیل سے استفسار کیا جس پر وکیل نے پریکٹس ایند پروسیجر رولز کی تفصیلات سے متعلق لاعلمی کا اظہار کیا۔ ڈیوٹیز میں اضافہ معیشت کے لیے نقصان دہ، کاروباری لاگت کم کرنا ہوگی، وزیر خزانہ جسٹس محسن اختر کیانی نے کہا کہ ہم نے وہ رولز بنائے جو ہمیں بھی نہیں ملے، میں جج ہوں مجھے نہیں ملے، آپ کو کیسے ملیں گے۔
پنجاب ڈرگ کنٹرول کی کارروائی
پنجاب میں ڈرگ کنٹرول ڈائریکٹوریٹ نے معیار پر پورا نہ اترنے والی دو ادویات کو فوری طور پر مارکیٹ سے واپس لینے کا حکم دے دیا ہے۔ یہ اقدام ادویات کے کوالٹی ٹیسٹس میں ناکامی کے بعد اٹھایا گیا ہے۔ محکمہ کی جانب سے جاری نوٹیفکیشن کے مطابق ڈرگ ٹیسٹنگ لیبارٹریز پنجاب نے ان ادویات کو غیر محفوظ قرار دیا، جس کے بعد صوبائی کوالٹی کنٹرول بورڈ نے ان کی فوری واپسی کا حکم دیا۔ واپس بلائی جانے والی ادویات میں Injection Neudex 1mL (Dexamethasone Sodium Phosphate 4mg/mL) شامل ہے، جس کا رجسٹریشن نمبر 042943 ہے۔ اس دوا کے بیچ نمبر DX063 اور DX079 (ایکسپائری اکتوبر 2027) اور DX080 (ایکسپائری نومبر 2027) کو ملاوٹ شدہ قرار دیا گیا ہے۔ اس کے علاوہ Zeesol H Infusion 1000ml (Ringer Lactate) کو اسٹرلٹی ٹیسٹ میں ناکامی کے باعث واپس منگوا لیا گیا ہے۔ متاثرہ بیچ نمبر 2503281 ہے جس کی ایکسپائری فروری 2030 درج ہے۔ حکام نے متعلقہ مینوفیکچررز کو ہدایت کی ہے کہ وہ فوری طور پر مذکورہ بیچز مارکیٹ سے واپس لیں، مکمل ڈسٹری بیوشن ریکارڈ فراہم کریں، DRAP ویب سائٹ پر Recall Assessment Form اپ لوڈ کریں، خرابی کی وجوہات پر تفصیلی تجزیہ کریں اور Corrective and Preventive Action (CAPA) پلان تیار کریں۔ ڈائریکٹوریٹ نے فارمیسیز، میڈیکل اسٹورز، ہول سیلرز، ڈسٹری بیوٹرز اور ہیلتھ کیئر اداروں کو بھی ہدایت کی ہے کہ وہ ان ادویات کی فروخت فوری طور پر بند کریں اور موجودہ اسٹاک اور استعمال کی تفصیلات متعلقہ ڈرگ انسپکٹرز کو فراہم کریں۔ محکمہ ڈرگ کنٹرول نے پنجاب بھر میں فیلڈ فارمیشنز کو سپلائی چین کی نگرانی مزید سخت کرنے اور عوامی تحفظ کو یقینی بنانے کے لیے ڈرگ ایکٹ 1976 اور DRAP ایکٹ 2012 کے تحت کارروائی کی ہدایت بھی جاری کر دی ہے۔
سرکاری محکموں میں پیٹرول اور ڈیزل
لاہور: پنجاب کے سرکاری محکموں میں پیٹرول اور ڈیزل گاڑیوں کی خریداری پر پابندی کا فیصلہ کر لیا گیا۔ چیف سیکرٹری پنجاب کا کہنا ہے کہ آئندہ صرف الیکٹرک یا ہائبرڈ گاڑیاں خریدی جا سکیں گی، ڈیوٹی پر مامور گاڑیاں پابندی سے مستثنیٰ ہوں گی، نئی الیکٹرک وہیکل پالیسی کا اعلان جلد متوقع ہے۔ نئے پیٹرول پمپس کیلئے این او سی کی منظوری الیکٹرک چارجنگ یونٹ لگانے سے مشروط ہے، چیف سیکرٹری پنجاب نے کہا کہ ماحولیاتی تحفظ کیلئے گرین انرجی کا فروغ حکومت کی ترجیح ہے۔ پیٹرول کی قیمت میں ایک بار پھر بڑی کمی کا امکان انہوں نے کہا کہ پنجاب میں نئی الیکٹرک وہیکل پالیسی جلد متعارف کرائی جائے گی، این او سی لینے والے نئے 170 پیٹرول پمپس پر الیکٹرک چارجنگ یونٹس کی تنصیب لازمی قرار دی گئی ہے۔ 31 شہروں میں 170نئے پیٹرول پمپس کیلئے ای بز پورٹل کے ذریعے این او سیز جاری کیے گئے ہیں۔
عمران خان اور نواز شریف سمیت اہم
خیبرپختونخوا حکومت نے صدرِ مملکت آصف علی زرداری، سابق وزیراعظم نواز شریف اور بانی پاکستان تحریکِ انصاف عمران خان سمیت اہم سیاسی اور قومی شخصیات کے ناموں پر مشتمل نمبر پلیٹس کی نیلامی کا فیصلہ کر لیا ہے۔ صوبائی وزیر برائے ایکسائز اینڈ ٹیکسیشن فخر جہاں نے نجی ٹی وی سے گفتگو کرتے ہوئے بتایا کہ فینسی اور یونیک چوائس نمبر پلیٹس کی نیلامی 27 جنوری کو نشتر ہال پشاور میں منعقد کی جائے گی۔ ان کے مطابق بولی کا آغاز 10 لاکھ روپے سے ہوگا اور سب سے زیادہ بولی دینے والے کو اپنی پسند کی سیاسی یا قومی شخصیت کے نام کی نمبر پلیٹ الاٹ کی جائے گی۔ فخر جہاں کا کہنا تھا کہ مرحلہ وار دیگر قومی قیادت، معروف شخصیات، مختلف علاقوں اور اقوام کے نام سے منسوب نمبر پلیٹس بھی نیلامی میں شامل کی جائیں گی۔ انہوں نے بتایا کہ گاڑی مالکان اس اقدام میں غیر معمولی دلچسپی لے رہے ہیں اور اس سے قومی خزانے کو خاطر خواہ فائدہ متوقع ہے۔ محکمہ ایکسائز اینڈ ٹیکسیشن خیبرپختونخوا کے مطابق فینسی نمبر پلیٹس کی نیلامی کے حوالے سے باقاعدہ اشتہار جاری کر دیا گیا ہے۔ شہری نیلامی میں شرکت کے لیے دستک ایپ کے ذریعے درخواستیں جمع کرا سکتے ہیں۔ درخواستیں جمع کرانے کی آخری تاریخ 26 جنوری 2026 مقرر کی گئی ہے۔
متحدہ عرب امارات میں پاکستانیوں کو
متحدہ عرب امارات میں پاکستانیوں کو امیگریشن کلیئرنس کے حوالے سے بڑی خوشخبری مل گئی۔ پاکستان اور متحدہ عرب امارات کے درمیان پری امیگریشن کلیئرنس کے حوالے سے باضابطہ معاہدہ طے پا گیا ہے۔ نئے نظام کے تحت پہلے مرحلے میں پائلٹ منصوبے کا آغاز کراچی سے ہو گا، اس کے بعد اسے مرحلہ وار دیگر شہروں تک بڑھا دیا جائے گا۔ دونوں ممالک کے درمیان طے پا جانے والے اس معاہدے کے تحت مسافروں کی امیگریشن کلیئرنس پاکستان میں ہی مکمل کی جائے گی، اس عمل سے یو اے ای پہنچنے پر امیگریشن کی طویل کارروائی سے پاکستانیوں کو نجات ملے گی۔ وفاقی وزیرِ داخلہ محسن نقوی سے متحدہ عرب امارات کے ڈی جی کسٹمز و پورٹ سیکیورٹی احمد بن لاحج الفلاسی کی سربراہی میں یو اے ای کے وفد نے ملاقات کی، جس میں پاکستان اور متحدہ عرب امارات کے تعلقات، باہمی تعاون اور مسافروں کیلئے امیگریشن کے عمل کو مزید آسان اور تیز بنانے پر تفصیلی بات چیت کی گئی۔ اسلام آباد، آزاد کشمیر اور گلگت بلتستان کے شہریوں کو بڑی سہولت دینے کا فیصلہ وزیرِ داخلہ محسن نقوی کا کہنا تھا کہ پری امیگریشن کلیئرنس کے نئے نظام کے تحت کلیئرنس کا تمام عمل پاکستان میں ہی مکمل کیا جائے گا، جس سے مسافروں کو یو اے ای پہنچنے پر امیگریشن کی قطاروں اور تاخیر کا سامنا نہیں کرنا پڑے گا۔
ڈیوٹیز میں اضافہ معیشت کے لیے
وفاقی وزیر خزانہ محمد اورنگزیب نے کہا ہے کہ ڈیوٹیز میں اضافہ معیشت کے لیے نقصان دہ، کاروباری لاگت کم کرنا ہوگی۔ انہوں نے کہا کہ حکومت چینی مالیاتی مارکیٹ میں پانڈا بانڈز جاری کرنے جا رہی ہے جو عالمی سطح پر پاکستان کی فنانسنگ میں تنوع لانے کی ایک اہم کوشش ہے۔ قومی سلامتی کے امور میں یکسوئی اور بیانیے پر اتفاقِ رائے وقت کی ضرورت ہے، ڈی جی آئی ایس پی آر وزیر خزانہ نے کہا کہ چار سال قبل ملک کے پاس ڈالرز کی شدید قلت تھی تاہم اب معیشت کو استحکام کی طرف لانے کے لیے ٹھوس اقدامات کیے جا رہے ہیں۔ وزیر خزانہ کا کہنا تھا کہ شرح سود میں کمی کے باعث اب ڈیبٹ مینجمنٹ آفس جانے کی ضرورت نہیں رہی، جبکہ جون تک تمام حکومتی ادائیگیاں ڈیجیٹل چینلز پر منتقل کر دی جائیں گی تاکہ شفافیت اور کارکردگی میں بہتری آئے۔ محمد اورنگزیب نے کہا کہ 24 سرکاری ادارے نجکاری کمیشن کے حوالے کیے جا چکے ہیں کیونکہ سرکاری اداروں میں ہر سال تقریباً ایک ہزار ارب روپے ضائع ہو رہے ہیں۔ انہوں نے کہا کہ یوٹیلیٹی اسٹورز، پی ڈبلیو ڈی اور پاسکو کو بند کر دیا گیا ہے تاکہ حکومتی اخراجات میں کمی لائی جا سکے۔ ان کا کہنا تھا کہ ڈیوٹیز میں مسلسل اضافہ ملکی معیشت کے لیے نقصان دہ ہے، اس لیے ڈیوٹیز کو معقول بنانا اور کاروباری لاگت کم کرنا ناگزیر ہے، ٹیرف اصلاحات کے ذریعے خام مال پر ڈیوٹیز کم کی جا رہی ہیں جس سے برآمدات اور صنعتی پیداوار میں اضافہ ہوگا۔ وزیر خزانہ نے کہا کہ پی آئی اے کی نجکاری کے عمل میں مقامی سرمایہ کاروں نے بھی شرکت کی ہے جبکہ ٹیکس پالیسی کو ایف بی آر سے لے کر فنانس ڈویژن کے تحت منتقل کر دیا گیا ہے، ان کا کہنا تھا کہ ایف بی آر کی توجہ اب ٹیکس وصولی پر مرکوز ہے۔ وزیر خزانہ نے کہا کہ سرکلر ڈیٹ میں کمی لائی گئی ہے اور معاشی اصلاحات کے ذریعے ہی ترقی ممکن ہے، توانائی کے شعبے میں اصلاحات کا عمل جاری ہے جبکہ غیر بینکنگ افراد کو مالیاتی نظام میں شامل کیا جا رہا ہے۔ پیٹرول کی قیمت میں ایک بار پھر بڑی کمی کا امکان وزیر خزانہ نے انکشاف کیا کہ رواں سال ترسیلات زر 41 ارب ڈالر تک پہنچنے کا امکان ہے جبکہ گزشتہ مالی سال میں ترسیلات زر 38 ارب ڈالر تھیں، انہوں نے تسلیم کیا کہ کچھ کمپنیاں ملک سے جا رہی ہیں تاہم نجی شعبے کو بھی اپنا کردار ادا کرنے کے لیے آگے آنا ہوگا۔ وزیر خزانہ محمد اورنگزیب نے کہا کہ وزیراعظم شہباز شریف خود اصلاحاتی ٹاسک فورس کی قیادت کر رہے ہیں اور حکومت معیشت کو بہتر بنانے کے لیے مسلسل اقدامات کر رہی ہے۔
مضبوط خاندان کی تشکیل کیلئے
ترک صدر رجب طیب اردوان نے ترکیے کی آبادی میں اضافے کی ضرورت پر زور دیتے ہوئے خبردار کیا ہےکہ شرح پیدائش میں مسلسل کمی کے باعث ملک کو مستقبل میں آبادی کے سنگین بحران کا سامنا ہوسکتا ہے۔ دو روز قبل استنبول میں ایک تقریب کے دوران فنکاروں اور نوجوانوں سےگفتگو کرتے ہوئے صدر اردوان نےکہا کہ ترک معاشرے کو آبادی میں کمی کے رجحان کو پلٹنے کے لیے اپنا کردار ادا کرنا ہوگا۔ انہوں نے خود کو 9 بچوں کا نانا دادا قرار دیتے ہوئے کہا کہ مضبوط خاندانوں کی تشکیل کے لیے کم از کم 3 بچوں کا ہونا نہایت ضروری ہے۔ ان کا کہنا تھا کہ میں ہمیشہ جوڑوں کو کہتا ہوں کہ کم از کم تین بچے ہوں، کیونکہ مضبوط خاندان بنانے کے لیے یہ لازمی ہے۔ صدر اردوان نے ترک شماریاتی ادارے کے اعداد و شمار کا حوالہ دیتے ہوئے بتایا کہ 2024 میں ملک کی شرح پیدائش کم ہو کر 1.48 رہ گئی ہے۔ انہوں نے اس صورتحال کو تباہی قرار دیا اور کہا کہ ہمیں اپنی تعداد بڑھانی ہوگی، یہ صرف ہماری خواہش نہیں ہے، آبادی میں اضافہ مذہبی تعلیمات سے بھی ہم آہنگ ہے۔ انہوں نے اس بات پر بھی تشویش ظاہر کی کہ ان کے قریبی حلقے کے بعض افراد بھی آبادی میں اضافے کے مخالف ہیں۔
امریکی صدر کی اپنے شہریوں
امریکی صدر ڈونلڈ ٹرمپ نے اپنے شہریوں اور اتحادیوں کو ایران سے نکلنے کی ہدایت کردی۔ مشی گن کے شہر ڈیٹرائٹ میں میڈیا سے گفتگو میں امریکی صدر نے کہا کہ امریکی شہری ایران چھوڑ دیں تو یہ برا خیال نہیں ہے۔ صحافیوں نے سوال کیا کہ انہوں نے امریکی اتحادیوں کو ایران سے نکلنے کی ہدایت دی ہے، ٹرمپ نے جواب دیا کہ ’میرا خیال ہے کہ انہیں نکل جانا چاہیے‘۔ ٹرمپ کا کہنا تھا کہ ایران میں ہونے والی ہلاکتوں کی درست تعداد ابھی نہیں بتائی گئی، کسی نے ہلاکتوں کی تعداد کم بتائی کسی نے زیادہ بتائی، جلد معلوم ہوجائے گی، غالباً ہم اگلے 24 گھنٹوں میں ہلاکتوں کی درست تعداد کا پتا لگا لیں گے۔ ایرانی مظاہرین کے لیے مدد آرہی ہے کا مطلب بتانے کے سوال پر ٹرمپ نے صحافیوں کو جواب دیا کہ آپ کو خود ہی اس کا مطلب سمجھنا ہوگا۔ یاد رہے کہ اس سے قبل امریکی صدر نے ایران میں حکومت کے خلاف پُرتشدد مظاہرے کرنے والوں کو بغاوت پر اُکساتے ہوئے کہاکہ ایرانی اداروں کا کنٹرول سنبھال لیں، امریکی مدد جلد پہنچنے والی ہے۔ ٹرمپ نے مزید کہا کہ قاتلوں اور ظلم کرنے والوں کے نام یاد رکھیں، انہیں بہت بڑی قیمت چکانی پڑے گی۔
ایران میں پُرتشدد مظاہروں
ایران میں دو ہفتوں سے جاری پُرتشدد مظاہروں کا سلسلہ رک گیا۔ رپورٹس کے مطابق ایران میں احتجاج کا سلسلہ رکنے کے بعد حالات معمول پر آنے لگے۔ انٹرنیشنل کالز بحال کردی گئيں تاہم انٹرنیٹ سروس ابھی بند ہے۔ امریکی انسانی حقوق تنظیم نے دعویٰ کیا کہ ایران میں احتجاجی مظاہروں کے دوران اب تک 2403 مظاہرین ہلاک ہوچکے ہیں۔ ادھر ایرانی انٹیلی جنس حکام نے کہا کہ انہوں نے متعدد گھروں سے امریکی ساختہ دھماکہ خیز مواد اور اسلحہ پکڑ لیا۔ دوسری جانب ایرانی وزیرخارجہ عباس عراقچی کا کہنا ہے کہ امریکا نے ملٹری آپریشن کی کوشش کی تو ایران تیار ہے۔ انہوں نے کہا کہ ایران نے ملک میں مہنگائی کے خلاف جائز احتجاج کو باضابطہ طور پر تسلیم کیا، مظاہرین سے ریلیف کی بات چیت جاری تھی کہ ٹرمپ کو مداخلت کا موقع فراہم کرنے کے لیے سازش کے تحت مظاہروں کو پُرتشدد کردیا گیا تاکہ ایران کے خلاف بیرونی فوجی طاقت کا ممکنہ جواز تلاش کیا جا سکے ۔ ایرانی وزیرخارجہ نے کہا کہ ان کے پاس بیرونِ ملک سے دہشت گرد ایجنٹوں کو احکامات دینے کے شواہد موجود ہیں، نہيں سمجھتے کہ امریکا منصفانہ مذاکرات کے لیے تیار ہے۔ عباس عراقچی نے جرمن چانسلر کے بیان پر ردعمل میں کہا کہ برلن انسانی حقوق کے لیکچر کے لیے سب سے بدترین مقام ہے، جرمن چانسلر وینزویلا کے صدر کے اغوا پر مسلسل خاموش رہے، غزہ میں 70 ہزار شہادتوں پر خاموش رہنے والے جرمنی کو شرم آنی چاہیے۔
قومی سلامتی کے امور میں یکسوئی
جی ایچ کیو میں 13 جنوری 2026 کو قومی پیغام امن کمیٹی (این پی اے سی) کی ڈی جی آئی ایس پی آر لیفٹیننٹ جنرل احمد شریف چوہدری سے ملاقات ہوئی ہے جس میں قومی بیانیے کے فروغ کیلئے مکمل تعاون کی یقین دہانی کرائی گئی۔ این پی اے سی نے پاک افواج سے غیر متزلزل یکجہتی اور ریاست دشمن بیانیوں کے خلاف مشترکہ عزم کا اظہار کیا گیا۔ اپنے بیان میں این پی اے سی نے فتنہ الخوارج اور افغان طالبان کی مذمت کرتے ہوئے کہا کہ دہشت گردی کا کوئی جواز نہیں۔ ڈی جی آئی ایس پی آر نے کہا کہ قومی سلامتی کے امور میں یکسوئی اور بیانیے پر اتفاقِ رائے وقت کی ضرورت ہے۔ فتنہ الخوارج/ٹی ٹی پی اور ٹی ٹی اے کے تناظر میں داخلی سلامتی پر جامع گفتگو ہوئی اور مشترکہ مؤقف مزید مضبوط ہوا ہے۔ پھیلائے گئے پراپیگنڈہ نے اندرونی اور بیرونی دشمنوں کو فائدہ پہنچایا، ڈی جی آئی ایس پی آر انہوں نے کہا کہ کشمیر اور غزہ پر اصولی مؤقف کی توثیق، مظلوموں کی حمایت کو پاکستان کی اخلاقی ذمہ داری ہے۔ این پی اے سی کا کہنا تھا کہ منبر و محراب سے اتحادِ امت، سماجی ہم آہنگی اور آئینی برابری کے پیغام کو ملک گیر سطح پر پھیلانے کا اعلان کرتے ہیں ۔ ڈی جی آئی ایس پی آر بولے کہ دشمن کی نفسیاتی جنگ کے مقابلے کیلئے عوامی شعور اور سچائی پر مبنی بیانیہ فیصلہ کن ہتھیار ہے۔
پنجاب حکومت کا ای بِز پورٹل
حال ہی میں پنجاب حکومت نے صوبے کے سرکاری محکموں کو مرحلہ وار ڈیجیٹل نظام پر منتقل کرنے کے لیے ای بِز پورٹل کے دائرہ کار کو وسعت دینے کا فیصلہ کیا ہے جس کا مقصد یکم فروری تک 200 سے زائد کاروباری اور انتظامی سروسز کو آن لائن فراہم کرنا ہے۔ حکومت کا دعویٰ ہے کہ اس اقدام کے بعد شہریوں اور کاروباری افراد کو متعدد معاملات میں سرکاری دفاتر کے چکر لگانے کی ضرورت نمایاں طور پر کم ہو جائے گی۔ پنجاب انفارمیشن ٹیکنالوجی بورڈ کی نگرانی میں تیار کیا گیا یہ نظام پنجاب حکومت کی ایز آف ڈوئنگ بزنس پالیسی کا مرکزی ستون قرار دیا جا رہا ہے۔ محمد رضوان جو لاہور کے شہری ہیں انہوں نے حال ہی میں اپنا کاروبار کرنے کے لیے ای بِز پورٹل پر اکاؤنٹ بنایا اور کچھ خدمات حاصل کیں۔ اس بارے میں انہوں نے بتایا کہ ’ایسا نہیں ہے کہ ای بِز پورٹل کے ذریعے درخواست دینے کے بعد مجھے چکر نہیں لگانے پڑے۔ لیکن کچھ چیزیں ایسی ہیں جس پر میں کہوں گا کہ وقت کی بچت ہوئی ہے۔ اور ابھی یہ سسٹم پوری طرح فعال بھی نہیں ہے۔ اب کہہ تو رہے ہیں کہ مارچ تک وہ کام بھی اس پورٹل کے ذریعے ہو جائیں گے جن کے لیے دفاتر کے لیے چکر لگانا پڑ رہے ہیں۔‘
اگر امریکا پہلے کی طرح دوبارہ ملٹری
تہران: ایرانی وزیرخارجہ عباس عراقچی نے کہا ہےکہ اگر امریکا پہلے کی طرح دوبارہ ملٹری آپشن کی کوشش کرتا ہےتو ہم تیار ہیں۔ عرب میڈیا سےگفتگو کرتے ہوئے ایرانی وزیر خارجہ نے کہا کہ دھمکیوں اور ڈکٹیشن کے بغیر مذاکرات کے لیے تیار ہیں لیکن ہم نہیں سمجھتے کہ واشنگٹن منصفانہ اور منصفانہ مذاکرات کے لیے تیار ہے۔ انہوں نے کہا کہ اگر امریکا پہلے کی طرح دوبارہ ملٹری آپشن کی کوشش کرتا ہےتو ہم تیار ہیں۔ یاد رہے کہ امریکا نے ایران سے تجارت کرنے والے ممالک پر ٹیرف لگانے کا اعلان کردیا ہے۔ امریکی صدر ڈونلڈ ٹرمپ نے سوشل میڈیا پر جاری بیان میں خبردار کیا کہ ایران کے ساتھ تجارت کرنے والے ممالک پر 25 فیصد ٹیرف عائد کیا جائے گا۔ اس سے قبل گزشتہ روز امریکی صدر نے بیان دیا تھا کہ ایران کے خلاف مختلف آپشنز پر غور کررہے ہیں جس میں فوجی آپریشن بھی شامل ہے۔
پاکستان اور یو اے ای کے درمیان
اسلام آباد: پاکستان اور یو اے ای کے درمیان ’پری امیگریشن کلیئرنس‘ کا باضابطہ معاہدہ کرنے پر اتفاق کیاگیا ہے۔ وزیرداخلہ محسن نقوی سے یو اے ای کے ڈی جی کسٹمز و پورٹ سکیورٹی احمدبن لاحج الفلاسی کی قیادت میں وفد نے ملاقات کی جس میں پاک ۔ یو اے ای تعلقات، باہمی تعاون اور امیگریشن مزید آسان بنانے پر تبادلہ خیال کیا گیا۔ اعلامیے کے مطابق محسن نقوی اور یو ای اے کے ڈی جی کسٹمز و پورٹ سکیورٹی کے درمیان ملاقات میں اتفاق کیا گیا کہ پاک یواےای ’پری امیگریشن کلیئرنس‘ کا باضابطہ معاہدہ کیا جائے گا، اس نئے نظام کا آغاز ابتدائی طور پر پائلٹ بنیادوں پر کیا جائے گا جب کہ پائلٹ منصوبے کا آغاز پہلے مرحلے میں کراچی سے کیا جائے گا۔ محسن نقوی نے کہا کہ معاہدےکے تحت مسافروں کی امیگریشن اور کلیئرنس پاکستان میں ہی ہوگی، مسافروں کوامیگریشن کی طویل کارروائی سے گزرنے کی ضرورت نہیں ہوگی، مسافر ڈومیسٹک مسافروں کی طرح سیدھا ائیرپورٹ سے باہر نکل سکیں گے، سفرمیں سہولت، وقت کی بچت اور مسافروں کے لیے مجموعی تجربہ بہتر ہوگا۔ اعلامیے کے مطابق پائلٹ منصوبے کو حتمی شکل دینےکےلیے حکام رابطہ کاری جاری رکھیں گے اور کامیاب پائلٹ پروجیکٹ کے بعد اس نظام کو بتدریج مزید مقامات تک توسیع دی جائے گی۔ اعلامیے کے مطابق یو اے ای وفد نے اقدام کو عوام کے لیے مفید قرار دیتے ہوئے ہر طرح کے تعاون کے عزم کا اظہار کیا ہے۔
ایرانی قوم نے دشمنوں کی سازشوں
ایرانی سپریم لیڈر آیت اللہ خامنہ ای نے حکومت کےحق میں مظاہروں پر قوم کوخراج تحسین پیش کیا۔ سپریم لیڈر نے سوشل میڈیا پر جاری پیغام میں کہا کہ عظیم ایرانی قوم نے آج ایک تاریخی دن رقم کیا، آج کی عظیم ریلیوں نے غیر ملکی دشمنوں کی سازشوں کوخاک میں ملادیا۔ آیت اللہ خامنہ نے لکھا کہ غیر ملکی دشمنوں کی سازشوں پر اندرونی کرائےکے ایجنٹوں سے عمل کراویا جانا تھا لیکن عظیم ایرانی قوم نے دشمنوں کے مقابلے اپنے عزم اور اپنی شناخت کا بھر پور اظہار کیا۔ آج کے مظاہرے امریکی سیاست دانوں کوخبردارکرنےکےلیےتھے۔ خامنہ ای کا کہناتھا کہ امریکا اپنے فریبی اقدامات روکے اور اپنےآلہ کاروں پربھروسہ کرنا چھوڑ دے، ایرانی قوم مضبوط،طاقتور، باخبر ہے، دشمن کوپہچانتی ہےاور ایران قوم دشمن کےخلاف ہمیشہ میدان میں موجود رہتی ہے۔ یادر ہے کہ ایرانی دارالحکومت تہران میں ایرانی حکومت کے حق میں بڑا عوامی مظاہرہ ہوا جس میں عوام نے بڑی تعداد میں شرکت کی۔ مظاہرے میں شریک مرد و خواتین نے ایرانی پرچم اور ایران کے سپریم لیڈر آیت اللہ خامنہ ای کی تصاویر اٹھا رکھی تھیں۔
ملتان: خاتون کے سابق شوہر نے مبینہ
ملتان کے علاقے جمال ٹاؤن میں خاتون کے سابق شوہر نے مبینہ طور پر موجودہ شوہر کو قتل کردیا۔ تفصیلات کے مطابق خاتون نے پہلے شوہر سے تین سال قبل طلاق لے لی تھی۔ پولیس کے مطابق ملزم نے رنجش کی بنا پر گھر میں گھس کر وردات کی اور فرار ہو گیا جس کی تلاش جاری ہے۔ پولیس کا بتانا ہے کہ واقعے کی ہر پہلو سے تحقیقات کی جارہی ہیں۔
حافظ آباد میں قتل کا اشتہاری ملزم
حافظ آباد میں قتل کے اشتہاری ملزم کو انٹرپول کےذریعے مسقط سےگرفتار کرلیا گیا۔ ڈی پی او کے مطابق ملزم کو 23 سال بعد گرفتار کیا گیا ہے۔ ڈی پی او نے گرفتاری سے متعلق بتایا کہ اسپیشل آپریشن کےذریعےانٹرپول سے رابطہ کیا گیا اور پھر ریڈ وارنٹ جاری کروائےگئے۔
ملائیشیا اور انڈونیشیا نے خواتین
ملائیشیا اور انڈونیشیا نے بغیر اجازت خواتین اور بچوں کی غیر اخلاقی تصاویر بنانے والے ایلون مسک کے اے آئی پلیٹ فارم ’Grok‘ چیٹ بوٹ کو بلاک کردیا۔ برطانیہ میں میڈیا واچ ڈاگ ادارے ’آف کام‘ نے بھی خواتین اور بچوں کی جنسی تصاویر بنانے کے معاملے پر ’گروک‘ کے خلاف باضابطہ تحقیقات شروع کردیں۔ آف کام نے ایکس سے باضابطہ دریافت کیا ہے کہ اس نے برطانوی صارفین کے تحفظ کے لیے کیا اقدامات کیے؟ برطانوی وزرا کی بڑی تعداد کہہ چکی ہے کہ اگر آف کام نے ایکس پر پابندی کی سفارش کی تو وہ اس کی حمایت کریں گے۔ اس سے قبل برطانوی وزیرِاعظم کیئر اسٹارمر Grok کے استعمال کو قابلِ نفرت اور شرمناک قرار دے چکے ہیں۔
واٹس ایپ صارفین خبردار
واٹس ایپ صارفین خبردار ہوجائیں کیونکہ واٹس ایپ اکاونٹ ہائی جیک کرنے کےخطرات میں اضافہ ہوگیا۔ کابینہ ڈویژن کےتحت نیشنل سائبر ایمرجنسی رسپانس ٹیم نے ایڈوائزری جاری کردی ۔ ایڈوائزری میں واٹس ایپ ہائی جیک مہم 2026 سے خبردار کردیا گیا ، ایڈوائزری میں واٹس ایپ صارفین کوسائبرخطرات کےخلاف چوکس رہنےکا مشورہ دیاگیا۔ ہیکرزواٹس ایپ صارفین کے اکاؤنٹس تک غیرمجازرسائی حاصل کرنےکےلیےسرگرم ہوگئے ، یہ OTPTفراڈ ( scams) ہے۔ ایڈوائزری میں خبردار کیاگیا ہے کہ غیرمجازرسائی حاصل کرکےصارفین کاذاتی ڈیٹا چرایاجاسکتا ہے، اکاونٹ ہائی جیک کی کامیابی پراٹیکرزصارف کی کنٹیکٹ لسٹ تک رسائی پاتے ہیں۔ متاثرہ صارف کےکنٹیکٹ لسٹ کو پیسے منگوانے کےلیےاستعمال کیا جاتاہے، اٹیکرزمیڈیافائلز،چیٹ ہسٹری اور ذاتی کمیونیکیشن تک رسائی پاتے ہیں۔ 6 ہندسوں کاایس ایم ایس ویری فیکشن کوڈزکسی کےساتھ شیئر نہ کرنےکی سفارش کی گئی ہے، ایڈوائزری میں ٹو سٹیپ ویری فیکشن پین کسی کے ساتھ شیئر نہ کرنے کی سفارش کی گئی ہے۔ وائس کال یا ایس ایم ایس کے ذریعےموصول کسی کوڈزکوشیئر نہ کرنےکی سفارش کی گئی ہے۔
عارف حبیب کنسورشیم کا اجلاس
پاکستان انٹرنیشنل ایئر لائنز (پی آئی اے) کی خریداری کے بعد قومی ایئر لائن کی بحالی اور ری اسٹرکچرنگ کے حوالے سے عارف حبیب کنسورشیم کا ایک اہم اور تفصیلی اجلاس منعقد ہوا، جس میں تمام اسٹیک ہولڈرز نے پی آئی اے کو دوبارہ ملک کی بہترین اور منافع بخش ایئر لائن بنانے پر مکمل اتفاق کیا۔ اجلاس میں فوجی فاؤنڈیشن، عارف حبیب گروپ، لیک سٹی ہولڈنگز، سٹی اسکول گروپ، فاطمہ گروپ اور پی آئی اے بورڈ آف ڈائریکٹرز کے نمائندوں نے شرکت کی۔ اجلاس کے دوران قومی ایئر لائن کی موجودہ مالی، انتظامی اور آپریشنل صورتحال پر جامع بریفنگ دی گئی جبکہ مستقبل کے لائحہ عمل پر بھی تفصیلی تبادلہ خیال کیا گیا۔ ذرائع کے مطابق اجلاس میں پی آئی اے کی ری اسٹرکچرنگ کو ترجیحی بنیادوں پر آگے بڑھانے، اخراجات میں کمی، آپریشنل بہتری اور سروس کو عالمی معیار کے مطابق ڈھالنے پر زور دیا گیا۔ شرکاء نے اس بات پر اتفاق کیا کہ پی آئی اے کی ساکھ کی بحالی، وقت کی پابندی، مسافروں کو بہتر سہولیات اور جدید بیڑے کی تشکیل قومی ایئر لائن کی کامیابی کے لیے ناگزیر ہے۔ لاہور ہائیکورٹ میں پی آئی اے کی نجکاری کے خلاف درخواست 8 جنوری کو سماعت کیلئے مقرر اجلاس میں پی آئی اے اور بین الاقوامی ایئر لائنز کے درمیان تعاون بڑھانے کے امکانات پر بھی غور کیا گیا۔ اس حوالے سے کوڈ شیئرنگ، ٹریننگ، مینٹیننس اور نیٹ ورک ایکسپینشن جیسے شعبوں میں اشتراک پر تبادلہ خیال کیا گیا تاکہ پی آئی اے عالمی ہوا بازی کی صنعت میں دوبارہ مضبوط مقام حاصل کر سکے۔ شرکاء نے اس عزم کا اظہار کیا کہ پی آئی اے کو سیاسی مداخلت سے پاک، پیشہ ورانہ بنیادوں پر چلایا جائے گا اور فیصلے خالصتاً کاروباری اصولوں کے مطابق کیے جائیں گے۔ اجلاس میں اس بات پر بھی زور دیا گیا کہ انسانی وسائل کی بہتری، عملے کی تربیت اور جدید ٹیکنالوجی کا استعمال ایئر لائن کی ترقی میں کلیدی کردار ادا کرے گا۔ نجکاری کمیشن کا بڑا فیصلہ، ہاؤس بلڈنگ فنانس اور روز ویلٹ ہوٹل کی نجکاری کا نیا عمل شروع عارف حبیب کنسورشیم کے شرکاء کا کہنا تھا کہ قومی ایئر لائن پاکستان کی پہچان ہے اور اسے ایک بار پھر خطے کی بہترین ایئر لائن بنانے کے لیے تمام دستیاب وسائل بروئے کار لائے جائیں گے۔ اجلاس کے اختتام پر مستقبل میں باقاعدہ فالو اپ اجلاس منعقد کرنے اور طے شدہ اہداف پر عملدرآمد کو یقینی بنانے پر بھی اتفاق کیا گیا۔
طالبان رجیم کیلئے 2025 عالمی تنہائی
افغان مبصرین نے طالبان رجیم کیلئے 2025 عالمی تنہائی اورسفارتی ناکامیوں کا سال قرار دیدیا۔ افغان مبصر نصیر احمد اندیشہ کے مطابق افغان طالبان رجیم نے ناصرف اپنے اتحادی بلکہ اپنی ساکھ اوربین الاقوامی جوازبھی کھو دیا۔ انہوں نے کہا کہ ہمسایہ ممالک پاکستان، ازبکستان، تاجکستان، ترکمانستان اور ایران سے کشیدگی میں بھی اضافہ ہوا جب کہ بین الاقوامی فوجداری عدالت نے انسانیت کے خلاف جرائم پر سینئر طالبان کمانڈرز کے وارنٹ گرفتاری بھی جاری کیے۔ نصیر احمد اندیشہ نے مزید کہا کہ افغان طالبان رجیم اپنے اقتدار کوطول دینے کیلئے بے بنیاد دعوؤں سے دنیا کو گمراہ نہیں کرسکتی۔
جب تک معیشت نہیں چلے گی
حیدر آباد، وزیر مملکت کھئیل داس کوہستانی نے کہا کہ ہم نے تحریک عدم اعتماد کے ذریعے اس وقت کی حکومت کو ختم کیا تاکہ ملک کو مالی اورمعاشی بحران سے بچایا جا سکے۔ میڈیا سے بات چیت کرتے ہوئے انہوں نے کہا کہ جب تک معیشت نہیں چلے گی، ملک کا پہیہ نہیں چل سکتا، موجودہ حکومت کی قیادت میں معیشت درست سمت میں جا رہی ہے اورمہنگائی میں کمی آ کر 3 فیصد تک پہنچ گئی ہے۔ کھئیل داس کوہستانی نے واضح کیا کہ اب مشکل فیصلوں کے مراحل سے نکل چکے ہیں اورملک کو دیوالیہ ہونے سے بچانے کیلئے ریاستی مفاد کوہمیشہ ترجیح دی جائے گی۔ تحریک انصاف ٹی ٹی پی کا سیاسی وِنگ ہے، عطا تارڑ ان کے مطابق وزیراعظم شہبازشریف کی قیادت میں کئے جانے والے اقدامات سے معیشت مضبوط ہو رہی ہے اور عوام کو ریلیف پہنچانے کیلئے مسلسل کام جاری ہے، ملک کی ترقی اورمالی استحکام حکومت کی اولین ترجیح ہے۔
جب تک معیشت نہیں چلے گی
حیدر آباد، وزیر مملکت کھئیل داس کوہستانی نے کہا کہ ہم نے تحریک عدم اعتماد کے ذریعے اس وقت کی حکومت کو ختم کیا تاکہ ملک کو مالی اورمعاشی بحران سے بچایا جا سکے۔ میڈیا سے بات چیت کرتے ہوئے انہوں نے کہا کہ جب تک معیشت نہیں چلے گی، ملک کا پہیہ نہیں چل سکتا، موجودہ حکومت کی قیادت میں معیشت درست سمت میں جا رہی ہے اورمہنگائی میں کمی آ کر 3 فیصد تک پہنچ گئی ہے۔ کھئیل داس کوہستانی نے واضح کیا کہ اب مشکل فیصلوں کے مراحل سے نکل چکے ہیں اورملک کو دیوالیہ ہونے سے بچانے کیلئے ریاستی مفاد کوہمیشہ ترجیح دی جائے گی۔ تحریک انصاف ٹی ٹی پی کا سیاسی وِنگ ہے، عطا تارڑ ان کے مطابق وزیراعظم شہبازشریف کی قیادت میں کئے جانے والے اقدامات سے معیشت مضبوط ہو رہی ہے اور عوام کو ریلیف پہنچانے کیلئے مسلسل کام جاری ہے، ملک کی ترقی اورمالی استحکام حکومت کی اولین ترجیح ہے۔
وزارت مذہبی امور نے تربیتی ورکشاپ
اسلام آباد، وزارت مذہبی امور نے تمام عازمین حج 2026 کو ہدایت کی ہے کہ وہ اپنے شیڈول کے مطابق حج تربیتی ورکشاپ میں شرکت یقینی بنائیں۔ ترجمان وزارت کے مطابق جو عازمین ابھی تک تربیتی ورکشاپ میں شریک نہیں ہو سکے، وہ متبادل تاریخ اور مقام پر اپنی حاضری لازمی لگوائیں۔ وزارت نے واضح کیا کہ حج تربیت (پہلا مرحلہ) کا مکمل شیڈول پاک حج 2026 موبائل ایپ اور ویب سائٹ پر دستیاب ہے۔ عازمین حج سے گزارش ہے کہ وہ مقررہ شیڈول کے مطابق تربیت حاصل کریں تاکہ حج کے دوران تمام ضروری ہدایات اور معلومات سے آگاہ رہ سکیں۔ حارث وحید نے عمرہ کے دوران پیش آنے والا معجزاتی واقعہ شیئر کر دیا ترجمان نے مزید کہا کہ تربیتی ورکشاپ میں شرکت نہ کرنے والے عازمین حج اپنی ذمہ داری پوری نہیں کریں گے، اس لیے متبادل انتظامات کے ذریعے تربیت مکمل کرنا لازمی ہے۔ وزارت مذہبی امور کی یہ ہدایات حج کی بہتر تیاری اور عازمین کی سہولت کو یقینی بنانے کے لیے جاری کی گئی ہیں۔
تحریک انصاف نے جناح باغ
کراچی، تحریک انصاف نے جناح باغ میں ہونے والے جلسے کے لیے مزار قائد انتظامیہ کی ہدایات پر 25 لاکھ روپے سیکیورٹی رقم جمع کرادی ہے۔ مزار قائد انتظامیہ کے مطابق یہ رقم ممکنہ نقصانات یا سیکیورٹی معاملات کے پیشگی انتظامات کے لیے جمع کرائی گئی ہے۔ تحریک انصاف نے یہ رقم پے آرڈر کی شکل میں جمع کروائی ہے تاکہ جلسے کے دوران کسی بھی غیر متوقع نقصان یا نقصان دہ صورتحال سے نمٹنے کے لیے انتظامات مکمل ہوں۔ جب تک معیشت نہیں چلے گی، ملک کا پہیہ نہیں چل سکتا، کھئیل داس کوہستانی انتظامیہ نے قبل ازیں جلسے کی اجازت دینے سے قبل ممکنہ نقصانات کے ازالے کے لیے پیشگی رقم جمع کروانے کی ہدایت کی تھی۔ یہ اقدام جلسے کی شفاف اورمحفوظ میزبانی کو یقینی بنانے کے لئے اٹھایا گیا ہے تاکہ سیاسی تقریبات میں نظم و ضبط برقرار رکھا جا سکے۔
2025 کے دوران 7 لاکھ
2025 میں 18 ہزار 352 اعلیٰ تعلیم یافتہ افراد سمیت 7 لاکھ سے زائد پاکستانی بیرون ملک ملازمت کیلئے گئے۔ بیورو آف امیگریشن کے مطابق 2024 میں7 لاکھ 27 ہزار381 پاکستانی بیرون ملک گئے تھے۔ دستاویز میں بتایا گیا کہ 2025 میں 5659 اکاؤنٹنٹ، 10 ہزار 503 باورچی، 3 ہزار795 ڈاکٹر، 5946 انجینیئرز بیرون ملک گئے۔ بیرون ملک روزگار کیلئے جانے والے افراد کو رجسٹریشن کروانا لازم ہو گا اس کے علاوہ 1640 نرسز، 1725 اساتذہ، 1 لاکھ 63 ہزار718 ڈرائیور، 6475 الیکٹریشن ، 4 لاکھ 65 ہزار138 مزدور ، 5700 مستری ، 12703 ٹیکنیشنز، 11777 مینجر ، 2306 پلمبر،2027 ویٹر بھی ملازمت کیلئے بیرون ملک گئے۔ دستاویز میں بتایا گیا کہ بیرون ملک جانیوالوں میں 13 ہزار657 انتہائی ہنر مند، 2 لاکھ 22 ہزار 171 ہنرمند ، 42 ہزار257 نیم ہنرمند،4 لاکھ 66 ہزار 62 غیر ہنرمند افراد شامل ہیں۔ ایف آئی اے نے بیرون ملک ملازمت کے خواہشمندوں کو خبردار کر دیا دستاویز کے مطابق 5 لاکھ 30 ہزار 256 پاکستانی سعودی عرب، 52 ہزار 664 افراد یو اے ای، 68 ہزار 376 قطر،37 ہزار726 بحرین ، 6590 کویت،39 جنوبی کوریا ، 1005 امریکا، 4355 برطانیہ ، 984 جرمنی ، 813 اٹلی ،2230 چین، 2210 جاپان اور 1109 رومینیا گئے۔
فرانس اور ملائیشیا کے نمائندے
راولپنڈی، فرانس اورملائیشیا کے سفارت خانوں کے نمائندوں نے اڈیالہ جیل کا دورہ کیا اور وہاں موجود قیدی سے ملاقات کی۔ نجی ٹی وی کے مطابق ملائیشیا کی جانب سے مائرہ مدثر نمائندہ بن کرپہنچیں، حکومت کی جانب سے قونصلر رسائی کی اجازت ملنے کے بعد مائرہ مدثرنے اڈیالہ جیل میں قید ملائیشین خاتون موہا ظلہلمی سے ملاقات کی۔ ملاقات کے دوران قیدی کی حالت اوران کے حقوق کے تحفظ کو یقینی بنانے کے اقدامات پرتبادلہ خیال کیا گیا۔ تحریک انصاف نے جناح باغ جلسے کیلئے 25 لاکھ روپے سیکیورٹی جمع کرادی یہ ملاقات بین الاقوامی سفارتی رسائی کے اصولوں اور قیدی کے انسانی حقوق کے تحفظ کے لیے اہم سمجھی جا رہی ہے۔
رمضان کے لئے شفاف اور سودمند
اسلام آباد، وزیراعظم محمد شہباز شریف نے آئندہ رمضان المبارک کے لیے متعلقہ اداروں کو ہدایت دی ہے کہ وہ پچھلے سال کے تجربات کو مدنظر رکھتے ہوئے غریب عوام کے لیے زیادہ مؤثر اور سودمند رمضان پیکج اور سفارشات مرتب کریں۔ وزیراعظم کی زیرصدارت وفاقی حکومت کے مجوزہ رمضان اور پچھلے سال کے رمضان پیکج کی تھرڈ پارٹی ویلیڈیشن پر جائزہ اجلاس ہوا، جس میں تمام متعلقہ اداروں اور وزارتوں کی شفافیت پر مستند آڈٹ ادارے کی طرف سے ستائش کی گئی۔ وزیراعظم نے کہا کہ گزشتہ سال سے وفاقی حکومت نے غریب عوام کورمضان پیکج کے ذریعے ارزاں نرخوں پر اشیائے خورد و نوش کی فراہمی کیلئے شفاف نظام مرتب کیا ہے۔ ملک میں کئی دہائیوں سے جاری یوٹیلٹی سٹورز کے ذریعے مالی بے ضابطگیوں اورغریبوں کے استحصال کا رائج نظام حکومت نے شفاف اورمنظم نظام میں تبدیل کر دیا۔ انہوں نے ہدایت کی کہ تمام متعلقہ ادارے آنے والے رمضان کے لیے پچھلے سال سے بھی زیادہ مؤثر پیکج تیار کریں تاکہ بدعنوانی کے باعث مستحق افراد محروم نہ رہیں۔ وزیراعظم نے زور دیا کہ رمضان پیکج کی امدادی رقوم غریب عوام میں ڈیجیٹل والٹس کے ذریعے تقسیم کی جائیں تاکہ عوام کی عزت و تکریم مجروح نہ ہو اور کیش لیس معیشت کے حصول میں مدد ملے۔ جب تک معیشت نہیں چلے گی، ملک کا پہیہ نہیں چل سکتا، کھئیل داس کوہستانی انہوں نے کہا کہ سٹیٹ بینک کی شمولیت سے کیش لیس اکانومی کو فروغ ملے گا اور تمام وزارتیں اس بات کو یقینی بنائیں کہ امدادی رقوم میں مستحق افراد کی شمولیت زیادہ سے زیادہ ہو۔ اجلاس میں بریفنگ دی گئی کہ بینظیر انکم سپورٹ پروگرام میں سوشل پروٹیکشن والٹ نظام نافذ کیا جا رہا ہے، جس کے تحت مستحق افراد میں مفت سمزتقسیم کی جا رہی ہیں اورمارچ 2026 سے تمام امدادی رقوم اسی سم کے ذریعے ڈیجیٹلی فراہم کی جائیں گی، تھرڈ پارٹی ویلیڈیشن میں کسی مالی بدعنوانی یا سنگین انتظامی بدنظمی کی نشاندہی نہیں کی گئی۔ اجلاس میں وفاقی وزیر خزانہ محمد اورنگزیب، وفاقی وزیر اطلاعات و نشریات عطاء اللہ تارڑ، وفاقی وزیر برائے تخفیف غربت سید عمران احمد شاہ، وفاقی وزیر برائے قومی تحفظ خوراک رانا تنویر حسین، وفاقی وزیر برائے انفارمیشن ٹیکنالوجی شزا فاطمہ خواجہ، وزیراعظم کے معاون خصوصی ہارون اختر، چیئرمین نادرا اور چیئرمین پاکستان ٹیلی کمیونیکیشن اتھارٹی سمیت دیگرسرکاری عہدے داران نے شرکت کی۔ اجلاس میں تمام شرکاء نے غریب عوام کے لئے پیکج کی شفاف اور مؤثرتقسیم کو یقینی بنانے پراتفاق کیا۔
وزیراعظم کی اس سال بھی رمضان پیکج کی امدادی رقوم
اسلام آباد: وزیراعظم شہباز شریف نے اس سال بھی رمضان پیکج کی امدادی رقوم کی تقسیم ڈیجیٹل والٹس کےذریعے کرنے کی ہدایت کی ہے۔ وزیراعظم شہباز شریف کی زیر صدارت رمضان پیکج پر جائزہ اجلاس ہوا جس میں وزیراعظم نے پیکج کو مزید بہتر بنانے کے لیے سفارشات مانگ لیں۔ وزیراعظم نے کہا کہ یوٹیلٹی اسٹورز میں بدعنوانی کی وجہ سے مستحق افراد اپنےحق سےمحروم تھے، حکومت نےگزشتہ سال کم نرخوں پر کھانے پینے کی اشیا کی فراہمی کے لیے شفاف نظام ترتیب دیا۔ انہوں نے کہا کہ گزشتہ سال 40 لاکھ خاندانوں میں فی خاندان 5 ہزار روپے کے حساب سے 20 ارب روپے ڈیجیٹل والٹس کے ذریعےتقسیم کیے گئےتھے۔ دوسری جانب وزیر اعظم نے ایک اور اجلاس میں جواہرات و قیمتی پتھروں کےشعبے کی اصلاحات کے لیے قومی پالیسی فریم ورک کی بھی منظوری دے دی۔
وزیراعظم کی اس سال بھی رمضان پیکج کی امدادی رقوم
اسلام آباد: وزیراعظم شہباز شریف نے اس سال بھی رمضان پیکج کی امدادی رقوم کی تقسیم ڈیجیٹل والٹس کےذریعے کرنے کی ہدایت کی ہے۔ وزیراعظم شہباز شریف کی زیر صدارت رمضان پیکج پر جائزہ اجلاس ہوا جس میں وزیراعظم نے پیکج کو مزید بہتر بنانے کے لیے سفارشات مانگ لیں۔ وزیراعظم نے کہا کہ یوٹیلٹی اسٹورز میں بدعنوانی کی وجہ سے مستحق افراد اپنےحق سےمحروم تھے، حکومت نےگزشتہ سال کم نرخوں پر کھانے پینے کی اشیا کی فراہمی کے لیے شفاف نظام ترتیب دیا۔ انہوں نے کہا کہ گزشتہ سال 40 لاکھ خاندانوں میں فی خاندان 5 ہزار روپے کے حساب سے 20 ارب روپے ڈیجیٹل والٹس کے ذریعےتقسیم کیے گئےتھے۔ دوسری جانب وزیر اعظم نے ایک اور اجلاس میں جواہرات و قیمتی پتھروں کےشعبے کی اصلاحات کے لیے قومی پالیسی فریم ورک کی بھی منظوری دے دی۔
انڈہ ڈھونڈتے ہوئے لاش ملی
چھوٹے بچے نے مرغی کا انڈہ ڈھونڈنے کے لیے بھوسے کے ڈھیر میں ہاتھ ڈالا تو وہ کسی ملائم چیز سے ٹکرایا اس نے بھوسا ہٹایا تو بچے کے پاؤں نظر آئے، وہ چیخ مار کر والدہ کے پاس گیا اور اس بارے میں بتایا مگر اس وقت تک دیر ہوچکی تھی۔ گاؤں کے چاروں طرف پولیس موجود تھی، پھر تھوڑی دیر بعد دروازے پر دستک ہوئی، جس پر ماں بیٹا سہم گئے۔ یہ مناظر قصور کے گاؤں خوشحال سنگھ کے ہیں جہاں 20 دسمبر کو پولیس گمشدہ پانچ سالہ بچے حنان کو تلاش کرتے ہوئے پہنچی تھی، رپورٹ کے بعد پانچ روز سے اسے ڈھونڈا جا رہا تھا۔ پانچ روز قبل اسی گاؤں سے بچہ اس وقت غائب ہو گیا تھا جب دادی کے ساتھ دکان سے کچھ خریدنے گیا تھا۔ تھانہ راجہ جنگ قصور کے تفتیشی افسر علی اکبرنے اس واقعے کی مزید تفصیل بتاتے ہوئے کہا کہ ’ایک دو گھنٹے تک بچے کو ڈھونڈنے بعد جب والد قصور شہر سے واپس گھر پہنچا تو پولیس کی اطلاع دی گئی۔ اغوا کی ایف آئی آر درج کی گئی۔ جس کے بعد تلاش شروع ہوئی، اس گاؤں میں 400 کے قریب گھر ہیں ایک ایک کی تلاشی لی گئی ۔اگلی صبح ہم نے مقامی کھوجیوں کو بھی ساتھ لیا اور سراغ رساں کتوں کی خدمات بھی حاصل کیں۔‘ ان کا مزید کہنا تھا کہ ’گاؤں کے رہائشی علاقے سے فراغ ہو کر کھیتوں کو کھنگالنا شروع کردیا۔ علاقے کے لوگ بھی ہمارے ساتھ تھے اور ہاتھوں کی زنجیر بنا کر بہت تلاش کیا گیا مگر بچہ نہ ملا۔‘
تحریک انصاف کے گرفتار ضلعی صدر شہباز بھٹی کا 8 روزہ جسمانی ریمانڈ منظور
تحریک انصاف کے گرفتار ضلعی صدر شہباز بھٹی کو عدالت میں پیش کر دیا گیا جہاں ان کا 8 روزہ جسمانی ریمانڈ منظور کرلیا گیا۔ نجی ٹی وی چینل ایکسپریس نیوز کے مطابق انسداد دہشت گردی عدالت نے فیصلہ سنایا، تحریک انصاف رہنما کو تھانہ سٹی پولیس کے حوالے کر دیا گیا۔ پی ٹی آئی رہنما کی 26 نومبر کے 4 مقدمات میں گرفتاری ڈال دی گئی، پولیس نے چاروں مقدمات میں شہباز بھٹی کا 10 روزہ جسمانی ریمانڈ مانگا تھا۔ وکلائے صفائی نے گرفتاری غیر قانونی قرار دے کر کیسوں سے ڈسچارج کی استدعا کی اور مؤقف اپنایا کہ شہباز بھٹی کی ایک سال بعد گرفتاری سیاسی انتقامی کارروائی ہے۔
مادرِ جمہوریت نصرت بھٹو کو دنیا سے رخصت ہوئے 14 برس بیت گئے
سابق خاتون اول اور مادر جمہوریت بیگم نصرت بھٹو کی 14ویں برسی آج منائی جا رہی ہے، ان کی ملک، عوام اور جمہوریت کیلئے جدوجہد بے مثال ہے۔ بیگم نصرت بھٹو 23 مارچ 1929ء کو ایران کے شہر اصفہان میں پیدا ہوئیں، ان کے والد ایک بڑی کاروباری شخصیت تھے، سابق وزیراعظم ذوالفقار علی بھٹو نے 1951ء میں نصرت بھٹو سے شادی کی جن میں سے ان کے چار بچے بینظیر بھٹو، صنم بھٹو، میر مرتضیٰ بھٹو اور میر شاہنواز بھٹو پیدا ہوئے۔ بیگم نصرت بھٹو نے نہ صرف دوران حکومت اپنے شوہر کا بھرپور ساتھ دیا بلکہ برے وقت میں بھی انہیں اور ان کی پارٹی کو اکیلا نہیں چھوڑا، 1979ء میں ذوالفقار علی بھٹو کے مقدمے اور پھانسی کے بعد بیگم نصرت بھٹو اور ان کی بیٹیوں کو نظر بند کر دیا گیا تھا، تاہم انہوں نے ہار ماننے کی بجائے تمام تر صعوبتیں جھیلنے اور تکلیفیں اٹھانے کو ترجیح دی۔
سابق انٹرنیشنل امپائر ظفر اقبال پاشا صدیقی انتقال کر گئے
سابق انٹرنیشنل امپائر ظفر اقبال پاشا صدیقی انتقال کر گئے۔ پاکستان کرکٹ بورڈنے سابق انٹرنیشنل امپائر ظفر اقبال پاشا صدیقی کے انتقال پر گہرے دکھ اور افسوس کا اظہار کیا ہے۔ نجی ٹی وی چینل 24نیوز کے مطابق پی سی بی کاکہنا ہے کہ ظفر اقبال پاشا نے سال 2000 میں پاکستان اور انگلینڈ کے درمیان راولپنڈی کرکٹ سٹیڈیم میں ہونے والے ون ڈے میچ میں آن فیلڈ امپائرنگ کے فرائض انجام دیئے تھے۔ ظفر اقبال پاشا طویل عرصے تک قومی سطح پر ڈومیسٹک میچوں میں امپائرنگ کے فرائض بھی سرانجام دیتے رہے اور کرکٹ کے شعبے سے وابستہ رہے۔
لاہور میں اقوام متحدہ کے تعاون سےجاب فیئر، ملازمتوں کے بے شمار مواقع
یوتھ ڈویلپمنٹ فاؤنڈیشن اور اقوام متحدہ کے ترقیاتی پروگرام یو این ڈی پی کے تعاون سے لاہور میں جاب فیئر کا انعقاد کیا گیا ، یونیورسٹی آف ایجوکیشن، ٹاؤن شپ میں ہونے والا یہ ایونٹ سرگودھا اور ملتان میں امن اوراقلیتی حقوق کے فروغ کے پراجیکٹ کے تحت منعقد ہوا ، جس کا مقصد نوجوانوں، خواتین اور پسے ہوئے طبقوں بالخصوص مذہبی اقلیتوں کے لیے معاشی مواقع میں اضافہ کرنا اور انہیں صنعتی اداروں سے منسلک کرنا ہے ۔ اس موقع پر مختلف تعلیمی اداروں کے دو ہزار سے زائد طلبا و طالبات کے علاوہ متعدد کارپوریٹ نمائندگان اور صنعتی شراکت داروں نے شرکت کی۔ تقریب کے مہمانِ خصوصی یونیورسٹی آف ایجوکیشن کے وائس چانسلر پروفیسر ڈاکٹرعاکف دھری نے اپنے خطاب میں کہا کہ نوجوانوں کو مواقع سے جوڑنا دراصل ملک کی تعمیر ہے ۔۔ ایسے اقدامات باہمی اعتماد اور ملکی استحکام کو یقینی بناتے ہیں ۔۔۔ سیکرٹری برائے انسانی حقوق و اقلیتی امور فرید تارڑ، نے بطور مہمانِ اعزاز خطاب کرتے ہوئے کہا معاشی شرکت ہر شہری کا بنیادی حق ہے۔ ایسے اقدامات ان افراد کےلیے راستے کھولتے ہیں جو اکثر نظر انداز کر دیے جاتے ہیں ۔
این اے 128 انتخابی ریکارڈ کی نقول مانگنے کے کیس میں الیکشن کمیشن کا فیصلہ محفوظ
ویب ڈیسک October 22, 2025 facebook twitter whatsup mail اسلام آباد: الیکشن کمیشن نے این اے 128 کے حوالے سے انتخابی ریکارڈ کی نقول مانگنے کے کیس میں فیصلہ محفوظ کرلیا۔ قومی اسمبلی کے حلقہ این اے 128 لاہور کے حوالے سے کیس کی سماعت الیکشن کمیشن میں ممبر سندھ نثار درانی کی سربراہی میں 3 رکنی کمیشن نے کی، جس میں حکام نے بتایا کہ درخواست گزار نے انتخابی ریکارڈ کی نقول مانگی تھیں۔ الیکشن کمیشن حکام کے مطابق اسلام آباد ہائی کورٹ نے کہا کہ درخواست پر قانون کے مطابق فیصلہ کریں۔ متعلقہ ریکارڈ پہلے ہی الیکشن ٹریبونل میں جمع کرایا جا چکا ہے۔ رول 133 کی شق 5 کے تحت صرف امیدوار ہی ریکارڈ طلب کرسکتا ہے۔ حکام نے بتایا کہ درخواست گزار امیدوار نہیں، اس لیے ریکارڈ حاصل کرنے کا اہل نہیں ہے۔ کمیشن کے رکن کے پی نے کہا کہ الیکشن ٹریبونل مذکورہ ریکارڈ فراہم کر سکتا ہے۔ درخواست گزار ٹریبونل سے رجوع کر سکتا ہے۔ بعد ازاں الیکشن کمیشن نے کیس پر فیصلہ محفوظ کر لیا، جو بعد میں جاری کیا جائے گا۔
خالی افغان بستیاں مکمل مسمار کریں گے، کسی کو قبضہ نہیں کرنے دیں گے، شرجیل میمن
Dawn News WhatsApp Channel واٹس ایپ چینل سندھ کے سینئر وزیر شرجیل انعام میمن نے کہا کہ خالی کرائی گئی افغان بستیاں مکمل مسمار کی جائیں گی، کسی کو قبضہ نہیں کرنے دیا جائے گا، سپورٹ پرائس نہ آنے سے گندم امپورٹ کرنی پڑ رہی ہے، ہمارا مطالبہ ہے گندم کی سپورٹ پرائس 4 ہزار 200 مقرر کی جائے، دسمبر میں ای وی ٹیکسی سروس شروع کر رہے ہیں۔ سینئر صوبائی وزیر شرجیل میمن نے کراچی میں میڈیا سے گفتگو کرتے ہوئے کہا کہ افغان بستیاں مکمل مسمار کی جائیں گی، خالی کرائی گئی افغان بستیوں پر کسی کو قبضہ نہیں کرنے دیا جائے گا۔
وفاقی وزیرداخلہ کی بلاول بھٹو سے ملاقات، سیاسی اور ملکی صورتحال پر تبادلہ خیال
Dawn News WhatsApp Channel واٹس ایپ چینل وفاقی وزیرداخلہ محسن نقوی نے چیئرمین پیپلزپارٹی بلاول بھٹو زرداری سے ملاقات کی، جس میں سیاسی اور ملکی صورتحال پر تبادلہ خیال کیا گیا۔ ڈان نیوز کے مطابق وفاقی وزیرداخلہ محسن نقوی نے چیئرمین پیپلزپارٹی بلاول بھٹو زرداری سے بلاول ہاؤس کراچی میں اہم ملاقات کی، دوران ملاقات باہمی دلچسپی کے امور، سیاسی معاملات اور ملکی صورتحال پر تبادلہ خیال کیا گیا۔ وزیرداخلہ محسن نقوی نے سابق وزیرخارجہ اور چیئرمین پیپلزپارٹی کو ملک کی داخلی سلامتی اور قیام امن کے لیے اٹھائے جانے والے اقدامات سے بھی آگاہ کیا۔ اس موقع پر بلاول بھٹو زرداری نے کہا کہ موجودہ چیلنجز کا مقابلہ اتحاد اور اتفاق سے ہی کیا جا سکتا ہے۔
وزیراعلیٰ سندھ نے کراچی سیف سٹی پروجیکٹ کے فیز ٹو کی توسیع کی منظوری دے دی
Dawn News WhatsApp Channel واٹس ایپ چینل وزیراعلیٰ سندھ سید مراد علی شاہ نے کراچی سیف سٹی پروجیکٹ کے فیز ٹو کی توسیع کی منظوری دے دی۔ محکمہ اطلاعات سندھ کے ایکس اکاؤنٹ پر کی گئی پوسٹ کے مطابق وزیراعلیٰ سندھ سید مراد علی شاہ کی زیر صدارت کراچی سیف سٹی منصوبے پر اجلاس منعقد ہوا، اجلاس میں وزیر داخلہ ضیاء الحسن لنجار، چیف سیکریٹری آصف حیدر شاہ اور دیگر حکام شریک ہوئے۔ دوران اجلاس وزیراعلیٰ سندھ نے کہا کہ کراچی پاکستان کا معاشی مرکز ہے، شہریوں کی سلامتی ہماری اولین ترجیح ہے۔ انہوں نے کہا کہ ڈیٹا ٹرانسمیشن کے لیے نیٹ ورک کنیکٹیویٹی تیار کی جائے، اور اسمارٹ پولیسنگ کے لیے قانون نافذ کرنے والے ڈیٹا بیسز کو مربوط کیا جائے۔ وزیراعلیٰ سندھ کو وزیر داخلہ اور آئی جی پولیس نے منصوبے پر بریفنگ دی، جس پر وزیراعلی نے منصوبے میں جدید اینالیٹیکل ٹیکنالوجی متعارف کرانے اور قانون نافذ کرنے والے اداروں سے روابط بہتر بنانے کی ہدایت کی۔
اسلام آباد ہائیکورٹ کا نیب کو زلفی بخاری کی جائیداد نیلامی کا عمل روکنے کا حکم
Dawn News WhatsApp Channel واٹس ایپ چینل اسلام آباد ہائی کورٹ نے پاکستان تحریک انصاف (پی ٹی آئی) کے رہنما زلفی بخاری کی جائیداد کی نیلامی کا عمل روکنے کا حکم دے دیا۔ اسلام آباد ہائیکورٹ کے جسٹس ارباب محمد طاہر اور جسٹس انعام امین منہاس پر مشتمل ڈویژن بینچ نے زلفی بخاری کی جائیداد کی نیلامی کے حوالے سے نیب کے فیصلے کے خلاف زلفی بخاری کی بہن سکینہ بخاری کی درخواست پر نوٹس جاری کر دیا، جائیداد نیلامی کا مکمل ریکارڈ بھی طلب کر لیا گیا۔ درخواست گزار کی جانب سے سینئر وکیل بابر اعوان ایڈووکیٹ عدالت میں پیش ہوئے، جسٹس ارباب محمد طاہر نے استفسار کیا کہ نیلامی ہو گئی ہے؟ ابھی کیا اسٹیٹس ہے؟ وکیل بابر اعوان نے کہا کہ نیلامی کا عمل جاری ہے لیکن ہمیں کوئی نوٹس جاری نہیں کیا گیا، نیلامی کا اشتہار جاری ہوا تو اس سے ہمیں علم ہوا۔ انہوں نے کہا کہ جائیداد کس نے خریدی ہے اس کی کوئی دستاویزات بھی سامنے نہیں آئی ہیں۔ درخواست گزار کے وکیل بابر اعوان نے مؤقف اختیار کیا کہ اشتہار سے جائیداد کی نیلامی کے عمل کا علم ہوا، 2 ہزار 100 کنال مشترکہ اراضی ہے، جس کی تقسیم ابھی نہیں ہوئی۔ بابر اعوان نے کہا کہ 2 ہزار 100 کنال مشترکہ اراضی ہے،جس کی تقسیم ابھی نہیں ہوئی، زمین کے دیگر مالکان بھی ہیں، میں صرف سکینہ بخاری کا وکیل ہوں، عدالت نے نیب کو نوٹس جاری کر کے آئندہ تاریخ تک جواب طلب کر لیا۔ عدالت نے کیس کی سماعت نومبر کے تیسرے ہفتے تک ملتوی کر دی۔ واضح رہے کہ زلفی بخاری اسلام آباد کی احتساب عدالت میں چلنے والے 190 ملین پاؤنڈ ریفرنس میں اشتہاری ہیں۔ گزشتہ سال احتساب عدالت اسلام آباد نے 190 ملین پاؤنڈز ریفرنس میں اشتہاری ملزم زلفی بخاری کی جائیداد ریفرنس کےساتھ منسلک کرنے کے احکامات جاری کیے تھے۔ عدالتی فیصلے میں کہا گیا تھا کہ زلفی بخاری جان بوجھ کر عدالتی کارروائی کا حصہ نہیں بنے حالانکہ 6 جنوری 2024 کو عدالت کی جانب سے انہیں اشتہاری قرار دیا گیا تھا۔
حکومت سے اتحاد کے خاتمے کا مطالبہ ، پیپلزپارٹی کی مرکزی مجلس عاملہ اجلاس کی اندرونی کہانی سامنےآگئی
پیپلزپارٹی کی مرکزی مجلس عاملہ اجلاس کی اندرونی کہانی سامنےآگئی، مرکزی مجلس عاملہ نے حکومت کے ساتھ اتحاد پر تفصیلی غور کیا۔ذرائع کےمطابق اجلاس میں حکومت سے اتحاد کے خاتمے کا مطالبہ سامنے آ یا۔ پیپلز پارٹی کی مرکزی مجلس عامہ نے آصف زرداری کی درخواست پر مطالبات پورے کرنے کیلئے حکومت کو ایک ماہ کی مہلت دینے کی منظوری دیدی۔ ذرائع کے مطابق سی ای سی اراکین وفاق، پنجاب حکومت،ن لیگ کے رویئے پر کھل کر برسے ، اجلاس میں خیبرپختونخوا اور پنجاب کے اراکین نے جذباتی گفتگو کی اور کہا کہ پارٹی قیادت حکم دے وفاق، پنجاب میں ن لیگ کو تگنی کا ناچ نچا دیں، ن لیگ بار بار کی سیاسی ٹھوکروں کے باوجود کچھ نہیں سیکھ سکی، پی پی قیادت چٹکی بجا کر وفاق، میں حکومت گرا سکتی ہے۔
سنگجانی جلسہ کیس: عمر ایوب، زرتاج گل کے وارنٹ گرفتاری جاری
انسداد دہشت گردی عدالت اسلام آباد نے پی ٹی آئی کے سنگجانی جلسے پر درج مقدمات میں عمر ایوب اور زرتاج گل سمیت دیگر رہنماؤں کے ناقابل ضمانت وارنٹ گرفتاری جاری کر دیے۔ نجی ٹی وی چینل دنیا نیوز کے مطابق انسداد دہشت گردی عدالت کے جج طاہر عباس سپرا نے کیس کی سماعت کی، عدالت نے عمر ایوب، زین قریشی زرتاج گل اور علی بخاری کے وارنٹ گرفتاری جاری کیے۔ عدالت نے پی ٹی آئی رہنماؤں کو گرفتار کر کے پیش کرنے کا حکم دیا۔ شیر افضل مروت کی طرف سے کیس ٹرانسفر کی درخواست دائر کی گئی جس پر عدالت نے شیر افضل مروت کی درخواست پر نوٹسز جاری کر کے دلائل طلب کر لیے۔
این سی سی آئی اے افسر اغواء کیس؛ عدالت کی بازیابی کیلئے پولیس کو 3روزکی مہلت،مغوی کی پٹیشنر اہلیہ کے بھی لاپتہ ہونے کا انکشاف
اسلام آباد ہائیکورٹ نے این سی سی آئی اے افسر اغواء کیس میں بازیابی کیلئے پولیس کو 3روزکی مہلت دیدی،مغوی کی پٹیشنر اہلیہ کے بھی لاپتہ ہونے جسٹس اعظم خان نے استفسار کیا کہ گاڑی مشکوک ہے تو اسلام آباد میں کیسے چل رہی تھی؟یہ بہت سنجیدہ معاملہ ہے، شہر میں ناکے لگے ہیں، کیمرے بھی موجود ہیں،بازیابی یقینی بنائیں ورنہ وہی کرنا پڑے گا جو دیگر بنچ کررہے تھے۔ نجی ٹی وی چینل ’’دنیا نیوز‘‘ کے مطابق اسلام آباد ہائیکورٹ میں این سی سی آئی اے افسر کے اغوا ءکیس کی سماعت ہوئی، اسلام آباد ہائیکورٹ کے جسٹس اعظم خان نے درخواست پر سماعت کی،عدالت نے مغوی ڈپٹی ڈائریکٹر کی بازیابی کیلئے پولیس کو 3روز کی مہلت دیدی۔
پاسپورٹ کیس: تنویر الیاس کی حاضری معافی کی درخواست منظور
ڈسٹرکٹ اینڈ سیشن کورٹ اسلام آباد نے ڈپلومیٹک پاسپورٹ کے استعمال کے کیس میں سابق وزیر اعظم آزاد کشمیر سردار تنویر الیاس کی حاضری سے استثنیٰ کی درخواست منظور کر لی۔ نجی ٹی وی چینل دنیا نیوز کے مطابق جوڈیشل مجسٹریٹ احمد شہزاد گوندل نے سابق وزیر اعظم سردار تنویر الیاس کیخلاف ڈپلومیٹک پاسپورٹ کے استعمال کے کیس کی سماعت کی۔ دوران سماعت سردار تنویر الیاس کی حاضری سے استثنیٰ کی درخواست دائر کی گئی جسے عدالت نے منظور کر لیا۔ سردار تنویر الیاس کی عدم دستیابی کے باعث استغاثہ کی شہادتیں ریکارڈ نہ ہو سکی، عدالت نے اگلی سماعت پر استغاثہ کے گواہان کو دوبارہ طلب کرتے ہوئے کیس کی مزید سماعت 31 اکتوبر تک ملتوی کر دی۔
پارٹی ایجنڈے پر عملدرآمد کےلئے سخت فیصلے لوں گا،وزیراعلیٰ خیبرپختونخوا
وزیراعلیٰ خیبرپختونخوا سہیل آفریدی کا کہنا ہے کہ پارٹی ایجنڈے پر عملدرآمد کے لئے سخت فیصلے لوں گا، ان پر عملدرآمد کرنا ہوگا، صوبے میں تھری ایم پی او کے تحت کسی بھی سیاسی شخص کو گرفتار نہیں کیا جائے گا ، آزادی اظہار رائے اور تنقید برائے اصلاح ہر شہری کا بنیادی آئینی حق ہے۔ نجی ٹی وی سما نیوز کے مطابق وزیراعلیٰ خیبر پختونخوا سہیل آفریدی کی زیر پہلا باضابطہ اجلاس ہوا،جس صوبائی حکومت کے گڈ گورننس روڈ میپ پر پیشرفت اور امن و امان کی صورتحال کا تفصیلی جائزہ لیا گیا۔ وزیراعلیٰ کو گڈ گورننس روڈ میپ کے مختلف پہلوؤں پر بریفنگ دی۔ وزیراعلیٰ سہیل آفریدی کو صوبے میں امن و امان کی صورتحال، دہشتگردی کے واقعات اور عوامل، امن و امان کی صورتحال کو بہتر بنانے کے لئے صوبائی کے اقدامات، پراونشل ایکشن پلان پر عملدرآمد، آئیندہ کے لائحہ عمل، پولیس کو مستحکم بنانے کے لئے اقدامات اور دیگر امور پر تفصیلی بریفنگ بھی دی گئی۔ سہیل آفریدی نے کہا کہ گزشتہ عام انتخابات میں جو سرکاری حکام عوام کے ساتھ کھڑے ہوئے انہیں ہم ریوارڈ دیں گے اور جن لوگوں نے عوام کا ساتھ نہیں دیا ان کے خلاف سخت کاروائی کی جائے گی۔ جو کرپشن کرے گا اس کے خلاف سخت کاروائی ہوگی۔
کسی بے گناہ کے خلاف کارروائی ہوگی اور نہ ہی مدرسوں کو بند کیا جائے گا، وزیر داخلہ محسن نقوی کی علامہ اویس شاہ نورانی کو یقین دہانی
اسلام آباد وفاقی وزیرِ داخلہ محسن نقوی نے جمعیت علمائے پاکستان کے سیکرٹری جنرل علامہ شاہ اویس نورانی کو یقین دلایا ہے کہ کسی بھی بے گناہ شخص کے خلاف کارروائی نہیں کی جائے گی اور کسی مدرسے کو بند نہیں کیا جائے گا۔اویس نورانی نے اسلام آباد میں وزیر داخلہ سے ملاقات کی اور حکومت سے مکمل تعاون کا یقین دلایا۔ملاقات میں مذہبی ہم آہنگی، رواداری، بھائی چارے اور قومی اتحاد کے فروغ پر تفصیلی تبادلہ خیال کیا گیا۔ملاقات میں اس بات پر مکمل اتفاق کیا گیا کہ ملک میں پائیدار امن کے قیام اور سماجی ہم آہنگی کے لیے تمام مکاتبِ فکر کو باہمی تعاون اور مثبت کردار ادا کرنا ہوگا۔وزیرِ داخلہ محسن نقوی نے واضح کیا کہ کسی بھی بے گناہ شخص کے خلاف کارروائی نہیں کی جائے گی اور کسی مدرسے کو بند نہیں کیا جائے گا تاہم شرپسند اور انتہاپسند عناصر سے سختی سے نمٹا جائے گا اور قانون ہاتھ میں لینے یا ریاست کے خلاف ہتھیار اٹھانے کی اجازت ہرگز نہیں دی جائے گی۔محسن نقوی نے کہا کہ قائدِاعظم کے پاکستان میں شرپسندی، انتہاپسندی اور انتشار پھیلانے والوں کی کوئی گنجائش نہیں۔ ایسے عناصر کے خلاف آہنی ہاتھوں سے نمٹا جائے گا۔ انہوں نے کہا کہ علمائے کرام مذہبی ہم آہنگی، صبر و تحمل اور امن کے فروغ میں اہم کردار ادا کر رہے ہیں، اور دینی تعلیم کا فروغ ہم سب کا مشترکہ فریضہ ہے۔علامہ شاہ اویس نورانی نے اس موقع پر کہا کہ جمعیت علمائے پاکستان ملک میں امن، رواداری اور بھائی چارے کے فروغ کے لیے حکومت کے ساتھ ہر ممکن تعاون کرے گی۔ملاقات میں ملک میں مذہبی رواداری اور قومی یکجہتی کے فروغ کے لیے مشترکہ کوششیں جاری رکھنے پر اتفاق کیا گیا۔علاوہ ازیں وفاقی وزیرداخلہ محسن نقوی نے میر علی میں خوارج کا حملہ ناکام بنانے پر سکیورٹی فورسز کو خراج تحسین پیش کیا ہے۔اپنے بیان میں وزیرداخلہ محسن نقوی نے 4 خوارج کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہتے ہوئے کہاکہ خوارجیوں کے ناپاک عزائم کو خاک میں ملانے والے بہادر سپوتوں کو سلام ہے۔سکیورٹی فورسز نے بروقت کارروائی کرکے خوارجیوں کو عبرتناک انجام تک پہنچایا، قوم کو سکیورٹی فورسز کے دلیر سپوتوں پر ناز ہے۔
عمران خان نے علی امین گنڈاپور کو خراجِ تحسین پیش کیا ہے، بیرسٹر گوہر
ڈی آئی خان چیئرمین پی ٹی آئی بیرسٹر گوہر کا کہنا ہے کہ علی امین گنڈاپور جیسے باصلاحیت رہنماؤں پر فخر ہے، بانیٔ پی ٹی آئی نے انہیں بہترین انداز میں خراجِ تحسین پیش کیا ہے۔یہ بات انہوں نے ڈی آئی خان میں سابق وزیرِ اعلیٰ خیبر پختونخوا علی امین گنڈاپور سے ملاقات کے موقع پر میڈیا سے گفتگو میں کہی ہے۔ انہوں نے کہا کہ علی امین نے بانیٔ پی ٹی آئی کے وژن کے مطابق صوبے میں اقدامات کیے، عوامی فلاح، انصاف، خود انحصاری کے منصوبے علی امین گنڈاپور کی ترجیح رہے، پہلی بار خیبر پختونخوا 200 ارب روپے سے زائد سرپلس بجٹ دینے میں کامیاب ہوا۔بیرسٹر گوہرنے کہا کہ علی امین گنڈاپور نے پارٹی مفاد کو ہمیشہ ذاتی مفاد پر فوقیت دی، کمزور اور مستحق طبقات کے لیے مؤثر اقدامات کیے، صوبے کے انفرااسٹرکچر، تعلیم اور صحت کے شعبوں میں نمایاں بہتری آئی۔
وزیراعلیٰ سہیل آفریدی نے وزیراعظم کی زیر صدارت اجلاس میں شرکت نہ کرنے کی وجہ بتا دی
پشاور خیبرپختونخوا کے نومنتخب وزیراعلیٰ سہیل آفریدی نے عمران خان سے ملاقات کے بغیر کسی بھی وفاقی حکومت کے اجلاس میں شرکت کرنے سے انکار کر دیاہے ۔ تفصیلات کے مطابق سہیل آفریدی نے وزیراعظم شہبازشریف کی زیر صدارت گزشتہ روز ہونے والے اعلیٰ سطح اجلاس میں شرکت نہ کرنے کی وجہ بیان کرتے ہوئے سہیل آفریدی نے کہا کہ ’’میں نے آج وفاقی حکومت کی زراعت اور افغان مہاجرین کے حوالے سے میٹنگ میں ذاتی طور پر شرکت سے اس لیے معذرت کی ہے کیونکہ خیبرپختونخوا کی عوام نے عمران خان کو ووٹ اور مینڈیٹ دیا ہے اور جب تک میں عمران خان صاحب سے مل کر پالیسی گائیڈ لائنز نہیں لیتا تو کسی ایسی میٹنگ میں شرکت صوبے کی عوام کے مینڈیٹ کی توہین ہو گی
عمران خان ایک خودپسند شخص ہےجو اپنی بے لگام سیاسی خواہشات کیلئے ملک اور عوام کو بھی خطرے میں ڈال سکتا ہے:سلیمان شاہ راشدی
نومبر کے احتجاج کے دوران پی ٹی آئی کے اراکین پر مبینہ تشدد پر عہدے سے استعفیٰ دینے والے سول سرونٹ سلیمان شاہ راشدی نے خاموشی توڑتے ہوئے عمران خان کیخلاف سخت بیان جاری کر دیاہے ۔ تفصیلات کے مطابق ایکس پر جاری پیغام میں سلیمان شاہ راشدی کا کہناتھا کہ میں نے عمران خان کے لیے اپنی جان اور سیکیورٹی کو خطرے میں ڈالا، اپنی نسلوں پرانی وفاداری پیپلز پارٹی سے توڑ دی؛ اپنے کیریئر کو عروج کے مقام پر ختم کر کے عمران خان کے حامیوں کے ساتھ یکجہتی کا اظہار کیا۔لیکن آخرکار میں نے یہ سمجھ لیا کہ یہ سب کچھ صرف عمران خان کے اپنے ذاتی سیاسی مفادات اور اس کے خاندان کے گرد گھومتا ہے۔اس کا خفیہ بیانیہ یہ ہے کہ اگر وہ اسٹیبلشمنٹ کو اپنی طرف نہیں کر سکتا تو دباؤ ڈال کر اقتدار واپس حاصل کرے۔عمران خان ایک خود پسند انسان ہے جو اپنی بے لگام سیاسی خواہشات کے لیے اپنے ملک اور عوام کو بھی خطرے میں ڈال سکتا ہے۔ ‘‘
وزیراعلیٰ خیبرپختونخوا نے بانی پی ٹی آئی سے ملاقات کیلئے عدالت سے رجوع کرلیا
اسلام آباد(ڈیلی پاکستان آن لائن)وزیراعلیٰ خیبرپختونخوا نے بانی پی ٹی آئی سے ملاقات کیلئے عدالت سے رجوع کرلیا۔ نجی ٹی وی چینل دنیا نیوز کے مطابق وزیراعلیٰ سہیل آفریدی کی جانب سے اسلام آباد ہائیکورٹ میں درخواست دائر کردی گئی، درخواست میں موقف اختیار کیاگیا ہے کہ کابینہ کی تشکیل اور گورننس پر رہنمائی کیلئے بانی سے مشاورت ضروری ہے،درخواست میں وفاق اور پنجاب کے سیکرٹری داخلہ، آئی جی اور سپرنٹنڈنٹ اڈیالہ جیل کو فریق بنایاگیاہے۔
علیمہ خان کے ناقابل ضمانت وارنٹ گرفتاری جاری
راولپنڈی(ڈیلی پاکستان آن لائن)انسداد دہشتگردی عدالت نے علیمہ خان کے ناقابل ضمانت وارنٹ گرفتاری جاری کر دیئے۔ نجی ٹی وی چینل دنیا نیوز کے مطابق انسداد دہشتگردی عدالت میں علیمہ خان کیخلاف تھانہ صادق آبادمیں درج مقدمے کی سماعت ہوئی، اے ٹی سی کے جج امجد علی شاہ نے مقدمے کی سماعت کی،ملزمہ علیمہ خان عدالت پیش نہ ہوئیں۔ پراسیکیوٹر ظہیر شاہ نے پانچ گواہ شہادت کیلئے پیش کئے اور ملزمہ کی عدم حاضری پر ناقابل ضمانت وارنٹ گرفتاری کی استدعا کی۔ عدالت نے علیمہ خان کے ناقابل ضمانت وارنٹ گرفتاری جاری کردیئے،عدم حاضری پر ضمانت منسوخی کا شوکاز نوٹس بھی جاری کردیاگیا،عدالت نے ضامن کوبھی نوٹس جاری کرتے ہوئے ملزمہ کو پیش کرنے کا حکم دیدیا۔
پاک افغان کشیدگی: وزیراعظم نے اعلیٰ سطح کا اجلاس بلا لیا، آج اہم فیصلے متوقع
اسلام آباد(ڈیلی پاکستان آن لائن) افغان طالبان کی جانب سے جارحیت پر وزیراعظم شہباز شریف نے آج اعلیٰ سطح اجلاس طلب کر لیا جس میں اہم فیصلے متوقع ہیں۔ نجی ٹی وی چینل دنیا نیوز کے مطابق مغربی سرحد پر افغان طالبان کی جارحیت کے تناظر میں وزیراعظم شہبازشریف نے ملکی سکیورٹی کے حوالے سے اہم اجلاس بلایا ہے، جس میں قومی سیاسی قیادت آج سر جوڑ کر بیٹھے گی۔ اعلیٰ سطح کے اجلاس میں چاروں صوبوں کے وزرائے اعلیٰ، وزیراعظم آزاد کشمیر اور وزیراعلیٰ گلگت بلتستان بھی شریک ہوں گے۔ ذرائع کے مطابق اجلاس میں ملک کی مجموعی سکیورٹی صورتحال اور افغانستان کےساتھ جاری کشیدگی پرغورکیا جائے گا، اس کے علاوہ پاکستان میں مقیم افغان مہاجرین کی فوری واپسی کے حوالے سے بھی بڑے فیصلے کا امکان ہے۔
