|
|
|
|
|
فیصل قریشی کا ’ستارۂ امتیاز
2026-04-08
پاکستان کے سینئر اداکار فیصل قریشی نے 33 سالہ طویل فنی سفر کے باوجود صدارتی اعزاز ستارۂ امتیاز نہ ملنے پر پہلی بار کھل کر اظہارِ خیال کیا ہے۔ فیصل قریشی نے ایک انٹرویو کے دوران انکشاف کیا کہ ان کا نام ستارۂ امتیاز کے لیے دو مرتبہ بھجوایا گیا، تاہم دونوں مواقع پر انہیں نظر انداز کر دیا گیا۔ انہوں نے اس صورتحال پر حیرت اور مایوسی کا اظہار کرتے ہوئے کہا کہ وہ تین دہائیوں سے زائد عرصے سے شوبز انڈسٹری میں خدمات انجام دے رہے ہیں، لیکن اس کے باوجود انہیں تاحال اس اعزاز سے نہیں نوازا گیا۔ اداکار نے گفتگو میں ہلکے پھلکے انداز میں کہا کہ وہ بطور احتجاج کسی “امتیاز” نامی مقام پر کھڑے ہو کر کریں گے کہ وہ موجود ہیں، مگر انہیں کوئی “ستارہ” نہیں ملا۔ ان کا کہنا تھا کہ وہ اس معاملے کو سنجیدگی کے ساتھ بھی دیکھتے ہیں اور یہ سوال ان کے ذہن میں بارہا آتا ہے کہ آخر انہیں کیوں نظر انداز کیا جا رہا ہے۔ فیصل قریشی نے واضح کیا کہ ان کا کسی سیاسی جماعت یا شخصیت سے کوئی تعلق نہیں، وہ صرف اپنے کام کی بنیاد پر پہچانے جاتے ہیں۔ ان کے مطابق اگر انہیں یہ اعزاز دیا جاتا ہے تو وہ اسے اعزاز سمجھتے ہوئے ضرور قبول کریں گے۔ اداکار نے مزید بتایا کہ ان کے مداح بھی مسلسل ان کے حق میں آواز اٹھاتے رہے ہیں اور متعدد افراد نے متعلقہ حکام کو درخواستیں اور ای میلز بھی ارسال کیں۔ سوشل میڈیا پر بھی صارفین کی بڑی تعداد نے فیصل قریشی کے مؤقف کی حمایت کرتے ہوئے کہا ہے کہ ان کی طویل اور شاندار خدمات کے اعتراف میں انہیں قومی اعزاز سے نوازا جانا چاہیے۔
دیدار کی ریشم کے فلاحی
2026-04-08
پنجاب کی وزیر اطلاعات عظمیٰ بخاری اداکارہ ریشم اور دیدار کی لفظی جنگ میں سامنے آگئیں۔ حال ہی میں اداکارہ دیدار نے ایک نجی ٹی وی کے پروگرام میں اداکارہ ریشم پر منفی اور لوگوں کی زندگیاں خراب کرنے کا الزام لگایا تھا جس پر ریشم نے بھی ایک انٹرویو میں دیدار کا نام لیے بغیر انہیں خوب آڑے ہاتھوں لیا۔ دونوں اداکاراؤں کے درمیان لفظی جنگ میں اب وزیر اطلاعات پنجاب عظمیٰ بخاری سامنے آگئی ہیں۔ عظمیٰ بخاری کا ایک بیان سوشل میڈیا پر کافی وائرل ہورہا ہے جس میں انہوں نے کہا کہ میں سوشل میڈیا پر ہونے والے ایک واقعے پر بات کرنا چاہتی ہوں۔ انہوں نے کہا کہ ہماری تھیٹر کی اداکارہ نے فلم اسٹار ریشم کے حوالے سے کافی اخلاق سے گری ہوئی بات کی جس پر مجھےتکلیف ہوئی، آپ کسی پر تنقید کرسکتے ہیں اختلافات رکھ سکتے ہیں لیکن کسی خاتون کے کردار پر اس طرح کی گفتگو کرنا اور کسی کے خیراتی کاموں پر گفتگو کرنا مناسب نہیں۔ عظمیٰ بخاری کا کہنا تھا کہ ریشم خیراتی کام کرتی ہے، میں خود گواہ ہوں، پنجاب کے اسپتالوں سمیت حالیہ آنے والے سیلاب میں بھی کام کیا، ریشم کے خیراتی کام پر بھی تنقید کی گئی، یہ بدقسمتی کی بات ہے۔ انہوں نے مزید کہا کہ ایک خاتون دوسری خاتون کے بارے میں سوشل میڈیا پر تضحیک آمیز بات کرے تو پھر یہ ہی کہتے ہیں کہ شیشے کے گھر میں بیٹھ کر دوسروں کے گھروں میں پتھر نہیں مارتے،گزارش یہ ہی ہے کہ ایک دوسرے کی عزت کرنا سیکھیں۔
رمشا خان سے شادی کی خبروں
2026-04-08
پاکستانی شوبز انڈسٹری کے اداکار خوشحال خان نے اداکارہ رمشا خان سے خفیہ شادی کی خبروں پر اپنا ردعمل دے دیا ہے۔ تفصیلات کے مطابق سوشل میڈیا پر ایک نجی پلیٹ فارم کی جانب سے دعویٰ سامنے آیا تھا کہ دو مشہور اداکاروں نے خفیہ طور پر شادی کر لی ہے، اگرچہ اصل خبر میں کسی نام کا ذکر نہیں تھا، لیکن صارفین اور پیجز نے قیاس آرائیوں کے بعد اس جوڑی کو رمشا خان اور خوشحال خان قرار دینا شروع کر دیا تھا، جس سے افواہوں نے زور پکڑ لیا تھا۔ تاہم ان افواہوں کے جواب میں خوشحال خان نے اپنے سوشل میڈیا اکاؤنٹ کے ذریعے وضاحت دیتے ہوئے کہا کہ ہو گئی کلاؤٹ چیزنگ، اب کام پر واپس آئیں۔ واضح رہے کہ دونوں اداکار اپنی اداکاری اور اسکرین پر موجود کیمسٹری کے باعث خاصی مقبولیت رکھتے ہیں، جس کے باعث ان کے حوالے سے قیاس آرائیوں نے مزید توجہ حاصل کی۔ تاہم خوشحال خان کے بیان کے بعد اس معاملے پر پھیلنے والی افواہوں میں واضح کمی متوقع ہے۔
ڈرامے کی مقبولیت کے بعد
2026-04-08
پاکستانی ڈرامہ انڈسٹری کی اداکارہ نعیمہ بٹ نے اپنی زندگی کے ایک مشکل اور غیر متوقع مرحلے کے بارے میں گفتگو کرتے ہوئے انکشاف کیا ہے کہ شہرت کے سفر میں انہیں پیشہ ورانہ سطح پر تنہائی اور نظرانداز کیے جانے جیسے تجربات کا سامنا کرنا پڑا۔ ڈرامہ “کبھی میں کبھی تم” میں ’رباب‘ کے کردار سے نمایاں مقبولیت حاصل کرنے والی اداکارہ نے ایک حالیہ گفتگو میں بتایا کہ ان کی ذاتی زندگی میں ایک افسوسناک واقعہ پیش آیا جس نے انہیں شدید ذہنی صدمے سے دوچار کر دیا۔ ان کے مطابق انہوں نے ایک قریبی عزیز کو کھو دیا، جو ان کے لیے نہایت تکلیف دہ لمحہ تھا۔ نعیمہ بٹ نے بتایا کہ اس دوران وہ نیویارک میں موجود تھیں، تاہم شوٹنگ کے شیڈول کے باعث انہیں فوری طور پر پاکستان واپس آنا پڑا۔ انہوں نے کہا کہ ذہنی دباؤ کے باوجود انہوں نے اپنی پیشہ ورانہ ذمہ داریاں پوری کرتے ہوئے شوٹنگ مکمل کی۔ اداکارہ کے مطابق سیٹ پر کام کا تجربہ مجموعی طور پر خوشگوار رہا، تاہم جب ان کے کردار کو غیر معمولی پذیرائی ملی اور انہیں مختلف پروگرامز میں شرکت کی دعوتیں ملنے لگیں تو انہیں اپنے ساتھی فنکاروں اور پروڈیوسرز سے زیادہ تعاون کی توقع تھی۔ ان کا کہنا تھا کہ انہیں اس کے برعکس صورتحال کا سامنا کرنا پڑا، جس نے انہیں حیران کر دیا۔ نعیمہ بٹ کے مطابق اس دوران وہ خود کو کئی مواقع پر تنہا اور نظرانداز محسوس کرتی رہیں، جو ان کے لیے ایک غیر متوقع اور تلخ تجربہ ثابت ہوا۔
عالیہ بھٹ کو میزبانی کرنا
2026-04-08
بالی ووڈ کی معروف اداکارہ عالیہ بھٹ ایک ایوارڈ شو میں بطور میزبان اپنے پہلے تجربے کے باعث سوشل میڈیا صارفین کی تنقید کی زد میں آ گئیں۔ تفصیلات کے مطابق مذکورہ ایوارڈ شو میں عالیہ بھٹ نے کامیڈین ذاکر خان اور اداکار سنیل گروور کے ساتھ اسٹیج شیئر کیا۔ تاہم ناظرین کی جانب سے ان کی پیشکش کو مؤثر قرار نہیں دیا گیا اور سوشل میڈیا پر متعدد صارفین نے ان کی میزبانی کو غیر فطری اور غیر دلچسپ قرار دیتے ہوئے تنقید کی۔ صارفین کا کہنا تھا کہ عالیہ بھٹ اسٹیج پر گھبرائی ہوئی نظر آئیں، ان کی کامیڈی ٹائمنگ مؤثر نہیں تھی اور مجموعی انداز ناظرین کے لیے متاثر کن ثابت نہیں ہوا۔ بعض تبصروں میں اسے “غیر آرام دہ” تجربہ بھی قرار دیا گیا۔ اگرچہ انہیں شدید تنقید کا سامنا کرنا پڑا، تاہم کچھ مداحوں نے مؤقف اختیار کیا کہ یہ ان کا پہلا تجربہ تھا، لہٰذا وقت کے ساتھ ان کی میزبانی کی صلاحیتوں میں بہتری آنے کی توقع کی جا سکتی ہے۔
ژالے سرحدی نے شوہر
2026-04-08
پاکستان کی معروف اداکارہ ژالے سرحدی نے اپنے شوہر سے متعلق سوشل میڈیا پر پھیلنے والی افواہوں پر ردعمل دیتے ہوئے حقیقت واضح کر دی ہے۔ تفصیلات کے مطابق ایک ٹک ٹاک ویڈیو وائرل ہونے کے بعد سوشل میڈیا صارفین میں غلط فہمیاں جنم لیں، جس کے باعث متعدد افراد نے اداکارہ کے شوہر کو غلط طور پر فضا علی کے شوہر سے منسوب کرنا شروع کر دیا، اور اس حوالے سے کمنٹس کی بھرمار دیکھنے میں آئی۔ معاملہ بڑھنے پر ژالے سرحدی نے اپنے سوشل میڈیا اکاؤنٹ پر وضاحت جاری کرتے ہوئے کہا کہ شاید آپ کچھ ایسے لوگوں میں شامل ہیں جو بغیر کسی معلومات کے بے سوچے سمجھے باتیں کر دیتے ہیں۔ انہوں نے کہا میں نے حال ہی میں اپنے شوہر کے ساتھ ایک ٹک ٹاک ویڈیو شیئر کی، جس کے کمنٹس میں لکھا جا رہا تھا: ‘یہ تو فضا علی کے شوہر ہیں۔’ اداکارہ نے مزید کہا میں مانتی ہوں کہ فضا علی کے شوہر کی بھی داڑھی ہے اور شاید اس تصویر میں کچھ حد تک مشابہت ہو، لیکن خاص طور پر کئی خواتین کی جانب سے بار بار یہی تبصرہ کرنا سمجھ سے بالاتر ہے۔ انہوں نے غصے میں سوال اٹھایا کہ آپ لوگ ذرا سوچیں، میں کسی اور کے شوہر کے ساتھ اس قدر قریب ہو کر تصویر کیوں شیئر کروں گی؟ ایسا لگتا ہے کہ آپ لوگ بغیر تصدیق کے رائے قائم کر لیتے ہیں۔ ژالے سرحدی نے کہا کہ میں بھی ایک پبلک فگر ہوں اور فضا علی بھی۔ اگر آپ صرف ایک گوگل سرچ کر لیں تو آپ کو درست معلومات باآسانی مل سکتی ہیں۔ اس طرح کے غیر سنجیدہ اور بے بنیاد کمنٹس کر کے آپ صرف اپنی لاعلمی ظاہر کرتے ہیں۔ اداکارہ نے واضح کیا کہ وہ گزشتہ 19 سال سے شادی شدہ ہیں اور اس حوالے سے گردش کرنے والی تمام قیاس آرائیاں بے بنیاد ہیں۔ انہوں نے ویڈیو کو ملنے والے ویوز پر مداحوں کا شکریہ ادا کیا، تاہم غیر ذمہ دارانہ اور غیر مصدقہ تبصروں کو تنقید کا نشانہ بناتے ہوئے انہیں لاپرواہی قرار دیا۔
تنقید کرنے والے صارف
2026-04-08
پاکستان کی معروف اداکارہ ہانیہ عامر نے سوشل میڈیا پر تنقید کرنے والے ایک صارف کے تبصرے کا پُرمزاح اور پُراعتماد انداز میں جواب دے کر ایک بار پھر صارفین کی توجہ حاصل کر لی۔ تفصیلات کے مطابق ایک سوشل میڈیا صارف نے ہانیہ عامر کو “پاکستان کی سب سے زیادہ اوورریٹیڈ آرٹسٹ” قرار دیتے ہوئے تنقیدی تبصرہ کیا، جس پر اداکارہ نے مختصر مگر مزاحیہ ردعمل دیتے ہوئے کہا: “جلی نا” یعنی حسد کا اظہار کر رہے ہو۔ اداکارہ کے اس جواب کے بعد یہ معاملہ سوشل میڈیا پر تیزی سے وائرل ہو گیا، جہاں صارفین کی بڑی تعداد نے ان کے انداز کو سراہا۔ متعدد مداحوں نے ہانیہ عامر کے ردعمل کو اعتماد اور مثبت رویے کی مثال قرار دیا، جبکہ کچھ صارفین نے اسے ایک “ذہین اور حاضر جواب” ردعمل قرار دیا۔ واضح رہے کہ ہانیہ عامر اکثر سوشل میڈیا پر تنقید کا سامنا مزاح اور خوش مزاجی کے ساتھ کرتی ہیں، جس کی وجہ سے ان کا انداز مداحوں میں خاصا مقبول سمجھا جاتا ہے۔
فیصل قریشی کا ’ستارۂ امتیاز
2026-04-08
پاکستان کے سینئر اداکار فیصل قریشی نے 33 سالہ طویل فنی سفر کے باوجود صدارتی اعزاز ستارۂ امتیاز نہ ملنے پر پہلی بار کھل کر اظہارِ خیال کیا ہے۔ فیصل قریشی نے ایک انٹرویو کے دوران انکشاف کیا کہ ان کا نام ستارۂ امتیاز کے لیے دو مرتبہ بھجوایا گیا، تاہم دونوں مواقع پر انہیں نظر انداز کر دیا گیا۔ انہوں نے اس صورتحال پر حیرت اور مایوسی کا اظہار کرتے ہوئے کہا کہ وہ تین دہائیوں سے زائد عرصے سے شوبز انڈسٹری میں خدمات انجام دے رہے ہیں، لیکن اس کے باوجود انہیں تاحال اس اعزاز سے نہیں نوازا گیا۔ اداکار نے گفتگو میں ہلکے پھلکے انداز میں کہا کہ وہ بطور احتجاج کسی “امتیاز” نامی مقام پر کھڑے ہو کر کریں گے کہ وہ موجود ہیں، مگر انہیں کوئی “ستارہ” نہیں ملا۔ ان کا کہنا تھا کہ وہ اس معاملے کو سنجیدگی کے ساتھ بھی دیکھتے ہیں اور یہ سوال ان کے ذہن میں بارہا آتا ہے کہ آخر انہیں کیوں نظر انداز کیا جا رہا ہے۔ فیصل قریشی نے واضح کیا کہ ان کا کسی سیاسی جماعت یا شخصیت سے کوئی تعلق نہیں، وہ صرف اپنے کام کی بنیاد پر پہچانے جاتے ہیں۔ ان کے مطابق اگر انہیں یہ اعزاز دیا جاتا ہے تو وہ اسے اعزاز سمجھتے ہوئے ضرور قبول کریں گے۔ اداکار نے مزید بتایا کہ ان کے مداح بھی مسلسل ان کے حق میں آواز اٹھاتے رہے ہیں اور متعدد افراد نے متعلقہ حکام کو درخواستیں اور ای میلز بھی ارسال کیں۔ سوشل میڈیا پر بھی صارفین کی بڑی تعداد نے فیصل قریشی کے مؤقف کی حمایت کرتے ہوئے کہا ہے کہ ان کی طویل اور شاندار خدمات کے اعتراف میں انہیں قومی اعزاز سے نوازا جانا چاہیے۔
فیصل قریشی ستارہ
2026-04-08
پاکستان کے مایہ ناز اداکار فیصل قریشی نے تمغہ امتیاز نہ ملنے پرناراضگی کا اظہار کرتے ہوئے طنزیہ ردعمل دیا ہے۔ اداکار نے حال ہی میں ایک انٹرویو دیا جس میں میزبان کی جانب سے سرکاری اعزاز ستارہ امتیاز سے متعلق سوال پوچھا گیا کہ کیا آپ کو عنقریب ستارہ امتیاز ملنے والا ہے؟ جواب میں اداکار نے طنز کرتے ہوئے کہا کہ میں سوچ رہا ہوں کہ امتیاز( شاپنگ سپر اسٹور) میں جا کر کھڑا ہوجاؤں اور کہوں مجھے ستارہ نہیں مل رہا۔ انہوں نے یہ بھی کہا کہ میرا نام دو بار واپس بھیجا گیا ہے مجھے انڈسٹری میں کام کرتے ہوئے 33 سال ہوگئے ہیں۔ میزبان کی جانب سے سنجیدگی سے سوال پوچھا گیا کہ ایسی کیا کمی رہ گئی تھی جس کے باعث سرکاری اعزاز کے لیے نام نہیں آیا، جس پر اداکار نے دوبارہ طنز کرتے ہوئے کہا کہ مجھ میں کیلشیئم کی کمی رہ گئی ہے اس لیے ایوارڈ نہیں دے رہے، جس پر میزبان قہقہے لگانے پر مجبور ہوگئے۔ فیصل قریشی نے مزید کہا کہ مجھے لوگوں نے بتایا ہے کہ تمغہ امتیاز کیلئے ہم ای میلز کررہے ہیں، میں سیاسی بھی نہیں ہو ایک حب وطن انسان ہوں، جب بھی کبھی تمغہ امتیاز کیلئے میرا نام آئے گا تو میں اسے ضرور لوں گا۔
جیجی حدید نے ایپسٹین فائلز
2026-04-07
امریکی سپر ماڈل جیجی حدید نے جیفری ایپسٹین سے منسلک حالیہ جاری کردہ دستاویزات میں اپنے نام کے ذکر پر سخت ردعمل دیتے ہوئے وضاحت پیش کی ہے کہ ان کا اس شخص سے کبھی کوئی تعلق نہیں رہا۔ میڈیا رپورٹس کے مطابق امریکی محکمۂ انصاف کی دستاویزات میں 2015ء کی پرانی ای میل میں جیفری ایپسٹین اور ایک نامعلوم شخص کے درمیان گفتگو میں جیجی حدید اور ان کی بہن بیلا حدید کا ذکر سامنے آنے کے بعد سوشل میڈیا پر مختلف قیاس آرائیاں شروع ہو گئیں۔ اپنی انسٹاگرام پوسٹ کے تبصرے میں جیجی حدید نے جیفری ایپسٹین کو انتہائی گھٹیا انسان قرار دیتے ہوئے کہا کہ یہ صورتحال پریشان کن ہے، کہ کوئی شخص جس سے کبھی کوئی تعلق یا وابستگی نہیں رہی، وہ آپ کے بارے میں بات کیوں کریں گا۔ جیجی حدید نے یہ بھی بتایا کہ انہوں نے ابتدا میں اس معاملے پر خاموشی اختیار کی کیونکہ وہ اصل متاثرہ افراد کی کہانیوں سے توجہ ہٹانا نہیں چاہتی تھیں، تاہم بعد ازاں غلط فہمیوں کو دور کرنا ضروری سمجھا۔ انہوں نے کہا کہ 2015 میں جب وہ ای میل لکھی گئی تھی، وہ تقریباً 20 یا 21 سال کی تھیں، اور ان کا ماڈلنگ کیریئر 2012 میں شروع ہوا تھا، جس میں انہوں نے محنت اور اپنے والدین کے تعاون کو مرکزی حیثیت دی۔ واضح رہے کہ جیفری ایپسٹین کو 2019 میں سنگین جرائم کے الزامات کے تحت گرفتار کیا گیا تھا اور بعد ازاں وہ جیل میں مردہ پائے گئے تھے، جس کے بعد سے اس کیس سے متعلق مختلف انکشافات اور دستاویزات وقفے وقفے سے سامنے آتی رہی ہیں۔
معروف انفلوئینسر کے گھر چوری
2026-04-07
لاہور کے علاقے فیز 9 میں معروف سوشل میڈیا انفلوئینسر اسد اسحاق عرف سد ریپر کے گھر میں چوری کی واردات پیش آئی ہے۔ تفصیلات کے مطابق نامعلوم افراد گھر میں داخل ہوئے اور دروازے توڑ کر اندر موجود اشیاء کی تلاشی لی۔ واردات کے وقت اسد اسحاق بیرونِ ملک موجود تھے جبکہ ان کی اہلیہ گھر میں موجود تھیں۔ اہلیہ کے مطابق ملزمان نے گھر کے مختلف حصوں کو الٹ پلٹ کیا اور نقدی، سونا، قیمتی کیمرہ آلات اور دیگر اہم اشیاء اپنے ساتھ لے گئے۔ اسد اسحاق نے واقعے پر ردعمل دیتے ہوئے کہا کہ سیکیورٹی کیمرے اور نگرانی کا نظام موجود ہونے کے باوجود اس نوعیت کی واردات کا پیش آنا حیران کن ہے اور اس سے ملزمان کی جرات ظاہر ہوتی ہے۔ پولیس نے واقعے کا مقدمہ درج کر کے تحقیقات کا آغاز کر دیا ہے، جبکہ سی سی ٹی وی فوٹیج کی مدد سے ملزمان کی شناخت اور گرفتاری کے لیے کوششیں جاری ہیں۔ حکام کے مطابق چوری شدہ سامان کی برآمدگی اور ذمہ داران کی گرفتاری کے لیے کارروائی کو تیز کر دیا گیا ہے۔
