|
|
|
|
|
بشریٰ انصاری کا دوسری
2026-02-09
پاکستان شوبز انڈسٹری سے تعلق رکھنے والی معروف اداکارہ بشریٰ انصاری نے دوسری شادی کرنے والی لڑکیوں کو ایک اہم مشورہ دیا ہے۔ اپنے یوٹیوب چینل پر اداکارہ نے مختلف موضوعات پر گفتگو کی، جس میں سے ایک موضوع دوسری شادی کا بھی تھا۔ دوسری شادی سے متعلق بات کرتے ہوئے بشریٰ انصاری نے کہا کہ جو خواتین دوسری شادی کررہی ہیں اس کے لیے مشورہ ہے کہ جس شخص کے بچے بھی ہیں اور اس نے بیوی کو بھی چھوڑ دیا ہے تو یہ ضرور دیکھیں کہ پہلی بیوی کو چھوڑنے کی وجہ کیا تھی۔ اداکارہ نے کہا کہ بچوں والی ماؤں کیلئے اپنے شوہر کو چھوڑنا ایک مشکل کام ہوتا ہے، شوہر تو دوسری شادی کرکے دوبارہ بچوں اور زندگی کو سیٹ کرلیتا ہے، دوسری شادی کرنے والی لڑکی کے والدین کو یہ ضرور معلومات کرنی چاہیے کہ اس شخص کی پہلی بیوی سے علیحدگی کی وجہ کیا بنی۔ انہوں نے مزید کہا کہ اس بات کی ضرور تحقیقات ہونی چاہیے کہ جس نے پہلی بار اپنی بیوی کو چھوڑا ہے وہ دوسری اور تیسری بار بھی ایسا کرسکتا ہے، کیونکہ کسی کی فطرت نہیں بدلی جا سکتی۔
جوا پروموشن کیس:
2026-02-09
لاہور: مقامی عدالت نے یوٹیوبر سعد الرحمان عرف ڈکی اور ان کی اہلیہ عروب جتوئی سمیت دیگر ملزمان پر فرد جرم عائد کردی۔ ضلع کچہری لاہور میں جوڈیشل مجسٹریٹ نعیم وٹو کی عدالت میں یوٹیوبر سعد الرحمٰن عرف ڈکی سمیت دیگر ملزمان کے خلاف جوئے کی پرموشن کے کیس کی سماعت ہوئی جس میں ملزمان عدالت میں پیش ہوئے۔ عدالت نے سعد الرحمٰن عرف ڈکی اور ان کی اہلیہ سمیت دیگر ملزمان پر فرد جرم عائد کردی تاہم ملزمان نے صحتِ جرم سے انکار کردیا۔ جوڈیشل مجسٹریٹ نعیم وٹو نے مقدمے کے گواہوں کو 23 فروری کو طلب کر لیا۔ واضح رہے کہ این سی سی آئی اے نے سعد الرحمٰن عرف ڈکی سمیت دیگر کے خلاف مقدمہ درج کر رکھا ہے جس میں ملزمان پر آن لائن جوا ویب سائٹس کی تشہیر کا الزام ہے۔
مشہور انگریزی گانے
2026-02-09
2023 میں ریلیز ہونے والے مشہور انگریزی گانے ’ٹو مچ‘ کے برطانوی گلوکار و ریپر اور سینٹرل سی کے نام سے مشہور اوکلی نیل سیزر- سو نے نے اسلام قبول کرلیا۔ گلوکار نے لائیو اسٹریمنگ کے دوران اسلام قبول کرنے اور اپنا نام تبدیل کرنے کی تصدیق بھی کی، انہوں نے ایک لائیو اسٹریم کے دوران اعلان کیا کہ میں نے ابھی اپنا نام تبدیل کیا ہے اور کلمہ شہادت پڑھ لیا ہے، اب میں مسلمان ہوں۔ 27 سالہ ریپر نے یہ بھی انکشاف کیا کہ اسلام قبول کرنے کے بعد انہوں نے اپنا پہلا نام اوکلی سے تبدیل کر کے عقیل رکھ لیا ہے۔ لائیو اسٹریم کے دوران انہوں نے کلمہ شہادت ادا کیا۔ سینٹرل سی اپنی منفرد موسیقی اور عام زندگی سے جڑے لیریکس کے باعث دنیا بھر میں لاکھوں مداحوں کی توجہ حاصل کر چکے ہیں۔ لائیو اسٹریم کے دوران ان کے ہمراہ موجود دوستوں نے انہیں مبارکباد دی، تاہم انہوں نے اپنے روحانی سفر سے متعلق مزید تفصیل بیان نہیں کی۔ اس اعلان سے قبل سینٹرل سی نے کبھی کھل کر اپنے مذہبی عقائد پر بات نہیں کی تھی، البتہ مداحوں کی جانب سے ان کی بعض سوشل میڈیا پوسٹس میں عربی کیپشنز دیکھ کر قیاس آرائیاں کی جاتی رہی تھیں۔ 4 جون 1998 کو لندن میں پیدا ہونے والے سینٹرل سی نے 2014 میں اپنے موسیقی کے کیریئر کا آغاز کیا۔ اس کے بعد وہ برطانوی ڈرل اور ریپ میوزک کی دنیا کے نمایاں شخصیات میں شامل ہو گئے۔ 2024 میں انہیں دنیا بھر میں سب سے زیادہ سنے جانے والے برطانوی ریپر کا اعزاز حاصل ہوا، جن کے گانوں کو مختلف پلیٹ فارمز پر اربوں بار سنا گیا۔
سعد لامجرد کی سلمان خان
2026-02-09
مراکشی معروف گلوکار اور موسیقار سعد لامجرد نے بالی ووڈ کے سپر اسٹار سلمان خان کے ساتھ دوبارہ ملاقات پر اپنی خوشی اور شکرگزاری کا اظہار کیا ہے۔ سعد لامجرد کو ان کے مشہور گانے “LM3ALLEM” کی وجہ سے شہرت حاصل ہوئی، جسے یوٹیوب پر ایک ارب سے زائد بار دیکھا جا چکا ہے اور یہ عربی موسیقی کی سب سے زیادہ دیکھی جانے والی ویڈیوز میں شامل ہے۔ چاہت فتح علی خان کی بسنت پر پتنگ تھامے رقص کی دلچسپ ویڈیو وائرل سعد لامجرد نے انسٹاگرام پر سلمان خان کے ساتھ اپنی متعدد تصاویر شیئر کیں، جن میں سلمان خان نے مہربانی سے اپنے بازو سعد کے کندھے پر رکھا ہوا ہے اور دونوں خوشگوار انداز میں مسکرا رہے ہیں۔ ایک تصویر میں سعد لامجرد سلمان خان اور یولیا کے ساتھ پوز دیتے ہوئے بھی نظر آئے۔ سعد نے اپنی پوسٹ میں لکھا کہ یہ میرے دل کو خوشی اور شکرگزاری سے بھر دیتا ہے کہ میں ایک بار پھر اپنے بھائی، مسٹر سلمان خان کے ساتھ ہوں۔ انہوں نے سلمان خان کا شکریہ ادا کیا کہ انہوں نے انہیں اپنے خاندان، قریبی دوستوں اور عزیزوں میں خوش آمدید کہا اور اپنا ایک حصہ بنایا۔
پاکستانی ریپر طلحہ انجم
2026-02-09
پاکستان کے مشہور ریپر اور گلوکار طلحہ انجم نے اپنی منگنی کا باقاعدہ اعلان کر دیا ہے، جس نے ان کے مداحوں میں خوشی کی لہر دوڑا دی ہے۔ ہپ ہاپ کی دنیا میں اپنی منفرد اندازِ موسیقی اور تیز شاعری کے لیے جانے جانے والے طلحہ انجم نے کراچی میں ایک نجی تقریب میں زوئیہ کریم کے ساتھ منگنی کی۔ چاہت فتح علی خان کی بسنت پر پتنگ تھامے رقص کی دلچسپ ویڈیو وائرل یہ تقریب انتہائی نجی اور خوشگوار ماحول میں منعقد ہوئی، جس میں صرف قریبی رشتہ دار، دوست اور عزیز موجود تھے۔ تقریب کی تصویروں میں دیکھا گیا کہ طلحہ نے گرے رنگ کا کلاسک سوٹ زیب تن کیا جبکہ زوئیہ کریم نے دلکش لیونڈر رنگ کی ساڑھی پہن رکھی تھی۔ ان تصاویر کو سوشل میڈیا پر مداحوں نے بے حد پسند کیا اور انہیں وائرل کر دیا۔ زوئیہ کریم ، جو میڈیکل فیلڈ میں ایک معروف شخصیت اور سوشل میڈیا انفلوئنسر کے طور پر بھی پہچانی جاتی ہیں، نے اس خوشی کے موقع پر اپنے جذبات کا اظہار کرتے ہوئے اپنے خاندان اور دوستوں کا شکریہ ادا کیا۔ مداحوں نے دونوں کو محبت بھری مبارکبادیں دیں اور ان کے روشن مستقبل کے لیے نیک خواہشات کا سلسلہ جاری رکھا۔
نیپال کے معروف اداکار
2026-02-09
نیپال سے تعلق رکھنے والے معروف اداکار سنیل تھاپا 68 سال کی عمر میں انتقال کر گئے۔ غیر ملکی میڈیا کے مطابق اداکار کو طبیعت خرابی کے باعث ناروِک اسپتال لایا گیا جہاں وہ زیر علاج تھے۔ اسپتال کے چیئرمین راجندر بہادر سنگھ نے اداکار کی طبیعت کے حوالے سے بتایا گیا کہ انہیں بے ہوشی کی حالت میں اسپتال لایا گیا تھا، دوران علاج ان کی طبیعت اچانک خراب ہوئی اور وہ انتقال کرگئے۔ راجندر بہادر سنگھ کی جانب سے مزید بتایا گیا کہ اداکار کی ای سی جی سے معلوم ہوا کہ ان کی موت کی وجہ دل کا دورہ بنی۔ میڈیا رپورٹس کے مطابق سنیل تھاپا نیپالی سنیما کا ایک بڑا نام تھے، انہوں نے کئی دہائیوں کے دوران نیپالی، بالی وڈ اور بھوجپوری فلموں میں بڑے پیمانے پر کام کیا۔ سنیل تھاپا 300 سے زیادہ نیپالی فلموں میں نظر آئے اور انہوں نے کئی ہندی، تامل پروڈکشنز میں بھی کام کیا۔
بشریٰ انصاری کا دوسری
2026-02-09
پاکستان شوبز انڈسٹری سے تعلق رکھنے والی معروف اداکارہ بشریٰ انصاری نے دوسری شادی کرنے والی لڑکیوں کو ایک اہم مشورہ دیا ہے۔ اپنے یوٹیوب چینل پر اداکارہ نے مختلف موضوعات پر گفتگو کی، جس میں سے ایک موضوع دوسری شادی کا بھی تھا۔ دوسری شادی سے متعلق بات کرتے ہوئے بشریٰ انصاری نے کہا کہ جو خواتین دوسری شادی کررہی ہیں اس کے لیے مشورہ ہے کہ جس شخص کے بچے بھی ہیں اور اس نے بیوی کو بھی چھوڑ دیا ہے تو یہ ضرور دیکھیں کہ پہلی بیوی کو چھوڑنے کی وجہ کیا تھی۔ اداکارہ نے کہا کہ بچوں والی ماؤں کیلئے اپنے شوہر کو چھوڑنا ایک مشکل کام ہوتا ہے، شوہر تو دوسری شادی کرکے دوبارہ بچوں اور زندگی کو سیٹ کرلیتا ہے، دوسری شادی کرنے والی لڑکی کے والدین کو یہ ضرور معلومات کرنی چاہیے کہ اس شخص کی پہلی بیوی سے علیحدگی کی وجہ کیا بنی۔ انہوں نے مزید کہا کہ اس بات کی ضرور تحقیقات ہونی چاہیے کہ جس نے پہلی بار اپنی بیوی کو چھوڑا ہے وہ دوسری اور تیسری بار بھی ایسا کرسکتا ہے، کیونکہ کسی کی فطرت نہیں بدلی جا سکتی۔
چیک باؤنس کیس:
2026-02-09
بھارتی فلم انڈسٹری کے معروف کامیڈین اور اداکار راج پال یادیو کو تہاڑ جیل منتقل کردیا گیا۔ راج پال کے لیے دہلی ہائیکورٹ کا فیصلہ محض ایک قانونی حکم نہیں بلکہ مالی بدعہدی، عدالتی نرمی کے غلط استعمال اور وعدہ خلافی کی ایک طویل کہانی کا منطقی انجام بن گیا۔ تہاڑ جیل کے حکام اور قانونی ماہرین نے وضاحت کی ہے کہ ان کی مستقبل میں رہائی واجبات سے مشروط ہے۔ چیک باؤنس کے متعدد مقدمات میں سزا یافتہ اداکار کو مزید مہلت دینے سے انکار کے بعد تہاڑ جیل میں خود سپردگی کرنا پڑی۔ میڈیا رپورٹس کے مطابق راج پال یادیو نے جمعرات کی دوپہر دہلی کی تہاڑ جیل کے حکام کے سامنے خود کو قانون کے حوالے کیا۔ دہلی ہائیکورٹ نے ان کی وہ درخواست مسترد کی تھی جس میں انہوں نے سزا معطلی کے تحت دی گئی خود سپردگی کی مدت میں مزید ایک ہفتے کی توسیع مانگی تھی۔ عدالت نے واضح کیا کہ اداکار کو پہلے ہی متعدد مواقع دیے جا چکے ہیں اور اب مزید نرمی کی کوئی گنجائش نہیں۔ 2010 میں راج پال یادیو اور ان کی اہلیہ پر فلم اتا پتا لاپتا کی تیاری کے لیے مورالی پروجیکٹ سے 5 کروڑ روپے قرض لینے کا الزام لگا۔ کمپنی کے مطابق اداکار نے 8 کروڑ روپے واپس کرنے کی یقین دہانی کرائی تھی تاہم بعد ازاں یہ رقم 7 کروڑ پر طے پائی لیکن اس ادائیگی کے لیے جاری کیے گئے 7 چیک باؤنس ہو گئے جس کے بعد فوجداری مقدمات درج کیے گئے۔ عدالتی ریکارڈ کے مطابق 7 الگ الگ مقدمات میں راج پال یادیو کو فی کیس 1.35 کروڑ روپے ادا کرنے کا حکم دیا گیا۔
بالی وڈ اداکار راج پال
2026-02-06
بالی وڈ اداکار راج پال یادیو نے چیک باؤنس کیس میں خود کو پولیس کے حوالے کردیا۔ بھارتی میڈیا کے مطابق کامیڈی اداکار چیک باؤنس کیس میں تصفیہ کی رقم کی ادائیگی نہ کرنے پر مشکل میں پھنس گئے۔ نئی دہلی ہائیکورٹ نے راج پال یادیو کے خلاف چیک ڈس آنر کے متعدد مقدمات میں دی گئی نرمی واپس لیتے ہوئے اداکار کو ہدایت کی تھی کہ وہ 4 فروری تک متعلقہ جیل سپرنٹنڈنٹ کے سامنے سرنڈر کریں۔ بھارتی میڈیا کا کہنا ہے کہ اداکار نے عدالت کی جانب سے دی گئی ڈیڈلائن کے مطابق تہاڑ جیل میں گرفتاری دے دی ہے۔ میڈیا رپورٹس کے مطابق اداکار کے وکیل کی جانب سے عدالت میں رقم ادائیگی میں نرمی کی درخواست کی گئی تھی اور 50 لاکھ روپے کی ادائیگی کے لیے ایک ہفتے کا وقت مانگا گیا تھا جس پر عدالت نے انکار کردیا۔
بشنوئی گینگ نے روہت شیٹی
2026-02-05
لارنس بشنوئی گینگ نے بالی وڈ کے معروف پروڈیوسر روہت شیٹی کی رہائش گاہ پر فائرنگ کی ذمہ داری قبول کرلی۔ بھارتی میڈیا کے مطابق روہت شیٹی کی رہائش گاہ ممبئی شہر کے علاقے جوہو میں موجود ہے جہاں اتوار کے روز فائرنگ کا واقعہ پیش آیا۔ پولیس نے بتایا کہ نامعلوم ملزمان نے 7.62 ایم ایم بولٹس سے گھر پر 5 فائر کیے تھے۔ میڈیا رپورٹس کے مطابق بشنوئی گینگ سے منسلک ایک آن لائن اکاؤنٹ سے پوسٹ کی گئی جس میں روہت شیٹی کے گھر پر ہونے والی فائرنگ کی ذمہ داری قبول کی گئی اور بتایا گیا کہ فائرنگ گینگ کے ارکان سبھم لونکر، آرزو بشنوئی، ہری باکسر اور ہرمن شانڈو نے کی تھی۔ بھارتی میڈیا کا کہنا ہےکہ اس حوالے سے فارنزک رپورٹ کا انتظار کیا جا رہا ہےتاہم فائرنگ کے واقعے میں 5 مشتبہ افراد کو پونے میں حراست میں لیا گیا ہے اور انہیں مزید تفتیش کے لیے ممبئی کرائم برانچ کے حوالے کر دیا گیا ہے، ملزمان پر مبینہ طور پر شوٹر کی مدد کرنے اور واردات میں استعمال ہونے والی موٹر سائیکل فراہم کرنے کا الزام ہے۔ میڈیا رپورٹس کے مطابق فائرنگ کے واقعے کے بعد روہت شیٹی کے گھر کے باہر سکیورٹی کو سخت کردیا گیا ہے جب کہ پروڈیوسر کی جانب سے اپنے دوستوں اور چاہنے والوں کو گھر پر آنے سے بھی منع کیا گیا ہے۔
لائبہ خان کی شاندار
2026-02-04
پاکستان کی معروف اداکارہ لائبہ خان اپنی شادی کی تقریبات کی وجہ سے سوشل میڈیا پر خبروں کی زینت بن گئی ہیں، خاص طور پر ان کی بارات کی تقریب نے مداحوں اور میڈیا کی توجہ حاصل کی۔ لائبہ خان، جن کے سوشل میڈیا پر چار ملین سے زائد فالوورز ہیں، انہوں نے شادی کی خوشیوں کے لمحات اپنے مداحوں کے ساتھ شیئر کیے، جن میں ان کی بارأت کا گلیمرس اور دلکش انداز خاص طور پر نمایاں رہا۔ لڑکوں کو سنجیدگی سے نہ لیں: ہانیہ عامر کا لڑکیوں کو مشورہ انہوں نے بارأت کے دوران سرخی مائل ریڈ لہنگا پہنا تھا، جس پر سنہری ٹیلا اور دبکہ کا خوبصورت کام کیا گیا تھا، اور ساتھ میں روایتی زیورات بھی زیب تن تھے۔ ان کا یہ لباس تقریب کا سب سے زیادہ توجہ کا مرکز رہا۔
