|
|
|
|
|
اے آر رحمان جن کی موسیقی نے ایک دنیا کو سحرزدہ کر دیا
2026-01-08
یہ 1980 کی دہائی کے وسط کا زمانہ تھا۔ 19 برس کا ایک نوجوان جو ایک موسیقار خاندان سے تعلق اور اپنی صلاحیتوں پر گہرا یقین تھا۔ مگر ایک رات ایک محفل کے شور اور بے خودی کے عالم میں کہے گئے چند تلخ الفاظ نے اس کے اندر ایسا اضطراب پیدا کیا جس نے اسے خود سے سوال کرنے پر مجبور کر دیا۔ وہ لمحہ محض ایک ذاتی دکھ کا نہیں تھا بلکہ ایک ایسے تخلیقی سفر کا نقطۂ آغاز بھی ثابت ہوا جس نے اسے اپنی موسیقی پر ازسرِنو غور کرنے اور اپنی ایک الگ پہچان تلاش کرنے پر آمادہ کیا۔
ایشوریا رائے کی پہلی کمائی
2026-01-31
ایشوریا رائے بھارتی فلم انڈسٹری کی سب سے مشہور اور تجربہ کار اداکاراؤں میں سے ایک ہیں، لیکن ان کی ابتدائی کمائی جان کر مداح حیران رہ جاتے ہیں۔ ایشوریا رائے نے 1994 میں مس ورلڈ کا ٹائٹل جیت کر شہرت حاصل کی۔ ان کی خوبصورتی اور اسکرین پر موجودگی نے ناظرین میں جوش و جنون پیدا کیا، اور انہوں نے کئی بلاک بسٹر فلمیں دی ہیں۔ پروڈیوسر شیلندر سنگھ نے ایک انٹرویو میں بتایا کہ انہوں نے ایشوریا رائے کو صرف 18 یا 19 سال کی عمر میں میرین ڈرائیو پر دیکھا، جہاں وہ اپنے والدین کے ساتھ شام دیر سے ملاقات کے لیے آئی تھیں۔ شیلندر سنگھ کے مطابق اداکارہ نے سب سے پہلے ایک کمرشل میں بیک گراؤنڈ آرٹسٹ کے طور پر کام کیا، جس میں وہ ایک کھمبے سے بندھی ہوئی تھیں۔ اس کے بعد انہوں نے ملویکا تیواری کے ساتھ ایک ہیئر آئل کا اشتہار کیا اور ارجن رامپال کے ساتھ ایک اور کمرشل کیا۔ یہ تینوں اشتہارات مل کر انہیں صرف 5,000 روپے کا معاوضہ دے سکے۔ واضح رہے کہ اب ایشوریا رائے بھارت کی سب سے زیادہ معاوضہ لینے والی اور امیر ترین اداکاراؤں میں شمار ہوتی ہیں، جن کی مجموعی دولت تقریباً 900 کروڑ روپے ہے۔ صاحبہ افضال نے شوہر کے ساتھ اپنی محبت بھری دلچسپ یادیں شیئر کر دیں اداکارہ بھارت کی ٹاپ دو امیر ترین اداکاراؤں میں شامل ہیں اور ہر فلم کے لیے تقریباً 10 کروڑ روپے چارج کرتی ہیں۔ اس کے علاوہ، وہ پریمیم انٹرنیشنل برانڈز کے اینڈورسمنٹس سے بھی بھاری کمائی کرتی ہیں، جو ان کی دیرپا شہرت اور عالمی اثر و رسوخ کا مظہر ہے۔ شیلندر سنگھ نے ایشوریا رائے کے سلمان خان کے ماضی کے تعلقات پر بھی روشنی ڈالی اور اسے شدید اور جذباتی قرار دیتے ہوئے اداکارہ کی تعریف کی، اور کہا کہ انہوں نے مشکل وقتوں میں بھی ہمیشہ وقار اور شان کے ساتھ خود کو سنبھالا۔
عمران ہاشمی کا بیٹے کی بیماری
2026-01-31
بالی ووڈ کے معروف اداکار عمران ہاشمی نے اپنے بیٹے ایان ہاشمی کی بیماری کے حوالے سے جذباتی بیان دیتے ہوئے کہا کہ میری زندگی کا سب سے مشکل لمحہ وہ تھا جب میرا بیٹا 2014 میں بیمار ہوا۔ میرے پاس الفاظ نہیں کہ میں بیان کر سکوں کہ وہ وقت کیسا تھا۔ اپنی حالیہ ٹیلی ویژن سیریز ‘تسکری’ کی کامیابی کے دوران، عمران ہاشمی کا ایک پرانا انٹرویو سامنے آیا، جس میں 46 سالہ اداکار نے وہ لمحہ یاد کیا جب انہیں اپنے بیٹے کے کینسر کے بارے میں پتہ چلا۔ انہوں نے اسے اپنی زندگی کا سب سے دردناک مرحلہ قرار دیا۔ عمران ہاشمی نے کہا کہ اس واقعے نے میری توجہ کیریئر سے ہٹا کر ایک باپ کی ذمہ داری کی طرف مرکوز کر دی تھی۔ اداکار نے مزید بتایا کہ 13 جنوری کو ہم کھانے پر گئے اور وہاں اپنے بیٹے کے ساتھ پیزا کھا رہے تھے، تب یہ بات سامنے آئی جب اس نے بتایا کہ اس کے پیشاب میں خون آیا تھا۔ انہوں نے بتایا کہ اگلے تین گھنٹوں میں ہم ایک ڈاکٹر کے پاس پہنچے، جس نے کہا کہ آپ کے بیٹے کو کینسر ہے، اگلے دن ہی آپریشن کروانا ہوگا اور بعد میں کیموتھراپی بھی کرانی ہوگی، میں نے محسوس کیا کہ میری پوری دنیا صرف 12 گھنٹوں میں ہی الٹ گئی تھی۔ خاقان شاہنواز اور سبینہ سید رشتہ ازدواج میں منسلک، نکاح کی تصاویر وائرل عمران ہاشمی نے مزید کہا کہ یہ مرحلہ پانچ سال تک جاری رہا، اور اس دوران ہماری زندگی ایک دن میں ہی مکمل طور پر بدل گئی۔ واضح رہے کہ اداکار اور ان کی اہلیہ پروین شاہانی کے بیٹے کو خوش قسمتی سے 2019 میں کینسر سے مکمل طور پر صحتیاب قرار دیا گیا۔
فلم ہوم الون کی معروف اداکارہ
2026-01-31
ہالی ووڈ کی مشہور فلم ‘ہوم الون’ میں یادگار کردار ادا کرنے والی نامور اداکارہ اور کامیڈین کیتھرین اوہارا 71 برس کی عمر میں وفات پا گئیں۔ غیر ملکی میڈیا رپورٹس کے مطابق، کیتھرین اوہارا نے فلم ‘ہوم الون’ میں شرارتی بچے کی ماں کا کردار ادا کر کے دنیا بھر میں بے پناہ شہرت حاصل کی تھی۔ ان کے منیجر نے اداکارہ کے انتقال کی تصدیق کرتے ہوئے بتایا کہ وہ مختصر علالت کے بعد دنیا سے رخصت ہو گئیں، تاہم بیماری کی نوعیت سے متعلق مزید تفصیلات جاری نہیں کی گئیں۔ عمران ہاشمی کا بیٹے کی بیماری کے حوالے سے دل دہلا دینے والا بیان کینیڈا سے تعلق رکھنے والی کیتھرین اوہارا ایک باصلاحیت اداکارہ اور ممتاز کامیڈین تھیں، جنہوں نے فلم اور ٹیلی ویژن دونوں میدانوں میں اپنی صلاحیتوں کا لوہا منوایا۔ فلم ‘ہوم الون’ میں بچے کا مرکزی کردار ادا کرنے والے معروف اداکار میکالے کلکن نے اپنی ساتھی اداکارہ اور اسکرین پر ماں کا کردار نبھانے والی کیتھرین اوہارا کے انتقال پر گہرے رنج و غم کا اظہار کیا۔ انہوں نے سوشل میڈیا پر جذباتی خراجِ عقیدت پیش کیا، جو مداحوں کے دلوں کو چھو گیا۔ میکالے کلکن نے انسٹاگرام پر دو تصاویر شیئر کیں، جن میں سے ایک تصویر فلم ‘ہوم الون’ کی شوٹنگ کے دوران کی ہے، جس میں کیتھرین اوہارا ننھے کلکن کو محبت سے گلے لگائے دکھائی دے رہی ہیں، جبکہ دوسری تصویر 2024 کی ہالی وڈ واک آف فیم تقریب کی ہے، جس میں وہ ایک بار پھر انہیں بانہوں میں لیے ہوئے نظر آ رہی ہیں۔ فلم ‘ہوم الون’ میں بچے کا مرکزی کردار ادا کرنے والے معروف اداکار میکالے کلکن نے اپنی ساتھی اداکارہ اور اسکرین پر ماں کا کردار نبھانے والی کیتھرین اوہارا کے انتقال پر گہرے رنج و غم کا اظہار کیا۔ انہوں نے سوشل میڈیا پر جذباتی خراجِ عقیدت پیش کیا، جو مداحوں کے دلوں کو چھو گیا۔ میکالے کلکن نے انسٹاگرام پر دو تصاویر شیئر کیں، جن میں سے ایک تصویر فلم ‘ہوم الون’ کی شوٹنگ کے دوران کی ہے، جس میں کیتھرین اوہارا ننھے کلکن کو محبت سے گلے لگائے دکھائی دے رہی ہیں، جبکہ دوسری تصویر 2024 کی ہالی وڈ واک آف فیم تقریب کی ہے، جس میں وہ ایک بار پھر انہیں بانہوں میں لیے ہوئے نظر آ رہی ہیں۔
خاقان شاہنواز اور سبینہ
2026-01-31
پاکستانی شوبز کے ابھرتے ہوئے اداکار خاقان شاہنواز اور اداکارہ سبینہ سید کے نکاح کی تصاویر اور ویڈیوز سوشل میڈیا پر تیزی سے وائرل ہو رہی ہیں۔ خاقان شاہنواز اور سبینہ سید نے اپنے انسٹاگرام اکاؤنٹس پر نکاح کے فوٹو شوٹ کی تصاویر شیئر کیں، جن کے کیپشن میں انہوں نے ’’بسم اللہ‘‘ تحریر کیا۔ تصاویر میں دونوں فنکاروں کو مسکراتے ہوئے اور خوشی کے رنگ میں ڈوبا دیکھا جا سکتا ہے، جس پر مداحوں کی جانب سے محبت بھرے تبصرے بھی سامنے آئے۔ صاحبہ افضال نے شوہر کے ساتھ اپنی محبت بھری دلچسپ یادیں شیئر کر دیں نکاح کی تقریب میں سبینہ سید نے کریم رنگ کا خوبصورت، کڑھائی سے آراستہ عروسی لباس زیب تن کیا، جو سادگی اور نفاست کا حسین امتزاج تھا، جبکہ خاقان شاہنواز نے بھی اسی رنگت سے ہم آہنگ لباس کا انتخاب کر کے جوڑے کو مزید دلکش بنا دیا۔ اس خصوصی موقع پر دونوں کے قریبی دوستوں اور اہلِ خانہ نے شرکت کی، جنہوں نے اس یادگار لمحے کو کیمرے کی آنکھ میں محفوظ کیا۔ تصاویر منظرِ عام پر آنے کے بعد شوبز انڈسٹری سے تعلق رکھنے والے ساتھی فنکاروں نے بھی جوڑے کو دل کھول کر مبارک باد دی۔ اس خوشگوار موقع کی جھلکیاں مداحوں کی توجہ کا مرکز بن گئیں اور انسٹاگرام سمیت مختلف سوشل میڈیا پلیٹ فارمز پر خوب شیئر کی جا رہی ہیں۔ ندا یاسر کے نئے ہیئر اسٹائل نے سوشل میڈیا پر ہنگامہ مچا دیا اداکارہ کنزا ہاشمی، صبور علی اور حرا خان سمیت کئی معروف شخصیات نے تبصروں کے ذریعے نیک تمناؤں کا اظہار کیا، جبکہ مداحوں کی جانب سے بھی مبارک باد اور دعاؤں کا سلسلہ جاری ہے۔
صاحبہ افضال نے شوہر کے ساتھ
2026-01-31
پاکستان کی معروف فلم اور ٹیلی ویژن اداکارہ صاحبہ افضال نے اپنے شوہر افضال خان کے ساتھ جڑی محبت بھری اور دلچسپ یادیں شیئر کر دی ہیں۔ صاحبہ نے حال ہی میں ایک یوٹیوب شو میں گفتگو کرتے ہوئے کہا کہ انہیں ظاہری حسن سے زیادہ افضال خان کی شخصیت اور خوبیوں سے محبت ہو گئی تھی۔ ان کا کہنا تھا کہ وہ ایک صاف دل انسان تھے اور ان کی عادات انہیں بے حد پسند آئیں۔ ندا یاسر کے نئے ہیئر اسٹائل نے سوشل میڈیا پر ہنگامہ مچا دیا انہوں نے کہا کہ اُس وقت افضال خان مجھے اکشے کمار لگتے تھے، اور میں اکشے کمار کی بہت بڑی مداح ہوں، میں اپنی محبت کی کہانی کے آغاز کے بارے میں زیادہ بات نہیں کرنا چاہتی کیونکہ ہمارے بچے اب بڑے ہو چکے ہیں۔ صاحبہ نے مزید کہا کہ ابتداء میں ریمبو نے اپنی محبت کا اظہار بہت ہلکے انداز میں گانا گاکر کیا۔ انہوں نے گانا ‘صاحبہ او صاحبہ’ گایا، اور یہی ہمارا پہلا تعلق تھا، چھوٹے چھوٹے اشارے بھی تھے، جیسے پھول دینا وغیرہ۔ انہوں نے ایک دلچسپ واقعہ بیان کرتے ہوئے کہا کہ بعد میں فلم ’ہاتھی میرے ساتھی‘ کی شوٹنگ کے دوران افضال خان نے ان کی جان بچائی۔ وہ سجاد علی کے مشہور گانے ’بابیا‘ کی شوٹنگ کر رہے تھے کہ دوڑتے ہوئے وہ پانی میں ڈوبنے لگیں، جس پر افضال خان نے انہیں بچایا۔ صاحبہ نے ہنستے ہوئے بتایا کہ اب افضال خان مذاق میں کہتے ہیں کہ شاید انہیں انہیں بچانے پر پچھتاوا ہے۔ تابش ہاشمی کے بیان پر شرجیل میمن برہم، عمران عباس نے کھل کر حمایت کر دی شادی کے بعد تعلقات کی گہرائی پر بات کرتے ہوئے صاحبہ نے کہا کہ شادی کے بعد رشتے مزید مضبوط ہو جاتے ہیں۔ اگر وہ شادی سے پہلے ایک دوسرے کے ساتھ نہ ہوتیں تو شاید وقت کے ساتھ ایک دوسرے کو بھول سکتی تھیں، لیکن شادی کے بعد ایک دوسرے کے بغیر رہنا تقریباً ناممکن ہو جاتا ہے۔ انہوں نے کہا کہ اب تو دونوں کو موت کا خیال بھی خوف زدہ کر دیتا ہے اور وہ زندگی کو اسی زاویے سے دیکھتے ہیں۔ ان کے مطابق وہ اکثر اس موضوع پر بات کرتے ہیں۔ افضال خان کہتے ہیں کہ وہ صاحبہ کے بغیر جی سکتے ہیں، جبکہ صاحبہ کہتی ہیں کہ افضال خان ان کے بغیر تو جی لیں گے، لیکن وہ خود ایسا نہیں کر سکتیں۔ واضح رہے کہ صاحبہ نے اپنے کیریئر کا آغاز 1990 کی دہائی میں فلمی صنعت سے کیا۔ انہوں نے اپنے کوسٹار افضال خان (ریمبو) سے شادی کی، اور یہ جوڑا تقریباً تین دہائیوں سے ایک ساتھ زندگی گزار رہا ہے۔ صاحبہ کے دو بیٹے ہیں، جن میں سے ایک اب ایک معروف پاکستانی اداکار بھی بن چکا ہے۔ صاحبہ نے حال ہی میں دوبارہ ٹیلی ویژن اسکرین پر اداکاری کا آغاز کیا ہے۔
نشے کی حالت میں ڈرائیونگ
2026-01-31
بھارتی فلم انڈسٹری کے کنڑ اداکار مایور پٹیل کو بنگلورو میں نشے کی حالت میں گاڑی چلانے اور خوفناک ٹریفک حادثے کا سبب بننے پر پولیس نے گرفتار کر لیا۔ بھارتی میڈیا رپورٹس کے مطابق حادثے کے بعد پولیس نے اداکار کی فورچیونر ایس یو وی ضبط کر لی جبکہ متاثرہ ڈرائیورز کی شکایات پر باقاعدہ مقدمہ بھی درج کر لیا گیا ہے۔ رپورٹس کے مطابق یہ حادثہ منگل کی رات تقریباً 10 بجے اولڈ ایئرپورٹ روڈ پر کمانڈو اسپتال سگنل کے قریب پیش آیا، جہاں مایور پٹیل مبینہ طور پر نشے کی حالت میں اپنی گاڑی چلا رہے تھے۔ اداکار نے ٹریفک سگنل پر کھڑی ایک گاڑی کو ٹکر ماری، جس کے نتیجے میں چین ری ایکشن ہوا اور مزید چار گاڑیاں بھی حادثے کی زد میں آ گئیں۔ متاثرہ گاڑیوں میں دو سوئفٹ ڈزائر اور ایک سرکاری گاڑی شامل تھیں۔ صاحبہ افضال نے شوہر کے ساتھ اپنی محبت بھری دلچسپ یادیں شیئر کر دیں حادثے کی اطلاع ملتے ہی ٹریفک پولیس فوری طور پر موقع پر پہنچی اور اداکار کا بریتھ الائزر ٹیسٹ کیا گیا، جس کا نتیجہ مثبت آیا اور شراب نوشی کی تصدیق ہوئی۔ ایک پولیس اہلکار کے مطابق اداکار نشے کی حالت میں گاڑی چلا رہا تھا، جس کے باعث سڑک پر موجود متعدد گاڑیوں کو نقصان پہنچا۔ رپورٹ میں مزید بتایا گیا ہے کہ حادثے کے بعد مایور پٹیل نے متاثرہ گاڑیوں میں سے ایک کے مالک سے تلخ کلامی بھی کی، ہلاسورو ٹریفک پولیس اسٹیشن میں ڈرنک اینڈ ڈرائیو سمیت دیگر دفعات کے تحت مقدمہ درج کر لیا گیا ہے۔ واضح رہے کہ مایور پٹیل اداکاری کے ساتھ ساتھ پروڈکشن، ڈائریکشن، گلوکاری اور میوزک کمپوزیشن کے شعبوں میں بھی کام کر چکے ہیں۔
12 سال کی عمر میں
2026-01-30
پاکستان شوبز انڈسٹری سے وابستہ سینئر اداکارہ نوشابہ بی بی نے انکشاف کیا ہے کہ ان کی شادی صرف 12 برس کی عمر میں ہوئی اور اسی سال انہوں نے چائلڈ آرٹسٹ کے طور پر کام کرنا شروع کیا۔ حال ہی میں نوشابہ بی بی نے انٹرویو دیا جہاں میزبان کی جانب سے سوال کیا گیا کہ شوبز میں قدم رکھنے سے قبل آپ نے کوئی ملازمت کی؟ جس کے جواب میں سینئر اداکارہ نے کہا کہ وقت ہی نہیں ملا کیونکہ ان کی شادی 12 سال کی عمر میں ہوگئی تھی اور اسی سال ٹی وی میں کام کرنا شروع کردیا تھا۔ اپنی شادی سے متعلق بات کرتے ہوئے انہوں نے مزید کہا کہ میں گڑیا اور اپنی سہلیوں کے ساتھ کھیل رہی تھی، مجھے پتا چلا کہ ہمارے گھر میں کسی کی شادی ہو رہی ہے، میں بھاگتی ہوئی آئی اور مجھے پکڑ کے بٹھا دیا گیا، اور لپ اسٹک (سرخی) لگا دی گئی، میں لپ اسٹک کی خوشی میں یہ بھول ہی گئی کہ میں نے کسی اور جگہ جانا ہے، لپ اسٹک میری کمزوری ہے۔ اداکارہ نے اپنی بات کو جاری رکھتے ہوئے یہ بھی کہا کہ جب شادی ہوگئی اور سب مہمان چلے گئے تو میں نے اپنی بڑی نند سے کہا کہ اب مجھے بھی اپنے گھر بھیج دو، اس وقت میرے شوہر اور میری عمر میں 23 سال کا فرق تھا جب کہ میں 14 سال کی عمر میں ماں بنی، پہلی اولاد بیٹا تھا اور میرے 3 بیٹے اور ایک بیٹی ہے۔ نوشابہ بی بی نے مزید بتایا کہ میرے والد نے مجھے کبھی بھی شوبز میں کام کرنے کی اجازت نہیں دی کیوں کہ وہ سخت مزاج انسان تھے، جبکہ ان کے کئی شاگرد پی ٹی وی میں کام کرتے تھے، میں نے اپنی ساس سے ٹی وی میں کام کرنے کی اجازت مانگی اور میرے شوہر نے میرا ساتھ دیا جس کے بعد میں نے ایک چائلڈ آرٹسٹ کے طور پر اپنے کیرئیر کا آغاز کیا۔
میلانیا ٹرمپ کی ڈاکومنٹری
2026-01-30
امریکہ کی خاتون اول میلانیا ٹرمپ کی زندگی پر مبنی دستاویزی فلم ریلیز سے قبل ہی تنقید کی زد میں آ گئی ہے۔ رپورٹ کے مطابق فلم کے آغاز سے پہلے بڑے شہروں میں سینما گھروں میں ٹکٹوں کی فروخت نہ ہونے کی اطلاعات موصول ہو رہی ہیں، جس سے پروجیکٹ کو باکس آفس پر ناکامی کا سامنا ہے۔ تابش ہاشمی کے بیان پر شرجیل میمن برہم، ٹی وی چینل سے نوٹس لینے کا مطالبہ یہ دستاویزی فلم 75 ملین ڈالر کی لاگت سے تیار کی گئی ہے اور اس میں میلانیا ٹرمپ کی ذاتی زندگی، کاروباری سرگرمیاں، فلاحی اقدامات اور خاندان کے ساتھ تعلقات کو اجاگر کیا گیا ہے۔ فلم کے حقوق ایمیزون نے خریدے، جس کے لیے تقریباً 40 ملین ڈالر لاگت آئی، جبکہ مارکیٹنگ، پروموشن اور ڈسٹری بیوشن پر مزید 35 ملین ڈالر خرچ کیے گئے۔ ابتدائی رپورٹس کے مطابق نیویارک، لندن اور لاس اینجلس جیسے بڑے شہروں میں فلم کی ابتدائی ریلیز کے دوران سینما ہالز تقریباً خالی رہے۔ سوشل میڈیا پر خالی سینما گھروں کی تصاویر وائرل ہو رہی ہیں، اور ناظرین نے اس فلم کو باکس آفس پر ناکام قرار دیا ہے۔ مریم نواز کے ساتھ تصویر نہ ہونے پر سوشل میڈیا پر ہنگامہ، کیپٹن صفدر بھی بول پڑے فلم کی ٹیم کے بعض اراکین نے تنقید کے بعد اپنے نام اینڈ کریڈٹس سے ہٹانے کا فیصلہ کیا، جس سے پروجیکٹ کے گرد مزید بحث پیدا ہوئی ہے۔ ابتدائی ہفتے کی متوقع آمدنی صرف 1 سے 2 ملین ڈالر بتائی جا رہی ہے، جو کہ فلم کی پیداوار اور مارکیٹنگ پر ہونے والی کل لاگت کے مقابلے میں بہت کم ہے۔ میلانیا ٹرمپ نے خود اس دستاویزی فلم میں اپنے کردار کی عکاسی کی ہے اور رپورٹس کے مطابق انہیں اس کے لیے تقریباً 28 ملین ڈالر معاوضہ دیا گیا ہے۔ تاہم، ابتدائی ناکامی نے نہ صرف باکس آفس کے اہداف کو متاثر کیا ہے بلکہ سوشل میڈیا اور فلمی مبصرین کے سخت تنقیدی جائزے بھی سامنے آئے ہیں۔
معروف ٹک ٹاکر اسٹار شیرلے
2026-01-30
لاس اینجلس: سوشل میڈیا اسٹار اور غیر منافع بخش تنظیم بیوٹی ٹو دی اسٹریٹز کی بانی شیرلے رینز 58 برس کی عمر میں انتقال کر گئی ہیں۔ غیر ملکی خبر رساں ایجنسی کے مطابق شیرلے رینز جنہیں ٹک ٹاک پر 50 لاکھ سے زائد فالوورز “مس شیرلے” کے نام سے جانتے تھے۔ شیرلے رینز کیلیفورنیا اور نیواڈا کے مختلف شہروں میں بالخصوص لاس اینجلس کے اسکڈ رو علاقے میں بے گھروں کو کھانا، بیوٹی ٹریٹمنٹس اور حفظان صحت کا سامان فراہم کرتی تھیں۔ شیرلے رینز نے اپنی ذاتی زندگی کے ایک بڑے صدمے کو سماجی خدمت میں بدل دیا۔ ان کا ایک بیٹا بچپن میں انتقال کر گیا تھا۔ جس کے بعد انہوں نے 2017 میں بے گھروں کی مدد کا مشن شروع کیا۔ وہ اپنے کلائنٹس سے احترام اور محبت کے ساتھ پیش آتیں اور انہیں ’کنگ‘ اور ’کوئین‘ کہہ کر مخاطب کرتی تھیں۔ جس سے ان میں خود اعتمادی اور وقار کا احساس پیدا ہوتا تھا۔ لاس اینجلس میں بے گھری ایک سنگین مسئلہ ہے۔ جہاں 2025 کے سروے کے مطابق ہر رات تقریباً 72 ہزار افراد بے گھر ہوتے ہیں۔ شیرلے رینز نے نہ صرف ضرورت مندوں کی فوری مدد کی بلکہ انہیں روزگار کے مواقع بھی فراہم کیے تاکہ وہ خود مختار اور باعزت زندگی گزار سکیں۔ شیرلے رینز کو ان کی سماجی خدمات کے اعتراف میں 2025 میں این اے اے سی پی امیج ایوارڈ برائے شاندار سوشل میڈیا پرسنالٹی سے نوازا گیا تھا۔ ان کے انتقال پر سوشل میڈیا پر مختلف شخصیات اور صارفین نے گہرے رنج و غم کا اظہار کرتے ہوئے انہیں ’’محبت کی عملی تصویر‘‘ قرار دیا۔ شیرلے رینز کے 6 بچے ہیں۔ جن میں ایک بیٹا بچپن میں انتقال کر گیا تھا۔ ان کی موت کی وجہ تاحال سامنے نہیں آ سکی۔
بھارتیوں سے عزت کی توقع نہیں
2026-01-30
معروف پاکستانی اداکار اور کامیڈین احمد علی بٹ نے مشہور بھارتی شاعر اور نغمہ نگار جاوید اختر پر سخت تنقید کرتے ہوئے کہا ہے کہ کچھ بھارتی فنکاروں کی جانب سے احترام کا بدلہ نہیں ملتا، جس پر وہ سوال اٹھا رہے ہیں۔ احمد علی بٹ نے اپنے یوٹیوب پوڈکاسٹ میں گفتگو کرتے ہوئے کہا کہ جاوید اختر ان بھارتی فنکاروں میں شامل ہیں جنہوں نے اپنی فنکارانہ قدر و منزلت کھو دی ہے، اب وہ فن کی خدمت کے بجائے فن پر داغ بن چکے ہیں۔ تابش ہاشمی کے بیان پر شرجیل میمن برہم، ٹی وی چینل سے نوٹس لینے کا مطالبہ انہوں نے یاد دلایا کہ جاوید اختر گزشتہ سال پاکستان آئے تھے، جہاں انہیں بھرپور عزت اور احترام سے استقبال کیا گیا، لیکن بٹ کے مطابق اختر نے بعد میں پاکستان کے خلاف بیان دیا۔ احمد علی بٹ نے کہا کہ میں نے محسوس کیا ہے کہ کچھ بھارتی فنکاروں سے عزت کی توقع کرنا بے معنی ہے، اور وہ ہماری عزت کے مستحق بھی نہیں ہیں۔ مریم نواز کا نوجوانوں کو 3 لاکھ تک بلاسود قرض فراہم کرنے کا اعلان احمد علی نے مزید کہا کہ اگرچہ وہ خود ایک پرسکون شخصیت رکھتے ہیں، لیکن جب کسی کو اتنی عزت دی جائے اور اس کے بدلے میں بے احترامی یا منفی ردعمل ملے، تو تنقید یا ٹرولنگ ہونا فطری امر ہے۔
